𝘽𝙖𝙨𝙖𝙝𝙞𝙣

𝘗𝘢𝘨𝘥𝘢𝘵𝘪𝘯𝘨 𝘯𝘨 𝘰𝘳𝘢𝘴 𝘯𝘨 𝘩𝘢𝘱𝘶𝘯𝘢𝘯, 𝘬𝘶𝘮𝘢𝘪𝘯 𝘴𝘪 𝘑𝘦𝘴𝘶𝘴 𝘢𝘵 𝘢𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘢𝘱𝘰𝘴𝘵𝘰𝘭. 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘴𝘢 𝘬𝘢𝘯𝘪𝘭𝘢, “𝘎𝘶𝘴𝘵𝘰𝘯𝘨-𝘨𝘶𝘴𝘵𝘰 𝘬𝘰𝘯𝘨 𝘮𝘢𝘬𝘢𝘴𝘢𝘭𝘰 𝘬𝘢𝘺𝘰 𝘴𝘢 𝘩𝘢𝘱𝘶𝘯𝘢𝘯𝘨 𝘪𝘵𝘰 𝘴𝘢 𝘱𝘢𝘨𝘥𝘪𝘳𝘪𝘸𝘢𝘯𝘨 𝘯𝘨 𝘗𝘪𝘴𝘵𝘢 𝘯𝘨 𝘗𝘢𝘨𝘭𝘢𝘮𝘱𝘢𝘴 𝘯𝘨 𝘈𝘯𝘨𝘩𝘦𝘭, 𝘣𝘢𝘨𝘰 𝘢𝘬𝘰 𝘮𝘢𝘨𝘩𝘪𝘳𝘢𝘱. 𝘚𝘢𝘱𝘢𝘨𝘬𝘢𝘵 𝘴𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘯𝘢 𝘩𝘪𝘯𝘥𝘪 𝘯𝘢 𝘢𝘬𝘰 𝘮𝘶𝘭𝘪𝘯𝘨 𝘬𝘢𝘬𝘢𝘪𝘯 𝘯𝘪𝘵𝘰 𝘩𝘢𝘯𝘨𝘨𝘢𝘯𝘨 𝘴𝘢 𝘮𝘢𝘵𝘶𝘱𝘢𝘥 𝘢𝘯𝘨 𝘬𝘢𝘩𝘶𝘭𝘶𝘨𝘢𝘯 𝘯𝘪𝘵𝘰 𝘴𝘢 𝘢𝘳𝘢𝘸 𝘯𝘨 𝘱𝘢𝘨𝘩𝘢𝘩𝘢𝘳𝘪 𝘯𝘨 𝘋𝘪𝘰𝘴.” 𝘗𝘢𝘨𝘬𝘢𝘵𝘢𝘱𝘰𝘴, 𝘬𝘶𝘮𝘶𝘩𝘢 𝘴𝘪𝘺𝘢 𝘯𝘨 𝘪𝘯𝘶𝘮𝘪𝘯, 𝘯𝘢𝘨𝘱𝘢𝘴𝘢𝘭𝘢𝘮𝘢𝘵 𝘴𝘢 𝘋𝘪𝘰𝘴, 𝘢𝘵 𝘴𝘪𝘯𝘢𝘣𝘪 𝘴𝘢 𝘬𝘢𝘯𝘪𝘭𝘢, “𝘒𝘶𝘯𝘪𝘯 𝘯𝘪𝘯𝘺𝘰 𝘪𝘵𝘰 𝘢𝘵 𝘱𝘢𝘨𝘩𝘢𝘵𝘪-𝘩𝘢𝘵𝘪𝘢𝘯. 𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘯𝘢 𝘩𝘪𝘯𝘥𝘪 𝘯𝘢 𝘢𝘬𝘰 𝘮𝘶𝘭𝘪𝘯𝘨 𝘪𝘪𝘯𝘰𝘮 𝘯𝘨 𝘪𝘯𝘶𝘮𝘪𝘯𝘨 𝘮𝘶𝘭𝘢 𝘴𝘢 𝘶𝘣𝘢𝘴 𝘩𝘢𝘯𝘨𝘨𝘢𝘯𝘨 𝘴𝘢 𝘢𝘳𝘢𝘸 𝘯𝘨 𝘱𝘢𝘨𝘩𝘢𝘩𝘢𝘳𝘪 𝘯𝘨 𝘋𝘪𝘰𝘴” 𝘗𝘢𝘨𝘬𝘢𝘵𝘢𝘱𝘰𝘴, 𝘬𝘶𝘮𝘶𝘩𝘢 𝘴𝘪𝘺𝘢 𝘯𝘨 𝘵𝘪𝘯𝘢𝘱𝘢𝘺, 𝘢𝘵 𝘮𝘢𝘵𝘢𝘱𝘰𝘴 𝘮𝘢𝘨𝘱𝘢𝘴𝘢𝘭𝘢𝘮𝘢𝘵 𝘴𝘢 𝘋𝘪𝘰𝘴 𝘢𝘺 𝘩𝘪𝘯𝘢𝘵𝘪-𝘩𝘢𝘵𝘪 𝘯𝘪𝘺𝘢 𝘪𝘵𝘰 𝘢𝘵 𝘪𝘣𝘪𝘯𝘪𝘨𝘢𝘺 𝘴𝘢 𝘬𝘢𝘯𝘪𝘭𝘢. 𝘚𝘪𝘯𝘢𝘣𝘪 𝘯𝘪𝘺𝘢, “𝘐𝘵𝘰 𝘢𝘯𝘨 𝘢𝘬𝘪𝘯𝘨 𝘬𝘢𝘵𝘢𝘸𝘢𝘯 𝘯𝘢 𝘪𝘯𝘪𝘩𝘢𝘩𝘢𝘯𝘥𝘰𝘨 𝘱𝘢𝘳𝘢 𝘴𝘢 𝘪𝘯𝘺𝘰. 𝘎𝘢𝘸𝘪𝘯 𝘯𝘪𝘯𝘺𝘰 𝘪𝘵𝘰 𝘣𝘪𝘭𝘢𝘯𝘨 𝘱𝘢𝘨-𝘢𝘭𝘢𝘢𝘭𝘢 𝘴𝘢 𝘢𝘬𝘪𝘯.” 𝘗𝘢𝘨𝘬𝘢𝘵𝘢𝘱𝘰𝘴 𝘯𝘪𝘭𝘢𝘯𝘨 𝘬𝘶𝘮𝘢𝘪𝘯, 𝘨𝘢𝘯𝘰𝘰𝘯 𝘥𝘪𝘯 𝘢𝘯𝘨 𝘨𝘪𝘯𝘢𝘸𝘢 𝘯𝘪𝘺𝘢 𝘴𝘢 𝘪𝘯𝘶𝘮𝘪𝘯: 𝘬𝘪𝘯𝘶𝘩𝘢 𝘯𝘪𝘺𝘢 𝘪𝘵𝘰 𝘢𝘵 𝘯𝘢𝘨𝘱𝘢𝘴𝘢𝘭𝘢𝘮𝘢𝘵 𝘴𝘢 𝘋𝘪𝘰𝘴, 𝘢𝘵 𝘴𝘪𝘯𝘢𝘣𝘪, “𝘈𝘯𝘨 𝘪𝘯𝘶𝘮𝘪𝘯𝘨 𝘪𝘵𝘰 𝘢𝘯𝘨 𝘣𝘢𝘨𝘰𝘯𝘨 𝘬𝘢𝘴𝘶𝘯𝘥𝘶𝘢𝘯 𝘯𝘢 𝘱𝘪𝘯𝘢𝘨𝘵𝘪𝘣𝘢𝘺 𝘯𝘨 𝘥𝘶𝘨𝘰 𝘬𝘰𝘯𝘨 𝘮𝘢𝘣𝘶𝘣𝘶𝘩𝘰𝘴 𝘯𝘨 𝘥𝘢𝘩𝘪𝘭 𝘴𝘢 𝘪𝘯𝘺𝘰.” 𝗟𝗨𝗖𝗔𝗦 𝟮𝟮:𝟭𝟰–𝟮𝟬

Basahin din ang 𝗘𝗫𝗢𝗗𝗨𝗦 𝟭𝟮:𝟭–𝟭𝟰.

𝙋𝙖𝙜-𝙞𝙨𝙞𝙥𝙖𝙣

Ang hapunan sa tuwing Pista ng Paglampas ng Anghel ay isang pag-alala sa pagkaligtas ng Israel mula sa pagka-alipin sa Egipto. Isa itong taunang tradisyon kung saan ikinukwento nila kung paano iniligtas ng Diyos ang mga Israelita mula sa kamatayan. Ang dugo ng tupa na ipinahid sa mga haligi ng pinto ay nagsilbing tanda na “lalagpasan” ng hatol na kamatayan ang mga tahanang may ganitong marka (Exodus 12:1–14). Ang tinapay na walang pampaalsa ay nagpapaalala sa kanila ng madaliang pag-alis sa Egipto at ang mapapait na gulay ay sumisimbolo sa mga pagdurusang naranasan nila sa pagka-alipin. Ang hapunang ito ay isang pagdiriwang ng katapatan at proteksyon ng Diyos at pangakong ililigtas Niya ang Kanyang mga mamamayan. Hanggang ngayon, maraming pamilya pa rin sa buong mundo ang nagpapatuloy sa ganitong kaugalian.

Noong gabi bago ang pagkapako ni Jesus sa krus, nagtipon-tipon Siya at ang Kanyang mga disipulo upang ipagdiwang ang hapunan sa Pista ng Paglampas ng Anghel. Habang sila'y nagsasalo sa tinapay at inumin, binigyan Niya ito ng bagong kahulugan. Kinuha Niya ang tinapay, hinati-hati ito, at sinabi, “𝘐𝘵𝘰 𝘢𝘯𝘨 𝘢𝘬𝘪𝘯𝘨 𝘬𝘢𝘵𝘢𝘸𝘢𝘯 𝘯𝘢 𝘪𝘯𝘪𝘩𝘢𝘩𝘢𝘯𝘥𝘰𝘨 𝘱𝘢𝘳𝘢 𝘴𝘢 𝘪𝘯𝘺𝘰. 𝘎𝘢𝘸𝘪𝘯 𝘯𝘪𝘯𝘺𝘰 𝘪𝘵𝘰 𝘣𝘪𝘭𝘢𝘯𝘨 𝘱𝘢𝘨-𝘢𝘭𝘢𝘢𝘭𝘢 𝘴𝘢 𝘢𝘬𝘪𝘯.” Pagkatapos, kinuha Niya ang inumin at sinabi, “𝘈𝘯𝘨 𝘪𝘯𝘶𝘮𝘪𝘯𝘨 𝘪𝘵𝘰 𝘢𝘯𝘨 𝘣𝘢𝘨𝘰𝘯𝘨 𝘬𝘢𝘴𝘶𝘯𝘥𝘶𝘢𝘯 𝘯𝘢 𝘱𝘪𝘯𝘢𝘨𝘵𝘪𝘣𝘢𝘺 𝘯𝘨 𝘥𝘶𝘨𝘰 𝘬𝘰𝘯𝘨 𝘮𝘢𝘣𝘶𝘣𝘶𝘩𝘰𝘴 𝘯𝘨 𝘥𝘢𝘩𝘪𝘭 𝘴𝘢 𝘪𝘯𝘺𝘰.” Higit pa ito sa isang hapunan—ito ay katuparan ng isang pangako, isang sandali na babago sa kahulugan ng pag-alala.

Habang hinahati ni Jesus ang tinapay at ibinubuhos ang inumin, ipinapakita Niya ang tunay na kahulugan ng Pista ng Paglampas ng Anghel na malapit nang matupad sa Kanya. Ang korderong isinakripisyo para sa Pista ng Paglampas ng Anghel ay tumutukoy sa 𝘛𝘶𝘱𝘢 𝘯𝘨 𝘋𝘪𝘺𝘰𝘴 na mag-aalis ng mga kasalanan ng mundo (Juan 1:29). 𝗦𝗶 𝗝𝗲𝘀𝘂𝘀 𝗮𝗻𝗴 𝗧𝘂𝗽𝗮 𝗻𝗴 𝗗𝗶𝘆𝗼𝘀, 𝗮𝗻𝗴 𝗸𝗮𝘁𝘂𝗽𝗮𝗿𝗮𝗻 𝗻𝗴 𝗸𝗮𝘀𝘂𝗻𝗱𝘂𝗮𝗻𝗴 𝗶𝗯𝗶𝗻𝗶𝗴𝗮𝘆 𝗡𝗶𝘆𝗮 𝘀𝗮 𝗞𝗮𝗻𝘆𝗮𝗻𝗴 𝗺𝗮𝗺𝗮𝗺𝗮𝘆𝗮𝗻. Ang katawan ni Jesus ay hahati-hatiin para sa atin at ang Kanyang dugo ay ibubuhos para sa kapatawaran ng ating mga kasalanan. Sa pamamagitan ng Kanyang sakripisyo, nagkaroon ng isang bagong kasunduan—hindi lamang para sa bayan ng Israel, kundi para sa lahat ng maniniwala sa Kanya.

Tulad ng mga Israelita na nailigtas mula sa kamatayan dahil sa dugo ng tupa, tayo rin ay nailigtas mula sa walang-hanggang pagkakalayo sa Diyos sa pamamagitan ng dugo ni Jesus. Ang Kanyang sakripisyo ang nagbibigay ng kaligtasan at buhay na walang hanggan. Ipinapaalala sa atin ng tinapay at inumin ang halaga ng kaligtasang iyon—ang pinira-pirasong katawan at ang ibinuhos na dugo ng ating Tagapagligtas. Ito ang bagong kasunduan: ang walang-hanggang pangako ng Diyos na biyaya, kapatawaran, at kaligtasan.

𝘚𝘢 𝘬𝘢𝘱𝘢𝘺𝘢𝘱𝘢𝘢𝘯, 𝘪𝘴𝘶𝘴𝘶𝘬𝘰 𝘬𝘰 𝘢𝘯𝘨 𝘢𝘬𝘪𝘯𝘨 𝘩𝘪𝘯𝘪𝘯𝘨𝘢,

𝘕𝘢𝘯𝘨 𝘮𝘢𝘴𝘪𝘭𝘢𝘺𝘢𝘯 𝘢𝘯𝘨 𝘐𝘺𝘰𝘯𝘨 𝘬𝘢𝘭𝘪𝘨𝘵𝘢𝘴𝘢𝘯;

𝘕𝘢𝘳𝘢𝘳𝘢𝘱𝘢𝘵 𝘴𝘢 𝘢𝘬𝘪𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘢𝘯𝘨 𝘸𝘢𝘭𝘢𝘯𝘨-𝘩𝘢𝘯𝘨𝘨𝘢𝘯𝘨 𝘬𝘢𝘮𝘢𝘵𝘢𝘺𝘢𝘯,

𝘕𝘨𝘶𝘯𝘪𝘵 𝘴𝘪 𝘑𝘦𝘴𝘶𝘴 𝘢𝘺 𝘯𝘢𝘮𝘢𝘵𝘢𝘺 𝘱𝘢𝘳𝘢 𝘴𝘢 𝘢𝘬𝘪𝘯.

𝙏𝙪𝙢𝙪𝙜𝙤𝙣

• Balikan kung paano ka nailigtas at paano mo naranasan ang pagtubos ni Cristo. Paano kumilos ang Diyos sa buhay mo at paano mo Siya nakilala? Pasalamatan ang Diyos sa pagligtas sa iyo ni Cristo.

• Isang paraan para maalala kung ano ang ginawa ni Jesus para sa atin ay ang pagdiriwang ng Kanyang kabutihan sa iba. Ngayon o sa mga susunod na araw, maglaan ng oras para makasama ang iyong pamilya o mga kaibigan sa isang salu-salo. Habang magkakasama, ibahagi ang kwento ng iyong kaligtasan at sabihin sa kanila kung ano ang ginawa ni Cristo para sa iyo.

𝙋𝙖𝙣𝙖𝙡𝙖𝙣𝙜𝙞𝙣

Panginoong Jesus, salamat po sa Iyong katawan na pinira-piraso at sa Iyong dugo na ibinuhos para sa amin. Salamat po sa pagtupad sa pangakong kaligtasan at sa pagtatatag ng isang bagong kasunduan. Tulungan Mo po kami na maalala ang Iyong sakripisyo ngayong Mahal na Araw at mamuhay sa kalayaan na ipinagkaloob Mo sa amin. Huwag po sana naming ipagwalang-bahala ang napakalaking kabayaran para matubos kami, at sana’y maibahagi namin ang Iyong pag-ibig at pag-asa sa buong mundo. Amen.