𝗪𝗔𝗥𝗠 𝗨𝗣

• Sino ang mga taong pinaghuhugutan mo ng lakas ng loob? Magbahagi ng halimbawa na nagpapakita nito.

• May mga pagkakaibigan ka bang tumagal na ng maraming taon? Sa tingin mo, paano kaya ito nangyari?

• Ano ang gusto mo sanang gawin hanggang sa oras ng iyong kamatayan? Bakit?

𝗪𝗢𝗥𝗗

𝘗𝘢𝘨𝘬𝘢𝘵𝘢𝘱𝘰𝘴, 𝘴𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢, “𝘚𝘪𝘯𝘢𝘣𝘪 𝘬𝘰 𝘯𝘢 𝘴𝘢 𝘪𝘯𝘺𝘰 𝘯𝘰𝘰𝘯𝘨 𝘮𝘢𝘨𝘬𝘢𝘴𝘢𝘮𝘢 𝘱𝘢 𝘵𝘢𝘺𝘰 𝘯𝘢 𝘬𝘢𝘪𝘭𝘢𝘯𝘨𝘢𝘯𝘨 𝘮𝘢𝘵𝘶𝘱𝘢𝘥 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘴𝘶𝘴𝘶𝘭𝘢𝘵 𝘵𝘶𝘯𝘨𝘬𝘰𝘭 𝘴𝘢 𝘢𝘬𝘪𝘯 𝘴𝘢 𝘒𝘢𝘶𝘵𝘶𝘴𝘢𝘯 𝘯𝘪 𝘔𝘰𝘪𝘴𝘦𝘴, 𝘴𝘢 𝘮𝘨𝘢 𝘪𝘴𝘪𝘯𝘶𝘭𝘢𝘵 𝘯𝘨 𝘮𝘨𝘢 𝘱𝘳𝘰𝘱𝘦𝘵𝘢 𝘢𝘵 𝘴𝘢 𝘮𝘨𝘢 𝘚𝘢𝘭𝘮𝘰.” 𝘈𝘵 𝘣𝘪𝘯𝘶𝘬𝘴𝘢𝘯 𝘯𝘪 𝘑𝘦𝘴𝘶𝘴 𝘢𝘯𝘨 𝘪𝘴𝘪𝘱 𝘯𝘪𝘭𝘢 𝘶𝘱𝘢𝘯𝘨 𝘮𝘢𝘶𝘯𝘢𝘸𝘢𝘢𝘯 𝘯𝘪𝘭𝘢 𝘢𝘯𝘨 𝘒𝘢𝘴𝘶𝘭𝘢𝘵𝘢𝘯. 𝗟𝗨𝗖𝗔𝗦 𝟮𝟰:𝟰𝟰-𝟰𝟱

Sa mga panahong ito, tatlong taon nang naglalakbay ang mga disipulo kasama si Jesus. Nakakita na sila ng sunud-sunod na himala at maraming taong naligtas. Pagkatapos ay inaresto na si Jesus, namatay, at nabuhay muli. Isa nga talaga itong nakakabaliw na paglalakbay. Dumating si Jesus tulad ng sinabi ng mga propesiya sa Kasulatan at tinupad ang lahat ng plano ng Ama upang maligtas ang sangkatauhan. Ngunit dahil aakyat na si Jesus sa langit, ang tanong ay itutuloy ba ng mga disipulo ang Kanyang gawain? Sa araw na ito, tingnan natin ang matututunan natin sa mga huling salita ni Jesus kay Pedro at sa iba pang mga disipulo tungkol sa kung paano nila maipagpapatuloy ang kanilang paglalakbay sa pagdidisipulo at manatili sa misyon ng magkakasama.

𝟭. 𝗧𝗮𝘆𝗼 𝗮𝘆 𝗺𝗴𝗮 𝘁𝗮𝗴𝗮𝘁𝗮𝗻𝗴𝗴𝗮𝗽 𝗻𝗴 𝗯𝗶𝘆𝗮𝘆𝗮 𝗻𝗴 𝗗𝗶𝘆𝗼𝘀.

𝘈𝘵 𝘣𝘪𝘯𝘶𝘬𝘴𝘢𝘯 𝘯𝘪 𝘑𝘦𝘴𝘶𝘴 𝘢𝘯𝘨 𝘪𝘴𝘪𝘱 𝘯𝘪𝘭𝘢 𝘶𝘱𝘢𝘯𝘨 𝘮𝘢𝘶𝘯𝘢𝘸𝘢𝘢𝘯 𝘯𝘪𝘭𝘢 𝘢𝘯𝘨 𝘒𝘢𝘴𝘶𝘭𝘢𝘵𝘢𝘯. 𝘚𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢, “𝘈𝘺𝘰𝘯 𝘴𝘢 𝘒𝘢𝘴𝘶𝘭𝘢𝘵𝘢𝘯, 𝘬𝘢𝘪𝘭𝘢𝘯𝘨𝘢𝘯𝘨 𝘮𝘢𝘨𝘵𝘪𝘪𝘴 𝘯𝘨 𝘩𝘪𝘳𝘢𝘱 𝘢𝘵 𝘮𝘢𝘮𝘢𝘵𝘢𝘺 𝘢𝘯𝘨 𝘊𝘳𝘪𝘴𝘵𝘰 𝘯𝘨𝘶𝘯𝘪𝘵 𝘮𝘶𝘭𝘪𝘯𝘨 𝘮𝘢𝘣𝘶𝘣𝘶𝘩𝘢𝘺 𝘴𝘢 𝘪𝘬𝘢𝘵𝘭𝘰𝘯𝘨 𝘢𝘳𝘢𝘸.” 𝗟𝗨𝗖𝗔𝗦 𝟮𝟰:𝟰𝟱-𝟰𝟲

Bilang mga tagasunod ni Jesus, ang mga disipulo ay isa sa mga unang nakatanggap ng gawain ni Jesus—ang Kanyang mga turo, ang Kanyang kapatawaran, ang Kanyang mga himala. Pagkatapos ng pagsama nila sa Kanya ng tatlong taon, nabuksan na Niya ang kanilang mga isipan at sa wakas ay nakita na nila at nasaksihan na lahat ng sinabi sa kanila ni Jesus ay nagkatotoo. Ang kaligtasan ng sangkatauhan ay narito na, at sila ang unang saksi ng biyayang ito na nagbibigay ng kaligtasan. Ngayon, ang mga mananampalataya ay nakakatanggap na rin at nakakasaksi ng biyayang ito sa ating mga buhay at sa buhay ng mga kasama natin sa paglalakbay. Matapos mong tanggapin ang biyaya ni Jesus na nakakapagligtas, paano nagbago ang buhay mo?

𝟮. 𝗧𝗮𝘆𝗼 𝗮𝘆 𝗺𝗴𝗮 𝗺𝗲𝗻𝘀𝗮𝗵𝗲𝗿𝗼 𝗻𝗴 𝗯𝗶𝘆𝗮𝘆𝗮 𝗻𝗴 𝗗𝗶𝘆𝗼𝘀.

“𝘈𝘵 𝘥𝘢𝘱𝘢𝘵 𝘪𝘱𝘢𝘯𝘨𝘢𝘳𝘢𝘭 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰, 𝘮𝘶𝘭𝘢 𝘴𝘢 𝘑𝘦𝘳𝘶𝘴𝘢𝘭𝘦𝘮, 𝘯𝘢 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢ʼ𝘺 𝘱𝘢𝘵𝘢𝘵𝘢𝘸𝘢𝘳𝘪𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘯𝘢𝘨𝘴𝘪𝘴𝘪𝘴𝘪 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯. 𝘒𝘢𝘺𝘰 𝘢𝘯𝘨 𝘮𝘨𝘢 𝘴𝘢𝘬𝘴𝘪 𝘴𝘢 𝘮𝘨𝘢 𝘣𝘢𝘨𝘢𝘺 𝘯𝘢 𝘪𝘵𝘰.” 𝗟𝗨𝗖𝗔𝗦 𝟮𝟰:𝟰𝟳-𝟰𝟴

Higit pa sa pagtanggap ng Kanyang biyaya, tinawag ang mga disipulo upang ihayag kung sino si Jesus at kung ano ang Kanyang nagawa sa kanila, para sa kanila, at sa pamamagitan nila. Ganito rin sa atin. Tayo na napatawad, naipagkasundo sa Kanya, at naibalik sa tamang ugnayan sa Kanya ay binigyan ng espesyal na pribilehiyong ipaabot ang biyayang ito sa iba. At ginagawa natin ito hindi lamang dahil sa obligasyon natin ito kundi dahil itinutulak tayo ng pagmamahal ni Cristo na ibahagi kung sino Siya sa mga minamahal at iniingatan natin sa buhay at pati na rin sa iba pang bahagi ng mundo (2 Corinto 5:14). Sino ang nagbahagi ng mensahe ng biyaya ng Diyos sa iyo? Paano niya ito ginawa?

𝟯. 𝗜𝗽𝗶𝗻𝗮𝗱𝗮𝗹𝗮 𝘁𝗮𝘆𝗼 𝗸𝗮𝘀𝗮𝗺𝗮 𝗮𝗻𝗴 𝗽𝗿𝗲𝘀𝗲𝗻𝘀𝘆𝗮 𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂.

“𝘐𝘴𝘶𝘴𝘶𝘨𝘰 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶𝘯𝘨 𝘪𝘱𝘪𝘯𝘢𝘯𝘨𝘢𝘬𝘰 𝘯𝘨 𝘈𝘮𝘢, 𝘬𝘢𝘺𝘢 𝘮𝘢𝘯𝘢𝘵𝘪𝘭𝘪 𝘮𝘶𝘯𝘢 𝘬𝘢𝘺𝘰 𝘳𝘪𝘵𝘰 𝘴𝘢 𝘑𝘦𝘳𝘶𝘴𝘢𝘭𝘦𝘮 𝘩𝘢𝘯𝘨𝘨𝘢𝘯𝘨 𝘴𝘢 𝘥𝘶𝘮𝘢𝘵𝘪𝘯𝘨 𝘴𝘢 𝘪𝘯𝘺𝘰 𝘢𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘮𝘶𝘭𝘢 𝘴𝘢 𝘭𝘢𝘯𝘨𝘪𝘵.” 𝗟𝗨𝗖𝗔𝗦 𝟮𝟰:𝟰𝟵

Ito ang mga huling salita ni Jesus sa mga disipulo Niya bago Siya umakyat sa langit. Dahil hindi na nila Siya pisikal na makakasama, ipinadala Niya ang Banal na Espiritu—ang ipinangako ng Ama—para makasama ang Kanyang mga disipulo habang ipinagpapatuloy nila ang Kanyang gawain. Ang Banal na Espiritu ay nananahan sa mga taong ibinukod ng Diyos para sa Kanyang sarili. Siya ang katiyakan at nagbibigay ng kakayahan upang magawa natin ang misyon na tinawag tayo ng Diyos na gawin nang magkakasama. Sa pamamagitan ng presensya ng Banal na Espiritu sa ating mga buhay, nagagawa nating maging mga mesahero at saksi Niya sa mundo. Paano tayo natutulungan ng Banal na Espiritu na mamuhay ayon sa ating pagkakakilanlan at sa tawag na mayroon tayo kay Cristo? (Juan 14:15–17, 26)

𝗔𝗣𝗣𝗟𝗜𝗖𝗔𝗧𝗜𝗢𝗡

• Tinawag tayo ni Jesus na ipahayag kung sino Siya at kung ano ang ginawa Niya sa mundo. Ano kaya ang mga hadlang na maaari mong harapin sa paggawa nito? Anong mga praktikal na hakbang ang maaari mong gawin upang malampasan ang mga ito?

• Sa anong mga paraan ka namuhay nang hindi umaasa sa Espiritu? Paano mo kaya maipapakita ngayong linggo ang pagsalalay mo sa Banal na Espiritu?

• Sino ang sinasabi sa iyo ng Diyos na bahagian mo ng ebanghelyo ngayong linggo. Mangakong ipagdarasal mo siya at maglaan ng panahon upang makipagkita sa kanya.

𝗣𝗥𝗔𝗬𝗘𝗥

• Pasalamatan ang Panginoon sa pagpapakita Niya sa iyo ng biyaya sa pamamagitan ni Jesu-Cristo, sa kagustuhang makasama ka, at sa pagbibigay Niya sa iyo ng kakayahan sa pamamagitan ng presensya ng Banal na Espiritu.

• Humiling sa Diyos ng mga pagkakataong maipakilala Siya sa iyong pamilya at mga kaibigan. Manalangin na maging handa ang kanilang mga puso upang tanggapin Siya.

• Ipanalangin na gamitin ka ng Diyos upang makatulong sa iba, kahit sa mga taong hindi mo gusto, para makilala nila Siya. Humingi sa Kanya ng awa, pasensya, pagmamahal, at kagalakan habang nakikipag-ugnayan ka sa iba.