𝗪𝗔𝗥𝗠 𝗨𝗣

• Isipin ang isang pagkakataong natupad mo ang pangako mo sa isang tao. Paano siya tumugon? Ano ang ginawa mo upang matupad ang pangakong iyon?

• May nangako na ba sa ’yo pero hindi niya natupad? Ikwento ang pangyayari.

• Balikan ang isang panahong nangako ka pero hindi mo ito natupad. Ano ang ginawa mo pagkatapos? Paano tumugon ang mga taong naapektuhan ng iyong ginawa?

𝗪𝗢𝗥𝗗

𝘔𝘢𝘴 𝘮𝘢𝘣𝘶𝘵𝘪 𝘢𝘯𝘨 𝘣𝘢𝘨𝘰𝘯𝘨 𝘱𝘢𝘨-𝘢𝘴𝘢𝘯𝘨 𝘪𝘵𝘰 𝘥𝘢𝘩𝘪𝘭 𝘯𝘪𝘭𝘢𝘬𝘪𝘱𝘢𝘯 𝘪𝘵𝘰 𝘯𝘨 𝘋𝘪𝘰𝘴 𝘯𝘨 𝘱𝘢𝘯𝘶𝘯𝘶𝘮𝘱𝘢. 𝘏𝘪𝘯𝘥𝘪 𝘴𝘪𝘺𝘢 𝘯𝘢𝘯𝘶𝘮𝘱𝘢 𝘯𝘢𝘯𝘨 𝘨𝘢𝘸𝘪𝘯 𝘯𝘪𝘺𝘢𝘯𝘨 𝘮𝘨𝘢 𝘱𝘢𝘳𝘪 𝘢𝘯𝘨 𝘭𝘢𝘩𝘪 𝘯𝘪 𝘓𝘦𝘷𝘪, 𝘱𝘦𝘳𝘰 𝘯𝘢𝘯𝘶𝘮𝘱𝘢 𝘴𝘪𝘺𝘢 𝘯𝘢𝘯𝘨 𝘨𝘢𝘸𝘪𝘯 𝘯𝘪𝘺𝘢𝘯𝘨 𝘱𝘢𝘳𝘪 𝘴𝘪 𝘑𝘦𝘴𝘶𝘴. 𝘐𝘵𝘰 𝘢𝘯𝘨 𝘴𝘪𝘯𝘢𝘴𝘢𝘣𝘪 𝘯𝘨 𝘒𝘢𝘴𝘶𝘭𝘢𝘵𝘢𝘯: “𝘚𝘶𝘮𝘶𝘮𝘱𝘢 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘯𝘢 𝘪𝘬𝘢𝘸 𝘢𝘺 𝘱𝘢𝘳𝘪 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝘈𝘵 𝘩𝘪𝘯𝘥𝘪 𝘮𝘢𝘨𝘣𝘢𝘣𝘢𝘨𝘰 𝘢𝘯𝘨 𝘱𝘢𝘴𝘺𝘢 𝘯𝘪𝘺𝘢.” 𝘒𝘢𝘺𝘢 𝘴𝘪 𝘑𝘦𝘴𝘶𝘴 𝘢𝘯𝘨 𝘯𝘢𝘨𝘪𝘯𝘨 𝘬𝘢𝘵𝘪𝘺𝘢𝘬𝘢𝘯 𝘯𝘢𝘵𝘪𝘯 𝘴𝘢 𝘪𝘴𝘢𝘯𝘨 𝘮𝘢𝘴 𝘮𝘢𝘣𝘶𝘵𝘪𝘯𝘨 𝘬𝘢𝘴𝘶𝘯𝘥𝘶𝘢𝘯. 𝗛𝗘𝗕𝗥𝗘𝗢 𝟳:𝟮𝟬–𝟮𝟮

(Basahin din ang 𝗛𝗘𝗕𝗥𝗘𝗢 𝟳:𝟮𝟯–𝟮𝟴.)

Ang tipan ay isang matibay na kasunduan kung saan ang dalawang panig na hindi magkapamilya ay nagiging isang pamilya. Ang isang tipan ay may mga pagkakahawig sa isang kasunduan o kontrata kung saan ang parehong panig ay nangakong tutuparin ang bahagi nila. Noong unang panahon, ang tipan ay itinuturing na sagrado, at kapag hindi tinupad ng isa ang kanyang bahagi, may kapalit itong parusa o mabigat na kahihinatnan. Sa Lumang Tipan, nakipagkasundo ang Diyos sa bayang pinili Niya, ang Israel. Pero paulit-ulit nilang sinira ang kasunduan sa pamamagitan ng kanilang kasalanan laban sa Diyos. Kailangang maghandog muna ang mga pari ng mga alay at sakripisyo upang mapatawad at hindi maparusahan ang mga tao. Dahil dito, isinugo ng Diyos si Jesus at hinirang Siya bilang pinakahuling punong pari at tagapagpatibay ng isang bago at 𝘮𝘢𝘴 𝘮𝘢𝘣𝘶𝘵𝘪𝘯𝘨 𝘬𝘢𝘴𝘶𝘯𝘥𝘶𝘢𝘯. Ngayon, titingnan natin kung ano ang dahilan bakit mas mabuti ang kasunduang ito.

𝟭. 𝗔𝗻𝗴 𝗺𝗮𝘀 𝗺𝗮𝗯𝘂𝘁𝗶𝗻𝗴 𝗸𝗮𝘀𝘂𝗻𝗱𝘂𝗮𝗻 𝗮𝘆 𝗴𝗶𝗻𝗮𝗿𝗮𝗻𝘁𝗶𝘆𝗮 𝗻𝗶 𝗖𝗿𝗶𝘀𝘁𝗼.

𝘒𝘢𝘺𝘢 𝘴𝘪 𝘑𝘦𝘴𝘶𝘴 𝘢𝘯𝘨 𝘯𝘢𝘨𝘪𝘯𝘨 𝘬𝘢𝘵𝘪𝘺𝘢𝘬𝘢𝘯 𝘯𝘢𝘵𝘪𝘯 𝘴𝘢 𝘪𝘴𝘢𝘯𝘨 𝘮𝘢𝘴 𝘮𝘢𝘣𝘶𝘵𝘪𝘯𝘨 𝘬𝘢𝘴𝘶𝘯𝘥𝘶𝘢𝘯. 𝗛𝗘𝗕𝗥𝗘𝗢 𝟳:𝟮𝟮

Sa lumang tipan ng Diyos at ng Israel, nakaranas ang mga tao ng pagpapala o parusa batay sa kung gaano nila natutupad ang kasunduan. Sa kasamaang-palad, madalas ay hindi natutupad ng Israel ang bahagi nila, kaya paulit-ulit silang dinidisiplina ng Diyos. Ngunit dahil kay Jesus, tayong mga nananampalataya sa Kanya ay naging bahagi ng isang bago at mas mabuting kasunduan, na Siya mismo ang nagpatibay. Si Jesus ang tumanggap ng lahat ng sumpa at kaparusahan para sa atin dahil sa ating mga kasalanan at pagkukulang. At higit pa roon, ang Kanyang perpekto at walang kasalanang buhay ay natanggap natin, at dahil dito ay natupad ang mga hinihingi ng kasunduan. Ano ang ibig sabihin ng isang “garantiya?” At paano ito nagbibigay ng kapanatagan sa atin?

𝟮. 𝗔𝗻𝗴 𝗺𝗮𝘀 𝗺𝗮𝗯𝘂𝘁𝗶𝗻𝗴 𝗸𝗮𝘀𝘂𝗻𝗱𝘂𝗮𝗻 𝗮𝘆 𝗽𝗲𝗿𝗺𝗮𝗻𝗲𝗻𝘁𝗲.

𝘕𝘨𝘶𝘯𝘪𝘵 𝘴𝘪 𝘑𝘦𝘴𝘶𝘴 𝘢𝘺 𝘸𝘢𝘭𝘢𝘯𝘨 𝘬𝘢𝘮𝘢𝘵𝘢𝘺𝘢𝘯, 𝘬𝘢𝘺𝘢 𝘩𝘪𝘯𝘥𝘪 𝘯𝘢𝘪𝘭𝘪𝘭𝘪𝘱𝘢𝘵 𝘴𝘢 𝘪𝘣𝘢 𝘢𝘯𝘨 𝘱𝘢𝘨𝘬𝘢𝘱𝘢𝘳𝘪 𝘯𝘪𝘺𝘢. 𝘒𝘢𝘺𝘢 𝘮𝘢𝘪𝘭𝘪𝘭𝘪𝘨𝘵𝘢𝘴 𝘯𝘪𝘺𝘢 𝘯𝘢𝘯𝘨 𝘭𝘶𝘣𝘰𝘴 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘭𝘶𝘮𝘢𝘭𝘢𝘱𝘪𝘵 𝘴𝘢 𝘋𝘪𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢, 𝘥𝘢𝘩𝘪𝘭 𝘯𝘢𝘣𝘶𝘣𝘶𝘩𝘢𝘺 𝘴𝘪𝘺𝘢 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯 𝘶𝘱𝘢𝘯𝘨 𝘮𝘢𝘮𝘢𝘨𝘪𝘵𝘢𝘯 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢. . . . 𝘏𝘪𝘯𝘥𝘪 𝘴𝘪𝘺𝘢 𝘬𝘢𝘵𝘶𝘭𝘢𝘥 𝘯𝘨 𝘪𝘣𝘢𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘯𝘢 𝘬𝘢𝘪𝘭𝘢𝘯𝘨𝘢𝘯𝘨 𝘮𝘢𝘨𝘩𝘢𝘯𝘥𝘰𝘨 𝘢𝘳𝘢𝘸-𝘢𝘳𝘢𝘸 𝘱𝘢𝘳𝘢 𝘴𝘢 𝘬𝘢𝘴𝘢𝘭𝘢𝘯𝘢𝘯 𝘯𝘪𝘺𝘢, 𝘢𝘵 𝘱𝘢𝘨𝘬𝘢𝘵𝘢𝘱𝘰𝘴, 𝘱𝘢𝘳𝘢 𝘯𝘢𝘮𝘢𝘯 𝘴𝘢 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘯𝘨 𝘮𝘨𝘢 𝘵𝘢𝘰. 𝘚𝘪 𝘑𝘦𝘴𝘶𝘴 𝘢𝘺 𝘮𝘪𝘯𝘴𝘢𝘯 𝘭𝘢𝘯𝘨 𝘯𝘢𝘨𝘩𝘢𝘯𝘥𝘰𝘨 𝘱𝘢𝘳𝘢 𝘴𝘢 𝘭𝘢𝘩𝘢𝘵 𝘯𝘢𝘯𝘨 𝘪𝘢𝘭𝘢𝘺 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘴𝘢𝘳𝘪𝘭𝘪. 𝗛𝗘𝗕𝗥𝗘𝗢 𝟳:𝟮𝟰–𝟮𝟱, 𝟮𝟳

Mayroon tayong mas mabuting kasunduan dahil si Jesus, ang ating Punong Pari, ay walang hanggan. Ang Kanyang katangian ang nagbibigay katiyakan na ang kasunduang ito ay permanente. Matapos Niyang ialay ang sarili at mamatay para sa ating mga kasalanan, muli Siyang nabuhay at patuloy na nabubuhay magpakailanman. Walang kapangyarihan ang kamatayan sa Kanya, at hindi ito makahahadlang sa Kanya sa pagtupad ng kasunduan para sa atin. Bilang ating Punong Pari magpakailanman, tinitiyak ni Jesus na may daan tayo patungo sa trono ng biyaya ng Diyos. Sa pamamagitan Niya, makakalapit tayo sa Ama at mararanasan ang ugnayang ibinigay ng kasunduang ito. Paano nabago ng katotohanang ito ang pananaw mo sa kasalukuyan at sa hinaharap?

𝟯.𝗔𝗻𝗴 𝗺𝗮𝘀 𝗺𝗮𝗯𝘂𝘁𝗶𝗻𝗴 𝗸𝗮𝘀𝘂𝗻𝗱𝘂𝗮𝗻 𝗮𝘆 𝗸𝘂𝗺𝗽𝗹𝗲𝘁𝗼.

𝘒𝘢𝘺𝘢 𝘮𝘢𝘪𝘭𝘪𝘭𝘪𝘨𝘵𝘢𝘴 𝘯𝘪𝘺𝘢 𝘯𝘢𝘯𝘨 𝘭𝘶𝘣𝘰𝘴 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘭𝘶𝘮𝘢𝘭𝘢𝘱𝘪𝘵 𝘴𝘢 𝘋𝘪𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢, 𝘥𝘢𝘩𝘪𝘭 𝘯𝘢𝘣𝘶𝘣𝘶𝘩𝘢𝘺 𝘴𝘪𝘺𝘢 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯 𝘶𝘱𝘢𝘯𝘨 𝘮𝘢𝘮𝘢𝘨𝘪𝘵𝘢𝘯 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢. . . . 𝘏𝘪𝘯𝘥𝘪 𝘴𝘪𝘺𝘢 𝘬𝘢𝘵𝘶𝘭𝘢𝘥 𝘯𝘨 𝘪𝘣𝘢𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘯𝘢 𝘬𝘢𝘪𝘭𝘢𝘯𝘨𝘢𝘯𝘨 𝘮𝘢𝘨𝘩𝘢𝘯𝘥𝘰𝘨 𝘢𝘳𝘢𝘸-𝘢𝘳𝘢𝘸 𝘱𝘢𝘳𝘢 𝘴𝘢 𝘬𝘢𝘴𝘢𝘭𝘢𝘯𝘢𝘯 𝘯𝘪𝘺𝘢, 𝘢𝘵 𝘱𝘢𝘨𝘬𝘢𝘵𝘢𝘱𝘰𝘴, 𝘱𝘢𝘳𝘢 𝘯𝘢𝘮𝘢𝘯 𝘴𝘢 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘯𝘨 𝘮𝘨𝘢 𝘵𝘢𝘰. 𝘚𝘪 𝘑𝘦𝘴𝘶𝘴 𝘢𝘺 𝘮𝘪𝘯𝘴𝘢𝘯 𝘭𝘢𝘯𝘨 𝘯𝘢𝘨𝘩𝘢𝘯𝘥𝘰𝘨 𝘱𝘢𝘳𝘢 𝘴𝘢 𝘭𝘢𝘩𝘢𝘵 𝘯𝘢𝘯𝘨 𝘪𝘢𝘭𝘢𝘺 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘴𝘢𝘳𝘪𝘭𝘪. 𝗛𝗘𝗕𝗥𝗘𝗢 𝟳:𝟮𝟱, 𝟮𝟳

Bilang ating Punong Pari, hindi kailangang linisin ni Jesus ang sarili o maghandog muna para sa sarili Niyang kasalanan bago Siya mamagitan para sa atin. Siya lamang ang natatanging walang kasalanan. Hindi tulad ng mga handog na inialay ng mga punong pari sa lumang tipan, ang handog ni Jesus ay may kakayahang magligtas nang lubos. Ang isang beses Niyang pag-aalay ng Kanyang sarili ay sapat na para sa lahat ng tao, hindi lang para sa Israel. Sapat ito para sa lahat ng uri ng kasalanan, kabilang na ang mga hindi sakop ng mga alay sa Lumang Tipan. Sapat ito sa lahat ng panahon, sinasakop ang mga kasalanan sa nakaraan, kasalukuyan, at hinaharap. Ang handog ni Jesus ay sapat upang tuparin ang lahat ng bahagi ng ating kaligtasan, kasama na ang kapatawaran, pagbabago, at kaluwalhatian. Anong uri ng ugali at paniniwala ang dapat na taglay natin, ngayong alam natin na ganap na ang ating kaligtasan kay Cristo?

𝗔𝗣𝗣𝗟𝗜𝗖𝗔𝗧𝗜𝗢𝗡

• Naniniwala ka ba na pinatawad na tayo ng Diyos sa lahat ng kasalanan para sa lahat ng panahon dahil kay Cristo? Paano maipapakita sa buhay mo ang katotohanang ito? Ano ang mababago sa paraan ng iyong pamumuhay?

• Ngayong alam mong si Jesus ang tagapagpatibay ng bagong tipan, paano ka mas makakaasa sa Kanya habang sinusunod mo ang Diyos at namumuhay ka nang may kabanalan?

• Magbanggit ng dalawang tao na pwede mong akayin na kilalanin si Jesus at ang Kanyang mas mabuting kasunduan. Paano mo sila matutulungan na sumunod sa Kanya at mamuhay nang tulad Niya?

𝗣𝗥𝗔𝗬𝗘𝗥

• Pasalamatan ang Diyos para sa Kanyang Anak na si Jesus dahil sa pamamagitan Niya ay nararanasan natin ang mas mabuting kasunduan at ang Kanyang katapatan sa lahat ng Kanyang mga pangako.

• Hilingin sa Diyos na tulungan kang makaunawa at makapamuhay nang may pananampalataya, dahil alam mong ang kasunduan ng Diyos ay ganap at hindi nagbabago kay Cristo. Ipanalangin na matanggap mo ang biyaya at lakas na makapamuhay ayon sa Kanyang salita.

• Ipanalangin na magkaroon ka ng lakas ng loob na ibahagi si Cristo sa mga tao sa paligid mo. Nawa’y mahikayat mo silang tumingin kay Cristo at magtiwala sa katiyakan ng Kanyang kaligtasan at mga pangako para sa atin.