𝗪𝗔𝗥𝗠 𝗨𝗣

• Ano-ano ang mga ginagawa mo para mapalago ang iyong mga pinakamahahalagang relasyon?

• Paano ka namumuhunan para sa kalusugan o personal mong paglago? Magbahagi ng kahit isang bagay na ginagawa mo bawat linggo para rito.

• Sino ang natatakbuhan mo sa tuwing nangangailangan ka? Gaano ka kasigurado na tutulungan ka ng taong ito?

𝗪𝗢𝗥𝗗

“𝘔𝘢𝘨-𝘪𝘯𝘨𝘢𝘵 𝘬𝘢𝘺𝘰 𝘢𝘵 𝘣𝘢𝘬𝘢 𝘢𝘯𝘨 𝘱𝘢𝘨𝘨𝘢𝘸𝘢 𝘯𝘪𝘯𝘺𝘰 𝘯𝘨 𝘮𝘢𝘣𝘶𝘵𝘪 𝘢𝘺 𝘱𝘢𝘬𝘪𝘵𝘢𝘯𝘨-𝘵𝘢𝘰 𝘭𝘢𝘯𝘨. 𝘚𝘢𝘱𝘢𝘨𝘬𝘢𝘵 𝘬𝘶𝘯𝘨 𝘨𝘢𝘯𝘺𝘢𝘯 𝘢𝘯𝘨 𝘨𝘪𝘯𝘢𝘨𝘢𝘸𝘢 𝘯𝘪𝘯𝘺𝘰, 𝘸𝘢𝘭𝘢 𝘬𝘢𝘺𝘰𝘯𝘨 𝘮𝘢𝘵𝘢𝘵𝘢𝘯𝘨𝘨𝘢𝘱 𝘯𝘢 𝘨𝘢𝘯𝘵𝘪𝘮𝘱𝘢𝘭𝘢 𝘮𝘶𝘭𝘢 𝘴𝘢 𝘪𝘯𝘺𝘰𝘯𝘨 𝘈𝘮𝘢𝘯𝘨 𝘯𝘢𝘴𝘢 𝘭𝘢𝘯𝘨𝘪𝘵.” 𝗠𝗔𝗧𝗘𝗢 𝟲:𝟭

(Basahin din ang 𝗠𝗔𝗧𝗘𝗢 𝟲:𝟱–𝟭𝟱.)

Habang isinasabuhay natin ang mga espirituwal na disiplina, hindi lang tayo mas lumalakas sa larangang espirituwal at nagiging mas tulad ni Jesus. Higit pa rito, lumalago tayo sa ating ugnayan sa Diyos. Ang pananalangin ay isa sa mga disiplinang espirituwal at isang mahalagang bahagi ng ating araw-araw na ritmo ng biyaya. Kapag nananalangin tayo, ito ay kabilaang pakikipag-usap sa pagitan natin at ng Ama. Nagkakaroon tayo ng pagkakataong kausapin Siya, nakikita natin kung paano Siya tumututok at matiyagang nakikinig sa atin, at nabibigyan tayo ng pagkakataong marinig Siya. Ngayong araw, tingnan natin kung ano ang sinabi ni Jesus tungkol sa panalangin sa Kanyang Pangangaral sa Bundok.

𝟭. 𝗞𝗮𝗽𝗮𝗴 𝘁𝗮𝘆𝗼 𝗮𝘆 𝗻𝗮𝗻𝗮𝗻𝗮𝗹𝗮𝗻𝗴𝗶𝗻, 𝗵𝗶𝗻𝗮𝗵𝗮𝗻𝗴𝗮𝗱 𝗻𝗮𝘁𝗶𝗻 𝗮𝗻𝗴 𝗗𝗶𝘆𝗼𝘀 𝗮𝘁 𝗵𝗶𝗻𝗱𝗶 𝗮𝗻𝗴 𝗺𝗮𝗽𝗮𝗻𝘀𝗶𝗻 𝗻𝗴 𝗶𝗯𝗮𝗻𝗴 𝘁𝗮𝗼.

“𝘒𝘢𝘱𝘢𝘨 𝘯𝘢𝘯𝘢𝘯𝘢𝘭𝘢𝘯𝘨𝘪𝘯 𝘬𝘢𝘺𝘰, 𝘩𝘶𝘸𝘢𝘨 𝘬𝘢𝘺𝘰𝘯𝘨 𝘵𝘶𝘵𝘶𝘭𝘢𝘥 𝘴𝘢 𝘨𝘪𝘯𝘢𝘨𝘢𝘸𝘢 𝘯𝘨 𝘮𝘨𝘢 𝘱𝘢𝘬𝘪𝘵𝘢𝘯𝘨-𝘵𝘢𝘰. 𝘔𝘢𝘩𝘪𝘭𝘪𝘨 𝘴𝘪𝘭𝘢𝘯𝘨 𝘮𝘢𝘯𝘢𝘭𝘢𝘯𝘨𝘪𝘯 𝘯𝘢𝘯𝘨 𝘯𝘢𝘬𝘢𝘵𝘢𝘺𝘰 𝘴𝘢 𝘮𝘨𝘢 𝘴𝘢𝘮𝘣𝘢𝘩𝘢𝘯 𝘢𝘵 𝘴𝘢 𝘮𝘨𝘢 𝘬𝘢𝘯𝘵𝘰 𝘯𝘨 𝘭𝘢𝘯𝘴𝘢𝘯𝘨𝘢𝘯 𝘱𝘢𝘳𝘢 𝘮𝘢𝘬𝘪𝘵𝘢 𝘯𝘨 𝘮𝘨𝘢 𝘵𝘢𝘰. 𝘈𝘯𝘨 𝘵𝘰𝘵𝘰𝘰, 𝘵𝘪𝘯𝘢𝘯𝘨𝘨𝘢𝘱 𝘯𝘢 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘨𝘢𝘯𝘵𝘪𝘮𝘱𝘢𝘭𝘢.” 𝗠𝗔𝗧𝗘𝗢 𝟲:𝟱

Ang panalangin ay bahagi ng kultura ng mga Judio. Pero madalas, nakakalimutan ng mga tao ang tunay na layunin at kahulugan ng panalangin. May mga tao na nananalangin nang malakas sa mga pampublikong lugar para lang makita ng iba na sila ay masunurin at matuwid. Nagbigay si Jesus ng paalala na kapag tayo ay nananalangin, ang layunin natin ay hangarin ang Diyos Ama. Mahalagang malaman natin kung kanino tayo nananalangin kaysa unahin ang pansarili nating kagustuhan o kung ano ang tingin sa atin ng iba. Sa pananalangin, nagpapakumbaba tayo sa harap Diyos, lumalapit tayo sa Kanya at inaayon ang ating mga sarili sa Kanyang kalooban. Makakaasa tayo na kapag tayo ay nananalangin, naririnig tayo ng ating Ama sa langit (1 Juan 5:14). Paano sinimulan ni Jesus ang Kanyang panalangin (Mateo 6:9)?

𝟮. 𝗞𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻𝗴 𝗺𝗮𝗴𝗹𝗮𝗮𝗻 𝗻𝗴 𝗹𝘂𝗴𝗮𝗿 𝗮𝘁 𝗼𝗿𝗮𝘀 𝗽𝗮𝗿𝗮 𝘀𝗮 𝗽𝗮𝗻𝗮𝗻𝗮𝗹𝗮𝗻𝗴𝗶𝗻.

“𝘚𝘢 𝘩𝘢𝘭𝘪𝘱, 𝙠𝙪𝙣𝙜 𝙢𝙖𝙣𝙖𝙣𝙖𝙡𝙖𝙣𝙜𝙞𝙣 𝙠𝙖𝙮𝙤, 𝙥𝙪𝙢𝙖𝙨𝙤𝙠 𝙠𝙖𝙮𝙤 𝙨𝙖 𝙞𝙣𝙮𝙤𝙣𝙜 𝙠𝙬𝙖𝙧𝙩𝙤 𝘢𝘵 𝘪𝘴𝘢𝘳𝘢 𝘢𝘯𝘨 𝘱𝘪𝘯𝘵𝘰. 𝘈𝘵 𝘴𝘢𝘬𝘢 𝘬𝘢𝘺𝘰 𝘮𝘢𝘯𝘢𝘭𝘢𝘯𝘨𝘪𝘯 𝘴𝘢 𝘪𝘯𝘺𝘰𝘯𝘨 𝘈𝘮𝘢 𝘯𝘢 𝘩𝘪𝘯𝘥𝘪 𝘯𝘢𝘬𝘪𝘬𝘪𝘵𝘢. 𝘈𝘵 𝘢𝘯𝘨 𝘪𝘯𝘺𝘰𝘯𝘨 𝘈𝘮𝘢 𝘯𝘢 𝘯𝘢𝘬𝘢𝘬𝘢𝘬𝘪𝘵𝘢 𝘴𝘢 𝘨𝘪𝘯𝘢𝘨𝘢𝘸𝘢 𝘯𝘪𝘯𝘺𝘰 𝘯𝘢𝘯𝘨 𝘭𝘪𝘩𝘪𝘮 𝘢𝘯𝘨 𝘮𝘢𝘨𝘣𝘪𝘣𝘪𝘨𝘢𝘺 𝘯𝘨 𝘨𝘢𝘯𝘵𝘪𝘮𝘱𝘢𝘭𝘢 𝘴𝘢 𝘪𝘯𝘺𝘰.” 𝗠𝗔𝗧𝗘𝗢 𝟲:𝟲

Hinikayat ni Jesus ang mga tao na pumasok sa sarili nilang kwarto at manalangin nang hindi nakikita. Hindi ito tungkol sa pagiging mapaglihim sa pananalangin o hindi pagpapakita sa iba na tayo ay nagdarasal. Sa halip, hinihikayat tayo ni Jesus na hangarin ang Diyos at maglaan ng oras at lugar para sa pagdarasal. Makikita sa buong Ebanghelyo na si Jesus ay nanalangin tuwing madaling araw o sa kailaliman ng gabi para makipag-usap sa Ama. Dahil mahalaga ang panalangin para sa atin, kailangan nating paglaanan ito ng panahon at magtakda ng tiyak na oras kung kailan natin ito gagawin, para hindi natin ito makalimutan o mapabayaan. Ibahagi ang iyong personal na oras ng pananalangin at ang mga pagkakataong nananalangin ka kasama ang iyong komunidad ng iglesya.

𝟯. 𝗡𝗮𝗻𝗮𝗻𝗮𝗹𝗮𝗻𝗴𝗶𝗻 𝘁𝗮𝘆𝗼 𝗻𝗮𝗻𝗴 𝗺𝗮𝘆 𝘁𝗶𝘄𝗮𝗹𝗮 𝗻𝗮 𝗻𝗮𝗿𝗶𝗿𝗶𝗻𝗶𝗴 𝘁𝗮𝘆𝗼 𝗻𝗴 𝗗𝗶𝘆𝗼𝘀 𝗮𝘁 𝗮𝗹𝗮𝗺 𝗡𝗶𝘆𝗮 𝗮𝗻𝗴 𝗺𝗴𝗮 𝗽𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻 𝗯𝗮𝗴𝗼 𝗽𝗮 𝗺𝗮𝗻 𝘁𝗮𝘆𝗼 𝗵𝘂𝗺𝗶𝗻𝗴𝗶.

“𝘈𝘵 𝘬𝘢𝘱𝘢𝘨 𝘯𝘢𝘯𝘢𝘯𝘢𝘭𝘢𝘯𝘨𝘪𝘯 𝘬𝘢𝘺𝘰, 𝘩𝘶𝘸𝘢𝘨 𝘬𝘢𝘺𝘰𝘯𝘨 𝘨𝘶𝘮𝘢𝘮𝘪𝘵 𝘯𝘨 𝘮𝘢𝘳𝘢𝘮𝘪𝘯𝘨 𝘴𝘢𝘭𝘪𝘵𝘢 𝘯𝘢 𝘸𝘢𝘭𝘢 𝘯𝘢𝘮𝘢𝘯𝘨 𝘬𝘢𝘣𝘶𝘭𝘶𝘩𝘢𝘯, 𝘵𝘶𝘭𝘢𝘥 𝘯𝘨 𝘨𝘪𝘯𝘢𝘨𝘢𝘸𝘢 𝘯𝘨 𝘮𝘨𝘢 𝘵𝘢𝘰𝘯𝘨 𝘩𝘪𝘯𝘥𝘪 𝘬𝘶𝘮𝘪𝘬𝘪𝘭𝘢𝘭𝘢 𝘴𝘢 𝘋𝘪𝘰𝘴. 𝘈𝘬𝘢𝘭𝘢 𝘯𝘪𝘭𝘢 𝘢𝘺 𝘴𝘢𝘴𝘢𝘨𝘶𝘵𝘪𝘯 𝘴𝘪𝘭𝘢 𝘯𝘨 𝘋𝘪𝘰𝘴 𝘬𝘶𝘯𝘨 𝘮𝘢𝘩𝘢𝘣𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘱𝘢𝘯𝘢𝘭𝘢𝘯𝘨𝘪𝘯. 𝘏𝘶𝘸𝘢𝘨 𝘯ʼ𝘺𝘰 𝘴𝘪𝘭𝘢𝘯𝘨 𝘨𝘢𝘺𝘢𝘩𝘪𝘯, 𝘥𝘢𝘩𝘪𝘭 𝘢𝘭𝘢𝘮 𝘯𝘢 𝘯𝘨 𝘪𝘯𝘺𝘰𝘯𝘨 𝘈𝘮𝘢 𝘬𝘶𝘯𝘨 𝘢𝘯𝘰 𝘢𝘯𝘨 𝘬𝘢𝘪𝘭𝘢𝘯𝘨𝘢𝘯 𝘯𝘪𝘯𝘺𝘰 𝘣𝘢𝘨𝘰 𝘱𝘢 𝘮𝘢𝘯 𝘯𝘪𝘯𝘺𝘰 𝘪𝘵𝘰 𝘩𝘪𝘯𝘨𝘪𝘯 𝘴𝘢 𝘬𝘢𝘯𝘺𝘢.” 𝗠𝗔𝗧𝗘𝗢 𝟲:𝟳–𝟴

Sinabi ni Jesus na 𝘩𝘶𝘸𝘢𝘨 . . . 𝘨𝘶𝘮𝘢𝘮𝘪𝘵 𝘯𝘨 𝘮𝘢𝘳𝘢𝘮𝘪𝘯𝘨 𝘴𝘢𝘭𝘪𝘵𝘢 𝘯𝘢 𝘸𝘢𝘭𝘢 𝘯𝘢𝘮𝘢𝘯𝘨 𝘬𝘢𝘣𝘶𝘭𝘶𝘩𝘢𝘯 o umasang maririnig tayo ng Diyos kung mahaba ang ating panalangin. Nilinaw Niya na alam ng ating Ama kung ano ang kailangan natin at kung ano ang laman ng ating puso bago pa man tayo magdasal. Hindi ibig sabihin nito na hindi na tayo magdadasal o gagamit ng mga salita. Nananalangin tayo nang buo ang loob na naririnig tayo ng Diyos, alam Niya ang ating mga pangangailangan sa paglapit natin sa Kanya, at sasagutin Niya tayo ayon sa Kanyang kalooban (1 Juan 5:14). Naririnig tayo ng Diyos. Paano binago ng katotohanang ito ang paraan mo ng pagdarasal?

𝗔𝗣𝗣𝗟𝗜𝗖𝗔𝗧𝗜𝗢𝗡

• Kanino ka nananalangin? Ano ang madalas mong ipinagdarasal? Ano ang isang bagay na sisimulan mong gawin para sundin ang mga tuntuning itinuro ni Jesus tungkol sa pananalangin?

• May inilaan ka bang oras at lugar para manalangin nang mag-isa o kaya ay kasama ang iyong komunidad ng iglesya? Mangakong gagawin mo ito at hingin ang tulong ng Banal na Espiritu at ng isang malapit na kaibigan para matupad mo ang iyong pangako.

• May kakilala ka ba na kailangang makaalam na ang Diyos ay Ama natin at naririnig Niya tayo at alam Niya ang ating mga pangangailangan? Paano mo mapapalakas ang loob ng taong ito gamit ang natutunan natin ngayong linggo?

𝗣𝗥𝗔𝗬𝗘𝗥

• Pasalamatan ang Diyos para sa handog Niyang kaligtasan sa pamamagitan ng krus ni Jesu-Cristo na nagbigay-daan upang mapabilang tayo sa Kanyang pamilya at makalapit tayo sa Kanya nang buo ang loob at may kalayaan.

• Ipanalangin na magkaroon ka ng kasiyahan at disiplina habang ipinapangakong maglalaan ka ng oras at lugar para sa pananalangin. Ipagdasal na habang nananalangin kang mag-isa o kasama ang iyong komunidad ng iglesya, lalago ang iyong pagkakakilala at ugnayan sa Diyos.

• Hilingin sa Diyos na tulungan kang gabayan ang iba papunta sa Kanya. Ipanalangin na hindi ka titingin lamang sa mga pangangailangan mo kundi mabigyan ka ng pusong mapaglingkod sa iba habang mas nakikilala at sinusunod mo Siya.