𝗪𝗔𝗥𝗠 𝗨𝗣

• Ano ang isang bagay na hindi mo kayang iwan kapag umaalis ka ng bahay? Bakit?

• Ano ang ginagawa mo kapag pagod ka na o pinanghihinaan ng loob? Kanino ka lumalapit para humugot ng lakas o saya?

• Isipin ang isang malaking desisyong ginawa mo noon. Paano nito naapektuhan ang buhay mo?

𝗪𝗢𝗥𝗗

𝘚𝘪 𝘑𝘦𝘴𝘶-𝘊𝘳𝘪𝘴𝘵𝘰 𝘢𝘺 𝘩𝘪𝘯𝘥𝘪 𝘯𝘢𝘨𝘣𝘢𝘣𝘢𝘨𝘰. 𝘒𝘶𝘯𝘨 𝘢𝘯𝘰 𝘴𝘪𝘺𝘢 𝘯𝘰𝘰𝘯, 𝘨𝘢𝘯𝘰𝘰𝘯 𝘥𝘪𝘯 𝘴𝘪𝘺𝘢 𝘯𝘨𝘢𝘺𝘰𝘯 𝘢𝘵 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝗛𝗘𝗕𝗥𝗘𝗢 𝟭𝟯:𝟴

(Basahin din ang 𝗛𝗘𝗕𝗥𝗘𝗢 𝟭𝟯:𝟵–𝟭𝟲, 𝟮𝟬–𝟮𝟭.)

tinuturo sa atin ng aklat ng Hebreo kung sino si Jesus at kung bakit Siya ang pinakadakila—mas dakila kaysa sa mga anghel, kay Moises, at sa Araw ng Pamamahinga. Dito rin natin makikita na si Jesus ang mas mabuting Punong Pari, dahil isang beses lang Niya inalay ang Kanyang sarili para sa kasalanan ng lahat. Dahil dito, may mas mabuting kasunduan at paglilingkod na naghihintay sa mga nagtitiwala sa Kanya. Inaanyayahan tayong tanggapin ang mas mabubuting bagay dahil sa pag-asang hatid ng muling pagkabuhay. Wala nang hihigit pa kay Jesus. Siya ang ating Tagapagligtas, at Siya ay pareho noon, ngayon, at magpakailanman. Ano pa ba ang mas hihigit dito?

𝟭. 𝗪𝗮𝗹𝗮 𝗻𝗮𝗻𝗴 𝗵𝗶𝗵𝗶𝗴𝗶𝘁 𝗽𝗮 𝗸𝗮𝘆 𝗝𝗲𝘀𝘂𝘀, 𝗸𝗮𝘆𝗮 𝗸𝗮𝗿𝗮𝗽𝗮𝘁-𝗱𝗮𝗽𝗮𝘁 𝗦𝗶𝘆𝗮𝗻𝗴 𝗽𝗮𝗴𝗸𝗮𝘁𝗶𝘄𝗮𝗹𝗮𝗮𝗻

𝘚𝘪 𝘑𝘦𝘴𝘶-𝘊𝘳𝘪𝘴𝘵𝘰 𝘢𝘺 𝘩𝘪𝘯𝘥𝘪 𝘯𝘢𝘨𝘣𝘢𝘣𝘢𝘨𝘰. 𝘒𝘶𝘯𝘨 𝘢𝘯𝘰 𝘴𝘪𝘺𝘢 𝘯𝘰𝘰𝘯, 𝘨𝘢𝘯𝘰𝘰𝘯 𝘥𝘪𝘯 𝘴𝘪𝘺𝘢 𝘯𝘨𝘢𝘺𝘰𝘯 𝘢𝘵 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝗛𝗘𝗕𝗥𝗘𝗢 𝟭𝟯:𝟴

Ang huling kabanata ng Hebreo ang may pinakamaraming utos sa buong aklat, at binigyang-diin ng sumulat ang katotohanang pinaghuhugutan ng mga utos na ito: si Jesu-Cristo ay hindi nagbabago. Kaya nating tiisin ang hirap nang may pagtitiwala dahil alam nating kailanman ay hindi magbabago si Jesus, at tutuparin Niya ang lahat ng Kanyang ipinangako. Ang pagiging hindi nagbabago ni Jesus ang pangunahing pinanggagalingan ng kapanatagan ng bawat mananampalataya. Sa isang mundo na laging nagbabago, ano ang nararamdaman mo sa katotohanang si Jesus ay hindi nagbabago?

𝟮. 𝗪𝗮𝗹𝗮 𝗻𝗮𝗻𝗴 𝗵𝗶𝗵𝗶𝗴𝗶𝘁 𝗽𝗮 𝗸𝗮𝘆 𝗝𝗲𝘀𝘂𝘀, 𝗸𝗮𝘆𝗮 𝘁𝗶𝗶𝘀𝗶𝗻 𝗻𝗮𝘁𝗶𝗻 𝗮𝗻𝗴 𝗽𝗮𝗴𝗵𝗶𝗵𝗶𝗿𝗮𝗽 𝗻𝗮𝗻𝗴 𝗸𝗮𝘀𝗮𝗺𝗮 𝗦𝗶𝘆𝗮.

𝘚𝘢𝘱𝘢𝘨𝘬𝘢𝘵 𝘢𝘯𝘨 𝘥𝘶𝘨𝘰 𝘯𝘨 𝘮𝘨𝘢 𝘩𝘢𝘺𝘰𝘱 𝘯𝘢 𝘩𝘢𝘯𝘥𝘰𝘨 𝘴𝘢 𝘱𝘢𝘨𝘭𝘪𝘭𝘪𝘯𝘪𝘴 𝘢𝘺 𝘥𝘪𝘯𝘢𝘥𝘢𝘭𝘢 𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘴𝘢 𝘗𝘪𝘯𝘢𝘬𝘢𝘣𝘢𝘯𝘢𝘭 𝘯𝘢 𝘓𝘶𝘨𝘢𝘳, 𝘱𝘦𝘳𝘰 𝘢𝘯𝘨 𝘬𝘢𝘵𝘢𝘸𝘢𝘯 𝘯𝘨 𝘮𝘨𝘢 𝘩𝘢𝘺𝘰𝘱 𝘢𝘺 𝘴𝘪𝘯𝘶𝘴𝘶𝘯𝘰𝘨 𝘴𝘢 𝘭𝘢𝘣𝘢𝘴 𝘯𝘨 𝘣𝘢𝘺𝘢𝘯. 𝘎𝘢𝘯𝘺𝘢𝘯 𝘥𝘪𝘯 𝘢𝘯𝘨 𝘯𝘢𝘯𝘨𝘺𝘢𝘳𝘪 𝘬𝘢𝘺 𝘑𝘦𝘴𝘶𝘴, 𝘱𝘪𝘯𝘢𝘵𝘢𝘺 𝘴𝘪𝘺𝘢 𝘴𝘢 𝘭𝘢𝘣𝘢𝘴 𝘯𝘨 𝘣𝘢𝘺𝘢𝘯 𝘱𝘢𝘳𝘢 𝘮𝘢𝘭𝘪𝘯𝘪𝘴 𝘯𝘪𝘺𝘢 𝘢𝘯𝘨 𝘮𝘨𝘢 𝘵𝘢𝘰 𝘴𝘢 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘯𝘪𝘭𝘢 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘥𝘶𝘨𝘰. 𝘒𝘢𝘺𝘢 𝘭𝘶𝘮𝘢𝘱𝘪𝘵 𝘵𝘢𝘺𝘰 𝘬𝘢𝘺 𝘑𝘦𝘴𝘶𝘴 𝘴𝘢 “𝘭𝘢𝘣𝘢𝘴 𝘯𝘨 𝘣𝘢𝘺𝘢𝘯” 𝘢𝘵 𝘮𝘢𝘬𝘪𝘣𝘢𝘩𝘢𝘨𝘪 𝘴𝘢 𝘮𝘨𝘢 𝘵𝘪𝘯𝘪𝘪𝘴 𝘯𝘪𝘺𝘢𝘯𝘨 𝘬𝘢𝘩𝘪𝘩𝘪𝘺𝘢𝘯. 𝗛𝗘𝗕𝗥𝗘𝗢 𝟭𝟯:𝟭𝟭–𝟭𝟯

Sa sistema ng paghahandog sa Lumang Tipan, (Leviticus 16:26–28), pumipili ang punong pari ng dalawang kambing tuwing Araw ng Pagtubos: ang isa ay para sa paglilinis ng santuwaryo at ang mga kasangkapan doon, at ang isa naman ay pinapakawalan. Ang dugo ng inihandog na kambing ay dinadala sa loob ng santuwaryo, habang ang natira sa katawan nito ay sinusunog sa 𝘭𝘢𝘣𝘢𝘴 𝘯𝘨 𝘣𝘢𝘺𝘢𝘯. Ang salitang “labas” ay sumasagisag sa kaguluhan, karumihan, at kasalanan. Ang kambing na nagpasan ng kasalanan ng mga tao ay pinapalayas sa ilang, bilang tanda ng pag-aalis ng kasalanan mula sa presensya ng Diyos at ng sambayanan. Ginawa at hinigitan ni Jesus ang handog na ito nang Siya’y ipinako sa krus sa labas ng Jerusalem. Sa pamamagitan ng Kanyang dugo, nilinis at pinabanal Niya ang mga tao. Tinatawag din ngayon ang mga mananampalataya sa 𝘭𝘢𝘣𝘢𝘴 𝘯𝘨 𝘣𝘢𝘺𝘢𝘯—ibig sabihin, makiisa kay Cristo at makibahagi sa Kanyang paghihirap. Ngayong alam na natin na si Cristo mismo ay nagtiis ng matinding pagtanggi mula sa tao, ano ang kahulugan para sa atin ng tawag na 𝘮𝘢𝘬𝘪𝘣𝘢𝘩𝘢𝘨𝘪 𝘴𝘢 𝘮𝘨𝘢 𝘵𝘪𝘯𝘪𝘪𝘴 Niyang kahihiyan?

𝟯. 𝗪𝗮𝗹𝗮 𝗻𝗮𝗻𝗴 𝗵𝗶𝗵𝗶𝗴𝗶𝘁 𝗽𝗮 𝗸𝗮𝘆 𝗖𝗿𝗶𝘀𝘁𝗼, 𝗸𝗮𝘆𝗮 𝗽𝘂𝗿𝗶𝗵𝗶𝗻 𝗻𝗮𝘁𝗶𝗻 𝗦𝗶𝘆𝗮.

𝘒𝘢𝘺𝘢 𝘱𝘢𝘵𝘶𝘭𝘰𝘺 𝘵𝘢𝘺𝘰𝘯𝘨 𝘮𝘢𝘨𝘩𝘢𝘯𝘥𝘰𝘨 𝘯𝘨 𝘱𝘢𝘱𝘶𝘳𝘪 𝘴𝘢 𝘋𝘪𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘑𝘦𝘴𝘶𝘴. 𝘐𝘵𝘰ʼ𝘺 𝘢𝘯𝘨 𝘮𝘨𝘢 𝘩𝘢𝘯𝘥𝘰𝘨 𝘯𝘢 𝘯𝘢𝘨𝘮𝘶𝘮𝘶𝘭𝘢 𝘴𝘢 𝘮𝘨𝘢 𝘭𝘢𝘣𝘪 𝘯𝘢𝘵𝘪𝘯 𝘢𝘵 𝘯𝘢𝘨𝘱𝘢𝘱𝘢𝘩𝘢𝘺𝘢𝘨 𝘯𝘨 𝘱𝘢𝘨𝘬𝘪𝘭𝘢𝘭𝘢 𝘯𝘢𝘵𝘪𝘯 𝘴𝘢 𝘬𝘢𝘯𝘺𝘢. 𝘈𝘵 𝘩𝘶𝘸𝘢𝘨 𝘯𝘢𝘵𝘪𝘯𝘨 𝘬𝘢𝘭𝘪𝘮𝘶𝘵𝘢𝘯 𝘢𝘯𝘨 𝘱𝘢𝘨𝘨𝘢𝘸𝘢 𝘯𝘨 𝘮𝘢𝘣𝘶𝘵𝘪 𝘢𝘵 𝘱𝘢𝘨𝘵𝘶𝘭𝘰𝘯𝘨 𝘴𝘢 𝘪𝘣𝘢, 𝘥𝘢𝘩𝘪𝘭 𝘢𝘯𝘨 𝘨𝘢𝘯𝘪𝘵𝘰𝘯𝘨 𝘶𝘳𝘪 𝘯𝘨 𝘩𝘢𝘯𝘥𝘰𝘨 𝘢𝘺 𝘬𝘢𝘭𝘶𝘨𝘰𝘥-𝘭𝘶𝘨𝘰𝘥 𝘴𝘢 𝘋𝘪𝘰𝘴. 𝗛𝗘𝗕𝗥𝗘𝗢 𝟭𝟯:𝟭𝟱–𝟭𝟲

Para sa ating mga nakatanggap, sa pamamagitan ng pananampalataya, ng lahat ng “mas mabuting” bagay dahil sa sakripisyo ni Cristo, ang “pinakamatinding hirap” na mararanasan natin ay ang mga paghihirap na natin ngayon. Ang buhay natin dito sa mundo ay inilalaan na ngayon para sa mabunga at makabuluhang paglilingkod sa Panginoon at sa Kanyang kaharian. Dahil dito, karapat-dapat Siyang purihin—sa pamamagitan ng ating mga salita at mabubuting gawa. Ano ang ilan sa mga ginawa mo upang parangalan ang Diyos bilang pasasalamat sa kabutihang ginawa Niya sa ’yo?

𝗔𝗣𝗣𝗟𝗜𝗖𝗔𝗧𝗜𝗢𝗡

• Si Jesu-Cristo ay hindi nagbabago—kahapon, ngayon, at magpakailanman. Ano ang kahulugan nito sa sitwasyon mo ngayon? Paano ito makakatulong na baguhin ang pananaw mo sa iyong kasalukuyan at hinaharap?

• Sa anong bahagi ng iyong buhay ka natutuksong maghanap ng “mas mabuti” kaysa kay Jesus? Paano ka matutulungan ng katotohanang Siya ang pinakadakila upang maituon muli ang puso mo sa Kanya?

• Sino sa buhay mo ang kailangang makarinig ng “mas mabuting” pag-asang matatagpuan kay Jesus? Paano mo sila sadyang mahihikayat at mababahaginan ng magandang balita ngayong linggo?

𝗣𝗥𝗔𝗬𝗘𝗥

• Purihin si Jesus dahil hindi Siya nagbabago. Pasalamatan natin ang Diyos dahil Siya ay pareho kahapon, ngayon, at magpakailanman.

• Hilingin sa Diyos na bigyan tayo ng mga matang may pananampalataya para makita natin kung sino talaga si Jesus, lalo na habang dumaranas tayo ng mga pagsubok.

• Idalangin na ipakita ng Diyos ang mga pagkakataon para makapaglingkod tayo sa ating lokal na iglesya o komunidad, at maipakita natin sa iba ang pag-asa na mayroon tayo.