𝗪𝗔𝗥𝗠 𝗨𝗣

• Anong mga katangian ang madalas mong hinahanap sa isang hari, pangulo, o pinuno?

• Ano ang pinakamataas na posisyon ng kapangyarihan ang naibigay na sa iyo? Ano ang pinakamakabuluhang bagay ang nagawa mo habang nasa posisyong ito?

• Kung may kilala ka na isang pinunong may kapangyarihang baguhin ang buhay mo, ano ang hihilingin mo sa kanya?

𝗪𝗢𝗥𝗗

𝘐𝘵𝘰 𝘢𝘯𝘨 𝘵𝘢𝘭𝘢𝘢𝘯 𝘯𝘨 𝘮𝘨𝘢 𝘯𝘪𝘯𝘶𝘯𝘰 𝘯𝘪 𝘑𝘦𝘴𝘶-𝘊𝘳𝘪𝘴𝘵𝘰 𝘯𝘢 𝘮𝘶𝘭𝘢 𝘴𝘢 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥. 𝘚𝘪 𝘋𝘢𝘷𝘪𝘥 𝘢𝘺 𝘮𝘶𝘭𝘢 𝘴𝘢 𝘭𝘢𝘩𝘪 𝘯𝘪 𝘈𝘣𝘳𝘢𝘩𝘢𝘮. 𝗠𝗔𝗧𝗘𝗢 𝟭:𝟭

𝘒𝘢𝘱𝘢𝘨 𝘯𝘢𝘮𝘢𝘵𝘢𝘺 𝘬𝘢 𝘢𝘵 𝘪𝘭𝘪𝘣𝘪𝘯𝘨 𝘬𝘢𝘴𝘢𝘮𝘢 𝘯𝘨 𝘮𝘨𝘢 𝘯𝘪𝘯𝘶𝘯𝘰 𝘮𝘰, 𝘪𝘱𝘢𝘱𝘢𝘭𝘪𝘵 𝘬𝘰 𝘴𝘢 𝘪𝘺𝘰 𝘢𝘯𝘨 𝘪𝘴𝘢 𝘴𝘢 𝘮𝘨𝘢 𝘢𝘯𝘢𝘬 𝘮𝘰, 𝘢𝘵 𝘱𝘢𝘵𝘢𝘵𝘢𝘵𝘢𝘨𝘪𝘯 𝘬𝘰 𝘢𝘯𝘨 𝘬𝘢𝘩𝘢𝘳𝘪𝘢𝘯 𝘯𝘪𝘺𝘢. 𝘚𝘪𝘺𝘢 𝘢𝘯𝘨 𝘮𝘢𝘨𝘱𝘢𝘱𝘢𝘵𝘢𝘺𝘰 𝘯𝘨 𝘵𝘦𝘮𝘱𝘭𝘰 𝘱𝘢𝘳𝘢 𝘴𝘢 𝘬𝘢𝘳𝘢𝘯𝘨𝘢𝘭𝘢𝘯 𝘯𝘨 𝘢𝘬𝘪𝘯𝘨 𝘱𝘢𝘯𝘨𝘢𝘭𝘢𝘯, 𝘢𝘵 𝘵𝘪𝘵𝘪𝘺𝘢𝘬𝘪𝘯 𝘬𝘰 𝘯𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘢𝘯𝘨𝘬𝘢𝘯 𝘢𝘯𝘨 𝘮𝘢𝘨𝘩𝘢𝘩𝘢𝘳𝘪 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝟮 𝗦𝗔𝗠𝗨𝗘𝗟 𝟳:𝟭𝟮–𝟭𝟯

Sa pagpapakilala niya kay Jesus bilang 𝘮𝘶𝘭𝘢 𝘴𝘢 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥, tiniyak ni Mateo na si Jesus ay mula sa maharlikang angkan at may kaugnayan ito sa kasunduan ng Diyos sa Israel. Ipinangako ng Diyos kay David ang isang anak—ang paparating na hari na magtatatag ng isang kahariang walang-hanggan. Sa pag-uugnay ni Jesus kay David, binigyang-diin ni Mateo na si Jesus ang ipinangakong Hari na galing sa angkan ni David. Si Jesus ang magtatayo ng tunay na bahay ng Diyos. Ito ay isang espirituwal at hindi pisikal na templo na binubuo ng mga mananampalatayang ibinukod para sa Kanya. Sa araw na ito, titingnan natin ang dalawang dahilan para ipagdiwang ang kapanganakan ni Jesus, ang Hari na ipinangako ng Diyos sa Kanyang bayan.

𝟭. 𝗦𝗶 𝗝𝗲𝘀𝘂𝘀 𝗮𝗻𝗴 𝗶𝗽𝗶𝗻𝗮𝗻𝗴𝗮𝗸𝗼𝗻𝗴 𝗛𝗮𝗿𝗶 𝗻𝗮 𝗺𝗮𝘁𝗮𝗴𝗮𝗹 𝗻𝗮𝗻𝗴 𝗵𝗶𝗻𝗶𝗵𝗶𝗻𝘁𝗮𝘆 𝗻𝗴 𝗺𝗴𝗮 𝘁𝗮𝗼.

𝘒𝘢𝘱𝘢𝘨 𝘯𝘢𝘮𝘢𝘵𝘢𝘺 𝘬𝘢 𝘢𝘵 𝘪𝘭𝘪𝘣𝘪𝘯𝘨 𝘬𝘢𝘴𝘢𝘮𝘢 𝘯𝘨 𝘮𝘨𝘢 𝘯𝘪𝘯𝘶𝘯𝘰 𝘮𝘰, 𝘪𝘱𝘢𝘱𝘢𝘭𝘪𝘵 𝘬𝘰 𝘴𝘢 𝘪𝘺𝘰 𝘢𝘯𝘨 𝘪𝘴𝘢 𝘴𝘢 𝘮𝘨𝘢 𝘢𝘯𝘢𝘬 𝘮𝘰, 𝘢𝘵 𝘱𝘢𝘵𝘢𝘵𝘢𝘵𝘢𝘨𝘪𝘯 𝘬𝘰 𝘢𝘯𝘨 𝘬𝘢𝘩𝘢𝘳𝘪𝘢𝘯 𝘯𝘪𝘺𝘢. 𝘚𝘪𝘺𝘢 𝘢𝘯𝘨 𝘮𝘢𝘨𝘱𝘢𝘱𝘢𝘵𝘢𝘺𝘰 𝘯𝘨 𝘵𝘦𝘮𝘱𝘭𝘰 𝘱𝘢𝘳𝘢 𝘴𝘢 𝘬𝘢𝘳𝘢𝘯𝘨𝘢𝘭𝘢𝘯 𝘯𝘨 𝘢𝘬𝘪𝘯𝘨 𝘱𝘢𝘯𝘨𝘢𝘭𝘢𝘯, 𝘢𝘵 𝘵𝘪𝘵𝘪𝘺𝘢𝘬𝘪𝘯 𝘬𝘰 𝘯𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘢𝘯𝘨𝘬𝘢𝘯 𝘢𝘯𝘨 𝘮𝘢𝘨𝘩𝘢𝘩𝘢𝘳𝘪 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯 . . . 𝟮 𝗦𝗔𝗠𝗨𝗘𝗟 𝟳:𝟭𝟮–𝟭𝟯

Tulad ng mga Israelita na gustong magkaroon ng sariling hari, ang mga tao ngayon ay naghahanap din ng iba’t ibang mga pinuno para sila ay magabayan at mabigyan ng seguridad. Gayunpaman, nakikita natin sa kasaysayan na bihira lang ang mga dakilang pinuno. Nangako ang Diyos kay David na magkakaroon siya ng apo na magtatatag ng kahariang walang-hanggan. Nang marinig ito ng mga tao, hinintay ng bayan ng Israel ang isang haring mamumuno nang tapat dito sa mundo at tatalo sa kanilang mga kaaway. Ngunit si Jesus ay hindi lang simpleng pinuno na tao. Siya ay Hari ng mga hari at Panginoon ng mga panginoon na maghahari nang 𝘮𝘢𝘺 𝘬𝘢𝘳𝘶𝘯𝘶𝘯𝘨𝘢𝘯, 𝘢𝘵 𝘱𝘢𝘪𝘪𝘳𝘢𝘭𝘪𝘯 𝘕𝘪𝘺𝘢 𝘢𝘯𝘨 𝘬𝘢𝘵𝘶𝘸𝘪𝘳𝘢𝘯 𝘢𝘵 𝘬𝘢𝘵𝘢𝘳𝘶𝘯𝘨𝘢𝘯 (Jeremias 23:5) sa mundong ito. Sa wakas, kay Jesus ay natagpuan natin ang Hari na pinakahihintay natin—Siya na maghahari nang may pagmamahal at katarungan, at magdadala ng presensya ng Diyos sa ating mga buhay. Kailan ka huling naghintay na baguhin ni Jesus sa iyong sitwasyon? Anong nangyari at paano ipinakita ni Haring Jesus na Siya ang may hawak ng bawat detalye ng iyong buhay?

𝟮. 𝗦𝗶 𝗛𝗮𝗿𝗶𝗻𝗴 𝗝𝗲𝘀𝘂𝘀 𝗮𝗻𝗴 𝗺𝗮𝗺𝘂𝗺𝘂𝗻𝗼 𝗮𝘁 𝗺𝗮𝗴𝗵𝗮𝗵𝗮𝗿𝗶 𝗺𝗮𝗴𝗽𝗮𝗸𝗮𝗶𝗹𝗮𝗻𝗺𝗮𝗻.

𝘚𝘪𝘺𝘢 𝘢𝘯𝘨 𝘮𝘢𝘨𝘱𝘢𝘱𝘢𝘵𝘢𝘺𝘰 𝘯𝘨 𝘵𝘦𝘮𝘱𝘭𝘰 𝘱𝘢𝘳𝘢 𝘴𝘢 𝘬𝘢𝘳𝘢𝘯𝘨𝘢𝘭𝘢𝘯 𝘯𝘨 𝘢𝘬𝘪𝘯𝘨 𝘱𝘢𝘯𝘨𝘢𝘭𝘢𝘯, 𝘢𝘵 𝘵𝘪𝘵𝘪𝘺𝘢𝘬𝘪𝘯 𝘬𝘰 𝘯𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘢𝘯𝘨𝘬𝘢𝘯 𝘢𝘯𝘨 𝘮𝘢𝘨𝘩𝘢𝘩𝘢𝘳𝘪 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝟮 𝗦𝗔𝗠𝗨𝗘𝗟 𝟳:𝟭𝟯

Hindi tulad ng mga makamundong pinuno, na ang paghahari ay panandalian lang at madalas ay maraming kabiguan, ang paghahari ni Jesus ay permanente at hindi matitinag. Ang paghahari Niya magpakailanman ang nagpapatunay na ang kaharian ng Diyos ay sigurado at hindi kailanman babagsak o mapapalitan. Ang 𝘵𝘦𝘮𝘱𝘭𝘰 na binubuo ni Jesus ay hindi lamang isang pisikal na istraktura kundi isang espirituwal na tirahan—ang Iglesiya—kung saan naninirahan ang Diyos kasama ang kanyang bayan. Dahil dito, makakaasa tayo at mapapanatag dahil alam natin na sakop tayo ng pamumuno ng isang Hari na hindi tayo kailanman bibiguin. Ang Kanyang perpekto, tapat, at mapagmahal na pamumuno ang nagbibigay sa atin ng lakas ng loob na harapin ang kawalan ng katiyakan at mga hamon. Kahit ano pa ang mangyari sa mundo, alam natin na si Haring Jesus ang namumuno at magtatagal ang Kanyang kaharian. Ano ang sinasabi ng Isaias 9:6–7 tungkol kay Jesus at sa Kanyang kaharian? 

𝗔𝗣𝗣𝗟𝗜𝗖𝗔𝗧𝗜𝗢𝗡

• May mga kailangan ka bang isuko kay Jesus, ang Hari ng iyong buhay? Ano sa palagay mo ang ipinapagawa sa iyo ni Haring Jesus tungkol dito?

• Ipinagkakatiwala mo ba ang iyong pag-asa at seguridad sa mga taong pinuno nang higit pa kay Jesus? Ano ang babaguhin mo bilang resulta ng natutunan mo ngayon?

• Ngayong linggo, isulat ang pangalan ng mga kaibigan o kapamilya mo na kailangang makaranas ng kapayapaan at seguridad na nagmumula sa pagkilala kay Jesus bilang Hari na mamumuno magpakailanman. Ano ang magagawa mo upang makipag-ugnayan sa kanila sa mga darating na araw?

𝗣𝗥𝗔𝗬𝗘𝗥

• Purihin ang Diyos sa pagtupad Niya sa pangakong ipapadala Niya si Jesus upang maghari sa mundo nang may katarungan at pagmamahal. Hilingin sa Kanya na bigyan ka ng matatag na pananampalataya na Siya lang ang may kapangyarihan kahit iba ang nakikita mo sa mga pinunong nakapaligid sa iyo. 

• Manalangin na mas marami pang tao na may takot sa Diyos ang malagay sa mga posisyon ng pamumuno. Manalangin para sa mga maka-Diyos na pinunong sasalamin kay Cristo at mamumuno nang may karunungan, katuwiran, at katapatan.

• Ipagdasal ang dalawa o tatlong kakilala mo na naghihintay na kumilos ang Diyos sa kanilang mga buhay. Ipanalangin na makita nila kung sino talaga si Jesus at lubos silang manalig sa Kanya.