Victory Groups

Filipino

Ang Diyos Laban sa Maling Relihiyon

𝗪𝗔𝗥𝗠-𝗨𝗣 • Mayroon ka bang paboritong tradisyon sa inyong pamilya o sambahayan? Magkuwento tungkol dito. • Ibahagi ang isang pagkakataon na humingi ka ng tawad sa isang tao at ikinagulat mo na pinatawad ka niya. • Naging bahagi ka ba ng isang pag-uusap o demonstrasyon tungkol sa isang bagay na para sa iyo ay may kawalan ng hustisya? Ano ang nangyari? 𝗪𝗢𝗥𝗗 “𝘓𝘪𝘯𝘪𝘴𝘪𝘯 𝘯𝘪𝘯𝘺𝘰 𝘢𝘯𝘨 𝘪𝘯𝘺𝘰𝘯𝘨 𝘴𝘢𝘳𝘪𝘭𝘪. 𝘛𝘪𝘨𝘪𝘭𝘢𝘯 𝘯𝘢 𝘯𝘪𝘯𝘺𝘰 𝘢𝘯𝘨 𝘱𝘢𝘨𝘨𝘢𝘸𝘢 𝘯𝘨 𝘬𝘢𝘴𝘢𝘮𝘢𝘢𝘯 𝘴𝘢 𝘢𝘬𝘪𝘯𝘨 𝘩𝘢𝘳𝘢𝘱𝘢𝘯. 𝘗𝘢𝘨-𝘢𝘳𝘢𝘭𝘢𝘯 𝘯𝘪𝘯𝘺𝘰𝘯𝘨 𝘨𝘶𝘮𝘢𝘸𝘢 𝘯𝘨 𝘮𝘢𝘣𝘶𝘵𝘪 𝘢𝘵 𝘱𝘢𝘪𝘳𝘢𝘭𝘪𝘯 𝘢𝘯𝘨 𝘬𝘢𝘵𝘢𝘳𝘶𝘯𝘨𝘢𝘯. 𝘚𝘢𝘸𝘢𝘺𝘪𝘯 𝘯𝘪𝘯𝘺𝘰 𝘢𝘯𝘨 𝘮𝘨𝘢 𝘯𝘢𝘯𝘨-𝘢𝘢𝘱𝘪 𝘢𝘵 𝘪𝘱𝘢𝘨𝘵𝘢𝘯𝘨𝘨𝘰𝘭 𝘯𝘪𝘯𝘺𝘰 𝘢𝘯𝘨 𝘬𝘢𝘳𝘢𝘱𝘢𝘵𝘢𝘯 𝘯𝘨 𝘮𝘨𝘢 𝘶𝘭𝘪𝘭𝘢 𝘢𝘵 𝘮𝘨𝘢 𝘣𝘪𝘺𝘶𝘥𝘢.” 𝗜𝗦𝗔𝗜𝗔𝗦 𝟭:𝟭𝟲–𝟭𝟳 (Basahin din ang 𝗜𝗦𝗔𝗜𝗔𝗦 𝟭:𝟭𝟮–𝟭𝟱, 𝟭𝟴–𝟮𝟬.) Sa bahaging ito ng propesiya ni Isaias sa Israel, ang mga mamamayan ng Diyos ay papunta sa isang lugar upang sumamba, magbigay ng handog, at isagawa ang mga ritwal na iniutos Niyang gawin nila. Subalit ang paraan nila ng pamumuhay ay puno ng kasamaan at marami silang pinatay na tao. (Isaias 1:13, 15). Ang katotohanan ay hindi nais ng Diyos ang mga walang kabuluhang ritwal mula sa atin, na hindi naman nagpapakita ng buhay sa Kanya. Tingnan natin ang tatlong bagay na ninanais ng Diyos sa ating ugnayan sa Kanya. 𝟭. 𝗡𝗮𝗶𝘀 𝗻𝗴 𝗗𝗶𝘆𝗼𝘀 𝗮𝗻𝗴 𝗮𝘁𝗶𝗻𝗴 𝗸𝗮𝘁𝗮𝗽𝗮𝘁𝗮𝗻. “𝘛𝘪𝘨𝘪𝘭𝘢𝘯 𝘯ʼ𝘺𝘰 𝘯𝘢 𝘢𝘯𝘨 𝘱𝘢𝘨𝘥𝘢𝘥𝘢𝘭𝘢 𝘯𝘨 𝘮𝘨𝘢 𝘩𝘢𝘯𝘥𝘰𝘨 𝘯𝘢 𝘸𝘢𝘭𝘢𝘯𝘨 𝘴𝘪𝘭𝘣𝘪. 𝘕𝘢𝘴𝘶𝘴𝘶𝘬𝘭𝘢𝘮 𝘢𝘬𝘰 𝘴𝘢 𝘢𝘮𝘰𝘺 𝘯𝘨 𝘮𝘨𝘢 𝘪𝘯𝘴𝘦𝘯𝘴𝘰 𝘯𝘪𝘯𝘺𝘰. 𝘏𝘪𝘯𝘥𝘪 𝘬𝘰 𝘯𝘢 𝘮𝘢𝘵𝘪𝘪𝘴 𝘢𝘯𝘨 𝘮𝘨𝘢 𝘱𝘢𝘨𝘵𝘪𝘵𝘪𝘱𝘰𝘯 𝘯ʼ𝘺𝘰 𝘬𝘢𝘱𝘢𝘨 𝘗𝘪𝘴𝘵𝘢 𝘯𝘨 𝘗𝘢𝘨𝘴𝘪𝘴𝘪𝘮𝘶𝘭𝘢 𝘯𝘨 𝘉𝘶𝘸𝘢𝘯 𝘢𝘵 𝘬𝘢𝘱𝘢𝘨 𝘈𝘳𝘢𝘸 𝘯𝘨 𝘗𝘢𝘮𝘢𝘮𝘢𝘩𝘪𝘯𝘨𝘢, 𝘥𝘢𝘩𝘪𝘭 𝘬𝘢𝘩𝘪𝘵 𝘯𝘢 𝘯𝘢𝘨𝘵𝘪𝘵𝘪𝘱𝘰𝘯 𝘬𝘢𝘺𝘰, 𝘨𝘶𝘮𝘢𝘨𝘢𝘸𝘢 𝘬𝘢𝘺𝘰 𝘯𝘨 𝘬𝘢𝘴𝘢𝘮𝘢𝘢𝘯.” 𝗜𝗦𝗔𝗜𝗔𝗦 𝟭:𝟭𝟯 Nais ng Diyos na maging matapat tayo hindi sa mga ritwal na iniuugnay natin sa Kanya, kundi sa Kanya Mismo. Tama nga ang pagsasagawa ng mga Israelita ng kanilang mga ritwal—mga pagtitipon, paghahandog, at pista. Ngunit kasabay nito ay hayagan din silang nagkakasala laban sa Diyos. Hindi natin masasabi na mahal natin ang Diyos at patunayan ito sa pamamagitan ng mga walang kabuluhang ritwal habang ginagawa pa rin ang mga bagay na kinasusuklaman Niya. Ano ang ilan sa mga ritwal o tradisyon sa kasalukuyan na maaaring ginagawa mo nang walang kabuluhan? 𝟮. 𝗡𝗮𝗶𝘀 𝗻𝗴 𝗗𝗶𝘆𝗼𝘀 𝗻𝗴 𝗸𝗮𝘁𝘂𝘄𝗶𝗿𝗮𝗻 𝗮𝘁 𝗵𝘂𝘀𝘁𝗶𝘀𝘆𝗮 𝘀𝗮 𝗺𝗴𝗮 𝗮𝗿𝗮𝘄-𝗮𝗿𝗮𝘄 𝗻𝗮𝘁𝗶𝗻𝗴 𝗴𝗶𝗻𝗮𝗴𝗮𝘄𝗮. “𝘗𝘢𝘨-𝘢𝘳𝘢𝘭𝘢𝘯 𝘯𝘪𝘯𝘺𝘰𝘯𝘨 𝘨𝘶𝘮𝘢𝘸𝘢 𝘯𝘨 𝘮𝘢𝘣𝘶𝘵𝘪 𝘢𝘵 𝘱𝘢𝘪𝘳𝘢𝘭𝘪𝘯 𝘢𝘯𝘨 𝘬𝘢𝘵𝘢𝘳𝘶𝘯𝘨𝘢𝘯. 𝘚𝘢𝘸𝘢𝘺𝘪𝘯 𝘯𝘪𝘯𝘺𝘰 𝘢𝘯𝘨 𝘮𝘨𝘢 𝘯𝘢𝘯𝘨-𝘢𝘢𝘱𝘪 𝘢𝘵 𝘪𝘱𝘢𝘨𝘵𝘢𝘯𝘨𝘨𝘰𝘭 𝘯𝘪𝘯𝘺𝘰 𝘢𝘯𝘨 𝘬𝘢𝘳𝘢𝘱𝘢𝘵𝘢𝘯 𝘯𝘨 𝘮𝘨𝘢 𝘶𝘭𝘪𝘭𝘢 𝘢𝘵 𝘮𝘨𝘢 𝘣𝘪𝘺𝘶𝘥𝘢.” 𝗜𝗦𝗔𝗜𝗔𝗦 𝟭:𝟭𝟳 Ang nais ng Diyos para sa atin ay ang gumawa ng mabuti at pairalin ang katarungan, at ito ay nangangailangan ng pagbabagong nagmumula sa ating kalooban at nakikita sa ating mga ginagawa. Higit pa rito, dapat din tayong lumayo sa kawalan ng hustisya, na nangangailangan naman ng pagsisisi. Dapat din tayong magsalita at personal na makibahagi kapag nakakakita tayo ng mga taong hindi nakakatanggap ng hustisya. Sinasabi sa atin ng Diyos na tayo ang asin at ilaw ng mundo (Mateo 5:13–14). Paano ka naudyok ng pagkakakilala mo kay Cristo upang kumilos nang may katuwiran at hustisya? Ano ang isang bagay na sa palagay mo ay pinapagawa sa iyo ng Diyos upang personal na makibahagi sa pagtataguyod ng katuwiran at hustisya? 𝟯. 𝗡𝗮𝗶𝘀 𝗻𝗴 𝗗𝗶𝘆𝗼𝘀 𝗻𝗴 𝘁𝘂𝗻𝗮𝘆 𝗻𝗮 𝘂𝗴𝗻𝗮𝘆𝗮𝗻 𝘀𝗮 𝗮𝘁𝗶𝗻. “𝘚𝘪𝘯𝘢𝘣𝘪 𝘱𝘢 𝘯𝘨 𝘗𝘢𝘯𝘨𝘪𝘯𝘰𝘰𝘯, “𝘏𝘢𝘭𝘪𝘬𝘢𝘺𝘰ʼ𝘵 𝘱𝘢𝘨-𝘶𝘴𝘢𝘱𝘢𝘯 𝘯𝘢𝘵𝘪𝘯 𝘪𝘵𝘰. 𝘒𝘢𝘩𝘪𝘵 𝘨𝘢𝘢𝘯𝘰 𝘮𝘢𝘯 𝘬𝘢𝘳𝘶𝘮𝘪 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯, 𝘭𝘪𝘭𝘪𝘯𝘪𝘴𝘪𝘯 𝘬𝘰 𝘪𝘺𝘢𝘯 𝘱𝘢𝘳𝘢 𝘮𝘢𝘨𝘪𝘯𝘨 𝘮𝘢𝘭𝘪𝘯𝘪𝘴 𝘬𝘢𝘺𝘰.” 𝗜𝗦𝗔𝗜𝗔𝗦 𝟭:𝟭𝟴 Inilarawan ng Diyos ang mga mamamayan ng Israel bilang mga taong tumalikod sa Panginoon (Isaias 1:4). Ngunit hindi ninais ng Diyos na bumalik sila sa Kanya at sumunod nang hindi na nag-iisip. Nais ng Diyos na magkaroon ng tunay na ugnayan sa kanila. Inimbitahan Niya sila na tanggapin ang ibinibigay Niyang pagkakataon na gawin silang malinis—tila hindi kailanman nagkasala. Ang imbitasyong ito ay ibinibigay din Niya sa atin ngayon. Sa halip na magkaroon ng ugnayan na nakasalalay sa paglilingkod at katapatan, ang nais ng Diyos ay tunay at buhay na ugnayan sa bawat isa sa atin upang tayo ay makaranas ng pagbabago at maging mas katulad Niya. Ano ang isang pagkakataon na may nagawa kang sa palagay mo ay hindi na mapapatawad, ngunit naranasan mo pa rin ang biyaya at kapatawaran ng Diyos? 𝗔𝗣𝗣𝗟𝗜𝗖𝗔𝗧𝗜𝗢𝗡 • Tinanggap mo na ba ang paanyaya ng Diyos na burahin ang iyong kasalanan at magkaroon ng tunay na ugnayan sa Kanya? Kung hindi pa, gusto mo ba itong gawin ngayon? • Mayroon bang bahagi sa buhay mo na hindi naaayon sa iyong ugnayan sa Diyos? Paano hinihiling sa iyo ng Diyos na harapin at isaayos ang bagay na ito? • Bilang asin at ilaw sa mundo, nais ng Diyos na magsalita at kumilos tayo laban sa kawalan ng hustisya at pang-aapi, para sa kapakanan ng mga walang kalaban-laban. Ano ang isang bagay na maaari mong gawin ngayong linggo upang manindigan para sa katuwiran at hustisya? May mga bahagi ba ng buhay mo na dumadagdag sa kawalan ng hustisya? Ano ang maaari mong baguhin? 𝗣𝗥𝗔𝗬𝗘𝗥 • Pasalamatan ang Diyos sa paggawa ng daan upang magkaroon ka ng tunay na ugnayan sa Kanya. Ipanalangin na patuloy kang lalago sa iyong ugnayan sa Kanya araw-araw. • Ipanalangin na ipakita sa iyo ng Diyos ang anumang bahagi ng buhay mo na kailangang magbago upang maging matapat ka sa Kanya. Itanong sa Diyos kung ano ang kailangan mong baguhin sa mga bahaging ito at humingi ng kakayahan na sumunod sa Kanya. • Hingin sa Diyos ang karunungan at lakas ng loob upang kumilos nang may katuwiran at hustisya sa mga ginagawa mo araw-araw. Ipanalangin na mapansin mo ang mga pagkakataon upang makahingi ng hustisya, maituwid ang pang-aapi, at maging asin at ilaw ngayong linggo.

Ang Diyos Laban sa Pang-aapi

𝗪𝗔𝗥𝗠-𝗨𝗣 • Ano ang isang organisasyon kung saan naging bahagi ka? Bakit mo ito sinalihan? • Magkuwento tungkol sa isang kawalan ng hustisya na nakita o naranasan mo. • Ano ang isang desisyon na ginawa mo na alam mong hindi patas para sa isang tao? Ano ang nangyari? 𝗪𝗢𝗥𝗗 𝘕𝘢𝘬𝘢𝘩𝘢𝘯𝘥𝘢 𝘯𝘢 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘱𝘢𝘳𝘢 𝘩𝘢𝘵𝘶𝘭𝘢𝘯 𝘢𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘏𝘢𝘩𝘢𝘵𝘶𝘭𝘢𝘯 𝘯𝘪𝘺𝘢 𝘢𝘯𝘨 𝘮𝘨𝘢 𝘵𝘢𝘨𝘢𝘱𝘢𝘮𝘢𝘩𝘢𝘭𝘢 𝘢𝘵 𝘮𝘨𝘢 𝘱𝘪𝘯𝘶𝘯𝘰 𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘯𝘪𝘺𝘢. 𝘐𝘵𝘰 𝘢𝘯𝘨 𝘱𝘢𝘳𝘢𝘵𝘢𝘯𝘨 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢, “𝘚𝘪𝘯𝘪𝘳𝘢 𝘯𝘪𝘯𝘺𝘰 𝘢𝘯𝘨 𝘢𝘬𝘪𝘯𝘨 𝘶𝘣𝘢𝘴𝘢𝘯 𝘯𝘢 𝘴𝘪𝘺𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘈𝘯𝘨 𝘮𝘨𝘢 𝘣𝘢𝘩𝘢𝘺 𝘯𝘪𝘯𝘺𝘰 𝘢𝘺 𝘱𝘶𝘯𝘰 𝘯𝘨 𝘮𝘨𝘢 𝘣𝘢𝘨𝘢𝘺 𝘯𝘢 𝘴𝘪𝘯𝘢𝘮𝘴𝘢𝘮 𝘯𝘪𝘯𝘺𝘰 𝘴𝘢 𝘮𝘨𝘢 𝘮𝘢𝘩𝘪𝘩𝘪𝘳𝘢𝘱.” 𝗜𝗦𝗔𝗜𝗔𝗦 𝟯:𝟭𝟯–𝟭𝟰 (Basahin din ang 𝗜𝗦𝗔𝗜𝗔𝗦 𝟯:𝟭𝟱–𝟮𝟲; 𝟱:𝟴–𝟭𝟬; 𝟭𝟬:𝟭–𝟰.) Nararapat lamang na hatulan ng Diyos ang mga tao. Nasa Kanya ang ganap na kapangyarihan upang hatulan maging ang mga tagapamahala at pinuno, at mga namumuno sa bayan, at sitahin sila sa mga ginagawa nila na hindi nagpapakita ng hustisya. Ang Diyos ay magbibigay ng hatol kung sadya nating ipipikit ang ating mga mata sa mga epekto na nararanasan ng ibang tao, lalo na kung tayo ay namumuhay sa karangyaan, o kaya ay nang-aapi ng ating kapwa. Sa araling ito, tingnan natin kung paano nangungusap ang Diyos laban sa kawalan ng hustisya at nagtuturo sa Kanyang mga mamamayan ng pagpapakumbaba. 𝟭. 𝗣𝗶𝗻𝘂𝗽𝘂𝗻𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗸𝗮𝗿𝗮𝗻𝗴𝘆𝗮𝗮𝗻 𝗮𝘁 𝗸𝗮𝘆𝗮𝗯𝗮𝗻𝗴𝗮𝗻. 𝘕𝘢𝘬𝘢𝘩𝘢𝘯𝘥𝘢 𝘯𝘢 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘱𝘢𝘳𝘢 𝘩𝘢𝘵𝘶𝘭𝘢𝘯 𝘢𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘏𝘢𝘩𝘢𝘵𝘶𝘭𝘢𝘯 𝘯𝘪𝘺𝘢 𝘢𝘯𝘨 𝘮𝘨𝘢 𝘵𝘢𝘨𝘢𝘱𝘢𝘮𝘢𝘩𝘢𝘭𝘢 𝘢𝘵 𝘮𝘨𝘢 𝘱𝘪𝘯𝘶𝘯𝘰 𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘯𝘪𝘺𝘢. 𝘐𝘵𝘰 𝘢𝘯𝘨 𝘱𝘢𝘳𝘢𝘵𝘢𝘯𝘨 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢, “𝘚𝘪𝘯𝘪𝘳𝘢 𝘯𝘪𝘯𝘺𝘰 𝘢𝘯𝘨 𝘢𝘬𝘪𝘯𝘨 𝘶𝘣𝘢𝘴𝘢𝘯 𝘯𝘢 𝘴𝘪𝘺𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘈𝘯𝘨 𝘮𝘨𝘢 𝘣𝘢𝘩𝘢𝘺 𝘯𝘪𝘯𝘺𝘰 𝘢𝘺 𝘱𝘶𝘯𝘰 𝘯𝘨 𝘮𝘨𝘢 𝘣𝘢𝘨𝘢𝘺 𝘯𝘢 𝘴𝘪𝘯𝘢𝘮𝘴𝘢𝘮 𝘯𝘪𝘯𝘺𝘰 𝘴𝘢 𝘮𝘨𝘢 𝘮𝘢𝘩𝘪𝘩𝘪𝘳𝘢𝘱. 𝘉𝘢𝘬𝘪𝘵 𝘯𝘪𝘯𝘺𝘰 𝘪𝘯𝘢𝘢𝘱𝘪 𝘢𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘬𝘰 𝘢𝘵 𝘨𝘪𝘯𝘪𝘨𝘪𝘱𝘪𝘵 𝘢𝘯𝘨 𝘮𝘨𝘢 𝘮𝘢𝘩𝘪𝘩𝘪𝘳𝘢𝘱?” 𝘐𝘺𝘢𝘯 𝘢𝘯𝘨 𝘴𝘪𝘯𝘢𝘣𝘪 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴 𝘯𝘢 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯. 𝗜𝗦𝗔𝗜𝗔𝗦 𝟯:𝟭𝟯–𝟭𝟱 Hinahatulan ng Diyos ang mga taong mayayabang na nagsamsam ng yaman sa pamamagitan ng pang-aapi sa mga mahihirap. Dahil sa kanilang ginawa, sinabi ng Diyos na kukunin Niya ang lahat ng kanilang alahas at mamahaling damit, at walang matitira sa kanila. Maaaring naiisip natin na ang pagkakaroon ng mga magagarang gamit at kayamanan ay isang mabuting layunin sa buhay, ngunit pinupuna ng Diyos ang Kanyang mga mamamayan sa kanilang labis na karangyaan at pagbabalewala sa mga mahihirap. Paano pa rin ito nangyayari maging sa kasalukuyan? Ano ang isang pagpapakita ng karangyaan o kayabangan na hinihiling ng Diyos na suriin mo? 𝟮. 𝗣𝗶𝗻𝘂𝗽𝘂𝗻𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗽𝗮𝗻𝗴-𝗮𝗮𝗽𝗶 𝘀𝗮 𝗺𝗴𝗮 𝘄𝗮𝗹𝗮𝗻𝗴 𝗹𝗮𝗯𝗮𝗻. 𝘕𝘢𝘬𝘢𝘬𝘢𝘢𝘸𝘢 𝘬𝘢𝘺𝘰𝘯𝘨 𝘮𝘨𝘢 𝘨𝘶𝘮𝘢𝘨𝘢𝘸𝘢 𝘯𝘨 𝘮𝘨𝘢 𝘥𝘪-𝘮𝘢𝘬𝘢𝘵𝘢𝘳𝘶𝘯𝘨𝘢𝘯𝘨 𝘬𝘢𝘶𝘵𝘶𝘴𝘢𝘯 𝘯𝘢 𝘶𝘮𝘢𝘢𝘱𝘪 𝘴𝘢 𝘮𝘨𝘢 𝘮𝘢𝘩𝘪𝘩𝘪𝘳𝘢𝘱 𝘬𝘰𝘯𝘨 𝘮𝘢𝘮𝘢𝘮𝘢𝘺𝘢𝘯 𝘢𝘵 𝘯𝘢𝘨𝘬𝘢𝘬𝘢𝘪𝘵 𝘯𝘨 𝘬𝘢𝘵𝘢𝘳𝘶𝘯𝘨𝘢𝘯 𝘴𝘢 𝘬𝘢𝘯𝘪𝘭𝘢. 𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘮𝘨𝘢 𝘬𝘢𝘶𝘵𝘶𝘴𝘢𝘯𝘨 𝘪𝘺𝘰𝘯, 𝘬𝘪𝘯𝘶𝘬𝘶𝘩𝘢 𝘯𝘪𝘯𝘺𝘰 𝘢𝘯𝘨 𝘮𝘨𝘢 𝘢𝘳𝘪-𝘢𝘳𝘪𝘢𝘯 𝘯𝘨 𝘮𝘨𝘢 𝘣𝘪𝘺𝘶𝘥𝘢 𝘢𝘵 𝘮𝘨𝘢 𝘶𝘭𝘪𝘭𝘢. 𝗜𝗦𝗔𝗜𝗔𝗦 𝟭𝟬:𝟭–𝟮 Hinahatulan ng Diyos ang mga sadyang gumagawa ng mga kautusan at kasunduan na para sa kanilang pakinabang, subalit nang-aapi ng mga mahihirap at mahihina. Dahil sa kanilang ginagawa, sinabi ng Diyos na sa araw ng pagpaparusa, walang makakatulong sa kanila, at wala silang mapagtataguan ng kanilang kayamanan (Isaias 10:3). Paano mo dapat isinasaalang-alang ang pangangailangan ng mga mahihirap at mahihina sa iyong mga desisyon? Bakit ito isang mahalagang konsiderasyon para sa mga mamamayan ng Diyos? 𝟯. 𝗣𝗶𝗻𝘂𝗽𝘂𝗻𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗸𝗮𝘀𝗮𝗹𝗮𝗻𝗮𝗻 𝘂𝗽𝗮𝗻𝗴 𝘁𝗮𝘆𝗼 𝗮𝘆 𝗺𝗮𝗴𝗽𝗮𝗸𝘂𝗺𝗯𝗮𝗯𝗮. 𝘒𝘢𝘺𝘢 𝘪𝘣𝘢𝘣𝘢𝘨𝘴𝘢𝘬 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰, 𝘭𝘢𝘭𝘰 𝘯𝘢 𝘢𝘯𝘨 𝘮𝘨𝘢 𝘮𝘢𝘱𝘢𝘨𝘮𝘢𝘵𝘢𝘢𝘴. 𝘗𝘦𝘳𝘰 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘢𝘺 𝘥𝘢𝘥𝘢𝘬𝘪𝘭𝘢𝘪𝘯 𝘴𝘢 𝘬𝘢𝘯𝘺𝘢𝘯𝘨 𝘱𝘢𝘨𝘩𝘢𝘵𝘰𝘭. 𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘮𝘢𝘵𝘶𝘸𝘪𝘥 𝘯𝘪𝘺𝘢𝘯𝘨 𝘱𝘢𝘨𝘩𝘢𝘵𝘰𝘭, 𝘪𝘱𝘪𝘯𝘢𝘱𝘢𝘬𝘪𝘵𝘢 𝘯𝘪𝘺𝘢𝘯𝘨 𝘴𝘪𝘺𝘢 𝘢𝘺 𝘣𝘢𝘯𝘢𝘭 𝘯𝘢 𝘋𝘪𝘺𝘰𝘴. 𝘈𝘯𝘨 𝘯𝘢𝘸𝘢𝘴𝘢𝘬 𝘯𝘢 𝘭𝘶𝘯𝘨𝘴𝘰𝘥 𝘯𝘢 𝘵𝘪𝘯𝘪𝘵𝘪𝘳𝘩𝘢𝘯 𝘯𝘨 𝘮𝘨𝘢 𝘮𝘢𝘺𝘢𝘺𝘢𝘮𝘢𝘯 𝘢𝘺 𝘨𝘪𝘯𝘢𝘸𝘢𝘯𝘨 𝘱𝘢𝘴𝘵𝘶𝘭𝘢𝘯 𝘯𝘨 𝘮𝘨𝘢 𝘵𝘶𝘱𝘢. 𝗜𝗦𝗔𝗜𝗔𝗦 𝟱:𝟭𝟱–𝟭𝟳 Ang pagpuna ng Diyos sa mga mapagmataas at mapang-api ay ginagawa Niya upang magpakumbaba sila. Ipinapakita Niya ang Kanyang kabanalan sa pamamagitan ng Kanyang katuwiran at hustisya, na hindi natin makakamit kung wala Siya. Ang Kanyang tawag na magpakumbaba ay dahil sa pagtubos at pagpapanumbalik na nais Niyang gawin. Mayroon tayong mga pagpipilian kung paano tayo tutugon: patigasin ang ating mga puso at magpatuloy sa pagmamataas, o kaya ay sumuko sa Kanya bilang Diyos. Sinabi sa Santiago 4:6 na kinakalaban ng Diyos ang mga mapagmataas, pero kinakaawaan niya ang mapagpakumbaba. Tayo ay lalaban sa Kanya kung ipagpapatuloy natin ang pagmamayabang. Subalit kung tayo ay magpapakumbaba, mararanasan natin ang Kanyang biyaya at tayo ay magiging daluyan ng Kanyang pagpapala sa mundo. Ang Diyos pa rin ba ang nauuna sa puso mo? Ano ang ilan sa mga bagay na nangunguna sa puso mo? 𝗔𝗣𝗣𝗟𝗜𝗖𝗔𝗧𝗜𝗢𝗡 • Ang Diyos ang karapat-dapat na hukom ng mga grupo ng tao, mga pinuno, at mga may kapangyarihan. Binago ba nito kung paano mo nakikita ang Diyos? Ano ang naunawaan mo tungkol sa Kanya dahil sa mga talatang nabasa mo? • May bahagi ba ng buhay mo na nais ng Diyos na pagtuunan mo ng pansin, na nangangailangan ng iyong pagpapakumbaba? Paano mo magagawang magpakumbaba sa Kanyang presensya? • Ang Diyos, bilang hukom, ay mayroon ding awtoridad upang patawarin tayo kapag tayo ay nagsisi sa mga ginawa natin. Basahin ang Isaias 1:16–17. Paano tayo dapat tumugon kung mayroong bagay sa ating buhay na kailangang magbago? Bakit posible lamang ito kung tayo ay magtitiwala sa ginawa ni Cristo sa krus? 𝗣𝗥𝗔𝗬𝗘𝗥 • Pasalamatan ang Diyos sa pagiging karapat-dapat na hukom sa mga taong nang-aapi ng mga mahihirap at mahihina. Pasalamatan Siya sa pagbibigay ng hustisya sa mga taong nakakaranas ng pang-aapi. • Ipanalangin na ipakita sa iyo ng Diyos ang anumang bahagi ng buhay mo na kailangang magbago. Isuko sa Kanya ang mga bahaging ito at hilingin na baguhin Niya ang iyong puso. • Hingin sa Diyos na ipakita sa iyo ang mga pagkakataon upang maging asin at ilaw ng mundo (Mateo 5:13–14): ang makapagsalita at kumilos laban sa pang-aapi na nararanasan mo sa pang-araw-araw mong pamumuhay. Ipanalangin na bigyan ka ng kakayahang magawa ang mga tamang desisyon sa tamang pagkakataon.

Si Jesus, ang Makatwirang Hari

𝗪𝗔𝗥𝗠-𝗨𝗣 • Ibahagi ang isang kakaibang kombinasyon ng pagkain na nagustuhan mo. • Ano ang isang paksa na komportable kang pag-usapan dahil marami kang alam tungkol dito? • Nagkaroon ka na ba ng katunggali na kalaunan ay naging isa sa pinakamalapit mong kaibigan? Ikuwento kung ano ang nangyari. 𝗪𝗢𝗥𝗗 𝘈𝘯𝘨 𝘮𝘢𝘩𝘢𝘳𝘭𝘪𝘬𝘢𝘯𝘨 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥 𝘢𝘺 𝘱𝘢𝘳𝘢𝘯𝘨 𝘱𝘶𝘯𝘰𝘯𝘨 𝘱𝘪𝘯𝘶𝘵𝘰𝘭. 𝘗𝘦𝘳𝘰 𝘬𝘶𝘯𝘨 𝘱𝘢𝘱𝘢𝘢𝘯𝘰𝘯𝘨 𝘢𝘯𝘨 𝘵𝘶𝘰𝘥 𝘢𝘺 𝘯𝘢𝘨𝘬𝘢𝘬𝘢𝘳𝘰𝘰𝘯 𝘯𝘨 𝘶𝘴𝘣𝘰𝘯𝘨, 𝘥𝘢𝘳𝘢𝘵𝘪𝘯𝘨 𝘥𝘪𝘯 𝘢𝘯𝘨 𝘪𝘴𝘢𝘯𝘨 𝘣𝘢𝘨𝘰𝘯𝘨 𝘩𝘢𝘳𝘪 𝘮𝘶𝘭𝘢 𝘴𝘢 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥. 𝘔𝘢𝘯𝘢𝘯𝘢𝘵𝘪𝘭𝘪 𝘴𝘢 𝘬𝘢𝘯𝘺𝘢 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘵 𝘮𝘢𝘨𝘣𝘪𝘣𝘪𝘨𝘢𝘺 𝘪𝘵𝘰 𝘴𝘢 𝘬𝘢𝘯𝘺𝘢 𝘯𝘨 𝘬𝘢𝘳𝘶𝘯𝘶𝘯𝘨𝘢𝘯, 𝘱𝘢𝘯𝘨-𝘶𝘯𝘢𝘸𝘢, 𝘬𝘢𝘬𝘢𝘺𝘢𝘩𝘢𝘯 𝘴𝘢 𝘱𝘢𝘨𝘱𝘢𝘱𝘭𝘢𝘯𝘰, 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯, 𝘬𝘢𝘢𝘭𝘢𝘮𝘢𝘯, 𝘢𝘵 𝘵𝘢𝘬𝘰𝘵 𝘴𝘢 𝘗𝘈𝘕𝘎𝘐𝘕𝘖𝘖𝘕. 𝗜𝗦𝗔𝗜𝗔𝗦 𝟭𝟭:𝟭–𝟮 May kawalan ng hustisya sa paligid natin. Ang mga tao ay humihingi at naghahanap ng hustisya na sa tingin nila ay magtutuwid ng mga kamalian dito sa mundo. Subalit ang katotohanan ay nabibigo ang mga sistema ng tao at may limitasyon ang anumang pagsusumikap natin na makapagdala ng pagbabago na gusto nating makita sa mundo. Ang mga Israelita noong panahon ni Isaias ay may kinaharap din na ganitong problema. Hinihintay nila ang ipinangakong Hari na magliligtas sa kanila sa pang-aapi ng ibang mga bayan. Ang Hari na ipapadala ng Diyos bilang kasagutan sa mga hinaing na ito ay walang iba kundi si Jesus, at Siya ang nagbibigay sa atin ng kakayahan na maging asin at ilaw sa mundo (Mateo 5:13–14). Ngayon, tingnan natin kung anong uri ng hari si Jesus. 𝟭. 𝗔𝗻𝗴 𝗮𝘁𝗶𝗻𝗴 𝗛𝗮𝗿𝗶 𝗮𝘆 𝗺𝗮𝘆 𝗱𝗮𝗸𝗶𝗹𝗮𝗻𝗴 𝗸𝗮𝗿𝘂𝗻𝘂𝗻𝗴𝗮𝗻. 𝘈𝘯𝘨 𝘮𝘢𝘩𝘢𝘳𝘭𝘪𝘬𝘢𝘯𝘨 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥 𝘢𝘺 𝘱𝘢𝘳𝘢𝘯𝘨 𝘱𝘶𝘯𝘰𝘯𝘨 𝘱𝘪𝘯𝘶𝘵𝘰𝘭. 𝘗𝘦𝘳𝘰 𝘬𝘶𝘯𝘨 𝘱𝘢𝘱𝘢𝘢𝘯𝘰𝘯𝘨 𝘢𝘯𝘨 𝘵𝘶𝘰𝘥 𝘢𝘺 𝘯𝘢𝘨𝘬𝘢𝘬𝘢𝘳𝘰𝘰𝘯 𝘯𝘨 𝘶𝘴𝘣𝘰𝘯𝘨, 𝘥𝘢𝘳𝘢𝘵𝘪𝘯𝘨 𝘥𝘪𝘯 𝘢𝘯𝘨 𝘪𝘴𝘢𝘯𝘨 𝘣𝘢𝘨𝘰𝘯𝘨 𝘩𝘢𝘳𝘪 𝘮𝘶𝘭𝘢 𝘴𝘢 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥. 𝘔𝘢𝘯𝘢𝘯𝘢𝘵𝘪𝘭𝘪 𝘴𝘢 𝘬𝘢𝘯𝘺𝘢 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘵 𝘮𝘢𝘨𝘣𝘪𝘣𝘪𝘨𝘢𝘺 𝘪𝘵𝘰 𝘴𝘢 𝘬𝘢𝘯𝘺𝘢 𝘯𝘨 𝘬𝘢𝘳𝘶𝘯𝘶𝘯𝘨𝘢𝘯, 𝘱𝘢𝘯𝘨-𝘶𝘯𝘢𝘸𝘢, 𝘬𝘢𝘬𝘢𝘺𝘢𝘩𝘢𝘯 𝘴𝘢 𝘱𝘢𝘨𝘱𝘢𝘱𝘭𝘢𝘯𝘰, 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯, 𝘬𝘢𝘢𝘭𝘢𝘮𝘢𝘯, 𝘢𝘵 𝘵𝘢𝘬𝘰𝘵 𝘴𝘢 𝘗𝘈𝘕𝘎𝘐𝘕𝘖𝘖𝘕. 𝗜𝗦𝗔𝗜𝗔𝗦 𝟭𝟭:𝟭–𝟮 Si Jesus, ang ating Hari, ay hindi kumikilos ayon sa karunungan ng tao, na may limitasyon. Tulad ng Diyos Ama, alam Niya ang lahat at ang Kanyang pag-iisip ay mas mataas kaysa sa ating pag-iisip. Ang Kanyang pag-iisip at pamamaraan ay lubhang malayo sa pag-iisip at pamamaraan natin. Dahil dito, magagawa nating magtiwala sa Kanyang mga plano, salita, at pangako. Ano ang sinasabi ng Isaias 55:9–11 tungkol sa Diyos at sa Kanyang salita? 𝟮. 𝗔𝗻𝗴 𝗮𝘁𝗶𝗻𝗴 𝗛𝗮𝗿𝗶 𝗮𝘆 𝗸𝘂𝗺𝗶𝗸𝗶𝗹𝗼𝘀 𝗻𝗮𝗻𝗴 𝗺𝗮𝘆 𝗺𝗮𝗸𝗮𝘁𝘄𝗶𝗿𝗮𝗻𝗴 𝗽𝗮𝗴𝗵𝗮𝘁𝗼𝗹. 𝘔𝘢𝘨𝘪𝘨𝘪𝘯𝘨 𝘬𝘢𝘨𝘢𝘭𝘢𝘬𝘢𝘯 𝘯𝘪𝘺𝘢 𝘢𝘯𝘨 𝘱𝘢𝘨𝘴𝘶𝘯𝘰𝘥 𝘴𝘢 𝘗𝘈𝘕𝘎𝘐𝘕𝘖𝘖𝘕. 𝘏𝘪𝘯𝘥𝘪 𝘴𝘪𝘺𝘢 𝘮𝘢𝘮𝘶𝘮𝘶𝘯𝘰 𝘢𝘵 𝘩𝘢𝘩𝘢𝘵𝘰𝘭 𝘣𝘢𝘵𝘢𝘺 𝘭𝘢𝘯𝘨 𝘴𝘢 𝘬𝘢𝘯𝘺𝘢𝘯𝘨 𝘯𝘢𝘬𝘪𝘵𝘢 𝘰 𝘯𝘢𝘳𝘪𝘯𝘪𝘨 𝘴𝘢 𝘪𝘣𝘢. 𝘉𝘪𝘣𝘪𝘨𝘺𝘢𝘯 𝘯𝘪𝘺𝘢 𝘯𝘨 𝘬𝘢𝘵𝘢𝘳𝘶𝘯𝘨𝘢𝘯 𝘢𝘯𝘨 𝘮𝘨𝘢 𝘮𝘢𝘩𝘪𝘩𝘪𝘳𝘢𝘱 𝘢𝘵 𝘪𝘱𝘢𝘨𝘵𝘢𝘵𝘢𝘯𝘨𝘨𝘰𝘭 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘳𝘢𝘱𝘢𝘵𝘢𝘯. 𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘴𝘢𝘭𝘪𝘵𝘢, 𝘱𝘢𝘳𝘶𝘳𝘶𝘴𝘢𝘩𝘢𝘯 𝘯𝘪𝘺𝘢 𝘢𝘯𝘨 𝘮𝘨𝘢 𝘵𝘢𝘰 𝘴𝘢 𝘮𝘶𝘯𝘥𝘰 𝘢𝘵 𝘮𝘢𝘮𝘢𝘮𝘢𝘵𝘢𝘺 𝘢𝘯𝘨 𝘮𝘢𝘴𝘢𝘴𝘢𝘮𝘢𝘯𝘨 𝘵𝘢𝘰. 𝘗𝘢𝘪𝘪𝘳𝘢𝘭𝘪𝘯 𝘯𝘪𝘺𝘢 𝘢𝘯𝘨 𝘬𝘢𝘵𝘢𝘳𝘶𝘯𝘨𝘢𝘯 𝘢𝘵 𝘬𝘢𝘵𝘢𝘱𝘢𝘵𝘢𝘯, 𝘪𝘵𝘰 𝘢𝘯𝘨 𝘮𝘢𝘨𝘪𝘨𝘪𝘯𝘨 𝘱𝘪𝘯𝘢𝘬𝘢𝘴𝘪𝘯𝘵𝘶𝘳𝘰𝘯 𝘯𝘪𝘺𝘢. 𝗜𝗦𝗔𝗜𝗔𝗦 𝟭𝟭:𝟯–𝟱 Dahil ang karunungan ni Jesus ay di hamak na mas nakahihigit sa karunungan ng sinumang tao, ang paraan Niya ng pagpapatupad ng katarungan ay naiiba rin. Alam Niya ang lahat, at dahil dito, alam Niya ang lahat ng iniisip, motibo, at ninanais ng Kanyang nilikha. Alam din Niya ang sitwasyon ng mga mahihirap, nangangailangan, at mga inaapi. Ang binasa nating talata ay nagpakita ng uri ng hustisya na dala ni Jesus. Hindi ito mababaw o batay sa panlabas na anyo. Ayon sa tunay na kaalaman at karunungan, ang hustisya na dala ni Jesus ay may kasamang kalayaan sa mga inaapi, kaparusahan sa mga masasama, at pagpapanumbalik—pagtutuwid ng mga kamalian at pagbabalik ng mga nawala o nasira. Makita man natin ito sa ating buhay o hindi, ang hustisya ng Diyos ang mananaig. Paano nabago ng katotohanang ito ang pagkakaunawa mo sa hustisya? 𝟯. 𝗔𝗻𝗴 𝗮𝘁𝗶𝗻𝗴 𝗛𝗮𝗿𝗶 𝗮𝘆 𝗻𝗮𝗴𝗱𝗮𝗱𝗮𝗹𝗮 𝗻𝗴 𝗵𝗶𝗴𝗶𝘁 𝘀𝗮 𝗸𝗮𝗿𝗮𝗻𝗶𝘄𝗮𝗻 𝗻𝗮 𝗽𝗮𝗴𝗽𝗮𝗽𝗮𝗻𝘂𝗺𝗯𝗮𝗹𝗶𝗸 𝗮𝘁 𝗸𝗮𝗽𝗮𝘆𝗮𝗽𝗮𝗮𝗻. 𝘈𝘯𝘨 𝘢𝘴𝘰𝘯𝘨 𝘭𝘰𝘣𝘰 𝘢𝘺 𝘮𝘢𝘯𝘪𝘯𝘪𝘳𝘢𝘩𝘢𝘯𝘨 𝘬𝘢𝘴𝘢𝘮𝘢 𝘯𝘨 𝘵𝘶𝘱𝘢. 𝘔𝘢𝘩𝘪𝘩𝘪𝘨𝘢𝘯𝘨 𝘮𝘢𝘨𝘬𝘢𝘬𝘢𝘴𝘢𝘮𝘢 𝘢𝘯𝘨 𝘬𝘢𝘮𝘣𝘪𝘯𝘨 𝘢𝘵 𝘭𝘦𝘰𝘱𝘢𝘳𝘥𝘰. 𝘔𝘢𝘨𝘴𝘢𝘴𝘢𝘮𝘢 𝘢𝘯𝘨 𝘨𝘶𝘺𝘢 𝘢𝘵 𝘣𝘢𝘵𝘢𝘯𝘨 𝘭𝘦𝘰𝘯, 𝘢𝘵 𝘢𝘯𝘨 𝘮𝘢𝘨-𝘢𝘢𝘭𝘢𝘨𝘢 𝘴𝘢 𝘬𝘢𝘯𝘪𝘭𝘢 𝘢𝘺 𝘮𝘨𝘢 𝘣𝘢𝘵𝘢𝘯𝘨 𝘱𝘢𝘴𝘭𝘪𝘵. 𝗜𝗦𝗔𝗜𝗔𝗦 𝟭𝟭:𝟲 (Basahin din ang 𝗜𝗦𝗔𝗜𝗔𝗦 𝟭𝟭:𝟳–𝟵.) Ang larawan na ibinigay ni Isaias ay tila listahan ng mga imposibleng mangyari. Ngunit ito ang tunay na larawan ng pagpapanumbalik—ang uri na si Jesus lamang ang may kakayahan at kagustuhan na ibigay. Ang biktima at mandaragit, mga likas na magkaaway, ay mapayapang mamumuhay nang magkasama para sa Kanyang layunin. Si Jesus, sa pamamagitan ng Kanyang sakripisyo sa krus, ay hindi lamang basta gumawa ng daan upang manumbalik ang mga tao sa Diyos. Ginawa din Niyang posible ang pagpapanumbalik ng ating mga ugnayan sa ating kapwa at sa buong nilikha. Ito ay patuloy na ginagawa ng Diyos para sa mga nananampalataya kay Cristo. Paano mo naranasan ang kapangyarihan ni Jesus na magdulot ng pagpapanumbalik at magsilbing asin at ilaw sa mundo? 𝗔𝗣𝗣𝗟𝗜𝗖𝗔𝗧𝗜𝗢𝗡 • Naisuko mo na ba ang buhay mo sa ating makatwirang Hari? Hilingin sa isang tao na samahan kang manalangin upang tanggapin si Jesus bilang iyong Panginoon at Tagapagligtas, na magliligtas sa iyo mula sa kasalanan at mamumuno sa buhay mo. • Mayroon ka bang mga nakabaong kaisipan at paniniwala tungkol sa katarungan na kailangan mong iayon sa kahulugan ng hustisya na ibinigay ng Diyos? Paano ka natulungan ng aralin ngayon upang magtiwala na ang Diyos ang Makatwirang Hukom at ibabalik niya ang mundo sa kung ano ang itinakda Niya? • Mag-isip ng isang tao na kailangang maranasan ang kapangyarihan ni Jesus na nagdudulot ng pagkakasundo. Paano ka magagamit ng Diyos bilang instrumento ng Kanyang hustisya upang magdala ng pagpapanumbalik at pagkakasundo? 𝗣𝗥𝗔𝗬𝗘𝗥 • Pasalamatan ang Diyos sa pagpapadala kay Jesu-Cristo, ang ating makatwirang Hari, upang iligtas tayo at ibalik ang ating ugnayan sa Kanya, sa ibang tao, at sa sangkalikasan. • Hingin sa Diyos ang kakayahan upang ganap na magtiwala na ang Kanyang hustisya at katwiran ang mamamahala at maghahari sa mundo. • Ipanalangin na ang iyong mga ugnayan ay mapasailalim sa Pagkapanginoon ni Cristo. Ipanalangin na magawa mong ipahayag sa mga nasa paligid mo ang mensahe Niya ng pagkakasundo at pagpapanumbalik.

Si Jesus, Ang Nagdurusang Lingkod

𝗪𝗔𝗥𝗠-𝗨𝗣 • Pangalanan ang isang tauhan sa pelikula o nobela na may mga ginawang kabayanihan na ikinamangha mo. Ano ang pinakanagustuhan mo sa kanya? • Ano ang isang bagay tungkol sa iyo na ikinakagulat ng mga tao kapag nalalaman nila? • Ano ang kahulugan ng “paglilingkod” para sa iyo? 𝗪𝗢𝗥𝗗 𝘈𝘯𝘨 𝘵𝘰𝘵𝘰𝘰, 𝘵𝘪𝘯𝘪𝘪𝘴 𝘯𝘪𝘺𝘢 𝘢𝘯𝘨 𝘮𝘨𝘢 𝘴𝘢𝘬𝘪𝘵 𝘢𝘵 𝘮𝘨𝘢 𝘬𝘢𝘭𝘶𝘯𝘨𝘬𝘶𝘵𝘢𝘯𝘨 𝘥𝘢𝘱𝘢𝘵 𝘴𝘢𝘯𝘢ʼ𝘺 𝘵𝘢𝘺𝘰 𝘢𝘯𝘨 𝘥𝘶𝘮𝘢𝘯𝘢𝘴. 𝘈𝘯𝘨 𝘢𝘬𝘢𝘭𝘢 𝘯𝘢𝘵𝘪𝘯 𝘢𝘺 𝘱𝘪𝘯𝘢𝘳𝘶𝘴𝘢𝘩𝘢𝘯 𝘴𝘪𝘺𝘢 𝘯𝘨 𝘋𝘪𝘺𝘰𝘴 𝘥𝘢𝘩𝘪𝘭 𝘴𝘢 𝘬𝘢𝘯𝘺𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯. 𝘈𝘯𝘨 𝘵𝘰𝘵𝘰𝘰, 𝘴𝘪𝘯𝘶𝘨𝘢𝘵𝘢𝘯 𝘴𝘪𝘺𝘢 𝘥𝘢𝘩𝘪𝘭 𝘴𝘢 𝘢𝘵𝘪𝘯𝘨 𝘮𝘨𝘢 𝘱𝘢𝘨𝘴𝘶𝘸𝘢𝘺; 𝘣𝘪𝘯𝘶𝘨𝘣𝘰𝘨 𝘴𝘪𝘺𝘢 𝘥𝘢𝘩𝘪𝘭 𝘴𝘢 𝘢𝘵𝘪𝘯𝘨 𝘬𝘢𝘴𝘢𝘮𝘢𝘢𝘯. 𝘈𝘯𝘨 𝘱𝘢𝘳𝘶𝘴𝘢𝘯𝘨 𝘵𝘪𝘯𝘪𝘪𝘴 𝘯𝘪𝘺𝘢 𝘢𝘯𝘨 𝘯𝘢𝘨𝘭𝘢𝘨𝘢𝘺 𝘴𝘢 𝘢𝘵𝘪𝘯 𝘴𝘢 𝘮𝘢𝘨𝘢𝘯𝘥𝘢𝘯𝘨 𝘬𝘢𝘭𝘢𝘨𝘢𝘺𝘢𝘯. 𝘈𝘵 𝘥𝘢𝘩𝘪𝘭 𝘴𝘢 𝘮𝘨𝘢 𝘴𝘶𝘨𝘢𝘵 𝘯𝘪𝘺𝘢 𝘢𝘺 𝘨𝘶𝘮𝘢𝘭𝘪𝘯𝘨 𝘵𝘢𝘺𝘰. 𝗜𝗦𝗔𝗜𝗔𝗦 𝟱𝟯:𝟰–𝟱 (Basahin din ang 𝗜𝗦𝗔𝗜𝗔𝗦 𝟱𝟮:𝟭𝟯–𝟱𝟯:𝟭𝟮.) Maraming propesiya sa libro ni Isaias, at karamihan dito ay tungkol sa paparating na Tagapagligtas. Ang mga Israelita ay umasa sa pagdating ng isang makapangyarihang Hari na gagamitin ang Kanyang espada at palalayain sila mula sa kanilang mga kaaway. Kaya't noong isinulat ni Isaias ang pahayag na ito, hindi nila malamang naisip na ang makapangyarihang Hari na magliligas sa kanila at ang Nagdurusang Lingkod na mamamatay para sa kanila at magliligtas sa kanila, ay iisa. Si Jesus, ang katuparan ng mga propesiyang ito, ay darating upang dalhin ang ganap na pagtubos at pagbabago. Tingnan natin kung paano inilarawan ni Isaias ang Nagdurusang Lingkod. 𝟭. 𝗔𝗻𝗴 𝗡𝗮𝗴𝗱𝘂𝗿𝘂𝘀𝗮𝗻𝗴 𝗟𝗶𝗻𝗴𝗸𝗼𝗱 𝗮𝘆 𝗽𝗶𝗻𝗶𝗹𝗶 𝗮𝗻𝗴 𝗺𝗮𝗴𝗶𝗻𝗴 𝗽𝗶𝗻𝗮𝗸𝗮𝗺𝗮𝗯𝗮𝗯𝗮 𝘀𝗮 𝗹𝗮𝗵𝗮𝘁 𝗻𝗴 𝗺𝗮𝗯𝗮𝗯𝗮𝗯𝗮. 𝘒𝘢𝘭𝘰𝘰𝘣𝘢𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘭𝘶𝘮𝘢𝘨𝘰 𝘢𝘯𝘨 𝘬𝘢𝘯𝘺𝘢𝘯𝘨 𝘭𝘪𝘯𝘨𝘬𝘰𝘥, 𝘨𝘢𝘺𝘢 𝘯𝘨 𝘵𝘢𝘯𝘪𝘮 𝘯𝘢 𝘭𝘶𝘮𝘢𝘭𝘢𝘨𝘰 𝘢𝘵 𝘯𝘢𝘨-𝘶𝘶𝘨𝘢𝘵 𝘴𝘢 𝘵𝘶𝘺𝘰𝘯𝘨 𝘭𝘶𝘱𝘢. 𝘞𝘢𝘭𝘢 𝘴𝘪𝘺𝘢𝘯𝘨 𝘬𝘢𝘨𝘢𝘯𝘥𝘢𝘩𝘢𝘯 𝘰 𝘬𝘢𝘵𝘢𝘯𝘨𝘪𝘢𝘯𝘨 𝘮𝘢𝘬𝘢𝘬𝘢𝘢𝘬𝘪𝘵 𝘴𝘢 𝘢𝘵𝘪𝘯 𝘱𝘢𝘳𝘢 𝘴𝘪𝘺𝘢ʼ𝘺 𝘭𝘢𝘱𝘪𝘵𝘢𝘯. 𝘏𝘪𝘯𝘢𝘮𝘢𝘬 𝘴𝘪𝘺𝘢 𝘢𝘵 𝘪𝘵𝘪𝘯𝘢𝘬𝘸𝘪𝘭 𝘯𝘨 𝘮𝘨𝘢 𝘵𝘢𝘰. 𝘋𝘶𝘮𝘢𝘯𝘢𝘴 𝘴𝘪𝘺𝘢 𝘯𝘨 𝘮𝘨𝘢 𝘴𝘢𝘬𝘪𝘵 𝘢𝘵 𝘩𝘪𝘳𝘢𝘱. 𝘛𝘪𝘯𝘢𝘭𝘪𝘬𝘶𝘳𝘢𝘯 𝘯𝘢𝘵𝘪𝘯 𝘴𝘪𝘺𝘢, 𝘩𝘪𝘯𝘢𝘮𝘢𝘬, 𝘢𝘵 𝘩𝘪𝘯𝘥𝘪 𝘱𝘪𝘯𝘢𝘩𝘢𝘭𝘢𝘨𝘢𝘩𝘢𝘯. 𝗜𝗦𝗔𝗜𝗔𝗦 𝟱𝟯:𝟮–𝟯 Si Jesus, ang Anak ng Diyos, ay dumating sa mundo at itinuring na mababa at walang kagandahan, at Siya ay hinamak at itinakwil ng mga tao. Ang pagkakatawang tao ay mahirap na at napakalayo sa pagiging Diyos. Ngunit ang pagdanas ng sakit at hirap at ang ituring na pinakamababa sa lahat ng mababa ay nagpapakita ng dakilang habag at pagmamahal na ibinuhos ni Cristo para sa atin. Nagpakababa Siya upang iligtas tayo sa ating mga kasalanan at pagalingin tayo. Ano ang sinasabi ng Mga Taga-Filipos 2:3–8 tungkol sa kung paano naapektuhan ang pananaw at pagturing natin sa iba ng pagpapakita ni Jesus ng halimbawa ng pagpapakumbaba? 𝟮. 𝗔𝗻𝗴 𝗡𝗮𝗴𝗱𝘂𝗿𝘂𝘀𝗮𝗻𝗴 𝗟𝗶𝗻𝗴𝗸𝗼𝗱 𝗮𝘆 𝗻𝗮𝗸𝗮𝗿𝗮𝗻𝗮𝘀 𝗻𝗴 𝗽𝗮𝗻𝗴-𝗮𝗮𝗽𝗶 𝗮𝘁 𝗸𝗮𝘄𝗮𝗹𝗮𝗻 𝗻𝗴 𝗵𝘂𝘀𝘁𝗶𝘀𝘆𝗮. 𝘐𝘯𝘢𝘱𝘪 𝘴𝘪𝘺𝘢 𝘢𝘵 𝘴𝘪𝘯𝘢𝘬𝘵𝘢𝘯, 𝘱𝘦𝘳𝘰 𝘩𝘪𝘯𝘥𝘪 𝘮𝘢𝘯 𝘭𝘢𝘯𝘨 𝘥𝘶𝘮𝘢𝘪𝘯𝘨. 𝘗𝘢𝘳𝘢 𝘴𝘪𝘺𝘢𝘯𝘨 𝘵𝘶𝘱𝘢𝘯𝘨 𝘥𝘢𝘥𝘢𝘭𝘩𝘪𝘯 𝘴𝘢 𝘬𝘢𝘵𝘢𝘺𝘢𝘯 𝘱𝘢𝘳𝘢 𝘱𝘢𝘵𝘢𝘺𝘪𝘯, 𝘰 𝘵𝘶𝘱𝘢𝘯𝘨 𝘨𝘶𝘨𝘶𝘱𝘪𝘵𝘢𝘯 𝘯𝘢 𝘩𝘪𝘯𝘥𝘪 𝘮𝘢𝘯 𝘭𝘢𝘯𝘨 𝘶𝘮𝘪𝘪𝘮𝘪𝘬. . . 𝘗𝘦𝘳𝘰 𝘬𝘢𝘭𝘰𝘰𝘣𝘢𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘴𝘢𝘬𝘵𝘢𝘯 𝘴𝘪𝘺𝘢 𝘢𝘵 𝘱𝘢𝘩𝘪𝘳𝘢𝘱𝘢𝘯. . . 𝗜𝗦𝗔𝗜𝗔𝗦 𝟱𝟯:𝟳,𝟭𝟬 Ang Nagdurusang Lingkod na inilarawan ni Isaias ay kahabag-habag. Siya ay dumanas ng pagtatakwil ng mga tao, paghihirap, at pag-uusig, kahit na wala siyang ginawang kasalanan at anumang pandaraya (Isaias 53:9). Tiniis ni Jesus ang lahat ng ito dahil ito ang kalooban ng PANGINOON upang mapaglingkuran at mailigtas ang sangkatauhan. Walang sinumang nagdusa ng katulad ng pagdurusa ni Jesus, ngunit maaari pa rin nating matanggap ang Kanyang habag at biyaya. Ano ang sinasabi sa Mga Hebreo 4:15 tungkol sa kung paano nakikipag-ugnayan si Jesus, ang Nagdurusang Lingkod, sa atin? 𝟯. 𝗔𝗻𝗴 𝗡𝗮𝗴𝗱𝘂𝗿𝘂𝘀𝗮𝗻𝗴 𝗟𝗶𝗻𝗴𝗸𝗼𝗱 𝗮𝘆 𝗮𝗻𝗴 𝗺𝗮𝘁𝗮𝗴𝘂𝗺𝗽𝗮𝘆 𝗻𝗮 𝗛𝗮𝗿𝗶. 𝘗𝘦𝘳𝘰 𝘬𝘢𝘭𝘰𝘰𝘣𝘢𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘴𝘢𝘬𝘵𝘢𝘯 𝘴𝘪𝘺𝘢 𝘢𝘵 𝘱𝘢𝘩𝘪𝘳𝘢𝘱𝘢𝘯. 𝘒𝘢𝘩𝘪𝘵 𝘯𝘢 𝘨𝘪𝘯𝘢𝘸𝘢 𝘴𝘪𝘺𝘢𝘯𝘨 𝘩𝘢𝘯𝘥𝘰𝘨 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘱𝘢𝘳𝘢 𝘮𝘢𝘣𝘢𝘺𝘢𝘳𝘢𝘯 𝘢𝘯𝘨 𝘬𝘢𝘴𝘢𝘭𝘢𝘯𝘢𝘯 𝘯𝘨 𝘮𝘨𝘢 𝘵𝘢𝘰, 𝘮𝘢𝘬𝘪𝘬𝘪𝘵𝘢 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘭𝘢𝘩𝘪 𝘢𝘵 𝘵𝘢𝘵𝘢𝘯𝘨𝘨𝘢𝘱 𝘴𝘪𝘺𝘢 𝘯𝘨 𝘮𝘢𝘩𝘢𝘣𝘢𝘯𝘨 𝘣𝘶𝘩𝘢𝘺. 𝘈𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢 𝘢𝘺 𝘮𝘢𝘵𝘶𝘵𝘶𝘱𝘢𝘥 𝘢𝘯𝘨 𝘬𝘢𝘭𝘰𝘰𝘣𝘢𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕. 𝘒𝘢𝘱𝘢𝘨 𝘯𝘢𝘬𝘪𝘵𝘢 𝘯𝘪𝘺𝘢 𝘢𝘯𝘨 𝘣𝘶𝘯𝘨𝘢 𝘯𝘨 𝘬𝘢𝘯𝘺𝘢𝘯𝘨 𝘱𝘢𝘨𝘩𝘪𝘩𝘪𝘳𝘢𝘱, 𝘮𝘢𝘵𝘶𝘵𝘶𝘸𝘢 𝘴𝘪𝘺𝘢. 𝘚𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕, “𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘳𝘶𝘯𝘶𝘯𝘨𝘢𝘯 𝘯𝘨 𝘢𝘬𝘪𝘯𝘨 𝘮𝘢𝘵𝘶𝘸𝘪𝘥 𝘯𝘢 𝘭𝘪𝘯𝘨𝘬𝘰𝘥 𝘢𝘺 𝘮𝘢𝘳𝘢𝘮𝘪 𝘢𝘯𝘨 𝘪𝘵𝘶𝘵𝘶𝘳𝘪𝘯𝘨 𝘯𝘪𝘺𝘢𝘯𝘨 𝘮𝘢𝘵𝘶𝘸𝘪𝘥, 𝘮𝘢𝘨𝘥𝘶𝘳𝘶𝘴𝘢 𝘴𝘪𝘺𝘢 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯. 𝘋𝘢𝘩𝘪𝘭 𝘥𝘪𝘵𝘰, 𝘱𝘢𝘳𝘢𝘳𝘢𝘯𝘨𝘢𝘭𝘢𝘯 𝘬𝘰 𝘴𝘪𝘺𝘢 𝘬𝘢𝘵𝘶𝘭𝘢𝘥 𝘯𝘨 𝘮𝘨𝘢 𝘵𝘢𝘰𝘯𝘨 𝘵𝘢𝘯𝘺𝘢𝘨 𝘢𝘵 𝘮𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘥𝘢𝘩𝘪𝘭 𝘪𝘣𝘪𝘯𝘪𝘨𝘢𝘺 𝘯𝘪𝘺𝘢 𝘢𝘯𝘨 𝘣𝘶𝘩𝘢𝘺 𝘯𝘪𝘺𝘢. 𝘐𝘣𝘪𝘯𝘪𝘭𝘢𝘯𝘨 𝘴𝘪𝘺𝘢 𝘯𝘢 𝘪𝘴𝘢 𝘴𝘢 𝘮𝘨𝘢 𝘮𝘢𝘬𝘢𝘴𝘢𝘭𝘢𝘯𝘢𝘯. 𝘕𝘢𝘨𝘥𝘶𝘴𝘢 𝘴𝘪𝘺𝘢 𝘱𝘢𝘳𝘢 𝘴𝘢 𝘮𝘢𝘳𝘢𝘮𝘪𝘯𝘨 𝘮𝘢𝘬𝘢𝘴𝘢𝘭𝘢𝘯𝘢𝘯 𝘢𝘵 𝘩𝘪𝘯𝘪𝘭𝘪𝘯𝘨 𝘱𝘢 𝘯𝘪𝘺𝘢 𝘴𝘢 𝘋𝘪𝘺𝘰𝘴 𝘯𝘢 𝘴𝘪𝘭𝘢ʼ𝘺 𝘱𝘢𝘵𝘢𝘸𝘢𝘳𝘪𝘯.” 𝗜𝗦𝗔𝗜𝗔𝗦 𝟱𝟯:𝟭𝟬–𝟭𝟮 Bagama’t labis na nagdusa si Jesus, ang mabuting balita ay matagumpay Siya at ang Kanyang paghihirap ay may layunin. Sinabi ni Isaias na sa pamamagitan niya ay matutupad ang kalooban ng PANGINOON. Sa pamamagitan ng paghihirap at sakripisyo ni Jesus, natupad ang kagustuhan ng Panginoon. Ang mga nanampalataya kay Jesus ay nabigyan ng Kanyang katarungan. Si Jesus ay hindi biktima. Siya ay nagwagi! Napagtagumpayan Niya ang kasalanan at kamatayan upang magawa nating mamuhay sa paraang itinakda ng Diyos para sa atin—may maayos na ugnayan sa Kanya at sa Kanyang nilikha. Tinawag tayo ni Jesus na asin at ilaw ng mundo (Mateo 5:13–14), at ang Kanyang mga mamamayan ay makakapagdala ng pagbabago sa mundo sa pamamagitan ng kanilang paraan ng pamumuhay. Si Jesus ay matagumpay! Paano ka nabigyan ng kaalamang ito ng pag-asa at natulungan upang maibahagi ang pag-asang ito sa iyong kapwa? 𝗔𝗣𝗣𝗟𝗜𝗖𝗔𝗧𝗜𝗢𝗡 • Paano nagbago ang pakikitungo mo kay Jesus dahil sa kaalaman na Siya ang Nagdurusang Lingkod? Ano ang isang bagay na gagawin mo sa ibang pamamaraan dahil sa katotohanang ito? • Kanino mo maaaring ipahayag ang kabutihan at pagmamahal ng Diyos ngayong linggo? Mangakong paglilingkuran mo siya ngayong linggo katulad ng paglilingkod ni Jesus sa atin. Ipanalangin na ikaw ay magsilbing asin at ilaw sa kanya. • Mag-isip ng tatlong tao na kailangang makaalam na kaya ng Diyos na makiramay sa kanila at maaari nilang matanggap ang Kanyang awa at tagumpay. Hingin sa Diyos ang mga maaari mong sabihin upang mapalakas ang kanilang loob. 𝗣𝗥𝗔𝗬𝗘𝗥 • Pasalamatan ang Diyos sa pagpapadala kay Jesus bilang handog na magliligtas sa atin mula sa parusa ng kasalanan, na walang iba kundi kamatayan. Pasalamatan Siya sa Kanyang dakilang pagmamahal na nagbigay sa atin ng tagumpay at dahilan upang makasama Siya sa muling pagkabuhay. • Hingin sa Diyos na gawin kang mas maawain sa mga tao sa paligid mo na nagdurusa, mapansin man ito o hindi. Ipanalangin na magawa mong ipakita sa iba ang biyayang ipnakita Niya sa iyo. • Ipanalangin na lumakas ang loob mo upang maipangaral mo ngayon ang ebanghelyo at tagumpay ni Jesu-Cristo sa iyong mga kaibigan at kapamilya. Ipanalangin na palambutin ng Diyos ang puso nila upang tanggapin nila Siya.

Ang mga Makatwirang Mamamayan ng Diyos

𝗪𝗔𝗥𝗠-𝗨𝗣 • Magbahagi ng isang alaala tungkol sa naranasan mong pagkawala ng kuryente. Ano ang nangyari? • Magkuwento tungkol sa isang tao na tumulong sa iyo sa isang mahirap na sitwasyon. Ano ang naramdaman mo? • Magbahagi tungkol sa isang pagkakataon kung kailan hindi mo natulungan ang isang tao o kaya ay komunidad, na sa huli ay pinagsisihan mo. Ano ang nangyari? 𝗪𝗢𝗥𝗗 “𝘈𝘯𝘨 𝘢𝘺𝘶𝘯𝘰𝘯𝘨 𝘮𝘢𝘬𝘢𝘱𝘢𝘨𝘱𝘢𝘱𝘢𝘭𝘶𝘨𝘰𝘥 𝘴𝘢 𝘢𝘬𝘪𝘯 𝘢𝘺 𝘢𝘯𝘨 𝘢𝘺𝘶𝘯𝘰𝘯𝘨 𝘮𝘢𝘺 𝘬𝘢𝘴𝘢𝘮𝘢𝘯𝘨 𝘮𝘢𝘵𝘶𝘸𝘪𝘥 𝘯𝘢 𝘱𝘢𝘨-𝘶𝘶𝘨𝘢𝘭𝘪. 𝘛𝘪𝘨𝘪𝘭𝘢𝘯 𝘯𝘪𝘯𝘺𝘰 𝘢𝘯𝘨 𝘱𝘢𝘨𝘨𝘢𝘸𝘢 𝘯𝘨 𝘬𝘢𝘴𝘢𝘮𝘢𝘢𝘯, 𝘱𝘢𝘪𝘳𝘢𝘭𝘪𝘯 𝘯ʼ𝘺𝘰 𝘯𝘢 𝘢𝘯𝘨 𝘬𝘢𝘵𝘢𝘳𝘶𝘯𝘨𝘢𝘯, 𝘱𝘢𝘭𝘢𝘺𝘢𝘪𝘯 𝘯𝘪𝘯𝘺𝘰 𝘢𝘯𝘨 𝘮𝘨𝘢 𝘪𝘯𝘢𝘢𝘭𝘪𝘱𝘪𝘯 𝘢𝘵 𝘢𝘯𝘨 𝘪𝘯𝘢𝘢𝘱𝘪 𝘢𝘺 𝘪𝘯𝘺𝘰𝘯𝘨 𝘵𝘶𝘭𝘶𝘯𝘨𝘢𝘯. 𝘉𝘪𝘨𝘺𝘢𝘯 𝘯𝘪𝘯𝘺𝘰 𝘯𝘨 𝘱𝘢𝘨𝘬𝘢𝘪𝘯 𝘢𝘯𝘨 𝘮𝘨𝘢 𝘯𝘢𝘨𝘶𝘨𝘶𝘵𝘰𝘮, 𝘱𝘢𝘵𝘪𝘳𝘢𝘩𝘪𝘯 𝘯𝘪𝘯𝘺𝘰 𝘴𝘢 𝘪𝘯𝘺𝘰𝘯𝘨 𝘵𝘢𝘩𝘢𝘯𝘢𝘯 𝘢𝘯𝘨 𝘮𝘨𝘢 𝘸𝘢𝘭𝘢𝘯𝘨 𝘵𝘢𝘩𝘢𝘯𝘢𝘯, 𝘣𝘪𝘨𝘺𝘢𝘯 𝘯𝘪𝘯𝘺𝘰 𝘯𝘨 𝘥𝘢𝘮𝘪𝘵 𝘢𝘯𝘨 𝘮𝘨𝘢 𝘸𝘢𝘭𝘢𝘯𝘨 𝘥𝘢𝘮𝘪𝘵, 𝘢𝘵 𝘵𝘶𝘭𝘶𝘯𝘨𝘢𝘯 𝘯𝘪𝘯𝘺𝘰 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘬𝘢𝘢𝘯𝘢𝘬.” 𝗜𝗦𝗔𝗜𝗔𝗦 𝟱𝟴:𝟲–𝟳 (Basahin din ang 𝗜𝗦𝗔𝗜𝗔𝗦 𝟱𝟴:𝟴–𝟭𝟮; 𝗠𝗔𝗧𝗘𝗢 𝟱:𝟭𝟯–𝟭𝟲.) Inisip ng mga Israelita na ang pag-aayuno ay magbibigay sa kanila ng kapangyarihan laban sa Diyos: “Kung mag-aayuno kami, kailangan Mong sagutin ang mga panalangin namin.” Sa pamamagitan ng propetang si Isaias, hinamon ng Diyos ang kaisipang ito. Gamit ang ilang pahayag na nagbibigay ng pangangatwiran, ipinakita ng Diyos kung paanong ang pag-aayuno ay ginagawa ng mga makatwirang tao na nagsasapamuhay ng kanilang pananampalataya. Kapag isinasapamuhay ng mga mananampalataya ang kanilang pananampalataya, sila ang asin at ilaw ng mundo, at ito ay nararamdaman at nararanasan ng mga nasa paligid nila. Ngayon, tingnan natin ang tatlong katotohanan mula sa Isaias 58 tungkol sa tawag ng Diyos sa Kanyang mga mamamayan. 𝟭. 𝗧𝗶𝗻𝗮𝘄𝗮𝗴 𝗻𝗴 𝗗𝗶𝘆𝗼𝘀 𝗮𝗻𝗴 𝗞𝗮𝗻𝘆𝗮𝗻𝗴 𝗺𝗴𝗮 𝗺𝗮𝗺𝗮𝗺𝗮𝘆𝗮𝗻 𝗻𝗮 𝘁𝗮𝗹𝗶𝗸𝘂𝗿𝗮𝗻 𝗮𝗻𝗴 𝗸𝗮𝘀𝗮𝗺𝗮𝗮𝗻 𝗮𝘁 𝗮𝗻𝗴 𝗽𝗮𝗻𝗴-𝗮𝗮𝗽𝗶 𝗻𝗴 𝗸𝗮𝗽𝘄𝗮. “𝘈𝘯𝘨 𝘢𝘺𝘶𝘯𝘰𝘯𝘨 𝘮𝘢𝘬𝘢𝘱𝘢𝘨𝘱𝘢𝘱𝘢𝘭𝘶𝘨𝘰𝘥 𝘴𝘢 𝘢𝘬𝘪𝘯 𝘢𝘺 𝘢𝘯𝘨 𝘢𝘺𝘶𝘯𝘰𝘯𝘨 𝘮𝘢𝘺 𝘬𝘢𝘴𝘢𝘮𝘢𝘯𝘨 𝘮𝘢𝘵𝘶𝘸𝘪𝘥 𝘯𝘢 𝘱𝘢𝘨-𝘶𝘶𝘨𝘢𝘭𝘪. 𝘛𝘪𝘨𝘪𝘭𝘢𝘯 𝘯𝘪𝘯𝘺𝘰 𝘢𝘯𝘨 𝘱𝘢𝘨𝘨𝘢𝘸𝘢 𝘯𝘨 𝘬𝘢𝘴𝘢𝘮𝘢𝘢𝘯, 𝘱𝘢𝘪𝘳𝘢𝘭𝘪𝘯 𝘯ʼ𝘺𝘰 𝘯𝘢 𝘢𝘯𝘨 𝘬𝘢𝘵𝘢𝘳𝘶𝘯𝘨𝘢𝘯, 𝘱𝘢𝘭𝘢𝘺𝘢𝘪𝘯 𝘯𝘪𝘯𝘺𝘰 𝘢𝘯𝘨 𝘮𝘨𝘢 𝘪𝘯𝘢𝘢𝘭𝘪𝘱𝘪𝘯 𝘢𝘵 𝘢𝘯𝘨 𝘪𝘯𝘢𝘢𝘱𝘪 𝘢𝘺 𝘪𝘯𝘺𝘰𝘯𝘨 𝘵𝘶𝘭𝘶𝘯𝘨𝘢𝘯.” 𝗜𝗦𝗔𝗜𝗔𝗦 𝟱𝟴:𝟲 Noong panahong isinulat ito, inaapi ng mga mamamayan ng Diyos ang mga trabahador at sinasaktan ng mga tao ang isa’t isa. Ito ang dahilan kung bakit tinawag ng Diyos ang Kanyang mga mamamayan upang magsisi—hindi Niya nais na basta na lamang silang hindi kakain, kundi nais Niya na talikuran nila ang kasamaan. Sa ngayon, paano mo sinusunod ang tawag ng Diyos na talikuran ang kasamaan? Paano ito nagiging pag-uumapaw ng ating pananampalataya sa Diyos at hindi isang mabuting gawa para sa ating kaligtasan? 𝟮. 𝗧𝗶𝗻𝗮𝘄𝗮𝗴 𝗻𝗴 𝗗𝗶𝘆𝗼𝘀 𝗮𝗻𝗴 𝗞𝗮𝗻𝘆𝗮𝗻𝗴 𝗺𝗴𝗮 𝗺𝗮𝗺𝗮𝗺𝗮𝘆𝗮𝗻 𝗻𝗮 𝗺𝗮𝗴𝗽𝗮𝗸𝗶𝘁𝗮 𝗻𝗴 𝗸𝗮𝗯𝘂𝘁𝗶𝗵𝗮𝗻 𝘀𝗮 𝗺𝗴𝗮 𝗻𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻 𝗮𝘁 𝗶𝗻𝗮𝗮𝗽𝗶. “𝘉𝘪𝘨𝘺𝘢𝘯 𝘯𝘪𝘯𝘺𝘰 𝘯𝘨 𝘱𝘢𝘨𝘬𝘢𝘪𝘯 𝘢𝘯𝘨 𝘮𝘨𝘢 𝘯𝘢𝘨𝘶𝘨𝘶𝘵𝘰𝘮, 𝘱𝘢𝘵𝘪𝘳𝘢𝘩𝘪𝘯 𝘯𝘪𝘯𝘺𝘰 𝘴𝘢 𝘪𝘯𝘺𝘰𝘯𝘨 𝘵𝘢𝘩𝘢𝘯𝘢𝘯 𝘢𝘯𝘨 𝘮𝘨𝘢 𝘸𝘢𝘭𝘢𝘯𝘨 𝘵𝘢𝘩𝘢𝘯𝘢𝘯, 𝘣𝘪𝘨𝘺𝘢𝘯 𝘯𝘪𝘯𝘺𝘰 𝘯𝘨 𝘥𝘢𝘮𝘪𝘵 𝘢𝘯𝘨 𝘮𝘨𝘢 𝘸𝘢𝘭𝘢𝘯𝘨 𝘥𝘢𝘮𝘪𝘵, 𝘢𝘵 𝘵𝘶𝘭𝘶𝘯𝘨𝘢𝘯 𝘯𝘪𝘯𝘺𝘰 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘬𝘢𝘢𝘯𝘢𝘬. 𝘒𝘢𝘱𝘢𝘨 𝘨𝘪𝘯𝘢𝘸𝘢 𝘯ʼ𝘺𝘰 𝘪𝘵𝘰, 𝘥𝘢𝘳𝘢𝘵𝘪𝘯𝘨 𝘴𝘢 𝘪𝘯𝘺𝘰 𝘢𝘯𝘨 𝘬𝘢𝘭𝘪𝘨𝘵𝘢𝘴𝘢𝘯 𝘯𝘢 𝘱𝘢𝘳𝘢𝘯𝘨 𝘣𝘶𝘬𝘢𝘯𝘨-𝘭𝘪𝘸𝘢𝘺𝘸𝘢𝘺, 𝘢𝘵 𝘱𝘢𝘨𝘢𝘨𝘢𝘭𝘪𝘯𝘨𝘪𝘯 𝘬𝘰 𝘬𝘢𝘺𝘰 𝘢𝘨𝘢𝘥. 𝘈𝘬𝘰 𝘯𝘢 𝘪𝘯𝘺𝘰𝘯𝘨 𝘋𝘪𝘺𝘰𝘴 𝘯𝘢 𝘮𝘢𝘵𝘶𝘸𝘪𝘥 𝘢𝘯𝘨 𝘮𝘢𝘯𝘨𝘶𝘯𝘨𝘶𝘯𝘢 𝘴𝘢 𝘪𝘯𝘺𝘰 𝘢𝘵 𝘪𝘱𝘢𝘨𝘵𝘢𝘵𝘢𝘯𝘨𝘨𝘰𝘭 𝘬𝘰 𝘬𝘢𝘺𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘢𝘬𝘪𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯.” 𝗜𝗦𝗔𝗜𝗔𝗦 𝟱𝟴:𝟳–𝟴 Hindi lamang nais ng Diyos na talikuran ng Kanyang mga mamamayan ang kasamaan. Nais Niya silang magpakita ng kabutihan sa mga nangangailangan at inaapi. Maliban sa hindi pagkain, ipinapakita sa Kasulatan na ang pag-aayuno ay tungkol sa paggamit ng oras, pagsusumikap, pagkain, tirahan, at pinagkukunan ng yaman upang paglingkuran ang iba. Kung susunod tayo, ipinapangako ng Diyos na ang ating kadiliman ay gagawin Niyang liwanag. Basahin ang Isaias 58:8–10. Itala ang mga pangako ng Diyos para sa Kanyang mga mamamayan. 𝟯. 𝗔𝗻𝗴 𝗽𝗮𝗴𝘁𝘂𝗴𝗼𝗻 𝘀𝗮 𝘁𝗮𝘄𝗮𝗴 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗴𝗯𝘂𝗯𝘂𝗻𝗴𝗮 𝗻𝗴 𝗽𝗮𝗴𝗽𝗮𝗽𝗮𝗻𝘂𝗺𝗯𝗮𝗹𝗶𝗸 𝘀𝗮 𝗞𝗮𝗻𝘆𝗮 𝗮𝘁 𝗽𝗮𝗴𝗯𝗮𝗯𝗮𝗴𝗼 𝘀𝗮 𝗹𝗶𝗽𝘂𝗻𝗮𝗻. “𝘗𝘢𝘭𝘢𝘨𝘪 𝘬𝘰 𝘬𝘢𝘺𝘰𝘯𝘨 𝘱𝘢𝘱𝘢𝘵𝘯𝘶𝘣𝘢𝘺𝘢𝘯 𝘢𝘵 𝘣𝘶𝘣𝘶𝘴𝘶𝘨𝘪𝘯, 𝘬𝘢𝘩𝘪𝘵 𝘯𝘢 𝘮𝘢𝘩𝘪𝘳𝘢𝘱 𝘢𝘯𝘨 𝘬𝘢𝘭𝘢𝘨𝘢𝘺𝘢𝘯 𝘯𝘪𝘯𝘺𝘰. 𝘗𝘢𝘭𝘢𝘭𝘢𝘬𝘢𝘴𝘪𝘯 𝘬𝘰 𝘬𝘢𝘺𝘰, 𝘢𝘵 𝘬𝘢𝘺𝘰ʼ𝘺 𝘮𝘢𝘨𝘪𝘨𝘪𝘯𝘨 𝘱𝘢𝘳𝘢𝘯𝘨 𝘩𝘢𝘭𝘢𝘮𝘢𝘯𝘢𝘯𝘨 𝘴𝘢𝘨𝘢𝘯𝘢 𝘴𝘢 𝘵𝘶𝘣𝘪𝘨 𝘢𝘵 𝘱𝘢𝘳𝘢𝘯𝘨 𝘣𝘶𝘬𝘢𝘭 𝘯𝘢 𝘩𝘪𝘯𝘥𝘪 𝘯𝘢𝘸𝘢𝘸𝘢𝘭𝘢𝘯 𝘯𝘨 𝘵𝘶𝘣𝘪𝘨. 𝘔𝘶𝘭𝘪𝘯𝘨 𝘪𝘵𝘢𝘵𝘢𝘺𝘰 𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘭𝘢𝘩𝘪 𝘢𝘯𝘨 𝘮𝘨𝘢 𝘭𝘶𝘯𝘨𝘴𝘰𝘥 𝘯𝘪𝘯𝘺𝘰𝘯𝘨 𝘮𝘢𝘵𝘢𝘨𝘢𝘭 𝘯𝘢𝘯𝘨 𝘸𝘢𝘴𝘢𝘬 𝘢𝘵 𝘢𝘢𝘺𝘶𝘴𝘪𝘯 𝘯𝘪𝘭𝘢 𝘢𝘯𝘨 𝘥𝘢𝘵𝘪𝘯𝘨 𝘮𝘨𝘢 𝘱𝘶𝘯𝘥𝘢𝘴𝘺𝘰𝘯. 𝘔𝘢𝘬𝘪𝘬𝘪𝘭𝘢𝘭𝘢 𝘬𝘢𝘺𝘰 𝘯𝘢 𝘮𝘨𝘢 𝘵𝘢𝘰𝘯𝘨 𝘵𝘢𝘨𝘢𝘢𝘺𝘰𝘴 𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘨𝘪𝘣𝘢𝘯𝘨 𝘱𝘢𝘥𝘦𝘳 𝘢𝘵 𝘮𝘨𝘢 𝘣𝘢𝘩𝘢𝘺.” 𝗜𝗦𝗔𝗜𝗔𝗦 𝟱𝟴:𝟭𝟭–𝟭𝟮 Kung ang mga mamamayan ng Diyos ay namumuhay at nag-aayuno ayon sa Kanyang pamamaraan—buong pagpapakumbaba na hinahangad ang Diyos at nananalangin na matupad ang Kanyang kagustuhan, tinatalikuran ang kasalanan at gumagawa ng kabutihan, lalo na sa mga mahihirap at walang kalaban-laban—magdadala Siya ng pagbabago sa lipunan. Mararanasan natin ang patuloy na paggabay ng Diyos, magkakaroon tayo ng kasiyahan at kalakasan, uunlad, at magiging mabunga. Ano ang sinasabi sa Isaias 58:12 tungkol sa pangako ng Diyos na pagpapanumbalik sa Kanya at paano nito mapapalakas ang ating kalooban? 𝗔𝗣𝗣𝗟𝗜𝗖𝗔𝗧𝗜𝗢𝗡 • Isipin kung kailan ka huling nag-ayuno o kaya ay kumilos upang paglingkuran ang isang tao. Hingin sa Diyos na ipakita sa iyo kung ano ang nasa puso mo at ang iyong motibo, at tulungan kang maunawaan kung ano ang nasa puso Niya para sa mga nangangailangan. • Basahin ang Isaias 58:8–12. Anong bahagi ng pahayag na ito ang nangungusap sa iyo? Paano ka tinatawag ng Diyos na tumugon dito ngayong linggo? • Mayroon bang ipinapakita ngayon sa iyo ang Diyos tungkol sa paglilingkod o pananalita mo? Paano mo magagawang tumugon sa isang pangangailangan o kaya ay makapagsalita sa paraang magbibigay sa Kanya ng karangalan? 𝗣𝗥𝗔𝗬𝗘𝗥 • Pasalamatan ang Diyos sa ipinangako Niyang presensya habang isinasapamuhay mo ang iyong pananampalataya sa piling ng iyong pamilya at komunidad. • Ipanalangin na patuloy kang tulungan ng Diyos upang makita mo ang motibo ng iyong puso tungkol sa pag-aayuno at pagbibigay. Hilingin sa Kanya na ang puso mo ay maging kaayon ng puso Niya. • Hingin sa Diyos na bigyan ka ng mga pagkakataong mapaglingkuran ang Kanyang mga mamamayan at maging pagpapala ng yaman at salita sa iyong komunidad.

Ang Planong Pagpapanibago ng Diyos

𝗪𝗔𝗥𝗠-𝗨𝗣 • Magkuwento tungkol sa lugar kung saan lagi kang nakakaramdam ng kasiyahan at kapayapaan. Ano tungkol dito ang nagbibigay sa iyo ng ganitong pakiramdam? • Ano ang isang bagay na nais mo sanang magawang baguhin sa iyong pamilya o kaya ay sa sitwasyon ng inyong pamilya? Bakit? • Naranasan mo na bang gawin ang lahat ng makakaya mo upang tulungan ang isang tao na hindi mo malapit na kaibigan o kapamilya? Ano ang nangyari? 𝗪𝗢𝗥𝗗 “𝘔𝘢𝘬𝘪𝘯𝘪𝘨 𝘬𝘢𝘺𝘰! 𝘎𝘢𝘨𝘢𝘸𝘢 𝘢𝘬𝘰 𝘯𝘨 𝘣𝘢𝘨𝘰𝘯𝘨 𝘭𝘢𝘯𝘨𝘪𝘵 𝘢𝘵 𝘣𝘢𝘨𝘰𝘯𝘨 𝘭𝘶𝘱𝘢. 𝘈𝘯𝘨 𝘥𝘢𝘵𝘪𝘯𝘨 𝘭𝘢𝘯𝘨𝘪𝘵 𝘢𝘵 𝘭𝘶𝘱𝘢 𝘢𝘺 𝘬𝘢𝘬𝘢𝘭𝘪𝘮𝘶𝘵𝘢𝘯 𝘯𝘢.” 𝗜𝗦𝗔𝗜𝗔𝗦 𝟲𝟱:𝟭𝟳 Sa pamamagitan ng propetang si Isaias, inilarawan ng Diyos ang kapayapaan at pag-unlad para sa Kanyang mga mamamayan. Ito ay isang larawan ng buhay sa mundo kung saan ang kagustuhan ng Diyos ay nagaganap tulad ng sa langit. Pinili Niya tayo, ang Kanyang mga mamamayan, upang makibahagi sa pagsasakatuparan nito. Ngayon, titingnan natin ang uri ng mundo na maaari nating panabikan habang kumikilos ang Diyos sa atin at sa pamamagitan natin upang itatag ang Kanyang kaharian dito sa lupa. 𝟭. 𝗞𝗮𝗴𝗮𝗹𝗮𝗸𝗮𝗻: 𝗜𝘀𝗮𝗻𝗴 𝗺𝘂𝗻𝗱𝗼𝗻𝗴 𝗽𝘂𝗻𝗼 𝗻𝗴 𝗽𝗮𝗴𝗱𝗶𝗿𝗶𝘄𝗮𝗻𝗴 𝗮𝘁 𝗸𝗮𝘀𝗶𝘆𝗮𝗵𝗮𝗻, 𝗸𝘂𝗻𝗴 𝘀𝗮𝗮𝗻 𝗸𝗮𝗸𝗮𝗹𝗶𝗺𝘂𝘁𝗮𝗻 𝗻𝗮 𝗮𝗻𝗴 𝗺𝗴𝗮 𝘀𝗮𝗸𝗶𝘁. “𝘔𝘢𝘬𝘪𝘯𝘪𝘨 𝘬𝘢𝘺𝘰! 𝘎𝘢𝘨𝘢𝘸𝘢 𝘢𝘬𝘰 𝘯𝘨 𝘣𝘢𝘨𝘰𝘯𝘨 𝘭𝘢𝘯𝘨𝘪𝘵 𝘢𝘵 𝘣𝘢𝘨𝘰𝘯𝘨 𝘭𝘶𝘱𝘢. 𝘈𝘯𝘨 𝘥𝘢𝘵𝘪𝘯𝘨 𝘭𝘢𝘯𝘨𝘪𝘵 𝘢𝘵 𝘭𝘶𝘱𝘢 𝘢𝘺 𝘬𝘢𝘬𝘢𝘭𝘪𝘮𝘶𝘵𝘢𝘯 𝘯𝘢. 𝘒𝘢𝘺𝘢 𝘮𝘢𝘨𝘢𝘭𝘢𝘬 𝘬𝘢𝘺𝘰 𝘢𝘵 𝘮𝘢𝘨𝘥𝘪𝘸𝘢𝘯𝘨 𝘯𝘨 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯 𝘴𝘢 𝘢𝘬𝘪𝘯𝘨 𝘨𝘢𝘨𝘢𝘸𝘪𝘯. 𝘚𝘢𝘱𝘢𝘨𝘬𝘢𝘵 𝘢𝘯𝘨 𝘑𝘦𝘳𝘶𝘴𝘢𝘭𝘦𝘮 𝘢𝘺 𝘨𝘢𝘨𝘢𝘸𝘪𝘯 𝘬𝘰𝘯𝘨 𝘬𝘢𝘨𝘢𝘭𝘢𝘬𝘢𝘯 𝘯𝘨 𝘮𝘨𝘢 𝘵𝘢𝘰, 𝘢𝘵 𝘢𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘢𝘺 𝘮𝘢𝘨𝘣𝘪𝘣𝘪𝘨𝘢𝘺 𝘥𝘪𝘯 𝘯𝘨 𝘬𝘢𝘨𝘢𝘭𝘢𝘬𝘢𝘯. 𝘔𝘢𝘨𝘢𝘨𝘢𝘭𝘢𝘬 𝘢𝘬𝘰 𝘴𝘢 𝘑𝘦𝘳𝘶𝘴𝘢𝘭𝘦𝘮 𝘢𝘵 𝘴𝘢 𝘬𝘢𝘯𝘺𝘢𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘏𝘪𝘯𝘥𝘪 𝘯𝘢 𝘮𝘢𝘳𝘪𝘳𝘪𝘯𝘪𝘨 𝘥𝘰𝘰𝘯 𝘢𝘯𝘨 𝘪𝘺𝘢𝘬𝘢𝘯 𝘢𝘵 𝘱𝘢𝘨𝘩𝘪𝘯𝘨𝘪 𝘯𝘨 𝘵𝘶𝘭𝘰𝘯𝘨 𝘰 𝘮𝘨𝘢 𝘱𝘢𝘨𝘥𝘢𝘪𝘯𝘨.” 𝗜𝗦𝗔𝗜𝗔𝗦 𝟲𝟱:𝟭𝟳–𝟭𝟵 May kagalakan sa mundong nais ng Diyos para sa atin. Ang bayan na ipinangako Niyang itatag ay itinalaga Niya na may kagalakan ng mga tao, at ang kanyang mga mamamayan ay magbibigay din ng kagalakan. Nais ng Diyos na makapiling ang Kanyang mga mamamayan at pagpalain sila. Nais pa Niyang tanggalin ang anumang dahilan na nagdudulot ng iyakan at paghingi ng tulong o mga pagdaing. Para sa iyo, ano ang larawan ng mundong puno ng kagalakan? 𝟮. 𝗠𝗮𝘀𝗮𝗴𝗮𝗻𝗮: 𝗜𝘀𝗮𝗻𝗴 𝗺𝘂𝗻𝗱𝗼𝗻𝗴 𝗺𝗮𝘆 𝗸𝗮𝘀𝗮𝗴𝗮𝗻𝗮𝗮𝗻, 𝗺𝗮𝘆 𝗯𝘂𝗵𝗮𝘆 𝗮𝘁 𝗸𝗮𝗴𝗶𝗻𝗵𝗮𝘄𝗮𝗵𝗮𝗻. “𝘋𝘰𝘰𝘯 𝘢𝘺 𝘸𝘢𝘭𝘢𝘯𝘨 𝘮𝘢𝘮𝘢𝘮𝘢𝘵𝘢𝘺 𝘯𝘢 𝘴𝘢𝘯𝘨𝘨𝘰𝘭 𝘰 𝘣𝘢𝘵𝘢 𝘱𝘢. 𝘈𝘯𝘨 𝘴𝘪𝘯𝘶𝘮𝘢𝘯𝘨 𝘮𝘢𝘮𝘢𝘮𝘢𝘵𝘢𝘺 𝘴𝘢 𝘨𝘶𝘭𝘢𝘯𝘨 𝘯𝘢 100 𝘵𝘢𝘰𝘯 𝘢𝘺 𝘣𝘢𝘵𝘢 𝘱𝘢, 𝘢𝘵 𝘢𝘯𝘨 𝘮𝘢𝘮𝘢𝘮𝘢𝘵𝘢𝘺 𝘯𝘢𝘯𝘨 𝘩𝘪𝘯𝘥𝘪 𝘱𝘢 𝘶𝘮𝘢𝘢𝘣𝘰𝘵 𝘴𝘢 100 𝘵𝘢𝘰𝘯 𝘢𝘺 𝘪𝘵𝘶𝘵𝘶𝘳𝘪𝘯𝘨 𝘯𝘢 𝘱𝘪𝘯𝘢𝘳𝘶𝘴𝘢𝘩𝘢𝘯 𝘬𝘰. 𝘚𝘢 𝘮𝘨𝘢 𝘱𝘢𝘯𝘢𝘩𝘰𝘯𝘨 𝘪𝘺𝘰𝘯, 𝘮𝘢𝘨𝘵𝘢𝘵𝘢𝘺𝘰 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘯𝘨 𝘮𝘨𝘢 𝘣𝘢𝘩𝘢𝘺 𝘢𝘵 𝘵𝘪𝘵𝘪𝘳𝘩𝘢𝘯 𝘯𝘪𝘭𝘢 𝘪𝘵𝘰. 𝘔𝘢𝘨𝘵𝘢𝘵𝘢𝘯𝘪𝘮 𝘴𝘪𝘭𝘢 𝘯𝘨 𝘮𝘨𝘢 𝘶𝘣𝘢𝘴 𝘢𝘵 𝘴𝘪𝘭𝘢 𝘳𝘪𝘯 𝘢𝘯𝘨 𝘢𝘢𝘯𝘪 𝘯𝘨 𝘮𝘨𝘢 𝘣𝘶𝘯𝘨𝘢 𝘯𝘪𝘵𝘰. 𝘏𝘪𝘯𝘥𝘪 𝘯𝘢 𝘢𝘯𝘨 𝘮𝘨𝘢 𝘬𝘢𝘢𝘸𝘢𝘺 𝘯𝘪𝘭𝘢 𝘢𝘯𝘨 𝘮𝘢𝘬𝘪𝘬𝘪𝘯𝘢𝘣𝘢𝘯𝘨 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘩𝘢𝘺 𝘢𝘵 𝘮𝘨𝘢 𝘵𝘢𝘯𝘪𝘮. 𝘚𝘢𝘱𝘢𝘨𝘬𝘢𝘵 𝘬𝘶𝘯𝘨 𝘱𝘢𝘱𝘢𝘢𝘯𝘰𝘯𝘨 𝘢𝘯𝘨 𝘱𝘶𝘯𝘰𝘯𝘨𝘬𝘢𝘩𝘰𝘺 𝘢𝘺 𝘯𝘢𝘣𝘶𝘣𝘶𝘩𝘢𝘺 𝘯𝘢𝘯𝘨 𝘮𝘢𝘵𝘢𝘨𝘢𝘭, 𝘨𝘢𝘯𝘰𝘰𝘯 𝘥𝘪𝘯 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘢𝘵 𝘭𝘶𝘣𝘰𝘴 𝘯𝘪𝘭𝘢𝘯𝘨 𝘱𝘢𝘬𝘪𝘬𝘪𝘯𝘢𝘣𝘢𝘯𝘨𝘢𝘯 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘱𝘪𝘯𝘢𝘨𝘩𝘪𝘳𝘢𝘱𝘢𝘯. 𝘏𝘪𝘯𝘥𝘪 𝘴𝘪𝘭𝘢 𝘮𝘢𝘨𝘵𝘢𝘵𝘳𝘢𝘣𝘢𝘩𝘰 𝘯𝘢𝘯𝘨 𝘸𝘢𝘭𝘢𝘯𝘨 𝘱𝘢𝘬𝘪𝘯𝘢𝘣𝘢𝘯𝘨 𝘢𝘵 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘢𝘯𝘢𝘬 𝘢𝘺 𝘩𝘪𝘯𝘥𝘪 𝘥𝘢𝘳𝘢𝘯𝘢𝘴 𝘯𝘨 𝘬𝘢𝘮𝘢𝘭𝘢𝘴𝘢𝘯. 𝘚𝘢𝘱𝘢𝘨𝘬𝘢𝘵 𝘴𝘪𝘭𝘢ʼ𝘺 𝘮𝘨𝘢 𝘵𝘢𝘰𝘯𝘨 𝘱𝘪𝘯𝘢𝘨𝘱𝘢𝘱𝘢𝘭𝘢 𝘯𝘨 𝘗𝘈𝘕𝘎𝘐𝘕𝘖𝘖𝘕. 𝘈𝘵 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘢𝘯𝘢𝘬 𝘢𝘺 𝘬𝘢𝘴𝘢𝘮𝘢 𝘯𝘪𝘭𝘢𝘯𝘨 𝘱𝘪𝘯𝘢𝘨𝘱𝘢𝘭𝘢.” 𝗜𝗦𝗔𝗜𝗔𝗦 𝟲𝟱:𝟮𝟬–𝟮𝟯 Puno ng buhay at kasaganaan ang mundo na nais ng Diyos para sa atin, kung saan lahat ay tumatanda nang walang takot ng karamdaman o kaya ay sakuna; ang sinumang naglalaan ng panahon upang magpatayo ng bahay ay may panahon upang manirahan dito; at ang sinumang namumuhunan gamit ang kanilang yaman ay masisiyahan sa kanilang matatag na kabuhayan. Maging ang pagiging magulang ay panahon ng kagalakan sa bawat pagkakataon. Ano sa palagay mo ang magbabago sa mundong nilikha ng Diyos para sa atin? 𝟯. 𝗠𝗮𝗽𝗮𝘆𝗮𝗽𝗮: 𝗜𝘀𝗮𝗻𝗴 𝗺𝘂𝗻𝗱𝗼 𝗸𝘂𝗻𝗴 𝘀𝗮𝗮𝗻 𝗮𝗻𝗴 𝗺𝗴𝗮 𝘁𝗮𝗼 𝗮𝘆 𝗺𝗮𝘆 𝗺𝗮𝗹𝗮𝗽𝗶𝘁 𝗻𝗮 𝘂𝗴𝗻𝗮𝘆𝗮𝗻 𝘀𝗮 𝗗𝗶𝘆𝗼𝘀 𝗮𝘁 𝗺𝗮𝘁𝗮𝘁𝗮𝗴 𝗻𝗮 𝘂𝗴𝗻𝗮𝘆𝗮𝗻 𝘀𝗮 𝗶𝘀𝗮’𝘁 𝗶𝘀𝗮. “𝘉𝘢𝘨𝘰 𝘱𝘢 𝘴𝘪𝘭𝘢 𝘮𝘢𝘯𝘢𝘭𝘢𝘯𝘨𝘪𝘯 𝘰 𝘩𝘢𝘣𝘢𝘯𝘨 𝘴𝘪𝘭𝘢ʼ𝘺 𝘯𝘢𝘯𝘢𝘯𝘢𝘭𝘢𝘯𝘨𝘪𝘯 𝘱𝘢 𝘭𝘢𝘯𝘨, 𝘴𝘢𝘴𝘢𝘨𝘶𝘵𝘪𝘯 𝘬𝘰 𝘯𝘢 𝘴𝘪𝘭𝘢. 𝘚𝘢 𝘮𝘨𝘢 𝘢𝘳𝘢𝘸 𝘯𝘢 𝘪𝘺𝘰𝘯 𝘮𝘢𝘨𝘬𝘢𝘴𝘢𝘮𝘢𝘯𝘨 𝘬𝘢𝘬𝘢𝘪𝘯 𝘢𝘯𝘨 𝘢𝘴𝘰𝘯𝘨 𝘭𝘰𝘣𝘰 𝘢𝘵 𝘮𝘨𝘢 𝘵𝘶𝘱𝘢, 𝘱𝘢𝘵𝘪 𝘮𝘨𝘢 𝘭𝘦𝘰𝘯 𝘢𝘵 𝘮𝘨𝘢 𝘣𝘢𝘬𝘢 𝘢𝘺 𝘬𝘢𝘬𝘢𝘪𝘯 𝘯𝘨 𝘥𝘢𝘮𝘰. 𝘈𝘵 𝘢𝘯𝘨 𝘮𝘨𝘢 𝘢𝘩𝘢𝘴 𝘢𝘺 𝘩𝘪𝘯𝘥𝘪 𝘯𝘢 𝘮𝘢𝘯𝘶𝘯𝘶𝘬𝘭𝘢𝘸. 𝘞𝘢𝘭𝘢 𝘯𝘢𝘯𝘨 𝘮𝘢𝘮𝘪𝘮𝘪𝘯𝘴𝘢𝘭𝘢 𝘰 𝘨𝘪𝘨𝘪𝘣𝘢 𝘴𝘢 𝘢𝘬𝘪𝘯𝘨 𝘣𝘢𝘯𝘢𝘭 𝘯𝘢 𝘣𝘶𝘯𝘥𝘰𝘬 𝘯𝘨 𝘡𝘪𝘰𝘯. 𝘈𝘬𝘰, 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘢𝘯𝘨 𝘯𝘢𝘨𝘴𝘢𝘴𝘢𝘣𝘪 𝘯𝘪𝘵𝘰.” 𝗜𝗦𝗔𝗜𝗔𝗦 𝟲𝟱:𝟮𝟰–𝟮𝟱 Mapayapa ang mundo na nais ng Diyos para sa atin. Binigyan tayo ng Diyos ng sulyap sa Kanyang kaharian: Siya ay magiging labis na malapit sa Kanyang mga mamamayan na magagawa Niyang tumugon bago pa man sila tumawag at sasagutin Niya sila bago pa man sila makapagsalita. Maging ang mga hayop na itinuturing na likas na magkakaaway ay hindi magsasakitan o wawasakin ang isa’t isa sa Kanyang kaharian. Paano mo nakikita ang kapayapaan sa kaharian ng Diyos dito sa lupa? 𝗔𝗣𝗣𝗟𝗜𝗖𝗔𝗧𝗜𝗢𝗡 • Tingnan ang tatlong katangian ng mundo na nais ng Diyos para sa atin. Alin dito ang kapansin-pansin para sa iyo? Ano ang nagpapasabik sa iyo na makita ang planong pagpapanibago ng Diyos at paano magbabago ang pamumuhay mo dahil dito? • Ano ang maaaring sinasabi sa iyo ng Diyos ngayon upang makibahagi ka sa Kanyang plano? Paano mo ito maisasakatuparan? • May ipinapagawa ba sa iyo ang Diyos para sa isang komunidad? Paano mo magagawang simulan ang paglilingkod sa kanila ngayong linggo? 𝗣𝗥𝗔𝗬𝗘𝗥 • Pasalamatan ang Diyos sa napakagandang mundo na itinakda Niya para sa iyo. Pasalamatan Siya sa Kanyang salita at sa bakas ng Kanyang kaharian sa mundo. • Ipanalangin na magkaroon ka ng maraming pagkakataon upang maging aktibo sa pagdadala ng Kanyang bagong langit at bagong lupa. Hingin sa Diyos kung ano ang magagawa mo sa larangan ng lipunan na kinabibilangan mo. • Hingin sa Diyos na ipakita sa iyo kung paano ka maaaring makibahagi sa pagdadala ng ginhawa at tulong sa mga nangangailangan sa iyong komunidad. Ipanalangin na ikaw ay maging asin at ilaw sa mundo.