𝗪𝗔𝗥𝗠 𝗨𝗣

• Balikan ang panahong gumawa ka ng paraan para matulungan ang isang tao. Ano ang naramdaman mo?

• Isipin kung sino ang kagalang-galang na taong gusto mong makilala. Ano ang sasabihin mo sa kanya?

• Ano ang pinakamahalagang regalong ibinigay mo sa isang tao? Ano ang sinasabi nito sa pagkakakilala mo sa taong ito?

𝗪𝗢𝗥𝗗

𝘗𝘢𝘨𝘬𝘢𝘵𝘢𝘱𝘰𝘴 𝘯𝘪𝘭𝘢𝘯𝘨 𝘮𝘢𝘳𝘪𝘯𝘪𝘨 𝘢𝘯𝘨 𝘣𝘪𝘭𝘪𝘯 𝘯𝘨 𝘩𝘢𝘳𝘪, 𝘶𝘮𝘢𝘭𝘪𝘴 𝘯𝘢 𝘴𝘪𝘭𝘢. 𝘏𝘢𝘣𝘢𝘯𝘨 𝘴𝘪𝘭𝘢 𝘢𝘺 𝘯𝘢𝘨𝘭𝘢𝘭𝘢𝘬𝘣𝘢𝘺, 𝘮𝘶𝘭𝘪𝘯𝘨 𝘭𝘶𝘮𝘪𝘵𝘢𝘸 𝘢𝘯𝘨 𝘣𝘪𝘵𝘶𝘪𝘯 𝘯𝘢 𝘯𝘢𝘬𝘪𝘵𝘢 𝘯𝘪𝘭𝘢 𝘴𝘢 𝘴𝘪𝘭𝘢𝘯𝘨𝘢𝘯, 𝘢𝘵 𝘭𝘶𝘣𝘰𝘴 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘬𝘢𝘨𝘢𝘭𝘢𝘬𝘢𝘯. 𝘕𝘢𝘯𝘨𝘶𝘯𝘢 𝘴𝘢 𝘬𝘢𝘯𝘪𝘭𝘢 𝘢𝘯𝘨 𝘣𝘪𝘵𝘶𝘪𝘯 𝘩𝘢𝘯𝘨𝘨𝘢𝘯𝘨 𝘮𝘢𝘬𝘢𝘳𝘢𝘵𝘪𝘯𝘨 𝘴𝘪𝘭𝘢 𝘴𝘢 𝘬𝘪𝘯𝘢𝘳𝘰𝘳𝘰𝘰𝘯𝘢𝘯 𝘯𝘨 𝘴𝘢𝘯𝘨𝘨𝘰𝘭. 𝘗𝘢𝘨𝘱𝘢𝘴𝘰𝘬 𝘯𝘪𝘭𝘢 𝘴𝘢 𝘣𝘢𝘩𝘢𝘺, 𝘯𝘢𝘬𝘪𝘵𝘢 𝘯𝘪𝘭𝘢 𝘢𝘯𝘨 𝘴𝘢𝘯𝘨𝘨𝘰𝘭 𝘢𝘵 𝘢𝘯𝘨 𝘪𝘯𝘢 𝘯𝘪𝘵𝘰𝘯𝘨 𝘴𝘪 𝘔𝘢𝘳𝘪𝘢. 𝘓𝘶𝘮𝘶𝘩𝘰𝘥 𝘴𝘪𝘭𝘢 𝘢𝘵 𝘴𝘶𝘮𝘢𝘮𝘣𝘢 𝘴𝘢 𝘴𝘢𝘯𝘨𝘨𝘰𝘭. 𝘐𝘯𝘪𝘭𝘢𝘣𝘢𝘴 𝘥𝘪𝘯 𝘯𝘪𝘭𝘢 𝘢𝘵 𝘪𝘯𝘪𝘩𝘢𝘯𝘥𝘰𝘨 𝘴𝘢 𝘴𝘢𝘯𝘨𝘨𝘰𝘭 𝘢𝘯𝘨 𝘮𝘨𝘢 𝘥𝘢𝘭𝘢 𝘯𝘪𝘭𝘢𝘯𝘨 𝘨𝘪𝘯𝘵𝘰, 𝘪𝘯𝘴𝘦𝘯𝘴𝘰 𝘢𝘵 𝘱𝘢𝘣𝘢𝘯𝘨𝘰𝘯𝘨 𝘮𝘪𝘳𝘢. 𝗠𝗔𝗧𝗘𝗢 𝟮:𝟵-𝟭𝟭

(Basahin din ang 𝗠𝗔𝗧𝗘𝗢 𝟮:𝟭-𝟴.)

Ipinagdiriwang natin ang Pasko dahil dumating na ang ating Tagapaglitas at Hari! Ipinapaalala sa atin ng panahong ito ang paanyaya ng Diyos na tayo ay manumbalik sa tamang pakikipag-ugnayan sa Kanya at sambahin Siya dahil sa kung sino Siya ayon sa mga ipinahayag ni Jesus. Kahit noong kauna-unahang Pasko, marami ang nasabik: ang mga Hudyo ay naghintay sa Mesias na ipinangako ng Diyos na dadating at ang mga taong dalubhasa na galing sa silangan ay inaral ang galaw ng mga bituin—na mala-himalang tumuro kay Jesus—nang marining nila ang tungkol sa pangakong ito. Kaya’t nilisan nila ang kanilang mga bahay at masugid Siyang hinanap. Ipinapakita lang nito na nasa isip din ng Diyos ang mga hindi Judio—para sa kaligtasan ng buong mundo. Matuto tayo sa halimbawa ng mga taong ito kung papaano tayo makakatugon sa paanyaya ng Diyos na hangarin, sambahin, at ipakilala Siya.

𝟭. 𝗚𝗮𝗴𝗮𝘄𝗮 𝗯𝗮 𝘁𝗮𝘆𝗼 𝗻𝗴 𝗽𝗮𝗿𝗮𝗮𝗻 𝗽𝗮𝗿𝗮 𝗵𝗮𝗻𝗴𝗮𝗿𝗶𝗻 𝗮𝗻𝗴 𝗗𝗶𝘆𝗼𝘀?

𝘐𝘱𝘪𝘯𝘢𝘯𝘨𝘢𝘯𝘢𝘬 𝘴𝘪 𝘑𝘦𝘴𝘶𝘴 𝘴𝘢 𝘣𝘢𝘺𝘢𝘯 𝘯𝘨 𝘉𝘦𝘵𝘭𝘦𝘩𝘦𝘮 𝘴𝘢 𝘭𝘢𝘭𝘢𝘸𝘪𝘨𝘢𝘯 𝘯𝘨 𝘑𝘶𝘥𝘦𝘢 𝘯𝘰𝘰𝘯𝘨 𝘴𝘪 𝘏𝘦𝘳𝘰𝘥𝘦𝘴 𝘢𝘯𝘨 𝘩𝘢𝘳𝘪. 𝘐𝘴𝘢𝘯𝘨 𝘢𝘳𝘢𝘸, 𝘥𝘶𝘮𝘢𝘵𝘪𝘯𝘨 𝘴𝘢 𝘑𝘦𝘳𝘶𝘴𝘢𝘭𝘦𝘮 𝘢𝘯𝘨 𝘪𝘭𝘢𝘯𝘨 𝘵𝘢𝘰𝘯𝘨 𝘥𝘢𝘭𝘶𝘣𝘩𝘢𝘴𝘢 𝘨𝘢𝘭𝘪𝘯𝘨 𝘴𝘢 𝘴𝘪𝘭𝘢𝘯𝘨𝘢𝘯. 𝘕𝘢𝘨𝘵𝘢𝘯𝘰𝘯𝘨 𝘴𝘪𝘭𝘢, “𝘚𝘢𝘢𝘯 𝘣𝘢 𝘪𝘱𝘪𝘯𝘢𝘯𝘨𝘢𝘯𝘢𝘬 𝘢𝘯𝘨 𝘩𝘢𝘳𝘪 𝘯𝘨 𝘮𝘨𝘢 𝘑𝘶𝘥𝘪𝘰? 𝘕𝘢𝘬𝘪𝘵𝘢 𝘯𝘢𝘮𝘪𝘯 𝘢𝘯𝘨 𝘬𝘢𝘯𝘺𝘢𝘯𝘨 𝘣𝘪𝘵𝘶𝘪𝘯 𝘴𝘢 𝘴𝘪𝘭𝘢𝘯𝘨𝘢𝘯, 𝘢𝘵 𝘯𝘢𝘱𝘢𝘳𝘪𝘵𝘰 𝘬𝘢𝘮𝘪 𝘶𝘱𝘢𝘯𝘨 𝘴𝘢𝘮𝘣𝘢𝘩𝘪𝘯 𝘴𝘪𝘺𝘢.” 𝗠𝗔𝗧𝗘𝗢 𝟮:𝟭-𝟮

Naniniwala ang mga iskolar na ang mga taong galing ng silangan ay nanggaling sa Babilonia na mahigit isang libong kilometro ang layo sa Betlehem. Malayo ang paglalakbay ngunit lakas-loob nilang tinahak ang malalawak na disyerto at kaparangan (wilderness). Hindi pa nga sila nakakasiguro na makikita nila ang kanilang hinahanap pero nagpatuloy pa rin sila nang may pananalig na makikita nila ang Hari ng mga hari. Ang katatagan nila ang dapat nating gayahin. Sa pagkilala at pagtitiwala natin sa Diyos, nawa’y maunawaan natin na sulit ang mga paghamon at abala na nararanasan natin sa buhay basta’t makatagpo lamang natin Siya. Balikan ang isang mapaghamong bagay na ginawa mo para maparangalan ang Diyos. Paano nakatulong ang karanasang ito sa paglago ng iyong pananampalataya?

𝟮. 𝗠𝗮𝗽𝗮𝗴𝗽𝗮𝗸𝘂𝗺𝗯𝗮𝗯𝗮 𝗯𝗮 𝘁𝗮𝘆𝗼𝗻𝗴 𝘀𝗮𝘀𝗮𝗺𝗯𝗮 𝘀𝗮 𝗗𝗶𝘆𝗼𝘀?

𝙋𝙖𝙜𝙥𝙖𝙨𝙤𝙠 𝙣𝙞𝙡𝙖 𝙨𝙖 𝙗𝙖𝙝𝙖𝙮, 𝙣𝙖𝙠𝙞𝙩𝙖 𝙣𝙞𝙡𝙖 𝙖𝙣𝙜 𝙨𝙖𝙣𝙜𝙜𝙤𝙡 𝙖𝙩 𝙖𝙣𝙜 𝙞𝙣𝙖 𝙣𝙞𝙩𝙤𝙣𝙜 𝙨𝙞 𝙈𝙖𝙧𝙞𝙖. 𝙇𝙪𝙢𝙪𝙝𝙤𝙙 𝙨𝙞𝙡𝙖 𝙖𝙩 𝙨𝙪𝙢𝙖𝙢𝙗𝙖 𝙨𝙖 𝙨𝙖𝙣𝙜𝙜𝙤𝙡. 𝘐𝘯𝘪𝘭𝘢𝘣𝘢𝘴 𝘥𝘪𝘯 𝘯𝘪𝘭𝘢 𝘢𝘵 𝘪𝘯𝘪𝘩𝘢𝘯𝘥𝘰𝘨 𝘴𝘢 𝘴𝘢𝘯𝘨𝘨𝘰𝘭 𝘢𝘯𝘨 𝘮𝘨𝘢 𝘥𝘢𝘭𝘢 𝘯𝘪𝘭𝘢𝘯𝘨 𝘨𝘪𝘯𝘵𝘰, 𝘪𝘯𝘴𝘦𝘯𝘴𝘰 𝘢𝘵 𝘱𝘢𝘣𝘢𝘯𝘨𝘰𝘯𝘨 𝘮𝘪𝘳𝘢. 𝗠𝗔𝗧𝗘𝗢 𝟮:𝟭𝟭

Nang nakarating na sa wakas ang mga taong dalubhasa na galing silangan, sila ay nanabik at 𝘭𝘶𝘣𝘰𝘴 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘬𝘢𝘨𝘢𝘭𝘢𝘬𝘢𝘯 (Mateo 2:10)! Sa sandaling nakita nila si Jesus, nagpakumbaba sila at sumamba sa Kanya. Ang mga taong ito ay may karunungan at magandang katayuan, ngunit sa paanan ng sanggol na si Jesus, walang pagkamakasarili silang sumamba nang makita nilang naisakatuparan na ang pangako ng Diyos. Andito na ang Hari ng mga hari! Ngayon, sa gitna ng mga pag-aalinlangan, makakalapit tayo sa Diyos nang may pagpapakumbaba at paggalang, may pagtitiwala na Siya ang Hari ng lahat. Balikan ang isang katotohanang inihayag ng Diyos tungkol sa Kanyang sarili na nagiging dahilan ng pagsamba mo sa Kanya. Paano ka natutulungan nito sa pagharap mo sa mga hamon sa buhay?

𝟯. 𝗠𝗮𝗴𝗯𝗶𝗯𝗶𝗴𝗮𝘆 𝗯𝗮 𝘁𝗮𝘆𝗼 𝗻𝗴 𝗿𝗲𝗴𝗮𝗹𝗼 𝗸𝗮𝘆 𝗝𝗲𝘀𝘂𝘀 𝗻𝗮 𝗮𝗻𝗴𝗸𝗼𝗽 𝗽𝗮𝗿𝗮 𝘀𝗮 𝗛𝗮𝗿𝗶 𝗻𝗴 𝗺𝗴𝗮 𝗵𝗮𝗿𝗶?

𝘗𝘢𝘨𝘱𝘢𝘴𝘰𝘬 𝘯𝘪𝘭𝘢 𝘴𝘢 𝘣𝘢𝘩𝘢𝘺, 𝘯𝘢𝘬𝘪𝘵𝘢 𝘯𝘪𝘭𝘢 𝘢𝘯𝘨 𝘴𝘢𝘯𝘨𝘨𝘰𝘭 𝘢𝘵 𝘢𝘯𝘨 𝘪𝘯𝘢 𝘯𝘪𝘵𝘰𝘯𝘨 𝘴𝘪 𝘔𝘢𝘳𝘪𝘢. 𝘓𝘶𝘮𝘶𝘩𝘰𝘥 𝘴𝘪𝘭𝘢 𝘢𝘵 𝘴𝘶𝘮𝘢𝘮𝘣𝘢 𝘴𝘢 𝘴𝘢𝘯𝘨𝘨𝘰𝘭. 𝙄𝙣𝙞𝙡𝙖𝙗𝙖𝙨 𝙙𝙞𝙣 𝙣𝙞𝙡𝙖 𝙖𝙩 𝙞𝙣𝙞𝙝𝙖𝙣𝙙𝙤𝙜 𝙨𝙖 𝙨𝙖𝙣𝙜𝙜𝙤𝙡 𝙖𝙣𝙜 𝙢𝙜𝙖 𝙙𝙖𝙡𝙖 𝙣𝙞𝙡𝙖𝙣𝙜 𝙜𝙞𝙣𝙩𝙤, 𝙞𝙣𝙨𝙚𝙣𝙨𝙤 𝙖𝙩 𝙥𝙖𝙗𝙖𝙣𝙜𝙤𝙣𝙜 𝙢𝙞𝙧𝙖. 𝗠𝗔𝗧𝗘𝗢 𝟮:𝟭𝟭

Mula sa simula, alam na ng mga taong dalubhasa na galing silangan na hindi pangkaraniwang tao ang makikilala nila. Kaya sila nagdala ng mga regalo na angkop para kay Jesus—ginto para sa Kanyang pagiging Hari, kamangyan bilang alay ng pari, at mira para sa Kanyang pagiging tao. Alam man nila ito o hindi, ang mga regalong ito ay tila naging propesiya kung ano ang magiging pagkatao ni Jesus. Ang pagiging bukas-palad nila ay nagpakita na handa silang ibigay ang pinakamahusay na mayroon sila upang sambahin Siya. Kapag binibigyang-parangal natin ang Diyos, nawa’y magkaroon tayo ng pag-uugaling tulad ng mga taong dalubhasang galing ng silangan—na ibigay din natin ang pinakamahusay na mayroon tayo sa lahat ng ating sasabihin at gagawin. Ano ang pinakamalaking bagay na inihandog mo sa Diyos? Papaano nito sinasalamin kung sino ang Diyos para sa iyo?

Ang mga himala ay mga tanda na tumuturo sa isang mas nakahihigit na bagay, bagay na nauunawaan kahit ng mga nilikha ng Diyos. Ang bituin na sinundan ng mga taong dalubhasa na galing sa silangan ay inilagay sa tamang panahon at lugar upang maituro at maipakilala si Jesus kahit sa mga hindi Judio. Sa patuloy nating pagdanas ng mga himala ng Diyos sa bawat araw, nawa'y lagi tayong magkaroon ng pusong sasambahin Siya nang lahat ng mayroon tayo at ipapakilala Siya sa buong mundo.

𝗔𝗣𝗣𝗟𝗜𝗖𝗔𝗧𝗜𝗢𝗡

• Handa ka bang gumawa ng paraan para ipakita ang paghahangad mo sa Diyos? Ibahagi ang isa o dalawang bagay na handa kang gawin simula ngayon.

• Paano mo ipinapahayag ang pagsamba mo sa Diyos? Sa palagay mo, paano mo mailalarawan ang mapagpakumbabang pagsamba sa buhay mo?

• Ano ang regalong maibibigay mo kay Jesus ngayong Pasko? Ano sa palagay mo ang nararapat na regalo para sa Hari ng mga hari?

𝗣𝗥𝗔𝗬𝗘𝗥

• Pasalamatan ang Diyos para sa Kanyang pagmamahal na umaabot sa mga tao, gaano man sila kalayo sa Kanya. Pasalamatan ang Diyos sa pagpapakilala ng Kanyang Anak na si Jesus at sa pagpapahintulot Niya na maranasan natin ang Kanyang pagmamahal.

• Hilingin sa Diyos na bigyan ka ng pusong mapagpakumbaba na nagnanais na laging sumamba sa Kanya. Ipanalangin na patuloy na ipaalala sa iyo ng Diyos kung sino Siya at ipakita sa iyo ang Kanyang kabutihan sa buhay mo.

• Ipanalangin na piliin mong magtiwala at sumunod sa Diyos habang patuloy mong nararanasan ang Kanyang mga himala. Nawa ay gamitin Niya ang buhay mo bilang Kanyang himala at pagpapala sa iba ngayon at araw-araw.