𝗪𝗔𝗥𝗠 𝗨𝗣

• Ano ang isang bagay na kinailangan mong gawin araw-araw para matupad ang isang mithiin? Ikwento kung ano ang nangyari.

• Isipin ang isang panahong nakatanggap ka ng mga pagbatikos o pagdududa tungkol sa isang bagay na mahalaga sa ‘yo. Paano ka tumugon at ano ang natutunan mo?

• Naranasan mo na bang maging bahagi ng isang grupo na tumulong sa ‘yo para maabot ang mga mithiin mo? Paano ka nila tinulungan?

𝗪𝗢𝗥𝗗

𝘗𝘢𝘨𝘬𝘢𝘵𝘢𝘱𝘰𝘴, 𝘴𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘭𝘢𝘩𝘢𝘵, “𝘈𝘯𝘨 𝘴𝘪𝘯𝘶𝘮𝘢𝘯𝘨 𝘨𝘶𝘴𝘵𝘰𝘯𝘨 𝘴𝘶𝘮𝘶𝘯𝘰𝘥 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘥𝘢𝘱𝘢𝘵 𝘪𝘯𝘶𝘶𝘯𝘢 𝘢𝘯𝘨 𝘴𝘢𝘳𝘪𝘭𝘪. 𝘈𝘵 𝘥𝘢𝘱𝘢𝘵 𝘢𝘺 𝘩𝘢𝘯𝘥𝘢 𝘴𝘪𝘺𝘢𝘯𝘨 𝘩𝘶𝘮𝘢𝘳𝘢𝘱 𝘬𝘢𝘩𝘪𝘵 𝘴𝘢 𝘬𝘢𝘮𝘢𝘵𝘢𝘺𝘢𝘯 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘱𝘢𝘨𝘴𝘶𝘯𝘰𝘥 𝘯𝘪𝘺𝘢 𝘴𝘢 𝘢𝘬𝘪𝘯 𝘢𝘳𝘢𝘸-𝘢𝘳𝘢𝘸. 𝘚𝘢𝘱𝘢𝘨𝘬𝘢𝘵 𝘢𝘯𝘨 𝘵𝘢𝘰𝘯𝘨 𝘯𝘢𝘨𝘩𝘢𝘩𝘢𝘯𝘨𝘢𝘥 𝘮𝘢𝘨𝘭𝘪𝘨𝘵𝘢𝘴 𝘯𝘨 𝘬𝘢𝘯𝘺𝘢𝘯𝘨 𝘣𝘶𝘩𝘢𝘺 𝘢𝘺 𝘮𝘢𝘸𝘢𝘸𝘢𝘭𝘢𝘯 𝘯𝘪𝘵𝘰. 𝘕𝘨𝘶𝘯𝘪𝘵 𝘢𝘯𝘨 𝘵𝘢𝘰𝘯𝘨 𝘯𝘢𝘨𝘯𝘢𝘯𝘢𝘪𝘴 𝘮𝘢𝘨-𝘢𝘭𝘢𝘺 𝘯𝘨 𝘬𝘢𝘯𝘺𝘢𝘯𝘨 𝘣𝘶𝘩𝘢𝘺 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘢𝘬𝘪𝘯 𝘢𝘺 𝘮𝘢𝘨𝘬𝘢𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯. 𝘈𝘯𝘰 𝘣𝘢 𝘢𝘯𝘨 𝘮𝘢𝘱𝘢𝘱𝘢𝘭𝘢 𝘯𝘨 𝘪𝘴𝘢𝘯𝘨 𝘵𝘢𝘰 𝘬𝘶𝘯𝘨 𝘮𝘢𝘱𝘢𝘴𝘢𝘬𝘢𝘯𝘺𝘢 𝘮𝘢𝘯 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘨𝘢𝘺 𝘴𝘢 𝘮𝘶𝘯𝘥𝘰 𝘱𝘦𝘳𝘰 𝘮𝘢𝘱𝘢𝘱𝘢𝘩𝘢𝘮𝘢𝘬 𝘯𝘢𝘮𝘢𝘯 𝘢𝘯𝘨 𝘣𝘶𝘩𝘢𝘺 𝘯𝘪𝘺𝘢? 𝘞𝘢𝘭𝘢! 𝘒𝘶𝘯𝘨 𝘢𝘬𝘰 𝘢𝘵 𝘢𝘯𝘨 𝘮𝘨𝘢 𝘢𝘳𝘢𝘭 𝘬𝘰 𝘢𝘺 𝘪𝘬𝘢𝘬𝘢𝘩𝘪𝘺𝘢 𝘯𝘪𝘯𝘶𝘮𝘢𝘯, 𝘪𝘬𝘢𝘬𝘢𝘩𝘪𝘺𝘢 𝘬𝘰 𝘳𝘪𝘯 𝘴𝘪𝘺𝘢 𝘬𝘢𝘱𝘢𝘨 𝘢𝘬𝘰 𝘯𝘢 𝘈𝘯𝘢𝘬 𝘯𝘨 𝘛𝘢𝘰 𝘢𝘺 𝘱𝘶𝘮𝘢𝘳𝘪𝘵𝘰 𝘯𝘢 𝘵𝘢𝘨𝘭𝘢𝘺 𝘢𝘯𝘨 𝘢𝘬𝘪𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘢𝘵 𝘢𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘈𝘮𝘢 𝘢𝘵 𝘯𝘨 𝘮𝘨𝘢 𝘣𝘢𝘯𝘢𝘭 𝘯𝘢 𝘢𝘯𝘨𝘩𝘦𝘭.” 𝗟𝗨𝗖𝗔𝗦 𝟵:𝟮𝟯–𝟮𝟲

Inaanyayahan ni Jesus ang Kanyang mga tagasunod na mamuhay nang simple, kung saan inuuna ang kalooban ng Diyos kaysa ang sariling mga kagustuhan, kahit pa mahirap o masakit ito. Ipinapaalala Niya na walang halaga ang tagumpay sa mundo kung ang kapalit naman ay kanilang kaluluwa, at nagbigay Siya ng babala na kung ikakahiya nila Siya o ang Kanyang mga itinuturo, magdudulot ito ng paglayo mula sa Kanyang kaluwalhatian. Ngayong araw, titingnan natin ang tatlong bagay na ipinapagawa ni Jesus sa Kanyang mga disipulo: pagkakait sa sarili, pagbubuhat ng sarili nating krus, at pagsunod sa Kanya.

𝟭. 𝗣𝗮𝗴𝗸𝗮𝗶𝘁𝗮𝗻 𝗻𝗮𝘁𝗶𝗻 𝗻𝗮𝗻𝗴 𝗯𝘂𝗼𝗻𝗴-𝗯𝘂𝗼 𝗮𝗻𝗴 𝘀𝗮𝗿𝗶𝗹𝗶 𝗻𝗮𝘁𝗶𝗻.

𝘗𝘢𝘨𝘬𝘢𝘵𝘢𝘱𝘰𝘴, 𝘴𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘭𝘢𝘩𝘢𝘵, “𝘈𝘯𝘨 𝘴𝘪𝘯𝘶𝘮𝘢𝘯𝘨 𝘨𝘶𝘴𝘵𝘰𝘯𝘨 𝘴𝘶𝘮𝘶𝘯𝘰𝘥 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘥𝘢𝘱𝘢𝘵 𝘪𝘯𝘶𝘶𝘯𝘢 𝘢𝘯𝘨 𝘴𝘢𝘳𝘪𝘭𝘪. 𝘈𝘵 𝘥𝘢𝘱𝘢𝘵 𝘢𝘺 𝘩𝘢𝘯𝘥𝘢 𝘴𝘪𝘺𝘢𝘯𝘨 𝘩𝘶𝘮𝘢𝘳𝘢𝘱 𝘬𝘢𝘩𝘪𝘵 𝘴𝘢 𝘬𝘢𝘮𝘢𝘵𝘢𝘺𝘢𝘯 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘱𝘢𝘨𝘴𝘶𝘯𝘰𝘥 𝘯𝘪𝘺𝘢 𝘴𝘢 𝘢𝘬𝘪𝘯 𝘢𝘳𝘢𝘸-𝘢𝘳𝘢𝘸. 𝘚𝘢𝘱𝘢𝘨𝘬𝘢𝘵 𝘢𝘯𝘨 𝘵𝘢𝘰𝘯𝘨 𝘯𝘢𝘨𝘩𝘢𝘩𝘢𝘯𝘨𝘢𝘥 𝘮𝘢𝘨𝘭𝘪𝘨𝘵𝘢𝘴 𝘯𝘨 𝘬𝘢𝘯𝘺𝘢𝘯𝘨 𝘣𝘶𝘩𝘢𝘺 𝘢𝘺 𝘮𝘢𝘸𝘢𝘸𝘢𝘭𝘢𝘯 𝘯𝘪𝘵𝘰. 𝘕𝘨𝘶𝘯𝘪𝘵 𝘢𝘯𝘨 𝘵𝘢𝘰𝘯𝘨 𝘯𝘢𝘨𝘯𝘢𝘯𝘢𝘪𝘴 𝘮𝘢𝘨-𝘢𝘭𝘢𝘺 𝘯𝘨 𝘬𝘢𝘯𝘺𝘢𝘯𝘨 𝘣𝘶𝘩𝘢𝘺 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘢𝘬𝘪𝘯 𝘢𝘺 𝘮𝘢𝘨𝘬𝘢𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯.” 𝗟𝗨𝗖𝗔𝗦 𝟵:𝟮𝟯–𝟮𝟰

Ang pagkakait sa ating sarili ay nangangahulugang iiwan natin ang mga kagustuhan at plano na nakasentro sa ating sarili para sumunod kay Jesus. Hindi lang ito pagtanggi sa ilang bagay, kundi pagtanggap na hindi natin kontrolado ang ating buhay. Ibig sabihin, isinusuko natin ang ating kaginhawahan at iniaayon ang ating buhay sa kalooban ng Diyos. Ipinaalala ni Jesus na ang mga nagpapakahirap para pahalagahan ang buhay nila sa pamamagitan ng pag-asa sa sarili o paghahangad ng mga makamundong bagay ay hindi makakamit kung ano ang totoong mahalaga. Pero ang mga handang talikuran ang kanilang sariling interes para kay Jesus ay makakamtan ang tunay at walang hanggang buhay. Ano ang mga bagay na kinailangan mong talikuran para sumunod kay Cristo?

𝟮. 𝗕𝘂𝗵𝗮𝘁𝗶𝗻 𝗻𝗮𝘁𝗶𝗻 𝗮𝗻𝗴 𝗮𝘁𝗶𝗻𝗴 𝗸𝗿𝘂𝘀 𝗮𝗿𝗮𝘄-𝗮𝗿𝗮𝘄.

𝘗𝘢𝘨𝘬𝘢𝘵𝘢𝘱𝘰𝘴, 𝘴𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘭𝘢𝘩𝘢𝘵, “𝘈𝘯𝘨 𝘴𝘪𝘯𝘶𝘮𝘢𝘯𝘨 𝘨𝘶𝘴𝘵𝘰𝘯𝘨 𝘴𝘶𝘮𝘶𝘯𝘰𝘥 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘥𝘢𝘱𝘢𝘵 𝘪𝘯𝘶𝘶𝘯𝘢 𝘢𝘯𝘨 𝘴𝘢𝘳𝘪𝘭𝘪. 𝘈𝘵 𝘥𝘢𝘱𝘢𝘵 𝘢𝘺 𝘩𝘢𝘯𝘥𝘢 𝘴𝘪𝘺𝘢𝘯𝘨 𝘩𝘶𝘮𝘢𝘳𝘢𝘱 𝘬𝘢𝘩𝘪𝘵 𝘴𝘢 𝘬𝘢𝘮𝘢𝘵𝘢𝘺𝘢𝘯 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘱𝘢𝘨𝘴𝘶𝘯𝘰𝘥 𝘯𝘪𝘺𝘢 𝘴𝘢 𝘢𝘬𝘪𝘯 𝘢𝘳𝘢𝘸-𝘢𝘳𝘢𝘸. . . . 𝘈𝘯𝘰 𝘣𝘢 𝘢𝘯𝘨 𝘮𝘢𝘱𝘢𝘱𝘢𝘭𝘢 𝘯𝘨 𝘪𝘴𝘢𝘯𝘨 𝘵𝘢𝘰 𝘬𝘶𝘯𝘨 𝘮𝘢𝘱𝘢𝘴𝘢𝘬𝘢𝘯𝘺𝘢 𝘮𝘢𝘯 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘨𝘢𝘺 𝘴𝘢 𝘮𝘶𝘯𝘥𝘰 𝘱𝘦𝘳𝘰 𝘮𝘢𝘱𝘢𝘱𝘢𝘩𝘢𝘮𝘢𝘬 𝘯𝘢𝘮𝘢𝘯 𝘢𝘯𝘨 𝘣𝘶𝘩𝘢𝘺 𝘯𝘪𝘺𝘢? 𝘞𝘢𝘭𝘢!” 𝗟𝗨𝗖𝗔𝗦 𝟵:𝟮𝟯, 𝟮𝟱

Ang pagpapako sa krus ang pinakamahirap, masakit, at kahiya-hiyang kamatayan noong panahon ni Jesus. Bilang mga tagasunod Niya, kailangan nating tanggapin ang kalooban ng Diyos kahit na mahirap ito at may mga sakripisyo, tulad ng pagtalikod sa atin ng mga tao, pagdurusa, o kamatayan. Ipinakita ito ni Jesus nang hinarap Niya ang krus, tiniis ang lahat ng sakit, at sinunod ang plano ng Diyos. Ang Kanyang sakripisyo ay nagsisilbing inspirasyon sa atin na mamuhay nang tapat at handang magsakripisyo. Hindi man natin hinaharap ang kamatayan ngayon, may mga sakripisyo pa ring kailangang gawin para sumunod kay Jesus. Ano ang ibig sabihin sa iyo ng pagbuhat sa iyong krus araw-araw?

𝟯. 𝗣𝗮𝘁𝘂𝗹𝗼𝘆 𝘁𝗮𝘆𝗼𝗻𝗴 𝘀𝘂𝗺𝘂𝗻𝗼𝗱 𝗸𝗮𝘆 𝗝𝗲𝘀𝘂𝘀.

𝘗𝘢𝘨𝘬𝘢𝘵𝘢𝘱𝘰𝘴, 𝘴𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘭𝘢𝘩𝘢𝘵, “𝘈𝘯𝘨 𝘴𝘪𝘯𝘶𝘮𝘢𝘯𝘨 𝘨𝘶𝘴𝘵𝘰𝘯𝘨 𝘴𝘶𝘮𝘶𝘯𝘰𝘥 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘥𝘢𝘱𝘢𝘵 𝘪𝘯𝘶𝘶𝘯𝘢 𝘢𝘯𝘨 𝘴𝘢𝘳𝘪𝘭𝘪. 𝘈𝘵 𝘥𝘢𝘱𝘢𝘵 𝘢𝘺 𝘩𝘢𝘯𝘥𝘢 𝘴𝘪𝘺𝘢𝘯𝘨 𝘩𝘶𝘮𝘢𝘳𝘢𝘱 𝘬𝘢𝘩𝘪𝘵 𝘴𝘢 𝘬𝘢𝘮𝘢𝘵𝘢𝘺𝘢𝘯 𝘢𝘭𝘢𝘯𝘨-𝘢𝘭𝘢𝘯𝘨 𝘴𝘢 𝘱𝘢𝘨𝘴𝘶𝘯𝘰𝘥 𝘯𝘪𝘺𝘢 𝘴𝘢 𝘢𝘬𝘪𝘯 𝘢𝘳𝘢𝘸-𝘢𝘳𝘢𝘸. . . . 𝘒𝘶𝘯𝘨 𝘢𝘬𝘰 𝘢𝘵 𝘢𝘯𝘨 𝘮𝘨𝘢 𝘢𝘳𝘢𝘭 𝘬𝘰 𝘢𝘺 𝘪𝘬𝘢𝘬𝘢𝘩𝘪𝘺𝘢 𝘯𝘪𝘯𝘶𝘮𝘢𝘯, 𝘪𝘬𝘢𝘬𝘢𝘩𝘪𝘺𝘢 𝘬𝘰 𝘳𝘪𝘯 𝘴𝘪𝘺𝘢 𝘬𝘢𝘱𝘢𝘨 𝘢𝘬𝘰 𝘯𝘢 𝘈𝘯𝘢𝘬 𝘯𝘨 𝘛𝘢𝘰 𝘢𝘺 𝘱𝘶𝘮𝘢𝘳𝘪𝘵𝘰 𝘯𝘢 𝘵𝘢𝘨𝘭𝘢𝘺 𝘢𝘯𝘨 𝘢𝘬𝘪𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘢𝘵 𝘢𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘈𝘮𝘢 𝘢𝘵 𝘯𝘨 𝘮𝘨𝘢 𝘣𝘢𝘯𝘢𝘭 𝘯𝘢 𝘢𝘯𝘨𝘩𝘦𝘭.” 𝗟𝗨𝗖𝗔𝗦 𝟵:𝟮𝟯, 𝟮𝟲

Ang pagsunod kay Jesus ay hindi isang desisyon na ginagawa lamang ng isang beses, kundi isang patuloy na pagsunod sa Kanyang mga utos. Tinawag tayo na iayon ang ating buhay sa Kanyang mga katuruan anuman ang sitwasyon. Ipinapaalala nito na ang tunay na pagiging disipulo ay nangangahulugang tapat tayo, ipinapakita natin ang ating pananampalataya, at buong-puso tayong sumusunod kay Jesus araw-araw, at alam natin na pinararangalan ang katapatan sa kaharian ng Diyos. Paano mo nakita ang kahalagahan ng pagiging konektado sa ibang mga mananampalataya?

Habang nahihikayat tayo ng sakripisyo ni Jesus at pangako na buhay na walang hanggan, inaanyayahan tayong sumunod sa Kanya, isuko ang ating mga kagustuhan, at magtiwala sa Kanyang plano. Ang paglalakbay na ito ay hindi natin magagawa nang mag-isa; kasama natin ang mga kapwa natin mananampalataya para magbigay ng lakas, gabay, at suporta. Sama-sama nating tinutulungan ang isa’t isa na mamuhay nang may tapang ayon sa plano ng Diyos at para sa Kanyang kaluwalhatian.

𝗔𝗣𝗣𝗟𝗜𝗖𝗔𝗧𝗜𝗢𝗡

• May bahagi ba ng buhay mo na hinihiling ng Diyos na pagkaitan mo ang iyong sarili at buhatin ang iyong krus? Ano ang pwede mong gawin para sumunod kay Jesus sa bahaging ito ng buhay mo?

• Hilingin sa Diyos na ipakita sa iyo ang mga aspeto ng buhay mo na hindi mo pa ganap na isinusuko sa pagka-Panginoon ni Jesus. Hilingin din sa Diyos na ipakita sa ‘yo ang mga pwede mong gawin araw-araw para lumago sa mga bahaging ito.

• May mga tao ba sa buhay mo na pwede mong lapitan kapag kailangan mong palakasin ang iyong pananampalataya habang sumusunod kay Cristo? Isipin ang tatlong bagay na pwede mong gawin para maging mas masigasig sa pagpapanatili ng koneksyon mo sa ibang mga mananampalataya. Mangakong sisimulan mo ito ngayong linggo.

𝗣𝗥𝗔𝗬𝗘𝗥

• Pasalamatan ang Diyos dahil ipinadala Niya si Jesus, ang perpektong halimbawa ng pagsuko sa Diyos at sa Kanyang kalooban. Ipagdasal na bigyan ka ng biyaya para sumunod kay Jesus kahit pa mahirapan ka.

• Hilingin sa Diyos na tulungan kang buhatin ang krus na ipinapabuhat Niya sa iyo. Ipagdasal na lagi mong maalala ang ebanghelyo para makapamuhay ka ayon sa liwanag na dala ng krus ni Jesus.

• Pasalamatan ang Diyos para sa mga kaibigan mo sa iglesya. Maglaan ng oras para makipag-usap sa kanila ngayong linggo upang magpasalamat at ipagdasal sila.