DIRESAUN FOUN

Pedro hatan ba sira: “Hakribi imi nia sala no simu baptismu ba, imi ida-ida, hodi Jesus Kristu nia naran atu imi bele hetan perdua ba imi nia sala, no imi sei simu Espiritu Santu nia kmanek.
Apostolu Sira Nia Hahalok 2:38

Halai kareta nebe la tuir diresaun, hanesan dalan nebe diresaun ida deit ne’e la diak no perigosu tebes. Balun halai kareta ida diresaun nebe la lo’os maske sira hatene katak ida ne’e la lo’os; balun fali hatene katak ida ne’e sei hamosu problema ba sira nia moris. Iha mos paralelu espiritual ida. Maske ita hatene katak sala ou ita hatene katak ne’e sei hamosu problema ba ita nia moris, ita hotu iha ona dalan nebe perigosu no sei lori ita ba separasaun rohan laek ho Maromak. Wainhira ita la fila fali (arepende) no komesa tuir Kristu ne katak hakat nebe ita foti sempre dook husi Maromak.

Arepende, Laran Susar no Rezultadu
Arepende nebe lo’os komesa wainhira ita husu duni perdaun ba ita nia sala. ‘Sentimentu tristeza’ ne’e halo ita la bele halai ses husi foti responsabilidade no nunka fo sala ba ema seluk, sosiedade no sirkumtansia. Ten ke rekonyese katak ita nia sala uluk nanain kontra Maromak. Sentimentu tristeza hanesan ne’e produs arependementu nebe lo’os no moris ida nebe iha mudansa.

Basa, laran susar tuir Maromak lori ema atu hakribi sala, maibe laran susar tuir mundu lori mate.
2 Korintu 7:10

Então reconheci diante de ti o meu pecado e não encobri as minhas culpas. Eu disse: Confessarei as minhas transgressõesao Senhor, e tu perdoaste a culpa do meu pecado.
Salmos 32:5

Dosaku kuberitahukan kepada-Mu dan kesalahanku tidaklah kusembunyikan; aku berkata: "Aku akan mengaku kepada TUHAN pelanggaran-pelanggaranku," dan Engkau mengampuni kesalahan karena dosaku.
Mazmur 32:5

Nune’e mos, laran susar mundo nian produs deit nega katak la sala. Wainhira laran susar ba Maromak katak ita nia fuan rahun sente ofende ba Maromak santu, laran susar mundu nian sempre fo perdaun wainhira ema kaer toman ita, ou fo perdaun wainhira ita ten ke sofre konsekuensia ba sala nian. Diferensa nebe lo-los husi laran susar mundu nian no laran susar Maromak nian mak nia fuan. Laran susar mundo nian nunka produs rezultado moris ida nebe iha mudansa maibe produs espiritual nebe mate.

... ha’u haklaken uluk ba sira nebe iha Damasko no iha Jerusalem no iha rai Judeia tomak, hafoin ba gentiu sira, katak ita presisa atu hakribi sala no fila ba Maromak, hodi halo hahalok nebe hatudu katak ita hakribi duni sala.
Apostolu Sira Nia Hahalok 26:20

Imi halo buat nebe hatudu katak imi hakribi sala.
Mateus 3:8

Arepende no Perdaun
Istoria kona ba oan mane ikun iha Lukas 15:11-24 sai hanesan imajen diak ida ba arependementu nebe los. Wainhira nia hahalok sira ne’e halo nia sente buat nebe lo- los, nia husik hela buat nebe nia halo no fila kedas ba nia aman. Iha ne’e nia halo grau 180 hodi fila, no lao ses husi nia moris nebe mak nakonu ho sala no buat arbiru oi-on nebe nia halo. Nia aman perdua nia ofendementu sira no simu fali nia. Nune’e mos ita nia aman iha lalehan aman ida nebe diak no perdua ita wainhira ita fila ba nia no arepende ita nia sala hotu.
Ne’e duni, hakribi imi sala ba hodi fila hikas ba Na’i atu imi nia sala bele hetan perdua...

Apostolu Sira Nia Hahalok 3:19
Iha ona noda iha imi nia faru nebe fase la mos? Imajina buat nebe ita uja hodi fase ropa nia noda, laos hamoos deit noda maibe halo ropa hanesan fali ropa foun. Ne’e mak buat nebe akontese wainhira ita simu Jesus hanesan ita nia Maromak no Maksoin. Nia laos hamoos deit sala nia noda nebe iha ita nia fuan maibe nia fo mai ita fuan nebe foun.

Maibe ita simu an karik nudar ema maksalak iha Maromak futar oin, Nia sei halo tuir nia promessa hodi halo buat nebe los; Nia sei kasu ita nia sala no hamos ita nia hahalok aat hotu.
1 João 1:9

La iha Arependementu
Arependementu ne’e katak hadook an husi sala no fila ba Maromak. Ne’e katak ita para tau fiar ba buat diak no atividade relijioza nebe ita halo no komesa tau fiar iha Kristu deit. Ita lao tia ona iha diresaun nebe sala; no agora ita lao ona iha diresaun nebe lo’os. Ita halai tia ona husi Maromak maibe agora ita lao hamutuk ho Nia. Arependementu ne’e pontu oin sa ita komesa moris nebe foun. Arependementu lori ita sai husi buat nebe ita la gosta halo iha moris no tau ita iha Maromak Nia gloria Nia hakarak iha ita nia moris. Fila ba Maromak ne’e katak la bele hateke fila ba kotuk no la iha arependementu.

Basa, laran susar tuir Maromak lori ema atu hakribi sala ...
2 Korintu 7:10

APLIKASAUN PESOAL
O nia moris tuir diresaun nebe foun?
Sei iha sala iha area balu iha o nia moris mak o sei esforsu an hela atu ses?
Iha area balu kona ba intensaun diabu nian ou konsistente fraku nebe o presiza orasaun ba?
Iha sala nebe o husik tia ona no o sei hakarak halo nafatin?