𝗪𝗔𝗥𝗠 𝗨𝗣

• Ano ang isang bagay na pagmamay-ari mo na pinag-ipunan o pinaghirapan mong makuha? Sa palagay mo, naging sulit ba ang lahat ng pagsisikap mo?

• Magbigay ng isang bagay na gusto mong makamit sa taong ito. Ano ang mga pwede mong gawin para mangyari ito?

• Kapag nasa isang sitwasyon ka na pakiramdam mo ay wala nang pag-asa, ano ang ginagawa mo para gumaan ang iyong pakiramdam?

𝗪𝗢𝗥𝗗

𝘈𝘭𝘢𝘭𝘢𝘩𝘢𝘯𝘪𝘯 𝘯ʼ𝘺𝘰 𝘢𝘯𝘨 𝘯𝘢𝘬𝘢𝘳𝘢𝘢𝘯𝘨 𝘱𝘢𝘯𝘢𝘩𝘰𝘯, 𝘯𝘰𝘰𝘯𝘨 𝘶𝘯𝘢 𝘬𝘢𝘺𝘰𝘯𝘨 𝘯𝘢𝘭𝘪𝘸𝘢𝘯𝘢𝘨𝘢𝘯. 𝘋𝘶𝘮𝘢𝘢𝘯 𝘬𝘢𝘺𝘰 𝘴𝘢 𝘮𝘢𝘵𝘪𝘯𝘥𝘪𝘯𝘨 𝘩𝘪𝘳𝘢𝘱, 𝘱𝘦𝘳𝘰 𝘵𝘪𝘯𝘪𝘪𝘴 𝘯ʼ𝘺𝘰 𝘪𝘵𝘰 𝘢𝘵 𝘩𝘪𝘯𝘥𝘪 𝘬𝘢𝘺𝘰 𝘯𝘢𝘥𝘢𝘪𝘨. 𝘒𝘶𝘯𝘨 𝘮𝘪𝘯𝘴𝘢𝘯, 𝘪𝘯𝘢𝘢𝘭𝘪𝘱𝘶𝘴𝘵𝘢 𝘬𝘢𝘺𝘰 𝘢𝘵 𝘱𝘪𝘯𝘢𝘨-𝘶𝘶𝘴𝘪𝘨 𝘴𝘢 𝘩𝘢𝘳𝘢𝘱𝘢𝘯 𝘯𝘨 𝘮𝘨𝘢 𝘵𝘢𝘰. 𝘈𝘵 𝘬𝘶𝘯𝘨 𝘮𝘪𝘯𝘴𝘢𝘯 𝘯𝘢𝘮𝘢ʼ𝘺 𝘥𝘪𝘯𝘢𝘥𝘢𝘮𝘢𝘺𝘢𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘬𝘢𝘱𝘢𝘵𝘪𝘥 𝘯𝘢 𝘥𝘶𝘮𝘢𝘳𝘢𝘯𝘢𝘴 𝘯𝘨 𝘨𝘢𝘯𝘪𝘵𝘰𝘯𝘨 𝘱𝘢𝘨𝘴𝘶𝘣𝘰𝘬. 𝘋𝘪𝘯𝘢𝘥𝘢𝘮𝘢𝘺𝘢𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘬𝘢𝘱𝘢𝘵𝘪𝘥 𝘯𝘢 𝘯𝘢𝘬𝘢𝘣𝘪𝘭𝘢𝘯𝘨𝘨𝘰. 𝘈𝘵 𝘬𝘢𝘩𝘪𝘵 𝘪𝘯𝘢𝘨𝘢𝘸𝘢𝘯 𝘬𝘢𝘺𝘰 𝘯𝘨 𝘮𝘨𝘢 𝘢𝘳𝘪-𝘢𝘳𝘪𝘢𝘯, 𝘵𝘪𝘯𝘪𝘪𝘴 𝘯ʼ𝘺𝘰 𝘪𝘵𝘰 𝘯𝘢𝘯𝘨 𝘮𝘢𝘺 𝘬𝘢𝘨𝘢𝘭𝘢𝘬𝘢𝘯 𝘥𝘢𝘩𝘪𝘭 𝘢𝘭𝘢𝘮 𝘯𝘪𝘯𝘺𝘰𝘯𝘨 𝘮𝘢𝘺𝘳𝘰𝘰𝘯 𝘬𝘢𝘺𝘰𝘯𝘨 𝘮𝘢𝘴 𝘮𝘢𝘣𝘶𝘵𝘪𝘯𝘨 𝘬𝘢𝘺𝘢𝘮𝘢𝘯𝘢𝘯 𝘯𝘢 𝘩𝘪𝘯𝘥𝘪 𝘮𝘢𝘸𝘢𝘸𝘢𝘭𝘢 𝘬𝘢𝘪𝘭𝘢𝘯𝘮𝘢𝘯. 𝗛𝗘𝗕𝗥𝗘𝗢 𝟭𝟬:𝟯𝟮–𝟯𝟰

(Basahin din ang 𝗛𝗘𝗕𝗥𝗘𝗢 𝟭𝟬:𝟯𝟱–𝟯𝟴.)

Ang pagsubok ay isang realidad sa buhay ng bawat mananampalataya. Sa katunayan, isinulat ang aklat ng Hebreo para tulungan sila, palakasin ang kanilang loob at bigyan sila ng malinaw na direksyon para mapagtagumpayan ang bawat pagsubok. Dapat nilang maalala na sa gitna ng kanilang mga paghihirap at pagsubok, hindi nila dapat bitawan ang pagtitiwala kay Cristo dahil sa Kanya, may 𝘮𝘢𝘴 𝘮𝘢𝘣𝘶𝘵𝘪𝘯𝘨 𝘬𝘢𝘺𝘢𝘮𝘢𝘯𝘢𝘯 na nakalaan para sa kanila. Ano ang mga aral na maaaring mapulot mula rito?

𝟭. 𝗠𝗮𝗸𝗮𝗸𝗮𝘆𝗮 𝗻𝗮𝘁𝗶𝗻𝗴 𝗺𝗮𝗴𝘁𝗶𝗶𝘀 𝗱𝗮𝗵𝗶𝗹 𝗺𝗮𝘆𝗿𝗼𝗼𝗻 𝘁𝗮𝘆𝗼𝗻𝗴 𝗺𝗮𝘀 𝗺𝗮𝗯𝘂𝘁𝗶𝗻𝗴 𝗸𝗮𝘆𝗮𝗺𝗮𝗻𝗮𝗻 𝗻𝗮 𝗵𝗶𝗻𝗱𝗶 𝗺𝗮𝘄𝗮𝘄𝗮𝗹𝗮 𝗸𝗮𝗶𝗹𝗮𝗻𝗺𝗮𝗻.

𝘈𝘭𝘢𝘭𝘢𝘩𝘢𝘯𝘪𝘯 𝘯ʼ𝘺𝘰 𝘢𝘯𝘨 𝘯𝘢𝘬𝘢𝘳𝘢𝘢𝘯𝘨 𝘱𝘢𝘯𝘢𝘩𝘰𝘯, 𝘯𝘰𝘰𝘯𝘨 𝘶𝘯𝘢 𝘬𝘢𝘺𝘰𝘯𝘨 𝘯𝘢𝘭𝘪𝘸𝘢𝘯𝘢𝘨𝘢𝘯. 𝘋𝘶𝘮𝘢𝘢𝘯 𝘬𝘢𝘺𝘰 𝘴𝘢 𝘮𝘢𝘵𝘪𝘯𝘥𝘪𝘯𝘨 𝘩𝘪𝘳𝘢𝘱, 𝘱𝘦𝘳𝘰 𝘵𝘪𝘯𝘪𝘪𝘴 𝘯ʼ𝘺𝘰 𝘪𝘵𝘰 𝘢𝘵 𝘩𝘪𝘯𝘥𝘪 𝘬𝘢𝘺𝘰 𝘯𝘢𝘥𝘢𝘪𝘨. 𝘒𝘶𝘯𝘨 𝘮𝘪𝘯𝘴𝘢𝘯, 𝘪𝘯𝘢𝘢𝘭𝘪𝘱𝘶𝘴𝘵𝘢 𝘬𝘢𝘺𝘰 𝘢𝘵 𝘱𝘪𝘯𝘢𝘨-𝘶𝘶𝘴𝘪𝘨 𝘴𝘢 𝘩𝘢𝘳𝘢𝘱𝘢𝘯 𝘯𝘨 𝘮𝘨𝘢 𝘵𝘢𝘰. 𝘈𝘵 𝘬𝘶𝘯𝘨 𝘮𝘪𝘯𝘴𝘢𝘯 𝘯𝘢𝘮𝘢ʼ𝘺 𝘥𝘪𝘯𝘢𝘥𝘢𝘮𝘢𝘺𝘢𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘬𝘢𝘱𝘢𝘵𝘪𝘥 𝘯𝘢 𝘥𝘶𝘮𝘢𝘳𝘢𝘯𝘢𝘴 𝘯𝘨 𝘨𝘢𝘯𝘪𝘵𝘰𝘯𝘨 𝘱𝘢𝘨𝘴𝘶𝘣𝘰𝘬. 𝘋𝘪𝘯𝘢𝘥𝘢𝘮𝘢𝘺𝘢𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘬𝘢𝘱𝘢𝘵𝘪𝘥 𝘯𝘢 𝘯𝘢𝘬𝘢𝘣𝘪𝘭𝘢𝘯𝘨𝘨𝘰. 𝘈𝘵 𝘬𝘢𝘩𝘪𝘵 𝘪𝘯𝘢𝘨𝘢𝘸𝘢𝘯 𝘬𝘢𝘺𝘰 𝘯𝘨 𝘮𝘨𝘢 𝘢𝘳𝘪-𝘢𝘳𝘪𝘢𝘯, 𝘵𝘪𝘯𝘪𝘪𝘴 𝘯ʼ𝘺𝘰 𝘪𝘵𝘰 𝘯𝘢𝘯𝘨 𝘮𝘢𝘺 𝘬𝘢𝘨𝘢𝘭𝘢𝘬𝘢𝘯 𝘥𝘢𝘩𝘪𝘭 𝘢𝘭𝘢𝘮 𝘯𝘪𝘯𝘺𝘰𝘯𝘨 𝘮𝘢𝘺𝘳𝘰𝘰𝘯 𝘬𝘢𝘺𝘰𝘯𝘨 𝘮𝘢𝘴 𝘮𝘢𝘣𝘶𝘵𝘪𝘯𝘨 𝘬𝘢𝘺𝘢𝘮𝘢𝘯𝘢𝘯 𝘯𝘢 𝘩𝘪𝘯𝘥𝘪 𝘮𝘢𝘸𝘢𝘸𝘢𝘭𝘢 𝘬𝘢𝘪𝘭𝘢𝘯𝘮𝘢𝘯. 𝗛𝗘𝗕𝗥𝗘𝗢 𝟭𝟬:𝟯𝟮–𝟯𝟰

Nagawang tiisin ng mga mananampalataya ang iba’t ibang uri ng paghihirap at pagsubok tulad ng pang-iinsulto, pag-uusig, pagkakakulong, pagkuha ng kanilang mga ari-arian, at maging ang panganib ng kamatayan alang-alang sa ebanghelyo. Ito ang dahilan kung bakit pinupuri sila ng manunulat ng Hebreo dahil sa kanilang pananampalataya at ipinapaalala sa kanila na may mas dakila silang realidad na inaasahan—ang mas mabuti at walang hanggang kayamanan kay Cristo. Ang kayamanang ito ay bahagi ng espirituwal na yaman ng bawat Kristiyano: kapatawaran ng ating mga kasalanan, pagiging matuwid sa harapan ng Diyos, buhay na walang hanggan, at marami pang iba. Kaya’t ang ating pananampalataya sa Diyos at ang ating paghihirap ay hindi kailanman masasayang. Sa gitna ng mga paghihirap at pagsubok, paano mo ipinapaalala sa iyong sarili ang pagkakaroon ng pananaw na nakatuon sa langit?

𝟮. 𝗠𝗮𝗸𝗮𝗸𝗮𝘆𝗮 𝗻𝗮𝘁𝗶𝗻𝗴 𝗺𝗮𝗴𝘁𝗶𝗶𝘀 𝗱𝗮𝗵𝗶𝗹 𝗺𝗮𝘆𝗿𝗼𝗼𝗻 𝘁𝗮𝘆𝗼𝗻𝗴 𝗺𝗮𝗹𝗮𝗸𝗶𝗻𝗴 𝗴𝗮𝗻𝘁𝗶𝗺𝗽𝗮𝗹𝗮.

𝘒𝘢𝘺𝘢 𝘩𝘶𝘸𝘢𝘨 𝘬𝘢𝘺𝘰𝘯𝘨 𝘮𝘢𝘸𝘢𝘸𝘢𝘭𝘢𝘯 𝘯𝘨 𝘱𝘢𝘯𝘢𝘯𝘢𝘭𝘪𝘨 𝘴𝘢 𝘋𝘪𝘰𝘴, 𝘥𝘢𝘩𝘪𝘭 𝘮𝘢𝘺 𝘮𝘢𝘭𝘢𝘬𝘪𝘯𝘨 𝘨𝘢𝘯𝘵𝘪𝘮𝘱𝘢𝘭𝘢𝘯𝘨 𝘯𝘢𝘬𝘢𝘭𝘢𝘢𝘯 𝘱𝘢𝘳𝘢 𝘴𝘢 𝘪𝘯𝘺𝘰. 𝘒𝘢𝘪𝘭𝘢𝘯𝘨𝘢𝘯 𝘯𝘪𝘯𝘺𝘰𝘯𝘨 𝘮𝘢𝘨𝘵𝘪𝘪𝘴 𝘱𝘢𝘳𝘢 𝘮𝘢𝘴𝘶𝘯𝘰𝘥 𝘯ʼ𝘺𝘰 𝘢𝘯𝘨 𝘬𝘢𝘭𝘰𝘰𝘣𝘢𝘯 𝘯𝘨 𝘋𝘪𝘰𝘴, 𝘢𝘵 𝘮𝘢𝘵𝘢𝘯𝘨𝘨𝘢𝘱 𝘯ʼ𝘺𝘰 𝘢𝘯𝘨 𝘪𝘱𝘪𝘯𝘢𝘯𝘨𝘢𝘬𝘰 𝘯𝘪𝘺𝘢. 𝗛𝗘𝗕𝗥𝗘𝗢 𝟭𝟬:𝟯𝟱–𝟯𝟲

Sa panahon na sobrang pinanghihinaan na ng loob ang mga mananampalataya at halos sumuko at bumalik na sila sa dati nilang pamumuhay, hinimok sila ng manunulat ng Hebreo na huwag talikuran ang kanilang pagtitiwala kay Cristo, dahil may malaking gantimpala na naghihintay sa kanila. Makakaya nating magtiis kapag alam natin na may naghihintay na gantimpala mula kay Cristo. Makakaya natin na magpatuloy nang may pag-asa, pananampalataya, at pagtitiwala dahil ang Diyos ay tapat at bibigyan Niya ng pansin ang pagtitiis, kasipagan, at pagtitiyaga ng Kanyang mga anak. May saysay ba talaga ang hindi pagtalikod sa pagtitiwala natin kay Jesus? Naranasan mo na ba ito sa buhay mo?

𝟯. 𝗠𝗮𝗸𝗮𝗸𝗮𝘆𝗮 𝗻𝗮𝘁𝗶𝗻𝗴 𝗺𝗮𝗴𝘁𝗶𝗶𝘀 𝗱𝗮𝗵𝗶𝗹 𝗯𝗮𝗯𝗮𝗹𝗶𝗸 𝘀𝗶 𝗝𝗲𝘀𝘂𝘀.

𝘚𝘢𝘱𝘢𝘨𝘬𝘢𝘵 𝘴𝘪𝘯𝘢𝘴𝘢𝘣𝘪 𝘴𝘢 𝘒𝘢𝘴𝘶𝘭𝘢𝘵𝘢𝘯, “𝘚𝘢𝘯𝘥𝘢𝘭𝘪𝘯𝘨 𝘱𝘢𝘯𝘢𝘩𝘰𝘯 𝘯𝘢 𝘭𝘢𝘯𝘨 𝘢𝘵 𝘥𝘢𝘳𝘢𝘵𝘪𝘯𝘨 𝘯𝘢 𝘴𝘪𝘺𝘢. 𝘏𝘪𝘯𝘥𝘪 𝘯𝘢 𝘴𝘪𝘺𝘢 𝘮𝘢𝘨𝘵𝘢𝘵𝘢𝘨𝘢𝘭. 𝘈𝘵 𝘮𝘢𝘣𝘶𝘣𝘶𝘩𝘢𝘺 𝘢𝘯𝘨 𝘵𝘢𝘰𝘯𝘨 𝘪𝘵𝘪𝘯𝘶𝘳𝘪𝘯𝘨 𝘬𝘰𝘯𝘨 𝘮𝘢𝘵𝘶𝘸𝘪𝘥 𝘥𝘢𝘩𝘪𝘭 𝘴𝘢 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘯𝘪𝘺𝘢. 𝘕𝘨𝘶𝘯𝘪𝘵 𝘬𝘶𝘯𝘨 𝘵𝘶𝘮𝘢𝘭𝘪𝘬𝘰𝘥 𝘴𝘪𝘺𝘢 𝘴𝘢 𝘢𝘬𝘪𝘯, 𝘩𝘪𝘯𝘥𝘪 𝘬𝘰 𝘯𝘢 𝘴𝘪𝘺𝘢 𝘬𝘢𝘭𝘶𝘭𝘶𝘨𝘥𝘢𝘯.” 𝗛𝗘𝗕𝗥𝗘𝗢 𝟭𝟬:𝟯𝟳–𝟯𝟴

Ang manunulat ng Hebreo ay itinutuwid ang pananaw: kakayanin natin na magtiis hindi dahil madali ang buhay, kundi dahil nakatuon ang ating pag-asa sa walang hanggan. Ang mga pagsubok ay maaaring makaapekto ng hindi maganda sa ating pananaw, ngunit ang matuwid ay mabubuhay sa pananampalataya. Tulad ng mga atletang tumatakbo sa mahahabang karera na matiyagang nagpapatuloy at umaasa sa bawat hakbang na sila ay papalapit na sa dulo, ganoon din tayong mga mananampalataya kay Cristo, handang tiisin ang bawat pagsubok na may pananampalataya at buo ang pananalig na Siya ay muling babalik at tayo’y mananahan magpakailanman sa piling ng Diyos. Paano tayo matutulungan ng katotohanang ito para magpatuloy at hindi sumuko’t lumayo kay Cristo?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang mga bagay na sumusubok sa tiwala mo kay Jesus? Manalangin sa Diyos at humingi ng tulong para magawa mong manindigan sa iyong pananampalataya nang walang kompromiso.

• Alalahanin ang mga tagumpay at katapatan ng Diyos sa buhay mo. Paano mapapalakas ang loob mo ng katapatang ipinakita Niya dati sa gitna ng mga paghihirap at pagsubok?

• Sino sa mga taong malapit sa ‘yo ang kasalukuyang dumadaan sa pagsubok? Paano mo ipapaalala sa kanya ang mas maganda at walang hanggang kayamanang mayroon tayo kay Cristo?

𝗣𝗥𝗔𝗬𝗘𝗥

• Pasalamatan si Jesus sa pagtitiis Niya ng matinding paghihirap para sa atin. Pasalamatan din Siya sa pananampalatayang nagbibigay ng kalakasan para pagtagumpayan ang mga pagsubok at ng katiyakan na mayroon tayong higit na mas magandang matatanggap mula sa Kanya.

• Hilingin sa Diyos na tulungan kang magtiwala kay Jesus lamang para patuloy kang mamuhay nang may pananampalataya na hindi batay sa kung ano ang nakikita. Hilingin din na tulungan kang talikuran ang pagtitiwala sa mga makamundong bagay habang dumaraan ka sa mga pagsubok.

• Ipanalangin na makatulong ka sa mga taong may pinagdadaanang pagsubok. Ipanalangin na maging handa ang kanilang puso at gabayan ka ng Banal na Espiritu habang ipinapangaral mo ang ebanghelyo.