𝗪𝗔𝗥𝗠 𝗨𝗣

• Ano ang paborito mong oras sa isang linggo?

• Ibahagi ang isang pagkakataon kung kailan naramdaman mong sana ay nailaan mo ang iyong oras sa isang bagay na mas karapat-dapat paglaanan nito.

• May bagay bang lagi mong inaalala na kumukuha ng oras mo?

𝗪𝗢𝗥𝗗

𝘒𝘢𝘺𝘢 𝘮𝘢𝘨-𝘪𝘯𝘨𝘢𝘵 𝘬𝘢𝘺𝘰 𝘬𝘶𝘯𝘨 𝘱𝘢𝘢𝘯𝘰 𝘬𝘢𝘺𝘰 𝘯𝘢𝘮𝘢𝘮𝘶𝘩𝘢𝘺. 𝘏𝘶𝘸𝘢𝘨 𝘬𝘢𝘺𝘰𝘯𝘨 𝘮𝘢𝘮𝘶𝘩𝘢𝘺 𝘵𝘶𝘭𝘢𝘥 𝘯𝘨 𝘮𝘨𝘢 𝘮𝘢𝘯𝘨𝘮𝘢𝘯𝘨 𝘬𝘶𝘯𝘥𝘪 𝘵𝘶𝘭𝘢𝘥 𝘯𝘨 𝘮𝘢𝘳𝘶𝘳𝘶𝘯𝘰𝘯𝘨 𝘯𝘢 𝘯𝘢𝘬𝘢𝘬𝘢𝘢𝘭𝘢𝘮 𝘯𝘨 𝘬𝘢𝘭𝘰𝘰𝘣𝘢𝘯 𝘯𝘨 𝘋𝘪𝘺𝘰𝘴. 𝘏𝘶𝘸𝘢𝘨 𝘯𝘪𝘯𝘺𝘰𝘯𝘨 𝘴𝘢𝘺𝘢𝘯𝘨𝘪𝘯 𝘢𝘯𝘨 𝘱𝘢𝘯𝘢𝘩𝘰𝘯 𝘯ʼ𝘺𝘰; 𝘨𝘢𝘮𝘪𝘵𝘪𝘯 𝘯ʼ𝘺𝘰 𝘪𝘵𝘰 𝘴𝘢 𝘱𝘢𝘨𝘨𝘢𝘸𝘢 𝘯𝘨 𝘮𝘢𝘣𝘶𝘵𝘪, 𝘥𝘢𝘩𝘪𝘭 𝘮𝘢𝘳𝘢𝘮𝘪𝘯𝘨 𝘨𝘶𝘮𝘢𝘨𝘢𝘸𝘢 𝘯𝘨 𝘬𝘢𝘴𝘢𝘮𝘢𝘢𝘯 𝘴𝘢 𝘱𝘢𝘯𝘢𝘩𝘰𝘯𝘨 𝘪𝘵𝘰. 𝘏𝘶𝘸𝘢𝘨 𝘬𝘢𝘺𝘰𝘯𝘨 𝘮𝘢𝘨𝘱𝘢𝘬𝘢𝘮𝘢𝘯𝘨𝘮𝘢𝘯𝘨 𝘬𝘶𝘯𝘥𝘪 𝘢𝘭𝘢𝘮𝘪𝘯 𝘯ʼ𝘺𝘰 𝘬𝘶𝘯𝘨 𝘢𝘯𝘰 𝘢𝘯𝘨 𝘬𝘢𝘭𝘰𝘰𝘣𝘢𝘯 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘯𝘢 𝘨𝘢𝘸𝘪𝘯 𝘯𝘪𝘯𝘺𝘰. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟱:𝟭𝟱-𝟭𝟳

Naramdaman mo na bang marami kang dapat gawin pero konti lang ang oras mo? Malamang ay ito ang realidad nating lahat, at hindi mo na alam kung alin ang uunahin mo. Bilang mga tagasunod ni Cristo, hinihikayat tayong huwag sayangin ang panahong ibinigay Niya sa atin. Para magawa natin ito, kailangan nating maunawaan ang kagustuhan ng Diyos para sa panahon natin. Sa pagiging mapagmahal na Panginoon ni Cristo, mayroon tayong gabay para magkaroon tayo ng karunungan at maging epektibo. Paano ito nakikita? Ano ang ibig sabihin nang pagiging Panginoon ni Jesus sa oras natin?

𝟭. 𝗔𝗻𝗴 𝗶𝗯𝗶𝗴 𝘀𝗮𝗯𝗶𝗵𝗶𝗻 𝗻𝗴 𝗽𝗮𝗴𝗸𝗮-𝗣𝗮𝗻𝗴𝗶𝗻𝗼𝗼𝗻 𝗻𝗶 𝗝𝗲𝘀𝘂𝘀 𝘀𝗮 𝗼𝗿𝗮𝘀 𝗻𝗮𝘁𝗶𝗻 𝗮𝘆 𝗦𝗶𝘆𝗮 𝗮𝗻𝗴 𝗽𝗶𝗻𝗮𝗸𝗮𝗺𝗮𝘁𝗮𝗮𝘀 𝗻𝗮𝘁𝗶𝗻𝗴 𝗽𝗿𝗮𝘆𝗼𝗿𝗶𝗱𝗮𝗱.

“𝘒𝘢𝘺𝘢 𝘶𝘯𝘢𝘩𝘪𝘯 𝘯𝘪𝘯𝘺𝘰 𝘢𝘯𝘨 𝘮𝘢𝘱𝘢𝘣𝘪𝘭𝘢𝘯𝘨 𝘴𝘢 𝘬𝘢𝘩𝘢𝘳𝘪𝘢𝘯 𝘯𝘨 𝘋𝘪𝘺𝘰𝘴 𝘢𝘵 𝘢𝘯𝘨 𝘱𝘢𝘨𝘴𝘶𝘯𝘰𝘥 𝘴𝘢 𝘬𝘢𝘯𝘺𝘢𝘯𝘨 𝘬𝘢𝘭𝘰𝘰𝘣𝘢𝘯, 𝘢𝘵 𝘪𝘣𝘪𝘣𝘪𝘨𝘢𝘺 𝘯𝘪𝘺𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘱𝘢𝘯𝘨𝘢𝘯𝘨𝘢𝘪𝘭𝘢𝘯𝘨𝘢𝘯 𝘯𝘪𝘯𝘺𝘰.” 𝗠𝗔𝗧𝗘𝗢 𝟲:𝟯𝟯

Ang paraan natin ng pagpapahalaga sa isang bagay o tao ay hindi lamang masusukat sa dami ng panahon o salaping inilaan natin dito, kundi pati na rin kung gaano tayo kahandang itabi muna ang ibang bagay. Ang mapagmahal nating Panginoon at Tagapagligtas na si Jesus ay karapat-dapat ng pinakamahusay na atensyong maibibigay natin sa araw-araw. Tuwing uunahin natin Siya, nagkakaroon ng kaayusan ang buhay natin at umaayos din ang pagtingin natin sa ibang bagay. Ano ang madalas na umaagaw sa panahong inilaan mo sa Diyos para sa pagbabasa ng Kanyang salita at pananalangin? Ano ang ginagawa mo tungkol rito at ano ang kalagayan nito ngayon?

𝟮. 𝗔𝗻𝗴 𝗶𝗯𝗶𝗴 𝘀𝗮𝗯𝗶𝗵𝗶𝗻 𝗻𝗴 𝗽𝗮𝗴𝗸𝗮-𝗣𝗮𝗻𝗴𝗶𝗻𝗼𝗼𝗻 𝗻𝗶 𝗝𝗲𝘀𝘂𝘀 𝘀𝗮 𝗼𝗿𝗮𝘀 𝗻𝗮𝘁𝗶𝗻 𝗮𝘆 𝗺𝗮𝗴𝗶𝗴𝗶𝗻𝗴 𝗺𝗮𝗯𝘂𝘁𝗶 𝘁𝗮𝘆𝗼𝗻𝗴 𝘁𝗮𝗴𝗮𝗽𝗮𝗻𝗴𝗮𝗹𝗮𝗴𝗮 𝗻𝗶𝘁𝗼.

𝘐𝘱𝘢𝘶𝘯𝘢𝘸𝘢 𝘯ʼ𝘺𝘰 𝘴𝘢 𝘢𝘮𝘪𝘯 𝘯𝘢 𝘢𝘯𝘨 𝘣𝘶𝘩𝘢𝘺 𝘯𝘢𝘮𝘪𝘯 𝘢𝘺 𝘮𝘢𝘪𝘬𝘴𝘪 𝘭𝘢𝘯𝘨, 𝘶𝘱𝘢𝘯𝘨 𝘮𝘢𝘵𝘶𝘵𝘰 𝘬𝘢𝘮𝘪𝘯𝘨 𝘮𝘢𝘮𝘶𝘩𝘢𝘺 𝘯𝘢𝘯𝘨 𝘮𝘢𝘺 𝘬𝘢𝘳𝘶𝘯𝘶𝘯𝘨𝘢𝘯. 𝗦𝗔𝗟𝗠𝗢 𝟵𝟬:𝟭𝟮

Ayon sa talatang ito, ang pusong may karunungan ay resulta ng pagpapaunawa ng Diyos kung gaano kaiksi ang buhay. Matutulungan tayo ng pag-unawang maikli lang ang buhay upang magkaroon ng mabuti at tapat na pagtingin sa realidad natin. Hindi mahaba ang buhay natin sa mundong ito. Tinuturuan tayo ng pag-unawang limitado ang oras at kayamanan natin upang tanggapin ang mga limitasyon at hangganan sa buhay natin. Dahil limitado ang panahon, mahalagang sumangguni tayo sa Diyos upang maging mabuti tayong tagapangalaga ng ating oras. Makakatulong ito upang maisaayos natin ang mga responsibilidad, yaman, at ugnayan natin ayon sa mga prinsipyong ipinapakita ng Diyos sa Kanyang salita. Ibahagi ang mga pinapahalagahan mo at ang panahong mayroon ka ngayon. Paano mo sinusulit ang oras mo batay sa panahon ng buhay mo ngayon?

𝟯. 𝗔𝗻𝗴 𝗶𝗯𝗶𝗴 𝘀𝗮𝗯𝗶𝗵𝗶𝗻 𝗻𝗴 𝗽𝗮𝗴𝗸𝗮-𝗣𝗮𝗻𝗴𝗶𝗻𝗼𝗼𝗻 𝗻𝗶 𝗝𝗲𝘀𝘂𝘀 𝘀𝗮 𝗼𝗿𝗮𝘀 𝗻𝗮𝘁𝗶𝗻 𝗮𝘆 𝗺𝗮𝗴𝘁𝗶𝘁𝗶𝘄𝗮𝗹𝗮 𝘁𝗮𝘆𝗼 𝘀𝗮 𝗽𝗮𝗻𝗮𝗵𝗼𝗻𝗴 𝗶𝘁𝗶𝗻𝗮𝗸𝗱𝗮 𝗡𝗶𝘆𝗮 𝗽𝗮𝗿𝗮 𝘀𝗮 𝗹𝗮𝗵𝗮𝘁 𝗻𝗴 𝗯𝗮𝗴𝗮𝘆.

𝘈𝘵 𝘭𝘢𝘩𝘢𝘵 𝘯𝘨 𝘪𝘵𝘰 𝘢𝘺 𝘪𝘵𝘪𝘯𝘢𝘥𝘩𝘢𝘯𝘢 𝘯𝘨 𝘋𝘪𝘺𝘰𝘴 𝘯𝘢 𝘮𝘢𝘯𝘨𝘺𝘢𝘳𝘪 𝘴𝘢 𝘵𝘢𝘬𝘥𝘢𝘯𝘨 𝘱𝘢𝘯𝘢𝘩𝘰𝘯. 𝘉𝘪𝘯𝘪𝘨𝘺𝘢𝘯 𝘯𝘪𝘺𝘢 𝘵𝘢𝘺𝘰 𝘯𝘨 𝘱𝘢𝘨𝘯𝘢𝘯𝘢𝘪𝘴 𝘯𝘢 𝘮𝘢𝘭𝘢𝘮𝘢𝘯 𝘢𝘯𝘨 𝘩𝘪𝘯𝘢𝘩𝘢𝘳𝘢𝘱, 𝘱𝘦𝘳𝘰 𝘩𝘪𝘯𝘥𝘪 𝘵𝘢𝘭𝘢𝘨𝘢 𝘯𝘢𝘵𝘪𝘯 𝘮𝘢𝘶𝘶𝘯𝘢𝘸𝘢𝘢𝘯 𝘢𝘯𝘨 𝘮𝘨𝘢 𝘨𝘪𝘯𝘢𝘸𝘢 𝘯𝘪𝘺𝘢 𝘮𝘶𝘭𝘢 𝘯𝘰𝘰𝘯𝘨 𝘴𝘪𝘮𝘶𝘭𝘢 𝘩𝘢𝘯𝘨𝘨𝘢𝘯𝘨 𝘸𝘢𝘬𝘢𝘴. 𝗠𝗔𝗡𝗚𝗔𝗡𝗚𝗔𝗥𝗔𝗟 𝟯:𝟭𝟭

Nauunawaan nating maikli lamang ang panahon natin sa mundo. Madadala tayo ng kaalamang ito sa sukdulan ng pagpaplano ng bawat segundo ng ating buhay nang hindi naglalaan ng lugar para sa ginagawa ng Diyos at para gawin ang mga bagay na Siya lamang ang may kaya. Magandang magplano, pero hindi natin mapaplano ang lahat nang perpekto. Dahil dito, dapat tayong maging handa saan man tayo dalhin ng Diyos at magtiwalang pinakamabuti ang panahong itinakda Niya, kahit iba ito sa plano natin. Alam ng makapangyarihang Diyos ang hinaharap, kung nasaan tayo sa kasalukuyan, at kung saan tayo dapat pumunta. Makakaasa tayo sa katotohanang lahat ng ito ay itinadhana ng Diyos na mangyari sa takdang panahon at ang biyaya Niya ang mag-aahon sa atin sa bawat panahon ng ating buhay. May bagay ka bang hinihiling sa Diyos na hindi pa nangyayari? Ano ang ginagawa mo para rito?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano madalas ang humahadlang sa iyo sa paglalaan mo ng panahon sa Diyos para manalangin at magbasa ng Kanyang salita? Ano ang isang hakbang na magagawa mo ngayong linggo upang bantayan ang oras mo sa Kanya?

• Pag-isipan ang bagay na nakaugalian mo o gawain na iniisip mong itigil o bawasan ang oras na inilalaan mo. Paano mo susulitin ang bawat panahon? Humingi ng tulong sa Diyos na malaman at panatilihin ang mga prayoridad mo.

• Paano mo palalakasin ang pananampalataya mo sa mga oras ng paghihintay? Sino ang mabibigyan mo ng lakas ng loob tungkol sa tinakdang panahon ng Diyos sa kabila ng kahirapan?

𝗣𝗥𝗔𝗬𝗘𝗥

• Maglaan ng sandali ng katahimikan at purihin ang Diyos sa buhay na ipinagkatiwala Niya sa iyo. Humingi ng mas malaki pang pagkaunawa sa kaigsian ng buhay at mamuhay ayon sa mga pinahahalagahan at prayoridad ng Diyos.

• Ipanalangin na maging bukas ang puso mo sa Diyos. Ipanalangin na turuan ka ng Diyos na maging matapat sa mga oras ng paghihintay.

• Ipanalangin na araw-araw kang lumago sa karunungan. Ipanalangin na magkaroon ka ng pagkakataong makatulong sa iba upang makilala nila si Jesus bilang Panginoon at Tagapagligtas, para magtiwala at magbigay parangal din sila kay Jesus.