𝗪𝗔𝗥𝗠-𝗨𝗣

• Gaano ka umaasa sa mga mapa online para sa direksyon? Magbigay ng maikling paliwanag.

Saan ka pumupunta para magpalakas at magpahinga kapag napapagod ka na at kailangan mong mag-isip-isip? • Paano mo nadiskubre ang lugar na ito?

• Balikan ang panahon kung kailan may isang tao na buong tapang na hinulaan kung ano ang mangyayari at nakita niya itong nagkatotoo. Ano ang naramdaman mo?

𝗪𝗢𝗥𝗗

𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘴𝘢 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘯𝘪𝘺𝘢, “𝘐𝘪𝘸𝘢𝘯 𝘯𝘪𝘯𝘺𝘰 𝘢𝘬𝘰𝘯𝘨 𝘭𝘢𝘩𝘢𝘵, 𝘥𝘢𝘩𝘪𝘭 𝘴𝘪𝘯𝘢𝘣𝘪 𝘯𝘨 𝘋𝘪𝘺𝘰𝘴 𝘴𝘢 𝘒𝘢𝘴𝘶𝘭𝘢𝘵𝘢𝘯, ‘𝘗𝘢𝘱𝘢𝘵𝘢𝘺𝘪𝘯 𝘬𝘰 𝘢𝘯𝘨 𝘱𝘢𝘴𝘵𝘰𝘭 𝘢𝘵 𝘮𝘢𝘨𝘴𝘪𝘴𝘪𝘱𝘢𝘯𝘨𝘢𝘭𝘢𝘵 𝘢𝘯𝘨 𝘮𝘨𝘢 𝘵𝘶𝘱𝘢.’ 𝘕𝘨𝘶𝘯𝘪𝘵 𝘱𝘢𝘨𝘬𝘢𝘵𝘢𝘱𝘰𝘴 𝘯𝘢 𝘢𝘬𝘰 𝘢𝘺 𝘮𝘶𝘭𝘪𝘯𝘨 𝘮𝘢𝘣𝘶𝘩𝘢𝘺, 𝘮𝘢𝘶𝘶𝘯𝘢 𝘢𝘬𝘰 𝘴𝘢 𝘪𝘯𝘺𝘰 𝘴𝘢 𝘎𝘢𝘭𝘪𝘭𝘦𝘢.” 𝗠𝗔𝗥𝗖𝗢𝗦 𝟭𝟰:𝟮𝟳-𝟮𝟴

Pumasok si Jesus sa mundo natin nang may nakabukod at malinaw na misyon—tubusin tayo mula sa kasalanan sa pamamagitan ng pagbigay Niya ng Kanyang buhay. Bago Niya ito natupad, inihanda ni Jesus ang Kanyang mga disipulo para sa mga bagay na mangyayari. Sinabihan Niya sila na silang 𝘭𝘢𝘩𝘢𝘵 ay 𝘪𝘪𝘸𝘢𝘯 Siya. Pero kasama ng balitang ito ay ang katiyakan na mauuna Siya at makikipagkita Siya sa kanila pagkatapos Niyang 𝘮𝘶𝘭𝘪𝘯𝘨 𝘮𝘢𝘣𝘶𝘩𝘢𝘺. Sa kabila ng kanilang magagandang hangarin ay binigo pa rin si Jesus ng Kanyang mga disipulo. Tulad ng Kanyang mga tagasunod, maaari rin nating mabigo si Jesus. At tulad ng pagbibigay ni Jesus ng biyaya at pagpapatawad sa kanila kahit sila’y nagkamali, ganito rin ang inihahandog Niya sa atin. Ngayon ay titingnan natin kung paano ibinukod si Jesus upang maibalik tayo sa Diyos at mabigyan tayo ng kakayahang mamuhay sa Kanya mula sa isang lugar ng biyaya—ang tinapos Niyang gawain sa krus.

𝟭. 𝗦𝗶 𝗝𝗲𝘀𝘂𝘀 𝗮𝘆 𝗯𝗶𝗻𝘂𝗸𝗼𝗱 𝗯𝗶𝗹𝗮𝗻𝗴 𝗮𝗻𝗴 𝗶𝗽𝗶𝗻𝗮𝗻𝗴𝗮𝗸𝗼𝗻𝗴 𝗣𝗮𝘀𝘁𝗼𝗹 𝗻𝗮 𝘁𝘂𝗺𝘂𝗽𝗮𝗱 𝘀𝗮 𝗸𝗮𝗹𝗼𝗼𝗯𝗮𝗻 𝗻𝗴 𝗔𝗺𝗮.

𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘴𝘢 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘯𝘪𝘺𝘢, “𝘐𝘪𝘸𝘢𝘯 𝘯𝘪𝘯𝘺𝘰 𝘢𝘬𝘰𝘯𝘨 𝘭𝘢𝘩𝘢𝘵, 𝘥𝘢𝘩𝘪𝘭 𝘴𝘪𝘯𝘢𝘣𝘪 𝘯𝘨 𝘋𝘪𝘺𝘰𝘴 𝘴𝘢 𝘒𝘢𝘴𝘶𝘭𝘢𝘵𝘢𝘯, ‘𝘗𝘢𝘱𝘢𝘵𝘢𝘺𝘪𝘯 𝘬𝘰 𝘢𝘯𝘨 𝘱𝘢𝘴𝘵𝘰𝘭 𝘢𝘵 𝘮𝘢𝘨𝘴𝘪𝘴𝘪𝘱𝘢𝘯𝘨𝘢𝘭𝘢𝘵 𝘢𝘯𝘨 𝘮𝘨𝘢 𝘵𝘶𝘱𝘢.’ . . .” 𝘚𝘪𝘯𝘢𝘣𝘪 𝘯𝘪𝘺𝘢, “𝘈𝘮𝘢, 𝘮𝘢𝘨𝘢𝘨𝘢𝘸𝘢 𝘯ʼ𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘨𝘢𝘺. 𝘒𝘶𝘯𝘨 𝘮𝘢𝘢𝘢𝘳𝘪, 𝘪𝘭𝘢𝘺𝘰 𝘯ʼ𝘺𝘰 𝘴𝘢 𝘢𝘬𝘪𝘯 𝘢𝘯𝘨 𝘮𝘨𝘢 𝘱𝘢𝘨𝘩𝘪𝘩𝘪𝘳𝘢𝘱 𝘯𝘢 𝘥𝘢𝘳𝘢𝘵𝘪𝘯𝘨. 𝘕𝘨𝘶𝘯𝘪𝘵 𝘩𝘪𝘯𝘥𝘪 𝘢𝘯𝘨 𝘬𝘢𝘭𝘰𝘰𝘣𝘢𝘯 𝘬𝘰 𝘢𝘯𝘨 𝘮𝘢𝘴𝘶𝘯𝘰𝘥 𝘬𝘶𝘯𝘥𝘪 𝘢𝘯𝘨 𝘬𝘢𝘭𝘰𝘰𝘣𝘢𝘯 𝘯𝘪𝘯𝘺𝘰.” 𝗠𝗔𝗥𝗖𝗢𝗦 𝟭𝟰:𝟮𝟳,𝟯𝟲

Sinabi ni Jesus ang pagkakawatak-watak ng Kanyang mga tagasunod bilang isang propesiya na ayon sa Zacarias 13:7 upang bigyang-diin ang katuparan ng Kanyang pagiging ipinangakong Pastol. Binigyang-diin ng deklarasyong ito ang papel ni Jesus sa plano ng Diyos, na tumutukoy sa Kanyang magiging sakripisyo. Nang magdasal si Jesus bago pa Siya hulihin, tinawag Niya ang Diyos na bilang Ama na nagpapahiwatig ng malapit na ugnayan nila at ng pagpapasailalim Niya sa kalooban ng Ama sa kabila ng Kanyang mga pangamba bilang tao. Sa Kanyang pagpapasailalim sa plano ng Diyos at pagtanggap sa darating na pagdurusa, ipinakita ni Jesus ang pagsunod Niya sa pamamagitan ng pagsasakripisyo ng Kanyang buhay para sa atin. Sa gitna ng mga hamon at paghihirap, makakatiyak tayo na si Jesus, ang ating Mabuting Pastol, ay ginawa ang lahat, kabilang na ang pagsasakripisyo ng Kanyang buhay, para sa kabutihan natin. Paano ka natulungan ng katotohanang ito para magpatuloy sa pananampalataya habang pinagdadaanan ang isang kritikal na panahon sa buhay mo?

𝟮. 𝗦𝗶 𝗝𝗲𝘀𝘂𝘀 𝗮𝘆 𝗶𝗯𝗶𝗻𝘂𝗸𝗼𝗱 𝗯𝗶𝗹𝗮𝗻𝗴 𝗶𝘀𝗮𝗻𝗴 𝗺𝗮𝗽𝗮𝗴𝗺𝗮𝗵𝗮𝗹 𝗻𝗮 𝗣𝗮𝘀𝘁𝗼𝗹 𝗻𝗮 𝗻𝗮𝗴𝗽𝗮𝗽𝗮𝗮𝗹𝗮𝗹𝗮, 𝗴𝘂𝗺𝗮𝗴𝗮𝗯𝗮𝘆, 𝗮𝘁 𝗻𝗮𝗴𝗽𝗮𝗽𝗮𝗻𝘂𝗺𝗯𝗮𝗹𝗶𝗸 𝘀𝗮 𝗮𝘁𝗶𝗻.

“𝘕𝘨𝘶𝘯𝘪𝘵 𝘱𝘢𝘨𝘬𝘢𝘵𝘢𝘱𝘰𝘴 𝘯𝘢 𝘢𝘬𝘰 𝘢𝘺 𝘮𝘶𝘭𝘪𝘯𝘨 𝘮𝘢𝘣𝘶𝘩𝘢𝘺, 𝘮𝘢𝘶𝘶𝘯𝘢 𝘢𝘬𝘰 𝘴𝘢 𝘪𝘯𝘺𝘰 𝘴𝘢 𝘎𝘢𝘭𝘪𝘭𝘦𝘢.” . . . 𝘈𝘵 𝘴𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢, “𝘔𝘢𝘨𝘱𝘶𝘺𝘢𝘵 𝘬𝘢𝘺𝘰 𝘢𝘵 𝘮𝘢𝘯𝘢𝘭𝘢𝘯𝘨𝘪𝘯 𝘱𝘢𝘳𝘢 𝘩𝘪𝘯𝘥𝘪 𝘬𝘢𝘺𝘰 𝘮𝘢𝘥𝘢𝘪𝘨 𝘯𝘨 𝘵𝘶𝘬𝘴𝘰. 𝘈𝘯𝘨 𝘦𝘴𝘱𝘪𝘳𝘪𝘵𝘶 𝘢𝘺 𝘩𝘢𝘯𝘥𝘢𝘯𝘨 𝘴𝘶𝘮𝘶𝘯𝘰𝘥, 𝘯𝘨𝘶𝘯𝘪𝘵 𝘮𝘢𝘩𝘪𝘯𝘢 𝘢𝘯𝘨 𝘭𝘢𝘮𝘢𝘯.” 𝗠𝗔𝗥𝗖𝗢𝗦 𝟭𝟰:𝟮𝟴,𝟯𝟴

(Basahin din ang 𝗠𝗔𝗥𝗖𝗢𝗦 𝟭𝟲:𝟲-𝟳.)

Kahit na alam Niya na bibiguin Siya ng Kanyang mga disipulo, nagpakita ng pag-aalala si Jesus para sa kanilang espiritwal na kabutihan. Ipinaalam Niya kay Pedro ang gagawin nitong pagtanggi sa Kanya nang tatlong beses ngunit ipinagdasal Niya na hindi mabigo ang pananampalataya ni Pedro (Lucas 22:31–34). Nang pumunta si Jesus sa Getsemane at inutusan ang Kanyang mga disipulo na 𝘮𝘢𝘨𝘱𝘶𝘺𝘢𝘵 𝘢𝘵 𝘮𝘢𝘯𝘢𝘭𝘢𝘯𝘨𝘪𝘯, nahuli Niya silang natutulog. Tulad nito, alam ni Jesus na maaari natin Siyang mabigo. At tulad ng ginawa Niya upang maibalik si Pedro at ang iba pang mga disipulo sa pamamagitan ng mga babaeng nakakita ng libingang walang laman (Marcos 16:6–7), mananatiling matatag si Jesus sa Kanyang pangako na mananatiling isang mapagmahal na Pastol para sa atin. Sa kabila ng ating mga pagkukulang, gagabayan at ibabalik Niya ang Kanyang mga tupa nang may pagmamahal. Ang Kanyang biyaya at pagmamahal na hindi nabibigo ay hindi kailanman magbabago, at tinatawag Niya tayo na sundin ang Kanyang paggabay. Ano ang sinasabi ng 2 Corinto 12:9–10 tungkol sa biyaya ng Diyos?

Sa kabila ng pagdurusa, hindi gumanti si Jesus at ipinagkatiwala Niya ang Kanyang sarili sa Diyos. Sa pamamagitan ng Kanyang kamatayan sa krus, inako Niya ang ating mga kasalanan, na nagsilbing daan para matubos at mapagaling ang ating mga kaluluwa (1 Pedro 2:22–25). Sa pagsunod natin kay Jesus, tayo ay nagkakaroon ng kakayahan, sa pamamagitan ng Kanyang biyaya, na mamuhay para sa Kanya, tinutularan ang Kanyang kababaang-loob at kahandaang magtiis ng pagdurusa upang matupad ang Kanyang layunin. Ginagabayan, pinoprotektahan, at pinangangalagaan tayo ni Jesus bilang ating Pastol at tagapangasiwa, na umaakay sa atin tungo sa kaligtasan at buhay na walang hanggan.

𝗔𝗣𝗣𝗟𝗜𝗖𝗔𝗧𝗜𝗢𝗡

• Anong bahagi ng buhay mo ang may kaguluhan at kawalan ng katiyakan? Paano mo maipapamuhay ang natutunan mo ngayon sa sitwasyong ito?

• Mayroon ka bang naging kabiguan noon na nakakaapekto pa rin sa buhay mo ngayon? Kausapin ang isang taong pinagkakatiwalaan mo tungkol dito. Hayaan si Jesus na magdulot ng paggaling at kaayusan sa buhay mo at bigyan ka ng kakayahang mamuhay nang matagumpay sa Kanya.

• Paano mo mapapalakas ang loob ng isang tao upang hayaan si Jesus na gabayan siya ngayong linggo?

𝗣𝗥𝗔𝗬𝗘𝗥

• Pasalamatan ang Diyos sa pagpadala Niya kay Jesus upang maging mapagmahal nating Pastol. Hingin sa Diyos na bigyan ka ng kakayahang sundin ang halimbawa ni Jesus at sumusunod sa Kanya.

• Hilingin na mas makilala mo pa si Jesus bilang isang mapagmahal na Pastol. Ipanalangin na bigyan ka ng kakayahang malampasan ang kahit na anong pagsubok o tukso sa pamamagitan ng Kanyang lakas.

• Ipanalangin ang mga tao sa mga kaibigan at kapamilya mo na nangangailangan ng gabay ng Diyos sa mga partikular na bahagi ng kanilang mga buhay. Hilingin sa Diyos na magbukas Siya ng mga pagkakataon upang makapaglingkod ka sa kanila ngayong linggo.