𝗪𝗔𝗥𝗠 𝗨𝗣

• Ano ang mga bagay na ginagawa mo para ipakita sa isang tao na mahal mo siya, nagmamalasakit ka, o iniisip mo siya? Bakit mahalaga ito sa iyo?

• Sino ang tao na hinahangaan mo o gusto mong maging katulad? Bakit?

• Ano ang mga takot o alalahanin mo? Paano mo hinaharap ang mga ito?

𝗪𝗢𝗥𝗗

𝘔𝘨𝘢 𝘮𝘪𝘯𝘢𝘮𝘢𝘩𝘢𝘭, 𝘬𝘶𝘯𝘨 𝘨𝘢𝘯𝘰𝘰𝘯 𝘯𝘢 𝘭𝘢𝘮𝘢𝘯𝘨 𝘢𝘯𝘨 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘺𝘰𝘴 𝘴𝘢 𝘢𝘵𝘪𝘯, 𝘯𝘢𝘳𝘢𝘳𝘢𝘱𝘢𝘵 𝘭𝘢𝘮𝘢𝘯𝘨 𝘯𝘢 𝘮𝘢𝘨-𝘪𝘣𝘪𝘨𝘢𝘯 𝘵𝘢𝘺𝘰. 𝘞𝘢𝘭𝘢 𝘱𝘢𝘯𝘨 𝘵𝘢𝘰 𝘯𝘢 𝘯𝘢𝘬𝘢𝘬𝘪𝘵𝘢 𝘴𝘢 𝘋𝘪𝘺𝘰𝘴. 𝘕𝘨𝘶𝘯𝘪𝘵 𝘬𝘶𝘯𝘨 𝘯𝘢𝘨𝘮𝘢𝘮𝘢𝘩𝘢𝘭𝘢𝘯 𝘵𝘢𝘺𝘰, 𝘢𝘯𝘨 𝘋𝘪𝘺𝘰𝘴 𝘢𝘺 𝘴𝘶𝘮𝘢𝘴𝘢𝘢𝘵𝘪𝘯 𝘢𝘵 𝘭𝘶𝘣𝘰𝘴 𝘯𝘢 𝘯𝘢𝘵𝘶𝘱𝘢𝘥 𝘢𝘯𝘨 𝘬𝘢𝘯𝘺𝘢𝘯𝘨 𝘱𝘢𝘨-𝘪𝘣𝘪𝘨 𝘴𝘢 𝘢𝘵𝘪𝘯. 𝟭 𝗝𝗨𝗔𝗡 𝟰:𝟭𝟭–𝟭𝟮

(Basahin din ang 𝟭 𝗝𝗨𝗔𝗡 𝟰.)

Sa isa sa mga liham niya, inulit-ulit ni apostol Juan ang isang paalala para sa mga mambabasa: mahalin ang isa’t isa. Mahirap man, posible ito sa pamamagitan ng Diyos dahil Siya ang pinagmumulan ng pag-ibig. Ngayong araw, tignan natin kung paano binabago ng pag-ibig ng Diyos ang buhay natin habang nagtitiwala tayo sa Kanya.

𝟭. 𝗔𝗻𝗴 𝗽𝗮𝗴𝗺𝗮𝗺𝗮𝗵𝗮𝗹 𝗻𝗴 𝗗𝗶𝘆𝗼𝘀 𝗮𝘆 𝗹𝘂𝗯𝗼𝘀 𝗻𝗮 𝗻𝗮𝘁𝘂𝘁𝘂𝗽𝗮𝗱 𝘀𝗮 𝗮𝘁𝗶𝗻 𝗵𝗮𝗯𝗮𝗻𝗴 𝘁𝗮𝘆𝗼’𝘆 𝗻𝗮𝗻𝗮𝗻𝗮𝘁𝗶𝗹𝗶 𝘀𝗮 𝗞𝗮𝗻𝘆𝗮 𝗮𝘁 𝗻𝗮𝗴𝗺𝗮𝗺𝗮𝗵𝗮𝗹 𝗻𝗴 𝗶𝗯𝗮.

𝘞𝘢𝘭𝘢 𝘱𝘢𝘯𝘨 𝘵𝘢𝘰 𝘯𝘢 𝘯𝘢𝘬𝘢𝘬𝘪𝘵𝘢 𝘴𝘢 𝘋𝘪𝘺𝘰𝘴. 𝘕𝘨𝘶𝘯𝘪𝘵 𝘬𝘶𝘯𝘨 𝘯𝘢𝘨𝘮𝘢𝘮𝘢𝘩𝘢𝘭𝘢𝘯 𝘵𝘢𝘺𝘰, 𝘢𝘯𝘨 𝘋𝘪𝘺𝘰𝘴 𝘢𝘺 𝘴𝘶𝘮𝘢𝘴𝘢𝘢𝘵𝘪𝘯 𝘢𝘵 𝘭𝘶𝘣𝘰𝘴 𝘯𝘢 𝘯𝘢𝘵𝘶𝘱𝘢𝘥 𝘢𝘯𝘨 𝘬𝘢𝘯𝘺𝘢𝘯𝘨 𝘱𝘢𝘨-𝘪𝘣𝘪𝘨 𝘴𝘢 𝘢𝘵𝘪𝘯. 𝟭 𝗝𝗨𝗔𝗡 𝟰:𝟭𝟮

Ang pagmamahal ng Diyos ay hindi dapat manatili lang sa atin. Ang pagmamahal sa Diyos at sa ibang tao ay magkasama. Habang sumusunod tayo sa Kanya, natututo tayong mahalin ang iba. Kapag ginagawa natin ito, natutupad ang layunin ng pag-ibig ng Diyos sa atin. Ang pagmamahal sa iba ay patunay na buhay ang pag-ibig ng Diyos sa atin. Paano mo natutunang mahalin ang iba tulad ng pagmamahal mo sa Diyos?

𝟮. 𝗔𝗻𝗴 𝗽𝗮𝗺𝘂𝗺𝘂𝗵𝗮𝘆 𝘀𝗮 𝗽𝗮𝗴-𝗶𝗯𝗶𝗴 𝗮𝘆 𝗻𝗮𝗻𝗴𝗮𝗻𝗴𝗮𝗵𝘂𝗹𝘂𝗴𝗮𝗻𝗴 𝗻𝗮𝗻𝗮𝗻𝗮𝘁𝗶𝗹𝗶 𝘁𝗮𝘆𝗼 𝘀𝗮 𝗗𝗶𝘆𝗼𝘀.

𝘕𝘢𝘭𝘢𝘭𝘢𝘮𝘢𝘯 𝘯𝘢𝘵𝘪𝘯𝘨 𝘵𝘢𝘺𝘰ʼ𝘺 𝘯𝘢𝘴𝘢 𝘋𝘪𝘺𝘰𝘴 𝘢𝘵 𝘢𝘯𝘨 𝘋𝘪𝘺𝘰𝘴 𝘢𝘺 𝘴𝘶𝘮𝘢𝘴𝘢𝘢𝘵𝘪𝘯 𝘥𝘢𝘩𝘪𝘭 𝘪𝘣𝘪𝘯𝘪𝘨𝘢𝘺 𝘯𝘪𝘺𝘢 𝘴𝘢 𝘢𝘵𝘪𝘯 𝘢𝘯𝘨 𝘬𝘢𝘯𝘺𝘢𝘯𝘨 𝘌𝘴𝘱𝘪𝘳𝘪𝘵𝘶. 𝘕𝘢𝘬𝘪𝘵𝘢 𝘢𝘵 𝘱𝘪𝘯𝘢𝘵𝘰𝘵𝘰𝘵𝘰𝘩𝘢𝘯𝘢𝘯 𝘯𝘢𝘮𝘪𝘯 𝘯𝘢 𝘪𝘴𝘪𝘯𝘶𝘨𝘰 𝘯𝘨 𝘈𝘮𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘢𝘯𝘢𝘬 𝘣𝘪𝘭𝘢𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴 𝘯𝘨 𝘮𝘶𝘯𝘥𝘰. 𝘈𝘯𝘨 𝘴𝘪𝘯𝘶𝘮𝘢𝘯𝘨 𝘬𝘶𝘮𝘪𝘬𝘪𝘭𝘢𝘭𝘢 𝘯𝘢 𝘴𝘪 𝘑𝘦𝘴𝘶𝘴 𝘢𝘺 𝘈𝘯𝘢𝘬 𝘯𝘨 𝘋𝘪𝘺𝘰𝘴, 𝘢𝘯𝘨 𝘋𝘪𝘺𝘰𝘴 𝘢𝘺 𝘯𝘢𝘴𝘢 𝘬𝘢𝘯𝘺𝘢 𝘢𝘵 𝘴𝘪𝘺𝘢 𝘯𝘢𝘮𝘢𝘯 𝘢𝘺 𝘯𝘢𝘴𝘢 𝘋𝘪𝘺𝘰𝘴. 𝘒𝘢𝘺𝘢 𝘯𝘢𝘬𝘪𝘭𝘢𝘭𝘢 𝘯𝘢 𝘯𝘢𝘵𝘪𝘯 𝘢𝘵 𝘱𝘪𝘯𝘢𝘯𝘪𝘸𝘢𝘭𝘢𝘢𝘯 𝘢𝘯𝘨 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘺𝘰𝘴 𝘴𝘢 𝘢𝘵𝘪𝘯. 𝘈𝘯𝘨 𝘋𝘪𝘺𝘰𝘴 𝘢𝘺 𝘱𝘢𝘨-𝘪𝘣𝘪𝘨. 𝘈𝘵 𝘢𝘯𝘨 𝘯𝘢𝘣𝘶𝘣𝘶𝘩𝘢𝘺 𝘯𝘢𝘯𝘨 𝘮𝘢𝘺 𝘱𝘢𝘨-𝘪𝘣𝘪𝘨 𝘢𝘺 𝘯𝘢𝘯𝘢𝘯𝘢𝘵𝘪𝘭𝘪 𝘴𝘢 𝘋𝘪𝘺𝘰𝘴 𝘢𝘵 𝘯𝘢𝘯𝘢𝘯𝘢𝘵𝘪𝘭𝘪 𝘳𝘪𝘯 𝘴𝘢 𝘬𝘢𝘯𝘺𝘢 𝘢𝘯𝘨 𝘋𝘪𝘺𝘰𝘴. 𝟭 𝗝𝗨𝗔𝗡 𝟰:𝟭𝟯–𝟭𝟲

Isa sa mga paraan para malaman kung anong klase ng mga magulang ang nasa isang bahay ay ang pagtingin sa kanilang mga anak. Madalas na makikita sa mga salita at kilos ng mga bata ang katangian ng kanilang magulang. Ganoon din ang relasyon natin sa Diyos. Nananatili ang Diyos sa atin at tayo’y dapat na manatili sa Kanya. Kapag umaasa tayo sa Kanyang pag-ibig at nakatanim ito sa atin, ang Diyos at ang Kanyang pag-ibig ay nananatili sa atin. Dito nagmumula ang pagmamahal natin sa iba. Kahit na parang utos ang mahalin ang iba, nagiging natural ito kapag tunay nating minamahal ang Diyos. Anong mga katangian ng Diyos ang natutunan mo habang nagtitiwala ka sa Kanyang pag-ibig sa iyo at sa iba?

𝟯. 𝗔𝗻𝗴 𝗸𝗮𝗮𝗹𝗮𝗺𝗮𝗻 𝘀𝗮 𝗴𝗮𝗻𝗮𝗽 𝗻𝗮 𝗽𝗮𝗴𝗺𝗮𝗺𝗮𝗵𝗮𝗹 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗴𝘁𝗮𝘁𝗮𝗻𝗴𝗴𝗮𝗹 𝗻𝗴 𝗮𝗻𝘂𝗺𝗮𝗻𝗴 𝘁𝗮𝗸𝗼𝘁.

𝘚𝘢 𝘨𝘢𝘯𝘪𝘵𝘰𝘯𝘨 𝘱𝘢𝘳𝘢𝘢𝘯 𝘢𝘺 𝘯𝘢𝘨𝘪𝘯𝘨 𝘨𝘢𝘯𝘢𝘱 𝘢𝘯𝘨 𝘱𝘢𝘨-𝘪𝘣𝘪𝘨 𝘴𝘢 𝘢𝘵𝘪𝘯, 𝘬𝘢𝘺𝘢 𝘱𝘢𝘯𝘢𝘵𝘢𝘨 𝘵𝘢𝘺𝘰 𝘴𝘢 𝘱𝘢𝘨𝘥𝘢𝘵𝘪𝘯𝘨 𝘯𝘨 𝘈𝘳𝘢𝘸 𝘯𝘨 𝘗𝘢𝘨𝘩𝘶𝘩𝘶𝘬𝘰𝘮, 𝘥𝘢𝘩𝘪𝘭 𝘢𝘯𝘨 𝘱𝘢𝘮𝘶𝘮𝘶𝘩𝘢𝘺 𝘯𝘢𝘵𝘪𝘯 𝘥𝘪𝘵𝘰 𝘴𝘢 𝘮𝘶𝘯𝘥𝘰 𝘢𝘺 𝘵𝘶𝘭𝘢𝘥 𝘯𝘨 𝘬𝘢𝘺 𝘊𝘳𝘪𝘴𝘵𝘰. 𝘞𝘢𝘭𝘢𝘯𝘨 𝘢𝘯𝘶𝘮𝘢𝘯𝘨 𝘵𝘢𝘬𝘰𝘵 𝘴𝘢 𝘱𝘢𝘨-𝘪𝘣𝘪𝘨. 𝘗𝘪𝘯𝘢𝘱𝘢𝘸𝘪 𝘯𝘨 𝘨𝘢𝘯𝘢𝘱 𝘯𝘢 𝘱𝘢𝘨-𝘪𝘣𝘪𝘨 𝘢𝘯𝘨 𝘢𝘯𝘶𝘮𝘢𝘯𝘨 𝘵𝘢𝘬𝘰𝘵. 𝘒𝘶𝘯𝘨 𝘯𝘢𝘵𝘢𝘵𝘢𝘬𝘰𝘵 𝘮𝘢𝘯 𝘢𝘯𝘨 𝘪𝘴𝘢𝘯𝘨 𝘵𝘢𝘰, 𝘪𝘵𝘰ʼ𝘺 𝘥𝘢𝘩𝘪𝘭 𝘴𝘢 𝘵𝘢𝘬𝘰𝘵 𝘯𝘢 𝘮𝘢𝘱𝘢𝘳𝘶𝘴𝘢𝘩𝘢𝘯, 𝘢𝘵 𝘪𝘱𝘪𝘯𝘢𝘱𝘢𝘬𝘪𝘵𝘢 𝘭𝘢𝘯𝘨 𝘯𝘪𝘵𝘰 𝘯𝘢 𝘩𝘪𝘯𝘥𝘪 𝘱𝘢 𝘭𝘶𝘣𝘰𝘴 𝘯𝘢 𝘯𝘢𝘵𝘶𝘱𝘢𝘥 𝘴𝘢 𝘬𝘢𝘯𝘺𝘢 𝘢𝘯𝘨 𝘱𝘢𝘨-𝘪𝘣𝘪𝘨. 𝟭 𝗝𝗨𝗔𝗡 𝟰:𝟭𝟳–𝟭𝟴

Madalas, hindi madaling mahalin ang iba o ang ating sarili. Ang takot at insecurities ay madaling pumasok at magdulot ng maling paniniwala. Pero ang perpektong pag-ibig ng Diyos ay nag-aalis ng takot at nagbibigay sa atin ng tapang sa Kanyang presensya at paghatol. Habang lalo tayong nagtitiwala sa Kanyang pag-ibig, mas nababawasan ang takot sa ating buhay. Kapag buo ang tiwala natin sa Diyos, hindi na tayo nag-aalala sa gantimpala o parusa. Binabago tayo ng Kanyang pag-ibig, kaya natututo tayong mahalin ang iba at sundin Siya nang walang takot. Kaya nating magmahal dahil ang Diyos ang ating gantimpala. Paano ka tinulungan ng pag-ibig ng Diyos na malampasan ang takot?

𝗔𝗣𝗣𝗟𝗜𝗖𝗔𝗧𝗜𝗢𝗡

• Paano mo nakikita ang pamumuhay sa pag-ibig ng Diyos? Magbigay ng mga halimbawa.

• Ano ang mga takot o alalahanin mo? Paano ka matutulungan ng pag-ibig ng Diyos na malampasan ito?

• May mga tao ba sa buhay mo na pinapairal ang sistema ng gantimpala at parusa? Paano mo maibabahagi sa kanila ang pag-ibig ng Diyos ngayong linggo?

𝗣𝗥𝗔𝗬𝗘𝗥

• Pasalamatan ang Diyos sa Kanyang pag-ibig na nagtatanggal ng mga kamalian sa atin habang nananatili tayo sa Kanya at nagmamahal sa iba.

• Ipanalangin na maranasan mo ang kagalakan, kapayapaan, at kalayaan na dala ng pag-ibig ng Diyos araw-araw. Ipanalangin na alisin ng Diyos ang bawat takot na humahadlang sa iyo na magtiwala sa pagmamahal Niya.

• Ipanalangin na gamitin ng Diyos ang iyong mga salita at gawa para matulungan ang iba na maranasan ang Kanyang pag-ibig. Ipanalangin na ang buhay mo ay maging patotoo sa pag-ibig ng Diyos.