The Million Month 2025

Lindin, kristid utvarp

Lindin utvarp App

The Million Month 2025

Miriam Von Rotz

November 22, 2024 • Hafsteinn G. Einarsson

Miriam og Luke kynntu fyrir hlustendum trúboðsátak á götum Reykjavíkur sem fara mun fram næsta sumar, eða dagana 21. júní - 6. júlí, 2025 (tvær heilar vikur).

Þetta kristniboðsátak er reyndar mun stærra í sniðum, því það mun fara fram í 25 borgum í Evrópu á sama tíma. Markmiðið er að ein milljón Evrópubúa heyri fagnaðarerindið á þessum tveimur vikum.

Miriam Von Rotz frá Sviss og Luke frá Þýskalandi komu til landsins til að kynna átakið og fá kirkjur landsins í lið með sér hvað snertir undirbúning og framkvæmd í vetur.

Böðvar Björgvinsson kynnir bókina "Við Uppsprettuna"

December 17, 2024 • Hafsteinn Einarsson

Í vikunni kom út bókin "Við Uppsprettuna" eftir norska guðfræðinginn Øivind Andersen, í íslenskri þýðingu Böðvars Björgvinssonar. Í bókinni eru hugleiðingar úr Biblíunni fyrir hvern dag ársins, samtals 366 hugleiðingar, því ekki má gleyma hlaupársdeginum sem dúkkar upp í almanakinu á fjögurra ára fresti. Bókin hentar vel hinum kristna nútímamanni, sem á stundum erfitt með að finna tíma til að lesa í Orðinu. Handhægt er að grípa bókina og lesa hugleiðinguna fyrir daginn í dag. Halda síðan út í annríki dagsins með Orð Guðs í hjarta og huga. Eintak af bókinni kostar 4.900 krónur og hún fæst á Lindinni, í Jötunni, Veginum, Eymundsson, hjá SÍK og Basarnum. Salt forlag gaf út.

Viðtal við Patriciu frá spænsku kirkjunni á Íslandi

December 6, 2024 • Hafsteinn G. Einarsson

Patricia ætlar að fara af stað með spænskan þátt á Lindinni, þar sem hún mun þjóna til spænskumælandi einstaklinga á Íslandi. Patricia, sem er upprunalega frá Mexikó, kom í smá spjall, sagði okkur sína sögu og leyfði okkur að heyra nokkur af þeim lögum sem hún hefur samið texta við og sungið á upptöku.

Miika og Janica Kaunismäki

October 29, 2024 • Hafsteinn Einarsson

Þau fengu Ísland á hjarta sitt á sínum tíma og hafa komið hingað reglulega síðustu 6 árin. Þau ganga um götur Reykjavíkur, gefa sig á tal við fólk, biðja fyrir þeim sem vilja og gefa þeim fagnaðarerindið. Miika og Janica Kaunismäki eru frá Finnlandi og eru sannkallaðir kærleiksboltar. Auðmjúk og dagfarsprúð. Tengslunum sem þau mynda við fólk hér á landi fylgja þau eftir með því að bjóða þeim í heimahóp eða einfaldlega hitta þau reglulega á kaffihúsi til að spjalla um Guð og tilveruna. Miika og Janica, ásamt 3 mánaða syni Peetu, eru komin í heimsókn á Lindina í smá spjall.