𝗪𝗔𝗥𝗠 𝗨𝗣

• Sino ang pinakamakapangyarihan at pinakamatalinong tauhang napanood mo sa isang pelikula o nabasa sa isang libro? Magbahagi ng mga kwentong nagpapakita ng mga katangiang ito tungkol sa kanya.

• Ano ang isang bagay na alam mong hindi mo kakayaning mabuhay kung wala ito sa iyo?

• Kung may isang taong maaari mong makasama sa lahat ng oras, sino ang pipiliin mong makasama? Bakit?

𝗪𝗢𝗥𝗗

“𝘈𝘵 𝘩𝘪𝘩𝘪𝘭𝘪𝘯𝘨𝘪𝘯 𝘬𝘰 𝘴𝘢 𝘈𝘮𝘢 𝘯𝘢 𝘣𝘪𝘨𝘺𝘢𝘯 𝘯𝘪𝘺𝘢 𝘬𝘢𝘺𝘰 𝘯𝘨 𝘪𝘴𝘢𝘯𝘨 𝘛𝘢𝘨𝘢𝘵𝘶𝘭𝘰𝘯𝘨 𝘯𝘢 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝘚𝘪𝘺𝘢 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘯𝘢 𝘵𝘢𝘨𝘢𝘱𝘢𝘨𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝘏𝘪𝘯𝘥𝘪 𝘴𝘪𝘺𝘢 𝘮𝘢𝘵𝘢𝘯𝘨𝘨𝘢𝘱 𝘯𝘨 𝘮𝘨𝘢 𝘵𝘢𝘰𝘯𝘨 𝘮𝘢𝘬𝘢𝘮𝘶𝘯𝘥𝘰 𝘥𝘢𝘩𝘪𝘭 𝘩𝘪𝘯𝘥𝘪 𝘴𝘪𝘺𝘢 𝘯𝘢𝘬𝘪𝘬𝘪𝘵𝘢 𝘰 𝘯𝘢𝘬𝘪𝘬𝘪𝘭𝘢𝘭𝘢 𝘯𝘨 𝘮𝘨𝘢 𝘪𝘵𝘰. 𝘗𝘦𝘳𝘰 𝘬𝘪𝘭𝘢𝘭𝘢 𝘯ʼ𝘺𝘰 𝘴𝘪𝘺𝘢, 𝘥𝘢𝘩𝘪𝘭 𝘬𝘢𝘴𝘢𝘮𝘢 𝘯ʼ𝘺𝘰 𝘴𝘪𝘺𝘢 𝘢𝘵 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗝𝗨𝗔𝗡 𝟭𝟰:𝟭𝟲-𝟭𝟳

Ang buhay ng isang Kristiyano ay buhay na nakasentro sa pagmamahal sa Diyos at sa mga tao. Maaaring nakakatakot ang tungkuling ito, dahil sa mga limitasyon natin at iba’t ibang pangyayaring hinaharap natin araw-araw. Maaaring ganito rin ang naramdaman ng mga disipulo noong sinabi sa kanila ni Jesus na pupunta na Siya sa langit. Ngunit ipinangako ni Jesus ang isang Tagatulong. Sa pamamagitan ng Banal na Espiritu, matatagpuan natin ang dakilang pinagkukunan ng kaginhawahan at kaligayahan. Hindi ipinapamuhay ang pagiging Kristiyano sa pamamagitan ng sarili nating kakayahan kundi sa pamamagitan ng presensya at kapangyarihan ng Diyos. Ngayong araw, titingnan natin ang mga benepisyong ibinibigay sa atin ng Banal na Espiritu at kung paano makakatulong ang mga katotohanang ito sa paghubog ng ating buhay.

𝟭. 𝗔𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂 𝗮𝘆 𝗻𝗮𝗻𝗮𝗻𝗮𝗵𝗮𝗻 𝘀𝗮 𝗺𝗴𝗮 𝗺𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮.

“𝘈𝘵 𝘩𝘪𝘩𝘪𝘭𝘪𝘯𝘨𝘪𝘯 𝘬𝘰 𝘴𝘢 𝘈𝘮𝘢 𝘯𝘢 𝘣𝘪𝘨𝘺𝘢𝘯 𝘯𝘪𝘺𝘢 𝘬𝘢𝘺𝘰 𝘯𝘨 𝘪𝘴𝘢𝘯𝘨 𝘛𝘢𝘨𝘢𝘵𝘶𝘭𝘰𝘯𝘨 𝘯𝘢 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝘚𝘪𝘺𝘢 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘯𝘢 𝘵𝘢𝘨𝘢𝘱𝘢𝘨𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝘏𝘪𝘯𝘥𝘪 𝘴𝘪𝘺𝘢 𝘮𝘢𝘵𝘢𝘯𝘨𝘨𝘢𝘱 𝘯𝘨 𝘮𝘨𝘢 𝘵𝘢𝘰𝘯𝘨 𝘮𝘢𝘬𝘢𝘮𝘶𝘯𝘥𝘰 𝘥𝘢𝘩𝘪𝘭 𝘩𝘪𝘯𝘥𝘪 𝘴𝘪𝘺𝘢 𝘯𝘢𝘬𝘪𝘬𝘪𝘵𝘢 𝘰 𝘯𝘢𝘬𝘪𝘬𝘪𝘭𝘢𝘭𝘢 𝘯𝘨 𝘮𝘨𝘢 𝘪𝘵𝘰. 𝘗𝘦𝘳𝘰 𝘬𝘪𝘭𝘢𝘭𝘢 𝘯ʼ𝘺𝘰 𝘴𝘪𝘺𝘢, 𝘥𝘢𝘩𝘪𝘭 𝘬𝘢𝘴𝘢𝘮𝘢 𝘯ʼ𝘺𝘰 𝘴𝘪𝘺𝘢 𝘢𝘵 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗝𝗨𝗔𝗡 𝟭𝟰:𝟭𝟲-𝟭𝟳

Isa sa mga pinakamalaking biyaya sa buhay ng isang Kristiyano ang presensya ng Diyos. Nagiging totoo para sa atin ang pagkilala sa Diyos at pagkakaroon ng malapit na ugnayan sa Kanya dahil nananahan sa atin ang Kanyang Espiritu. Bilang mga Kristiyano, nakakasiguro tayo sa ating kaligtasan dahil tinatakan na ito ng Banal na Espiritu at Siya ang nagpapatotoo na tayo ay mga anak ng Diyos. Dahil nananahan sa atin ang Banal na Espiritu, tayo ay kaisa ni Jesus. Nagkaroon tayo ng daan upang matanggap ang lahat ng pagpapalang espiritwal na inilaan ng Diyos para sa atin kay Cristo. Tuwing nababahala o natatakot tayo, matatagpuan natin ang kaligayahan, kapayapaan, at kaginhawahan sa Banal na Espiritung nananahan sa atin. Paano mo ito naranasan sa iyong buhay?

𝟮. 𝗔𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂 𝗮𝗻𝗴 𝗻𝗮𝗴𝗽𝗮𝗽𝗮𝗸𝗶𝘁𝗮 𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻 𝗻𝗴 𝗗𝗶𝘆𝗼𝘀 𝘀𝗮 𝗺𝗴𝗮 𝗺𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮.

“𝘚𝘪𝘺𝘢 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘯𝘢 𝘵𝘢𝘨𝘢𝘱𝘢𝘨𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝘏𝘪𝘯𝘥𝘪 𝘴𝘪𝘺𝘢 𝘮𝘢𝘵𝘢𝘯𝘨𝘨𝘢𝘱 𝘯𝘨 𝘮𝘨𝘢 𝘵𝘢𝘰𝘯𝘨 𝘮𝘢𝘬𝘢𝘮𝘶𝘯𝘥𝘰 𝘥𝘢𝘩𝘪𝘭 𝘩𝘪𝘯𝘥𝘪 𝘴𝘪𝘺𝘢 𝘯𝘢𝘬𝘪𝘬𝘪𝘵𝘢 𝘰 𝘯𝘢𝘬𝘪𝘬𝘪𝘭𝘢𝘭𝘢 𝘯𝘨 𝘮𝘨𝘢 𝘪𝘵𝘰. 𝘗𝘦𝘳𝘰 𝘬𝘪𝘭𝘢𝘭𝘢 𝘯ʼ𝘺𝘰 𝘴𝘪𝘺𝘢, 𝘥𝘢𝘩𝘪𝘭 𝘬𝘢𝘴𝘢𝘮𝘢 𝘯ʼ𝘺𝘰 𝘴𝘪𝘺𝘢 𝘢𝘵 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗝𝗨𝗔𝗡 𝟭𝟰:𝟭𝟳

Maaaring mabasa at maunawaan ng isang tao ang mga nilalaman ng Bibliya. Gayunpaman, ang Bibliya ay hindi lamang inilaan para mapagkunan ng impormasyon tungkol sa Diyos. Ipinapahayag nito kung sino Siya at kung ano ang ginawa Niya. Hindi ito matutupad sa pamamagitan ng kakayahan ng tao, kundi sa pamamagitan ng gawain ng Espiritu, na Siyang nagpapakita ng katotohanan sa bawat mananampalataya. Mauunawaan natin kung sino talaga ang Diyos dahil binubuksan ng Banal na Espiritu ang ating mga mata’t isipan. Tuwing binabasa, pinapakinggan, at sinusunod natin ang Bibliya, tinutulungan tayo ng Banal na Espiritu na malaman at maunawaan ang katotohanan ng Diyos. Ano ang sinasabi sa Juan 14:26?

𝟯. 𝗔𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂 𝗮𝗻𝗴 𝗻𝗮𝗴𝗯𝗶𝗯𝗶𝗴𝗮𝘆 𝗻𝗴 𝗸𝗮𝗸𝗮𝘆𝗮𝗵𝗮𝗻 𝘀𝗮 𝗺𝗴𝗮 𝗺𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮 𝗽𝗮𝗿𝗮 𝘀𝗮 𝗸𝗮𝗻𝗶𝗹𝗮𝗻𝗴 𝗯𝘂𝗵𝗮𝘆, 𝗺𝗶𝗻𝗶𝘀𝘁𝗲𝗿𝘆𝗼, 𝗮𝘁 𝗺𝗶𝘀𝘆𝗼𝗻.

“𝘈𝘵 𝘩𝘪𝘩𝘪𝘭𝘪𝘯𝘨𝘪𝘯 𝘬𝘰 𝘴𝘢 𝘈𝘮𝘢 𝘯𝘢 𝘣𝘪𝘨𝘺𝘢𝘯 𝘯𝘪𝘺𝘢 𝘬𝘢𝘺𝘰 𝘯𝘨 𝘪𝘴𝘢𝘯𝘨 𝘛𝘢𝘨𝘢𝘵𝘶𝘭𝘰𝘯𝘨 𝘯𝘢 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝘚𝘪𝘺𝘢 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘯𝘢 𝘵𝘢𝘨𝘢𝘱𝘢𝘨𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝘏𝘪𝘯𝘥𝘪 𝘴𝘪𝘺𝘢 𝘮𝘢𝘵𝘢𝘯𝘨𝘨𝘢𝘱 𝘯𝘨 𝘮𝘨𝘢 𝘵𝘢𝘰𝘯𝘨 𝘮𝘢𝘬𝘢𝘮𝘶𝘯𝘥𝘰 𝘥𝘢𝘩𝘪𝘭 𝘩𝘪𝘯𝘥𝘪 𝘴𝘪𝘺𝘢 𝘯𝘢𝘬𝘪𝘬𝘪𝘵𝘢 𝘰 𝘯𝘢𝘬𝘪𝘬𝘪𝘭𝘢𝘭𝘢 𝘯𝘨 𝘮𝘨𝘢 𝘪𝘵𝘰. 𝘗𝘦𝘳𝘰 𝘬𝘪𝘭𝘢𝘭𝘢 𝘯ʼ𝘺𝘰 𝘴𝘪𝘺𝘢, 𝘥𝘢𝘩𝘪𝘭 𝘬𝘢𝘴𝘢𝘮𝘢 𝘯ʼ𝘺𝘰 𝘴𝘪𝘺𝘢 𝘢𝘵 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗝𝗨𝗔𝗡 𝟭𝟰:𝟭𝟲-𝟭𝟳

Ang Banal na Espiritu ang ating Tagatulong, ang Siyang nagbibigay ng kakayahan sa mga mananampalataya para harapin ang hirap at ginhawa ng buhay nang may pananampalataya at katiyakan sa Diyos. Dahil alam nating palagi nating kasama ang Espiritu ng Diyos, buong tapang nating maipapamuhay ang buhay na itinakda ng ebanghelyo at buong tiwala nating masusunod ang Kanyang tawag na maging mga kamay at paa Niya sa mga tao sa paligid natin. Binibigyan tayo ng Banal na Espiritu ng kapangyarihan para maibahagi natin kung sino si Jesus sa ating mga kaibigan at pamilya, at pati na rin sa mga komunidad sa paligid natin. Anu-ano pa ang mga paraan kung paano tayo tinutulungan ng Banal na Espiritu para magawa nating sundin ang tawag ng Diyos para sa atin? (Mga Taga-Galacia 5:22–23 at 1 Corinto 12:4–11).

𝗔𝗣𝗣𝗟𝗜𝗖𝗔𝗧𝗜𝗢𝗡

• Nananahan sa iyo ang Banal na Espiritu. Paano naaapektuhan ng kaalamang ito ang pagtingin mo sa iyong sarili at ang paraan mo ng pamumuhay?

• Mayroon bang mga aspeto tungkol sa Diyos o sa Kanyang salita na nahihirapan kang unawain o tanggapin? Sa paglalaan mo ng panahon sa pagbabasa ng salita at pagdarasal, hilingin mong tulungan ka ng Banal na Espiritu.

• Paano ka natutulungan ng Banal na Espiritung sundin ang tawag ng Diyos sa panahong ito? Ano ang mga kaloob na ibinigay Niya sa iyo at paano ka lalago sa mga ito?

𝗣𝗥𝗔𝗬𝗘𝗥

• Pasalamatan ang Diyos dahil ipinadala Niya ang Banal na Espiritu para manahan sa atin, tulungan tayong mamuhay nang banal at bigyan tayo ng kakayahan para buong tapang na ipahayag si Cristo sa mundo.

• Ipanalangin na magkaroon tayo ng lumalagong kamalayan tungkol sa Kanyang presensya sa ating buhay.

Hilingin sa Diyos na palaguin Niya ang iyong pagiging sensitibo sa Banal na Espiritu, para marinig mo ang Kanyang paggabay, matanggap mo ang Kanyang biyaya, at magawa mong sumunod at mamuhay nang naaayon sa Espiritu.

• Ipanalangin na ipakita sa iyo ng Diyos ang mga espiritwal na kaloob na ibinigay Niya sa iyo habang sinusunod mo ang Kanyang tawag at misyong ipangaral ang ebanghelyo at paglingkuran ang mga tao sa paligid mo.