𝗪𝗔𝗥𝗠-𝗨𝗣
• Sino ang pinakamakakalimuting tao na kilala mo? Balikan ang isang pagkakataong nagpapaliwanag nito.
• Paano mo ipinapaalala sa sarili mo ang mga mahahalagang petsa at gawain? Magbahagi ka ng isang 𝘭𝘪𝘧𝘦 𝘩𝘢𝘤𝘬 o isang pamamaraan para mapadali ang buhay.
• Magbahagi ng isang alaala mula sa pagkabata mo. Bakit mo ito hindi makalimutan?

𝗪𝗢𝗥𝗗
𝘔𝘢𝘴𝘥𝘢𝘯 𝘯ʼ𝘺𝘰 𝘢𝘯𝘨 𝘥𝘪𝘯𝘢𝘳𝘢𝘯𝘢𝘴 𝘬𝘰𝘯𝘨 𝘱𝘢𝘨𝘩𝘪𝘩𝘪𝘳𝘢𝘱 𝘢𝘵 𝘢𝘬𝘰ʼ𝘺 𝘪𝘯𝘺𝘰𝘯𝘨 𝘪𝘭𝘪𝘨𝘵𝘢𝘴, 𝘥𝘢𝘩𝘪𝘭 𝘩𝘪𝘯𝘥𝘪 𝘬𝘰 𝘬𝘪𝘯𝘢𝘬𝘢𝘭𝘪𝘮𝘶𝘵𝘢𝘯 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘶𝘵𝘶𝘴𝘢𝘯. 𝗦𝗔𝗟𝗠𝗢 𝟭𝟭𝟵:𝟭𝟱𝟯

(Basahin din ang 𝗦𝗔𝗟𝗠𝗢 𝟭𝟭𝟵:𝟭𝟱𝟰-𝟭𝟲𝟬.)

Nakakalimot tayo ng maraming bagay—mga kaarawan, susi, 𝘥𝘦𝘢𝘥𝘭𝘪𝘯𝘦, at detalye. Bagama’t may mga bagay na pwedeng makalimutan, may mga bagay din na hindi dapat. Kasama rito ang kautusan ng Diyos. Kahit sa kanyang pagdurusa, hindi nalimutan ng Salmista ang kautusan (o salita, pangako, o tuntunin) ng Diyos. Mahalaga pa rin ito sa kanya. Maaaring naging desperado na ang Salmista habang sinusulat niya ang mga salitang ito, dahil ginamit niya ang pangalan ng Diyos ayon sa kanilang kasunduan at umapila siya sa Kanyang katangian. Naunawaan ng Salmista na ang buhay ay galing sa salita ng Diyos. Ang buhay na ito na gustong ibigay sa kanya ng Diyos ay pinagpala, masagana, at nag-uumapaw—hindi pangkaraniwan o mababa ang kalidad. Sa araw na ito, habang hinaharap natin ang ating mga paghihirap, maaari nating maalala sa pamamagitan ng salita ng Diyos kung sino Siya at kung paano Siya kumikilos. Sa ating pagsasama-sama, maaari tayong magkaroon ng pananampalataya at pag-asa upang matanggap ang buhay na tulad ng hiningi ng Salmista sa Diyos.

𝟭. 𝗕𝗶𝗻𝗶𝗯𝗶𝗴𝘆𝗮𝗻 𝘁𝗮𝘆𝗼 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗻𝗴 𝗯𝘂𝗵𝗮𝘆 𝗮𝘆𝗼𝗻 𝘀𝗮 𝗞𝗮𝗻𝘆𝗮𝗻𝗴 𝗽𝗮𝗻𝗴𝗮𝗸𝗼.
𝘔𝘢𝘴𝘥𝘢𝘯 𝘯ʼ𝘺𝘰 𝘢𝘯𝘨 𝘥𝘪𝘯𝘢𝘳𝘢𝘯𝘢𝘴 𝘬𝘰𝘯𝘨 𝘱𝘢𝘨𝘩𝘪𝘩𝘪𝘳𝘢𝘱 𝘢𝘵 𝘢𝘬𝘰ʼ𝘺 𝘪𝘯𝘺𝘰𝘯𝘨 𝘪𝘭𝘪𝘨𝘵𝘢𝘴, 𝘥𝘢𝘩𝘪𝘭 𝘩𝘪𝘯𝘥𝘪 𝘬𝘰 𝘬𝘪𝘯𝘢𝘬𝘢𝘭𝘪𝘮𝘶𝘵𝘢𝘯 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘶𝘵𝘶𝘴𝘢𝘯. 𝘐𝘱𝘢𝘨𝘵𝘢𝘯𝘨𝘨𝘰𝘭 𝘯ʼ𝘺𝘰 𝘢𝘬𝘰 𝘢𝘵 𝘪𝘭𝘪𝘨𝘵𝘢𝘴, 𝙥𝙖𝙣𝙖𝙩𝙞𝙡𝙞𝙝𝙞𝙣 𝙣ʼ𝙮𝙤 𝙖𝙠𝙤𝙣𝙜 𝙗𝙪𝙝𝙖𝙮 𝙖𝙮𝙤𝙣 𝙨𝙖 𝙞𝙣𝙮𝙤𝙣𝙜 𝙥𝙖𝙣𝙜𝙖𝙠𝙤. 𝗦𝗔𝗟𝗠𝗢 𝟭𝟭𝟵:𝟭𝟱𝟯-𝟭𝟱𝟰

Para sa Salmista, ang kautusan ng Diyos ay hindi lamang mga tuntunin na dapat ipamuhay. Ito ang kabuuan ng salita ng Diyos na naglalaman ng mga dakilang pangako para sa Kanyang mga mamamayan na hindi pa natutupad. Kapag may hinaharap tayong pagsubok, gaya ng Salmista, lalapit ba tayo sa Diyos at magtitiwala sa pangako Niya? Sa tingin mo, bakit natural at totoo ang panalangin ng Salmista?

𝟮. 𝗕𝗶𝗻𝗶𝗯𝗶𝗴𝘆𝗮𝗻 𝘁𝗮𝘆𝗼 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗻𝗴 𝗯𝘂𝗵𝗮𝘆 𝗮𝘆𝗼𝗻 𝘀𝗮 𝗞𝗮𝗻𝘆𝗮𝗻𝗴 𝗽𝗮𝗴𝗵𝗮𝘁𝗼𝗹.
𝘏𝘪𝘯𝘥𝘪 𝘮𝘢𝘭𝘪𝘭𝘪𝘨𝘵𝘢𝘴 𝘢𝘯𝘨 𝘮𝘢𝘴𝘢𝘴𝘢𝘮𝘢, 𝘥𝘢𝘩𝘪𝘭 𝘩𝘪𝘯𝘥𝘪 𝘯𝘪𝘭𝘢 𝘪𝘱𝘪𝘯𝘢𝘮𝘶𝘮𝘶𝘩𝘢𝘺 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘵𝘶𝘯𝘵𝘶𝘯𝘪𝘯. 𝘕𝘢𝘱𝘢𝘬𝘢𝘮𝘢𝘢𝘸𝘢𝘪𝘯 𝘯ʼ𝘺𝘰 𝘗𝘈𝘕𝘎𝘐𝘕𝘖𝘖𝘕; 𝙥𝙖𝙣𝙖𝙩𝙞𝙡𝙞𝙝𝙞𝙣 𝙣ʼ𝙮𝙤 𝙖𝙠𝙤𝙣𝙜 𝙗𝙪𝙝𝙖𝙮 𝙖𝙮𝙤𝙣 𝙨𝙖 𝙞𝙣𝙮𝙤𝙣𝙜 𝙥𝙖𝙜𝙝𝙖𝙩𝙤𝙡. 𝗦𝗔𝗟𝗠𝗢 𝟭𝟭𝟵:𝟭𝟱𝟱-𝟭𝟱𝟲

Ang mga paghatol ng Diyos—mga deklarasyon at desisyon ayon sa Kanyang katangian at pagmamahal—ay hindi paghihigpit. Sa katunayan, nagbibigay-buhay ang mga ito. Habang ang mga makasalanan ay hindi nakaranas ng kaligtasan, ang Salmista ay tumingin sa Diyos upang makatanggap ng habag para sa kanyang buhay. Makatitiyak tayo sa kabutihan ng Diyos at matatanggap natin ang masaganang buhay na ibinibigay Niya. Paano naiiba ang mga paghatol at deklarasyon ng Diyos sa mga paghatol na alam at iniiwasan natin?

𝟯. 𝗕𝗶𝗻𝗶𝗯𝗶𝗴𝘆𝗮𝗻 𝘁𝗮𝘆𝗼 𝗻𝗴 𝗗𝗶𝘆𝗼𝘀 𝗻𝗴 𝗯𝘂𝗵𝗮𝘆 𝗮𝘆𝗼𝗻 𝘀𝗮 𝗞𝗮𝗻𝘆𝗮𝗻𝗴 𝘁𝗮𝗽𝗮𝘁 𝗻𝗮 𝗽𝗮𝗴-𝗶𝗯𝗶𝗴.
𝘔𝘢𝘳𝘢𝘮𝘪 𝘢𝘯𝘨 𝘶𝘮𝘶𝘶𝘴𝘪𝘨 𝘴𝘢 𝘢𝘬𝘪𝘯, 𝘯𝘨𝘶𝘯𝘪𝘵 𝘩𝘪𝘯𝘥𝘪 𝘢𝘬𝘰 𝘭𝘶𝘮𝘢𝘺𝘰 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘵𝘶𝘳𝘰. 𝘒𝘪𝘯𝘢𝘴𝘶𝘴𝘶𝘬𝘭𝘢𝘮𝘢𝘯 𝘬𝘰 𝘢𝘯𝘨 𝘮𝘨𝘢 𝘩𝘪𝘯𝘥𝘪 𝘵𝘢𝘱𝘢𝘵 𝘴𝘢 𝘪𝘯𝘺𝘰, 𝘥𝘢𝘩𝘪𝘭 𝘩𝘪𝘯𝘥𝘪 𝘯𝘪𝘭𝘢 𝘴𝘪𝘯𝘶𝘴𝘶𝘯𝘰𝘥 𝘢𝘯𝘨 𝘪𝘯𝘺𝘰𝘯𝘨 𝘴𝘢𝘭𝘪𝘵𝘢. 𝘛𝘪𝘯𝘨𝘯𝘢𝘯 𝘯ʼ𝘺𝘰 𝘗𝘈𝘕𝘎𝘐𝘕𝘖𝘖𝘕 𝘬𝘶𝘯𝘨 𝘱𝘢𝘢𝘯𝘰 𝘬𝘰 𝘴𝘪𝘯𝘶𝘴𝘶𝘯𝘰𝘥 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘵𝘶𝘯𝘵𝘶𝘯𝘪𝘯. 𝙋𝙖𝙣𝙖𝙩𝙞𝙡𝙞𝙝𝙞𝙣 𝙣ʼ𝙮𝙤 𝙖𝙠𝙤𝙣𝙜 𝙗𝙪𝙝𝙖𝙮 𝙖𝙮𝙤𝙣 𝙨𝙖 𝙞𝙣𝙮𝙤𝙣𝙜 𝙩𝙖𝙥𝙖𝙩 𝙣𝙖 𝙥𝙖𝙜-𝙞𝙗𝙞𝙜. 𝗦𝗔𝗟𝗠𝗢 𝟭𝟭𝟵:𝟭𝟱𝟳-𝟭𝟱𝟵

Sa huli, mayroon tayong buhay dahil sa matatag at matapat na pag-ibig ng Diyos. Lagi tayong makakaasa sa Kanyang di-nagbabago at mapagmahal na katangian. Hindi tayo umaasa sa mga tagausig, kalaban, at walang pananampalataya—silang mga tumataliwas at hindi sumusunod sa mga utos ng Diyos. Sa halip, dapat nating mahalin ang Kanyang mga tuntunin at iasa sa Kanya ang buhay. Sa tingin mo, ano ang mangyayari sa buhay kung nagbabago at papalit-palit ang katangian ng Diyos, minamahal tayo isang araw at tinatalikuran tayo kinabukasan?

Nagbibigay-buhay ang salita ng Diyos sa ating mga pagsubok at kawalan ng pag-asa. Kapag naaalala natin Siya at tumutuon tayo sa Kanyang salita, natatanggap natin ang buhay na Kanyang ibinibigay ayon sa Kanyang pangako, paghatol, at tapat na pag-ibig.

𝗔𝗣𝗣𝗟𝗜𝗖𝗔𝗧𝗜𝗢𝗡
• Kabisaduhin ang Salmo 119:153: 𝘔𝘢𝘴𝘥𝘢𝘯 𝘯ʼ𝘺𝘰 𝘢𝘯𝘨 𝘥𝘪𝘯𝘢𝘳𝘢𝘯𝘢𝘴 𝘬𝘰𝘯𝘨 𝘱𝘢𝘨𝘩𝘪𝘩𝘪𝘳𝘢𝘱 𝘢𝘵 𝘢𝘬𝘰ʼ𝘺 𝘪𝘯𝘺𝘰𝘯𝘨 𝘪𝘭𝘪𝘨𝘵𝘢𝘴, 𝘥𝘢𝘩𝘪𝘭 𝘩𝘪𝘯𝘥𝘪 𝘬𝘰 𝘬𝘪𝘯𝘢𝘬𝘢𝘭𝘪𝘮𝘶𝘵𝘢𝘯 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘶𝘵𝘶𝘴𝘢𝘯. Bigkasin ito nang paulit-ulit at gawin itong panalangin mo ngayong linggo.
• Sa ano o kanino mo inaasa ang buhay? Paano mo maiaasa sa Diyos ang buhay araw-araw?
• Masasabi mo bang mahal mo ang salita ng Diyos? Paano mo nakikita ang salita ng Diyos at sa tingin mo, paano lalago ang pagmamahal mo sa salita ng Diyos? Kanino mo maibabahagi ang salita ng Diyos ngayong linggo?

𝗣𝗥𝗔𝗬𝗘𝗥
• Magpasalamat sa Diyos sa halimbawa at salita ng Salmista na maaari mong tularan. Ipanalangin na magawa mong tumugon sa mga hamon ng buhay sa pamamagitan ng paglapit sa Diyos at pag-alala sa Kanyang salita.
• Ipanalangin na lumago ang pag-ibig mo sa salita ng Diyos sa bawat pagdaan ng mga araw. Hilingin sa Diyos na bigyan ka ng buhay ayon sa Kanyang pangako, paghatol, at tapat na pag-ibig.
• Ipanalangin ang isang miyembro ng iyong pamilya o kaibigan na maaaring nagdurusa o nakadarama ng kawalan ng pag-asa. Ipanalangin na maranasan niya ang habag, pag-ibig, at buhay na galing sa Diyos.