𝗪𝗔𝗥𝗠-𝗨𝗣

• Magbigay ng kahit isang bagay na ginagawa mo para pasayahin ang sarili mo sa tuwing nalulungkot ka

• Paano ipinaparamdam sa iyo ng ibang tao na mahal ka nila? Maaari ka bang magbahagi ng mga pagkakataong nangyari ito?

• Paano mo naipapakita sa iba na pinahahalagahan mo sila? Maaari ka bang magbigay ng halimbawa?

𝗪𝗢𝗥𝗗

𝘗𝘢𝘨𝘬𝘢𝘵𝘢𝘱𝘰𝘴, 𝘱𝘶𝘮𝘶𝘯𝘵𝘢 𝘴𝘪 𝘑𝘦𝘴𝘶𝘴 𝘴𝘢 𝘣𝘢𝘺𝘢𝘯 𝘯𝘨 𝘕𝘢𝘪𝘯. 𝘚𝘶𝘮𝘢𝘮𝘢 𝘴𝘢 𝘬𝘢𝘯𝘺𝘢 𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘯𝘪𝘺𝘢 𝘢𝘵 𝘢𝘯𝘨 𝘮𝘢𝘳𝘢𝘮𝘪𝘯𝘨 𝘵𝘢𝘰. 𝘕𝘢𝘯𝘨 𝘮𝘢𝘭𝘢𝘱𝘪𝘵 𝘯𝘢 𝘴𝘪𝘭𝘢 𝘴𝘢 𝘱𝘪𝘯𝘵𝘶𝘢𝘯 𝘯𝘨 𝘣𝘢𝘺𝘢𝘯 𝘯𝘨 𝘕𝘢𝘪𝘯, 𝘯𝘢𝘬𝘢𝘴𝘢𝘭𝘶𝘣𝘰𝘯𝘨 𝘯𝘪𝘭𝘢 𝘢𝘯𝘨 𝘭𝘪𝘣𝘪𝘯𝘨 𝘯𝘨 𝘬𝘢𝘪𝘴𝘢-𝘪𝘴𝘢𝘯𝘨 𝘢𝘯𝘢𝘬 𝘯𝘨 𝘪𝘴𝘢𝘯𝘨 𝘣𝘪𝘺𝘶𝘥𝘢. 𝘔𝘢𝘳𝘢𝘮𝘪 𝘢𝘯𝘨 𝘯𝘢𝘬𝘪𝘬𝘪𝘱𝘢𝘨𝘭𝘪𝘣𝘪𝘯𝘨. 𝘕𝘢𝘩𝘢𝘣𝘢𝘨 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘴𝘢 𝘣𝘪𝘺𝘶𝘥𝘢 𝘯𝘢𝘯𝘨 𝘮𝘢𝘬𝘪𝘵𝘢 𝘯𝘪𝘺𝘢 𝘪𝘵𝘰. 𝘚𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘣𝘪𝘺𝘶𝘥𝘢, “𝘏𝘶𝘸𝘢𝘨 𝘬𝘢𝘯𝘨 𝘶𝘮𝘪𝘺𝘢𝘬.”  𝗟𝗨𝗖𝗔𝗦 𝟳:𝟭𝟭-𝟭𝟯

(Basahin din ang 𝗟𝗨𝗖𝗔𝗦 𝟳:𝟭𝟰–𝟭𝟳.)

Ang kalungkutan ay bahagi ng buhay. Maraming paraan kung paano natin ito nararanasan. Sa palagay mo, paano mo haharapin ang kawalan, pagkasira ng mga ugnayan, at kamatayan? Ang epekto ng mga ito ay mahirap ilarawan at maaaring imposibleng pagtagumpayan. Bilang isang biyuda, nakaranas na ang babae ng kalungkutan dahil sa kamatayan ng kanyang asawa, at sa pagkakataong ito naman, pinangungunahan niya ang libing ng kanyang kaisa-isang anak. Mahirap isipin ang epekto ng kawalang ito sa emosyonal at pinansyal na kalagayan ng biyuda. Noong panahong iyon, wala masyadong trabahong mapagpipilian ang mga kababaihan, at umaasa lamang sila sa kanilang mga asawa at anak upang mabuhay. Ang biyuda ay nahihirapan hindi lamang sa pagkawala ng kanyang anak, kundi maaari ring dahil sa kanyang kinabukasan. Mabuti na lamang at hindi dito nagtapos ang kanyang kwento.

𝟭. 𝗡𝗮𝗸𝗶𝘁𝗮 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗮𝗻𝗴 𝗯𝗶𝘆𝘂𝗱𝗮 𝗮𝘁 𝗮𝗻𝗴 𝗸𝗮𝗻𝘆𝗮𝗻𝗴 𝗹𝗮𝗯𝗶𝘀 𝗻𝗮 𝗸𝗮𝗹𝘂𝗻𝗴𝗸𝘂𝘁𝗮𝗻.

𝘕𝘢𝘩𝘢𝘣𝘢𝘨 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘴𝘢 𝘣𝘪𝘺𝘶𝘥𝘢 𝘯𝘢𝘯𝘨 𝘮𝘢𝘬𝘪𝘵𝘢 𝘯𝘪𝘺𝘢 𝘪𝘵𝘰 . . . 𝗟𝗨𝗖𝗔𝗦 𝟳:𝟭𝟯

Ipinapakita ng ebanghelyo ni Lucas na sadyang pinangangalagaan ni Jesus ang mga biyuda, ulila, at itinakwil ng lipunan. Binigyang-diin ni Lucas na matapos niyang pagbigyan ang kahilingan ng Senturyon (isang taong nakakataas sa lipunan) na pagalingin ang kanyang anak, nakita ng Diyos ang biyuda (isang taong mababa ang antas sa lipunan) sa kabila ng dami ng tao. Ang salitang “nakita” na ginamit sa teksto ay nangangahulugan ng malalim na pagtingin—ang ibig sabihin nito ay mapansin at maramdaman. Mahalaga kay Jesus hindi lamang ang tao na nakakataas sa lipunan, mahalaga kay Jesus ang bawat isa sa atin. Siya ang Diyos na nakakakita (Genesis 16:13). Alalahanin ang isa sa mga malinaw na pagkakataon na naramdaman mong nakita ka ng Diyos. Anong nangyari?

𝟮. 𝗜𝗽𝗶𝗻𝗮𝗸𝗶𝘁𝗮 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗮𝗻𝗴 𝗞𝗮𝗻𝘆𝗮𝗻𝗴 𝗵𝗮𝗯𝗮𝗴 𝘀𝗮 𝗯𝗶𝘆𝘂𝗱𝗮.

𝘕𝘢𝘩𝘢𝘣𝘢𝘨 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘴𝘢 𝘣𝘪𝘺𝘶𝘥𝘢 𝘯𝘢𝘯𝘨 𝘮𝘢𝘬𝘪𝘵𝘢 𝘯𝘪𝘺𝘢 𝘪𝘵𝘰. 𝘚𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘣𝘪𝘺𝘶𝘥𝘢, “𝘏𝘶𝘸𝘢𝘨 𝘬𝘢𝘯𝘨 𝘶𝘮𝘪𝘺𝘢𝘬.” 𝗟𝗨𝗖𝗔𝗦 𝟳:𝟭𝟯

Ipinakita ng Isaias 53:4 kung anong gagawin ni Jesus pagbaba Niya sa lupa—papasanin Niya ang ating paghihinagpis at dadalhin ang ating kalungkutan. Nang nakita ni Jesus ang biyuda at nahabag Siya, naramdaman ni Jesus ang naramdaman ng biyuda, at nasaktan din si Jesus dahil nasaktan ang biyuda. Pinasan ni Jesus ang paghihinagpis ng biyuda at dinamayan Niya ito. Kapag lumalapit tayo sa Diyos sa gitna ng ating kalungkutan, maaari tayong umasa na haharapin Niya tayo nang may kabutihan, pag-unawa, at habag. Ayon sa Mga Hebreo 4:15–16, ano ang makakapagpalakas ng loob natin sa panahon ng pangangailangan?

𝟯. 𝗛𝗶𝗻𝗮𝘄𝗮𝗸𝗮𝗻 𝗮𝘁 𝗽𝗶𝗻𝗮𝗴𝗮𝗹𝗶𝗻𝗴 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗮𝗻𝗴 𝗮𝗻𝗮𝗸 𝗻𝗴 𝗯𝗶𝘆𝘂𝗱𝗮.

𝘕𝘪𝘭𝘢𝘱𝘪𝘵𝘢𝘯 𝘯𝘪 𝘑𝘦𝘴𝘶𝘴 𝘢𝘵 𝘩𝘪𝘯𝘢𝘸𝘢𝘬𝘢𝘯 𝘢𝘯𝘨 𝘬𝘪𝘯𝘢𝘭𝘢𝘭𝘢𝘨𝘺𝘢𝘯 𝘯𝘨 𝘱𝘢𝘵𝘢𝘺 𝘶𝘱𝘢𝘯𝘨 𝘵𝘶𝘮𝘪𝘨𝘪𝘭 𝘢𝘯𝘨 𝘮𝘨𝘢 𝘯𝘢𝘨𝘥𝘢𝘥𝘢𝘭𝘢 𝘯𝘪𝘵𝘰. 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴, “𝘉𝘪𝘯𝘢𝘵𝘢, 𝘣𝘶𝘮𝘢𝘯𝘨𝘰𝘯 𝘬𝘢!” 𝘜𝘮𝘶𝘱𝘰 𝘢𝘯𝘨 𝘱𝘢𝘵𝘢𝘺 𝘢𝘵 𝘯𝘢𝘨𝘴𝘢𝘭𝘪𝘵𝘢. 𝘈𝘵 𝘪𝘣𝘪𝘯𝘪𝘨𝘢𝘺 𝘴𝘪𝘺𝘢 𝘯𝘪 𝘑𝘦𝘴𝘶𝘴 𝘴𝘢 𝘬𝘢𝘯𝘺𝘢𝘯𝘨 𝘪𝘯𝘢. 𝗟𝗨𝗖𝗔𝗦 𝟳:𝟭𝟰-𝟭𝟱

Dahil sa Kanyang pagkahabag, pinagaling ni Jesus ang anak ng biyuda at binuhay Niya ito mula sa kamatayan, isang bagay na walang ibang makagagawa. Ayon sa kanilang kultura, ang sinumang humawak sa patay ay magiging marumi. Pero, dahil sa Kanyang kapangyarihan at kabanalan, si Jesus ay nanatiling malinis. Sa halip, ang patay ay nabuhay. Ginawa ni Jesus ang himalang ito nang walang pag-aalinlangan—walang humiling sa Kanya na gawin ito. Ginawa Niya ito dahil sa kagustuhan Niyang manumbalik ang kagalakan at pag-asa ng biyuda. Ito ang kapangyarihan ni Jesus! Paano mo naranasan ang pagkilos ng Diyos para sa iyong kapakanan?

Nang nakita ng mga tao ang ginawa ni Jesus, nagbigay sila ng papuri sa Diyos at kinilala nila ang pagkilos ng Ama sa pamamagitan ni Jesus (Lucas 7:16–17). Ang presensya ni Jesus ay pisikal na pagpapakita ng Diyos. Nakikita tayo ng Diyos, pinahahalagahan Niya tayo, at kumikilos Siya para sa atin, kahit iniisip natin na hindi tayo mahalaga. Ginagamit ni Jesus ang ating mga sitwasyon na tila imposible upang maipakita ang Kanyang mahimalang kapangyarihan, para magbigay ng pag-asa, at maakay tayo palapit sa Kanya.

𝗔𝗣𝗣𝗟𝗜𝗖𝗔𝗧𝗜𝗢𝗡

• Paano mo kadalasan hinaharap ang kalungkutan? Paano ito magbabago ngayong alam mong nakikita ka ng Diyos, nahahabag Siya sa iyo, at kumikilos Siya para sa ikabubuti mo.

• Sino sa iyong pamilya o kaibigan ang nakakaranas ng kalungkutan o kawalan? Paano mo sila maituturo sa Diyos at paano mo maipapakita sa kanila na si Jesus ay mahabagin, may kakayahan at kagustuhang bigyan tayo ng pag-asa?

• Ipanalangin ang isang tao na nangangailangan ng himala. Mangakong ibabahagi mo ang pag-asa na natanggap natin kay Jesus at hamunin sila na magsimulang humakbang patungo sa pananampalataya at pagkakakilala sa Diyos.

𝗣𝗥𝗔𝗬𝗘𝗥

• Pasalamatan si Jesus sa pagkakaroon Niya ng mahabaging puso para sa atin, mataas o mababa man ang antas natin sa lipunan. Pasalamatan Siya sa pagligtas at pakikipagtagpo Niya sa atin saan man tayo naroon.

• Ipanalangin sa Diyos na ipakita Niya sa iyo kung paano Siya nananatiling kasama mo at patuloy na mananatiling kasama mo sa panahon ng kagipitan. Ipanalangin na magkaroon ka ng mas higit na kamalayan sa Kanyang presensya at pagkilos sa buhay mo.

• Ipanalangin na magkaroon ka ng pananaw na ayon sa pananampalataya habang hinahangad mo ang mga himala ng Diyos para sa kasalukuyang taon. Nawa’y makatulong ang pagkilos ng Diyos sa buhay mo at ang iyong pananampalataya upang maakay mo ang iba patungo sa Kanya.