𝗪𝗔𝗥𝗠 𝗨𝗣

• Ano ang madalas mong gawin para makilala ang isang tao? Nakikipagkita ka ba sa kanya o pinapadalhan mo ba siya ng mensahe? Magbigay ng halimbawa.

• Ano ang isang bagay na nasasabik kang gawin lagi? Matatawag mo ba ito na passion mo? Bakit?

• Ano ang samahan o kolaborasyon na nasalihan mo? Ano ang kinalabasan nito?

𝗪𝗢𝗥𝗗

“𝘈𝘵 𝘪𝘵𝘰 𝘢𝘯𝘨 𝘬𝘢𝘩𝘶𝘭𝘶𝘨𝘢𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯: 𝘢𝘯𝘨 𝘮𝘢𝘬𝘪𝘭𝘢𝘭𝘢 𝘬𝘢 𝘯𝘨 𝘮𝘨𝘢 𝘵𝘢𝘰 𝘯𝘢 𝘪𝘬𝘢𝘸 𝘭𝘢𝘯𝘨 𝘢𝘯𝘨 𝘵𝘶𝘯𝘢𝘺 𝘯𝘢 𝘋𝘪𝘺𝘰𝘴, 𝘢𝘵 𝘮𝘢𝘬𝘪𝘭𝘢𝘭𝘢 𝘳𝘪𝘯 𝘯𝘪𝘭𝘢 𝘢𝘬𝘰 𝘯𝘢 𝘪𝘴𝘪𝘯𝘶𝘨𝘰 𝘮𝘰.” 𝗝𝗨𝗔𝗡 𝟭𝟳:𝟯

“. . . 𝘒𝘶𝘯𝘨 𝘱𝘢𝘢𝘯𝘰𝘯𝘨 𝘴𝘪𝘯𝘶𝘨𝘰 𝘢𝘬𝘰 𝘯𝘨 𝘈𝘮𝘢, 𝘬𝘢𝘺𝘰 𝘢𝘺 𝘪𝘴𝘪𝘯𝘶𝘴𝘶𝘨𝘰 𝘬𝘰 𝘳𝘪𝘯.” 𝗝𝗨𝗔𝗡 𝟮𝟬:𝟮𝟭

(Basahin din ang 𝗚𝗘𝗡𝗘𝗦𝗜𝗦 𝟭:𝟮𝟲–𝟮𝟴; 𝗠𝗚𝗔 𝗛𝗘𝗕𝗥𝗘𝗢 𝟮:𝟵; 𝗣𝗔𝗛𝗔𝗬𝗔𝗚 𝟳:𝟵–𝟭𝟬.)

Ang panalangin ni Jesus sa Juan 17 bago Siya pinagtaksilan at ipinako sa krus ay isang panalangin kung saan pumapagitna Siya sa pagitan ng tao at ng Diyos—para sa Kanyang sarili, sa Kanyang mga disipulo, at sa lahat ng mananampalataya. Sa dasal na ito, sinabi ni Jesus na 𝘢𝘯𝘨 𝘬𝘢𝘩𝘶𝘭𝘶𝘨𝘢𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯 ay ang 𝘮𝘢𝘬𝘪𝘭𝘢𝘭𝘢 ang Diyos at si Jesus. Ang salitang 𝘮𝘢𝘬𝘪𝘭𝘢𝘭𝘢 rito ay hindi isang mababaw na pagkakilala sa Diyos at sa mga nagawa Niya. Ang ibig sabihin nito ay malaman at maunawaan kung sino ba talaga ang Diyos. Kapag kilala natin ang Diyos, makikita natin ang pinagmumulan ng kagalakan at kahulugan ng buhay. Kapag kilala natin ang Diyos, makikilala natin ang Kanyang tinig at makikita natin kung sino ba talaga Siya. Ngayong araw, pag-uusapan natin kung paano nakakatulong ang pagkaunawa natin sa kung sino ang Diyos para maging konektado tayo sa Kanyang puso at misyon.

𝟭. 𝗔𝗻𝗴 𝗗𝗶𝘆𝗼𝘀 𝗻𝗮𝘁𝗶𝗻 𝗮𝘆 𝗺𝗮𝘆 𝗺𝗶𝘀𝘆𝗼𝗻.

“𝘈𝘵 𝘪𝘵𝘰 𝘢𝘯𝘨 𝘬𝘢𝘩𝘶𝘭𝘶𝘨𝘢𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯: 𝘢𝘯𝘨 𝘮𝘢𝘬𝘪𝘭𝘢𝘭𝘢 𝘬𝘢 𝘯𝘨 𝘮𝘨𝘢 𝘵𝘢𝘰 𝘯𝘢 𝘪𝘬𝘢𝘸 𝘭𝘢𝘯𝘨 𝘢𝘯𝘨 𝘵𝘶𝘯𝘢𝘺 𝘯𝘢 𝘋𝘪𝘺𝘰𝘴, 𝘢𝘵 𝘮𝘢𝘬𝘪𝘭𝘢𝘭𝘢 𝘳𝘪𝘯 𝘯𝘪𝘭𝘢 𝘢𝘬𝘰 𝘯𝘢 𝘪𝘴𝘪𝘯𝘶𝘨𝘰 𝘮𝘰.” 𝗝𝗨𝗔𝗡 𝟭𝟳:𝟯

𝘉𝘪𝘯𝘢𝘴𝘣𝘢𝘴𝘢𝘯 𝘯𝘪𝘺𝘢 𝘴𝘪𝘭𝘢 𝘢𝘵 𝘴𝘪𝘯𝘢𝘣𝘪, “𝘔𝘢𝘨𝘱𝘢𝘬𝘢𝘳𝘢𝘮𝘪 𝘬𝘢𝘺𝘰 𝘱𝘢𝘳𝘢 𝘮𝘢𝘯𝘨𝘢𝘭𝘢𝘵 𝘢𝘯𝘨 𝘮𝘨𝘢 𝘭𝘢𝘩𝘪 𝘯𝘪𝘯𝘺𝘰 𝘢𝘵 𝘮𝘢𝘮𝘢𝘩𝘢𝘭𝘢 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰. 𝘈𝘵 𝘱𝘢𝘮𝘢𝘩𝘢𝘭𝘢𝘢𝘯 𝘯𝘪𝘯𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘩𝘢𝘺𝘰𝘱.” 𝗚𝗘𝗡𝗘𝗦𝗜𝗦 𝟭:𝟮𝟴

Dahil sa pagkalikha ng Diyos sa tao, mauunawaan natin ang Kanyang puso at misyon. Ginawa Niya tayong katulad ng wangis o imahe Niya at inatasang magpakarami at mangalat ng lahi bilang mga kinatawan Niya. Ang misyon ng Diyos ay makilala Siya at maranasan ang kapangyarihan Niya ng lahat ng nilikha, habang pinupuno at pinamamahalaan ng tao ang buong mundo, at ipinapakita ang imahe Niya. Ngunit dahil nagkasala ang sangkatauhan, ang mga tao at ang iba pang nilikha ay nasa estado ng pagkasira. Ang maganda rito ay hindi nagbabago ang misyon ng Diyos. Ang layunin ng Diyos ay iligtas ang sangkatauhan at lahat ng nilikha upang maibalik tayo sa orihinal Niyang layunin para sa atin. Ang kwentong ito tungkol sa misyon ng Diyos na iligtas tayo ay nangingibabaw sa Bibliya. Nabasa mo na ba ang Bibliya nang may ganitong pananaw? Paano nakakatulong ang salita ng Diyos para maintindihan natin ang katotohanang ito?

𝟮. 𝗣𝗶𝗻𝗮𝗱𝗮𝗹𝗮 𝗻𝗴 𝗔𝗺𝗮 𝘀𝗶 𝗝𝗲𝘀𝘂𝘀 𝗽𝗮𝗿𝗮 𝘀𝗮 𝗶𝘀𝗮𝗻𝗴 𝗺𝗶𝘀𝘆𝗼𝗻.

“. . . 𝙆𝙪𝙣𝙜 𝙥𝙖𝙖𝙣𝙤𝙣𝙜 𝙨𝙞𝙣𝙪𝙜𝙤 𝙖𝙠𝙤 𝙣𝙜 𝘼𝙢𝙖, 𝘬𝘢𝘺𝘰 𝘢𝘺 𝘪𝘴𝘪𝘯𝘶𝘴𝘶𝘨𝘰 𝘬𝘰 𝘳𝘪𝘯.” 𝗝𝗨𝗔𝗡 𝟮𝟬:𝟮𝟭

Hindi kaya ng mga tao na iligtas ang kanilang sarili mula sa kasalanan. Para maisagawa ang Kanyang layunin, ipinadala ng Ama ang Kanyang Anak, at ang misyon Niya ay iligtas tayo. Ibinigay kay Jesus ang pinakamahalagang misyon sa lahat. Ipinanganak Siya sa mundo upang mamuhay bilang tao, at namatay Siya sa krus upang akuin ang mga kasalanan natin kahit na wala naman Siyang kasalanan. Nabuhay Siyang muli, tinalo ang kamatayan at kasalanan magpakailanman, at ginawang abot-kamay ang kaligtasan para sa atin. Si Jesus ang tanging daan para maibalik ang mga tao sa Diyos at sa orihinal nilang layunin. Bakit mahalagang malaman na si Jesus lang ang tanging daan?

𝟯. 𝗣𝗶𝗻𝗮𝗽𝗮𝗱𝗮𝗹𝗮 𝘁𝗮𝘆𝗼 𝗻𝗶 𝗝𝗲𝘀𝘂𝘀 𝗽𝗮𝗿𝗮 𝘀𝗮𝗺𝗮𝗵𝗮𝗻 𝗦𝗶𝘆𝗮 𝘀𝗮 𝗞𝗮𝗻𝘆𝗮𝗻𝗴 𝗺𝗶𝘀𝘆𝗼𝗻.

“. . . 𝘒𝘶𝘯𝘨 𝘱𝘢𝘢𝘯𝘰𝘯𝘨 𝘴𝘪𝘯𝘶𝘨𝘰 𝘢𝘬𝘰 𝘯𝘨 𝘈𝘮𝘢, 𝙠𝙖𝙮𝙤 𝙖𝙮 𝙞𝙨𝙞𝙣𝙪𝙨𝙪𝙜𝙤 𝙠𝙤 𝙧𝙞𝙣.” 𝗝𝗨𝗔𝗡 𝟮𝟬:𝟮𝟭

Kasali tayo sa misyon ng Diyos. Gusto ng Diyos na makilala Siya ng mga bansa, at ibinigay sa atin ni Jesus ang dakilang utos: ang magdisipulo. Maaari natin itong gawin sa mga pamilya at komunidad natin, at sa iba pang mga bansa na rin. Bilang Kanyang katawan, tinatawag tayo na gawin Siyang kilala o tanyag. Ang marinig at personal na makilala ang Diyos ay simula lang. Dapat tayong sumama sa misyon na ipakilala Siya sa lahat. Ang pinakamahalagang kagustuhan ng Diyos para sa mundo ay ang mailigtas ang mga tao sa lahat ng bansa, angkan, lahi at wika, para makakilala at makasamba sila sa Diyos (Pahayag 7:9–10). Mahal ng Diyos ang lahat ng mga bayan. Paano nakakatulong ang katotohanang ito para mahalin mo rin ang iba’t-ibang mga bayan?

𝗔𝗣𝗣𝗟𝗜𝗖𝗔𝗧𝗜𝗢𝗡

• Nakikilala natin si Jesus kapag nararanasan natin ang buhay kasama Siya. Ano ang mga paraan para mas lumalim ang pagkakakilala mo sa Diyos?

• Habang lumalalim ang debosyon natin sa Diyos, naririnig natin Siyang magsalita at nararanasan natin ang karunungan Niya. Ano ang mga pinaniniwalaan mong sinabi ng Diyos sa ‘yo kamakailan lang? Ano sa palagay mo ang iniuutos Niya sa ’yo?

• Ang pinakamahalagang larawang ibinigay sa atin ng Diyos ay ang makita ang bawat tribo na sumasamba sa Kanya. Paano mo naipapakita sa iyong buhay na bahagi ka ng misyon Niya?

𝗣𝗥𝗔𝗬𝗘𝗥

• Pasalamatan ang Diyos para sa Kanyang pagmamahal sa mga bansa. Pasalamatan Siya dahil ipinadala Niya ang Kanyang Anak na si Jesus sa isang misyon upang iligtas tayo.

• Hilingin sa Diyos na patuloy Niyang ipaalam sa iyo ang nasa puso Niya habang nakikipag-usap ka sa Kanya at pinag-iisipan mo ang Kanyang salita ngayong linggo.

• Ipanalangin na matanggap mo ang Kanyang lakas at biyaya para buong-puso mong maisagawa ang tawag Niya na makilahok sa Kanyang misyon. Ipanalangin na maging malinaw sa iyo kung saan ka Niya inilalagay at matanggap mo ang kakayahang sundin ang Diyos dito.