𝗪𝗔𝗥𝗠-𝗨𝗣
• Anong libro, pelikula, o palabas tungkol sa batas ang ikinatuwa mo? Ano ang nagustuhan mo dito?
• Ano ang reaksyon mo kapag sinasabi ng mga tao na, “Hindi talaga tinutupad ang mga pangako”? Bakit?
• Sa panahon ngayon, paano mo napapatunayang totoo ang isang bagay? Saan ka pumupunta para tiyakin ang katotohanan?


𝗪𝗢𝗥𝗗
𝘈𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘵𝘶𝘳𝘰 𝘢𝘺 𝘮𝘢𝘵𝘶𝘸𝘪𝘥 𝘢𝘵 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯. 𝘉𝘪𝘨𝘺𝘢𝘯 𝘯ʼ𝘺𝘰 𝘢𝘬𝘰 𝘯𝘨 𝘱𝘢𝘯𝘨-𝘶𝘯𝘢𝘸𝘢 𝘶𝘱𝘢𝘯𝘨 𝘱𝘢𝘵𝘶𝘭𝘰𝘺 𝘢𝘬𝘰𝘯𝘨 𝘮𝘢𝘣𝘶𝘩𝘢𝘺. 𝗦𝗔𝗟𝗠𝗢 𝟭𝟭𝟵:𝟭𝟰𝟰

(Basahin din ang 𝗦𝗔𝗟𝗠𝗢 𝟭𝟭𝟵:𝟭𝟯𝟳–𝟭𝟰𝟯.)

Alam at ipinapahayag ng Salmista ang tungkol sa katangian at salita ng Diyos. Ang Diyos ay matuwid, hindi nagbabago, at maaasahan; ang Kanyang salita (o ang Kanyang mga paghatol, pangako, at kautusan) ay katiwa-tiwala at kalugod-lugod. Anuman ang pinagdaraanan natin sa bawat sandali ng ating buhay, makakaasa tayo sa kung sino Siya at kung ano ang sinasabi Niya. Tuwing tinitingnan natin ang Diyos at pinipili nating sumunod sa Kanyang salita, hindi tayo matitinag, maguguluhan, o mabibigo. Sa araling ito, titingnan natin ang tatlong katotohanan tungkol sa salita ng Diyos mula sa talatang ito.

𝟭. 𝗔𝗻𝗴 𝗺𝗴𝗮 𝗽𝗮𝗴𝗵𝗮𝘁𝗼𝗹 𝗻𝗴 𝗗𝗶𝘆𝗼𝘀 𝗮𝘆 𝗹𝗮𝗴𝗶𝗻𝗴 𝗺𝗮𝘁𝘂𝘄𝗶𝗱.
𝘔𝘢𝘵𝘶𝘸𝘪𝘥 𝘬𝘢𝘺𝘰, 𝘗𝘈𝘕𝘎𝘐𝘕𝘖𝘖𝘕, 𝘢𝘵 𝘵𝘢𝘮𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘱𝘢𝘨𝘩𝘢𝘵𝘰𝘭. 𝘈𝘯𝘨 𝘪𝘯𝘺𝘰𝘯𝘨 𝘪𝘣𝘪𝘯𝘪𝘨𝘢𝘺 𝘯𝘢 𝘮𝘨𝘢 𝘵𝘶𝘳𝘰 𝘢𝘺 𝘮𝘢𝘵𝘶𝘸𝘪𝘥 𝘢𝘵 𝘮𝘢𝘱𝘢𝘨𝘬𝘢𝘵𝘪𝘸𝘢𝘭𝘢𝘢𝘯. 𝘓𝘢𝘣𝘪𝘴 𝘢𝘯𝘨 𝘢𝘬𝘪𝘯𝘨 𝘨𝘢𝘭𝘪𝘵 𝘥𝘢𝘩𝘪𝘭 𝘣𝘪𝘯𝘢𝘭𝘦𝘸𝘢𝘭𝘢 𝘯𝘨 𝘢𝘬𝘪𝘯𝘨 𝘮𝘨𝘢 𝘬𝘢𝘢𝘸𝘢𝘺 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘴𝘢𝘭𝘪𝘵𝘢. 𝗦𝗔𝗟𝗠𝗢 𝟭𝟭𝟵:𝟭𝟯𝟳–𝟭𝟯𝟵

Gaya ng pagbaba ng anunsyo o hatol ng hari sa abot ng kanyang makakaya ayon sa iniisip niyang tama, gumagawa rin ang Diyos ng mga paghatol ayon sa Kanyang katuwiran at katapatan. Bagama’t hindi tayo maililigtas o mapapamahalaan ng hari nang walang kamalian, kaya ito ng Diyos at ginagawa Niya ito. Sa katunayan, ang katuwiran ng Diyos ang nagbigay ng daan upang maging matuwid ang buhay natin. Hindi lamang tayo inaasahan ng Diyos na sumunod sa Kanyang mga tuntunin; ipinanunumbalik Niya tayo sa Kanyang sarili at ginagawa Niya tayong matuwid sa Kanyang harapan. Paano ka nabibigyan ng katiyakan at kaginhawahan ng katotohanang ito?

𝟮. 𝗔𝗻𝗴 𝗺𝗴𝗮 𝗽𝗮𝗻𝗴𝗮𝗸𝗼 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗽𝗮𝘁𝘂𝗻𝗮𝘆𝗮𝗻𝗴 𝗺𝗮𝗮𝗮𝘀𝗮𝗵𝗮𝗻.
𝘕𝘢𝘱𝘢𝘵𝘶𝘯𝘢𝘺𝘢𝘯 𝘯𝘢 𝘮𝘢𝘢𝘢𝘴𝘢𝘩𝘢𝘯 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘱𝘢𝘯𝘨𝘢𝘬𝘰, 𝘬𝘢𝘺𝘢 𝘯𝘢𝘱𝘢𝘬𝘢𝘩𝘢𝘭𝘢𝘨𝘢 𝘯𝘪𝘵𝘰 𝘴𝘢 𝘢𝘬𝘪𝘯 𝘯𝘢 𝘪𝘯𝘺𝘰𝘯𝘨 𝘭𝘪𝘯𝘨𝘬𝘰𝘥. 𝘒𝘢𝘩𝘪𝘵 𝘮𝘢𝘩𝘪𝘳𝘢𝘱 𝘭𝘢𝘯𝘨 𝘢𝘬𝘰 𝘢𝘵 𝘪𝘯𝘢𝘢𝘺𝘢𝘸𝘢𝘯, 𝘩𝘪𝘯𝘥𝘪 𝘬𝘰 𝘬𝘪𝘯𝘢𝘬𝘢𝘭𝘪𝘮𝘶𝘵𝘢𝘯 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘵𝘶𝘯𝘵𝘶𝘯𝘪𝘯. 𝗦𝗔𝗟𝗠𝗢 𝟭𝟭𝟵:𝟭𝟰𝟬–𝟭𝟰𝟭

Sa gitna ng iba’t-ibang mga sitwasyon at pagsubok, ang salita ng Diyos (na tinutukoy din bilang isang pangkalahatang pangako) ay sinubukan at napatunayang maaasahan. Noong tayo ay mahirap lang at inaayawan tulad ng Salmista at humaharap sa mga kabiguan at nabigong pangako mula sa iba, ang mga pangako ng Diyos ay nananatili at natutupad. Kapag tayo ay mahina, nababalisa, at nagkukulang, maaari tayong tumingin sa Diyos at sa Kanyang mga pangakong napatunayang maaasahan. Magbahagi ng isang pagkakataon kung kailan ang salita ng Diyos ay nasubukan at napatunayang maaasahan sa buhay mo.

𝟯. 𝗔𝗻𝗴 𝗸𝗮𝘂𝘁𝘂𝘀𝗮𝗻 𝗻𝗴 𝗗𝗶𝘆𝗼𝘀 𝗮𝘆 𝗹𝗮𝗴𝗶𝗻𝗴 𝘁𝗼𝘁𝗼𝗼.
𝘞𝘢𝘭𝘢𝘯𝘨 𝘬𝘢𝘵𝘢𝘱𝘶𝘴𝘢𝘯 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘵𝘶𝘸𝘪𝘳𝘢𝘯, 𝘢𝘵 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘶𝘵𝘶𝘴𝘢𝘯 𝘢𝘺 𝘣𝘢𝘵𝘢𝘺 𝘴𝘢 𝘬𝘢𝘵𝘰𝘵𝘰𝘩𝘢𝘯𝘢𝘯. 𝘋𝘶𝘮𝘢𝘵𝘪𝘯𝘨 𝘴𝘢 𝘢𝘬𝘪𝘯 𝘢𝘯𝘨 𝘮𝘨𝘢 𝘬𝘢𝘨𝘶𝘭𝘶𝘩𝘢𝘯 𝘢𝘵 𝘬𝘢𝘩𝘪𝘳𝘢𝘱𝘢𝘯, 𝘯𝘨𝘶𝘯𝘪𝘵 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘶𝘵𝘰𝘴 𝘢𝘺 𝘯𝘢𝘨𝘣𝘪𝘨𝘢𝘺 𝘴𝘢 𝘢𝘬𝘪𝘯 𝘯𝘨 𝘬𝘢𝘨𝘢𝘭𝘢𝘬𝘢𝘯. 𝗦𝗔𝗟𝗠𝗢 𝟭𝟭𝟵:𝟭𝟰𝟮–𝟭𝟰𝟯

Gusto man natin o hindi, naniniwala man tayo o hindi, ang salita ng Diyos (o kautusan) ay laging tunay, nananatili, at matapat. Maglalaho ang lahat—pati na ang langit at lupa—ngunit hindi maglalaho ang salita ng Diyos (Mateo 24:35). Mananatili ito magpakailanman (1 Pedro 1:24–25). Mapagkakatiwalaan ang Kanyang salita, gaya ng pagtuturo ng isang ama sa kanyang anak. Sa tingin mo, bakit nagiging mahirap para sa ilan ang maniwala na ang kautusan ng Diyos ay laging totoo? Paano ito nagbibigay ng katiyakan at buhay?

Gaya ng ginawa ng Salmista, maihahayag natin ang ating pag-asa at pananampalataya sa Diyos at sa Kanyang salita. Nawa’y lagi nating piliin ang salita, dahil ito ay tama, napatunayang maaasahan, at totoo.


𝗔𝗣𝗣𝗟𝗜𝗖𝗔𝗧𝗜𝗢𝗡
• Maglaan ng panahon ngayong linggo upang pag-isipan ang katotohanan ng salita ng Diyos. Paano mo makakaugalian ang pagpili sa salita ng katotohanan araw-araw?
• Kabisaduhin ang Salmo 119:140: Napatunayan na maaasahan ang inyong mga pangako, kaya napakahalaga nito sa akin na inyong lingkod. Bigkasin ito nang paulit-ulit at gawin itong panalangin mo ngayong linggo.
• Alam mo ba ang sinasabi ng Bibliya mula sa umpisa hanggang sa huli? Paano ka lalago sa iyong pagmamahal sa salita ng Diyos at aasa rito araw-araw? Hilingin sa Diyos na bigyan ka ng mga pagkakataong maibahagi ang iyong pananampalataya sa iba ngayong linggo.


𝗣𝗥𝗔𝗬𝗘𝗥
• Magpasalamat sa Diyos para sa Kanyang kabanalan at katapatan. Ipanalangin na lalo mong makilala ang Diyos sa pamamagitan ng Kanyang salita sa bawat araw na dumaraan.
• Ideklara ang Salmo 119:140: Napatunayan na maaasahan ang inyong mga pangako, kaya napakahalaga nito sa akin na inyong lingkod. Pagnilayan ang talatang ito ngayong linggo at ipanalanging lumago ang pananampalataya mo sa Diyos.
• Humingi ng lakas ng loob at tapang sa Diyos na ibahagi sa iba ang tungkol sa Kanya. Ipanalangin na kung paanong natutunan ng Salmista na awitin at itala ang kabutihan ng Diyos, maisasapamuhay mo ang iyong pananampalataya sa iyong pamilya at komunidad.