𝗪𝗔𝗥𝗠 𝗨𝗣

• Ikwento ang pinakanakakagulat na nangyari sa’yo ngayong linggo.

• Balikan ang isang mahirap na karanasan mo bilang isang teenager (binatilyo o dalagita). Saan mo ito maihahalintulad at ano ang ginawa mo upang mapagtagumpayan ito?

• Sa anong henerasyon ka kabilang? Anong mga pagkakaibang napapansin mo sa ibang henerasyon?

𝗪𝗢𝗥𝗗

𝘖 𝘋𝘪𝘺𝘰𝘴, 𝘮𝘶𝘭𝘢 𝘱𝘢𝘨𝘬𝘢𝘣𝘢𝘵𝘢ʼ𝘺 𝘪𝘵𝘪𝘯𝘶𝘳𝘰 𝘯ʼ𝘺𝘰 𝘯𝘢 𝘴𝘢 𝘢𝘬𝘪𝘯 𝘢𝘯𝘨 𝘵𝘶𝘯𝘨𝘬𝘰𝘭 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘬𝘢𝘩𝘢𝘯𝘨𝘢-𝘩𝘢𝘯𝘨𝘢𝘯𝘨 𝘨𝘢𝘸𝘢 𝘢𝘵 𝘩𝘢𝘯𝘨𝘨𝘢𝘯𝘨 𝘯𝘨𝘢𝘺𝘰𝘯, 𝘪𝘯𝘪𝘩𝘢𝘩𝘢𝘺𝘢𝘨 𝘬𝘰 𝘪𝘵𝘰 𝘴𝘢 𝘮𝘨𝘢 𝘵𝘢𝘰. 𝘈𝘵 𝘯𝘨𝘢𝘺𝘰𝘯𝘨 𝘢𝘬𝘰ʼ𝘺 𝘮𝘢𝘵𝘢𝘯𝘥𝘢 𝘯𝘢 𝘢𝘵 𝘮𝘢𝘱𝘶𝘵𝘪 𝘯𝘢 𝘢𝘯𝘨 𝘣𝘶𝘩𝘰𝘬, 𝘩𝘶𝘸𝘢𝘨 𝘯ʼ𝘺𝘰 𝘢𝘬𝘰𝘯𝘨 𝘱𝘢𝘣𝘢𝘺𝘢𝘢𝘯, 𝘖 𝘋𝘪𝘺𝘰𝘴. 𝘔𝘢𝘪𝘩𝘢𝘺𝘢𝘨 𝘬𝘰 𝘴𝘢𝘯𝘢 𝘢𝘯𝘨 𝘪𝘯𝘺𝘰𝘯𝘨 𝘭𝘢𝘬𝘢𝘴 𝘢𝘵 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘴𝘶𝘴𝘶𝘯𝘰𝘥 𝘯𝘢 𝘩𝘦𝘯𝘦𝘳𝘢𝘴𝘺𝘰𝘯, 𝘢𝘵 𝘴𝘢 𝘭𝘢𝘩𝘢𝘵 𝘯𝘨 𝘮𝘨𝘢 𝘥𝘢𝘳𝘢𝘵𝘪𝘯𝘨 𝘴𝘢 𝘩𝘪𝘯𝘢𝘩𝘢𝘳𝘢𝘱. 𝘖 𝘋𝘪𝘺𝘰𝘴, 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘵𝘶𝘸𝘪𝘳𝘢𝘯 𝘢𝘺 𝘩𝘪𝘯𝘥𝘪 𝘬𝘢𝘺𝘢𝘯𝘨 𝘮𝘢𝘶𝘯𝘢𝘸𝘢𝘢𝘯 𝘯𝘨 𝘭𝘶𝘣𝘶𝘴𝘢𝘯. 𝘒𝘢𝘩𝘢𝘯𝘨𝘢-𝘩𝘢𝘯𝘨𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘨𝘢𝘸𝘢. 𝘛𝘶𝘯𝘢𝘺 𝘯𝘨𝘢𝘯𝘨 𝘸𝘢𝘭𝘢𝘯𝘨 𝘴𝘪𝘯𝘶𝘮𝘢𝘯 𝘢𝘯𝘨 𝘵𝘶𝘭𝘢𝘥 𝘯𝘪𝘯𝘺𝘰. 𝗦𝗔𝗟𝗠𝗢 𝟳𝟭:𝟭𝟳–𝟭𝟵

Bagama’t hindi lahat ay may pribilehiyong makikilala ang Diyos sa murang edad, ipinahayag ng salmista ang kwento niya—na natuto siya mula sa Diyos noong kabataan niya at nagpatuloy ito hanggang sa kanyang pagtanda. Sa katunayan, sinabi niya na kahit matanda na siya at puti na ang buhok, nagpapatotoo pa rin siya sa sumunod na henerasyon tungkol sa katapatan ng Diyos. Kahit na inilaan niya ang buong buhay niya upang makilala ang Diyos, hindi pa rin niya makita ang hangganan ng katuwiran at dakilang kapangyarihan ng Diyos. Sa araw na ito, titingnan natin kung paano maisasabuhay ang mga prinsipyong ito sa ating henerasyon at kung paano natin matutulungan ang susunod na mga henerasyon na makilala at mahalin ang Diyos.

𝟭. 𝗦𝗶𝗺𝘂𝗹𝗮𝗻 𝗮𝗻𝗴 𝗴𝗮𝘄𝗮𝗶𝗻 𝘀𝗮 𝗺𝗴𝗮 𝗸𝗮𝗯𝗮𝘁𝗮𝗮𝗻.

𝘖 𝘋𝘪𝘺𝘰𝘴, 𝘮𝘶𝘭𝘢 𝘱𝘢𝘨𝘬𝘢𝘣𝘢𝘵𝘢ʼ𝘺 𝘪𝘵𝘪𝘯𝘶𝘳𝘰 𝘯ʼ𝘺𝘰 𝘯𝘢 𝘴𝘢 𝘢𝘬𝘪𝘯 𝘢𝘯𝘨 𝘵𝘶𝘯𝘨𝘬𝘰𝘭 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘬𝘢𝘩𝘢𝘯𝘨𝘢-𝘩𝘢𝘯𝘨𝘢𝘯𝘨 𝘨𝘢𝘸𝘢 𝘢𝘵 𝘩𝘢𝘯𝘨𝘨𝘢𝘯𝘨 𝘯𝘨𝘢𝘺𝘰𝘯, 𝘪𝘯𝘪𝘩𝘢𝘩𝘢𝘺𝘢𝘨 𝘬𝘰 𝘪𝘵𝘰 𝘴𝘢 𝘮𝘨𝘢 𝘵𝘢𝘰. 𝗦𝗔𝗟𝗠𝗢 𝟳𝟭:𝟭𝟳

Bilang isang iglesya, naniniwala tayo sa pakikipag-ugnayan at pagdidisipulo ng susunod na henerasyon. Inuuna natin ang kabataan at hindi natin sila minamaliit (1 Timoteo 4:12). Kapag tinuruan natin sila na sumunod sa Diyos sa murang edad, hindi lamang sila magsisilbi sa Diyos buong buhay nila; sila rin ay makakagawa ng pagbabago sa buhay ng iba. Ano kaya sa palagay mo ang mangyayari kung hindi natin ibabahagi ang ebanghelyo sa kabataan? Ano naman ang mangyayari kapag ginawa natin ito?

𝟮. 𝗜𝗯𝗮𝗵𝗮𝗴𝗶 𝗮𝗻𝗴 𝗺𝗴𝗮 𝗺𝗮𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻𝗴 𝗴𝗶𝗻𝗮𝘄𝗮 𝗻𝗴 𝗗𝗶𝘆𝗼𝘀 𝘀𝗮 𝗺𝗴𝗮 𝗸𝗮𝗯𝗮𝘁𝗮𝗮𝗻.

𝘈𝘵 𝘯𝘨𝘢𝘺𝘰𝘯𝘨 𝘢𝘬𝘰ʼ𝘺 𝘮𝘢𝘵𝘢𝘯𝘥𝘢 𝘯𝘢 𝘢𝘵 𝘮𝘢𝘱𝘶𝘵𝘪 𝘯𝘢 𝘢𝘯𝘨 𝘣𝘶𝘩𝘰𝘬, 𝘩𝘶𝘸𝘢𝘨 𝘯ʼ𝘺𝘰 𝘢𝘬𝘰𝘯𝘨 𝘱𝘢𝘣𝘢𝘺𝘢𝘢𝘯, 𝘖 𝘋𝘪𝘺𝘰𝘴. 𝘔𝘢𝘪𝘩𝘢𝘺𝘢𝘨 𝘬𝘰 𝘴𝘢𝘯𝘢 𝘢𝘯𝘨 𝘪𝘯𝘺𝘰𝘯𝘨 𝘭𝘢𝘬𝘢𝘴 𝘢𝘵 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘴𝘶𝘴𝘶𝘯𝘰𝘥 𝘯𝘢 𝘩𝘦𝘯𝘦𝘳𝘢𝘴𝘺𝘰𝘯, 𝘢𝘵 𝘴𝘢 𝘭𝘢𝘩𝘢𝘵 𝘯𝘨 𝘮𝘨𝘢 𝘥𝘢𝘳𝘢𝘵𝘪𝘯𝘨 𝘴𝘢 𝘩𝘪𝘯𝘢𝘩𝘢𝘳𝘢𝘱. 𝘖 𝘋𝘪𝘺𝘰𝘴, 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘵𝘶𝘸𝘪𝘳𝘢𝘯 𝘢𝘺 𝘩𝘪𝘯𝘥𝘪 𝘬𝘢𝘺𝘢𝘯𝘨 𝘮𝘢𝘶𝘯𝘢𝘸𝘢𝘢𝘯 𝘯𝘨 𝘭𝘶𝘣𝘶𝘴𝘢𝘯. 𝘒𝘢𝘩𝘢𝘯𝘨𝘢-𝘩𝘢𝘯𝘨𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘨𝘢𝘸𝘢. 𝘛𝘶𝘯𝘢𝘺 𝘯𝘨𝘢𝘯𝘨 𝘸𝘢𝘭𝘢𝘯𝘨 𝘴𝘪𝘯𝘶𝘮𝘢𝘯 𝘢𝘯𝘨 𝘵𝘶𝘭𝘢𝘥 𝘯𝘪𝘯𝘺𝘰. 𝗦𝗔𝗟𝗠𝗢 𝟳𝟭:𝟭𝟴–𝟭𝟵

Nagkukwento tayo sa mga mas batang henerasyon tungkol sa Diyos dahil mabuti Siya at dakila. Dapat lamang na ihayag ang Kanyang katangian at mga nagawa. Anuman ang mga paghamon na kakaharapin natin o mga pagbabago sa kultura, hinding-hindi mababalewala ang Diyos. Walang katulad ang Diyos na pinaglilingkuran natin. Totoo ito sa ating kabataan hanggang sa ating pagtanda. Sino ang naghayag ng kadakilaan ng Diyos sa iyo at paano nabago ng Diyos ang buhay mo?

𝟯. 𝗠𝗮𝗺𝘂𝗵𝘂𝗻𝗮𝗻 𝘀𝗮 𝘀𝘂𝘀𝘂𝗻𝗼𝗱 𝗻𝗮 𝗵𝗲𝗻𝗲𝗿𝗮𝘀𝘆𝗼𝗻.

. . . 𝘢𝘵 𝘩𝘢𝘯𝘨𝘨𝘢𝘯𝘨 𝘯𝘨𝘢𝘺𝘰𝘯, 𝘪𝘯𝘪𝘩𝘢𝘩𝘢𝘺𝘢𝘨 𝘬𝘰 𝘪𝘵𝘰 𝘴𝘢 𝘮𝘨𝘢 𝘵𝘢𝘰. 𝘈𝘵 𝘯𝘨𝘢𝘺𝘰𝘯𝘨 𝘢𝘬𝘰ʼ𝘺 𝘮𝘢𝘵𝘢𝘯𝘥𝘢 𝘯𝘢 𝘢𝘵 𝘮𝘢𝘱𝘶𝘵𝘪 𝘯𝘢 𝘢𝘯𝘨 𝘣𝘶𝘩𝘰𝘬, 𝘩𝘶𝘸𝘢𝘨 𝘯ʼ𝘺𝘰 𝘢𝘬𝘰𝘯𝘨 𝘱𝘢𝘣𝘢𝘺𝘢𝘢𝘯, 𝘖 𝘋𝘪𝘺𝘰𝘴. 𝘔𝘢𝘪𝘩𝘢𝘺𝘢𝘨 𝘬𝘰 𝘴𝘢𝘯𝘢 𝘢𝘯𝘨 𝘪𝘯𝘺𝘰𝘯𝘨 𝘭𝘢𝘬𝘢𝘴 𝘢𝘵 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘴𝘶𝘴𝘶𝘯𝘰𝘥 𝘯𝘢 𝘩𝘦𝘯𝘦𝘳𝘢𝘴𝘺𝘰𝘯, 𝘢𝘵 𝘴𝘢 𝘭𝘢𝘩𝘢𝘵 𝘯𝘨 𝘮𝘨𝘢 𝘥𝘢𝘳𝘢𝘵𝘪𝘯𝘨 𝘴𝘢 𝘩𝘪𝘯𝘢𝘩𝘢𝘳𝘢𝘱. 𝗦𝗔𝗟𝗠𝗢 𝟳𝟭:𝟭𝟳–𝟭𝟴

Ang pagkaunawa at karanasan natin sa Diyos ay hindi lamang para sa atin. Kailangan natin itong ibahagi sa iba lalo na sa mga susunod na henerasyon. Kapag nakilala ng kabataan ang Diyos sa kanilang murang edad, mas mahaba ang panahon nila upang makipag-ugnayan sa iba kasama na ang henerasyon na kasunod nila. Kabilang dito ang pangangaral ng ebanghelyo sa kanila, paniniwala sa kanila, paglilingkod sa kanila, at pagtuturo sa kanila kung paano maging lider. Paano mo ito maipagpapatuloy na gawin kahit na matanda ka na?

𝗔𝗣𝗣𝗟𝗜𝗖𝗔𝗧𝗜𝗢𝗡

• Bilang bahagi ng kasalukuyang henerasyon, paano mo maipapasa sa susunod na henerasyon ang mga natutunan mo tungkol sa kabutihan ng Diyos?

• Sino ang bahagi ng susunod na henerasyon sa iyong tahanan at komunidad? Paano ka makikipag-ugnayan sa kanila ngayon?

• Paano ka mamumuhunan sa susunod na henerasyon? Humingi sa Diyos ng mga ideya, stratehiya, at pagkakataon.

𝗣𝗥𝗔𝗬𝗘𝗥

• Pasalamatan ang Diyos para sa ginawa Niya sa buhay mo at sa pagtuturo sa ’yo na kilalanin Siya, ano pa man ang iyong kalagayan at kultura. Balikan ang Kanyang kabutihan at kadakilaan sa buhay mo ngayon.

• Hilingin sa Diyos na ipakita sa iyo kung paano Niya nakikita ang susunod na henerasyon, na madama mo ang awa na nadarama Niya para sa kanila, at magawa mong tumugon nang natutulad sa Kanya.

• Ipanalangin na ang buhay mo—hanggang sa iyong pagtanda—ay maging isang paghahayag at pagpapakita ng ebanghelyo ng ating Panginoong Jesu-Cristo. Ipanalangin na mas marami pang tao ang makakilala sa Diyos sa pamamagitan ng iyong buhay at patotoo.