𝗪𝗔𝗥𝗠 𝗨𝗣

• Ano ang isang bagay na naranasan mo, na hindi mo maipaliwanag o maikwento sa iba. Sa tingin mo bakit ito mahirap gawin?

• Sa pamamagitan ng isang salita o imahe, ilarawan ang taong nasa kanan mo. Ipaliwanag kung bakit mo ito naisip.

• Magkwento tungkol sa isa o dalawang tao na kilalang-kilala mo. Paano ka naging malapit sa kanila?

𝗪𝗢𝗥𝗗

𝘕𝘢𝘯𝘨 𝘮𝘢𝘣𝘢𝘶𝘵𝘪𝘴𝘮𝘶𝘩𝘢𝘯 𝘴𝘪 𝘑𝘦𝘴𝘶𝘴, 𝘶𝘮𝘢𝘩𝘰𝘯 𝘴𝘪𝘺𝘢 𝘴𝘢 𝘵𝘶𝘣𝘪𝘨. 𝘉𝘶𝘮𝘶𝘬𝘢𝘴 𝘢𝘯𝘨 𝘭𝘢𝘯𝘨𝘪𝘵 𝘢𝘵 𝘯𝘢𝘬𝘪𝘵𝘢 𝘯𝘪 𝘑𝘦𝘴𝘶𝘴 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘯𝘨 𝘋𝘪𝘺𝘰𝘴 𝘯𝘢 𝘣𝘶𝘮𝘢𝘣𝘢 𝘴𝘢 𝘬𝘢𝘯𝘺𝘢 𝘯𝘢 𝘵𝘶𝘭𝘢𝘥 𝘯𝘨 𝘪𝘴𝘢𝘯𝘨 𝘬𝘢𝘭𝘢𝘱𝘢𝘵𝘪. 𝘈𝘵 𝘮𝘢𝘺 𝘣𝘰𝘴𝘦𝘴 𝘯𝘢 𝘯𝘢𝘳𝘪𝘯𝘪𝘨 𝘮𝘶𝘭𝘢 𝘴𝘢 𝘭𝘢𝘯𝘨𝘪𝘵 𝘯𝘢 𝘯𝘢𝘨𝘴𝘢𝘴𝘢𝘣𝘪, “𝘐𝘵𝘰 𝘢𝘯𝘨 𝘮𝘪𝘯𝘢𝘮𝘢𝘩𝘢𝘭 𝘬𝘰𝘯𝘨 𝘈𝘯𝘢𝘬 𝘯𝘢 𝘭𝘶𝘣𝘰𝘴 𝘬𝘰𝘯𝘨 𝘬𝘪𝘯𝘢𝘭𝘶𝘭𝘶𝘨𝘥𝘢𝘯.” 𝗠𝗔𝗧𝗘𝗢 𝟯:𝟭𝟲–𝟭𝟳

(Basahin din ang 𝟭 𝗝𝗨𝗔𝗡 𝟰:𝟳–𝟭𝟵.)

Ang Trinity ay isa sa mga pinakamahirap na konseptong teolohikal para sa isang mananampalataya. May tatlong Persona na ganap na nagkakaisa at nakikipag-ugnayan sa isa’t isa, pero sila ay iisang Diyos. Ang Ama, Anak, at Banal na Espiritu ay may perpektong pagmamahalan, at mula rito ay nilikha ang mundo at nagkaroon ng pagtubos sa sanlibutan. Ibinibigay sa atin ng Bibliya ang pagsasalarawan ng Trinity. Makikita natin ang perpektong ugnayang ito sa bautismo ni Jesus, kung saan lubos na kinalulugdan ng Ama ang Anak, ganap na sinusunod ng Anak ang Ama, kumikilos sa lahat ng nangyayari ang Banal na Espiritu. Hindi man natin lubos na mapahalagahan at maintindihan ang Trinity, matututunan natin na ang Diyos ay pag-ibig, at bilang mga taong nilikha ayon sa Kanyang imahe, tayo ay tinawag upang ipakita ang pag-ibig na ito. Ngayong araw, titingnan natin ang dalawang katotohanan upang maunawaan kung paanong ang Diyos at ang Kanyang mga mamamayan ay nakadisenyo para sa pakikipag-ugnayan.

𝟭. 𝗔𝗻𝗴 𝗗𝗶𝘆𝗼𝘀 𝗮𝘆 𝗽𝗮𝗴-𝗶𝗯𝗶𝗴.

𝘒𝘢𝘺𝘢 𝘯𝘢𝘬𝘪𝘭𝘢𝘭𝘢 𝘯𝘢 𝘯𝘢𝘵𝘪𝘯 𝘢𝘵 𝘱𝘪𝘯𝘢𝘯𝘪𝘸𝘢𝘭𝘢𝘢𝘯 𝘢𝘯𝘨 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘺𝘰𝘴 𝘴𝘢 𝘢𝘵𝘪𝘯. 𝘈𝘯𝘨 𝘋𝘪𝘺𝘰𝘴 𝘢𝘺 𝘱𝘢𝘨-𝘪𝘣𝘪𝘨. 𝘈𝘵 𝘢𝘯𝘨 𝘯𝘢𝘣𝘶𝘣𝘶𝘩𝘢𝘺 𝘯𝘢𝘯𝘨 𝘮𝘢𝘺 𝘱𝘢𝘨-𝘪𝘣𝘪𝘨 𝘢𝘺 𝘯𝘢𝘯𝘢𝘯𝘢𝘵𝘪𝘭𝘪 𝘴𝘢 𝘋𝘪𝘺𝘰𝘴 𝘢𝘵 𝘯𝘢𝘯𝘢𝘯𝘢𝘵𝘪𝘭𝘪 𝘳𝘪𝘯 𝘴𝘢 𝘬𝘢𝘯𝘺𝘢 𝘢𝘯𝘨 𝘋𝘪𝘺𝘰𝘴. 𝟭 𝗝𝗨𝗔𝗡 𝟰:𝟭𝟲

𝘕𝘢𝘯𝘨 𝘮𝘢𝘣𝘢𝘶𝘵𝘪𝘴𝘮𝘶𝘩𝘢𝘯 𝘴𝘪 𝘑𝘦𝘴𝘶𝘴, 𝘶𝘮𝘢𝘩𝘰𝘯 𝘴𝘪𝘺𝘢 𝘴𝘢 𝘵𝘶𝘣𝘪𝘨. 𝘉𝘶𝘮𝘶𝘬𝘢𝘴 𝘢𝘯𝘨 𝘭𝘢𝘯𝘨𝘪𝘵 𝘢𝘵 𝘯𝘢𝘬𝘪𝘵𝘢 𝘯𝘪 𝘑𝘦𝘴𝘶𝘴 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘯𝘨 𝘋𝘪𝘺𝘰𝘴 𝘯𝘢 𝘣𝘶𝘮𝘢𝘣𝘢 𝘴𝘢 𝘬𝘢𝘯𝘺𝘢 𝘯𝘢 𝘵𝘶𝘭𝘢𝘥 𝘯𝘨 𝘪𝘴𝘢𝘯𝘨 𝘬𝘢𝘭𝘢𝘱𝘢𝘵𝘪. 𝘈𝘵 𝘮𝘢𝘺 𝘣𝘰𝘴𝘦𝘴 𝘯𝘢 𝘯𝘢𝘳𝘪𝘯𝘪𝘨 𝘮𝘶𝘭𝘢 𝘴𝘢 𝘭𝘢𝘯𝘨𝘪𝘵 𝘯𝘢 𝘯𝘢𝘨𝘴𝘢𝘴𝘢𝘣𝘪, “𝘐𝘵𝘰 𝘢𝘯𝘨 𝘮𝘪𝘯𝘢𝘮𝘢𝘩𝘢𝘭 𝘬𝘰𝘯𝘨 𝘈𝘯𝘢𝘬 𝘯𝘢 𝘭𝘶𝘣𝘰𝘴 𝘬𝘰𝘯𝘨 𝘬𝘪𝘯𝘢𝘭𝘶𝘭𝘶𝘨𝘥𝘢𝘯.” 𝗠𝗔𝗧𝗘𝗢 𝟯:𝟭𝟲–𝟭𝟳

Ang pag-ibig ay likas na katangian ng Diyos. Ito ang pinakasimple at pinakamalalim din na paliwanag sa kung sino ang Diyos. Ang ganap na pag-ibig ay nagmula at nananatili sa pagitan ng tatlong Persona ng Trinity. Ang Bibliya ay nagbibigay sa atin ng sulyap sa kung paano nananatili ang Trinity, mula sa panahon ng paglikha hanggang sa muling pagbabalik ni Cristo. Sa Mateo 3:16–17, makikita natin na ang Diyos Ama, Diyos Anak, at Diyos Espiritu Santo ay puno ng pag-ibig at kumikilos para tubusin ang sanlibutan. Sa tingin mo, bakit hindi natin agad-agad naiintindihan ang isang tila simpleng paliwanag? Paano ipinapakita ng Diyos Ama, Diyos Anak, at Diyos Espiritu Santo ang Kanilang pagmamahal sa atin ngayon?

𝟮. 𝗔𝗻𝗴 𝗺𝗴𝗮 𝗺𝗮𝗺𝗮𝗺𝗮𝘆𝗮𝗻 𝗻𝗴 𝗗𝗶𝘆𝗼𝘀 𝗮𝘆 𝘁𝗶𝗻𝗮𝘁𝗮𝘄𝗮𝗴 𝗽𝗮𝗿𝗮 𝗶𝗽𝗮𝗸𝗶𝘁𝗮 𝗮𝗻𝗴 𝗞𝗮𝗻𝘆𝗮𝗻𝗴 𝗽𝗮𝗴-𝗶𝗯𝗶𝗴.

𝘒𝘢𝘺𝘢 𝘯𝘢𝘬𝘪𝘭𝘢𝘭𝘢 𝘯𝘢 𝘯𝘢𝘵𝘪𝘯 𝘢𝘵 𝘱𝘪𝘯𝘢𝘯𝘪𝘸𝘢𝘭𝘢𝘢𝘯 𝘢𝘯𝘨 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘺𝘰𝘴 𝘴𝘢 𝘢𝘵𝘪𝘯. 𝘈𝘯𝘨 𝘋𝘪𝘺𝘰𝘴 𝘢𝘺 𝘱𝘢𝘨-𝘪𝘣𝘪𝘨. 𝘈𝘵 𝘢𝘯𝘨 𝘯𝘢𝘣𝘶𝘣𝘶𝘩𝘢𝘺 𝘯𝘢𝘯𝘨 𝘮𝘢𝘺 𝘱𝘢𝘨-𝘪𝘣𝘪𝘨 𝘢𝘺 𝘯𝘢𝘯𝘢𝘯𝘢𝘵𝘪𝘭𝘪 𝘴𝘢 𝘋𝘪𝘺𝘰𝘴 𝘢𝘵 𝘯𝘢𝘯𝘢𝘯𝘢𝘵𝘪𝘭𝘪 𝘳𝘪𝘯 𝘴𝘢 𝘬𝘢𝘯𝘺𝘢 𝘢𝘯𝘨 𝘋𝘪𝘺𝘰𝘴. 𝘚𝘢 𝘨𝘢𝘯𝘪𝘵𝘰𝘯𝘨 𝘱𝘢𝘳𝘢𝘢𝘯 𝘢𝘺 𝘯𝘢𝘨𝘪𝘯𝘨 𝘨𝘢𝘯𝘢𝘱 𝘢𝘯𝘨 𝘱𝘢𝘨-𝘪𝘣𝘪𝘨 𝘴𝘢 𝘢𝘵𝘪𝘯, 𝘬𝘢𝘺𝘢 𝘱𝘢𝘯𝘢𝘵𝘢𝘨 𝘵𝘢𝘺𝘰 𝘴𝘢 𝘱𝘢𝘨𝘥𝘢𝘵𝘪𝘯𝘨 𝘯𝘨 𝘈𝘳𝘢𝘸 𝘯𝘨 𝘗𝘢𝘨𝘩𝘶𝘩𝘶𝘬𝘰𝘮, 𝘥𝘢𝘩𝘪𝘭 𝘢𝘯𝘨 𝘱𝘢𝘮𝘶𝘮𝘶𝘩𝘢𝘺 𝘯𝘢𝘵𝘪𝘯 𝘥𝘪𝘵𝘰 𝘴𝘢 𝘮𝘶𝘯𝘥𝘰 𝘢𝘺 𝘵𝘶𝘭𝘢𝘥 𝘯𝘨 𝘬𝘢𝘺 𝘊𝘳𝘪𝘴𝘵𝘰. . . . 𝘜𝘮𝘪𝘪𝘣𝘪𝘨 𝘵𝘢𝘺𝘰 𝘴𝘢 𝘋𝘪𝘺𝘰𝘴 𝘥𝘢𝘩𝘪𝘭 𝘴𝘪𝘺𝘢 𝘢𝘯𝘨 𝘶𝘯𝘢𝘯𝘨 𝘶𝘮𝘪𝘣𝘪𝘨 𝘴𝘢 𝘢𝘵𝘪𝘯. 𝟭 𝗝𝗨𝗔𝗡 𝟰:𝟭𝟲-𝟭𝟳, 𝟭𝟵

Dahil ang Diyos ay pag-ibig, ang Kanyang mga mamamayan ay tinawag para ipakita ang Kanyang pag-ibig sa iba. Dahil dinisenyo tayo para makipag-ugnayan, naipapakita natin ang pag-ibig na ipinapahayag sa Trinity. Dapat maging modelo ang mga ugnayan natin ng ganap na pag-ibig sa pagitan ng Ama, Anak, at Banal na Espiritu. Kaya nating magmahal ng iba dahil sa labis-labis, walang kondisyon, at walang hanggang pagmamahal ng Diyos. Habang nakikilala at pinagkakatiwalaan natin ang pag-ibig ng Diyos sa atin (1 Juan 4:16), sinasalamin natin ang pag-ibig ng Diyos sa ating kapwa mananampalataya sa iglesya at sa buong mundo para maranasan din nila ang ganap na pagmamahal ng Diyos. Ano ang iniutos ni Jesus na gawin ng Kanyang mga disipulo ayon sa Juan 13:34–35, at sa tingin mo, bakit ito sobrang mahalaga sa Kanya?

𝗔𝗣𝗣𝗟𝗜𝗖𝗔𝗧𝗜𝗢𝗡

• Sa tingin mo, bakit mahalaga para sa Diyos Ama at Diyos Espiritu Santo na maging bahagi at makita sa bautismo ng Diyos Anak? Sa tingin mo, paano kumikilos ang Trinity sa buhay mo ngayon?

• Paano dapat makita ang ganap na pagmamahal ng Diyos sa iglesya at sa mundo ngayon? Sa tingin mo, ano ang papel na gagampanan mo rito?

• Ang Diyos ay pag-ibig. Paano ka lalago sa pagkakaunawa mo rito? Paano mo maipapakita ang pag-ibig ng Diyos sa iba?

𝗣𝗥𝗔𝗬𝗘𝗥

• Pasalamatan ang Diyos dahil ipinapahayag sa Bibliya ang katotohanan tungkol sa Trinity. Ipanalangin na lalo pang lumalim ang pagkakaunawa at pananampalataya mo sa Diyos araw-araw.

• Ipanalangin na bumaon sa puso mo ang katotohanan ng pag-ibig ng Diyos at magbigay ito ng katiyakan sa pagkakakilanlan at layunin mo.

• Ipanalangin na magkaroon ng pagkakaisa at pagmamahalan sa iglesya. Ipanalangin na maipakita mo ang pag-ibig ng Diyos sa lahat ng iyong mga ugnayan, kasama na ang mga ugnayang hindi madali para sa iyo. Ipanalanging mailapit ng Diyos sa Kanya ang mga taong nalalayo pa.