𝗪𝗔𝗥𝗠 𝗨𝗣

• Magbigay ng isang bagay na pagmamay-ari mo, na ginagamit mo lang sa mga espesyal na okasyon o para lang sa isang layunin. Bakit mo ito inilalaan para lamang dito?

• Sa tingin mo, paano ka lumago bilang tao nitong nakaraang limang taon? Magbahagi ng isa o dalawang bagay na natutunan mo na mahalaga sa kung sino ka ngayon.

• Sino ang tinitingala mo o gusto mong tularan? Bakit?

𝗪𝗢𝗥𝗗

“𝘐𝘣𝘶𝘬𝘰𝘥 𝘮𝘰 𝘴𝘪𝘭𝘢 𝘶𝘱𝘢𝘯𝘨 𝘮𝘢𝘨𝘪𝘯𝘨 𝘪𝘺𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯; 𝘢𝘯𝘨 𝘴𝘢𝘭𝘪𝘵𝘢 𝘮𝘰 𝘢𝘺 𝘬𝘢𝘵𝘰𝘵𝘰𝘩𝘢𝘯𝘢𝘯.” 𝗝𝗨𝗔𝗡 𝟭𝟳:𝟭𝟳

Bilang mga mananampalataya, natanggap natin ang kaligtasan sa pamamagitan ng ginawa ni Cristo sa krus. Patuloy na pinapakilos ng Diyos sa buhay natin ang Kanyang kaligtasan upang tayo ay mas lalo pang maging katulad ni Cristo. Ang prosesong ito kung saan ginagawa tayong katulad ng imahe ni Cristo ay tinatawag na pagpapabanal o sanctification, at ito ang kagustuhan ng Diyos para sa atin. Ang ibig sabihin ay hindi na tayo magiging katulad ng iba, na sunud-sunuran sa kultura, o naghahangad ng pagsasakatuparan sa sarili. Tayo ay lumalago sa pagiging katulad ni Cristo araw-araw sa pamamagitan ng Banal na Espiritu at ng salita ng Diyos. Ngayong araw, mas lalo nating maiintindihan kung ano ang ibig sabihin ng prosesong ito.

𝟭. 𝗔𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂 𝗮𝗻𝗴 𝘁𝘂𝗺𝘂𝘁𝘂𝗹𝗼𝗻𝗴 𝘂𝗽𝗮𝗻𝗴 𝗺𝗮𝗶𝘁𝘂𝗹𝗮𝗱 𝘁𝗮𝘆𝗼 𝗸𝗮𝘆 𝗖𝗿𝗶𝘀𝘁𝗼.

“𝘔𝘢𝘳𝘢𝘮𝘪 𝘱𝘢 𝘴𝘢𝘯𝘢 𝘢𝘬𝘰𝘯𝘨 𝘴𝘢𝘴𝘢𝘣𝘪𝘩𝘪𝘯 𝘴𝘢 𝘪𝘯𝘺𝘰, 𝘱𝘦𝘳𝘰 𝘩𝘪𝘯𝘥𝘪 𝘯ʼ𝘺𝘰 𝘱𝘢 𝘬𝘢𝘺𝘢𝘯𝘨 𝘪𝘯𝘵𝘪𝘯𝘥𝘪𝘩𝘪𝘯 𝘴𝘢 𝘯𝘨𝘢𝘺𝘰𝘯. 𝘗𝘦𝘳𝘰 𝘱𝘢𝘨𝘥𝘢𝘵𝘪𝘯𝘨 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘯𝘢 𝘴𝘪𝘺𝘢𝘯𝘨 𝘵𝘢𝘨𝘢𝘱𝘢𝘨𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯, 𝘵𝘶𝘵𝘶𝘭𝘶𝘯𝘨𝘢𝘯 𝘯𝘪𝘺𝘢 𝘬𝘢𝘺𝘰 𝘱𝘢𝘳𝘢 𝘮𝘢𝘪𝘯𝘵𝘪𝘯𝘥𝘪𝘩𝘢𝘯 𝘯ʼ𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝘈𝘯𝘨 𝘪𝘵𝘶𝘵𝘶𝘳𝘰 𝘯𝘪𝘺𝘢 𝘢𝘺 𝘩𝘪𝘯𝘥𝘪 𝘨𝘢𝘭𝘪𝘯𝘨 𝘴𝘢 𝘬𝘢𝘯𝘺𝘢; 𝘴𝘢𝘴𝘢𝘣𝘪𝘩𝘪𝘯 𝘯𝘪𝘺𝘢 𝘬𝘶𝘯𝘨 𝘢𝘯𝘰 𝘭𝘢𝘯𝘨 𝘢𝘯𝘨 𝘯𝘢𝘳𝘪𝘯𝘪𝘨 𝘯𝘪𝘺𝘢 𝘢𝘵 𝘪𝘱𝘢𝘱𝘢𝘩𝘢𝘺𝘢𝘨 𝘥𝘪𝘯 𝘯𝘪𝘺𝘢 𝘴𝘢 𝘪𝘯𝘺𝘰 𝘢𝘯𝘨 𝘵𝘶𝘯𝘨𝘬𝘰𝘭 𝘴𝘢 𝘮𝘨𝘢 𝘣𝘢𝘨𝘢𝘺 𝘯𝘢 𝘥𝘢𝘳𝘢𝘵𝘪𝘯𝘨. 𝘗𝘢𝘳𝘢𝘳𝘢𝘯𝘨𝘢𝘭𝘢𝘯 𝘯𝘪𝘺𝘢 𝘢𝘬𝘰 𝘥𝘢𝘩𝘪𝘭 𝘴𝘢 𝘢𝘬𝘪𝘯 𝘮𝘢𝘯𝘨𝘨𝘢𝘨𝘢𝘭𝘪𝘯𝘨 𝘢𝘯𝘨 𝘭𝘢𝘩𝘢𝘵 𝘯𝘨 𝘪𝘱𝘢𝘱𝘢𝘩𝘢𝘺𝘢𝘨 𝘯𝘪𝘺𝘢 𝘴𝘢 𝘪𝘯𝘺𝘰. 𝘈𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘴𝘢 𝘈𝘮𝘢 𝘢𝘺 𝘯𝘢𝘴𝘢 𝘢𝘬𝘪𝘯, 𝘬𝘢𝘺𝘢 𝘴𝘪𝘯𝘢𝘣𝘪 𝘬𝘰𝘯𝘨 𝘴𝘢 𝘢𝘬𝘪𝘯 𝘮𝘢𝘯𝘨𝘨𝘢𝘨𝘢𝘭𝘪𝘯𝘨 𝘢𝘯𝘨 𝘭𝘢𝘩𝘢𝘵 𝘯𝘨 𝘪𝘱𝘢𝘱𝘢𝘩𝘢𝘺𝘢𝘨 𝘯𝘪𝘺𝘢 𝘴𝘢 𝘪𝘯𝘺𝘰. 𝗝𝗨𝗔𝗡 𝟭𝟲:𝟭𝟮-𝟭𝟱

Ang Banal na Espiritu ang pangatlong persona sa Trinity, na gumagabay at namumuno sa atin upang mas maitulad tayo kay Cristo. Bilang tagatulong at tagapagturo natin (Juan 14:26), ipinapaalala sa atin ng Banal na Espiritu ang mga pangaral ni Jesus at tinutulungan Niya tayo sa panahon ng kahinaan (Mga Taga-Roma 8:26). Kung wala ang Banal na Espiritu, mag-isa lang tayo at walang kapangyarihan sa buhay. Ayon sa 2 Corinto 3:17–18, paano tayo binabago ng Banal na Espiritu upang mas lalo tayong maging katulad ng imahe ni Cristo? Magbahagi ng isang partikular na pangyayari na nagpapaliwanag nito.

𝟮. 𝗔𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗴𝗽𝗮𝗽𝗮𝗯𝗮𝗻𝗮𝗹 𝘀𝗮 𝗮𝘁𝗶𝗻 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻.

“𝘐𝘣𝘶𝘬𝘰𝘥 𝘮𝘰 𝘴𝘪𝘭𝘢 𝘶𝘱𝘢𝘯𝘨 𝘮𝘢𝘨𝘪𝘯𝘨 𝘪𝘺𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯; 𝘢𝘯𝘨 𝘴𝘢𝘭𝘪𝘵𝘢 𝘮𝘰 𝘢𝘺 𝘬𝘢𝘵𝘰𝘵𝘰𝘩𝘢𝘯𝘢𝘯.” 𝗝𝗨𝗔𝗡 𝟭𝟳:𝟭𝟳

Noong ipinagdasal ni Jesus ang Kanyang mga disipulo, nanalangin Siya na maging banal sila sa salita ng Diyos. Kapag tayo ay nagbabasa ng salita, kinakausap tayo ng Diyos sa pamamagitan ng Banal na Espiritu—ipinapakita Niya ang Kanyang sarili, ginagabayan Niya tayo at tinuturuan kung paano mamuhay. Ang Salita ay parang salamin (Santiago 1:23–24, isang ilaw na nagliliwanag sa isang madilim na lugar (2 Pedro 1:19), at isang espada (Mga Hebreo 4:12). Paano pinapatibay ng salita ang iyong pananalig at paano ka ginagabayan para mas maging katulad ni Cristo?

Ang panalangin ni Jesus sa Juan 17 ay para sa pagpapabanal ng mga nananampalataya. Ipinagdasal Niya ang pagpapadala ng mga mananampalataya sa mundo (Juan 17:18) upang ipahayag at ipakita Siya. Habang tayo ay patuloy na nagiging katulad ni Cristo sa pamamagitan ng Banal na Espiritu at ng Kanyang salita, sana ay makita rin Siya ng iba sa buhay natin at sa pamamagitan natin.

𝗔𝗣𝗣𝗟𝗜𝗖𝗔𝗧𝗜𝗢𝗡

• Sa tingin mo, bakit iyon ang ipinagdasal ni Jesus para sa Kanyang mga disipulo? Batay dito, paano mo pahahalagahan ang salita ng Diyos?

• Anong bahagi ng buhay mo ang kailangang maging mas katulad ni Cristo? Sa tingin mo, bakit mahirap ito para sa iyo, at paano mo ito mapagtatagumpayan?

• Gaano kahalaga sa iyo ang Banal na Espiritu? Ano ang isang bagay na sisimulan mong gawin sa ibang paraan upang mas magtiwala ka pa sa ating tagatulong at tagapaggabay araw-araw?

𝗣𝗥𝗔𝗬𝗘𝗥

• Pasalamatan ang Diyos sa Kanyang pagmamahal at pagnanais na tayo ay maging banal. Maging totoo tungkol sa iyong kahinaan at pagkukulang sa harap Niya. Aminin ang pangangailangan mo sa Kanya sa buhay mo araw-araw.

• Ipanalangin na patuloy kang maging mas katulad ni Cristo sa paglipas ng bawat araw. Ipanalangin na sa pamamagitan ng salita ng Diyos, ikaw ay magabayan sa katotohanan ng Banal na Espiritu.

• Ipanalangin na makita sa buhay mo si Cristo. Ipanalangin na maipapakilala mo Siya sa pamamagitan ng iyong pananalita at pamumuhay.