𝗪𝗔𝗥𝗠 𝗨𝗣

• Ikwento ang isang sitwasyon kung kailan kinailangan mong unahin ang isang bagay bago ang iba. Bakit mo kinailangan gawin ang desisyong ito?

• Pag-isipan kung sino ang taong hinahangaan o tinitingala mo. Ano ang mga katangian niya na hinangaan mo?

• Pag-isipan kung sino ang may malaking epekto sa buhay mo. Paano siya naging maimpluwensya sa iyo?

𝗪𝗢𝗥𝗗

𝘒𝘢𝘺𝘢 𝘯𝘢𝘮𝘢𝘯 𝘪𝘵𝘪𝘯𝘢𝘢𝘴 𝘴𝘪𝘺𝘢𝘯𝘨 𝘭𝘶𝘣𝘰𝘴 𝘯𝘨 𝘋𝘪𝘺𝘰𝘴 𝘢𝘵 𝘣𝘪𝘯𝘪𝘨𝘺𝘢𝘯 𝘯𝘨 𝘵𝘪𝘵𝘶𝘭𝘰𝘯𝘨 𝘩𝘪𝘨𝘪𝘵 𝘴𝘢 𝘭𝘢𝘩𝘢𝘵 𝘯𝘨 𝘵𝘪𝘵𝘶𝘭𝘰, 𝘶𝘱𝘢𝘯𝘨 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘴𝘢 𝘭𝘢𝘯𝘨𝘪𝘵 𝘢𝘵 𝘭𝘶𝘱𝘢, 𝘢𝘵 𝘯𝘢𝘴𝘢 𝘪𝘭𝘢𝘭𝘪𝘮 𝘯𝘨 𝘭𝘶𝘱𝘢 𝘢𝘺 𝘭𝘶𝘭𝘶𝘩𝘰𝘥 𝘴𝘢 𝘱𝘢𝘨𝘴𝘢𝘮𝘣𝘢 𝘴𝘢 𝘬𝘢𝘯𝘺𝘢. 𝘈𝘵 𝘬𝘪𝘬𝘪𝘭𝘢𝘭𝘢𝘯𝘪𝘯 𝘯𝘨 𝘭𝘢𝘩𝘢𝘵 𝘯𝘢 𝘴𝘪 𝘑𝘦𝘴𝘶-𝘊𝘳𝘪𝘴𝘵𝘰 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯, 𝘴𝘢 𝘪𝘬𝘢𝘱𝘶𝘱𝘶𝘳𝘪 𝘯𝘨 𝘋𝘪𝘺𝘰𝘴 𝘈𝘮𝘢. 𝗠𝗚𝗔 𝗧𝗔𝗚𝗔-𝗙𝗜𝗟𝗜𝗣𝗢𝗦 𝟮:𝟵–𝟭𝟭

Mahalaga ang kaharian ng Diyos at ang pagiging Panginoon ni Jesu-Cristo sa mensahe ng ebanghelyo na ipinahayag ni Jesus, ng mga apostol, at ng mga naunang disipulo sa Bagong Tipan. Maraming bahagi at implikasyon ang katotohanang ito. Dalawa rito ang kapansin-pansin—ang posisyon ni Jesus bilang Panginoon ng lahat at kung paano Niya ipinapatupad ang pagiging Panginoon Niya. Sa araling ito, tututukan natin ang una sa mga bahaging ito at ang mga implikasyon nito sa pagsunod natin sa Kanya at sa paraan natin ng pamumuhay.

𝟭. 𝗕𝗶𝗹𝗮𝗻𝗴 𝗣𝗮𝗻𝗴𝗶𝗻𝗼𝗼𝗻 𝗻𝗴 𝗹𝗮𝗵𝗮𝘁, 𝘀𝗶 𝗝𝗲𝘀𝘂𝘀 𝗮𝗻𝗴 𝘂𝗻𝗮 𝗵𝗶𝗴𝗶𝘁 𝘀𝗮 𝗹𝗮𝗵𝗮𝘁.

𝘒𝘢𝘺𝘢 𝘯𝘢𝘮𝘢𝘯 𝘪𝘵𝘪𝘯𝘢𝘢𝘴 𝘴𝘪𝘺𝘢𝘯𝘨 𝘭𝘶𝘣𝘰𝘴 𝘯𝘨 𝘋𝘪𝘺𝘰𝘴 𝘢𝘵 𝘣𝘪𝘯𝘪𝘨𝘺𝘢𝘯 𝘯𝘨 𝘵𝘪𝘵𝘶𝘭𝘰𝘯𝘨 𝘩𝘪𝘨𝘪𝘵 𝘴𝘢 𝘭𝘢𝘩𝘢𝘵 𝘯𝘨 𝘵𝘪𝘵𝘶𝘭𝘰, 𝘶𝘱𝘢𝘯𝘨 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘴𝘢 𝘭𝘢𝘯𝘨𝘪𝘵 𝘢𝘵 𝘭𝘶𝘱𝘢, 𝘢𝘵 𝘯𝘢𝘴𝘢 𝘪𝘭𝘢𝘭𝘪𝘮 𝘯𝘨 𝘭𝘶𝘱𝘢 𝘢𝘺 𝘭𝘶𝘭𝘶𝘩𝘰𝘥 𝘴𝘢 𝘱𝘢𝘨𝘴𝘢𝘮𝘣𝘢 𝘴𝘢 𝘬𝘢𝘯𝘺𝘢. 𝘈𝘵 𝘬𝘪𝘬𝘪𝘭𝘢𝘭𝘢𝘯𝘪𝘯 𝘯𝘨 𝘭𝘢𝘩𝘢𝘵 𝘯𝘢 𝘴𝘪 𝘑𝘦𝘴𝘶-𝘊𝘳𝘪𝘴𝘵𝘰 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯, 𝘴𝘢 𝘪𝘬𝘢𝘱𝘶𝘱𝘶𝘳𝘪 𝘯𝘨 𝘋𝘪𝘺𝘰𝘴 𝘈𝘮𝘢. 𝗠𝗚𝗔 𝗧𝗔𝗚𝗔-𝗙𝗜𝗟𝗜𝗣𝗢𝗦 𝟮:𝟵–𝟭𝟭

Tuwing ipapahayag natin si Jesus bilang ating Panginoon, kinikilala natin na Siya ang nakatataas sa lahat. Kahit Siya ay kapantay ng Diyos, ibinaba Niya ang Kanyang sarili sa pamamagitan ng pag-aanyong tao at pagsunod sa Ama sa pamamagitan ng kamatayan sa krus para sa kapakanan natin (Mga Taga-Filipos 2:5–8). Dahil dito, lahat ng bagay ay ipinasakop ng Diyos Ama sa Kanya at walang sinuman sa mga nilikha ang nakahihigit o nakataas sa Kanya.

Itinalaga si Jesus sa pinakamataas na posisyon ng awtoridad at dangal, karapat-dapat na tumanggap ng ating katapatan, paggalang, at pagsamba. Ang pagiging Panginoon Niya ay sumasakop sa lahat ng nilikha. Lahat ay luluhod sa Kanya at kikilalanin Siyang pinuno ng lahat. Dahil dito, paano natin dapat tingnan ang mga pinuno at awtoridad sa mundong ito at sa buhay natin? Paano naaapektuhan ng pagpapakumbaba at sakripisyo ni Jesus ang pagtingin mo sa Kanya bilang karapat-dapat na paglaanan ng iyong buhay?

𝟮. 𝗕𝗶𝗹𝗮𝗻𝗴 𝗣𝗮𝗻𝗴𝗶𝗻𝗼𝗼𝗻 𝗻𝗴 𝗹𝗮𝗵𝗮𝘁, 𝘀𝗶 𝗝𝗲𝘀𝘂𝘀 𝗺𝘂𝗻𝗮 𝗯𝗮𝗴𝗼 𝗮𝗻𝗴 𝗹𝗮𝗵𝗮𝘁.

“𝘈𝘯𝘨 𝘯𝘢𝘨𝘮𝘢𝘮𝘢𝘩𝘢𝘭 𝘴𝘢 𝘬𝘢𝘯𝘺𝘢𝘯𝘨 𝘮𝘨𝘢 𝘮𝘢𝘨𝘶𝘭𝘢𝘯𝘨 𝘯𝘨 𝘩𝘪𝘨𝘪𝘵 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘬𝘢𝘳𝘢𝘱𝘢𝘵-𝘥𝘢𝘱𝘢𝘵 𝘴𝘢 𝘢𝘬𝘪𝘯. 𝘈𝘵 𝘢𝘯𝘨 𝘯𝘢𝘨𝘮𝘢𝘮𝘢𝘩𝘢𝘭 𝘴𝘢 𝘬𝘢𝘯𝘺𝘢𝘯𝘨 𝘢𝘯𝘢𝘬 𝘯𝘨 𝘩𝘪𝘨𝘪𝘵 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘬𝘢𝘳𝘢𝘱𝘢𝘵-𝘥𝘢𝘱𝘢𝘵 𝘴𝘢 𝘢𝘬𝘪𝘯. 𝘈𝘯𝘨 𝘴𝘪𝘯𝘶𝘮𝘢𝘯𝘨 𝘢𝘺𝘢𝘸 𝘴𝘶𝘮𝘶𝘯𝘰𝘥 𝘴𝘢 𝘢𝘬𝘪𝘯 𝘥𝘢𝘩𝘪𝘭 𝘯𝘢𝘵𝘢𝘵𝘢𝘬𝘰𝘵 𝘴𝘪𝘺𝘢𝘯𝘨 𝘮𝘢𝘮𝘢𝘵𝘢𝘺 𝘱𝘢𝘳𝘢 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘬𝘢𝘳𝘢𝘱𝘢𝘵-𝘥𝘢𝘱𝘢𝘵 𝘴𝘢 𝘢𝘬𝘪𝘯. 𝘈𝘯𝘨 𝘵𝘢𝘰𝘯𝘨 𝘯𝘢𝘨𝘩𝘢𝘩𝘢𝘯𝘨𝘢𝘥 𝘮𝘢𝘨𝘭𝘪𝘨𝘵𝘢𝘴 𝘯𝘨 𝘬𝘢𝘯𝘺𝘢𝘯𝘨 𝘣𝘶𝘩𝘢𝘺 𝘢𝘺 𝘮𝘢𝘸𝘢𝘸𝘢𝘭𝘢𝘯 𝘯𝘪𝘵𝘰. 𝘕𝘨𝘶𝘯𝘪𝘵 𝘢𝘯𝘨 𝘵𝘢𝘰𝘯𝘨 𝘯𝘢𝘨𝘯𝘢𝘯𝘢𝘪𝘴 𝘮𝘢𝘨-𝘢𝘭𝘢𝘺 𝘯𝘨 𝘬𝘢𝘯𝘺𝘢𝘯𝘨 𝘣𝘶𝘩𝘢𝘺 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘢𝘬𝘪𝘯 𝘢𝘺 𝘮𝘢𝘨𝘬𝘢𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯.” 𝗠𝗔𝗧𝗘𝗢 𝟭𝟬:𝟯𝟳–𝟯𝟵

Tuwing ipinapahayag natin na si Jesus ang Panginoon, dapat natin Siyang unahin bago ang lahat ng bagay at lahat ng tao sa ating buhay. Siya ang una nating prayoridad. Dapat mauna ang pagmamahal natin sa Kanya bago ang pinakamalapit at pinakapinahahalagahang ugnayan, gaya ng mga pamilya natin. Dapat Siya ang mauna bago ang mga sarili nating buhay. Sa pagsunod natin kay Jesus, kailangan nating isuko ang pansarili nating hangarin para masunod natin Siya nang buong puso. Ang ibig sabihin nito ay karapat-dapat nating ibigay kay Jesus ang ganap nating debosyon, katapatan, at dedikasyon. Paano natin kikilalanin at ipapamuhay ang pagiging Panginoon ni Jesus sa mga ugnayan natin dito sa lupa?

𝟯.𝗕𝗶𝗹𝗮𝗻𝗴 𝗣𝗮𝗻𝗴𝗶𝗻𝗼𝗼𝗻 𝗻𝗴 𝗹𝗮𝗵𝗮𝘁, 𝘀𝗶 𝗝𝗲𝘀𝘂𝘀 𝗮𝗻𝗴 𝘂𝗻𝗮 𝘀𝗮 𝗹𝗮𝗵𝗮𝘁.

𝘚𝘢𝘱𝘢𝘨𝘬𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢, 𝘢𝘵 𝘱𝘢𝘳𝘢 𝘴𝘢 𝘬𝘢𝘯𝘺𝘢, 𝘯𝘪𝘭𝘪𝘬𝘩𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘴𝘢 𝘭𝘢𝘯𝘨𝘪𝘵 𝘢𝘵 𝘯𝘢𝘴𝘢 𝘮𝘶𝘯𝘥𝘰, 𝘢𝘯𝘨 𝘯𝘢𝘬𝘪𝘬𝘪𝘵𝘢 𝘱𝘢𝘵𝘪 𝘳𝘪𝘯 𝘢𝘯𝘨 𝘥𝘪-𝘯𝘢𝘬𝘪𝘬𝘪𝘵𝘢, 𝘬𝘢𝘵𝘶𝘭𝘢𝘥 𝘯𝘨 𝘮𝘨𝘢 𝘦𝘴𝘱𝘪𝘳𝘪𝘵𝘶𝘯𝘨 𝘯𝘢𝘨𝘩𝘢𝘩𝘢𝘳𝘪 𝘢𝘵 𝘯𝘢𝘮𝘢𝘮𝘢𝘩𝘢𝘭𝘢, 𝘮𝘨𝘢 𝘦𝘴𝘱𝘪𝘳𝘪𝘵𝘶𝘯𝘨 𝘯𝘢𝘮𝘶𝘮𝘶𝘯𝘰 𝘢𝘵 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯. 𝘉𝘢𝘨𝘰 𝘱𝘢 𝘮𝘢𝘯 𝘭𝘪𝘬𝘩𝘢𝘪𝘯 𝘢𝘯𝘨 𝘢𝘯𝘶𝘮𝘢𝘯𝘨 𝘣𝘢𝘨𝘢𝘺, 𝘯𝘢𝘳𝘰𝘰𝘯 𝘯𝘢 𝘴𝘪 𝘊𝘳𝘪𝘴𝘵𝘰, 𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢 𝘢𝘯𝘨 𝘭𝘢𝘩𝘢𝘵 𝘢𝘺 𝘯𝘢𝘯𝘢𝘯𝘢𝘵𝘪𝘭𝘪𝘯𝘨 𝘯𝘢𝘴𝘢 𝘬𝘢𝘢𝘺𝘶𝘴𝘢𝘯. 𝘚𝘪 𝘊𝘳𝘪𝘴𝘵𝘰 𝘢𝘯𝘨 𝘶𝘭𝘰 𝘯𝘨 𝘪𝘨𝘭𝘦𝘴𝘺𝘢 𝘯𝘢 𝘬𝘢𝘯𝘺𝘢𝘯𝘨 𝘬𝘢𝘵𝘢𝘸𝘢𝘯. 𝘚𝘪𝘺𝘢 𝘢𝘯𝘨 𝘱𝘪𝘯𝘢𝘨𝘮𝘶𝘭𝘢𝘯 𝘯𝘪𝘵𝘰, 𝘢𝘯𝘨 𝘶𝘯𝘢𝘯𝘨 𝘯𝘢𝘣𝘶𝘩𝘢𝘺 𝘴𝘢 𝘮𝘨𝘢 𝘱𝘢𝘵𝘢𝘺, 𝘱𝘢𝘳𝘢 𝘮𝘢𝘨𝘪𝘯𝘨 𝘱𝘪𝘯𝘢𝘬𝘢𝘥𝘢𝘬𝘪𝘭𝘢 𝘴𝘪𝘺𝘢 𝘴𝘢 𝘭𝘢𝘩𝘢𝘵. 𝗠𝗚𝗔 𝗧𝗔𝗚𝗔-𝗖𝗢𝗟𝗢𝗦𝗔𝗦 𝟭:𝟭𝟲–𝟭𝟴

Ang paghahayag na si Jesus ang una sa lahat ay nagbibigay-diin sa lawak ng awtoridad ni Jesu-Cristo sa lahat ng aspeto ng ating pamumuhay. Hindi lamang Siya kategorya sa buhay natin na darating bago ang iba pang kategorya. Dapat Siya ang may kapangyarihan sa iba’t ibang bahagi ng ating buhay. Kabilang dito ang ating katawan, isipan, emosyon, at kalooban. Kasama rin dito ang ating pamilya at mga ugnayan, salapi at kayamanan, oras, trabaho, ambisyon, at karera sa buhay. Ang pagkilala natin sa kadakilaan Niya sa mga bahaging ito ay nangangahulugan ng pagpapasakop ng mga ito sa Kanyang awtoridad, paghahangad ng Kanyang gabay at karunungan, at pag-ayon ng ating mga kilos sa kalooban Niya. Sa paanong paraan mo ito naranasan sa buhay mo?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang mga pagsubok na kinakaharap mo sa pagsuko ng mga bahagi ng buhay mo sa pagka-Panginoon ni Jesus? Ano ang mga katotohanan tungkol kay Jesus at sa ebanghelyo ang nakatulong sa iyong malampasan ang mga pagsubok na ito?

• Maglaan ng panahon para suriin ang mga prayoridad mo sa buhay. Mayroon bang bagay o tao sa buhay mo na mas mahalaga kaysa kay Jesus? Paano mo iaayon ang mga prayoridad mo sa buhay sa pagka-Panginoon Niya?

• Pag-isipan ang mga bahagi ng buhay mo kung saan kinikilala mo ang pagka-Panginoon ni Jesus. Paano nakapagbibigay ng kapayapaan at kasiyahan ang pagpapasakop mo sa awtoridad ni Jesus sa mga bahaging ito?

𝗣𝗥𝗔𝗬𝗘𝗥

• Humingi ng bagong pagkaunawa sa kadakilaan at kamahalan ni Jesus bilang Panginoon ng lahat. Hilingin na palalimin pa ng Diyos ang iyong paghanga at paggalang sa Kanya.

• Ipanalangin na magkaroon ka ng mas malalim na kaalaman sa pagiging Panginoon ni Jesus sa buhay mo at kagustuhang isuko ang lahat ng bahagi ng buhay mo sa Kanya.

• Humingi ng karunungan at kalakasan upang unahin si Jesus bago ang lahat ng bagay, ugnayan, at tungkulin mo.