𝗪𝗔𝗥𝗠 𝗨𝗣

• Magkwento tungkol sa isang panahon na may hinahangad kang bagay (tulad ng pagkain, karanasan, o pag-uugali) dahil alam mong makakabuti ito sa ’yo. Ano ang ginawa mo para makuha ito?

• May mga bagay ba na dati ay nagpapasaya sa ‘yo pero habang tumatagal ay parang nawawalan ka na ng gana? Ano ang nagbago?

• Naranasan mo na bang talikuran ang ilang tao, karanasan, o gawain na alam mong pumipigil sa iyong paglago? Ikwento kung ano ang nangyari.

𝗪𝗢𝗥𝗗

𝘋𝘢𝘩𝘪𝘭 𝘪𝘱𝘪𝘯𝘢𝘯𝘨𝘢𝘯𝘢𝘬 𝘯𝘢 𝘬𝘢𝘺𝘰𝘯𝘨 𝘮𝘶𝘭𝘪, 𝘵𝘢𝘭𝘪𝘬𝘶𝘳𝘢𝘯 𝘯ʼ𝘺𝘰 𝘯𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘶𝘳𝘪 𝘯𝘨 𝘬𝘢𝘴𝘢𝘮𝘢𝘢𝘯: 𝘱𝘢𝘯𝘥𝘢𝘳𝘢𝘺𝘢, 𝘱𝘢𝘨𝘬𝘶𝘬𝘶𝘯𝘸𝘢𝘳𝘪, 𝘱𝘢𝘨𝘬𝘢𝘪𝘯𝘨𝘨𝘪𝘵, 𝘢𝘵 𝘭𝘢𝘩𝘢𝘵 𝘯𝘨 𝘱𝘢𝘯𝘪𝘯𝘪𝘳𝘢𝘯𝘨-𝘱𝘶𝘳𝘪. 𝘎𝘢𝘺𝘢 𝘯𝘨 𝘴𝘢𝘯𝘨𝘨𝘰𝘭 𝘯𝘢 𝘣𝘢𝘨𝘰𝘯𝘨 𝘱𝘢𝘯𝘨𝘢𝘯𝘢𝘬, 𝘮𝘢𝘯𝘢𝘣𝘪𝘬 𝘬𝘢𝘺𝘰 𝘴𝘢 𝘥𝘢𝘭𝘪𝘴𝘢𝘺 𝘯𝘢 𝘨𝘢𝘵𝘢𝘴 𝘯𝘢 𝘦𝘴𝘱𝘪𝘳𝘪𝘵𝘸𝘢𝘭, 𝘶𝘱𝘢𝘯𝘨 𝘭𝘶𝘮𝘢𝘨𝘰 𝘬𝘢𝘺𝘰 𝘩𝘢𝘯𝘨𝘨𝘢𝘯𝘨 𝘮𝘢𝘬𝘢𝘮𝘵𝘢𝘯 𝘯ʼ𝘺𝘰 𝘢𝘯𝘨 𝘨𝘢𝘯𝘢𝘱 𝘯𝘢 𝘬𝘢𝘭𝘪𝘨𝘵𝘢𝘴𝘢𝘯 𝘯𝘨𝘢𝘺𝘰𝘯𝘨 𝘯𝘢𝘳𝘢𝘯𝘢𝘴𝘢𝘯 𝘯𝘢 𝘯𝘪𝘯𝘺𝘰 𝘢𝘯𝘨 𝘬𝘢𝘣𝘶𝘵𝘪𝘩𝘢𝘯 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝟭 𝗣𝗘𝗗𝗥𝗢 𝟮:𝟭–𝟯

Kung paanong ang mga sanggol ay likas na naghahanap ng gatas para lumaking malusog at malakas, ganoon din tayo dapat sa salita ng Diyos dahil ito ang nagpapalago ng ating pananampalataya. Kung wala ito, hindi tayo lalalim sa ating relasyon sa Kanya. Kapag naranasan na natin kung gaano kabuti ang Kanyang salita, mas lalo tayong nagkakaroon ng kagustuhan na makilala Siya. Ngayong araw, pag-uusapan natin kung paanong ang salita ng Diyos ay hindi lang basta dagdag sa buhay natin—ito ang kailangan natin araw-araw para patuloy tayong lumago at manatiling malapit sa Kanya.

𝟭. 𝗞𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻 𝗮𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗽𝗮𝗿𝗮 𝗺𝗮𝗺𝘂𝗵𝗮𝘆 𝗯𝗶𝗹𝗮𝗻𝗴 𝗺𝗴𝗮 𝗞𝗿𝗶𝘀𝘁𝗶𝘆𝗮𝗻𝗼.

𝘋𝘢𝘩𝘪𝘭 𝘪𝘱𝘪𝘯𝘢𝘯𝘨𝘢𝘯𝘢𝘬 𝘯𝘢 𝘬𝘢𝘺𝘰𝘯𝘨 𝘮𝘶𝘭𝘪, 𝘵𝘢𝘭𝘪𝘬𝘶𝘳𝘢𝘯 𝘯ʼ𝘺𝘰 𝘯𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘶𝘳𝘪 𝘯𝘨 𝘬𝘢𝘴𝘢𝘮𝘢𝘢𝘯: 𝘱𝘢𝘯𝘥𝘢𝘳𝘢𝘺𝘢, 𝘱𝘢𝘨𝘬𝘶𝘬𝘶𝘯𝘸𝘢𝘳𝘪, 𝘱𝘢𝘨𝘬𝘢𝘪𝘯𝘨𝘨𝘪𝘵, 𝘢𝘵 𝘭𝘢𝘩𝘢𝘵 𝘯𝘨 𝘱𝘢𝘯𝘪𝘯𝘪𝘳𝘢𝘯𝘨-𝘱𝘶𝘳𝘪. 𝘎𝘢𝘺𝘢 𝘯𝘨 𝘴𝘢𝘯𝘨𝘨𝘰𝘭 𝘯𝘢 𝘣𝘢𝘨𝘰𝘯𝘨 𝘱𝘢𝘯𝘨𝘢𝘯𝘢𝘬, 𝘮𝘢𝘯𝘢𝘣𝘪𝘬 𝘬𝘢𝘺𝘰 𝘴𝘢 𝘥𝘢𝘭𝘪𝘴𝘢𝘺 𝘯𝘢 𝘨𝘢𝘵𝘢𝘴 𝘯𝘢 𝘦𝘴𝘱𝘪𝘳𝘪𝘵𝘸𝘢𝘭, 𝘶𝘱𝘢𝘯𝘨 𝘭𝘶𝘮𝘢𝘨𝘰 𝘬𝘢𝘺𝘰 𝘩𝘢𝘯𝘨𝘨𝘢𝘯𝘨 𝘮𝘢𝘬𝘢𝘮𝘵𝘢𝘯 𝘯ʼ𝘺𝘰 𝘢𝘯𝘨 𝘨𝘢𝘯𝘢𝘱 𝘯𝘢 𝘬𝘢𝘭𝘪𝘨𝘵𝘢𝘴𝘢𝘯. 𝟭 𝗣𝗘𝗗𝗥𝗢 𝟮:𝟭–𝟮

Bilang mga mananampalataya, alam natin na ang kasalanan ang hadlang sa pagitan natin at ng Diyos. Nasasaktan ang puso ng Diyos kapag napapalayo tayo sa Kanya, dahil nilikha Niya tayo para magkaroon ng isang malapit at mapagmahal na relasyon sa Kanya. Kapag tinanggap natin ang kaligtasang ibinibigay ng Diyos, nagsisimula ang ating paglalakbay ng paglago sa pananampalataya. Gaya ng isang sanggol na kailangan ng gatas, kailangan din natin ng espirituwal na pagkain. Noong tinukso si Jesus, sinabi Niya kay Satanas na, 𝘩𝘪𝘯𝘥𝘪 𝘭𝘢𝘯𝘨 𝘴𝘢 𝘱𝘢𝘨𝘬𝘢𝘪𝘯 𝘯𝘢𝘣𝘶𝘣𝘶𝘩𝘢𝘺 𝘢𝘯𝘨 𝘵𝘢𝘰 𝘬𝘶𝘯𝘥𝘪 𝘴𝘢 𝘣𝘢𝘸𝘢𝘵 𝘴𝘢𝘭𝘪𝘵𝘢 𝘯𝘨 𝘋𝘪𝘰𝘴 (Mateo 4:4). Ipinapakita nito kung gaano kahalaga ang salita ng Diyos sa araw-araw. Pinapalakas tayo nito at tinutulungan tayong talikuran ang kasalanan at mamuhay nang may pagsamba sa Diyos. Ayon sa Juan 17:17, ano ang ginagawa ng Salita ng Diyos sa atin?

𝟮. 𝗔𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗮𝘆 𝗺𝗮𝗵𝗮𝗹𝗮𝗴𝗮 𝗽𝗮𝗿𝗮 𝗹𝘂𝗺𝗮𝗴𝗼 𝘁𝗮𝘆𝗼 𝘀𝗮 𝗸𝗮𝗹𝗶𝗴𝘁𝗮𝘀𝗮𝗻.

𝘎𝘢𝘺𝘢 𝘯𝘨 𝘴𝘢𝘯𝘨𝘨𝘰𝘭 𝘯𝘢 𝘣𝘢𝘨𝘰𝘯𝘨 𝘱𝘢𝘯𝘨𝘢𝘯𝘢𝘬, 𝘮𝘢𝘯𝘢𝘣𝘪𝘬 𝘬𝘢𝘺𝘰 𝘴𝘢 𝘥𝘢𝘭𝘪𝘴𝘢𝘺 𝘯𝘢 𝘨𝘢𝘵𝘢𝘴 𝘯𝘢 𝘦𝘴𝘱𝘪𝘳𝘪𝘵𝘸𝘢𝘭, 𝘶𝘱𝘢𝘯𝘨 𝘭𝘶𝘮𝘢𝘨𝘰 𝘬𝘢𝘺𝘰 𝘩𝘢𝘯𝘨𝘨𝘢𝘯𝘨 𝘮𝘢𝘬𝘢𝘮𝘵𝘢𝘯 𝘯ʼ𝘺𝘰 𝘢𝘯𝘨 𝘨𝘢𝘯𝘢𝘱 𝘯𝘢 𝘬𝘢𝘭𝘪𝘨𝘵𝘢𝘴𝘢𝘯 𝘯𝘨𝘢𝘺𝘰𝘯𝘨 𝘯𝘢𝘳𝘢𝘯𝘢𝘴𝘢𝘯 𝘯𝘢 𝘯𝘪𝘯𝘺𝘰 𝘢𝘯𝘨 𝘬𝘢𝘣𝘶𝘵𝘪𝘩𝘢𝘯 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝟭 𝗣𝗘𝗗𝗥𝗢 𝟮:𝟮–𝟯

Kailangan natin ang salita ng Diyos para lumago sa ating espirituwal na buhay. Ang katotohanan ng Diyos ang nagpapalalim ng ating pananampalataya. Ang kaligtasan ay hindi lang tungkol sa langit balang araw, kundi tungkol sa buong buhay natin—kung paano tayo unti-unting nagiging katulad ni Jesus at kung paano natin nararanasan ang Kanyang kapangyarihan, pag-ibig, at katapatan. Ang salita Niya ang humuhubog sa ating pag-iisip, pamumuhay, at pagmamahal sa kapwa. Paano ka pinalago ng salita ng Diyos sa paraan mo ng pag-iisip, paggawa ng desisyon, o pakikitungo sa iba?

Kapag naranasan natin kung gaano kabuti ang Diyos, gugustuhin natin na mas lalo Siyang makilala sa pamamagitan ng Kanyang Salita. Doon tayo tunay na lumalago—kapag tuloy-tuloy tayong pinapakain ng katotohanang mula sa Kanya. Kaya dapat nating ipanalangin na bigyan tayo ng Diyos ng matinding pananabik sa Kanyang salita, dahil ito ang tunay na kailangan ng ating espiritu. Kung gusto talaga nating lumago sa Diyos, kailangan nating bumalik sa salita Niya araw-araw.

𝗔𝗣𝗣𝗟𝗜𝗖𝗔𝗧𝗜𝗢𝗡

• Paano nakikita ang “pananabik” sa mga bagay na makakabuti sa iyong espirituwal na buhay? Ano ang isang praktikal na paraan para magsimula kang “kumain” ng espirituwal na pagkain ngayong linggo?

• Saang bahagi ng buhay mo nararamdaman ang pangangailangan na lumago sa pananampalataya? Paano makakatulong ang salita ng Diyos para lumago ka sa mga bahaging ito?

• Mayroon ka bang kakilala na nangangailangan ng lakas o gabay sa pananampalataya? Paano mo sila maaaring hikayatin at samahan sa kanilang paglalakbay kasama ang Diyos?

𝗣𝗥𝗔𝗬𝗘𝗥

• Pasalamatan ang Diyos sa pagbibigay Niya ng Kanyang Salita na tumutulong sa ating paglago araw-araw. Hilingin sa Kanya na patuloy kang palakasin at patatagin sa pamamagitan nito.

• Idalangin na manatili kang uhaw sa salita ng Diyos upang lumago ka sa kaligtasan. Hilingin din na ipakita Niya sa ’yo ang mga bagay na dapat mong talikuran para mamuhay nang kaaya-aya sa Kanya.

• Idalangin na magkaroon ka ng pusong handang magpalakas at magturo sa iba. Hilingin sa Diyos na bigyan ka ng pagkakataong makatulong sa paglago ng pananampalataya ng iba ngayong linggo.