𝗪𝗔𝗥𝗠 𝗨𝗣

• Sa tingin mo ano ang mga katangian ng isang huwarang pagsasama ng mag-asawa? Sa anong paraan mo nakikita ito sa inyong pagsasama?

• Kapag nagkakaroon ng alitan sa inyong pagsasama, ano ang una mong reaksyon?

• Alalahanin ang mga pagkakataon kung kailan nagkaroon kayong mag-asawa ng hindi pagkakaunawaan. Una mo bang nagiging layunin ay manalo sa pagtatalo o makipag-kasundo sa iyong asawa?

𝗪𝗢𝗥𝗗

𝘐𝘺𝘢𝘯 𝘢𝘯𝘨 𝘥𝘢𝘩𝘪𝘭𝘢𝘯 𝘯𝘢 𝘪𝘪𝘸𝘢𝘯 𝘯𝘨 𝘭𝘢𝘭𝘢𝘬𝘪 𝘢𝘯𝘨 𝘬𝘢𝘯𝘺𝘢𝘯𝘨 𝘢𝘮𝘢ʼ𝘵 𝘪𝘯𝘢 𝘢𝘵 𝘮𝘢𝘬𝘪𝘬𝘪𝘱𝘢𝘨-𝘪𝘴𝘢 𝘴𝘢 𝘬𝘢𝘯𝘺𝘢𝘯𝘨 𝘢𝘴𝘢𝘸𝘢, 𝘢𝘵 𝘴𝘪𝘭𝘢𝘯𝘨 𝘥𝘢𝘭𝘢𝘸𝘢 𝘢𝘺 𝘮𝘢𝘨𝘪𝘨𝘪𝘯𝘨 𝘪𝘴𝘢. 𝘕𝘢𝘯𝘨 𝘱𝘢𝘯𝘢𝘩𝘰𝘯𝘨 𝘪𝘺𝘰𝘯, 𝘬𝘢𝘩𝘪𝘵 𝘩𝘶𝘣𝘰ʼ𝘵 𝘩𝘶𝘣𝘢𝘥 𝘴𝘪𝘭𝘢𝘯𝘨 𝘥𝘢𝘭𝘢𝘸𝘢, 𝘩𝘪𝘯𝘥𝘪 𝘴𝘪𝘭𝘢 𝘯𝘢𝘩𝘪𝘩𝘪𝘺𝘢. 𝗚𝗘𝗡𝗘𝗦𝗜𝗦 𝟮:𝟮𝟰-𝟮𝟱

𝘚𝘢 𝘭𝘢𝘩𝘢𝘵 𝘯𝘨 𝘩𝘢𝘺𝘰𝘱 𝘯𝘢 𝘯𝘪𝘭𝘪𝘬𝘩𝘢 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴, 𝘢𝘯𝘨 𝘢𝘩𝘢𝘴 𝘢𝘯𝘨 𝘱𝘪𝘯𝘢𝘬𝘢𝘵𝘶𝘴𝘰. 𝘔𝘪𝘯𝘴𝘢𝘯, 𝘵𝘪𝘯𝘢𝘯𝘰𝘯𝘨 𝘯𝘨 𝘢𝘩𝘢𝘴 𝘢𝘯𝘨 𝘣𝘢𝘣𝘢𝘦, “𝘛𝘰𝘵𝘰𝘰 𝘣𝘢𝘯𝘨 𝘱𝘪𝘯𝘢𝘨𝘣𝘢𝘣𝘢𝘸𝘢𝘭𝘢𝘯 𝘬𝘢𝘺𝘰 𝘯𝘨 𝘋𝘪𝘺𝘰𝘴 𝘯𝘢 𝘬𝘶𝘮𝘢𝘪𝘯 𝘯𝘨 𝘣𝘶𝘯𝘨𝘢 𝘯𝘨 𝘢𝘭𝘪𝘯 𝘮𝘢𝘯𝘨 𝘱𝘶𝘯𝘰 𝘴𝘢 𝘩𝘢𝘭𝘢𝘮𝘢𝘯𝘢𝘯?” 𝗚𝗘𝗡𝗘𝗦𝗜𝗦 𝟯:𝟭

(Basahin din ang 𝗚𝗘𝗡𝗘𝗦𝗜𝗦 𝟯, 𝗝𝗨𝗔𝗡 𝟭𝟬:𝟭𝟬, at 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟱:𝟮𝟰–𝟮𝟱.)

Maaaring marami sa atin ang pamilyar sa mga salitang ginagamit sa kasal, gaya ng wedding bells, honeymoon, at ang kilalang linyang nagiging pinakatampok na bahagi ng seremonya: “Maaari mo nang halikan ang iyong asawa.” Pinapakasalan ng mga nagmamahalan ang pinakamamahal nila sa buhay. Pinapakasalan ng isang lalaki ang pinapangarap niyang babae, habang pinapakasalan naman ng isang babae ang lalaking magliligtas sa kanya. Maraming mga awitin ng pag-ibig ang isinulat tungkol sa matamis at magandang pagmamahalang ito. Mukhang nangangako ang kasalan ng isang wagas na pag-iibigan.

Ganito ang kalagayan sa simula. Sina Adan at Eva ay parehong huboʼt hubad at hindi sila nahihiya. Nasisiyahan sila sa kanilang pagsasama—espirituwal, emosyonal, pisikal, at sa kanilang relasyon nila sa isa’t isa—at sa relasyon nila sa Diyos. Parang perpekto na ang lahat, hanggang dumating ang ahas at nilinlang sila. Nagkasala ang babae, sumunod ang lalaking kasama niya sa pagkakataong iyon. Sa araling ito, susuriin natin kung paano nagsimula ang alitan sa pagsasama ng mag-asawa.

𝟭. 𝗛𝗶𝗻𝗱𝗶 𝗺𝗮𝗶𝗶𝘄𝗮𝘀𝗮𝗻 𝗮𝗻𝗴 𝗮𝗹𝗶𝘁𝗮𝗻 𝘀𝗮 𝗽𝗮𝗴𝘀𝗮𝘀𝗮𝗺𝗮 𝗻𝗴 𝗺𝗮𝗴-𝗮𝘀𝗮𝘄𝗮 𝗱𝗮𝗵𝗶𝗹 𝗺𝗮𝘆𝗿𝗼𝗼𝗻 𝘁𝗮𝘆𝗼𝗻𝗴 𝗸𝗮𝗮𝘄𝗮𝘆.

𝘚𝘢 𝘭𝘢𝘩𝘢𝘵 𝘯𝘨 𝘩𝘢𝘺𝘰𝘱 𝘯𝘢 𝘯𝘪𝘭𝘪𝘬𝘩𝘢 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴, 𝘢𝘯𝘨 𝘢𝘩𝘢𝘴 𝘢𝘯𝘨 𝘱𝘪𝘯𝘢𝘬𝘢𝘵𝘶𝘴𝘰. 𝘔𝘪𝘯𝘴𝘢𝘯, 𝘵𝘪𝘯𝘢𝘯𝘰𝘯𝘨 𝘯𝘨 𝘢𝘩𝘢𝘴 𝘢𝘯𝘨 𝘣𝘢𝘣𝘢𝘦, “𝘛𝘰𝘵𝘰𝘰 𝘣𝘢𝘯𝘨 𝘱𝘪𝘯𝘢𝘨𝘣𝘢𝘣𝘢𝘸𝘢𝘭𝘢𝘯 𝘬𝘢𝘺𝘰 𝘯𝘨 𝘋𝘪𝘺𝘰𝘴 𝘯𝘢 𝘬𝘶𝘮𝘢𝘪𝘯 𝘯𝘨 𝘣𝘶𝘯𝘨𝘢 𝘯𝘨 𝘢𝘭𝘪𝘯 𝘮𝘢𝘯𝘨 𝘱𝘶𝘯𝘰 𝘴𝘢 𝘩𝘢𝘭𝘢𝘮𝘢𝘯𝘢𝘯?” 𝗚𝗘𝗡𝗘𝗦𝗜𝗦 𝟯:𝟭

(Basahin din ang 𝗚𝗘𝗡𝗘𝗦𝗜𝗦 𝟯:𝟮-𝟳.)

Nais ni Satanas na sirain ang disenyo ng Diyos para sa mundo—kasama rito ang pagsasama ng mag-asawa at pamilya. Ang kaaway na ito, ang demonyo, ay dumarating para magnakaw, pumatay at mangwasak (Juan 10:10) sa pamamagitan ng pagsisinungaling at pagpaparatang laban sa iyo, sa iyong asawa, at sa Diyos. “Sinabi ba talaga iyan ng Diyos?” “Talaga bang narinig mo at ng asawa mo ang Diyos?” Dahil sa mga kasinungalingang ito, pinagdududahan natin ang kalooban ng Diyos at nawawalan tayo ng tiwala sa isa’t isa. Ito ang dahilan kung bakit hindi maiiwasan ang alitan sa pagsasama ng mag-asawa. Tuwing mayroon kayong hindi pagkakaunawaan ng inyong asawa, naiisip mo ba ang posibilidad na may ikatlong taong nagiging sangkot? Sino ang dapat mong hayaang makaimpluwensya sa iyong isipan at saloobin: ang demonyo o ang Banal na Espiritu?

𝟮. 𝗛𝗶𝗻𝗱𝗶 𝗺𝗮𝗶𝗶𝘄𝗮𝘀𝗮𝗻 𝗮𝗻𝗴 𝗮𝗹𝗶𝘁𝗮𝗻 𝘀𝗮 𝗽𝗮𝗴𝘀𝗮𝘀𝗮𝗺𝗮 𝗻𝗴 𝗺𝗮𝗴-𝗮𝘀𝗮𝘄𝗮 𝗱𝗮𝗵𝗶𝗹 𝘀𝗮 𝗣𝗮𝗴𝗸𝗮𝗸𝗮𝘀𝗮𝗹𝗮 𝗻𝗴 𝗧𝗮𝗼.

𝘚𝘪𝘯𝘢𝘣𝘪 𝘳𝘪𝘯 𝘯𝘪𝘺𝘢 𝘴𝘢 𝘣𝘢𝘣𝘢𝘦, “𝘋𝘢𝘩𝘪𝘭 𝘴𝘢 𝘨𝘪𝘯𝘢𝘸𝘢 𝘮𝘰, 𝘥𝘢𝘥𝘢𝘨𝘥𝘢𝘨𝘢𝘯 𝘬𝘰 𝘢𝘯𝘨 𝘱𝘢𝘨𝘩𝘪𝘩𝘪𝘳𝘢𝘱 𝘮𝘰 𝘴𝘢 𝘱𝘢𝘨𝘣𝘶𝘣𝘶𝘯𝘵𝘪𝘴 𝘢𝘵 𝘮𝘢𝘳𝘢𝘳𝘢𝘮𝘥𝘢𝘮𝘢𝘯 𝘮𝘰 𝘢𝘯𝘨 𝘴𝘰𝘣𝘳𝘢𝘯𝘨 𝘴𝘢𝘬𝘪𝘵 𝘴𝘢 𝘪𝘺𝘰𝘯𝘨 𝘱𝘢𝘯𝘨𝘢𝘯𝘨𝘢𝘯𝘢𝘬. 𝘗𝘦𝘳𝘰 𝘴𝘢 𝘬𝘢𝘣𝘪𝘭𝘢 𝘯𝘪𝘺𝘢𝘯, 𝘩𝘢𝘩𝘢𝘯𝘨𝘢𝘳𝘪𝘯 𝘮𝘰 𝘱𝘢 𝘳𝘪𝘯 𝘢𝘯𝘨 𝘪𝘺𝘰𝘯𝘨 𝘢𝘴𝘢𝘸𝘢 𝘢𝘵 𝘮𝘢𝘨𝘩𝘢𝘩𝘢𝘳𝘪 𝘴𝘪𝘺𝘢 𝘴𝘢 𝘪𝘺𝘰.” 𝗚𝗘𝗡𝗘𝗦𝗜𝗦 𝟯:𝟭𝟲

(Basahin din ang 𝗚𝗘𝗡𝗘𝗦𝗜𝗦 𝟯:𝟲-𝟭𝟯.)

Pagkatapos magkasala nina Adan at Eva, nabuksan ang kanilang mga mata sa kasamaan at sa kanilang pagsuway, kahihiyan, at kasalanan. Pinagtaguan nila ang Diyos, ang nagdala sa kanila sa isa’t isa, at sinubukan nilang pagtakpan ang kanilang kahihiyan at kasalanan. Sa halip na humingi ng tulong sa Diyos, lumayo sila dahil sa takot. Nang matagpuan sila ng Diyos, sinisi nila ang iba. Sinisi ng lalaki ang babae, at sinisi ng babae ang ahas. Walang gustong umako ng responsibilidad sa kanilang mga ginawa. Nang pumasok ang kasalanan sa mundo, pumasok din ang alitan sa mga relasyon. Sa pagsasama ng mag-asawa, ganito ang sinabi ng Diyos na mangyayari: ang hangarin ng babae ay taliwas sa kanyang asawa, ngunit maghahari ang asawang lalaki sa kanya. Sa tingin mo, bakit mahalagang maunawaan natin na ang mga alitan ng mag-asawa ay bunga ng kasalanan?

𝟯. 𝗛𝗶𝗻𝗱𝗶 𝗺𝗮𝗶𝗶𝘄𝗮𝘀𝗮𝗻 𝗮𝗻𝗴 𝗮𝗹𝗶𝘁𝗮𝗻 𝘀𝗮 𝗽𝗮𝗴𝘀𝗮𝘀𝗮𝗺𝗮 𝗻𝗴 𝗺𝗮𝗴-𝗮𝘀𝗮𝘄𝗮, 𝗻𝗴𝘂𝗻𝗶𝘁 𝗺𝗮𝗮𝗮𝗿𝗶 𝗶𝘁𝗼𝗻𝗴 𝗺𝗮𝗹𝘂𝘁𝗮𝘀 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗯𝗶𝘆𝗮𝘆𝗮 𝗻𝗴 𝗗𝗶𝘆𝗼𝘀.

𝘗𝘢𝘨𝘬𝘢𝘵𝘢𝘱𝘰𝘴, 𝘨𝘶𝘮𝘢𝘸𝘢 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴 𝘯𝘨 𝘥𝘢𝘮𝘪𝘵 𝘮𝘶𝘭𝘢 𝘴𝘢 𝘣𝘢𝘭𝘢𝘵 𝘯𝘨 𝘩𝘢𝘺𝘰𝘱 𝘱𝘢𝘳𝘢 𝘬𝘢𝘺 𝘈𝘥𝘢𝘯 𝘢𝘵 𝘴𝘢 𝘢𝘴𝘢𝘸𝘢 𝘯𝘪𝘵𝘰. 𝗚𝗘𝗡𝗘𝗦𝗜𝗦 𝟯:𝟮𝟭

Nagpataw ng hatol ang Diyos sa lalaki at babae dahil sa kanilang kasalanan (Genesis 3:14–19). Ngunit ipinakita rin Niya ang Kanyang pag-aalala sa kanila sa pamamagitan ng paggawa ng damit mula sa balat ng hayop at pagbihis sa kanila. Para takpan ang kanilang kahubaran at kahihiyan, isang inosenteng hayop ang isinakripisyo. Ito ay naglalarawan kung paano tutubusin ng Diyos ang buong sangkatauhan mula sa kasalanan—sa pamamagitan ng sakripisyong kamatayan ng Tupa, si Jesu-Cristo. Ang Kanyang kamatayan ang magbabalik sa atin sa Ama at sa isa’t isa. Sa Kanya, nagkakaroon ng kakayahan ang mga asawang babaeng magpasakop sa kanilang asawa at ang mga asawang lalaki ay nagkakaroon ng kakayahang mahalin ang kanilang asawa, gaya ng pagmamahal ni Cristo sa iglesya at paghandog Niya ng Kanyang sarili para sa iglesya (Mga Taga-Efeso 5:24–25). Alalahaning bilang mag-asawang lalaki at babae, kayo ay pinag-isa, sa isang kasunduang kasama ang Diyos. Magkasama, gaya ng lubid na may tatlong pilipit ang hibla, mapagtatagumpayan ninyo ang anumang alitan, problema, o pagsubok sa mundong ito sa pamamagitan ng ating Panginoong Jesu-Cristo. Paano naaapektuhan ng ating relasyon sa Diyos ang ating relasyon sa isa’t isa?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang bago o kaya ay umangat para sa iyo sa paksang ito? Sa anong paraan ka nahamon o nahikayat?

• Paano makakatulong sa inyong mag-asawa ang mga katotohanang natutunan natin ngayon sa paraan ng pagharap ninyo sa mga alitan o pagtatalo? Ano ang mga maling kaisipan o kalooban na kailangang magbago sa buhay ninyo sa pamamagitan ng biyaya ng Diyos?

• Sa ating mga natutunan ngayon, ano ang mga praktikal na hakbang na maaari ninyong gawin ngayong linggo para matulungan kayong mag-asawa na harapin ang mga alitan?

𝗣𝗥𝗔𝗬𝗘𝗥

• Ipagpasalamat sa Diyos ang Kanyang biyaya para sa iyo, sa iyong asawa, at sa inyong pagsasama. Ipanalangin na magkaroon ka ng mas malalim na pagpapahalaga sa pag-ibig ng Diyos para sa iyo at sa iyong asawa, para kayong dalawa ay lalong maging tulad ni Cristo araw-araw.

• Ipanalangin na kayo ay magkaisa, bilang magkakampi at magkatuwang, hindi bilang magkaaway, habang kinakaharap ninyo ang anumang hamon o pagsubok sa inyong pagsasama. Humingi ng tulong mula sa Banal na Espiritu para malutas ang anumang alitan.

• Ipanalangin ang proteksyon para sa isa’t isa at para sa inyong pamilya. Kilalanin mong mas makapangyarihan si Jesus na nasa inyo kaysa sa nasa mundo.