𝗪𝗔𝗥𝗠 𝗨𝗣

• Sino ang taong hinahangaan mo at gusto mong tularan? Bakit?

• Anu-ano ang mga ginagawa mo upang iparating sa isang tao na mahal mo siya, na nag-aalala ka para sa kanya, o na iniisip mo siya? Bakit mahalaga ang mga ito para sa iyo?

• Paano ka madalas na tumutugon kapag hindi mo nagustuhan ang pag-uugali o kilos ng isang tao? Mag-isip ng isang pangyayari tungkol dito.

𝗪𝗢𝗥𝗗

𝘒𝘢𝘺𝘢 𝘯𝘨𝘢 𝘮𝘨𝘢 𝘬𝘢𝘱𝘢𝘵𝘪𝘥, 𝘯𝘢𝘬𝘪𝘬𝘪𝘶𝘴𝘢𝘱 𝘢𝘬𝘰 𝘴𝘢 𝘪𝘯𝘺𝘰 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘮𝘢𝘳𝘢𝘮𝘪𝘯𝘨 𝘱𝘢𝘨𝘬𝘢𝘬𝘢𝘵𝘢𝘰𝘯𝘨 𝘬𝘪𝘯𝘢𝘢𝘸𝘢𝘢𝘯 𝘵𝘢𝘺𝘰 𝘯𝘨 𝘋𝘪𝘰𝘴, 𝘪𝘣𝘪𝘨𝘢𝘺 𝘯𝘪𝘯𝘺𝘰 𝘴𝘢 𝘬𝘢𝘯𝘺𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘴𝘢𝘳𝘪𝘭𝘪 𝘣𝘪𝘭𝘢𝘯𝘨 𝘮𝘨𝘢 𝘩𝘢𝘯𝘥𝘰𝘨 𝘯𝘢 𝘣𝘶𝘩𝘢𝘺, 𝘣𝘢𝘯𝘢𝘭 𝘢𝘵 𝘬𝘢𝘭𝘶𝘨𝘰𝘥-𝘭𝘶𝘨𝘰𝘥 𝘴𝘢 𝘬𝘢𝘯𝘺𝘢. 𝘐𝘵𝘰 𝘢𝘯𝘨 𝘵𝘶𝘯𝘢𝘺 𝘯𝘢 𝘱𝘢𝘨𝘴𝘢𝘮𝘣𝘢 𝘴𝘢 𝘬𝘢𝘯𝘺𝘢. 𝘏𝘶𝘸𝘢𝘨 𝘯𝘪𝘯𝘺𝘰𝘯𝘨 𝘵𝘶𝘭𝘢𝘳𝘢𝘯 𝘢𝘯𝘨 𝘮𝘨𝘢 𝘱𝘢𝘨-𝘶𝘶𝘨𝘢𝘭𝘪 𝘯𝘨 𝘮𝘨𝘢 𝘵𝘢𝘰 𝘴𝘢 𝘮𝘶𝘯𝘥𝘰𝘯𝘨 𝘪𝘵𝘰. 𝘏𝘢𝘺𝘢𝘢𝘯 𝘯𝘪𝘯𝘺𝘰𝘯𝘨 𝘣𝘢𝘨𝘶𝘩𝘪𝘯 𝘬𝘢𝘺𝘰 𝘯𝘨 𝘋𝘪𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘱𝘢𝘨𝘣𝘢𝘣𝘢𝘨𝘰 𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘪𝘴𝘪𝘱, 𝘱𝘢𝘳𝘢 𝘮𝘢𝘭𝘢𝘮𝘢𝘯 𝘯𝘪𝘯𝘺𝘰 𝘢𝘯𝘨 𝘬𝘢𝘭𝘰𝘰𝘣𝘢𝘯 𝘯𝘨 𝘋𝘪𝘰𝘴 – 𝘬𝘶𝘯𝘨 𝘢𝘯𝘰 𝘢𝘯𝘨 𝘮𝘢𝘣𝘶𝘵𝘪, 𝘨𝘢𝘯𝘢𝘱, 𝘢𝘵 𝘬𝘢𝘭𝘶𝘨𝘰𝘥-𝘭𝘶𝘨𝘰𝘥 𝘴𝘢 𝘬𝘢𝘯𝘺𝘢𝘯𝘨 𝘱𝘢𝘯𝘪𝘯𝘨𝘪𝘯. 𝗥𝗢𝗠𝗔 𝟭𝟮:𝟭–𝟮

(Basahin din ang 𝗥𝗢𝗠𝗔 𝟭𝟮:𝟯–𝟮𝟭.)

Ang lahat ng ginawa ng Diyos para sa atin—ang ating kaligtasan, pagtubos, at puwang sa walang hanggan kasama si Cristo—ay dapat magbunga ng pagsamba sa Kanya. Bilang tugon sa Kanyang awa, kabutihan, at katapatan, dapat nating ialay ang ating sarili bilang isang buhay na handog. Hindi tayo dapat maging katulad ng mundo. Sa halip, dapat ay naiiba ang pamumuhay natin sa mundo, habang pinapalakas ng pag-asa sa Diyos at napapanatag ng Kanyang awa. Tingnan natin kung gaano dapat maging kakaiba ang buhay natin ngayon.

𝟭. 𝗞𝗮𝗽𝗮𝗴 𝘁𝗮𝘆𝗼’𝘆 𝗽𝗶𝗻𝗮𝗽𝗮𝗹𝗮𝗸𝗮𝘀 𝗻𝗴 𝗽𝗮𝗴-𝗮𝘀𝗮, 𝗺𝗮𝗮𝗮𝗿𝗶 𝗻𝗮𝘁𝗶𝗻𝗴 𝗽𝗮𝗴𝗽𝗮𝗹𝗮𝗶𝗻 𝗮𝗻𝗴 𝗶𝗯𝗮 𝘀𝗮 𝗵𝗮𝗹𝗶𝗽 𝗻𝗮 𝗶𝘀𝘂𝗺𝗽𝗮.

𝘐𝘥𝘢𝘭𝘢𝘯𝘨𝘪𝘯 𝘯𝘪𝘯𝘺𝘰 𝘴𝘢 𝘋𝘪𝘰𝘴 𝘯𝘢 𝘱𝘢𝘨𝘱𝘢𝘭𝘢𝘪𝘯 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘶𝘮𝘶𝘶𝘴𝘪𝘨 𝘴𝘢 𝘪𝘯𝘺𝘰. 𝘗𝘢𝘨𝘱𝘢𝘭𝘢𝘪𝘯 𝘯𝘪𝘯𝘺𝘰 𝘴𝘪𝘭𝘢 𝘴𝘢 𝘩𝘢𝘭𝘪𝘱 𝘯𝘢 𝘴𝘶𝘮𝘱𝘢𝘪𝘯. 𝗥𝗢𝗠𝗔 𝟭𝟮:𝟭𝟰

Kapag tayo ay inuusig, ang natural na tugon ng tao ay ang protektahan ang sarili at isumpa ang mga nang-uusig. Ngunit hindi tayo dapat mamuhay nang ganito. Sa halip na isumpa ang iba, dapat natin silang pagpalain. Sa tingin mo, bakit kaya ito mahirap gawin? Ano sa palagay mo ang mangyayari kapag pinagpapala at ipinagdarasal natin ang mga umuusig sa atin?

𝟮. 𝗞𝗮𝗽𝗮𝗴 𝘁𝗮𝘆𝗼’𝘆 𝗽𝗶𝗻𝗮𝗽𝗮𝗹𝗮𝗸𝗮𝘀 𝗻𝗴 𝗽𝗮𝗴-𝗮𝘀𝗮, 𝗺𝗮𝗮𝗮𝗿𝗶 𝘁𝗮𝘆𝗼𝗻𝗴 𝗺𝗮𝗺𝘂𝗵𝗮𝘆 𝗻𝗮𝗻𝗴 𝗺𝗮𝗽𝗮𝗴𝗽𝗮𝗸𝘂𝗺𝗯𝗮𝗯𝗮 𝗮𝘁 𝗵𝗶𝗻𝗱𝗶 𝗺𝗮𝗽𝗮𝗴𝗺𝗮𝘁𝗮𝗮𝘀.

𝘔𝘢𝘮𝘶𝘩𝘢𝘺 𝘬𝘢𝘺𝘰 𝘯𝘢𝘯𝘨 𝘮𝘢𝘱𝘢𝘺𝘢𝘱𝘢 𝘴𝘢 𝘪𝘴𝘢ʼ𝘵 𝘪𝘴𝘢. 𝘏𝘶𝘸𝘢𝘨 𝘬𝘢𝘺𝘰𝘯𝘨 𝘮𝘢𝘨𝘮𝘢𝘵𝘢𝘢𝘴, 𝘴𝘢 𝘩𝘢𝘭𝘪𝘱 𝘢𝘺 𝘮𝘢𝘬𝘪𝘱𝘢𝘨𝘬𝘢𝘪𝘣𝘪𝘨𝘢𝘯 𝘬𝘢𝘺𝘰 𝘴𝘢 𝘮𝘨𝘢 𝘵𝘢𝘰𝘯𝘨 𝘮𝘢𝘣𝘢𝘣𝘢 𝘢𝘯𝘨 𝘬𝘢𝘭𝘢𝘨𝘢𝘺𝘢𝘯. 𝘏𝘶𝘸𝘢𝘨 𝘬𝘢𝘺𝘰𝘯𝘨 𝘮𝘢𝘨𝘮𝘢𝘳𝘶𝘯𝘰𝘯𝘨. 𝗥𝗢𝗠𝗔 𝟭𝟮:𝟭𝟲

Habang tayo ay umuunlad sa buhay, maaari nating isipin na nakakaangat tayo o mas magaling kaysa sa iba. May kaugalian tayong maging mapagmataas, lumayo sa mga mabababa, at maging matalino sa sarili nating paningin. Ngunit hindi tayo dapat mamuhay nang ganito. Sa halip na ituring ang ating sarili na higit sa iba, dapat tayong 𝘮𝘢𝘬𝘪𝘱𝘢𝘨𝘬𝘢𝘪𝘣𝘪𝘨𝘢𝘯 . . . 𝘴𝘢 𝘮𝘨𝘢 𝘵𝘢𝘰𝘯𝘨 𝘮𝘢𝘣𝘢𝘣𝘢 𝘢𝘯𝘨 𝘬𝘢𝘭𝘢𝘨𝘢𝘺𝘢𝘯. Paano ito makikita sa araw-araw na pamumuhay? Sinu-sino ang maaari nating ituring na mababa, at paano tayo makikisama sa kanila?

𝟯. 𝗞𝗮𝗽𝗮𝗴 𝘁𝗮𝘆𝗼’𝘆 𝗽𝗶𝗻𝗮𝗽𝗮𝗹𝗮𝗸𝗮𝘀 𝗻𝗴 𝗽𝗮𝗴-𝗮𝘀𝗮, 𝗺𝗮𝗮𝗮𝗿𝗶 𝘁𝗮𝘆𝗼𝗻𝗴 𝘁𝘂𝗺𝘂𝗴𝗼𝗻 𝘀𝗮 𝗽𝗮𝗿𝗮𝗮𝗻𝗴 𝗺𝗮𝗿𝗮𝗻𝗴𝗮𝗹 𝗮𝘁 𝗵𝗶𝗻𝗱𝗶 𝗺𝗮𝗽𝗮𝗴𝗵𝗶𝗴𝗮𝗻𝘁𝗶.

𝘏𝘶𝘸𝘢𝘨 𝘯𝘪𝘯𝘺𝘰𝘯𝘨 𝘨𝘢𝘯𝘵𝘪𝘩𝘢𝘯 𝘯𝘨 𝘮𝘢𝘴𝘢𝘮𝘢 𝘢𝘯𝘨 𝘮𝘨𝘢 𝘨𝘶𝘮𝘢𝘨𝘢𝘸𝘢 𝘴𝘢 𝘪𝘯𝘺𝘰 𝘯𝘨 𝘮𝘢𝘴𝘢𝘮𝘢. 𝘎𝘢𝘸𝘪𝘯 𝘯𝘪𝘯𝘺𝘰 𝘢𝘯𝘨 𝘮𝘢𝘣𝘶𝘵𝘪 𝘴𝘢 𝘱𝘢𝘯𝘪𝘯𝘨𝘪𝘯 𝘯𝘨 𝘭𝘢𝘩𝘢𝘵. 𝗥𝗢𝗠𝗔 𝟭𝟮:𝟭𝟳

Kapag may kamalian at kasamaang ginawa laban sa atin, ang madalas nating tugon ay ang maghiganti at ibalik nang mas malala pa ang mga ginawang masama sa atin. Ngunit hindi tayo dapat mamuhay nang ganito. Sa halip na maghiganti, dapat nating gawin kung ano ang tama at marangal sa mata ng iba. Dapat nating pagtagumpayan ang kasamaan sa pamamagitan ng kabutihan (Roma 12:21). Ayon sa Roma 12:19–20, ano ang dapat nating gawin sa halip na maghiganti? Bakit ito ang mas mabuti?

Dapat tayong mamuhay nang naiiba sa mga nakasanayang gawin ng tao at sa mga itinuturo ng mundo. Kay Cristo, tayo ay dapat na magpahalaga, magmahal, at maglingkod sa isa’t isa. Bagamat mahirap ito gawin nang mag-isa, ang pag-ibig at awa ng Diyos sa atin ang nagbibigay ng lakas at kakayahan upang tayo ay makapamuhay sa paraang magbibigay ng karangalan sa Kanya. Maaari tayong magmahal dahil una tayong minahal ng Diyos (1 Juan 4:19), at maaari tayong mamuhay nang may pag-asa.

𝗔𝗣𝗣𝗟𝗜𝗖𝗔𝗧𝗜𝗢𝗡

• Maglaan ng oras ngayong linggo upang pag-isipan ang sinasabi sa Roma 12. Hilingin sa Diyos na ipakita sa iyo ang iyong mga alalahanin at isyu, at hilingin na gabayan ka Niya palapit sa krus. Ipagdasal na mamuhay ka nang sumasamba sa Kanya bilang tugon sa Kanyang habag at pag-ibig.

• Maaari ba nating ipagkatiwala sa Diyos ang mga gumagawa ng masama? Paano ka mamumuhay sa paraang nagbibigay karangalan sa Diyos, kahit na ikaw ang ginawan ng pagkakamali?

• Paano ka magiging pagpapala sa mga tao sa paligid mo na mahirap mahalin? Ano ang isang bagay na handa kang gawin ngayong linggo?

𝗣𝗥𝗔𝗬𝗘𝗥

• Magpasalamat sa Diyos para sa Kanyang pag-ibig at sa kagustuhan Niya na mas lalo tayong maging katulad ni Cristo araw-araw. Maging tapat sa iyong mga kahinaan at kakulangan sa Kanya, at aminin na kailangan mo Siya sa iyong buhay araw-araw.

• Ipagdasal na ang buhay mo ay maging isang pagsasalamin kay Cristo. Ipagdasal na maipakilala mo Siya sa pamamagitan ng iyong pananalita at pamumuhay.

• Ipagdasal ang mga umuusig sa iyo, ang mga gumawa sa iyo ng kasamaan, at ang mga mabababa sa paningin mo. Hilingin sa Diyos na makita mo sila ayon sa Kanyang pananaw, at ipagdasal na magkaroon ka ng malasakit, pag-ibig, at biyaya para sa kanila.