𝗪𝗔𝗥𝗠 𝗨𝗣

• Ano ang isang bagay na madaling makairita sayo?

• Paano mo masasabi na ang isang tao ay makasarili? Anong mga kilos o pag-uugali ang sa tingin mo ay tatawag ng iyong pansin?

• Itinuturing mo ba ang iyong sarili bilang isang taong mapagkumpitensya? Balikan ang isang pagkakataong nagpapaliwanag nito.

𝗪𝗢𝗥𝗗

𝘋𝘶𝘮𝘢𝘵𝘪𝘯𝘨 𝘴𝘪𝘭𝘢 𝘴𝘢 𝘊𝘢𝘱𝘦𝘳𝘯𝘢𝘶𝘮. 𝘈𝘵 𝘯𝘢𝘯𝘨 𝘯𝘢𝘴𝘢 𝘣𝘢𝘩𝘢𝘺 𝘯𝘢 𝘴𝘪𝘭𝘢, 𝘵𝘪𝘯𝘢𝘯𝘰𝘯𝘨 𝘴𝘪𝘭𝘢 𝘯𝘪 𝘑𝘦𝘴𝘶𝘴, “𝘈𝘯𝘰 𝘣𝘢 𝘢𝘯𝘨 𝘱𝘪𝘯𝘢𝘨𝘵𝘢𝘵𝘢𝘭𝘶𝘯𝘢𝘯 𝘯𝘪𝘯𝘺𝘰 𝘬𝘢𝘯𝘪𝘯𝘢 𝘴𝘢 𝘥𝘢𝘢𝘯?” 𝘏𝘪𝘯𝘥𝘪 𝘴𝘪𝘭𝘢 𝘴𝘶𝘮𝘢𝘨𝘰𝘵, 𝘥𝘢𝘩𝘪𝘭 𝘢𝘯𝘨 𝘱𝘪𝘯𝘢𝘨𝘵𝘢𝘵𝘢𝘭𝘶𝘯𝘢𝘯 𝘯𝘪𝘭𝘢 𝘢𝘺 𝘬𝘶𝘯𝘨 𝘴𝘪𝘯𝘰 𝘴𝘢 𝘬𝘢𝘯𝘪𝘭𝘢 𝘢𝘯𝘨 𝘱𝘪𝘯𝘢𝘬𝘢𝘥𝘢𝘬𝘪𝘭𝘢. 𝘒𝘢𝘺𝘢 𝘶𝘮𝘶𝘱𝘰 𝘴𝘪 𝘑𝘦𝘴𝘶𝘴 𝘢𝘵 𝘵𝘪𝘯𝘢𝘸𝘢𝘨 𝘢𝘯𝘨 12 𝘢𝘱𝘰𝘴𝘵𝘰𝘭, 𝘢𝘵 𝘴𝘪𝘯𝘢𝘣𝘪 𝘴𝘢 𝘬𝘢𝘯𝘪𝘭𝘢, “𝘈𝘯𝘨 𝘴𝘪𝘯𝘶𝘮𝘢𝘯 𝘴𝘢 𝘪𝘯𝘺𝘰 𝘯𝘢 𝘨𝘶𝘴𝘵𝘰𝘯𝘨 𝘮𝘢𝘨𝘪𝘯𝘨 𝘱𝘪𝘯𝘢𝘬𝘢𝘥𝘢𝘬𝘪𝘭𝘢 𝘴𝘢 𝘭𝘢𝘩𝘢𝘵 𝘢𝘺 𝘥𝘢𝘱𝘢𝘵 𝘮𝘢𝘨𝘱𝘢𝘬𝘢𝘣𝘢𝘣𝘢 𝘢𝘵 𝘮𝘢𝘨𝘪𝘯𝘨 𝘭𝘪𝘯𝘨𝘬𝘰𝘥 𝘯𝘨 𝘭𝘢𝘩𝘢𝘵.” 𝗠𝗔𝗥𝗖𝗢𝗦 𝟵:𝟯𝟯-𝟯𝟱

Naisip mo na ba kung ano ang pakiramdam nang mapabilang sa mga tinawag ni Jesus noong nabubuhay pa Siya sa lupa? Bagama’t magiging kapana-panabik ito, hindi ito magiging madali. Dagdag pa sa mga pagsalungat na hinarap Niya, nagkagulo rin ang Kanyang mga disipulo, na kinailangang matutong sumunod kay Jesus nang sama-sama. Tulad ng mga ugnayan sa iglesya natin ngayon, kailangan nating humanap ng paraan para magkasundo. Dinisenyo tayo ng Diyos para makipag-ugnayan sa mga kapwa natin mananampalataya—para mahalin at patawarin ang isa’t isa, at sama-samang paglingkuran si Jesus. Sa araling ito, makikita natin na ang ugnayan natin sa isa’t isa ay dapat na nakabatay sa pinag-usapan ni Jesus at ng Kanyang labindalawang disipulo.

𝟭. 𝗔𝗻𝗴 𝘂𝗴𝗻𝗮𝘆𝗮𝗻 𝗻𝗮𝘁𝗶𝗻 𝘀𝗮 𝗶𝘀𝗮’𝘁 𝗶𝘀𝗮 𝗮𝘆 𝗱𝗮𝗽𝗮𝘁 𝗸𝗮𝗸𝗶𝘁𝗮𝗮𝗻 𝗻𝗴 𝗽𝗮𝗴𝘁𝘂𝘁𝘂𝗹𝘂𝗻𝗴𝗮𝗻 𝗮𝘁 𝗵𝗶𝗻𝗱𝗶 𝗸𝗼𝗺𝗽𝗲𝘁𝗶𝘀𝘆𝗼𝗻.

𝘏𝘪𝘯𝘥𝘪 𝘴𝘪𝘭𝘢 𝘴𝘶𝘮𝘢𝘨𝘰𝘵, 𝘥𝘢𝘩𝘪𝘭 𝘢𝘯𝘨 𝘱𝘪𝘯𝘢𝘨𝘵𝘢𝘵𝘢𝘭𝘶𝘯𝘢𝘯 𝘯𝘪𝘭𝘢 𝘢𝘺 𝘬𝘶𝘯𝘨 𝘴𝘪𝘯𝘰 𝘴𝘢 𝘬𝘢𝘯𝘪𝘭𝘢 𝘢𝘯𝘨 𝘱𝘪𝘯𝘢𝘬𝘢𝘥𝘢𝘬𝘪𝘭𝘢. 𝗠𝗔𝗥𝗖𝗢𝗦 𝟵:𝟯𝟰

Sa sinaunang kulturang Romano, nakikilala ang pinakadakilang tao sa pamamagitan ng direktang pakikipagharap sa iba. Dahil dito, masisisi mo ba talaga ang mga disipulo sa kagustuhan nilang maging dakila at kahit paano ay makipagkumpitensya sa isa’t isa? Bahagi ito ng pagiging likas na makasalanan ng tao. Kaya diretso itong hinarap ni Jesus at tinanong Niya kung ano ang pinag-uusapan nila. Si Jesus ay may kakayahang harapin kung ano ba talaga ang kailangang ituwid sa ating mga buhay. Sa kaharian ng Diyos, ang mga ugnayan natin ay dinisenyo para sa pagmamahalan at hindi para sa kompetisyon o makasariling kagustuhan. Tinawag tayo upang ibahagi ang buhay natin sa isa’t isa nang may iisang layunin—ang makipag-ugnayan sa mga naliligaw ng landas at makapagdisipulo. Anong mga panganib ang dala ng kaisipan na ang ugnayan sa pagitan ng mga mananampalataya ay isang kompetisyon? Sa halip, paano tayo makakapagtulungan para sa pagsulong ng kaharian ng Diyos?

𝟮. 𝗔𝗻𝗴 𝘂𝗴𝗻𝗮𝘆𝗮𝗻 𝗻𝗮𝘁𝗶𝗻 𝘀𝗮 𝗶𝘀𝗮’𝘁 𝗶𝘀𝗮 𝗮𝘆 𝗱𝗮𝗽𝗮𝘁 𝗸𝗮𝗸𝗶𝘁𝗮𝗮𝗻 𝗻𝗴 𝗽𝗮𝗴𝗹𝗶𝗹𝗶𝗻𝗴𝗸𝗼𝗱 𝗮𝘁 𝗵𝗶𝗻𝗱𝗶 𝗻𝗴 𝗸𝗮𝗴𝘂𝘀𝘁𝘂𝗵𝗮𝗻𝗴 𝗺𝗮𝗽𝗮𝗴𝗹𝗶𝗻𝗴𝗸𝘂𝗿𝗮𝗻.

𝘒𝘢𝘺𝘢 𝘶𝘮𝘶𝘱𝘰 𝘴𝘪 𝘑𝘦𝘴𝘶𝘴 𝘢𝘵 𝘵𝘪𝘯𝘢𝘸𝘢𝘨 𝘢𝘯𝘨 12 𝘢𝘱𝘰𝘴𝘵𝘰𝘭, 𝘢𝘵 𝘴𝘪𝘯𝘢𝘣𝘪 𝘴𝘢 𝘬𝘢𝘯𝘪𝘭𝘢, “𝘈𝘯𝘨 𝘴𝘪𝘯𝘶𝘮𝘢𝘯 𝘴𝘢 𝘪𝘯𝘺𝘰 𝘯𝘢 𝘨𝘶𝘴𝘵𝘰𝘯𝘨 𝘮𝘢𝘨𝘪𝘯𝘨 𝘱𝘪𝘯𝘢𝘬𝘢𝘥𝘢𝘬𝘪𝘭𝘢 𝘴𝘢 𝘭𝘢𝘩𝘢𝘵 𝘢𝘺 𝘥𝘢𝘱𝘢𝘵 𝘮𝘢𝘨𝘱𝘢𝘬𝘢𝘣𝘢𝘣𝘢 𝘢𝘵 𝘮𝘢𝘨𝘪𝘯𝘨 𝘭𝘪𝘯𝘨𝘬𝘰𝘥 𝘯𝘨 𝘭𝘢𝘩𝘢𝘵.” 𝗠𝗔𝗥𝗖𝗢𝗦 𝟵:𝟯𝟱

Binigyan ni Jesus ang Kanyang mga disipulo ng mahalagang prinsipyo sa pamumuno na hindi nila (at hindi rin natin) dapat kalimutan: Maglingkod. Kung iniisip nating mas mahusay tayo kaysa sa iba, maaaring umasa tayo na paglilingkuran tayo ng iba o maaaring tanggihan natin ang paglilingkod sa iba. Pero sinabi ni Jesus na ang mga mangunguna—ang mga namumuno—ay dapat maging huli at maglingkod sa lahat. Paano ito sumasalungat sa mga nakasanayan natin bilang isang lipunan? Ano sa palagay mo ang naging reaksyon ng mga disipulo dito? Paano nila ito natutunang isapuso?

𝟯. 𝗦𝗶 𝗖𝗿𝗶𝘀𝘁𝗼 𝗮𝗻𝗴 𝗱𝗮𝗽𝗮𝘁 𝗻𝗮 𝗽𝘂𝗻𝗱𝗮𝘀𝘆𝗼𝗻 𝗻𝗴 𝘂𝗴𝗻𝗮𝘆𝗮𝗻 𝗻𝗮𝘁𝗶𝗻 𝘀𝗮 𝗶𝘀𝗮’𝘁 𝗶𝘀𝗮 𝗮𝘁 𝗵𝗶𝗻𝗱𝗶 𝗮𝗻𝗴 𝗺𝗴𝗮 𝗽𝗮𝗴𝗸𝗮𝗸𝗮𝘁𝘂𝗹𝗮𝗱 𝘀𝗮 𝗸𝘂𝗹𝘁𝘂𝗿𝗮.

𝘒𝘶𝘮𝘶𝘩𝘢 𝘴𝘪 𝘑𝘦𝘴𝘶𝘴 𝘯𝘨 𝘪𝘴𝘢𝘯𝘨 𝘮𝘢𝘭𝘪𝘪𝘵 𝘯𝘢 𝘣𝘢𝘵𝘢 𝘢𝘵 𝘱𝘪𝘯𝘢𝘵𝘢𝘺𝘰 𝘴𝘢 𝘩𝘢𝘳𝘢𝘱𝘢𝘯 𝘯𝘪𝘭𝘢. 𝘗𝘢𝘨𝘬𝘢𝘵𝘢𝘱𝘰𝘴, 𝘬𝘪𝘯𝘢𝘭𝘰𝘯𝘨 𝘯𝘪𝘺𝘢 𝘪𝘵𝘰 𝘢𝘵 𝘴𝘪𝘯𝘢𝘣𝘪 𝘴𝘢 𝘬𝘢𝘯𝘪𝘭𝘢, “𝘈𝘯𝘨 𝘴𝘪𝘯𝘶𝘮𝘢𝘯𝘨 𝘵𝘶𝘮𝘢𝘵𝘢𝘯𝘨𝘨𝘢𝘱 𝘴𝘢 𝘣𝘢𝘵𝘢𝘯𝘨 𝘵𝘶𝘭𝘢𝘥 𝘯𝘪𝘵𝘰 𝘥𝘢𝘩𝘪𝘭 𝘴𝘢 𝘢𝘬𝘪𝘯 𝘢𝘺 𝘵𝘶𝘮𝘢𝘵𝘢𝘯𝘨𝘨𝘢𝘱 𝘥𝘪𝘯 𝘴𝘢 𝘢𝘬𝘪𝘯. 𝘈𝘵 𝘢𝘯𝘨 𝘵𝘶𝘮𝘢𝘵𝘢𝘯𝘨𝘨𝘢𝘱 𝘴𝘢 𝘢𝘬𝘪𝘯 𝘢𝘺 𝘵𝘶𝘮𝘢𝘵𝘢𝘯𝘨𝘨𝘢𝘱 𝘴𝘢 𝘢𝘬𝘪𝘯𝘨 𝘈𝘮𝘢𝘯𝘨 𝘯𝘢𝘨𝘴𝘶𝘨𝘰 𝘴𝘢 𝘢𝘬𝘪𝘯.” 𝗠𝗔𝗥𝗖𝗢𝗦 𝟵:𝟯𝟲-𝟯𝟳

Ang kadalasang nagbubuklod sa mga tao ay ang mga bagay na magkakapareho sa kanilang kultura. Pero kung sa ating mga sarili lang, maaaring karamihan sa atin ay wala gaanong pagkakatulad kung wala si Cristo at malamang ay hindi tayo magkakasundo-sundo. Ngunit ngayong tayo ay magkakapatid na kay Cristo, dapat tayong mamuhay sa paraang magbibigay-parangal sa Diyos lamang, sa kabila ng mga pagkakaiba natin. Binago ni Jesus ang pag-iisip ng Kanyang mga disipulo. Itinuro Niya sa kanila na ang ating ugnayan sa isa’t isa ay dapat na nakabatay sa ating ugnayan sa Kanya. Kapag naintindihan natin na ang pagtanggap sa ating mga kapatid ay nangangahulugan ng pagtanggap kay Cristo at sa Ama, babaguhin nito ang paraan ng pakikipag-ugnayan natin sa isa’t isa. Ano ang sinasabi ng Mateo 25:35–40 tungkol sa dapat na pakikitungo natin sa kapwa natin mananampalataya.

𝗔𝗣𝗣𝗟𝗜𝗖𝗔𝗧𝗜𝗢𝗡

• Minsan ba ay itinuturing mo ang iyong mga ugnayan at ministeryo bilang isang kompetisyon? Sa tingin mo, paano binabago ni Jesus ang iyong pag-iisip at pamumuhay ngayon?

• Ano ang isang bagay na maaari ninyong gawin upang lumago sa pakikipag-ugnayan ninyo sa isa’t isa? Paano ninyo mapaglilingkuran ang isa’t isa simula sa linggong ito?

• Ano sa palagay mo ang ibig sabihin ng pagtanggap “𝘴𝘢 𝘣𝘢𝘵𝘢𝘯𝘨 𝘵𝘶𝘭𝘢𝘥 𝘯𝘪𝘵𝘰” sa pangalan ni Jesus? Paano mo matatanggap ang mga kailangang makakilala kay Cristo ngayon?

𝗣𝗥𝗔𝗬𝗘𝗥

• Pasalamatan ang Diyos sa pag-akay Niya sa iyo tungo sa Kanyang pamilya at sa pagligtas Niya sa iyo. Pasalamatan Siya para sa mga ugnayang binigay Niya para pagpalain ka.

• Ipanalangin na ang mga ugnayan mo ay maitatag kay Cristo at kakitaan ng pagmamahal at paglilingkod. Kung kinakailangan, magsisi sa pakikipagkumpitensya mo sa iyong mga ugnayan.

• Ipanalangin na marami ang mapalapit kay Cristo dahil sa pag-ibig ng Diyos na inihayag sa mundo sa pamamagitan ng Iglesya.