𝗪𝗔𝗥𝗠 𝗨𝗣

• Ano ang ilan sa mga paborito mong group activity?

• Sa tingin mo ba ay introverted ka o extroverted? Ano ang ginagawa mo kapag nalalagay ka sa mga sitwasyong hindi ka komportable?

• Ibahagi ang grupo na tiyak na pupuntahan o kakausapin mo—mga taong madalas mong kausapin at balitaan tungkol sa mga nangyayari sa iyo. Paano mo sila naging kaibigan?

𝗪𝗢𝗥𝗗

𝘕𝘢𝘨𝘪𝘯𝘨 𝘮𝘢𝘴𝘪𝘨𝘢𝘴𝘪𝘨 𝘴𝘪𝘭𝘢 𝘴𝘢 𝘱𝘢𝘨-𝘢𝘢𝘳𝘢𝘭 𝘯𝘨 𝘮𝘨𝘢 𝘪𝘵𝘪𝘯𝘶𝘵𝘶𝘳𝘰 𝘯𝘨 𝘮𝘨𝘢 𝘢𝘱𝘰𝘴𝘵𝘰𝘭, 𝘴𝘢 𝘱𝘢𝘨𝘵𝘪𝘵𝘪𝘱𝘰𝘯 𝘣𝘪𝘭𝘢𝘯𝘨 𝘮𝘢𝘨𝘬𝘢𝘬𝘢𝘱𝘢𝘵𝘪𝘥, 𝘴𝘢 𝘱𝘢𝘨𝘩𝘢𝘩𝘢𝘵𝘪-𝘩𝘢𝘵𝘪 𝘯𝘨 𝘵𝘪𝘯𝘢𝘱𝘢𝘺, 𝘢𝘵 𝘴𝘢 𝘱𝘢𝘯𝘢𝘯𝘢𝘭𝘢𝘯𝘨𝘪𝘯. 𝗠𝗚𝗔 𝗚𝗔𝗪𝗔 𝟮:𝟰𝟮

(Basahin din ang 𝗠𝗚𝗔 𝗚𝗔𝗪𝗔 𝟮:𝟰𝟯-𝟰𝟳)

Isipin mo na isa ka sa mga unang disipulo ni Jesus at bahagi ka ng sinaunang iglesya. Kahit hindi inaasahang magsasama-sama sila, marami silang pinagdaanan bilang isang grupo—mula sa tawag na sumunod kay Jesus hanggang sa Kanyang kamatayan, muling pagkabuhay, at pag-akyat sa langit, hanggang sa pagiging puspos ng Banal na Espiritu. Ngayon, ang grupo nila—ang iglesya, ang mga tinawag—ay patuloy sa paglago sa bawat paglipas ng araw. Marahil ay pareho itong nakakapanabik at nakakakaba. Nagpatuloy sila sa pagsunod kay Jesus, nakaranas ng pagbabago sa kanilang buhay, at hindi nagtagal ay nagdala sila ng pagbabago sa buong mundo. Sila ay tinawag at inatasan ng Diyos para sa isang layunin na maaari lamang maisakatuparan kung sila ay magsasama-sama. Ito ang talagang disenyo ng Diyos para sa iglesya—isang pagtitipon-tipon o pagsasama-sama ng mga tao. Sa araling ito, titingnan natin ang mga karanasang magkakasama nilang pinagdaanan bilang isang komunidad at ang mga resulta nito.

𝟭. 𝗔𝗻𝗴 𝘀𝗶𝗻𝗮𝘂𝗻𝗮𝗻𝗴 𝗶𝗴𝗹𝗲𝘀𝘆𝗮 𝗮𝘆 𝗻𝗮𝗴𝘁𝗶𝗽𝗼𝗻-𝘁𝗶𝗽𝗼𝗻.

𝘕𝘢𝘨𝘪𝘯𝘨 𝘮𝘢𝘴𝘪𝘨𝘢𝘴𝘪𝘨 𝘴𝘪𝘭𝘢 𝘴𝘢 𝘱𝘢𝘨-𝘢𝘢𝘳𝘢𝘭 𝘯𝘨 𝘮𝘨𝘢 𝘪𝘵𝘪𝘯𝘶𝘵𝘶𝘳𝘰 𝘯𝘨 𝘮𝘨𝘢 𝘢𝘱𝘰𝘴𝘵𝘰𝘭, 𝘴𝘢 𝘱𝘢𝘨𝘵𝘪𝘵𝘪𝘱𝘰𝘯 𝘣𝘪𝘭𝘢𝘯𝘨 𝘮𝘢𝘨𝘬𝘢𝘬𝘢𝘱𝘢𝘵𝘪𝘥, 𝘴𝘢 𝘱𝘢𝘨𝘩𝘢𝘩𝘢𝘵𝘪-𝘩𝘢𝘵𝘪 𝘯𝘨 𝘵𝘪𝘯𝘢𝘱𝘢𝘺, 𝘢𝘵 𝘴𝘢 𝘱𝘢𝘯𝘢𝘯𝘢𝘭𝘢𝘯𝘨𝘪𝘯. 𝗠𝗚𝗔 𝗚𝗔𝗪𝗔 𝟮:𝟰𝟮

Ang mga disipulo—ang mga dati pa at ang mga bago—ay itinuon ang kanilang mga sarili sa pinakamahalagang bagay: ang kilalanin ang Diyos at maging bahagi ng isang komunidad. Nagsumikap sila para magtipon-tipon at sama-samang lumago. Sa tingin mo, bakit ito mahalaga? Ano sa tingin mo ang mangyayari kung mawala natin ito?

𝟮. 𝗡𝗮𝗿𝗮𝗻𝗮𝘀𝗮𝗻 𝗻𝗴 𝘀𝗶𝗻𝗮𝘂𝗻𝗮𝗻𝗴 𝗶𝗴𝗹𝗲𝘀𝘆𝗮 𝗮𝗻𝗴 𝗗𝗶𝘆𝗼𝘀 𝗻𝗮𝗻𝗴 𝘀𝗮𝗺𝗮-𝘀𝗮𝗺𝗮 𝗮𝘁 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗯𝗮𝘄𝗮𝘁 𝗶𝘀𝗮.

𝘔𝘢𝘳𝘢𝘮𝘪𝘯𝘨 𝘩𝘪𝘮𝘢𝘭𝘢 𝘢𝘵 𝘬𝘢𝘮𝘢𝘯𝘨𝘩𝘢-𝘮𝘢𝘯𝘨𝘩𝘢𝘯𝘨 𝘨𝘪𝘯𝘢𝘸𝘢 𝘢𝘯𝘨 𝘋𝘪𝘺𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘮𝘨𝘢 𝘢𝘱𝘰𝘴𝘵𝘰𝘭. 𝘒𝘢𝘺𝘢 𝘯𝘢𝘮𝘶𝘩𝘢𝘺 𝘢𝘯𝘨 𝘮𝘨𝘢 𝘵𝘢𝘰 𝘯𝘢𝘯𝘨 𝘮𝘢𝘺 𝘱𝘢𝘨𝘨𝘢𝘭𝘢𝘯𝘨 𝘢𝘵 𝘵𝘢𝘬𝘰𝘵 𝘴𝘢 𝘋𝘪𝘺𝘰𝘴. 𝘔𝘢𝘨𝘢𝘯𝘥𝘢 𝘢𝘯𝘨 𝘱𝘢𝘨𝘴𝘢𝘴𝘢𝘮𝘢𝘩𝘢𝘯 𝘯𝘨 𝘮𝘨𝘢 𝘮𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢, 𝘢𝘵 𝘱𝘪𝘯𝘢𝘨-𝘪𝘴𝘢 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘢𝘳𝘪-𝘢𝘳𝘪𝘢𝘯 𝘱𝘢𝘳𝘢 𝘮𝘢𝘬𝘢𝘣𝘢𝘩𝘢𝘨𝘪 𝘢𝘯𝘨 𝘭𝘢𝘩𝘢𝘵. 𝘐𝘱𝘪𝘯𝘢𝘨𝘣𝘪𝘭𝘪 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘭𝘶𝘱𝘢 𝘢𝘵 𝘮𝘨𝘢 𝘢𝘳𝘪-𝘢𝘳𝘪𝘢𝘯, 𝘢𝘵 𝘢𝘯𝘨 𝘱𝘦𝘳𝘢ʼ𝘺 𝘪𝘱𝘪𝘯𝘢𝘮𝘢𝘩𝘢𝘨𝘪 𝘯𝘪𝘭𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘮𝘢 𝘢𝘺𝘰𝘯 𝘴𝘢 𝘱𝘢𝘯𝘨𝘢𝘯𝘨𝘢𝘪𝘭𝘢𝘯𝘨𝘢𝘯 𝘯𝘨 𝘣𝘢𝘸𝘢𝘵 𝘪𝘴𝘢. 𝘈𝘳𝘢𝘸-𝘢𝘳𝘢𝘸, 𝘯𝘢𝘨𝘵𝘪𝘵𝘪𝘱𝘰𝘯 𝘴𝘪𝘭𝘢 𝘴𝘢 𝘵𝘦𝘮𝘱𝘭𝘰 𝘢𝘵 𝘯𝘢𝘨𝘩𝘢𝘩𝘢𝘵𝘪-𝘩𝘢𝘵𝘪 𝘯𝘨 𝘵𝘪𝘯𝘢𝘱𝘢𝘺 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘩𝘢𝘺. 𝘓𝘶𝘣𝘰𝘴 𝘢𝘯𝘨 𝘬𝘢𝘨𝘢𝘭𝘢𝘬𝘢𝘯 𝘯𝘪𝘭𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘱𝘢𝘬𝘪𝘬𝘪𝘣𝘢𝘩𝘢𝘨𝘪 𝘴𝘢 𝘱𝘢𝘨𝘬𝘢𝘪𝘯 . . . 𝗠𝗚𝗔 𝗚𝗔𝗪𝗔 𝟮:𝟰𝟯-𝟰𝟲

Habang itinuon nila ang kanilang mga sarili sa Diyos, naranasan nila ang Kanyang kapangyarihan at mga himala. Naging tapat sila rito, at patuloy nilang nakasama ang Diyos (Mateo 18:20). Bilang isang komunidad, naranasan nila ang Diyos sa pamamagitan ng bawat isa. Tinulungan nila ang isa’t isa na makilala ang Diyos at ang Kanyang salita, ibinahagi nila ang kanilang buhay sa bawat isa, at tinugunan nila ang pangangailangan ng bawat isa. Sa tingin mo, ano ang matututunan ng ating iglesya mula sa karanasan ng sinaunang iglesya.

𝟯. 𝗔𝗻𝗴 𝘀𝗶𝗻𝗮𝘂𝗻𝗮𝗻𝗴 𝗶𝗴𝗹𝗲𝘀𝘆𝗮 𝗮𝘆 𝗻𝗮𝗸𝗮𝗸𝘂𝗵𝗮 𝗻𝗴 𝗽𝗮𝗯𝗼𝗿 𝗺𝘂𝗹𝗮 𝘀𝗮 𝗸𝗼𝗺𝘂𝗻𝗶𝗱𝗮𝗱 𝘀𝗮 𝗸𝗮𝗻𝗶𝗹𝗮𝗻𝗴 𝗽𝗮𝗹𝗶𝗴𝗶𝗱.

. . . 𝘢𝘵 𝘱𝘢𝘭𝘢𝘨𝘪 𝘴𝘪𝘭𝘢𝘯𝘨 𝘯𝘢𝘨𝘱𝘶𝘱𝘶𝘳𝘪 𝘴𝘢 𝘋𝘪𝘺𝘰𝘴. 𝘕𝘢𝘨𝘶𝘴𝘵𝘶𝘩𝘢𝘯 𝘴𝘪𝘭𝘢 𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰. 𝘈𝘳𝘢𝘸-𝘢𝘳𝘢𝘸 𝘢𝘺 𝘪𝘥𝘪𝘯𝘢𝘳𝘢𝘨𝘥𝘢𝘨 𝘴𝘢 𝘬𝘢𝘯𝘪𝘭𝘢 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘬𝘢𝘯𝘺𝘢𝘯𝘨 𝘪𝘯𝘪𝘭𝘪𝘭𝘪𝘨𝘵𝘢𝘴. 𝗠𝗚𝗔 𝗚𝗔𝗪𝗔 𝟮:𝟰𝟳

Nararanasan natin ang Diyos bilang isang komunidad. Hindi lamang ito nagdudulot ng ating espiritwal na paglago, kundi nagiging dahilan din ito upang makilala ng iba ang Diyos. Dahil ipinahayag ng sinaunang iglesya ang Diyos sa iba, sila ay nakatanggap ng pabor mula sa kanilang komunidad. Dahil dito, araw-araw ay maraming tao ang nakakakilala sa Diyos. Bilang bahagi ng Iglesya sa kasalukuyang panahon, paano tayo nakikinabang mula sa ginawa ng sinaunang iglesya? Ano ang papel na ginagampanan ng Iglesya sa mundong nagmamasid sa kasalukuyan?

𝗔𝗣𝗣𝗟𝗜𝗖𝗔𝗧𝗜𝗢𝗡

• Paano mo pinahahalagahan ang pagtitipon-tipon bilang isang iglesya? Paano mo ito maipapahayag linggo-linggo sa pamamagitan ng iyong salita at gawa?

• Sa anong komunidad o mga komunidad mo naranasan ang Diyos? Paano ka natulungan ng komunidad na ito sa iyong espiritwal na paglago? Paano mo natulungan ang iba sa kanilang ugnayan sa Diyos?

• Ano ang panalangin mo para sa iyong lokal na iglesya at para sa pangkalahatang Iglesya?

𝗣𝗥𝗔𝗬𝗘𝗥

• Pasalamatan ang Diyos sa komunidad kung saan ka Niya inilagay. Magbigkas ng pagpapala para sa kanila.

• Ipanalangin na mananatili ka at patuloy mong mararanasan ang presensya ng Diyos bilang bahagi ng isang komunidad.

• Ipanalangin na makatanggap ng pabor ang iyong iglesya mula sa mga komunidad sa paligid nito, maipangaral ang ebanghelyo, at mas marami pang tao ang madagdag sa Iglesya.