𝗪𝗔𝗥𝗠 𝗨𝗣

• Naatasan ka na bang gumawa ng isang bagay na tila imposible? Paano ka tumugon?

• Kapag binigyan ka ng mga instruksiyon, sinusunod mo ba kaagad ang mga ito o naglalaan ka muna ng oras para maintindihan ang mga ito?

• Nasita ka na ba dahil may ginawa kang bagay na hindi karaniwang ginagawa? Ano ang nangyari?

𝗪𝗢𝗥𝗗

. . . 𝘯𝘢𝘯𝘨𝘩𝘪𝘯𝘢𝘺𝘢𝘯𝘨 𝘴𝘪𝘺𝘢 𝘬𝘶𝘯𝘨 𝘣𝘢𝘬𝘪𝘵 𝘨𝘪𝘯𝘢𝘸𝘢 𝘱𝘢 𝘯𝘪𝘺𝘢 𝘢𝘯𝘨 𝘵𝘢𝘰 𝘴𝘢 𝘮𝘶𝘯𝘥𝘰. 𝘓𝘢𝘣𝘪𝘴 𝘢𝘯𝘨 𝘬𝘢𝘭𝘶𝘯𝘨𝘬𝘶𝘵𝘢𝘯 𝘯𝘪𝘺𝘢 . . . 𝘗𝘦𝘳𝘰 𝘮𝘢𝘺 𝘪𝘴𝘢𝘯𝘨 𝘵𝘢𝘰 𝘯𝘢 𝘯𝘢𝘬𝘢𝘱𝘢𝘨𝘣𝘪𝘨𝘢𝘺-𝘭𝘶𝘨𝘰𝘥 𝘴𝘢 𝘗𝘈𝘕𝘎𝘐𝘕𝘖𝘖𝘕, 𝘴𝘪𝘺𝘢 𝘢𝘺 𝘴𝘪 𝘕𝘰𝘦. 𝘐𝘵𝘰 𝘢𝘯𝘨 𝘴𝘢𝘭𝘢𝘺𝘴𝘢𝘺 𝘵𝘶𝘯𝘨𝘬𝘰𝘭 𝘴𝘢 𝘱𝘢𝘮𝘪𝘭𝘺𝘢 𝘯𝘪 𝘕𝘰𝘦. 𝘚𝘪 𝘕𝘰𝘦 𝘢𝘺 𝘮𝘢𝘬𝘢𝘥𝘪𝘺𝘰𝘴. 𝘚𝘪𝘺𝘢 𝘭𝘢𝘯𝘨 𝘢𝘯𝘨 𝘯𝘢𝘮𝘶𝘮𝘶𝘩𝘢𝘺 𝘯𝘢 𝘮𝘢𝘵𝘶𝘸𝘪𝘥 𝘴𝘢 𝘬𝘢𝘱𝘢𝘯𝘢𝘩𝘶𝘯𝘢𝘯 𝘯𝘪𝘺𝘢, 𝘢𝘵 𝘮𝘢𝘭𝘢𝘱𝘪𝘵 𝘢𝘯𝘨 𝘬𝘢𝘯𝘺𝘢𝘯𝘨 𝘳𝘦𝘭𝘢𝘴𝘺𝘰𝘯 𝘴𝘢 𝘋𝘪𝘺𝘰𝘴. 𝗚𝗘𝗡𝗘𝗦𝗜𝗦 𝟲:𝟲, 𝟴-𝟵

(Basahin din ang 𝗚𝗘𝗡𝗘𝗦𝗜𝗦 𝟲.)

Nang likhain ng Diyos ang mga tao, ginawa Niya sila ayon sa Kanyang imahe, pinagpala Niya sila, at inatasan silang 𝘮𝘢𝘨𝘱𝘢𝘬𝘢𝘳𝘢𝘮𝘪, ipakalat ang kanilang mga lahi at 𝘮𝘢𝘮𝘢𝘩𝘢𝘭𝘢 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰 (Genesis 1:28). Ngunit dahil sa pagsuway nina Adan at Eva, dumating ang kasalanan sa mundo at nahawa ang lahat ng tao. Kalaunan, pinili ng mga tao na magrebelde sa Diyos at naging masama ang kanilang pamumuhay. Napakasama ng mga ginagawa nila kung kaya’t nadurog ang puso ng Diyos at nanghinayang Siya na ginawa pa Niya ang sangkatauhan. Nagpasya ang Diyos na magpadala ng baha upang lipulin ang Kanyang nilikha. Ngunit may isang taong naiiba, sumusunod sa Diyos kahit na hindi ito ang ginagawa ng ibang mga tao. Ngayong araw, tingnan at pag-aralan natin ang kwento ng pananampalataya ni Noe. Pumunta siya sa ibang lugar at sinunod pa rin ang utos na gumawa ng barko na humantong sa kaligtasan ng kanyang pamilya at ng iba pang nilikha.

𝟭. 𝗠𝗮𝗺𝘂𝗵𝗮𝘆 𝗸𝗮𝘀𝗮𝗺𝗮 𝗮𝗻𝗴 𝗗𝗶𝘆𝗼𝘀, 𝗸𝗮𝗵𝗶𝘁 𝗻𝗮 𝗶𝘁𝗼 𝗮𝘆 𝗸𝗼𝗻𝘁𝗿𝗮 𝘀𝗮 𝗸𝘂𝗹𝘁𝘂𝗿𝗮.

𝘗𝘦𝘳𝘰 𝘮𝘢𝘺 𝘪𝘴𝘢𝘯𝘨 𝘵𝘢𝘰 𝘯𝘢 𝘯𝘢𝘬𝘢𝘱𝘢𝘨𝘣𝘪𝘨𝘢𝘺-𝘭𝘶𝘨𝘰𝘥 𝘴𝘢 𝘗𝘈𝘕𝘎𝘐𝘕𝘖𝘖𝘕, 𝘴𝘪𝘺𝘢 𝘢𝘺 𝘴𝘪 𝘕𝘰𝘦. 𝘐𝘵𝘰 𝘢𝘯𝘨 𝘴𝘢𝘭𝘢𝘺𝘴𝘢𝘺 𝘵𝘶𝘯𝘨𝘬𝘰𝘭 𝘴𝘢 𝘱𝘢𝘮𝘪𝘭𝘺𝘢 𝘯𝘪 𝘕𝘰𝘦. 𝘚𝘪 𝘕𝘰𝘦 𝘢𝘺 𝘮𝘢𝘬𝘢𝘥𝘪𝘺𝘰𝘴. 𝘚𝘪𝘺𝘢 𝘭𝘢𝘯𝘨 𝘢𝘯𝘨 𝘯𝘢𝘮𝘶𝘮𝘶𝘩𝘢𝘺 𝘯𝘢 𝘮𝘢𝘵𝘶𝘸𝘪𝘥 𝘴𝘢 𝘬𝘢𝘱𝘢𝘯𝘢𝘩𝘶𝘯𝘢𝘯 𝘯𝘪𝘺𝘢, 𝘢𝘵 𝘮𝘢𝘭𝘢𝘱𝘪𝘵 𝘢𝘯𝘨 𝘬𝘢𝘯𝘺𝘢𝘯𝘨 𝘳𝘦𝘭𝘢𝘴𝘺𝘰𝘯 𝘴𝘢 𝘋𝘪𝘺𝘰𝘴. 𝗚𝗘𝗡𝗘𝗦𝗜𝗦 𝟲:𝟴-𝟵

Sa kabila ng katiwalian sa paligid niya, si Noe ay tapat sa Diyos, 𝘮𝘢𝘬𝘢𝘥𝘪𝘺𝘰𝘴 at 𝘮𝘢𝘵𝘶𝘸𝘪𝘥 𝘴𝘢 𝘬𝘢𝘱𝘢𝘯𝘢𝘩𝘶𝘯𝘢𝘯 𝘯𝘪𝘺𝘢. Noong pinili ng mga tao na magkasala, si Noe ay determinadong sumunod sa Diyos. Sa katunayan, si Noe ay inilarawan bilang isang mangangaral ng matuwid na pamumuhay (2 Pedro 2:4–6). Hindi siya nag-iisa dahil pinalaki niya ang kanyang pamilya sa mga pamamaraan ng Diyos. Kahit ngayon, tinatawag tayo ng Diyos na italaga ang ating sarili at mamuhay na kasama Niya sa katuwiran, kahit na kontra ito sa kultura. Balikan ang isang pagkakataon na gumawa ka ng isang bagay na hindi karaniwan upang sundin ang Diyos. Anong nangyari?

𝟮. 𝗦𝘂𝗻𝗱𝗶𝗻 𝗮𝗻𝗴 𝗹𝗮𝗵𝗮𝘁 𝗻𝗴 𝘂𝘁𝗼𝘀 𝗻𝗴 𝗗𝗶𝘆𝗼𝘀, 𝗸𝗮𝗵𝗶𝘁 𝗻𝗮 𝗽𝗮𝗿𝗮𝗻𝗴 𝗵𝗶𝗻𝗱𝗶 𝗶𝘁𝗼 𝗺𝗮𝗸𝗮𝘁𝘄𝗶𝗿𝗮𝗻.

𝘚𝘪𝘯𝘶𝘯𝘰𝘥 𝘯𝘪 𝘕𝘰𝘦 𝘢𝘯𝘨 𝘭𝘢𝘩𝘢𝘵 𝘯𝘨 𝘪𝘯𝘪𝘶𝘵𝘰𝘴 𝘯𝘨 𝘋𝘪𝘺𝘰𝘴 𝘴𝘢 𝘬𝘢𝘯𝘺𝘢. 𝗚𝗘𝗡𝗘𝗦𝗜𝗦 𝟲:𝟮𝟮

Dahil napansin ng Diyos si Noe, nakatanggap siya mula sa Diyos ng babala na darating ang baha at inutusan siyang gumawa ng barko para protektahan siya at ang kanyang pamilya, kasama ang lahat ng uri ng hayop. Mukha itong imposible at hindi makatwiran. Ito ang unang pagkakataong may gagawa ng isang barko, at hindi sinabi ng Diyos kung kailan darating ang baha. Ngunit ginawa ni Noe 𝘢𝘯𝘨 𝘭𝘢𝘩𝘢𝘵 𝘯𝘨 𝘪𝘯𝘪𝘶𝘵𝘰𝘴 𝘯𝘨 𝘋𝘪𝘺𝘰𝘴 𝘴𝘢 𝘬𝘢𝘯𝘺𝘢, at sinunod ang mga tiyak na sukat at materyales na gagamitin. Minsan, naiisip natin na ang salita ng Diyos at ang Kanyang mga utos ay parang walang kabuluhan, ngunit ang Kanyang salita ay napapatunayan na totoo. Bilang Kanyang mga mamamayan, tumutugon tayo nang may hindi natitinag na pananampalataya at pagsunod, kahit na hindi natin lubos na nauunawaan. Ano ang isang bagay na pinaniniwalaan mong ipinapagawa sa iyo ng Diyos na sa umpisa ay parang hindi makatwiran, ngunit naging maayos sa huli?

𝟯. 𝗡𝗮𝗮𝗮𝗹𝗮𝗹𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗞𝗮𝗻𝘆𝗮𝗻𝗴 𝗺𝗴𝗮 𝗺𝗮𝗺𝗮𝗺𝗮𝘆𝗮𝗻, 𝗺𝗮𝗴𝗶𝗻𝗴 𝘀𝗮 𝗴𝗶𝘁𝗻𝗮 𝗻𝗴 𝗽𝗮𝗴𝗵𝗮𝘁𝗼𝗹.

𝘏𝘪𝘯𝘥𝘪 𝘬𝘪𝘯𝘢𝘭𝘪𝘮𝘶𝘵𝘢𝘯 𝘯𝘨 𝘋𝘪𝘺𝘰𝘴 𝘴𝘪 𝘕𝘰𝘦 𝘢𝘵 𝘢𝘯𝘨 𝘮𝘨𝘢 𝘬𝘢𝘴𝘢𝘮𝘢 𝘯𝘪𝘺𝘢𝘯𝘨 𝘩𝘢𝘺𝘰𝘱 𝘴𝘢 𝘭𝘰𝘰𝘣 𝘯𝘨 𝘣𝘢𝘳𝘬𝘰. 𝘒𝘢𝘺𝘢 𝘱𝘪𝘯𝘢𝘪𝘩𝘪𝘱 𝘯𝘪𝘺𝘢 𝘢𝘯𝘨 𝘩𝘢𝘯𝘨𝘪𝘯 𝘴𝘢 𝘮𝘶𝘯𝘥𝘰 𝘢𝘵 𝘥𝘢𝘩𝘢𝘯-𝘥𝘢𝘩𝘢𝘯𝘨 𝘣𝘶𝘮𝘢𝘣𝘢 𝘢𝘯𝘨 𝘵𝘶𝘣𝘪𝘨. 𝗚𝗘𝗡𝗘𝗦𝗜𝗦 𝟴:𝟭

Ilang taon matapos makipag-usap ng Diyos kay Noe, nakumpleto ang barko at dumating din sa wakas ang baha. Ang lahat ng may buhay ay nalipol, maliban kay Noe at sa mga nasa barko. Bagama’t tumagal ng ilang buwan ang baha, naalala ng Diyos si Noe at pinababa Niya ang tubig. Si Noe, ang kanyang pamilya, at ang mga hayop na kasama nila ay nakabalik nang ligtas sa lupa. Nagtayo siya ng isang altar para sa Panginoon, at ang Diyos ay nagtatag ng isang bagong kasunduan sa kanya. Nagbigay ang Diyos ng isang tanda—isang bahaghari—bilang isang pangako na hindi na Niya susumpain at hahagupiting muli ang lupa (Genesis 8:21–22). Sa pamamagitan ng radikal na pananampalataya ni Noe, iniligtas ng Diyos ang sangkatauhan at lahat ng uri ng buhay na bagay sa lupa. Paano ka pinakitaan ng Diyos ng katapatan at ginabayan sa mga mahihirap na sitwasyon? Paano Niya ipinakita sa iyo na naaalala ka Niya?

𝗔𝗣𝗣𝗟𝗜𝗖𝗔𝗧𝗜𝗢𝗡

• Naniniwala ka ba na tinawag ka ng Diyos para gawin ang isang bagay na tila hindi makatwiran? Paano ka matututong mas magtiwala at sumunod sa Diyos sa bahaging ito?

• Paano ka tumutugon sa mga taong nagdududa sa iyong pananampalataya o iba ang pagtrato sa iyo dahil dito? Ano ang ilang praktikal na paraang magagawa mo ngayong linggo para maipakita sa kanila ang pagmamahal ng Diyos?

• Paano mo mahihikayat ang mga tao na lumago sa kanilang pananampalataya at pagsunod sa Diyos, at magtiwala sa Kanya sa lahat ng bagay?

𝗣𝗥𝗔𝗬𝗘𝗥

• Pasalamatan ang Diyos sa Kanyang katapatan sa mga namumuhay nang kasama Siya at naniniwala sa Kanya, tulad ni Noe. Pasalamatan Siya sa pag-alala at pagtupad sa Kanyang mga pangako ayon sa Kanyang salita.

• Hilingin sa Diyos ang mas malalim na antas ng pananampalataya upang sundin ang Kanyang mga pamamaraan, kahit pa mukha itong imposible o hindi makatwiran. Ipagdasal na matuto kang mas magtiwala sa Diyos kaysa sa mga nauuso, naiuulat, at opinyon.

• Ipagdasal na gamitin ng Diyos ang buhay mo bilang isang patotoo upang matulungan ang iba sa pamumuhay nila nang may pananampalataya. Ipanalangin na makita ang liwanag ng Diyos sa pamamagitan mo upang makita ng iba ang Kanyang katangian at katapatan.