𝗪𝗔𝗥𝗠 𝗨𝗣

• Magkwento tungkol sa isang bagay na ginagamit mo lang tuwing may espesyal na okasyon o para lang sa pinaglaanan mo. Bakit ito espesyal o naiiba para sa ’yo?

• Naranasan mo na bang matakot o mahiyang pumasok sa isang kwarto o lugar? Bakit mo ito naramdaman?

• Sino ang taong kilala mo na para sa iyo ay pinaka-nakakatakot o may pinakamataas na antas sa lipunan? Nagbago ba ang tingin mo sa kanya pagkatapos mo siyang makausap?

𝗪𝗢𝗥𝗗

𝘒𝘢𝘺𝘢 𝘱𝘢𝘯𝘨𝘩𝘢𝘸𝘢𝘬𝘢𝘯 𝘯𝘢𝘵𝘪𝘯𝘨 𝘮𝘢𝘣𝘶𝘵𝘪 𝘢𝘯𝘨 𝘱𝘪𝘯𝘢𝘯𝘪𝘯𝘪𝘸𝘢𝘭𝘢𝘢𝘯 𝘯𝘢𝘵𝘪𝘯 𝘥𝘢𝘩𝘪𝘭 𝘮𝘢𝘺𝘳𝘰𝘰𝘯 𝘵𝘢𝘺𝘰𝘯𝘨 𝘥𝘢𝘬𝘪𝘭𝘢𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘯𝘢 𝘱𝘶𝘮𝘢𝘴𝘰𝘬 𝘴𝘢 𝘬𝘢𝘭𝘢𝘯𝘨𝘪𝘵𝘢𝘯, 𝘯𝘢 𝘸𝘢𝘭𝘢𝘯𝘨 𝘪𝘣𝘢 𝘬𝘶𝘯𝘥𝘪 𝘴𝘪 𝘑𝘦𝘴𝘶𝘴 𝘯𝘢 𝘈𝘯𝘢𝘬 𝘯𝘨 𝘋𝘪𝘰𝘴. 𝘕𝘢𝘥𝘢𝘳𝘢𝘮𝘢 𝘳𝘪𝘯 𝘯𝘨 𝘢𝘵𝘪𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘢𝘯𝘨 𝘭𝘢𝘩𝘢𝘵 𝘯𝘨 𝘬𝘢𝘩𝘪𝘯𝘢𝘢𝘯 𝘯𝘢𝘵𝘪𝘯, 𝘥𝘢𝘩𝘪𝘭 𝘯𝘢𝘳𝘢𝘯𝘢𝘴𝘢𝘯 𝘥𝘪𝘯 𝘯𝘪𝘺𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘱𝘢𝘨𝘴𝘶𝘣𝘰𝘬 𝘯𝘢 𝘥𝘶𝘮𝘢𝘳𝘢𝘵𝘪𝘯𝘨 𝘴𝘢 𝘢𝘵𝘪𝘯, 𝘱𝘦𝘳𝘰 𝘩𝘪𝘯𝘥𝘪 𝘴𝘪𝘺𝘢 𝘯𝘢𝘨𝘬𝘢𝘴𝘢𝘭𝘢. 𝘒𝘢𝘺𝘢 𝘩𝘶𝘸𝘢𝘨 𝘵𝘢𝘺𝘰𝘯𝘨 𝘮𝘢𝘨-𝘢𝘵𝘶𝘣𝘪𝘭𝘪𝘯𝘨 𝘭𝘶𝘮𝘢𝘱𝘪𝘵 𝘴𝘢 𝘵𝘳𝘰𝘯𝘰 𝘯𝘨 𝘮𝘢𝘢𝘸𝘢𝘪𝘯𝘨 𝘋𝘪𝘰𝘴 𝘱𝘢𝘳𝘢 𝘮𝘢𝘵𝘢𝘯𝘨𝘨𝘢𝘱 𝘯𝘢𝘵𝘪𝘯 𝘢𝘯𝘨 𝘢𝘸𝘢 𝘢𝘵 𝘣𝘪𝘺𝘢𝘺𝘢𝘯𝘨 𝘮𝘢𝘬𝘢𝘬𝘢𝘵𝘶𝘭𝘰𝘯𝘨 𝘴𝘢 𝘢𝘵𝘪𝘯 𝘴𝘢 𝘱𝘢𝘯𝘢𝘩𝘰𝘯 𝘯𝘨 𝘱𝘢𝘯𝘨𝘢𝘯𝘨𝘢𝘪𝘭𝘢𝘯𝘨𝘢𝘯. 𝗛𝗘𝗕𝗥𝗘𝗢 𝟰:𝟭𝟰–𝟭𝟲

(Basahin din ang 𝗛𝗘𝗕𝗥𝗘𝗢 𝟰:𝟭𝟳–𝟱:𝟭𝟬.)

Sa Lumang Tipan, ang mga punong pari ang tagapamagitan at tagapanalangin ng Israel sa Diyos. Minsan sa isang taon lang sila pinapayagang pumasok sa Kabanal-banalang Lugar ng templo para maghandog ng alay na pantubos para sa kasalanan ng mga mamamayan ng Diyos. Isang makapal na tabing o kurtina ang naghihiwalay sa bahaging ito mula sa ibang parte ng templo, at tanging ang punong pari lang ang maaaring pumasok doon isang beses sa isang taon. Dahil nananahan doon ang presensya ng Diyos, kailangang maghandog muna ng alay ang pari para sa sarili niyang kasalanan bago siya pumasok sa Kabanal-banalang Lugar, upang hindi siya mamatay. Napakaraming seremonyang kailangang sundin ang isang punong pari para magampanan niya ang kanyang tungkulin. Pero nang dumating si Jesus, Siya ang naging dakilang Punong Pari, mas higit kaysa sa sinumang punong pari noon. Ano ang nagpapabukod-tangi kay Jesus bilang Punong Pari at paano Siya naging higit na mabuti?

𝟭. 𝗦𝗶 𝗝𝗲𝘀𝘂𝘀, 𝗮𝗻𝗴 𝗮𝘁𝗶𝗻𝗴 𝗣𝘂𝗻𝗼𝗻𝗴 𝗣𝗮𝗿𝗶, 𝗮𝘆 𝗻𝗮𝗸𝗮𝗸𝗮𝘂𝗻𝗮𝘄𝗮 𝘀𝗮 𝗮𝘁𝗶𝗻𝗴 𝗺𝗴𝗮 𝗸𝗮𝗵𝗶𝗻𝗮𝗮𝗻.

𝘒𝘢𝘺𝘢 𝘱𝘢𝘯𝘨𝘩𝘢𝘸𝘢𝘬𝘢𝘯 𝘯𝘢𝘵𝘪𝘯𝘨 𝘮𝘢𝘣𝘶𝘵𝘪 𝘢𝘯𝘨 𝘱𝘪𝘯𝘢𝘯𝘪𝘯𝘪𝘸𝘢𝘭𝘢𝘢𝘯 𝘯𝘢𝘵𝘪𝘯 𝘥𝘢𝘩𝘪𝘭 𝘮𝘢𝘺𝘳𝘰𝘰𝘯 𝘵𝘢𝘺𝘰𝘯𝘨 𝘥𝘢𝘬𝘪𝘭𝘢𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘯𝘢 𝘱𝘶𝘮𝘢𝘴𝘰𝘬 𝘴𝘢 𝘬𝘢𝘭𝘢𝘯𝘨𝘪𝘵𝘢𝘯, 𝘯𝘢 𝘸𝘢𝘭𝘢𝘯𝘨 𝘪𝘣𝘢 𝘬𝘶𝘯𝘥𝘪 𝘴𝘪 𝘑𝘦𝘴𝘶𝘴 𝘯𝘢 𝘈𝘯𝘢𝘬 𝘯𝘨 𝘋𝘪𝘰𝘴. 𝘕𝘢𝘥𝘢𝘳𝘢𝘮𝘢 𝘳𝘪𝘯 𝘯𝘨 𝘢𝘵𝘪𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘢𝘯𝘨 𝘭𝘢𝘩𝘢𝘵 𝘯𝘨 𝘬𝘢𝘩𝘪𝘯𝘢𝘢𝘯 𝘯𝘢𝘵𝘪𝘯, 𝘥𝘢𝘩𝘪𝘭 𝘯𝘢𝘳𝘢𝘯𝘢𝘴𝘢𝘯 𝘥𝘪𝘯 𝘯𝘪𝘺𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘱𝘢𝘨𝘴𝘶𝘣𝘰𝘬 𝘯𝘢 𝘥𝘶𝘮𝘢𝘳𝘢𝘵𝘪𝘯𝘨 𝘴𝘢 𝘢𝘵𝘪𝘯, 𝘱𝘦𝘳𝘰 𝘩𝘪𝘯𝘥𝘪 𝘴𝘪𝘺𝘢 𝘯𝘢𝘨𝘬𝘢𝘴𝘢𝘭𝘢. 𝗛𝗘𝗕𝗥𝗘𝗢 𝟰:𝟭𝟰–𝟭𝟱

Hindi tulad ng ibang punong pari, hindi kailangang maghandog ni Jesus para sa sarili Niyang kasalanan dahil Siya lamang ang walang kasalanan. Ganunpaman, kahit Siya ay Diyos, pinili Niyang maging tao at dinanas Niya ang hirap, pagsubok, pagdurusa, at tukso. Sa kabila ng Kanyang kabanalan, nauunawaan Niya ang ating kahinaan at pagiging tao. Dahil dito, mapanghahawakan natin ang ating pananampalataya at makakayanan nating magpatuloy sa kabila ng mga pagsubok. Paano mo personal na naranasan ang malasakit ni Jesus sa gitna ng iyong kahinaan?

𝟮. 𝗦𝗶 𝗝𝗲𝘀𝘂𝘀, 𝗮𝗻𝗴 𝗮𝘁𝗶𝗻𝗴 𝗣𝘂𝗻𝗼𝗻𝗴 𝗣𝗮𝗿𝗶, 𝗮𝗻𝗴 𝗻𝗮𝗴𝗯𝗶𝗴𝗮𝘆 𝘀𝗮 𝗮𝘁𝗶𝗻 𝗻𝗴 𝗱𝗮𝗮𝗻 𝗽𝗮𝗿𝗮 𝗺𝗮𝗽𝗮𝗹𝗮𝗽𝗶𝘁 𝘀𝗮 𝗗𝗶𝘆𝗼𝘀.

𝘒𝘢𝘺𝘢 𝘩𝘶𝘸𝘢𝘨 𝘵𝘢𝘺𝘰𝘯𝘨 𝘮𝘢𝘨-𝘢𝘵𝘶𝘣𝘪𝘭𝘪𝘯𝘨 𝘭𝘶𝘮𝘢𝘱𝘪𝘵 𝘴𝘢 𝘵𝘳𝘰𝘯𝘰 𝘯𝘨 𝘮𝘢𝘢𝘸𝘢𝘪𝘯𝘨 𝘋𝘪𝘰𝘴 𝘱𝘢𝘳𝘢 𝘮𝘢𝘵𝘢𝘯𝘨𝘨𝘢𝘱 𝘯𝘢𝘵𝘪𝘯 𝘢𝘯𝘨 𝘢𝘸𝘢 𝘢𝘵 𝘣𝘪𝘺𝘢𝘺𝘢𝘯𝘨 𝘮𝘢𝘬𝘢𝘬𝘢𝘵𝘶𝘭𝘰𝘯𝘨 𝘴𝘢 𝘢𝘵𝘪𝘯 𝘴𝘢 𝘱𝘢𝘯𝘢𝘩𝘰𝘯 𝘯𝘨 𝘱𝘢𝘯𝘨𝘢𝘯𝘨𝘢𝘪𝘭𝘢𝘯𝘨𝘢𝘯. 𝗛𝗘𝗕𝗥𝗘𝗢 𝟰:𝟭𝟲

Ang paglapit sa Diyos ay paanyaya para sa mga naniniwala sa ginawa ni Jesus. Isa itong paanyaya para sa isang relasyon—mas mapalapit sa Kanya, makilala Siya, at makilala Niya. Tayo ngayon ay makakalapit na sa Diyos nang may lakas ng loob. Nang ginawa ni Jesus ang ganap na pag-alay ng Kanyang sarili para sa atin, nilinis Niya tayong mga nagtitiwala sa Kanya at ginawa Niya tayong karapat-dapat na manahan sa Kanyang presensya. Ito ang nagbigay-daan para makapasok tayo sa Kabanal-banalang Lugar at malayang makipag-ugnayan sa Diyos. Hindi na lamang ang mga punong pari ang makakapasok dito; ito ay para sa ating lahat, kahit kailan at kahit saan. Paano mo nasimulang maintindihan ang katotohanang ito at paano ito nakaapekto sa buhay mo?

𝟯. 𝗦𝗶 𝗝𝗲𝘀𝘂𝘀, 𝗮𝗻𝗴 𝗮𝘁𝗶𝗻𝗴 𝗣𝘂𝗻𝗼𝗻𝗴 𝗣𝗮𝗿𝗶, 𝗮𝘆 𝗺𝗮𝘆 𝗲𝘀𝗽𝗲𝘀𝘆𝗮𝗹 𝗻𝗮 𝘂𝗴𝗻𝗮𝘆𝗮𝗻 𝘀𝗮 𝗞𝗮𝗻𝘆𝗮𝗻𝗴 𝗔𝗺𝗮.

𝘏𝘪𝘯𝘥𝘪 𝘮𝘢𝘢𝘢𝘳𝘪𝘯𝘨 𝘮𝘢𝘬𝘢𝘮𝘵𝘢𝘯 𝘯𝘪𝘯𝘶𝘮𝘢𝘯 𝘴𝘢 𝘴𝘢𝘳𝘪𝘭𝘪 𝘯𝘪𝘺𝘢𝘯𝘨 𝘬𝘢𝘨𝘶𝘴𝘵𝘶𝘩𝘢𝘯 𝘢𝘯𝘨 𝘬𝘢𝘳𝘢𝘯𝘨𝘢𝘭𝘢𝘯 𝘯𝘨 𝘱𝘢𝘨𝘪𝘨𝘪𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪. 𝘚𝘢𝘱𝘢𝘨𝘬𝘢𝘵 𝘢𝘯𝘨 𝘋𝘪𝘰𝘴 𝘮𝘪𝘴𝘮𝘰 𝘢𝘯𝘨 𝘩𝘶𝘮𝘪𝘩𝘪𝘳𝘢𝘯𝘨 𝘴𝘢 𝘬𝘢𝘯𝘺𝘢 𝘯𝘢 𝘮𝘢𝘨𝘪𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪, 𝘵𝘶𝘭𝘢𝘥 𝘯𝘨 𝘱𝘢𝘨𝘬𝘢𝘩𝘪𝘳𝘢𝘯𝘨 𝘬𝘢𝘺 𝘈𝘢𝘳𝘰𝘯. 𝘎𝘢𝘯𝘰𝘰𝘯 𝘥𝘪𝘯 𝘯𝘢𝘮𝘢𝘯, 𝘩𝘪𝘯𝘥𝘪 𝘴𝘪 𝘊𝘳𝘪𝘴𝘵𝘰 𝘢𝘯𝘨 𝘯𝘢𝘨𝘱𝘢𝘳𝘢𝘯𝘨𝘢𝘭 𝘴𝘢 𝘴𝘢𝘳𝘪𝘭𝘪 𝘯𝘪𝘺𝘢 𝘯𝘢 𝘮𝘢𝘨𝘪𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘬𝘶𝘯𝘥𝘪 𝘢𝘯𝘨 𝘋𝘪𝘰𝘴. 𝘚𝘢𝘱𝘢𝘨𝘬𝘢𝘵 𝘴𝘪𝘯𝘢𝘣𝘪 𝘴𝘢 𝘬𝘢𝘯𝘺𝘢 𝘯𝘨 𝘋𝘪𝘰𝘴, “𝘐𝘬𝘢𝘸 𝘢𝘯𝘨 𝘈𝘯𝘢𝘬 𝘬𝘰, 𝘢𝘵 𝘯𝘨𝘢𝘺𝘰𝘯 𝘪𝘱𝘢𝘱𝘢𝘩𝘢𝘺𝘢𝘨 𝘬𝘰 𝘯𝘢 𝘢𝘬𝘰 𝘢𝘯𝘨 𝘪𝘺𝘰𝘯𝘨 𝘈𝘮𝘢.” 𝗛𝗘𝗕𝗥𝗘𝗢 𝟱:𝟰–𝟱

Bukod sa pag-aalay ng mga sakripisyo para sa kasalanan ng mga tao, ang punong pari ay namamagitan din para sa kanila. Si Jesus, na hinirang ng Ama bilang 𝘗𝘶𝘯𝘰𝘯𝘨 Pari, ay patuloy na namamagitan para sa atin hanggang ngayon. Dahil Siya ay Anak ng Diyos at mas malapit Siya sa Ama kaysa sa sinumang punong pari, Siya ang perpektong tagapamagitan at namamagitan para sa atin sa harap ng Diyos Ama. Ano ang ipinapahayag ng Lucas 3:22 tungkol sa ugnayan ng Ama at ng Anak?

Ang relasyon na mayroon si Jesus at ang Ama ay hindi malayo para maabot natin. Ang uri ng ugnayan nila ang nagbibigay sa atin ng tiwala na habang namamagitan si Jesus para sa atin, napapakinggan ang ating mga panalangin. Higit pa rito, ang mga sagot sa panalangin natin ay ayon sa kalooban at layunin ng Diyos. Ngayong alam na natin na si Jesus ang mas mabuting Punong Pari, tumugon tayo nang may pasasalamat sa Kanyang ginawa at tiwala na lumapit sa Diyos.

𝗔𝗣𝗣𝗟𝗜𝗖𝗔𝗧𝗜𝗢𝗡

• Tinanggap mo na ba ang paanyaya ni Jesus na lumapit sa Diyos? Kung hindi pa, ano sa palagay mo ang pumipigil sa ’yo para mas mapalapit sa Kanya?

• Dahil kay Jesus, maaari na tayong lumapit sa Diyos. Paano nito mababago ang paraan ng iyong pananalangin at pakikipag-usap sa Kanya?

• May kinakaharap ka bang tukso, paghihirap, o pagsubok ngayon? Hilingin kay Jesus na mamagitan para sa ’yo at bigyan ka ng lakas na magpatuloy sa tulong ng Banal na Espiritu.

𝗣𝗥𝗔𝗬𝗘𝗥

• Magpasalamat tayo sa Diyos dahil isinugo at hinirang Niya si Jesus bilang ating Punong Pari. Ipanalangin na patuloy nating maranasan ang biyaya ng Ama habang hinaharap natin ang iba’t ibang pagsubok, tulad ng ginawa ni Jesus.

• Hilingin natin sa Diyos na tulungan tayong huwag balewalain ang relasyon na mayroon tayo sa Kanya dahil kay Jesu-Cristo. Ipanalangin na lalo pang lumalim ang ating ugnayan at pagtitiwala sa Diyos.

• Ipagdasal din natin ang mga tao sa ating paligid na kailangang makaalam na mahal tayo ng Diyos at gumawa Siya ng paraan upang maibalik tayo sa Kanya. Hilingin natin ang lakas ng loob upang maibahagi sa kanila ang ebanghelyo.