𝗪𝗔𝗥𝗠 𝗨𝗣

• Paano mo tinatrato ang mga taong malapit sa puso mo? Paano ito naiiba sa paraan ng pagtrato mo sa mga kakilala o mga bagong kakilala mo pa lang?

• May ipinangako na ba sa ’yo na parang napakaganda para maging totoo, pero natupad naman? Ano ang naramdaman mo nang matupad ito?

• Ikwento ang isang pagkakataon na naramdaman mong kailangan mo ng panibagong simula. Paano ka nakabangon at nagpatuloy?

𝗪𝗢𝗥𝗗

𝘕𝘨𝘶𝘯𝘪𝘵 𝘩𝘪𝘨𝘪𝘵 𝘯𝘢 𝘥𝘢𝘬𝘪𝘭𝘢 𝘢𝘯𝘨 𝘮𝘨𝘢 𝘨𝘢𝘸𝘢𝘪𝘯 𝘯𝘪 𝘑𝘦𝘴𝘶𝘴 𝘣𝘪𝘭𝘢𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘬𝘢𝘺𝘴𝘢 𝘴𝘢 𝘮𝘨𝘢 𝘨𝘢𝘸𝘢𝘪𝘯 𝘯𝘨 𝘮𝘨𝘢 𝘱𝘢𝘳𝘪, 𝘥𝘢𝘩𝘪𝘭 𝘴𝘪𝘺𝘢 𝘢𝘯𝘨 𝘵𝘢𝘨𝘢𝘱𝘢𝘮𝘢𝘨𝘪𝘵𝘢𝘯 𝘯𝘨 𝘪𝘴𝘢𝘯𝘨 𝘬𝘢𝘴𝘶𝘯𝘥𝘶𝘢𝘯𝘨 𝘩𝘪𝘨𝘪𝘵 𝘯𝘢 𝘮𝘢𝘣𝘶𝘵𝘪 𝘬𝘢𝘺𝘴𝘢 𝘴𝘢 𝘯𝘢𝘶𝘯𝘢. 𝘈𝘵 𝘯𝘢𝘬𝘢𝘴𝘢𝘭𝘢𝘭𝘢𝘺 𝘪𝘵𝘰 𝘴𝘢 𝘮𝘢𝘴 𝘮𝘢𝘣𝘶𝘣𝘶𝘵𝘪𝘯𝘨 𝘱𝘢𝘯𝘨𝘢𝘬𝘰 𝘯𝘨 𝘋𝘪𝘰𝘴. 𝗛𝗘𝗕𝗥𝗘𝗢 𝟴:𝟲

(Basahin din ang 𝗛𝗘𝗕𝗥𝗘𝗢 𝟴:𝟭–𝟱, 𝟳–𝟭𝟯.)

Isa sa mga mas mabubuting bagay na ibinigay ng Diyos sa atin sa pamamagitan ni Cristo ay ang mas mabuting paglilingkod. Sa talatang ito, ang paglilingkod ay tumutukoy sa pampublikong pagsisilbi sa Diyos at sa mga tao na ginagawa ng mga pari. Sa Lumang Tipan, ang mga pari ay naghahandog ng mga sakripisyo at mga alay sa Diyos bilang pagsamba at upang maging posible ang pakikipag-ugnayan sa Kanya. Sila rin ang may tungkuling turuan ang mga Israelita tungkol sa panuntunan o salita ng Diyos. Ngunit kahit pa nagbigay ang paglilingkod na ito ng daan tungo sa pakikipag-ugnayan sa Diyos, hindi nito ganap na nilinis ang mga tao at hindi rin ito nagdulot ng ganap na pagbabago sa kanilang buhay. Mas higit ang paglilingkod ni Jesus kaysa sa mga pari dahil ito ay nakabatay sa 𝘮𝘢𝘴 𝘮𝘢𝘣𝘶𝘣𝘶𝘵𝘪𝘯𝘨 𝘱𝘢𝘯𝘨𝘢𝘬𝘰. Sa araw na ito, pag-aaralan natin ang mga mas mabubuting pangako na natupad sa pamamagitan ng mas mabuting paglilingkod ni Jesus sa ilalim ng bagong tipan.

𝟭. 𝗡𝗶𝗹𝗮𝗹𝗮𝗴𝗮𝘆 𝗻𝗴 𝗗𝗶𝘆𝗼𝘀 𝗮𝗻𝗴 𝗞𝗮𝗻𝘆𝗮𝗻𝗴 𝗺𝗴𝗮 𝗸𝗮𝘂𝘁𝘂𝘀𝗮𝗻 𝘀𝗮 𝗮𝘁𝗶𝗻𝗴 𝗺𝗴𝗮 𝗽𝘂𝘀𝗼 𝗮𝘁 𝗶𝘀𝗶𝗽𝗮𝗻.

“𝘚𝘪𝘯𝘢𝘣𝘪 𝘱𝘢 𝘯𝘨 𝘗𝘢𝘯𝘨𝘪𝘯𝘰𝘰𝘯, “𝘐𝘵𝘰 𝘢𝘯𝘨 𝘣𝘢𝘨𝘰𝘯𝘨 𝘬𝘢𝘴𝘶𝘯𝘥𝘶𝘢𝘯 𝘯𝘢 𝘨𝘢𝘨𝘢𝘸𝘪𝘯 𝘬𝘰 𝘴𝘢 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘯𝘨 𝘐𝘴𝘳𝘢𝘦𝘭 𝘱𝘢𝘨𝘥𝘢𝘵𝘪𝘯𝘨 𝘯𝘨 𝘢𝘳𝘢𝘸 𝘯𝘢 𝘪𝘺𝘰𝘯: 𝘐𝘵𝘢𝘵𝘢𝘯𝘪𝘮 𝘬𝘰 𝘴𝘢 𝘪𝘴𝘪𝘱𝘢𝘯 𝘯𝘪𝘭𝘢 𝘢𝘯𝘨 𝘮𝘨𝘢 𝘶𝘵𝘰𝘴 𝘬𝘰, 𝘢𝘵 𝘪𝘴𝘶𝘴𝘶𝘭𝘢𝘵 𝘬𝘰 𝘢𝘯𝘨 𝘮𝘨𝘢 𝘪𝘵𝘰 𝘴𝘢 𝘮𝘨𝘢 𝘱𝘶𝘴𝘰 𝘯𝘪𝘭𝘢. . . .” 𝗛𝗘𝗕𝗥𝗘𝗢 𝟴:𝟭𝟬

Ang mga utos at panuntunan ng Diyos ay isinulat noon sa mga kasulatan at binabasa nang malakas upang malaman at maalala ng mga tao. Ipinapakita nito kung ano ang tama at mali; ngunit hindi nito kayang turuan ang tao na gawin ang tama at iwasan ang mali (Roma 7:7–12).

Ngunit sa ilalim ng bagong tipan, isinulat ng Diyos ang Kanyang mga panuntunan sa ating mga puso. Hindi na ito basta panlabas na utos o alituntunin lang. Ang paglilingkod ni Jesus ay nagbubunga ng bagong kagustuhan sa atin na mahalin ang Diyos at ang ating kapwa, at ang pag-ibig na ito ang tumutupad sa utos ng Diyos (Roma 13:8–10; Galacia 5:14). Paano ipinapakita ng 1 Juan 4:10 at 19 kung paano nabubuo sa atin ang pag-ibig na ito para sa Diyos at sa kapwa?

𝟮. 𝗚𝗶𝗻𝗮𝗴𝗮𝘄𝗮 𝘁𝗮𝘆𝗼 𝗻𝗴 𝗗𝗶𝘆𝗼𝘀 𝗻𝗮 𝗯𝗮𝘆𝗮𝗻 𝗡𝗶𝘆𝗮.

“. . . 𝘈𝘬𝘰 𝘢𝘯𝘨 𝘮𝘢𝘨𝘪𝘨𝘪𝘯𝘨 𝘋𝘪𝘰𝘴 𝘯𝘪𝘭𝘢, 𝘢𝘵 𝘴𝘪𝘭𝘢 𝘯𝘢𝘮𝘢𝘯 𝘢𝘯𝘨 𝘮𝘢𝘨𝘪𝘨𝘪𝘯𝘨 𝘣𝘢𝘺𝘢𝘯 𝘬𝘰. 𝘏𝘪𝘯𝘥𝘪 𝘯𝘢 𝘯𝘪𝘭𝘢 𝘬𝘢𝘪𝘭𝘢𝘯𝘨𝘢𝘯 𝘱𝘢𝘯𝘨 𝘵𝘶𝘳𝘶𝘢𝘯 𝘢𝘯𝘨 𝘮𝘨𝘢 𝘬𝘢𝘣𝘢𝘣𝘢𝘺𝘢𝘯 𝘰 𝘬𝘢𝘱𝘢𝘵𝘪𝘥 𝘯𝘪𝘭𝘢 𝘯𝘢 𝘬𝘪𝘭𝘢𝘭𝘢𝘯𝘪𝘯 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯. 𝘚𝘢𝘱𝘢𝘨𝘬𝘢𝘵 𝘬𝘪𝘬𝘪𝘭𝘢𝘭𝘢𝘯𝘪𝘯 𝘯𝘪𝘭𝘢 𝘢𝘬𝘰𝘯𝘨 𝘭𝘢𝘩𝘢𝘵, 𝘮𝘶𝘭𝘢 𝘴𝘢 𝘱𝘪𝘯𝘢𝘬𝘢𝘮𝘢𝘣𝘢𝘣𝘢 𝘩𝘢𝘯𝘨𝘨𝘢𝘯𝘨 𝘴𝘢 𝘱𝘪𝘯𝘢𝘬𝘢𝘥𝘢𝘬𝘪𝘭𝘢.” 𝗛𝗘𝗕𝗥𝗘𝗢 𝟴:𝟭𝟬–𝟭𝟭

Sa Lumang Tipan, iilan lamang ang piniling makalapit sa presensya ng Diyos. Ang mga Israelita ang bayan ng Diyos at may daan sa Tabernakulo upang makipag-ugnayan sa Diyos. Ngunit tanging ang mga pari lang ang maaaring pumasok sa santuwaryo kung saan higit na nararanasan ang Kanyang presensya. Nakakalungkot man ngunit dahil nilabag ng mga Israelita ang kasunduan nila sa Diyos, sinabi ng Diyos na sila ay hindi na Niya bayan (Hosea 1:9). Ngunit nangako Siya na darating ang panahon na muli silang tatawagin na Kanyang bayan (Hosea 2:23). Ang magandang balita ay sa ilalim ng bagong tipan, ang lahat ng nagtitiwala kay Jesus ay nagiging bahagi ng bayan ng Diyos, na may direktang daan patungo sa Kanya at maaaring magkaroon ng malalim at tunay na pagkakilala sa Kanya. Sa iyong karanasan, ano ang mga biyayang natatanggap mo bilang bahagi ng komunidad ng bayan ng Diyos?

𝟯. 𝗠𝗮𝗴𝗽𝗮𝗽𝗮𝗸𝗶𝘁𝗮 𝘀𝗮 𝗮𝘁𝗶𝗻 𝗮𝗻𝗴 𝗗𝗶𝘆𝗼𝘀 𝗻𝗴 𝗮𝘄𝗮 𝗮𝘁 𝗸𝗮𝗸𝗮𝗹𝗶𝗺𝘂𝘁𝗮𝗻 𝗻𝗮 𝗮𝗻𝗴 𝗮𝘁𝗶𝗻𝗴 𝗺𝗴𝗮 𝗸𝗮𝘀𝗮𝗹𝗮𝗻𝗮𝗻.

“𝘚𝘢𝘱𝘢𝘨𝘬𝘢𝘵 𝘱𝘢𝘵𝘢𝘵𝘢𝘸𝘢𝘳𝘪𝘯 𝘬𝘰 𝘢𝘯𝘨 𝘬𝘢𝘴𝘢𝘮𝘢𝘢𝘯 𝘯𝘪𝘭𝘢 𝘢𝘵 𝘭𝘪𝘭𝘪𝘮𝘶𝘵𝘪𝘯 𝘬𝘰 𝘯𝘢 𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘯𝘪𝘭𝘢.” 𝗛𝗘𝗕𝗥𝗘𝗢 𝟴:𝟭𝟮

Sa lumang tipan, ang taunang mga handog ay para lamang sa isang taon na pagtatakip o pagtatanggal ng mga kasalanan ng tao sa harap ng Diyos upang makapiling nila Siya. Sa bagong tipan, ang habag ng Diyos ay hindi lamang nagliligtas sa atin mula sa parusa at bunga ng ating mga kasalanan. Ang handog ni Jesus ay naging pantubos sa lahat ng ating kasalanan at nagtanggal ng ating pagkakasala at kahihiyan. Kapag sinasabi sa Bibliya na hindi na inaalala ng Diyos ang ating mga kasalanan, hindi ibig sabihin na nakalimot Siya o hindi na Niya alam ang lahat ng bagay. Ibig sabihin nito, hindi na Niya tayo hinuhusgahan ayon sa ating mga kasalanan kundi pinipili Niya na makita si Jesus sa atin. Ang Kanyang awa ang nagpapahintulot sa atin na mabuhay ayon sa ating bagong pagkakakilanlan, hindi na tayo nakakulong sa mga tanikala ng ating nakaraan. Paano ito naging totoo sa buhay mo?

𝗔𝗣𝗣𝗟𝗜𝗖𝗔𝗧𝗜𝗢𝗡

• Naniniwala ka ba na tinitingnan ka ng Diyos nang may habag at pagmamahal at hindi na Niya tinatandaan ang iyong mga kasalanan? Paano mo maipapakita ang pamumuhay na malaya at puno ng biyaya mula sa Diyos?

• Paano mo nakikita ang mga panuntunan at utos ng Diyos? Paano nakatulong ang ating napag-usapan ngayon upang maging maayos ang iyong pananaw, saloobin, at pamumuhay para sa Kanya?

• Naniniwala ka ba na ikaw ay pag-aari ng Diyos? Paano magbabago ang pagtingin mo sa iyong sarili at sa ibang tao sa iyong iglesya dahil sa pinag-usapan natin ngayon?

𝗣𝗥𝗔𝗬𝗘𝗥

• Pasalamatan ang Diyos sa pagpapadala kay Jesus dahil sa pamamagitan Niya ay natatanggap natin ang mas mabuting paglilingkod, ang mas malapit na ugnayan sa Diyos, ganap na kapatawaran ng ating mga kasalanan, at bagong pagkakakilanlan bilang Kanyang mga mamamayan.

• Hilingin sa Diyos na tulungan kang tandaan ang iyong pagkakakilanlan bilang isa sa Kanyang mga mamamayan. Ipanalangin na mamuhay ka nang sumusunod sa Kanyang mga utos at makasabay sa patnubay ng Banal na Espiritu.

• Ipanalangin ang mga tao sa paligid mo kung saan nais mong maipangaral ang ebanghelyo. Hilingin na buksan ng Diyos ang kanilang mga puso habang inaanyayahan Niya sila na maging bahagi ng Kanyang pamilya.