God se koningkryk in saad form

Duet Gemeente

God se koningkryk in saad form

April 16, 2023 • Rassie Fourie • Matthew 13:31–33, Matthew 11:12

Ons is liggaam, siel en gees; en daar is baie in die GEES nog vir ons beskikbaar. God se eer lê in dit wat Hy verborge hou- soos Sy grootheid en almag. Hy het die VOLLE potensiaal van Sy koninkryk vir ons elkeen gebring in saad vorm. Die realiteit van God se koninkryk kan in ons lewe 'n realiteit word, maar dit moet gesoek en ontdek word! Hoe?

Die sake van die Gees en die lewe moet ons weeg deur die filter van Jesus en die koninkryk wat Hy gebring het. Ons moet identifiseer waar die vyande wortel geskiet het in ons harte en dan die waarheid daar te laat wortel skiet. Ons moet op staan vir die koninkryk en veg vir meer van Hom en Sy koninkryk.

Saad van gehoorsaamheid

June 25, 2023 • GD Prinsloo

Gehoorsaamheid is God se liefdestaal. Die saad van gehoorsaamheid aan God se woord dra altyd vrug. Ons het in al ons besluite, denke en optrede ‘n keuse om God se manier of die wêreld se manier te volg. Beide sal vrug dra, die wêreld se manier lei na dood, God se manier lei na lewe in oorvloed. Jesus defineer liefde in Johannes 14 en 15 as gehoorsaamheid aan sy opdragte, dus liefde in aksie. Dit impliseer dat elkeen van ons gedurig ons manier van doen onderwerp aan God se manier. My waardes en kompas in die lewe word dus bepaal deur net een bron, Jesus se afgehandelde werk en opdragte. My en jou gehoorsaamheid aan Jesus se opdragte sal bewys of ons Hom rerig liefhet.

Die noodsaaklikheid van storms vir die groei van Woord-saad

June 18, 2023 • Ben Coetzee

Almal beleef storms in die lewe. God gee ons die oorwinning en lei ons deur moeilike tye. Alle storms kom nie van God af nie. Maar alle storms kan saam met Hom oorwin word.

Sonde

June 11, 2023 • Rassie Fourie

Sonde kan soos suurdeeg wees. Die oor -en onderbeklemtoning van sonde in ons lewe veroorsaak wanbalans in ons verhouding met God. Jesus het gekom om ons uit n sondige toestand te red!