𝗪𝗔𝗥𝗠 𝗨𝗣

• Ano ang isang bagay na sinabihan kang huwag gawin o hawakan noong bata ka pa, na hindi mo sinunod? (halimbawa: paghawak sa mga saksakan ng kuryente o sa mga gawang sining sa isang museo). 

• Sa anong konsyerto o kaganapan mo gustong makakuha ng pass para makapasok sa likod ng entablado o backstage? Bakit? 

• Ano ang isang sakripisyong ginawa para sa iyo ng isang tao dahil sa pagmamahal?

𝗪𝗢𝗥𝗗

𝘚𝘢𝘱𝘢𝘨𝘬𝘢𝘵 𝘴𝘢 𝘢𝘳𝘢𝘸 𝘯𝘢 𝘪𝘺𝘰𝘯 𝘨𝘢𝘨𝘢𝘸𝘪𝘯 𝘢𝘯𝘨 𝘴𝘦𝘳𝘦𝘮𝘰𝘯𝘺𝘢 𝘯𝘨 𝘱𝘢𝘨𝘵𝘶𝘣𝘰𝘴 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘱𝘢𝘳𝘢 𝘴𝘪𝘭𝘢ʼ𝘺 𝘮𝘢𝘨𝘪𝘯𝘨 𝘮𝘢𝘭𝘪𝘯𝘪𝘴 𝘴𝘢 𝘱𝘳𝘦𝘴𝘦𝘯𝘴𝘺𝘢 𝘯𝘨 𝘗𝘈𝘕𝘎𝘐𝘕𝘖𝘖𝘕. 𝗟𝗘𝗩𝗜𝗧𝗜𝗖𝗨𝗦 𝟭𝟲:𝟯𝟬

(Basahin din ang 𝗟𝗘𝗩𝗜𝗧𝗜𝗖𝗨𝗦 𝟭𝟲:𝟭–𝟱, 𝟮𝟬–𝟮𝟮, 𝟮𝟵.)

Ang ating Diyos ay banal—na ibig sabihin ay nahihiwalay Siya sa Kanyang kadakilaan at kabutihan nang higit pa sa anumang nilalang. Dahil Siya ay banal, ang nararapat lamang na tugon ay ang pamumuhay nang sumasamba at nagbibigay debosyon sa Kanya. Pero dahil sa kasalanan nang unang tao, nawala ang ating kabanalan, ang ugnayan natin sa Diyos ay naputol, at tayo ay hindi na makakalapit sa Diyos kung sa sarili lang natin. Pero hindi huminto ang Diyos sa paghabol at pagtatatag ng ugnayan sa Kanyang mga mamamayan. Nang maisulat ang Kautusan ni Moises, ipinahayag nito ang kabanalan ng Diyos—ang kabanalan na hindi makakamit dahil sa kadakilaan nito. Ngayong araw, pag-uusapan natin kung paano gumawa ang Diyos ng paraan para makalapit tayo sa Kanya sa kabila ng pagkakasala natin. 

𝟭. 𝗔𝗻𝗴 𝗺𝗮𝗸𝗮𝘀𝗮𝗹𝗮𝗻𝗮𝗻𝗴 𝘁𝗮𝗼 𝗮𝘆 𝗵𝗶𝗻𝗱𝗶 𝗺𝗮𝗸𝗮𝗸𝗮𝗽𝗮𝗺𝘂𝗵𝗮𝘆 𝗽𝗮𝗿𝗮 𝘀𝗮 𝗶𝘀𝗮𝗻𝗴 𝗯𝗮𝗻𝗮𝗹 𝗻𝗮 𝗗𝗶𝘆𝗼𝘀. 

𝘗𝘢𝘨𝘬𝘢𝘮𝘢𝘵𝘢𝘺 𝘯𝘨 𝘥𝘢𝘭𝘢𝘸𝘢𝘯𝘨 𝘢𝘯𝘢𝘬 𝘯𝘢 𝘭𝘢𝘭𝘢𝘬𝘪 𝘯𝘪 𝘈𝘢𝘳𝘰𝘯 𝘯𝘢𝘯𝘨 𝘴𝘪𝘭𝘢ʼ𝘺 𝘯𝘢𝘨𝘩𝘢𝘯𝘥𝘰𝘨 𝘴𝘢 𝘗𝘈𝘕𝘎𝘐𝘕𝘖𝘖𝘕, 𝘴𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘬𝘢𝘺 𝘔𝘰𝘪𝘴𝘦𝘴, “𝘚𝘢𝘣𝘪𝘩𝘪𝘯 𝘮𝘰 𝘴𝘢 𝘬𝘢𝘱𝘢𝘵𝘪𝘥 𝘮𝘰𝘯𝘨 𝘴𝘪 𝘈𝘢𝘳𝘰𝘯 𝘯𝘢 𝘩𝘶𝘸𝘢𝘨 𝘴𝘪𝘺𝘢𝘯𝘨 𝘱𝘢𝘱𝘢𝘴𝘰𝘬 𝘴𝘢 𝘗𝘪𝘯𝘢𝘬𝘢𝘣𝘢𝘯𝘢𝘭 𝘯𝘢 𝘓𝘶𝘨𝘢𝘳 𝘴𝘢 𝘬𝘢𝘣𝘪𝘭𝘢 𝘯𝘨 𝘵𝘢𝘣𝘪𝘯𝘨, 𝘴𝘢 𝘢𝘯𝘶𝘮𝘢𝘯𝘨 𝘰𝘳𝘢𝘴 𝘯𝘢 𝘯𝘢𝘪𝘴𝘪𝘯 𝘯𝘪𝘺𝘢. 𝘒𝘢𝘱𝘢𝘨 𝘨𝘪𝘯𝘢𝘸𝘢 𝘯𝘪𝘺𝘢 𝘪𝘺𝘰𝘯, 𝘮𝘢𝘮𝘢𝘮𝘢𝘵𝘢𝘺 𝘴𝘪𝘺𝘢. 𝘚𝘢𝘱𝘢𝘨𝘬𝘢𝘵 𝘥𝘰𝘰𝘯 𝘢𝘬𝘰 𝘯𝘢𝘨𝘱𝘢𝘱𝘢𝘬𝘪𝘵𝘢 𝘴𝘢 𝘢𝘯𝘺𝘰𝘯𝘨 𝘶𝘭𝘢𝘱 𝘴𝘢 𝘪𝘵𝘢𝘢𝘴 𝘯𝘨 𝘵𝘢𝘬𝘪𝘱 𝘯𝘨 𝘒𝘢𝘩𝘰𝘯 𝘯𝘨 𝘒𝘢𝘴𝘶𝘯𝘥𝘶𝘢𝘯.” 𝗟𝗘𝗩𝗜𝗧𝗜𝗖𝗨𝗦 𝟭𝟲:𝟭-𝟮

(Basahin din ang 𝗟𝗘𝗩𝗜𝗧𝗜𝗖𝗨𝗦 𝟭𝟬:𝟮-𝟯.)

Ang mga anak ni Aaron ay nagsisilbi din sa templo. Nang sila ay mamatay dahil sa pag-aalay ng hindi awtorisadong insenso at apoy, ito ay naging isang malinaw na mensahe mula sa Diyos na hindi maaaring balewalain ang Kanyang kabanalan. Ang resulta ng Pagkakasala ay hindi na makakapasok ang sangkatauhan sa presensya ng Diyos nang hindi gumagawa ng mga maingat na hakbang. Pero ang kagustuhan ng Diyos at ang nasa puso Niya ay mailapit sa Kanya ang Kanyang mga mamamayan upang makasama Siya at magkaroon sila ng relasyon sa Kanya. Dahil dito, gumawa ang Diyos ng paraan para makalapit tayo sa Kanya at muling magkaroon ng ugnyan sa Kanya bilang Kanyang mga mamamayan. Naranasan mo na ba ang pananabik ng Diyos na lumago ang kaalaman ng Kanyang mga anak tungkol sa Kanya? Magkwento tungkol sa isang pagkakataon kung kailan may naintindihan ka tungkol sa dakilang pagmamahal sa iyo ng Diyos.

𝟮. 𝗚𝘂𝗺𝗮𝘄𝗮 𝗮𝗻𝗴 𝗗𝗶𝘆𝗼𝘀 𝗻𝗴 𝗽𝗮𝗿𝗮𝗮𝗻 𝗽𝗮𝗿𝗮 𝗮𝗻𝗴 𝗺𝗴𝗮 𝗺𝗮𝗸𝗮𝘀𝗮𝗹𝗮𝗻𝗮𝗻𝗴 𝘁𝗮𝗼 𝗮𝘆 𝗺𝗮𝗴𝗸𝗮𝗿𝗼𝗼𝗻 𝗻𝗴 𝗿𝗲𝗹𝗮𝘀𝘆𝗼𝗻 𝘀𝗮 𝗞𝗮𝗻𝘆𝗮.

𝘐𝘵𝘰 𝘢𝘯𝘨 𝘶𝘵𝘰𝘴 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘨𝘢𝘨𝘢𝘸𝘪𝘯 𝘯𝘪 𝘈𝘢𝘳𝘰𝘯 𝘴𝘢 𝘢𝘳𝘢𝘸 𝘯𝘢 𝘱𝘢𝘱𝘢𝘴𝘰𝘬 𝘴𝘪𝘺𝘢 𝘴𝘢 𝘗𝘪𝘯𝘢𝘬𝘢𝘣𝘢𝘯𝘢𝘭 𝘯𝘢 𝘓𝘶𝘨𝘢𝘳: 𝘔𝘢𝘨𝘥𝘢𝘥𝘢𝘭𝘢 𝘴𝘪𝘺𝘢 𝘯𝘨 𝘣𝘢𝘵𝘢𝘯𝘨 𝘵𝘰𝘳𝘰 𝘣𝘪𝘭𝘢𝘯𝘨 𝘩𝘢𝘯𝘥𝘰𝘨 𝘴𝘢 𝘱𝘢𝘨𝘭𝘪𝘭𝘪𝘯𝘪𝘴 𝘢𝘵 𝘭𝘢𝘭𝘢𝘬𝘪𝘯𝘨 𝘵𝘶𝘱𝘢 𝘣𝘪𝘭𝘢𝘯𝘨 𝘩𝘢𝘯𝘥𝘰𝘨 𝘯𝘢 𝘴𝘪𝘯𝘶𝘴𝘶𝘯𝘰𝘨. . . . 𝘚𝘢𝘱𝘢𝘨𝘬𝘢𝘵 𝘴𝘢 𝘢𝘳𝘢𝘸 𝘯𝘢 𝘪𝘺𝘰𝘯 𝘨𝘢𝘨𝘢𝘸𝘪𝘯 𝘢𝘯𝘨 𝘴𝘦𝘳𝘦𝘮𝘰𝘯𝘺𝘢 𝘯𝘨 𝘱𝘢𝘨𝘵𝘶𝘣𝘰𝘴 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘱𝘢𝘳𝘢 𝘴𝘪𝘭𝘢ʼ𝘺 𝘮𝘢𝘨𝘪𝘯𝘨 𝘮𝘢𝘭𝘪𝘯𝘪𝘴 𝘴𝘢 𝘱𝘳𝘦𝘴𝘦𝘯𝘴𝘺𝘢 𝘯𝘨 𝘗𝘈𝘕𝘎𝘐𝘕𝘖𝘖𝘕. 𝗟𝗘𝗩𝗜𝗧𝗜𝗖𝗨𝗦 𝟭𝟲:𝟯,𝟯𝟬

(Basahin din ang 𝗟𝗘𝗩𝗜𝗧𝗜𝗖𝗨𝗦 𝟭𝟲:𝟰–𝟱, 𝟮𝟬–𝟮𝟮, 𝟮𝟵; 𝗠𝗚𝗔 𝗛𝗘𝗕𝗥𝗘𝗢 𝟭𝟬:𝟭, 𝟭𝟵–𝟮𝟮.)

Pagkatapos bawian ng buhay ang kanyang mga anak, sinabihan si Aaron na para makapasok siya sa Pinakabanal na Lugar, kailangan niyang magsagawa ng isang detalyadong ritwal. Kabilang sa unang bahagi nito ang pagsasakripisyo ng isang kambing para sa mga kasalanan ng mga tao. Ipinatong nila ang kanilang mga kamay sa isa pang kambing na sumisimbolo sa paglalagay nila ng kanilang mga kasalanan dito at pagkatapos ay pinakawalan nila ito upang ilayo ang kanilang mga kasalanan sa presensya ng Diyos (Leviticus 16:22). Ito rin ay isang paglalarawan sa sakripisyong gagawin ni Jesu-Cristo: ang pag-ako sa mga kasalanan ng mundo at pagbayad sa kaparusahan para dito upang tayo ay malayang makalapit sa Diyos. Ano ang sinasabi sa Mga Hebreo 10:1, 19–22 tungkol sa mga ritwal na sakripisyo at pagpapakita ni Jesus ng pagmamahal sa krus? 

Ang lahat ng ito ay nangyari dahil gusto ng Diyos na magkaroon ng ugnayan sa atin. Ngayong nauunawaan natin ang realidad ng Kanyang kabanalan at ng ating kasalanan, sinadya Niyang gumawa ng paraan sa pamamagitan ni Jesus upang muli tayong makalapit sa Kanya.

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang saloobin mo kapag lumalapit ka sa Diyos? Malaya ka bang nakakalapit sa Kanya at nakakapagtanong maging ng mga pinakamahihirap na katanungan? Paano maaapektuhan ng mga katotohanang inaral natin ngayon ang pananaw mo tungkol sa Diyos at sa ugnayan mo sa Kanya? 

• Kagustuhan ng Diyos na mailapit ang Kanyang mga anak sa Kanya. Paano mo sasadyain ang paglago ng relasyon mo sa Diyos dahil sa kaalamang ito? 

• Hindi lamang gumawa ang Diyos ng paraan para makalapit tayo sa Kanya, pero magagamit din Niya tayo upang mailapit ang ibang tao sa Kanya. Isipin ang tatlo sa mga kapamilya, kaibigan, katrabaho, o kaklase mo at mangakong ibabahagi mo ang kabutihan at kadakilaan ng Diyos sa kanila ngayong linggo.

𝗣𝗥𝗔𝗬𝗘𝗥

• Pasalamatan ang Diyos para sa malayang daan na mayroon ka patungo sa Kanya dahil kay Jesus. Ipanalangin na patuloy mo pang marinig ang Kanyang tinig, at marinig ito ng mas malinaw, at biyayaan ka Niya para masunod mo ang ipapagawa Niya sa iyo. 

• Humingi sa Diyos ng kalakasan at kagustuhang mas makilala Siya at makapaglaan ng oras sa Kanya sa bawat araw. Ipanalangin na hindi mo ipagwawalang-bahala ang daang ito patungo sa Kanya.

• Ipanalangin na ang pamilya at mga kaibigan mo ay maging handang tanggapin na makilala ang Diyos at mapalapit sa Kanya, habang ibinabahagi mo ang iyong patotoo at ipinapangaral ang ebanghelyo sa kanila.