𝗪𝗔𝗥𝗠 𝗨𝗣

• Magbahagi ng isang nakakagulat na balita na narinig mo kamakailan lang. Ano tungkol dito ang kumuha ng atensyon mo?

• Balikan ang isang pagkakataon kung kailan napili ka para gawin ang isang trabaho o proyekto. Paano ka tumugon?

• Kapag may mga kinakaharap kang pagsubok, hinihintay mo bang bumuti ang sitwasyon o pinipilit mong malagpasan ito? Bakit?

𝗪𝗢𝗥𝗗

𝘕𝘢𝘯𝘨 𝘪𝘬𝘢𝘢𝘯𝘪𝘮 𝘯𝘢 𝘣𝘶𝘸𝘢𝘯 𝘯𝘨 𝘱𝘢𝘨𝘣𝘶𝘣𝘶𝘯𝘵𝘪𝘴 𝘯𝘪 𝘌𝘭𝘪𝘻𝘢𝘣𝘦𝘵, 𝘪𝘯𝘶𝘵𝘶𝘴𝘢𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘢𝘯𝘨𝘩𝘦𝘭 𝘯𝘢 𝘴𝘪 𝘎𝘢𝘣𝘳𝘪𝘦𝘭 𝘯𝘢 𝘱𝘶𝘮𝘶𝘯𝘵𝘢 𝘴𝘢 𝘯𝘢𝘺𝘰𝘯 𝘯𝘨 𝘕𝘢𝘻𝘢𝘳𝘦𝘵 𝘴𝘢 𝘎𝘢𝘭𝘪𝘭𝘦𝘢. 𝘗𝘪𝘯𝘢𝘱𝘶𝘯𝘵𝘢 𝘴𝘪𝘺𝘢 𝘴𝘢 𝘪𝘴𝘢𝘯𝘨 𝘣𝘪𝘳𝘩𝘦𝘯 𝘯𝘢 𝘢𝘯𝘨 𝘱𝘢𝘯𝘨𝘢𝘭𝘢𝘯 𝘢𝘺 𝘔𝘢𝘳𝘪𝘢. 𝘕𝘢𝘬𝘢𝘵𝘢𝘬𝘥𝘢 𝘯𝘢𝘯𝘨 𝘪𝘬𝘢𝘴𝘢𝘭 𝘴𝘪 𝘔𝘢𝘳𝘪𝘢 𝘬𝘢𝘺 𝘑𝘰𝘴𝘦 𝘯𝘢 𝘮𝘶𝘭𝘢 𝘴𝘢 𝘭𝘢𝘩𝘪 𝘯𝘪 𝘏𝘢𝘳𝘪𝘯𝘨 𝘋𝘢𝘷𝘪𝘥. 𝘚𝘪𝘯𝘢𝘣𝘪 𝘯𝘪 𝘎𝘢𝘣𝘳𝘪𝘦𝘭 𝘬𝘢𝘺 𝘔𝘢𝘳𝘪𝘢, “𝘔𝘢𝘵𝘶𝘸𝘢 𝘬𝘢, 𝘔𝘢𝘳𝘪𝘢, 𝘪𝘬𝘢𝘸 𝘯𝘢 𝘱𝘪𝘯𝘢𝘨𝘱𝘢𝘭𝘢 𝘯𝘨 𝘋𝘪𝘺𝘰𝘴. 𝘚𝘶𝘮𝘢𝘴𝘢𝘪𝘺𝘰 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯.” 𝗟𝗨𝗖𝗔𝗦 𝟭:𝟮𝟲–𝟮𝟴

(Basahin din ang 𝗟𝗨𝗖𝗔𝗦 𝟭:𝟮𝟵–𝟯𝟴 at 𝗠𝗔𝗧𝗘𝗢 𝟭:𝟭𝟴–𝟮𝟱.)

Ang Pasko ay isang pagdiriwang dahil si Jesus ang pinakadakilang himalang maaari nating matanggap. Pero kung babalikan natin ang unang Pasko, makikita nating magulo ito. Ang relasyon nina Maria at Jose ay hindi inaasahang nagbago. Ang magiging Tagapagligtas at Hari ay walang lugar kung saan Siya maipapanganak. Totoo ngang may magandang plano ang Diyos para sa sangkatauhan, pero intensyonal at nakikibahagi din Siya sa personal na buhay ng mga taong kasangkot sa unang Pasko. Gumawa ang Diyos ng himala sa kanila at sa pamamagitan nila upang Siya ay makilala ng mundo. Ngayong kapaskuhan, sa pagtatapos ng taon kung kailan nagtiwala tayong gagawa ang Diyos ng mga himala, alamin natin kung paano Niya ginagawa ang mga himala sa atin at sa pamamagitan natin.

𝟭. 𝗣𝗶𝗻𝗶𝗹𝗶 𝗻𝗴 𝗗𝗶𝘆𝗼𝘀 𝘀𝗶 𝗠𝗮𝗿𝗶𝗮 𝘂𝗽𝗮𝗻𝗴 𝗺𝗮𝗵𝗶𝗺𝗮𝗹𝗮𝗻𝗴 𝗶𝗽𝗮𝗴𝗯𝘂𝗻𝘁𝗶𝘀 𝘀𝗶 𝗖𝗿𝗶𝘀𝘁𝗼.

𝘒𝘢𝘺𝘢 𝘴𝘪𝘯𝘢𝘣𝘪 𝘴𝘢 𝘬𝘢𝘯𝘺𝘢 𝘯𝘨 𝘢𝘯𝘨𝘩𝘦𝘭, “𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵, 𝘔𝘢𝘳𝘪𝘢, 𝘥𝘢𝘩𝘪𝘭 𝘱𝘪𝘯𝘢𝘨𝘱𝘢𝘭𝘢 𝘬𝘢 𝘯𝘨 𝘋𝘪𝘺𝘰𝘴. 𝘔𝘢𝘨𝘣𝘶𝘣𝘶𝘯𝘵𝘪𝘴 𝘬𝘢 𝘢𝘵 𝘮𝘢𝘯𝘨𝘢𝘯𝘨𝘢𝘯𝘢𝘬 𝘯𝘨 𝘪𝘴𝘢𝘯𝘨 𝘭𝘢𝘭𝘢𝘬𝘪, 𝘢𝘵 𝘱𝘢𝘱𝘢𝘯𝘨𝘢𝘭𝘢𝘯𝘢𝘯 𝘮𝘰 𝘴𝘪𝘺𝘢𝘯𝘨 𝘑𝘦𝘴𝘶𝘴.” 𝗟𝗨𝗖𝗔𝗦 𝟭:𝟯𝟬-𝟯𝟭

Nang magpadala ang Diyos ng anghel para kausapin si Maria, hindi niya maintindihan kung bakit ito nangyayari. Sinabihan siya ng anghel na huwag matakot at na magkakaroon siya ng anak na lalaki, ang 𝘈𝘯𝘢𝘬 𝘯𝘨 𝘒𝘢𝘵𝘢𝘢𝘴-𝘵𝘢𝘢𝘴𝘢𝘯𝘨 𝘋𝘪𝘺𝘰𝘴 na magiging Hari. Nag-alangan siya, pero tiniyak sa kanya ng Diyos na nasa kanya ang Banal na Espiritu, sa kanya at sa pamamagitan niya, gagawa ang Banal na Espiritu ng mga himala dahil 𝘸𝘢𝘭𝘢𝘯𝘨 𝘪𝘮𝘱𝘰𝘴𝘪𝘣𝘭𝘦 𝘴𝘢 𝘋𝘪𝘺𝘰𝘴. Habang pinakikinggan ito ni Maria, pinili niyang maniwala at sumunod sa Diyos. Paano ka tutugon kung pinili ka ng Diyos upang tuparin ang isang bagay na mahirap maunawaan pero napakahalaga?

𝟮. 𝗧𝗶𝗻𝗶𝘆𝗮𝗸 𝗻𝗴 𝗗𝗶𝘆𝗼𝘀 𝗸𝗮𝘆 𝗝𝗼𝘀𝗲 𝗻𝗮 𝗺𝗮𝘆 𝗺𝗮𝗵𝗶𝗺𝗮𝗹𝗮 𝗦𝗶𝘆𝗮𝗻𝗴 𝗽𝗹𝗮𝗻𝗼.

𝘏𝘢𝘣𝘢𝘯𝘨 𝘱𝘪𝘯𝘢𝘨-𝘪𝘪𝘴𝘪𝘱𝘢𝘯 𝘪𝘵𝘰 𝘯𝘪 𝘑𝘰𝘴𝘦, 𝘯𝘢𝘨𝘱𝘢𝘬𝘪𝘵𝘢 𝘴𝘢 𝘬𝘢𝘯𝘺𝘢 𝘴𝘢 𝘱𝘢𝘯𝘢𝘨𝘪𝘯𝘪𝘱 𝘢𝘯𝘨 𝘪𝘴𝘢𝘯𝘨 𝘢𝘯𝘨𝘩𝘦𝘭 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘢𝘵 𝘯𝘢𝘨𝘴𝘢𝘣𝘪, “𝘑𝘰𝘴𝘦, 𝘯𝘢 𝘮𝘶𝘭𝘢 𝘴𝘢 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥, 𝘩𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘯𝘢 𝘱𝘢𝘬𝘢𝘴𝘢𝘭𝘢𝘯 𝘴𝘪 𝘔𝘢𝘳𝘪𝘢 𝘥𝘢𝘩𝘪𝘭 𝘢𝘯𝘨 𝘱𝘢𝘨𝘣𝘶𝘣𝘶𝘯𝘵𝘪𝘴 𝘯𝘪𝘺𝘢ʼ𝘺 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶. 𝘔𝘢𝘯𝘨𝘢𝘯𝘨𝘢𝘯𝘢𝘬 𝘴𝘪𝘺𝘢 𝘯𝘨 𝘪𝘴𝘢𝘯𝘨 𝘭𝘢𝘭𝘢𝘬𝘪 𝘢𝘵 𝘱𝘢𝘱𝘢𝘯𝘨𝘢𝘭𝘢𝘯𝘢𝘯 𝘮𝘰 𝘴𝘪𝘺𝘢𝘯𝘨 𝘑𝘦𝘴𝘶𝘴, 𝘥𝘢𝘩𝘪𝘭 𝘪𝘭𝘪𝘭𝘪𝘨𝘵𝘢𝘴 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘣𝘢𝘺𝘢𝘯 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯.” 𝗠𝗔𝗧𝗘𝗢 𝟭:𝟮𝟬-𝟮𝟭

Maaaring labis na nagulat si Jose nang malaman niyang si Maria ay nagdadalang-tao. May mga plano na siya—sila ay magkatipan at malapit nang magpapakasal. Ang balitang buntis siya ay magdudulot sa kanila ng kahihiyan at panghuhusga. Pero nangusap ang Diyos kay Jose, pinalakas ang kanyang loob upang pakasalan pa rin si Maria. Ipinaalala ng Diyos kay Jose na siya ay nagmula sa angkan ni David at sinabi Niyang ang himalang nasa sinapupunan ni Maria ay ang ipinangakong Mesias. Bagama’t tila hindi maganda para sa kanila ang sitwasyong ito, nagkaroon ng katiyakan si Jose na kasama niya ang Diyos, kung kaya’t buong pagpapakumbaba siyang nagtiwala sa Kanya. Paano ka tumutugon kapag hindi nangyayari ang mga bagay ayon sa plano mo?

𝟯. 𝗜𝗽𝗶𝗻𝗮𝗵𝗮𝘆𝗮𝗴 𝗻𝗴 𝗗𝗶𝘆𝗼𝘀 𝗻𝗮 𝘀𝗶 𝗝𝗲𝘀𝘂𝘀 𝗮𝗻𝗴 𝗶𝗽𝗶𝗻𝗮𝗻𝗴𝗮𝗸𝗼𝗻𝗴 𝗛𝗮𝗿𝗶𝗻𝗴 𝗺𝗮𝗴𝗵𝗮𝗵𝗮𝗿𝗶 𝗺𝗮𝗴𝗽𝗮𝗸𝗮𝗶𝗹𝗮𝗻𝗺𝗮𝗻.

“𝘔𝘢𝘨𝘪𝘨𝘪𝘯𝘨 𝘥𝘢𝘬𝘪𝘭𝘢 𝘴𝘪𝘺𝘢 𝘢𝘵 𝘵𝘢𝘵𝘢𝘸𝘢𝘨𝘪𝘯𝘨 𝘈𝘯𝘢𝘬 𝘯𝘨 𝘒𝘢𝘵𝘢𝘢𝘴-𝘵𝘢𝘢𝘴𝘢𝘯𝘨 𝘋𝘪𝘺𝘰𝘴. 𝘐𝘣𝘪𝘣𝘪𝘨𝘢𝘺 𝘴𝘢 𝘬𝘢𝘯𝘺𝘢 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴 𝘢𝘯𝘨 𝘵𝘳𝘰𝘯𝘰 𝘯𝘨 𝘯𝘪𝘯𝘶𝘯𝘰 𝘯𝘪𝘺𝘢𝘯𝘨 𝘴𝘪 𝘋𝘢𝘷𝘪𝘥. 𝘔𝘢𝘨𝘩𝘢𝘩𝘢𝘳𝘪 𝘴𝘪𝘺𝘢 𝘴𝘢 𝘮𝘨𝘢 𝘭𝘢𝘩𝘪 𝘯𝘪 𝘑𝘢𝘤𝘰𝘣 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯; 𝘢𝘯𝘨 𝘱𝘢𝘨𝘩𝘢𝘩𝘢𝘳𝘪 𝘯𝘪𝘺𝘢 𝘢𝘺 𝘸𝘢𝘭𝘢𝘯𝘨 𝘬𝘢𝘵𝘢𝘱𝘶𝘴𝘢𝘯.” 𝗟𝗨𝗖𝗔𝗦 𝟭:𝟯𝟮-𝟯𝟯

Habang ang Diyos ay nangungusap kina Jose at Maria, ipinapaalala Niya sa kanila na ang nangyayari ay katuparan ng Kanyang pangako. Si Jesus ang Haring Tagapagligtas at sa pamamagitan Niya ay itatatag ng Diyos ang Kanyang walang hanggang kaharian (2 Samuel 7:12–16). Siya ang 𝘒𝘢𝘩𝘢𝘯𝘨𝘢-𝘩𝘢𝘯𝘨𝘢𝘯𝘨 𝘛𝘢𝘨𝘢𝘱𝘢𝘺𝘰, 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘋𝘪𝘺𝘰𝘴, 𝘞𝘢𝘭𝘢𝘯𝘨 𝘏𝘢𝘯𝘨𝘨𝘢𝘯𝘨 𝘈𝘮𝘢, 𝘢𝘵 𝘗𝘳𝘪𝘯𝘴𝘪𝘱𝘦 𝘯𝘨 𝘒𝘢𝘱𝘢𝘺𝘢𝘱𝘢𝘢𝘯 (Isaias 9:6), isang Haring maghahari nang may katuwiran at katarungan. Pero Siya rin ang daan kung paano ililigtas ng Diyos ang buong sangkatauhan—ang pinakadakila nga nating himala. Ano ang sinasabi nito sa atin tungkol sa katangian at plano ng Diyos?

Kahit sa mga mahihirap na sitwasyon, nangungusap ang Diyos sa Kanyang mga mamamayan at tapat na tinutupad ang Kanyang mga pangako. Sa pagdiriwang natin ng Pasko, nawa’y magpasalamat tayo sa Diyos dahil sa kung sino Siya at kung paano Siya kumikilos, at nawa’y maipakilala natin Siya sa lahat ng nasa paligid natin.

𝗔𝗣𝗣𝗟𝗜𝗖𝗔𝗧𝗜𝗢𝗡

• Tinatawag ka ba ng Diyos na gawin ang isang bagay na tila imposible? Tulad ni Maria, magtitiwala ka ba sa Diyos at sa Kanyang plano para sa iyo? Anong mga praktikal na bagay ang magagawa mo ngayong linggo ayon sa pagtitiwala mong ito?

• Balikan ang mga himalang ginawa ng Diyos sa iyo at sa pamamagitan ng buhay mo ngayong taon. Paano Siya naging tapat sa iyo?

• Kapag nakita mo ang mga kamag-anak at kaibigan mo ngayong Pasko, paano mo masasabi sa kanila kung sino ang Diyos at kung ano ang ginawa Niya para sa iyo? Tulad ni Jose, handa ka bang gawin ang isang bagay na hindi komportable at ang mahirap na desisyon para maipakilala si Jesus?

𝗣𝗥𝗔𝗬𝗘𝗥

• Purihin ang Diyos sa pagtupad sa bawat pangako Niya, lalo na sa pagpapadala ng Kanyang Anak na si Jesus. Pasalamatan Siya dahil pinili Niyang makibahagi sa buhay mo at anyayahan kang makibahagi sa ginagawa Niyang pagtubos.

• Hingin sa Diyos ang kababaang loob upang magtiwala ka sa Kanya kahit pa hindi pabor sa iyo ang sitwasyon. Ipanalangin na sa kabila ng mga pagsubok na kakaharapin mo, magkakaroon ka ng lakas ng loob at matinding kagustuhang maipakilala Siya.

• Ipagpasalamat sa Diyos ang plano Niyang nagdadala ng tunay na kaligtasan at kapayapaan. Ipanalanging maisasapuso mo ito at maipapahayag mo ang Kanyang kabutihan at kapangyarihan sa mga makakasalamuha mo.