𝗪𝗔𝗥𝗠 𝗨𝗣

• Sabihin ang pangalan ng taong hindi maaaring hindi mo makita sa loob ng isang linggo. Bakit espesyal ang taong ito para sa iyo? 

• Mas gusto mo ba ang nananatili sa bahay o mas gusto mo ang lumalabas kasama ang mga kaibigan mo? Ano ang mga bagay na isinasaalang-alang mo kapag pumipili ka kung ano sa dalawang ito ang gagawin mo? 

• Kanino ka humihingi ng payo? Bakit mo pinagkakatiwalaan ang taong ito? 

𝗪𝗢𝗥𝗗

𝘈𝘵 𝘴𝘪𝘬𝘢𝘱𝘪𝘯 𝘯𝘢𝘵𝘪𝘯𝘨 𝘮𝘢𝘩𝘪𝘬𝘢𝘺𝘢𝘵 𝘢𝘯𝘨 𝘪𝘴𝘢ʼ𝘵 𝘪𝘴𝘢 𝘴𝘢 𝘱𝘢𝘨𝘮𝘢𝘮𝘢𝘩𝘢𝘭𝘢𝘯 𝘢𝘵 𝘴𝘢 𝘱𝘢𝘨𝘨𝘢𝘸𝘢 𝘯𝘨 𝘬𝘢𝘣𝘶𝘵𝘪𝘩𝘢𝘯. 𝘏𝘶𝘸𝘢𝘨 𝘯𝘢𝘵𝘪𝘯𝘨 𝘱𝘢𝘣𝘢𝘣𝘢𝘺𝘢𝘢𝘯 𝘢𝘯𝘨 𝘮𝘨𝘢 𝘱𝘢𝘨𝘵𝘪𝘵𝘪𝘱𝘰𝘯 𝘯𝘢𝘵𝘪𝘯 𝘨𝘢𝘺𝘢 𝘯𝘨 𝘯𝘢𝘬𝘢𝘶𝘨𝘢𝘭𝘪𝘢𝘯 𝘯𝘢 𝘯𝘨 𝘪𝘭𝘢𝘯. 𝘚𝘢 𝘩𝘢𝘭𝘪𝘱, 𝘱𝘢𝘭𝘢𝘬𝘢𝘴𝘪𝘯 𝘯𝘢𝘵𝘪𝘯 𝘢𝘯𝘨 𝘭𝘰𝘰𝘣 𝘯𝘨 𝘣𝘢𝘸𝘢𝘵 𝘪𝘴𝘢, 𝘭𝘢𝘭𝘰 𝘯𝘢 𝘯𝘨𝘢𝘺𝘰𝘯𝘨 𝘯𝘢𝘭𝘢𝘭𝘢𝘱𝘪𝘵 𝘯𝘢 𝘢𝘯𝘨 𝘩𝘶𝘭𝘪𝘯𝘨 𝘢𝘳𝘢𝘸. 𝗠𝗚𝗔 𝗛𝗘𝗕𝗥𝗘𝗢𝟭𝟬:𝟮𝟰-𝟮𝟱 

(Basahin din ang 𝗠𝗚𝗔 𝗛𝗘𝗕𝗥𝗘𝗢 𝟭𝟬:𝟭𝟵-𝟮𝟯)

Bagama’t nagpatuloy sa paglago ang sinaunang iglesya, hindi ito nangyari nang walang mga pagsubok. Naging mahirap ang pagtitipon-tipon dahil sa mga banta ng pag-uusig, kabilang na din ang kanilang mga personal na pagkakaiba-iba. Ngunit ayon sa disenyo ng Diyos sa iglesya, hinimok nila ang mga disipulo na laging magkita-kita nang personal, at sama-samang ipamuhay ang ebanghelyo. Maging sa kasalukuyan, sa lahat ng mga kawalang katiyakan at sa mga pagsubok na kinakaharap natin, hindi itinakda ng Diyos na mamuhay tayo nang mag-isa o kaya ay gawin ang Kanyang misyon nang mag-isa. Kasama ang mga kapwa natin mananampalataya, maaari tayong maging ang Iglesya dahil sama-sama tayong binubuo ni Jesus. Sa araling ito, tingnan natin kung paano tayo makakapagpatuloy sa pagiging Iglesya ng Diyos nang sama-sama. 

𝟭. 𝗦𝗶𝗸𝗮𝗽𝗶𝗻 𝗻𝗮𝘁𝗶𝗻𝗴 𝗺𝗮𝗵𝗶𝗸𝗮𝘆𝗮𝘁 𝗮𝗻𝗴 𝗶𝘀𝗮ʼ𝘁 𝗶𝘀𝗮 𝘀𝗮 𝗽𝗮𝗴𝗺𝗮𝗺𝗮𝗵𝗮𝗹𝗮𝗻 𝗮𝘁 𝘀𝗮 𝗽𝗮𝗴𝗴𝗮𝘄𝗮 𝗻𝗴 𝗸𝗮𝗯𝘂𝘁𝗶𝗵𝗮𝗻.

𝘈𝘵 𝙨𝙞𝙠𝙖𝙥𝙞𝙣 𝙣𝙖𝙩𝙞𝙣𝙜 𝙢𝙖𝙝𝙞𝙠𝙖𝙮𝙖𝙩 𝙖𝙣𝙜 𝙞𝙨𝙖ʼ𝙩 𝙞𝙨𝙖 𝘴𝘢 𝘱𝘢𝘨𝘮𝘢𝘮𝘢𝘩𝘢𝘭𝘢𝘯 𝘢𝘵 𝘴𝘢 𝘱𝘢𝘨𝘨𝘢𝘸𝘢 𝘯𝘨 𝘬𝘢𝘣𝘶𝘵𝘪𝘩𝘢𝘯 𝗠𝗚𝗔 𝗛𝗘𝗕𝗥𝗘𝗢 𝟭𝟬:𝟮𝟰

Kapag nagmamalasakit tayo sa isang tao, ang pagbibigay ng mga pagpuna na makakatulong sa kanya ay kasinghalaga ng positibong reaksyon. Kung minsan, tulad ng mga espuwela, o ang kasangkapang may tulis na ikinakabit sa sakong ng bota at ginagamit para patakbuhin ang sinasakyang kabayo, ang mga pagpuna ay maaaring hindi komportable o masakit. Ang mga disipulo ay hinikayat na pasiglahin ang isa't isa, tungo sa pagmamahal at mabubuting gawa. Kabilang dito ang paghamon at pagwawasto sa isa't isa upang matiyak na ang lahat ng kanilang sinasabi at ginagawa ay nagpapakita ng pagmamahal ng Diyos. Ang pagmamahal sa iba ay maaaring mangahulugan ng pagsasabi sa kanila ng kailangan nilang marinig at pag-akay sa kanila tungo kay Cristo. Ang paraan ng paghikayat natin sa iba ay mahalaga. Habang nagpapatuloy tayo sa pagiging asin at liwanag, ang layunin natin ay hindi ang manakit kundi ang hikayatin ang iba sa kanilang paglalakbay sa pananampalataya. Paano ka hinamon o itinuwid ng isang tao sa paraang nagpapakita ng liwanag ng pag-ibig ng Diyos?

𝟮. 𝗛𝘂𝘄𝗮𝗴 𝗻𝗮𝘁𝗶𝗻𝗴 𝗽𝗮𝗯𝗮𝗯𝗮𝘆𝗮𝗮𝗻 𝗮𝗻𝗴 𝗺𝗴𝗮 𝗽𝗮𝗴𝘁𝗶𝘁𝗶𝗽𝗼𝗻 𝗻𝗮𝘁𝗶𝗻.

𝙃𝙪𝙬𝙖𝙜 𝙣𝙖𝙩𝙞𝙣𝙜 𝙥𝙖𝙗𝙖𝙗𝙖𝙮𝙖𝙖𝙣 𝙖𝙣𝙜 𝙢𝙜𝙖 𝙥𝙖𝙜𝙩𝙞𝙩𝙞𝙥𝙤𝙣 𝙣𝙖𝙩𝙞𝙣 𝘨𝘢𝘺𝘢 𝘯𝘨 𝘯𝘢𝘬𝘢𝘶𝘨𝘢𝘭𝘪𝘢𝘯 𝘯𝘢 𝘯𝘨 𝘪𝘭𝘢𝘯. 𝘚𝘢 𝘩𝘢𝘭𝘪𝘱, 𝘱𝘢𝘭𝘢𝘬𝘢𝘴𝘪𝘯 𝘯𝘢𝘵𝘪𝘯 𝘢𝘯𝘨 𝘭𝘰𝘰𝘣 𝘯𝘨 𝘣𝘢𝘸𝘢𝘵 𝘪𝘴𝘢, 𝘭𝘢𝘭𝘰 𝘯𝘢 𝘯𝘨𝘢𝘺𝘰𝘯𝘨 𝘯𝘢𝘭𝘢𝘭𝘢𝘱𝘪𝘵 𝘯𝘢 𝘢𝘯𝘨 𝘩𝘶𝘭𝘪𝘯𝘨 𝘢𝘳𝘢𝘸.  𝗠𝗚𝗔 𝗛𝗘𝗕𝗥𝗘𝗢 𝟭𝟬:𝟮𝟱

Salamat sa teknolohiya at nagkaroon tayo ng maraming paraan para makipag-ugnayan sa isa’t isa. Gayunpaman, ang pisikal na pagkikita-kita ay may isang pakinabang na mahalaga para sa interaksyon ng tao—ang pagiging ganap na naroroon. Kapag nagkikita-kita tayo online, madaling mawala ang atensyon natin sa sinumang kausap natin. Isipin mo na lamang kung kailangan mong magbigay ng payo sa isang tao habang may iba kang ginagawa. Mahahati ang atensyon mo at maaaring hindi mo mapansin kung ano ang ginagawa ng Diyos. Dahil dito, mahalaga na tayo, bilang isang iglesya, ay pisikal na nagtitipon-tipon. Kapag nagkikita tayo nang harapan, magkakasama nating ikinasisiya ang presensya ng Diyos. Ano ang ilang bagay na pinahahalagahan mo sa mga pisikal na pagtitipon-tipon na hindi mo nagagawa online?

𝟯. 𝗣𝗮𝗹𝗮𝗸𝗮𝘀𝗶𝗻 𝗻𝗮𝘁𝗶𝗻 𝗮𝗻𝗴 𝗹𝗼𝗼𝗯 𝗻𝗴 𝗯𝗮𝘄𝗮𝘁 𝗶𝘀𝗮.

𝘏𝘶𝘸𝘢𝘨 𝘯𝘢𝘵𝘪𝘯𝘨 𝘱𝘢𝘣𝘢𝘣𝘢𝘺𝘢𝘢𝘯 𝘢𝘯𝘨 𝘮𝘨𝘢 𝘱𝘢𝘨𝘵𝘪𝘵𝘪𝘱𝘰𝘯 𝘯𝘢𝘵𝘪𝘯 𝘨𝘢𝘺𝘢 𝘯𝘨 𝘯𝘢𝘬𝘢𝘶𝘨𝘢𝘭𝘪𝘢𝘯 𝘯𝘢 𝘯𝘨 𝘪𝘭𝘢𝘯. 𝘚𝘢 𝘩𝘢𝘭𝘪𝘱, 𝙥𝙖𝙡𝙖𝙠𝙖𝙨𝙞𝙣 𝙣𝙖𝙩𝙞𝙣 𝙖𝙣𝙜 𝙡𝙤𝙤𝙗 𝙣𝙜 𝙗𝙖𝙬𝙖𝙩 𝙞𝙨𝙖, 𝘭𝘢𝘭𝘰 𝘯𝘢 𝘯𝘨𝘢𝘺𝘰𝘯𝘨 𝘯𝘢𝘭𝘢𝘭𝘢𝘱𝘪𝘵 𝘯𝘢 𝘢𝘯𝘨 𝘩𝘶𝘭𝘪𝘯𝘨 𝘢𝘳𝘢𝘸.  𝗠𝗚𝗔 𝗛𝗘𝗕𝗥𝗘𝗢 𝟭𝟬:𝟮𝟱

Ang pisikal na pagtitipon ay nakakatulong sa atin na palakasin ang loob ng isa't isa habang matiyaga nating hinihintay ang pagbabalik ni Cristo. Bagama’t maaari tayong humarap sa mga pagsubok, malalagpasan natin ang mga ito nang sama-sama habang patuloy nating ipinamumuhay ang pagiging tulad ni Cristo gaya ng dinisenyo ng Diyos para sa atin. Bahagi ng buhay na ito ang pagtitipon-tipon kasama ang iba pang mga mananampalataya at ang pagpapatatag sa isa’t isa. Isipin ang isang pagkakataon na nakatanggap o nagbigay ka ng lakas ng loob sa isang tao. Paano ito nakatulong sa iyong paglago?

𝗔𝗣𝗣𝗟𝗜𝗖𝗔𝗧𝗜𝗢𝗡

• Nahihirapan ka bang sabihin sa iba ang kailangan nilang marinig? Sa anong mga paraan mo ito malalampasan at matitiyak na ginagawa mo ito nang may pagmamahal?

• Paano ka natulungan ng isang tao sa iyong iglesya o espiritwal na pamilya na mapagtagumpayan ang mga pagsubok o kaisipan na maaaring maging hadlang sa pagpapatuloy mo sa pagtatatag ng kaharian ng Diyos kasama nila? Paano mo ito patuloy na haharapin ayon sa natutunan mo sa salita ng Diyos ngayong araw? 

• Isipin ang isa o dalawang tao na nangangailangan ng lakas ng loob. Paano ka magiging isang mapagmahal na halimbawa ni Cristo sa kanila ngayong linggo? 

𝗣𝗥𝗔𝗬𝗘𝗥

• Pasalamatan ang Diyos sa pagpapadala Niya kay Jesus, ang tagapagtayo at pundasyong bato ng Iglesya, at sa mga taong nagmamahal sa iyo at tumutulong sa iyong paglago. Hilingin sa Diyos na panatilihing bukas ang iyong puso at isipan upang makatanggap ka ng pagwawasto mula sa mga taong ito.

• Ipanalangin na akayin ka ng Diyos upang mas higit mong pahalagahan ang pakikipag-ugnayan sa mga kapwa mo mananampalataya, lalo na ang mga pisikal na pagtitipon-tipon. 

• Ipanalangin ang isang taong kailangang makarinig tungkol sa pag-ibig ng Diyos ngayon. Hilingin sa Diyos na palakasin at samahan sila sa oras ng kahirapan.