SALVASAUN
HAHU MORIS FOUN
Ne’e duni, ema hela iha Kristu karik, nia sai ona buat foun ida; buat tuan nian liu tiha ona; hare ba, buat hotu foun fali ona.
2 Korintu 5:17
Kriasaun foun. Komesa buat nebe foun. Ba ita hotu nebe hakarak hahu moris foun fila fali, ne’e hanesan novidades foun. Tan ne’e molok ita atu apresia novidades foun ida ne’e, ita ten ke komprende lo-los tansa ita hakarak hahu fila fali? Tansa ita hakarak sai “Kriasaun Foun?” Tansa ita presiza salvasaun?
PROBLEMA: Separasaun tan ita nia Sala
Iha distansia nebe dook entre Maromak ho ema. Kausa husi separasaun rohan laek entre ema ho Maromak mak sala.
O sente ona distansia husi Maromak? Ita hotu sente ona. Sente dook husi Maromak ne’e bai-bain. Ema barak maka sente katak, karik sira halo medatasaun makas, aprende barak liu kona ba sira nia relijiaun ou hakat ba fatin relijiozo, sira besik ona ba Maromak.
Maibe, desde ita nia separasaun husi Maromak laos fisikamente ou intelektual no laos ho meditasaun ou matenek bele lori ita besik liu tan ba Maromak. Saida mak kausa separasaun entre ema ho Maromak?
Vejam! O braço do Senhor não está tão encolhido que não possa salvar, e o seu ouvido tão surdo que não possa ouvir. Mas as suas maldades separaram vocês do seu Deus; os seus pecados esconderam de vocês o rosto dele, e por isso ele não os ouvirá.
Isaias 59:1,2
Sesungguhnya, tangan TUHAN tidak kurang panjang untuk menyelamatkan, dan pendengaran-Nya tidak kurang tajam untuk mendengar; tetapi yang merupakan pemisah antara kamu dan Allahmu ialah segala kejahatanmu, dan yang membuat Dia menyembunyikan diri terhadap kamu, sehingga Ia tidak mendengar, ialah segala dosamu.
Yesaya 59:1,2
Separasaun entre Maromak ho ema ne’e separasaun moral. Maromak ne’e Santu; ema lae. Maromak ne’e diak; ema lae. Maromak ne’e justo; ema lae. Ema hotu halo ona sala; tan ne’e, ema hotu hetan separasaun rohan laek husi Maromak. Hotu-hotu sei sofre konsekuensia husi sala, ne’e mak mate rohan laek.
Ema hot-hotu halo tiha sala no lakon ona Maromak nia gloria.
Roma 3:23
Basa sala nia kolen mak mate, maibe Maromak nia presente mak moris rohan laek iha Kristu Jesus, ita Na’i.
Roma 6:23
SOLUSAUN: Maromak nia Sakrifisiu no Substituisaun
Maromak nia justisa eziji sakrifisiu ba ema nia sala. Jesus Kristo mak sai sakrifisiu ne’e no selu ema hotu nia sala iha krus.
Tan Maromak ne’e Santu, lia los no justo, nia sei la husik sala sem kastigo. Tamba Maromak nakonu ho domin, kompasivo/laran diak, Nia lakohi ema hotu hetan separasaun rohan laek husi Nia. Solusaun ba problema sira ne’e mak liu husi Jesus, Maromak Oan Mane mesak, atu sai sakrifisiu ba sala.
... lae karik, nia ten ke terus fila fila hahu housi tempu mundu ne’e mosu. Nia mosu dala ida deit ba nafatin, iha tempu ikus nia rohan, atu halakon sala hodi hasa’e nia an nudar sakrifisiu. Nudar ema hotu ten ke mate dala ida deit, no mate tiha, Maromak tesi lia ba nia, nune’e mos, Kristu hasa’e tiha Nia an dala ida deit atu simu ema barak nia sala ba nia an rasik, sei mosu dala ida tan, la’os atu hare kona ba sala, maibe atu fo maksoin ba sira nebe hein Nia dau-daun.
Ebreu 9:26-28
Saida mak akontese lo-los iha krus? Liu husi Nia mate iha krus, Jesus hola ita nia parte no ita nia penalidade. Nia selu lia los ba ita nia sala. Nia lori ita nia malisan no fo ba ita Ninia bensaun. Tan Nia sala laek, Jesus deit maka ema ida nebe kualifikadu atu selu penalidade ba ema nia sala, atu nune’e ema bele hetan koneksaun ho Maromak.
Tan ita, Maromak halo Nia nebe la hatene sala atu sai sala, atu ita bele sai Maromak nia laran los iha Nia.
2 Korintu 5:21
Maibe, wainhira Nia sai ema nebe simu malisan tamba ita, Kristu hasai ita housi malisan nebe ukunfuan lori mai; basa Eskritura dehan: “Ida nebe ema hedi ona iha ai-moris, ema ne’e simu Maromak nia malisan ba nia an.”
Galasia 3:13
REZULTADO: Ita nia Salvasaun no Rekonsiliasaun
Kristu mate iha krus, atu nune’e ita bele hetan perdaun ba ita nia sala hotu, ita hetan rekonsiliasaun husi Maromak no hetan moris rohan laek.
Ita hotu sala hasoru Maromak Santu no Nia diak. Penalidade husi sala mak separasaun rohan laek husi Maromak iha inferno. Maromak ne’e justo no ten ke fo penalidade ba sala. Nia domin nain no lakohi ita atu ba inferno rohan laek. Tan ne’e, Nia haruka Nia Oan Mane, Jesus Kristu, atu selu penalidade ba ita nia sala hodi mate iha krus. Tamba Nia sala laek, mate la bele hela ho Nia. Nia moris hias husi mate liu tiha loron tolu. Iha Kristu, ita hetan esperiensia perdaun ba ita nia sala no hetan moris rohan laek. Iha Nia ita hetan restaurasaun atu hamrik iha Maromak Nia futar oin no hetan moris foun hanesan Maromak oan.
Basa Maromak hadomi tebes mundu to’o fo Nia Oan Mane mesak, atu ema hotu nebe fiar Nia la bele lakon, maibe hetan moris rohan laek.
João 3:16
Iha Kristu, ho nia ran, ita hetan maksoin no perdua ba ita nia sala.
Efesu 1:7
http://...maibe ohin iha Kristu, imi nebe uluk dook teb-tebes, Kristu nia ran lori imi besik mai.
Efesu 2:13
ITA NIA RESPOSTA: Simu Maromak Nia Grasa ho fiar
Ita simu salvasaun wainhira ita para fiar ita nia an no tau ita nia fiar iha saida mak Kristu halo mai ita.
Ita nia salvasaun ne’e resulta husi grasa Maromak Nian. Baseia ba saida mak Kristu halo iha krus ba ita. La iha buat ida nebe ita halo ba Nia. Ita la bele salva ita nia an ou hetan perdaun husi Maromak liu husi buat diak nebe ita halo. Ita hetansalvasaun husi grasa Maromak Nian wainhira ita konsiente ita nia nesesidade ba Salvador, hadook an husi sala, no simu Kristu sai hanesan Na’i no Salvador, tau ita nia fiar iha Nia mesak ba salvasaun.
... basa, imi haklaken ho imi nia ibun katak Jesus mak Na’i no fiar iha imi nia laran katak Maromak foti Nia housi mate sira leet, imi sei hetan maksoin. Basa ema fiar ho fuan no nune’e ema hetan justisa, no ema haklaken ho ibun no nune’e mak hetan maksoin.
Roma 10:9,10
Basa housi grasa mak ita hetan maksoin, housi fiar, la’os housi buat ruma nebe mai housi imi, maibe housi presente ida housi Maromak; la’os housi imi nia hahalok ruma, atu nune’e ema ida la bele gaba an.
Efesu 2:8,9
APLIKASAUN PESOAL
Ita para ona fiar ita nia an rasik no hahu fiar iha Kristu deit ba salvasaun?
Ita hadook an ona husi sala hotu nebe ita hatene?
Ita deklara ona Jesus mak Maromak Oan mestre ba ita nia moris?
Ita hakarak atu tuir no obedese Nia iha ita nia moris tomak?
ORASAUN BA SALVASAUN
Aman iha lalehan.... Ha’u rekonyese katak separasaun entre ita.... tan ha’u nia sala. Ha’u rekonyese katak ha’u sala ona no ha’u lakon ona ita Nia gloria... Ha’u agradese ita tan ita haruka ona Ita Nia Oan Jesus.... atu selu penalidade ba ha’u nia sala.... ha’u fiar katak Kristu mate iha krus tamba ha’u..... ha’u fiar katak Nia moris husi mate sira let...... ha’u arepende ha’u nia sala..... no ha’u husu ita boot perdua no hamoos ha’u nia sala..... Ha’u hakarak husik buat hotu nebe Biblia hatete katak sala...... no ha’u simu ita boot sai hau nia Maromak, Mestre no Salvador... Tulun ha’u atu ha’u bele servi no halo tuir Ita....... iha ha’u nia moris tomak hodi Na’i Jesus Kristu Nia naran http://...amen.
MORIS FOUN
Se ita halo orasaun ho laran ba orasaun ida ne’e, Biblia promesa katak moris tuan liu tiha ona no moris foun mai fali ona. Lisaun neen tuir mai sei hatete ba ita buat foun balun nebe mai ona.
