𝗪𝗔𝗥𝗠-𝗨𝗣
• Ano ang paborito mong 𝘴𝘶𝘣𝘫𝘦𝘤𝘵 sa eskwela? Ano ang nagustuhan mo rito?
• Alalahanin ang isang panahong may bago kang natutunan. Paano ka lalong humusay dito?
• Isipin ang isang taong malapit sa iyo. Paano ka naging malapit sa taong ito? Bakit mo siya pinagkakatiwalaan?

𝗪𝗢𝗥𝗗
𝘗𝘈𝘕𝘎𝘐𝘕𝘖𝘖𝘕, 𝘪𝘣𝘪𝘯𝘪𝘨𝘢𝘺 𝘯ʼ𝘺𝘰 𝘴𝘢 𝘢𝘮𝘪𝘯 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘵𝘶𝘯𝘵𝘶𝘯𝘪𝘯 𝘶𝘱𝘢𝘯𝘨 𝘪𝘵𝘰ʼ𝘺 𝘮𝘢𝘵𝘢𝘱𝘢𝘵 𝘯𝘢𝘮𝘪𝘯𝘨 𝘴𝘶𝘯𝘥𝘪𝘯. 𝗦𝗔𝗟𝗠𝗢 𝟭𝟭𝟵:𝟰

(Basahin din ang 𝗦𝗮𝗹𝗺𝗼 𝟭𝟭𝟵:𝟭–𝟯, 𝟱–𝟴.)

Kamangha-mangha ang katotohanan na ang Bibliya, ang nakasulat na salita ng Diyos, ay nagtagal nang mahabang panahon at angkop pa rin sa panahon ngayon. Ang bawat mananampalataya ay tumitingin sa salita ng Diyos para sa patnubay at karunungan, bilang awtoridad sa pananampalataya at pag-uugali. Gayunpaman, tila marami ang kuntento na sa pagkuha ng iilang talata tuwing Linggo sa halip na maglaan ng panahong pag-aralan at isabuhay ang mayamang salita ng Diyos araw-araw. Nais ng Diyos na ipamuhay natin ang ating paniniwala. Nangangahulugan ito ng pagmamahal at pagsunod sa Kanyang salita araw-araw—alamin at pag-aralan ang salita. Maraming dalang pagpapala ang pag-alam at pagsasapamuhay ng salita ng Diyos. Sa araw na ito, titingnan natin kung ano ang maaari nating gawin habang patuloy tayong lumalago sa kaalaman natin sa Kanyang salita.

𝟭. 𝗠𝗮𝗺𝘂𝗵𝗮𝘆 𝗮𝘆𝗼𝗻 𝘀𝗮 𝘂𝘁𝗼𝘀 𝗻𝗴 𝗣𝗮𝗻𝗴𝗶𝗻𝗼𝗼𝗻.
𝘔𝘢𝘱𝘢𝘭𝘢𝘥 𝘢𝘯𝘨 𝘵𝘢𝘰𝘯𝘨 𝘯𝘢𝘮𝘶𝘮𝘶𝘩𝘢𝘺 𝘯𝘢𝘯𝘨 𝘮𝘢𝘭𝘪𝘯𝘪𝘴, 𝘯𝘢 𝘯𝘢𝘢𝘢𝘺𝘰𝘯 𝘴𝘢 𝘶𝘵𝘰𝘴 𝘯𝘨 𝘗𝘈𝘕𝘎𝘐𝘕𝘖𝘖𝘕. 𝗦𝗮𝗹𝗺𝗼 𝟭𝟭𝟵:𝟭

Minsan nakikita lamang natin ang salita ng Diyos bilang isang listahan ng mga dapat gawin o talaan ng kasaysayan. Pero ang salita ng Diyos ay hindi lamang para sa kaalaman natin. Dapat natin itong ipamuhay. Bahagi ng pag-aaral ng salita ng Diyos ang aktibong pagsunod sa sinasabi nito. Habang lalo tayong namumuhay ayon sa salita ng Diyos at sumusunod sa Kanya, mas mararanasan natin ang katotohanan nito sa ating buhay. Sa tingin mo, paano tayo makakapamuhay ayon sa salita ng Diyos araw-araw?

𝟮. 𝗦𝘂𝗺𝘂𝗻𝗼𝗱 𝘀𝗮 𝗺𝗴𝗮 𝗸𝗮𝘁𝘂𝗿𝘂𝗮𝗻 𝗻𝗴 𝗗𝗶𝘆𝗼𝘀..
𝘔𝘢𝘱𝘢𝘭𝘢𝘥 𝘢𝘯𝘨 𝘵𝘢𝘰𝘯𝘨 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘮𝘨𝘢 𝘬𝘢𝘵𝘶𝘳𝘶𝘢𝘯 𝘯𝘨 𝘋𝘪𝘺𝘰𝘴, 𝘢𝘵 𝘣𝘶𝘰𝘯𝘨 𝘱𝘶𝘴𝘰𝘯𝘨 𝘩𝘪𝘯𝘢𝘩𝘢𝘯𝘢𝘱 𝘢𝘯𝘨 𝘬𝘢𝘯𝘺𝘢𝘯𝘨 𝘬𝘢𝘭𝘰𝘰𝘣𝘢𝘯. 𝘏𝘪𝘯𝘥𝘪 𝘴𝘪𝘭𝘢 𝘨𝘶𝘮𝘢𝘨𝘢𝘸𝘢 𝘯𝘨 𝘮𝘢𝘴𝘢𝘮𝘢 𝘬𝘶𝘯𝘥𝘪 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘮𝘨𝘢 𝘱𝘢𝘮𝘢𝘮𝘢𝘳𝘢𝘢𝘯 𝘯𝘨 𝘋𝘪𝘺𝘰𝘴. 𝗦𝗮𝗹𝗺𝗼 𝟭𝟭𝟵:𝟮–𝟯

Ang salita ng Diyos ay isa sa mga paraan kung paano ipinapaalam ng Diyos ang Kanyang katangian at kalikasan sa Kanyang mga mamamayan. Sa pamamagitan ng mga kwentong nakasulat sa Bibliya, nakikita natin ang pag-ibig at katapatan ng Diyos. Habang patuloy tayong nagbabasa at nakikinig tungkol sa Kanyang mga gawa, nakikita natin kung paano Siya nagiging kalakasan sa ating kahinaan, nagiging ginhawa sa kagipitan, at nananatiling tapat sa Kanyang katangian at mga pangako. Sama-sama nating pinag-iingatan ang mga kwentong natutunan natin mula sa Bibliya, narinig mula sa ibang mga mananampalataya, at naranasan sa sarili nating buhay. Ano ang kwento mo tungkol sa kabutihan ng Diyos sa iyo at sa iyong pamilya? Bakit mahalagang ibahagi ito sa iba?

𝟯. 𝗛𝗮𝗻𝗮𝗽𝗶𝗻 𝗮𝗻𝗴 𝗸𝗮𝗹𝗼𝗼𝗯𝗮𝗻 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗻𝗮𝗻𝗴 𝗯𝘂𝗼𝗻𝗴 𝗽𝘂𝘀𝗼.
𝘔𝘢𝘱𝘢𝘭𝘢𝘥 𝘢𝘯𝘨 𝘵𝘢𝘰𝘯𝘨 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘮𝘨𝘢 𝘬𝘢𝘵𝘶𝘳𝘶𝘢𝘯 𝘯𝘨 𝘋𝘪𝘺𝘰𝘴, 𝘢𝘵 𝘣𝘶𝘰𝘯𝘨 𝘱𝘶𝘴𝘰𝘯𝘨 𝘩𝘪𝘯𝘢𝘩𝘢𝘯𝘢𝘱 𝘢𝘯𝘨 𝘬𝘢𝘯𝘺𝘢𝘯𝘨 𝘬𝘢𝘭𝘰𝘰𝘣𝘢𝘯. 𝘏𝘪𝘯𝘥𝘪 𝘴𝘪𝘭𝘢 𝘨𝘶𝘮𝘢𝘨𝘢𝘸𝘢 𝘯𝘨 𝘮𝘢𝘴𝘢𝘮𝘢 𝘬𝘶𝘯𝘥𝘪 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘮𝘨𝘢 𝘱𝘢𝘮𝘢𝘮𝘢𝘳𝘢𝘢𝘯 𝘯𝘨 𝘋𝘪𝘺𝘰𝘴. 𝗦𝗮𝗹𝗺𝗼 𝟭𝟭𝟵:𝟮-𝟯

Ang pamumuhay ayon sa limitado nating kakayahan ay nag-aanyaya ng kayabangan at pagiging matuwid sa sariling mga mata. Mabuti na lamang at walang sawa tayong pinagpapakumbaba ng Diyos para naisin nating makilala Siya at matutunan ang Kanyang salita. Gumawa rin Siya ng paraan upang makilala at maranasan natin Siya—sa pamamagitan ng Kanyang Anak, si Jesus, na Siyang buhay na Salita. Ang Diyos at ang Kanyang salita dapat ang lahat-lahat sa ating buhay, at dapat nating hanapin ang Kanyang kalooban nang buong puso. Sa tingin mo, paano makikita sa buhay natin ang paghahanap sa isang bagay nang buong puso? Bakit kaya nais ng Diyos na hanapin ng Kanyang mamamayan ang Kanyang kalooban nang buong puso at hindi lang nang isang bahagi ng kanilang puso? Paano natin ito magagawa bilang isang komunidad?

Sa pag-iisip ng may-akda ng Salmo tungkol sa salita ng Diyos, tinapos niya ang bahaging ito ng awit nang buo ang paninindigan: 𝘚𝘶𝘴𝘶𝘯𝘥𝘪𝘯 𝘬𝘰 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘵𝘶𝘯𝘵𝘶𝘯𝘪𝘯, 𝘬𝘢𝘺𝘢 𝘩𝘶𝘸𝘢𝘨 𝘯ʼ𝘺𝘰 𝘢𝘬𝘰𝘯𝘨 𝘱𝘢𝘣𝘢𝘣𝘢𝘺𝘢𝘢𝘯 (Salmo 119:8). Kapag nakita natin ang kahalagahan ng pag-aaral ng salita ng Diyos at sa pamamagitan ng Kanyang biyaya ay ipangako natin ang paglago ng ating ugnayan sa Kanya, bibigyan Niya tayo ng paninindigan na sundin ang lahat ng Kanyang utos at mamuhay ayon sa Kanyang kaparaanan.

𝗔𝗣𝗣𝗟𝗜𝗖𝗔𝗧𝗜𝗢𝗡
• Paano binago ng salita ng Diyos ang buhay mo? Gaano ito kahalaga sa iyo at paano mo ito natutunang pahalagahan?
• Kabisaduhin ang Salmo 119:1: 𝘔𝘢𝘱𝘢𝘭𝘢𝘥 𝘢𝘯𝘨 𝘵𝘢𝘰𝘯𝘨 𝘯𝘢𝘮𝘶𝘮𝘶𝘩𝘢𝘺 𝘯𝘢𝘯𝘨 𝘮𝘢𝘭𝘪𝘯𝘪𝘴, 𝘯𝘢 𝘯𝘢𝘢𝘢𝘺𝘰𝘯 𝘴𝘢 𝘶𝘵𝘰𝘴 𝘯𝘨 𝘗𝘈𝘕𝘎𝘐𝘕𝘖𝘖𝘕. Bigkasin ito nang paulit-ulit at gawin itong panalangin mo ngayong linggo.
• Paano ka lalago sa iyong pagmamahal sa salita ng Diyos? Sino ang makakatulong sa iyo rito at ano sa palagay mo ang magagawa ninyo para sama-samang mag-aral, matuto, at lumago sa salita ng Diyos?


𝗣𝗥𝗔𝗬𝗘𝗥
• Pasalamatan ang Diyos sa Kanyang salita na tumutulong sa atin na maunawaan kung sino Siya at paano tayo makakasunod sa Kanya.
• Humingi sa Diyos ng bagong pananaw at pag-unawa sa Kanyang salita araw-araw. Ipanalangin na hindi maging hadlang ang pagiging pamilyar o anumang abala sa pagmamahal mo sa salita ng Diyos.
• Ipanalangin na habang natutunan mo ang salita ng Diyos, maibabahagi mo ito sa iba. Humingi sa Diyos ng tapang, habag, at biyaya para maipahayag mo ang ebanghelyo sa mga taong nasa paligid mo.