One 2 One

Mongolian - монгол

ЗӨВ ЭХЛЭЛ

1974 оноос 1979 онд Пресбитериан залуучуудын цуглааны залуу пастор Рон, миний төрсөн нутаг Миссисипи, Жэксон дахь арван жилийн сургуульд гүйж орж ирэн сонссон, сонсоогүй бүгдэд нэгээс нөгөө рүү зоригтойгоор Сайн мэдээ ярьдаг байсан. Энэ жилүүдийн турш тоолж барамгүй өсвөр насны хүүхдүүд анх удаагаа Бурханы авралын төлөвлөгөөг сонсоод хүлээн авсан. Зуу зуугаараа аврагдав. Олох нь Эзэнд бүтэн цагаар үйлчилж сүм тарилт, залуучуудын үйлчлэл хийж, пасторууд, илгээлтийн эзэд болсон. Би 70-аад оны үед Роноор дамжуулан анх удаа сайн мэдээ сонссон хүмүүсийн нэг нь билээ. Гэсэн хэдий ч Рон болон сайн мэдээнд өгсөн миний анхны хариулт бол гэмших биш харин зугтах байсан. Би Роноос, түүний дагалдуулалтаас мөн Бурханаас зугтсан. Би 6 сар орчим Роноос чадлаараа бултаж зугтсан. Түүний хаа сайгүй харагдах нь надад хэцүү байдаг байсан. Тэр хөл бөмбөг, гар бөмбөгийн тоглолт бүр дээр байж байдаг. Тэр сургуулийн заал, хоолны өрөө, машины зогсоол гэх мэт газруудад байнга л байна. Тэр болон түүний дагалдуулалтын групп үргэлж намайг өөр өөр Библи судлалын цагт, залбирлын уулзалт, залуучуудын орой, цуглаан ба гадагшаа явах нөхөрлөлд урина. Эцэст нь 1975 оны 11 сард сайн мэдээнд би хариулт өгсөн. Би гэмшсэн ба итгэлээ ганцхан Христэд өгсөн. Харамсалтай нь, ингээд дууссангүй. Рон хэн нэгэн аврагдахад сэтгэл ханаад зосдоггүй байв. Тэр сүнсийг аврагч биш ч, харин тэр дагалдагч бэлтгэхийн тулд түүний надтай ажиллах ажил нь дөнгөж эхэлж байв. Тэр намайг өөрийн дуртай, их хөдөлгөөнтэй групптээ оруулсан ба бид наймуулаа 7 хоног бүр уулзаж, Бурхантай хамт алхахыг суралцдаг байв. Би “ONE 2 ONE” хувьчлан сайн мэдээ тараах, хувьчлан эргэн холбогдох (follow-up), хувьчлан дагалдуулалтанд итгэдэг. Тийм учраас Рон надад сайн мэдээ хуваалцсан. Би хариулаагүй (итгээгүй). Би үл тоон зугтсан. Харин Рон миний хойноос цуцалтгүй явсан. Зургаан сарын турш надад номлосон мөн миний төлөө залбирсан. Тэр ухарч, буцаагүй. Энэ бол “ONE 2 ONE” хувчлан дагалдуудалт юм. Би сайн мэдээнд хариулт өгсний дараа Рон намайг жижиг группээр дагалдуулж эхэлсэн. Тэр надад хэрхэн Библи судлах болон Үгийн дагуу амьдрахыг, хэрхэн залбирахыг, хэрхэн өөрийн итгэлээ хуваалцахыг мөн хэрхэн дагалдагч бэлтгэхийг заасан. Энэ нь “ONE 2 ONE” буюу хувьчлан дагалдуулалт юм. Хувьчлан эргэн холбогдох ба дагалдуулалт бол өөрөө Агуу Захирамж юм. Энэ жижиг ном бол бүхэлдээ үүний л тухай. ONE 2 ONE ном нь хувьчлан эргэн холбогдох ба дагалдуулалтанд туслах энгийн багаж ба гарын авлага юм. Энэ ном дагалдагч бэлдэхгүй харин дагалдагч бэлтгэхэд тань туслах болно. Шинэ дагалдагч бэлтгэхийн чухал нь зөв эхлэл юм. Steve Murrell Manila, Philippines, 1996

ЭХЛЭЦГЭЭЕ

Есүс тэдэнд “Намайг дага. Би та нарыг хүмүүсийн загасчид болгоё гэж айлдав.” МАРК 1:17 STOP буюу ЗОГС.Дараах таван алхам нь таны Христийг дагах зөв эхлэлийн суурь болж өгнө. Өөртөө болон өөрийнхөө бүхий л сайн үйлсэд найдалгүй зөвхөн Есүс Христийн нигүүлслээс ирэх авралд итгэх. 8Учир нь нигүүлслээр та нар итгэлээрээ аврагдсан юм. Энэ нь та нараас биш харин Бурханы бэлэг бөгөөд 9үйлсээр биш аж. Тиймээс хэн ч өөрөөрөө сайрхахгүй болно. ЕФЕС 2:8,9 TURN буюу ЭРГЭХ. Библи дээр гэм гэж хэлэгдсэн бүхнээс эргэх. 19Хэдий тийм боловч Бурханы бат суурь нь хэвээрээ байна. Энэ нь “Эзэн Өөрийн хүмүүсийг таньдаг”, “Эзэний нэрийг нэрлэгч хүн бүр бузар муу явдлаас хол байгтун” гэсэн тамгатай. 2 ТИМОТ 2:19 ATTEND буюу ХАМРАГДАХ. Долоо хоног бүрийн хүндэтгэлийн цуглаан, жижиг бүлэг болон хувьчлан дагалдагч бэлтгэх цагт тогтмол хамрагдах. 24Бие биеэ хайр болон сайн үйлсэд хөхүүлэн урамшуулахад анхааръя. 25Ингэхдээ зарим хүмүүсийн зуршил болсон шиг хамтран цуглахаа болилгүй, харин нөгөө өдөр ойртож буйг харах тусам бие биеэ зоригжуулъя. ЕВРЕЙ 10:24,25 READ & OBEY буюу УНШИХ ба ДАГАХ. Өдөр бүр Библиэ уншаад дагах. 8Хуулийн энэ номыг амнаасаа салгалгүй, харин түүн дотор бичигдсэн бүхнийг сахин биелүүлэхээр өдөр шөнөгүй түүнийг бясалгаж яв. Тэгвэл чи хөгжин дэвжиж, амжилтад хүрэх болно. ИОШУА 1:8 TELL буюу ХЭЛЭХ. Христийг дагахаар гаргасан шийдвэрийнхээ тухай бусдад хэлэх. 19Есүс зөвшөөрсөнгүй, харин түүнд “Гэртээ, өөрийнхөн дээрээ оч. Эзэн чамд ямар агуу зүйлс хийж, чамд хэрхэн өршөөлөө үзүүлснийг тэдэнд мэдэгд гэв. “20Тэр явж, Есүс өөрийнх нь төлөө ямар агуу зүйлс хийж өгснийг Декаполис хэмээх газарт зарлаж эхлэв. Хүн бүр гайхацгааж байлаа. МАРК 5:19,20

АВРАЛ

Шинэ Эхлэл 17Тиймээс хэрэв хэн нэгэн хүн Христ дотор байвал тэр хүн шинэ бүтээл мөн. Хуучин юмс нь өнгөрчээ. Харагтун, шинэ болсон байна. 2 КОРИНТ 5:17 Шинэ бүтээл. Шинэ эхлэл. Хүн бүхэн аливаа зүйлийг эхнээс нь эхлэхийг хүсдэг, энэ нь сайн хэрэг. Гэхдээ бид яагаад дахиад эхлэх ёстой вэ гэдгээ ойлгох хэрэгтэй. Бид яагаад шинэ бүтээл болох хэрэгтэй вэ? Бидэнд яагаад аврал хэрэгтэй вэ? АСУУДАЛ: Гэмээс үүдсэн Тусгаарлалт Бурхан хүн хоёрын хооронд хэмжээлшгүй их тусгаарлалт байдаг. Энэхүү мөнхийн тусгаарлалт бол гэм нүгэл юм. Бурхан танаас алс хол мэт санагдаж байсан уу? Энэ нь хүмүүс бидэнд түгээмэл тохиолддог. Энэ тусгаарлалтыг мэдэрсэн ихэнх хүмүүс хэрвээ бид шаргуу бясалгаж, шашны тухай илүү ихийг сурах, эсвэл ямар нэгэн шашины газар хөл тавьбал Бурханд улам ойртох мэт боддог. Гэтэл бидний Бурханаас тусгаарлагдсан байдал нь бие мах бодийн болон оюун ухааны зүйл биш тул бясалгал ч, мэдлэг ч биднийг Түүнтэй ойр болгож чадахгүй. Хүн ба Бурханы хоорондох тусгаарлалтын шалтгаан чухам юунд байна вэ? 1Үзэгтүн, ЭЗЭНий мутар аварч чадахааргүй богино биш ээ. Түүний чих сонсож чадахааргүй дүлий биш ээ.2 Харин та нарын гэм буруу нь та нарыг Бурханаас хагацуулан,та нарын нүглүүд Бурханы нүүрийг та нараас далдалжээ. Тийм учраас Тэр сонсдоггүй. ИCAИA 59:1,2 Бурхан хүн хоёрын хоорон дахь тусгаарлалт бол ёс суртахууны тусгаарлалт юм. Бурхан ариун, хүн ариун биш. Бурхан сайн, хүн сайн биш. Бурхан шударга, хүн шударга биш. Бүх хүн гэмтэй учраас бүгд Бурханаас мөнхөд тусгаарлагдсан. Хүн бүр гэмийнхээ үр дагавараас болоод зовлон эдлэх болсон ба энэ нь мөнхийн үхэл юм. 23. . . Бүгд нүгэл үйлдсэнээр Бурханы алдарт хүрдэггүй,. . . РОМ 3:23 23Учир нь нүглийн хөлс бол үхэл, харин Бурханы бэлэг бол бидний Эзэн Христ Есүс доторх мөнх амь мөн. РОМ 6:23 ШИЙДЭЛ: Бурханы Золиос ба Орлуулалт Бурханы шударга байдал нь хүний гэм нүглийн төлөө золиосыг шаарддаг. Тиймээс Есүс Христ золиос болсон ба загалмай дээр бидний гэм нүглийн шийтгэлийг төлсөн. Бурхан ариун, зөвт, шударга учраас гэм нүглийг шийтгэлгүйгээр орхидоггүй. Тэрээр мөн энэрэн хайрладаг учраас бүх хүн төрөлхтнийг өөрөөсөө мөнхөд тусгаарлахыг хүсээгүй. Иймээс энэ асуудлын төлөөх Бурханы тэнгэрлэг шийдэл бол Өөрийн цорын ганц Хүү Есүсийг гэм нүглийн золиос болгосон явдал юм. 26Тийм бишсэн бол, Тэр ертөнцийн сууриас хойш үргэлж зовох хэрэгтэй болно. Харин эдүгээ, үеийн төгсгөлд Өөрийгөө тахил болгон нүглийг зайлуулахын тулд Тэр нэг удаа үзэгдсэн юм. 27 Нэг удаа үхэх нь хүмүүст тогтоогдсон. Үүний дараа шүүгдэхийн адил, 28 тийнхүү Христ мөн олны нүглүүдийг үүрэхийн тулд нэг удаа өргөгдсөн бөгөөд хоёр дахиа үзэгдэхдээ нүглийн талаар бус, харин Өөрийг нь тэсэн ядан хүлээгсдийг аврах болно. ЕВРЕЙ 9:26-28 Загалмай дээр яг юу болсон бэ? Загалмай дээр Есүс бидний оронд шийтгэлийг үүрсэн. Тэр бидний гэм нүглийг Өөрийн зөвтгөлөөр сольсон. Тэр бидний хараалыг авч Өөрийн ерөөлүүдийг өгсөн. Зөвхөн Есүс л гэм нүгэлгүй учраас бидний гэмийн шийтгэлийг төлж чадах шаардлагыг хангаж чадсан бөгөөд Бурхан ба хүн хоёрын хоорондох тусгаарлалтын гүүр болж өгсөн юм. 21Тэр нүглийг үл мэдэгч Түүнийг бидний төлөө нүгэл болгосон юм. Тэгснээр бид Түүний дотор Бурханы хүртээх зөвт байдал болох юм. 2 КОРИНТ 5:21 13Христ бидний төлөө хараал болсноороо биднийг Хуулийн хараалаас зольсон юм. Учир нь “Модон дээр өлгөгдөгч хүн бүр хараагдсан юм” гэж бичигдсэн байдаг. ГАЛАТ 3:13 ҮР ДҮН: Бидний Аврал ба Эвлэрэл Есүс загалмай дээр цовдлогдсоноор бидний гэм нүгэл уучлагдаж, Бурхантай эвлэрсэн ба мөнхийн амийг хүлээн авсан. Бид бүгд ариун, зөвт шударга Бурханы эсрэг гэм үйлдсэн. Гэмийн шийтгэл нь тамд Бурханаас мөнхөд тусгаарлагдах явдал юм. Бурхан шударга ба гэмийг шийтгэх ёстой. Тэрээр мөн хайралдаг бөгөөд биднийг үүрд мөнхөд тамд байгаасай гэж хүсдэггүй. Тиймээс Өөрийн Хүү Есүс Христийг илгээж загалмай дээрхи Түүний үхлээр дамжуулан бидний гэмийн шийтгэлийг төлсөн. Есүсийн гэмгүй амьдралаас болоод, Түүнийг үхэлч дийлж чадаагүй. Тэр үхлээс гурав хоногийн дотор амилуулагдсан. Христ дотор бидний гэм нүгэл уучлагдаж бид мөнх амьтай болдог. Бид Түүн дотор сэргээгдэж, Бурханы өмнө зөвтгөгдөн, Түүний хүүхдүүд болж шинэ амьдралыг хүлээн авдаг. 16Бурхан ертөнцийг үнэхээр хайрласан тул цорын ганц Хүүгээ өгсөн. Ингэснээр Хүүд итгэгч хэн ч мөхөхгүй, харин мөнх амьтай болох юм. ИОХАН 3:16 7Түүний нигүүлслийн баялгийн дагуу Түүний дотор цусаар нь золилт, гэм нүглийн маань төлөөх уучлал бидэнд байдаг. ЕФЕС 1:7 13Харин урьд нь алс хол байсан та нар эдүгээ Христ Есүс дотор Христийн цусаар ойр болов. ХАРИУЛТ: ЕФЕС 2:13 Бурханы Бэлгийг Итгэлээр Хүлээн авах Бид өөртөө итгэхээ зогсоож харин Христ бидний төлөө хийсэн зүйлд итгэх үед авралыг хүлээн авдаг. Бидний аврал бол Бурханы нигүүлслийн үр дүн юм. Энэ нь Христ бидний төлөө загалмай дээр юу хийсэнд үндэслэгдэнэ. Харин бид Түүний төлөө хийх зүйлстэй огтхон ч холбоогүй юм. Бид өөрсдийгөө аварч чадахгүй ба сайн үйлсээрээ ч Бурханаас сайшаалыг авч чадахгүй. Бид авралынхаа төлөө бидэнд Аврагч хэрэгтэй гэдгийг ухаарч, гэмээсээ эргэн зөвхөн Есүс Христэд итгэлээ өгч, Түүнийг Аврагч ба Эзэнээрээ хүлээн авах үед Бурханы нигүүлслээр аврагддаг. 9Хэрэв та Есүсийг Эзэн гэж амаараа хүлээн зөвшөөрч, Бурхан Түүнийг үхэгсдээс амилуулсан гэдэгт зүрхэндээ итгэвэл, аврагдах болно. 10Хүн зүрхэндээ итгэн зөвт байдалд хүрч, амаараа хүлээн зөвшөөрөн авралд хүрнэ. РОМ 10:9,10 8Учир нь нигүүлслээр та нар итгэлээрээ аврагдсан юм. Энэ нь та нараас биш харин Бурханы бэлэг бөгөөд 9үйлсээр биш аж. Тиймээс хэн ч өөрөөрөө сайрхахгүй болно. ЕФЕС 2:8,9 Хувийн хэрэгжүүлэлт Та өөртөө итгэхээ зогсоож, авралынхаа төлөө зөвхөн Христэд итгэж эхэлсэн үү? Та өөрийнхөө бүх гэм нүглээс эргэсэн үү? Та Есүсийг өөрийн амьдралын Эзэн бөгөөд Захирагч хэмээн хүлээн зөвшөөрсөн үү? Та бүх амьдралынхаа турш Түүнийг дагах ба Түүнд дуулгавартай байхыг хүсэж байна уу? АВРАЛЫН ЗАЛБИРАЛ Тэнгэрлэг Бурхан Аав минь , Бидний хоорондын тусгаарлалт миний гэмээс болсон гэдгийг ойлгож байна. Би гэм хийснээс болоод Таны Агуу Алдарт хүрч чадахгүй болсон гэдгээ хүлээн зөвшөөрч байна. Та миний гэмийн шийтгэлийг төлөхөөр Хүү Есүсээ илгээсэнд баярлалаа. Тэр миний төлөө загалмай дээр үхсэн гэдэгт би итгэж байна. Та Түүнийг үхлээс амилуулсан гэдэгт ч би итгэж байна. Би гэм нүглийнхээ төлөө харамсан гашуудаж байна. Та намайг уучлан, цэвэрлээч. Таны Үг Библид гэм гэж хэлэгдсэн бүхнээс би эргэхийг хүсч байна. Есүсийг миний Эзэн, Захирагч мөн Аврагч хэмээн хүлээн авч байна. Амьдралынхаа эцэс хүртэл Таныг дагаж, хайрлаж, үйлчлэхэд туслаач. . . Амэн! ШИНЭ АМЬДРАЛ Хэрэв та чин сэтгэлээсээ залбирсан бол таны хуучин амьдрал дуусч, шинэ амьдрал ирэх болно гэдгийг Библи бидэнд амласан. Дараагийн зургаан хичээлээр таны амьдралд ирэх зарим шинэ зүйлсийг танилцуулах болно.

ЭЗЭНЛЭГ БАЙДАЛ

Шинэ Захирагч 36Тиймээс Бурхан та нарын цовдолсон тэр Есүсийг Эзэн, бас Христ болгосныг Израилийн айл бүхэн баттай мэдэгтүн гэв. ҮЙЛС 2:36 Эзэнлэг байдал бол Библийн гол сургаалуудын нэг юм. Үйлс номонд Есүсийг 100 удаа, Шинэ гэрээнд 622 удаа Эзэн хэмээн хэлсэн байдаг бол Үйлс номонд зөвхөн 2 удаа, Шинэ гэрээнд 24 удаа Аврагч гэсэн байдаг. Библи Эзэнлэг байдлыг илүү онцолж өгүүлсэн байна. Эзэн гэдэг бол захирагч гэсэн утгатай бөгөөд тушаалыг өгдөг, шийдвэрийг гаргадаг нэгэн юм. ЭЗЭНЛЭГ БАЙДАЛ БА АВРАЛ Авралын эхлэл цэг бол Христийн Эзэнлэг байдлыг хүлээн зөвшөөрөх явдал юм. Есүсийг Эзэнээр хүлээн зөвшөөрнө гэдэг нь амьдралынхаа бүхий л хэсэгт Түүний Эзэнлэг байдалд захирагдахыг хэлнэ. Есүсийг Эзэн биш, зөвхөн Аврагч хэмээн хүлээн авах сонголт бидэнд байхгүй. 9Хэрэв та Есүсийг Эзэн гэж амаараа хүлээн зөвшөөрч, Бурхан Түүнийг үхэгсдээс амилуулсан гэдэгт зүрхэндээ итгэвэл, аврагдах болно. РОМ 10:9 ЭЗЭНЛЭГ БАЙДАЛ ДУУЛГАВАРТАЙ БАЙДЛЫГ ШААРДДАГ Христийг өөрийн Эзэн гэж хүлээн авсан хүн бүр Түүний хэлсэн бүхнийг дагах хэрэгтэй. Оюун санааны итгэл, хоосон наминчлал хангалттай биш. Хэрэв Христ миний Эзэн хэмээн хүлээн зөвшөөрч байгаа бол амьдралынхаа хэв маягаар харуулах ёстой. 46Та нар Намайг “Эзэн, Эзэн” гэж дууддаг хэрнээ юунд Миний айлдсаныг хийдэггүй юм бэ? ЛУК 6:46 21Намайг “Эзэн минь, Эзэн минь” гэсэн болгон тэнгэрийн хаанчлалд орохгүй. Харин тэнгэрт байгаа Миний Эцэгийн хүслийг биелүүлдэг хүн орно. МАТАЙ 7:21 ЭЗЭНЛЭГ БАЙДАЛ ЗҮРХЭНД ЭХЭЛДЭГ Христ бол Эзэн хэмээн захирагдах нь шашны дүрэм журам, уламжлалыг дагах тухай биш юм. Харин Эзэнлэг байдал бол зүрх сэтгэлээс хамааралтай. Эзэнлэг байдал нь дотоод зүрх сэтгэлээсээ захирагдсанаар эхэлнэ. Хэрэв үнэн сэтгэлээсээ ийнхүү хандвал гадаад байдалд дуулгавартай байдлаар илрэн гардаг. 15Хэрэв та нар сайны төлөө хичээн зүтгэх аваас хэн та нарт хор учруулах юм бэ? ПЕТР 3:15 ЭЗЭНЛЭГ БАЙДАЛ НЬ ҮРГЭЛЖИЛ- СЭН АЛХАА Есүс бол Эзэн гэдгийг олж мэдсэнээр бидний Христ итгэлт амьдрал эхэлдэг. Бид амьдралынхаа эцсийн мөч хүртэл Түүний Эзэнлэг байдал дор үргэлжлүүлэн алхах хэрэгтэй. Эзэнлэг байдал нь зөвхөн нэг удаа Бурханыг мэдрэх бус, харин бүхий л амьдралын турш Бурхантай хамт алхах алхаагаа хөгжүүлэх явдал юм. Бид Түүнийг илүү их мэдэх тусам Түүнд улам илүү захирагддаг. 6Тиймээс та нар Эзэн Христ Есүсийг хүлээн авсан шигээ Түүн дотор алхахдаа, . . . КОЛОССАЙ 2:6 Хувийн хэрэгжүүлэлт Таны амьдралд Есүс Христийн Эзэнлэг байдалд хараахан захирагдаагүй хэсэг байна уу? Таны харилцаанууд Эзэнлэг байдал дор байна уу? Таны санхүү Эзэнлэг байдал дор байна уу? Таны цаг ашиглалт Эзэнлэг байдалд захирагдаж байна уу?

ГЭМШИЛ

Шинэ Чиглэл 38Петр тэдэнд -Гэмшигтүн, хүн бүр өөрсдийн нүглийн уучлалын төлөө Есүс Христийн нэрээр баптисм хүртэцгээ. Та нар ч Ариун Сүнсний бэлгийг авах болно. ҮЙЛС 2:38 Машин жолоодож байхдаа замын эсрэг урсгалд орох нь аюултай ба тэнэг хэрэг юм. Зарим хүмүүс үл тоомсорлон зарим нь гөжүүдлэн эсрэг урсгалаар явдаг. Энэ нь бидний итгэлийн амьдралтай адилхан. Үл тоосон ч бай гөжүүдэлсэн ч бай бүгд л Бурханаас өөрийгөө мөнхөд тусгаарлах аюултай замаар явж байгаа хэрэг. Бид гэмээсээ эргэж (гэмших) Христийг дагаж эхлэхээс нааш хийх алхам бүр маань буруу чиглэлийнх байдаг. Ийнхүү Бурханаас алхам алхмаар холдсоор байдаг. ГЭМШИЛ, УЙ ГАШУУ БА ҮР ЖИМС Жинхэнэ гэмшил нь бид хийсэн гэм нүгэлдээ чин үнэнээсээ гашуудаж байгаагаас эхэлдэг. Бурханлаг гашуудал нь ямарч шалтаг тавьдаггүй мөн өөрийн хийсэн гэмдээ бүрэн хариуцлага хүлээдэг ба хүмүүст, нийгэмд, аливаа нөхцөл байдалд бурууг тохдоггүй. Энэ нь бидний гэм үндсээрээ Бурханы эсрэг гэдгийг ойлгуулдаг. Бурханлаг гашуудал жинхэнэ гэмшлийг ба өөрчлөгдсөн амьдралыг бий болгодог. 10Бурханы хүслийн дагуух гашуудал нь үл харамсах гэмшлийг бий болгон авралд хүргэдэг аж. Харин ертөнцийн гашуудал нь үхлийг бий болгодог. 2 КОРИНТ 7:10 5Би нүглээ Танд хүлээн хэлсэн бөгөөд Гэм нүглээ би нуугаагүй.”Би ЭЗЭНд алдаа зөрчлөө хүлээнэ” гэж би хэлэв.Тэгээд Та миний нүглийн бурууг уучилсан билээ. ДУУЛАЛ 32:5 Харин дэлхийлэг гашуудал нь шалтгуудыг бий болгодог. Бурханлаг гашуудал нь ариун Бурханыг гомдоосноо ойлгон зүрх сэтгэлээсээ шимширэн харамсахыг хэлдэг бол дэлхийлэг гашуудал нь гэм хийгээд баригдсандаа эсвэл гэмийнхээ үр дагаврыг амсах болсондоо харамсахыг хэлдэг. Бурханлаг болон дэлхийлэг гашуудлын хоорондох гол ялгаа бол үр жимс. Дэлхийлэг гашуудал нь хэзээ ч өөрчлөгдсөн амьдралын үр жимсийг гаргадаггүй зөвхөн сүнслэг үхлийг авчирдаг. 20. . . ”Та нар гэмшиж, Бурхан уруу эргэн, гэмшилд дүйцэх үйлс бүтээгтүн” ҮЙЛС 26:20 8Тийм бөгөөс гэмшилд зохистой үр жимс гарга. МАТАЙ 3:8 ГЭМШИЛ БА УУЧЛАЛ Лук 15:11-24 дээрх үрлэгэн хүүгийн сургаалт зүйрлэл бол жинхэнэ гэмшлийн тод жишээ юм. Дур зоргоороо явагч хүү мунхаг байдлаа ухаарч эцэгтээ эргэн ирдэг. Тэр өөрийн хуучин гэмт амьдралаас 180 хэм эргэсэн. Эцэг нь түүнийг уучилсан ба хүлээн авсан. Үүний адил бидний Тэнгэрлэг Бурхан Аав биднийг гэм нүглээ гэмшин Түүн рүү эргэх үед итгэмжтэйгээр уучилдаг. 19Иймээс гэмшицгээ. Нүглүүдээсээ салахын тулд эргэцгээ. Тэгвэл сэргээх цаг Эзэний оршихуйгаас ирэх бөгөөд 20та нарын төлөө томилогдсон Христ болох Есүсийг Тэр илгээх болно. ҮЙЛС 3:19,20 Та цамцан дээрээ арилгаж болохооргүй толботой байж үзсэн үү? Төсөөлөөд үздээ таны цамцан дээрхи толбыг арилгаад зогсохгүй, шинэ болгох цэвэрлэгч бодис байна гээд. Бид гэмшиж, Есүсийг Аврагч ба Эзэнээрээ хүлээн авах үед бидэнд яг ийм зүйл болдог. Тэр бидний зүрх сэтгэлээс гэмийн толбыг арилгаад зогсохгүй шинэ зүрхийг бидэнд өгдөг. 9Хэрэв бид нүглээ хүлээн зөвшөөрвөл Тэрээр итгэмжит, зөвт бөгөөд бидний нүглийг уучилж, бүх л зөвт бус байдлаас биднийг цэвэрлэнэ. 1 ИОХАН 1 9 БУСДЫГ УУЧЛАХЫН ЧУХАЛ НЬ Бид Бурханаас уучлалыг хүлээж авсан шиг, бидний эсрэг гэм хийсэн хүмүүсийг уучлахыг Бурхан тушаасан. 21Дараа нь Петр ирж Түүнд -Эзэн, ах дүү маань миний эсрэг нүгэл үйлдэхэд би хэдэн удаа түүнийг уучлах вэ? Долоон удаа юу? гэхэд нь 22 Есүс айлдсан нь -Би чамд долоон удаа гэж хэлэхгүй. Харин дал дахин долоон удаа гэж хэлье. МАТАЙ 18:21,22 Хэрэв бид уучлахаас татгалзвал гашуун үндэс (хорсол) урган түүгээр бузарлагдах болно гэж Библид хэлсэн. 15Хэн чинь ч Бурханы нигүүлслээс салахгүйн тулд болон ямар ч гашуун үндэс урган хор учруулан, түүгээр олон хүн бузарлагдахгүйн тулд сэрэмжил. ЕВРЕЙ12:15 ХАРАМСАХГҮЙГЭЭР Гэмшил гэдэг нь гэм нүглээс нүүр буруулан Бурхан руу эргэхийг хэлнэ. Энэ нь бид өөрсдийн сайн үйлс ба шашинлаг зан үйлд итгэхээ зогсоож зөвхөн Христэд итгэж эхлэх явдал юм. Бид замын эсрэг урсгалаар явж байсан бол одоо зөв явж байна гэсэн үг. Бид Бурханаас зугтаж байсан бол одоо Түүнтэй хамт алхаж байна. Гэмшил бол шинэ амьдралын эхлэлийн цэг юм. Гэмшсэнээр өөрт төвтэй амьдралаас татгалзан бидний амьдралын төлөөх Бурханы агуу зорилготой нэгддэг. Бурхан руу эргэнэ гэдэг нь харамсахгүйгээр, эргэж харахгүйгээр явахыг хэлнэ. 10Бурханы хүслийн дагуух гашуудал нь үл харамсах гэмшлийг бий болгон авралд хүргэдэг аж. Харин ертөнцийн гашуудал нь үхлийг бий болгодог. 2 КОРИНТ 7:10 Хувийн хэрэгжүүлэлт Таны амьдрал шинэ чиглэлээр явж байна уу? Таны амьдралд одоо ч зөрчилдсөөр байгаа гэмтэй хэсэг байна уу? Танд залбирал хэрэгтэй уруу таталт болон сул талууд байна уу? Та нүүр буруулан эргэсэн боловч буруутгал мэдэрсээр байдаг гэмүүд байна уу?

БАПТИСМ

Шинэ Амьдрал 38Петр тэдэнд -Гэмшигтүн, хүн бүр өөрсдийн нүглийн уучлалын төлөө Есүс Христийн нэрээр баптисм хүртэцгээ. Та нар ч Ариун Сүнсний бэлгийг авах болно. . . .41Ийнхүү түүний үгийг хүлээн авсан хүмүүс баптисм хүртэцгээв. Тэр өдөр гурван мянга орчим хүн нэмэгджээ. ҮЙЛС 2:38,41 Петрийн тунхаглалыг сонссон хүмүүс түүнээс үүний хариуд бид юу хийх вэ гэхэд, тэр тэдэнд гурван хийх зүйлийг хэлсэн ба гэмш, баптисм хүрт, Ариун Cүнсний бэлэг авьяасыг хүлээн ав гэв. Тэр өдөр мянга мянган хүмүүс хариулт өгч итгэгчдийн нөхөрлөлд нэгдсэн. Библийн зарчмын дагуу баптисм хүртсэн хүн бүр итгэгчдийн нөхөрлөлд нэгддэг. Баптисм хүртсэн дагалдагч бүр орон нутгийнхаа итгэгчдийн нөхөрлөл ба чуулганы идэвхитэй гишүүн нь болдог. УСАН БАПТИСМ Усан баптисмаар Христ загалмай дээр бидний төлөө юу хийснийг нийтэд таниулдаг. Энэ нь авралд нөлөөлөхгүй боловч сайн мэдээнд итгэж, Бурхан руу эргэсний дараах дуулгавартай байдал ба итгэлийн үйлдэл юм. Библи бидэнд усан баптисмын талаар ойлгуулахын тулд зарим жишээ хэлсэн. Эдгээрийн нэг нь оршуулга ба амилалт юм. Паул Христ итгэлт баптисмыг оршуулгатай зүйрлэсэн. Оршуулахын өмнө хүн үхсэн байх ёстой. Үүний адил баптисм хүртэхийн өмнө бид өөрсдийн гэм нүглээ үхүүлэх хэрэгтэй. Бид баптисмаар оршуулагдсаны дараа шинэ амьдрал руу амилдаг. 1Тэгвэл бид юу гэж хэлэх вэ? Нигүүлсэл нь ихсэхийн тулд бид нүгэл дотор байсаар байх уу? 2Бүү ийм байх болтугай! Нүгэлд үхсэн бид, цаашид түүн дотроо хэрхэн амьдрах вэ? 3Эсвэл Христ Есүс уруу баптисм хүртсэн бид цөмөөрөө Түүний үхэл уруу баптисм хүртсэн гэдгийг та нар мэдэхгүй гэж үү? 4Тиймд Эцэгийн алдраар Христ үхэгсдээс амилуулагдсаны адил, бид мөн шинэ амийн дотор явахын тулд үхэл уруу баптисм хүртсэнээр Түүнтэй хамт оршуулагдсан юм. РОМ 6:1-4 Усан баптисмаар хуучин амьдрал дуусч, Христэд дуулгавартай шинэ амьдрал эхэлснийг гэрчилдэг. АРИУН СҮНСНИЙ БАПТИСМ Ариун Cүнсний оршихуй ба хүчгүйгээр Христ итгэлт амьдралаар амьдрах нь боломжгүй юм. Ариун Cүнс ирж биднийг бүх үнэн дотор удирдах болно гэж Есүс амалсан. 7Харин Би та нарт үнэнийг хэлж байна. Миний явах нь та нарт хэрэгтэй. Хэрэв Би явахгүй бол Туслагч та нар уруу ирэхгүй. Харин Би явбал Өөрөө Түүнийг та нар уруу илгээнэ. . . . 13Харин үнэний Сүнс болох Тэр ирэхдээ та нарыг бүх үнэн уруу удирдана. Учир нь Тэр Өөрийн санаагаар биш харин алив сонссон юмаа ярина. Ирэх зүйлийг Тэр та нарт мэдүүлнэ. ИОХАН 16:7,13 Ариун Cүнс нь бидэнд үр дүнтэй гэрчлэгч байх хүчийг (эрх мэдэл) өгдөг. Гэрчлэгч зөвхөн үнэнийг хэлээд зогсохгүй мөн үнэн дотор амьдардаг байх ёстой. Бид Түүний гэрчийн хувьд Ариун Cүнс бидэнд өөрийн хүслээр хийж болохгүй зүйлсийг сануулдаг мөн Бурханы үнэнийг зоригтой тунхаглах ба тийнхүү амьдрахад тусалдаг. 8Харин Ариун Сүнс та нар дээр ирэхэд, та нар хүчийг олж, тэгээд Иерусалим, бүх Иудей, Самари тэр байтугай энэ дэлхийн хязгаар хүртэл Намайг гэрчлэх болно гэв. ҮЙЛС 1:8 АРИУН СҮНСНИЙ БАПТИСМЫГ ХЭРХЭН ХҮЛЭЭН АВАХ Ариун Сүнсний баптисм нь зөвхөн Пентэкостын үеэд байсан хүмүүст биш харин бүх итгэгчдэд амлагдсан бэлэг юм. Петр тунхаглахдаа Ариун Сүнсний бэлэг авьяасыг бид хэрхэн хүлээж авах талаар дурьдсан. 38Петр тэдэнд-Гэмшигтүн, хүн бүр өөрсдийн нүглийн уучлалын төлөө Есүс Христийн нэрээр баптисм хүртэцгээ. Та нар ч Ариун Сүнсний бэлгийг авах болно. 39Учир нь уг амлалт нь та нар болон та нарын хүүхдүүдийнх төдийгүй бас алсад суугч бүрийнх бөгөөд манай Бурхан Эзэнээр дуудагдсан болгоных билээ гэв. ҮЙЛС 2:38,39 Ариун Сүнсний баптисмыг хүлээж авахын тулд биднийг итгэлээр гуйх ёстой гэсэн. 13Хэрэв та нар бузар атлаа хүүхдүүддээ хэрхэн сайн бэлэг өгөхөө мэддэг юм бол, тэгэх тусмаа тэнгэрлэг Эцэг тань Өөрөөс нь гуйдаг хүмүүст Ариун Сүнс өгөх нь дамжиггүй гэв. ЛУК 11:13 Шинэ Гэрээнд олон дагалдагчид Ариун Сүнсний бэлэг авьяасыг гар тавилтаар дамжуулан хүлээн авсан байдаг. 17Тэгээд тэр хоёр тэдэн дээр гараа тавихад тэд Ариун Сүнсийг хүлээн авч байлаа. ҮЙЛС 8:17 СҮНСЛЭГ БЭЛЭГ АВЬЯАС Ариун Сүнсний баптисмыг дагалдан сүнслэг бэлэг авьяасууд илрэн гардаг. Ариун Сүнсний баптисмаар илэрдэг түгээмэл бэлэг авьяасын нэг бол хэлээр ярих бэлэг авьяас гэж Библид өгүүлсэн. 4Ийнхүү тэд бүгд Ариун Сүнсээр дүүрч, мөнөөх Сүнсээр дамжуулан өгөгдсөнийг харь хэлээр ярьж эхлэв. ҮЙЛС 2:4 6Ийнхүү Паул тэдэн дээр гараа тавихад Ариун Сүнс тэдэн дээр ирж, тэд олон хэлээр ярьж, эш үзүүлжээ. ҮЙЛС 19:6 ГЭРЧЛЭХЭЭР ТОМИЛОГДСОН Есүс Ариун Сүнсээрээ биднийг дүүргэх болно гэж амласан нь бид үр дүнтэй гэрчлэгч байхын тулд юм. Ариун Сүнс биднийг явсан газар бүртээ сайн мэдээг тунхагла гэж томилсон. (хүчирхэгжүүлсэн) 8Харин Ариун Сүнс та нар дээр ирэхэд, та нар хүчийг олж, тэгээд Иерусалим, бүх Иудей, Самари тэр байтугай энэ дэлхийн хязгаар хүртэл Намайг гэрчлэх болно гэв. ҮЙЛС 1:8 Хувийн хэрэгжүүлэлт Та гэм нүглээ гэмшсэн үү? Та авралынхаа төлөө зөвхөн Христэд итгэсэн үү? Та гэмээ гэмшсэн бол усан баптисм хүртсэн үү? Та усан баптисм хүртэхийг хүсч байна уу? Та Ариун Сүнсний баптисм хүлээн авсан уу? Та хэн нэгэнтэй хамт залбирч Ариун Сүнсний баптисмыг хүлээн авахыг хүсч байна уу?

ЗОРИУЛАГДСАН ЦАГ

42Тэд байнга элч нарын сургаалыг сонсож, бас нөхөрлөж, талх хувааж, залбирцгааж байлаа. ҮЙЛС 2:42 Анхны үеийн чуулганыг эрүүл мөн хүчтэй байлгасан зүйл бол тэдний Бурханд цагаа зориулдаг байсан явдал юм. Тэд Бурхантай харилцах харилцаагаа өсгөхийн тулд, Бурханд хувьчлан цагаа зориулсанаар дэг журамтай байдалд өөрсдийгөө хөгжүүлдэг байсан. Дэг журамтай байхын хоёр амин чухал зүйл бол Бурханы Үг Библи ба залбирал юм. Библи нь санамсаргүй бичигдсэн түүх, шүлэг, захидлуудын цуглуулга биш Бурханы хүчирхэг Үг юм. Бид Бурханы Үгийг хоолноос ч илүү үнэ цэнэтэйд тооцсон Иовын жишээг дагах хэрэгтэй. 12Би Түүний уруулын тушаалаас холдоогүй. Би Түүний амнаас гардаг үгсийг өөрт минь хэрэгтэй хоолноос ч илүүгээр нандигнасан. ИОВ 23:12 Бид Христ рүү эргэхийн өмнө дэлхийн жишгээр амьдарч байсан. Харин одоо бид Библийг юунд итгэх ба хэрхэн амьдрахын эцсийн эрх мэдэл гэж хүлээн зөвшөөрч байна. Бурханы Үг бол бидний амьдралын бүх хэсэг дэх эцсийн бөгөөд хамгийн зөв стандарт юм. Бидний сүнслэг өсөлт нь Библийг хэр их мэддэгээс бус, харин хэр зэрэг амьдралдаа дагаж, хэрэгжүүлж байгаагаар хэмжигдэнэ. Байнга суралцдагч, сурсан зүйлээ хэрэгжүүлдэггүй нэгэн бол өөрийгөө хуурч байгаа хэрэг. 22Гэхдээ өөрсдийгөө хуурдаг зүгээр нэг сонсогчид биш, үгийг хэрэгжүүлэгчид бологтун. ИАКОВ 1:22 Библи бол сүнслэг өсөлтийн түлхүүр юм. Мөн Бурханы Үг нь хэрхэн уруу таталтыг ялан дийлэх, хэрхэн амжилтанд хүрэх ба бидний амьдралын төлөөх Түүний хүслийг мэдэхэд тусалдаг. 2үгийн цэвэр сүүг нялх хүүхдүүд адил хүсэн тэмүүл. Ингэснээр та нар үүгээр авралд хүртлээ өсөх юм. 3Хэрэв та нар үнэхээр Эзэний энэрлийг амссан юм бол тэг. 1 ПЕТР 2:2,3 9Залуу хүн зам мөрөө хэрхэн цэврээр хадгалах вэ? Таны үгийн дагуу сахиснаар. . . 11Таны эсрэг нүгэл хийхгүйн тулд Таны үгийг би зүрхэндээ хадгалсан. ДУУЛАЛ 119:9,11 8Хуулийн энэ номыг амнаасаа салгалгүй, харин түүн дотор бичигдсэн бүхнийг сахин биелүүлэхээр өдөр шөнөгүй түүнийг бясалгаж яв. Тэгвэл чи хөгжин дэвжиж, амжилтад хүрэх болно. ИОШУА 1:8 2Энэ үеийн явдалд бүү нийцэгтүн. Харин зүрх сэтгэлээ шинэчилснээр өөрчлөгдөж Бурханы хүсэл юу болохыг, тухайлбал сайн, тааламжит, төгс төгөлдөр хүслийг батлагтун. РОМ 12:2 Христ итгэл бол шашин биш. Энэ нь Бурхантай харилцах чухал харилцаа юм. Бүх эрүүл харилцааны суурь бол харилцан ярилцах байдаг. Харилцан яриа ба холбоотой байх тусам харилцаа сайн болдог. Бурхан бидэнтэй олон арга замаар ярьдаг ба юуны түрүүнд Өөрийн Үг Библээр дамжуулан ярьдаг. Бид Түүнтэй залбирлаар дамжуулан ярьдаг. Бид Бурханы Үгийг уншихдаа бидний амьдралын төлөөх Түүний дуу хоолойг сонсохыг суралцдаг. Харин биднийг залбирахад Тэр сонсдог. Бид Түүний Үгэнд үйлдлээр хариулдаг. Тэр бидний гуйлтанд мөн үйлдлээр хариу өгдөг. Есүс бол залбирлын хамгийн сайн үлгэр жишээ юм. Бид Түүний хувийн залбирлын амьдралаас Бурхан Эцэгтэй хэрхэн ойр дотно харилцаатай байхыг суралцаж болно. 1Нэгэн газар Түүнийг залбирч дууссаны дараа шавь нарынх нь нэг Түүнд -Эзэн, Иохан шавь нартаа хэрхэн залбирахыг заасан шиг бидэнд зааж өгөөч гэжээ. ЛУК 11:1 Есүс биднийг хоёр нүүртнүүд ба Бурханыг мэддэггүй хүмүүсийн адил бүү залбир гэсэн. 5Залбирахдаа хоёр нүүрт хүмүүс шиг байж болохгүй. Учир нь тэд хүмүүст харагдахын тулд синагогт ба гудамжны буланд зогсоод залбирах дуртай аж. Үнэнээр Би та нарт хэлье, тэд шагналаа бүрэн авсан юм. . . . 7Залбиран байхдаа харь үндэстнүүд шиг утгагүй хоосон үг бүү давт. Тэд нар олон үг хэлснийх нь төлөө Бурхан өөрсдийг нь сонсоно хэмээн боддог юм. 8Тиймээс тэдэн шиг байж болохгүй. Эцэг тань та нарт юу хэрэгтэй байгааг гуйхаас чинь өмнө мэддэг. МАТАЙ 6:5,7,8 Есүс биднийг Бурхан Эцэгт залбир гэсэн. Харин уул ус, гэгээнтнүүд, тэнгэр элч болон ээждээ бүү залбир. 6Харин чи залбирахдаа дотоод өрөөндөө орж хаалгаа хаагаад, нууцаар оршигч Эцэгтээ залбир. Нууцаар харагч Эцэг чинь чамд буцааж төлнө. МАТАЙ 6:6 5Учир нь ганц Бурхан байна. Мөн Бурхан ба хүмүүсийн хооронд ганц зууч байна. Тэр нь хүн болох Христ Есүс билээ. 1 ТИМОТ 2:5 6Есүс -Би бол зам, үнэн, амь мөн. Хэн ч Надаар дамжилгүйгээр Эцэгт хүрэхгүй. ИОХАН 14:6 Есүс дагалдагч нартаа Бурханы хүсэл биелэгдэхийн төлөө залбирахыг заасан. ( Эзэний хангамж, уучлал, уруу таталтыг ялах муу сүнсний заль мэхнээс хамгаалагдах гэх мэт) 9Тиймд ийнхүү залбир.”Тэнгэрт байгаа бидний Эцэг минь, Таны нэр ариунаар дуурсгагдаг. 10Таны хаанчлал ирэх болтугай. Хүсэл тань тэнгэрт шигээ газар дээр биелэгдэх болтугай. 11Өдөр тутмын минь талхыг энэ өдөр бидэнд өгөөч. 12Бид өртөнгүүдээ уучилсны адил бидний өрийг мөн уучлаач. 13Биднийг сорилтод бүү оруулаач, Харин бузар муугаас гэтэлгээч. [Учир нь хаанчлал, хүч чадал, алдар сүр үүрд Таных. Амен]” MATAЙ 6:9-13 Бид Бурханы Үгийг уншиж дагах ба залбирахдаа Бурханд итгэлтэй байвал Тэр бидний гуйлтанд баттай хариулдаг. Залбирал тодорхой байх тусам хариулт нь бас тодорхой байдаг. Нууц нь Түүний хүслийн дагуу залбирах. Бид Түүний Үгийг судалж мэдсэнээр Түүний хүслийг мэдэж болно. Иймээс бид Түүний Үгийн дагуу залбирвал Тэр хариулна. 14Бид Түүний хүслийн дагуу юуг ч гуйсан, Тэр биднийг сонсдог гэдэг нь Түүний өмнө бидэнд байгаа итгэл зориг юм. 15Бид юуг ч гуйсан, Тэр биднийг сонсоно гэдгийг бид мэдвэл, бид Түүнээс гуйснаа авсан болохыг мэднэ. 1 ИОХАН 5:14,15 Хувийн хэрэгжүүлэлт Танд өдөр бүр Библи унших ба залбирах тогтмол цаг бас газар байгаа юу? Та дагалдагч бэлтгэх группэт хамрагдаж байгаа юу? Таны эсрэг гэм хийсэн хүн бүрийг та уучилсан уу? Өдөр тутмын талхныхаа төлөө залбирч эхэл.

CҮМ ЧУУЛГАН

Шинэ Харилцаа Симон Петр -Та бол Христ, амьд Бурханы Хүү мөн гэв. 17Есүс түүнд хариуд нь -Бариона Симон оо, чи ерөөлтэй еэ! Учир нь үүнийг чамд мах цус нь биш, харин тэнгэр дэх Миний Эцэг илчилсэн юм. 18Би мөн чамд хэлье. Чи бол Петр. Энэ хадан дээр Би Өөрийн чуулганыг босгох бөгөөд түүнийг Үхэгсдийн орны хаалга дийлэхгүй. МАТАЙ 16:16-18 Петр Ариун Сүнсний илчлэлтээр Амьд Бурханы Хүү Есүсийн үнэн мөн чанарыг илэрхийлэн хэлсэн. Есүс энэ үнэн бол Өөрийнх нь чуулганыг барих суурь хад байх болно гэсэн. Тэр мөн Өөрийнх нь барих чуулган харанхуйн хаанчлалыг ялах, ялгуулсан чуулган байх болно гэсэн. Есүс болон Паул чуулган гэдэг үгээрээ Бурханы хүмүүсийг дүрслэн хэлсэн. Чуулган гэдэг бол шашинлаг байшин барилга биш юм. Нутгийн чуулганд хамрагдан нэг хэсэг нь байхад ач тустай дөрвөн зүйлийг доор дурьдав. НАЙЗ НӨХӨД Жинхэнэ найз. Энэ нь хүн бүхэнд хэрэгтэй. Харин цөөхөн нь л жинхэнэ найзаа олдог. Бурханы хүмүүс ба чуулганаас л жинхэнэ найзаа олж чадна. Үнэнч найзууд бол үргэлж бие биенийхээ сонирхолыг тээж явдаг. Тэд хүнд хэцүү, баяр хөөртэй аль ч үед бидэнтэй хамт байдаг. Жинхэнэ найзууд хэзээ ч биднийг Бурханаас холдуулдаггүй. Харин Бурханлаг байдал руу хөтлөн дагуулдаг. 17Анд найзууд ямар ч үед бие биеэ хайрладаг. Ах дүү нар хэцүү цагт дэм болохын төлөө төрдөг. СУРГААЛТ ҮГС 17:17 24Дэндүү олон найзтай хүн сүйрэлд өртдөг ч, Ах дүүгээс чинь ч дотно байж чадах анд нөхөр бий шүү. СУРГААЛТ ҮГС 18:24 НӨХӨРЛӨЛ Хэрэв дүрэлзэн шатаж буй галнаас нэг ширхэг нүүрсийг гаргаж авбал тэр нүүрс удалгүй унтрах болно. Харин түүнийг шатаж буй нүүрсэн дунд нь буцааж тавьбал эргээд дүрэлзэн асах болно. Христ итгэлт хүмүүсийн хувьд мөн адил. Хэрэв хэн нэгнийг итгэгч хүмүүсийн нөхөрлөлөөс нь салгавал тэр итгэлээр хөрөх болно. Харин Христэд итгэгчид нөхөрлөл дотроо байх аваас Бурханы төлөө галтай байх болно. 42Тэд байнга элч нарын сургаалыг сонсож, бас нөхөрлөж, талх хувааж, залбирцгааж байлаа. . . . 44Итгэсэн бүгд хамтаараа байцгаан, байгаа бүхнээ нийтээрээ хэрэглэж байв. 45Тэд эзэмшил, өмч хөрөнгөө худалдаж, түүнийгээ хүн бүрийн хэрэгцээг харгалзан бүгдэд түгээдэг байлаа. 46Өдөр бүр тэд нэг сэтгэлээр сүмд цуглаж, талхаа айлуудад хувааж, баяр хөөртэйгөөр, чин сэтгэлээсээ хооллоцгоон. . . ҮЙЛС 2:42,44-46 14Үл итгэгчдийн хамт нэг буулганд бүү орогтун. Зөвт байдал ба ёс бус нь яаж хамтрах билээ? Гэрэл ба харанхуйн хооронд ямар нөхөрлөл байдаг билээ? 2 КОРИНТ 6:14 ХҮНДЭТГЭЛ МАГТААЛ Бурхан чин сэтгэлээсээ хүндлэгчдийг хайж байна. Хүндэтгэл магтаал бол энгийнээр бидний Бурханд зориулсан хайр ба зориулалт юм. 23Харин үнэн мөргөгчид нь сүнсээрээ, үнэнээр Эцэгт минь мөргөх цаг ирж байгаа бөгөөд одоо ирчихээд байна. Учир нь Эцэг Өөрт нь ийнхүү мөргөгчдийг эрж байна. 24 Бурхан бол сүнс, Түүнд мөргөгчид нь сүнсээрээ, үнэнээр мөргөх ёстой гэж айлдлаа. ИОХАН 4:23,24 ДАГАЛДУУЛАЛТ Есүс Мөнхийн Улс руу одохынхоо өмнө Өөрийн дагалдагч нартаа сүүлчийн тушаал болгон “Яв дагалдагч бэлтгэ, баптисм хүртээ мөн хэрхэн Бурханы Үгийг дуулгавартай дагах ёстойг тэдэнд зааж сурга.” гэсэн. Тиймээс бид өөрсдөө эхлээд Есүсийн дагалдагч байх ба мөн бусдад хэрхэн Түүнийг дагахыг заах ёстой. 19 Иймээс явж, бүх үндэстнийг дагалдагч болгогтун. Эцэг, Хүү, Ариун Сүнсний нэрээр тэдэнд баптисм хүртээж, 20Миний та нарт тушаасан бүгдийг сахин биелүүлэхийг тэдэнд заа. Харагтун, үеийн төгсгөл хүртэл Би та нартай үргэлж хамт байх болно гэж айлдав. МАТАЙ 28:19,20 2 Олон гэрч нарын өмнө надаас сонссон зүйлсийг бусдад заах чадвартай итгэмжит хүмүүст даатга. 2 ТИМОТ 2:2 Хувийн хэрэгжүүлэлт Та ONE 2 ONE болон жижиг группээр дагалдаж байна уу? Та дагалдагч бэлдэж байна уу? Та хэнд Бурханы Үгийг дагахыг зааж байна вэ? Та нутгийн чуулганы идэвхтэй гишүүн мөн үү? Танд хэцүү зүйл тохиолдоход сүнслэг тусламж авч чадах Христ итгэлт гурван хүнийг нэрлэнэ үү?

ДАГАЛДУУЛАЛТ

Шинэ Үүрэг Даалгавар 15Харин та нарын доторх найдварын талаар асуух хүн бүрд хариу өгөхөд ямагт бэлэн бай, гэхдээ дөлгөөн байдлаар болон хүндэтгэлтэйгээр хариул. Христийг Эзэн хэмээж зүрхэндээ тусгаарлан нандигна. 1 ПЕТР 3:15 18Есүсийг завинд суух үед чөтгөрт эзлэгдсэн байсан өнөөх хүн өөртэй нь хамт байя гэж гуйсанд, 19 Есүс зөвшөөрсөнгүй, харин түүнд -Гэртээ, өөрийнхөн дээрээ оч. Эзэн чамд ямар агуу зүйлс хийж, чамд хэрхэн өршөөлөө үзүүлснийг тэдэнд мэдэгд гэв. МАРК 5:18,19 Та хорт хавдрыг анагаах гайхамшигтай эмчилгээ нээж илрүүлсэн эмч байсан бол энэ нээлтийнхээ талаар хүн бүрийг мэдээсэй гэж хүсэхгүй гэж үү? Танд одоо хорт хавдраас ч илүү хөнөөлт, үхэлд хүргэх аюулыг анагаах гайхамшигт зүйл байгаа бөгөөд энэ бол гэм нүглийн шийдэл юм. Дагалдагч бэлтгэнэ гэдэг нь гэр бүлийхэн ба найз нөхөддөө Сайн мэдээ буюу гэм нүглийн асуудал дахь Бурханы тэнгэрлэг шийдлийг хуваалцахаас эхэлнэ. Өөрөөр хэлбэл бусдад Авралын найдварыг хуваалцахад бэлэн байх буюу өөрийн гэрчлэлээ ярих ба Сайн мэдээ тунхаглахад суралцах хэрэгтэй. Энэ бол дагалдагч бэлтгэхийн эхлэл юм. ХЭРХЭН ӨӨРИЙН ГЭРЧЛЭЛЭЭ ХУВААЛЦАХ Шүүх ба хуулийн өмнө гэрч үнэнийг, үнэнээс өөр юу ч биш зөвхөн харсан, сонссон зүйлсээ хэлдэг. Бид Бурханы гэрч байхаар дуудагдсан. Тэр бидний төлөө, бидний дотор мөн биднээр дамжуулан хийсэн бүхнийг үнэнээр гэрчилэн ярих ёстой. Гэрч байна гэдэг нь бидний Эзэн Есүсийн нигүүлсэнгүй байдлыг харуулан амьдрахыг шаарддаг. Гэрч гэдэг бол бидний хийх зүйл биш харин бид өөрсдөө юм. Бид гэрч бөгөөд зөвхөн Ариун Сүнсний хүчээр л гэрчлэгч байж чадна. Мөн Ариун Сүнсээр дамжуулан өөрийн гэрчлэл ба Сайн Мэдээг зоригтой тунхагладаг. Бидний өөрсдийн гэрчлэл хүчтэй. Энэ нь Есүс таны төлөө юу хийсэн ба таны амьдралыг хэрхэн өөрчилсөн хувийн бөгөөд няцаашгүй түүх юм. Та хоёр минутын гайхамшиг ба гэрчлэлээ доорхи гурван хэсгийн дагуу хуваалц: 1. Христэд итгэхээс өмнөх амьдралаа товчхон дурьдах. 2. Христэд амьдралаа хэрхэн өгөх болсон гол санаагаа ойлгомжтой ярих. 3. Есүс чиний Эзэн болсноос хойшхи амьдралаа баяртайгаар хуваалцах. Мөн Христэд амьдралаа бүрэн даатгаж өгсөнөөс эхлэн хэрхэн өөрчлөгдсөн тухайгаа тайлбарлах. 11Тэд түүнийг Хурганы цус, өөрсдийн гэрчлэлийн үгээр ялжээ. Тэд үхэн үхтлээ амиа хайрлаагүй юм. ИЛЧЛЭЛТ 12:11 ХЭРХЭН САЙН МЭДЭЭ ТУНХАГЛАХ Сайн мэдээ бол итгэсэн хүн бүрийн Авралын төлөөх Бурханы хүч юм. Үүний улмаас л хүмүүсийн ёс заншил, амьдралтай холбогдож (engage) эхэлдэг бөгөөд мөн Есүсийн гэрч болох ба өөрсдийн гэрчлэлээ хуваалцдаг. 16Би сайн мэдээнээс ичихгүй. Яагаад гэвэл тэр нь итгэгч хүн бүрийг, юуны түрүүнд Иудей, мөн түүнчлэн Грек хүнийг авралд хүргэх Бурханы хүч мөн. РОМ 1:16 Гэр бүлийнхэн ба найз нөхөддөө Сайн мэдээг тараахдаа доорхи хоёр энгийн ишлэлийг хэрэглэх боломжтой. 23Бүгд нүгэл үйлдсэнээр Бурханы алдарт хүрдэггүй,. . . РОМ 3:23 Бүх хүн гэмтэй. Гэм гэдэг нь Бурханыг эсэргүүцсэн ба дуулгаваргүй байдлын бүх үйлдэлүүд юм. Үнэнийг хэлвэл дэлхий дээр Бурханы тушаалыг төгс дагасан нэг ч хүн үгүй. 23Учир нь нүглийн хөлс бол үхэл, харин Бурханы бэлэг бол бидний Эзэн Христ Есүс доторх мөнх амь мөн. РОМ 6:23 Бид бүгд гэм хийсэн учраас үхэх ёстой мөн Бурханы оршихуйд байх зохисгүй болсон. Харин сайн мэдээ нь Аврал бол Бурханы үнэгүй бэлэг юм. Аврал зөвхөн Христ дотор олддог, учир нь Тэр бидний оронд ба бидний төлөө загалмай дээр үхсэн. Бид Түүний загалмай дээр дуусгасан агуу үйлсэд итгэсэн итгэлээрээ тэр үнэгүй бэлгийг хүлээн авдаг. Гэр бүлийнхэн ба найз нөхөддөө сайн мэдээ хуваалцсаныхаа дараа тэднийг залбирлаар дагуул. ХЭРХЭН ДАГАЛДАГЧ БЭЛДЭХ Бид хүмүүст Есүсийг танилцуулах ба тэдэнд хэрхэн Бурханы тушаалыг дагах тухай зааснаар дагалдагч бэлддэг. Паул Тимотод сурсан бүх зүйлсээ бусдад заах чадвартай нэгэнд дамжуул гэсэн. Энэ бол дагалдуулалт юм. 19Иймээс явж, бүх үндэстнийг дагалдагч болгогтун. Эцэг, Хүү, Ариун Сүнсний нэрээр тэдэнд баптисм хүртээж, 20 Миний та нарт тушаасан бүгдийг сахин биелүүлэхийг тэдэнд заа. Харагтун, үеийн төгсгөл хүртэл Би та нартай үргэлж хамт байх болно гэж айлдав. МАТАЙ 28:19,20 2Олон гэрч нарын өмнө надаас сонссон зүйлсийг бусдад заах чадвартай итгэмжит хүмүүст даатга. 2 ТИМОТ 2:2 Хувийн хэрэгжүүлэлт Та Христийн гэрч мөн үү? Та хоёр минутын гайхамшигаа, энэ номыг зааж буй хүндээ хуваалцана уу? Та гэр бүл, найз нөхдийнхөө төлөө залбир. Тэдэнд сайн мэдээ хуваалцах боломж ирэх болно гэж Бурханд итгэ. Яв, дагалдагчдыг бэлд!