Ágúst Valgarð Ólafsson - kristniboði.

Lindin, kristid utvarp

Ágúst Valgarð Ólafsson - kristniboði.

May 10, 2024 • Hafsteinn Einarsson

Ágúst er að taka trúarskref þessa dagana. Hann ætlar að vera í fullu starfi sem trúboði og þjóna inn í háskólasamfélagið hér á landi. Ekki auðveldasti akur sem hægt er að velja sér en verðugir hlutir fela í sér áskoranir oft á tíðum og það er bara spennandi.

Miika og Janica Kaunismäki

October 29, 2024 • Hafsteinn Einarsson

Þau fengu Ísland á hjarta sitt á sínum tíma og hafa komið hingað reglulega síðustu 6 árin. Þau ganga um götur Reykjavíkur, gefa sig á tal við fólk, biðja fyrir þeim sem vilja og gefa þeim fagnaðarerindið. Miika og Janica Kaunismäki eru frá Finnlandi og eru sannkallaðir kærleiksboltar. Auðmjúk og dagfarsprúð. Tengslunum sem þau mynda við fólk hér á landi fylgja þau eftir með því að bjóða þeim í heimahóp eða einfaldlega hitta þau reglulega á kaffihúsi til að spjalla um Guð og tilveruna. Miika og Janica, ásamt 3 mánaða syni Peetu, eru komin í heimsókn á Lindina í smá spjall.

TC Hjálparhönd

September 19, 2024 • Svava Björg Mörk, Agata Auður Sobieralska • Matthew 25:40

Svava Björg Mörk og Agata Auður Sobieralska segja okkur frá því helsta sem er að gerast hjá Teen Challenge á Íslandi. Svava stýrir starfi TC á Íslandi en samtals um 15 einstaklingar koma að starfinu með einum eða öðrum hætti. Svo er samfélagsþjónustan TC Hjálparhönd farin af stað, þar sem Agata fer út á göturnar og gefur sig að þeim sem þurfa mest á kærleik og stuðningi að halda í okkar samfélagi. Matt. 25:40: "Allt sem þér gerðuð einum minna minnstu bræðra, það hafið þér gert mér."

Vakning á Íslandi

September 19, 2024 • Nadine Moody

Er stutt í vakningu á Íslandi? Eða er kannski langt í hana þar sem við erum ekki tilbúin? Nadine Moody frá Calvary Pentecostal Tabernacle kirkjunni í BNA var stödd á Íslandi og hefur skilaboð til okkar varðandi þetta. Þorgerður Ásmundsdóttir kom með henni og túlkaði spjallið. Ef viðtalið hreyfði við þér og þú vilt vita meira þá getur þú sent fyrirspurn á Nadine á netfangið http://aol.com