𝗪𝗔𝗥𝗠 𝗨𝗣

• Nakabili ka na ba ng regalo para sa mahal mo sa buhay gamit ang perang pinaghirapan mo? Ano ang naging reaksyon niya?

• Ano ang ginawa mo sa pinakauna mong sweldo o baon?

• Paano mo nagagamit nang maayos ang oras, pera, o mga pinagkukunan o resources mo? Magkwento tungkol dito.

𝗪𝗢𝗥𝗗

𝘗𝘢𝘳𝘢𝘯𝘨𝘢𝘭𝘢𝘯 𝘮𝘰 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘱𝘢𝘨𝘩𝘢𝘩𝘢𝘯𝘥𝘰𝘨 𝘴𝘢 𝘬𝘢𝘯𝘺𝘢 𝘯𝘨 𝘮𝘨𝘢 𝘶𝘯𝘢𝘯𝘨 𝘣𝘶𝘯𝘨𝘢 𝘯𝘨 𝘪𝘺𝘰𝘯𝘨 𝘢𝘯𝘪. 𝘒𝘢𝘱𝘢𝘨 𝘨𝘪𝘯𝘢𝘸𝘢 𝘮𝘰 𝘪𝘵𝘰, 𝘮𝘢𝘱𝘶𝘱𝘶𝘯𝘰 𝘯𝘨 𝘢𝘯𝘪 𝘢𝘯𝘨 𝘪𝘺𝘰𝘯𝘨 𝘮𝘨𝘢 𝘣𝘰𝘥𝘦𝘨𝘢 𝘢𝘵 𝘢𝘢𝘱𝘢𝘸 𝘢𝘯𝘨 𝘪𝘯𝘶𝘮𝘪𝘯 𝘴𝘢 𝘪𝘺𝘰𝘯𝘨 𝘮𝘨𝘢 𝘴𝘪𝘴𝘪𝘥𝘭𝘢𝘯. 𝗞𝗔𝗪𝗜𝗞𝗔𝗔𝗡 𝟯:𝟵–𝟭𝟬

(Basahin din ang 𝗚𝗘𝗡𝗘𝗦𝗜𝗦 𝟭, 𝗕𝗜𝗟𝗔𝗡𝗚 𝟭𝟱:𝟮𝟬–𝟮𝟭, at 𝗠𝗚𝗔 𝗧𝗔𝗚𝗔-𝗥𝗢𝗠𝗔 𝟭𝟭:𝟭𝟲.)

Sa mundo na puno ng materyal na bagay, mabilis makalimutan na ang lahat ay pag-aari ng Diyos. Sinulat ni David sa isa niyang salmo na ang buong mundo at ang lahat ng naririto ay pag-aari ng Panginoon (Salmo 24:1). Ang mga ariarian, pinagkakakitaan, at kahit ang mga buhay natin ay hindi talaga sa atin kundi pag-aari ng Diyos. Ang lahat ng bagay ay nilikha sa pamamagitan Niya, at para sa Kanya (Colosas 1:16). Bilang mga katiwala Niya, kailangan nating ibalik nang may pasasalamat sa Diyos ang una Niyang ibinigay sa atin. Tingnan natin ngayon kung paano natin mabibigyang-karangalan ang Diyos sa pamamagitan ng pagbubukod ng lahat ng pagmamay-ari, yaman, at pananalapi natin para sa Kanya.

𝟭. 𝗞𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻𝗴 𝗶𝗯𝘂𝗸𝗼𝗱 𝗮𝗻𝗴 𝗺𝗴𝗮 𝘂𝗻𝗮𝗻𝗴 𝗯𝘂𝗻𝗴𝗮 𝗻𝗮𝘁𝗶𝗻 𝘂𝗽𝗮𝗻𝗴 𝗯𝗶𝗴𝘆𝗮𝗻𝗴-𝗸𝗮𝗿𝗮𝗻𝗴𝗮𝗹𝗮𝗻 𝗮𝗻𝗴 𝗗𝗶𝘆𝗼𝘀.

𝘗𝘢𝘳𝘢𝘯𝘨𝘢𝘭𝘢𝘯 𝘮𝘰 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘱𝘢𝘨𝘩𝘢𝘩𝘢𝘯𝘥𝘰𝘨 𝘴𝘢 𝘬𝘢𝘯𝘺𝘢 𝘯𝘨 𝘮𝘨𝘢 𝘶𝘯𝘢𝘯𝘨 𝘣𝘶𝘯𝘨𝘢 𝘯𝘨 𝘪𝘺𝘰𝘯𝘨 𝘢𝘯𝘪. 𝘒𝘢𝘱𝘢𝘨 𝘨𝘪𝘯𝘢𝘸𝘢 𝘮𝘰 𝘪𝘵𝘰, 𝘮𝘢𝘱𝘶𝘱𝘶𝘯𝘰 𝘯𝘨 𝘢𝘯𝘪 𝘢𝘯𝘨 𝘪𝘺𝘰𝘯𝘨 𝘮𝘨𝘢 𝘣𝘰𝘥𝘦𝘨𝘢 𝘢𝘵 𝘢𝘢𝘱𝘢𝘸 𝘢𝘯𝘨 𝘪𝘯𝘶𝘮𝘪𝘯 𝘴𝘢 𝘪𝘺𝘰𝘯𝘨 𝘮𝘨𝘢 𝘴𝘪𝘴𝘪𝘥𝘭𝘢𝘯. 𝗞𝗔𝗪𝗜𝗞𝗔𝗔𝗡 𝟯:𝟵–𝟭𝟬

Noong mga panahong ito, iniaalay ng mga Israelita ang mga unang bunga na kanilang pananim bilang pagsamba sa Diyos at para kilalanin na Siya ang pinanggagalingan ng lahat ng mayroon sila. Ang ibig sabihin ng pagbibigay ng unang bunga ay ang pagbubukod ng mga nauna at pinakamagagandang ani o kita para bigyang-parangal ang Diyos. Ibig sabihin nito ay pinagkakatiwalaan natin Siya sa pamamagitan ng paglalagay ng lahat ng pag-aari natin sa Kanyang mga kamay. Ito ang pagkakaintindi ng mga mamamayan ng Diyos tungkol sa pagbibigay ng unang bunga—ibinubukod nito ang lahat ng ating mga pag-aari at ito ay nagiging daan para umapaw ang biyaya at mga espirituwal na pagpapala ng Diyos sa atin (Mga Taga-Roma 11:16). Ano ang naging epekto sa buhay mo noong inuna mo ang Diyos sa iyong pananalapi? Paano nito binago ang pananaw mo sa kayamanan?

𝟮. 𝗞𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻𝗴 𝗶𝗯𝘂𝗸𝗼𝗱 𝗮𝗻𝗴 𝗹𝗮𝗵𝗮𝘁 𝗻𝗴 𝗮𝘁𝗶𝗻𝗴 𝘆𝗮𝗺𝗮𝗻 𝘂𝗽𝗮𝗻𝗴 𝗯𝗶𝗴𝘆𝗮𝗻 𝗻𝗴 𝗸𝗮𝗿𝗮𝗻𝗴𝗮𝗹𝗮𝗻 𝗮𝗻𝗴 𝗗𝗶𝘆𝗼𝘀.

𝘗𝘢𝘳𝘢𝘯𝘨𝘢𝘭𝘢𝘯 𝘮𝘰 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘱𝘢𝘨𝘩𝘢𝘩𝘢𝘯𝘥𝘰𝘨 𝘴𝘢 𝘬𝘢𝘯𝘺𝘢 𝘯𝘨 𝘮𝘨𝘢 𝘶𝘯𝘢𝘯𝘨 𝘣𝘶𝘯𝘨𝘢 𝘯𝘨 𝘪𝘺𝘰𝘯𝘨 𝘢𝘯𝘪. 𝘒𝘢𝘱𝘢𝘨 𝘨𝘪𝘯𝘢𝘸𝘢 𝘮𝘰 𝘪𝘵𝘰, 𝘮𝘢𝘱𝘶𝘱𝘶𝘯𝘰 𝘯𝘨 𝘢𝘯𝘪 𝘢𝘯𝘨 𝘪𝘺𝘰𝘯𝘨 𝘮𝘨𝘢 𝘣𝘰𝘥𝘦𝘨𝘢 𝘢𝘵 𝘢𝘢𝘱𝘢𝘸 𝘢𝘯𝘨 𝘪𝘯𝘶𝘮𝘪𝘯 𝘴𝘢 𝘪𝘺𝘰𝘯𝘨 𝘮𝘨𝘢 𝘴𝘪𝘴𝘪𝘥𝘭𝘢𝘯. 𝗞𝗔𝗪𝗜𝗞𝗔𝗔𝗡 𝟯:𝟵–𝟭𝟬

Dahil ang Diyos ang may-ari ng lahat ng ating pagkatao at ating pag-aari, kailangang bigyan natin Siya ng karangalan sa lahat ng pagpapala Niya sa atin—hindi lamang sa mga panimulang bunga o ikasampu. Tinawag tayo upang tapat nating pangasiwaan ang 90% na binigyan tayo ng pribilehiyo na ipamahala. Sa katunayan, puno ang Bibliya ng mga paraan kung paano natin pangangasiwaan ang lahat ng ibinigay sa atin. Kahit na sagana man tayo o sala, tinatawag tayo na isabuhay ang pagiging bukas-palad at maging matalino sa paghawak ng pananalapi. Sa pagbibigay-karangalan natin sa Diyos sa ating mga unang bunga at kung paano natin hinahawakan ang ating pananalapi, doon natin makikita ang pag-apaw ng paglalaan ng Diyos—na nagpapahintulot sa atin na mas bigyan pa Siya ng karangalan. Sa buhay mo ngayon, paano mo binibigyang-karangalan ang Diyos hindi lang sa 10% kundi sa lahat ng mayroon ka?

𝗔𝗣𝗣𝗟𝗜𝗖𝗔𝗧𝗜𝗢𝗡

• Paano nabago ang pananaw mo tungkol sa pera at mga pag-aari mo ng katotohanan na ang Diyos ang may-ari ng lahat? Paano napapagtibay ang pananalig mo sa Diyos dahil dito?

• Pag-isipan kung gaano ka pinagpala ng Diyos. Paano mo Siya mapaparangalan sa mga bagay na inilagay Niya sa iyong mga kamay?

• Paano mo uunahin ang Diyos at ibibigay ang pinakamaganda sa Kanya nang tapat kahit ano pa man ang iyong kalagayan? Paano mo mahihikayat ang iba na gawin din ito ngayong linggo?

𝗣𝗥𝗔𝗬𝗘𝗥

• Bigyang-papuri ang Diyos para sa lahat na nilikha Niya at pagpapala Niya sa iyo. Pasalamatan Siya para sa Kanyang kabutihan at paglalaan.

• Hilingin sa Diyos na bigyan ka ng kakayahan na ibukod ang lahat na mayroon ka para sa Kanya. Ipanalangin na lagi kang maging tapat na tagapangasiwa ng Kanyang pagpapala.

• Mas kilalanin pa ang Diyos bilang una sa lahat sa pamamagitan ng iyong pagbibigay at debosyon. Humiling ng mga pagkakataon na makatulong sa iba habang binibigyan mo ng karangalan ang Diyos sa iyong kayamanan.