𝗪𝗔𝗥𝗠-𝗨𝗣

• Noong bata ka, ano ang isang regalo para sa iyong kaarawan na hiniling mo mula sa iyong mga magulang?

• Balikan ang isang panahon kung kailan nahirapan kang sagutin o isagawa ang isang laro (halimbawa: puzzle, mystery game, crossword). Ano ang naiisip o nararamdaman mo tungkol sa pangyayaring ito? 

• Paano mo tinitipid o pinagkakasya ang natatanggap mong pera para masigurong sapat ito para sa mga pangunahing pangangailangan mo?

𝗪𝗢𝗥𝗗

𝘚𝘶𝘮𝘢𝘨𝘰𝘵 𝘴𝘪 𝘚𝘪𝘮𝘰𝘯, “𝘎𝘶𝘳𝘰, 𝘮𝘢𝘨𝘥𝘢𝘮𝘢𝘨 𝘱𝘰 𝘬𝘢𝘮𝘪𝘯𝘨 𝘯𝘢𝘯𝘨𝘪𝘴𝘥𝘢 𝘱𝘦𝘳𝘰 𝘸𝘢𝘭𝘢 𝘬𝘢𝘮𝘪𝘯𝘨 𝘯𝘢𝘩𝘶𝘭𝘪. 𝘗𝘦𝘳𝘰 𝘥𝘢𝘩𝘪𝘭 𝘴𝘪𝘯𝘢𝘣𝘪 𝘯𝘪𝘯𝘺𝘰, 𝘪𝘩𝘶𝘩𝘶𝘭𝘰𝘨 𝘬𝘰 𝘶𝘭𝘪𝘵 𝘢𝘯𝘨 𝘭𝘢𝘮𝘣𝘢𝘵.” 𝘒𝘢𝘺𝘢 𝘱𝘶𝘮𝘢𝘭𝘢𝘰𝘵 𝘴𝘪𝘭𝘢 𝘢𝘵 𝘪𝘯𝘪𝘩𝘶𝘭𝘰𝘨 𝘢𝘯𝘨 𝘭𝘢𝘮𝘣𝘢𝘵. 𝘈𝘵 𝘯𝘢𝘱𝘢𝘬𝘢𝘳𝘢𝘮𝘪𝘯𝘨 𝘪𝘴𝘥𝘢 𝘢𝘯𝘨 𝘯𝘢𝘩𝘶𝘭𝘪 𝘯𝘪𝘭𝘢 𝘩𝘢𝘯𝘨𝘨𝘢𝘯𝘨 𝘴𝘢 𝘩𝘢𝘭𝘰𝘴 𝘮𝘢𝘴𝘪𝘳𝘢 𝘯𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘭𝘢𝘮𝘣𝘢𝘵. 𝗟𝗨𝗖𝗔𝗦 𝟱:𝟱–𝟲

(Basahin din ang 𝗟𝗨𝗖𝗔𝗦 𝟱:𝟭–𝟰, 𝟳–𝟭𝟭..)

Para sa isang mangingisda, isda ang pinagkukunan niya ng kabuhayan—kailangan niya ito para mabuhay. Si Simon at ang iba pang mga mangingisda ay nahihirapang makahuli ng isda. Buong magdamag na silang nangingisda pero wala silang mahuli. Gayunpaman, ang salita ni Jesus ay hindi nalimitahan ng mga batas ng kalikasan at agad-agad Siyang nakapagbigay ng napakaraming isda para kina Simon at sa mga kasama niyang mangingisda, na tila imposibleng mangyari sa kahit na sino. Sa kwentong ito, titingnan natin kung paano tinugunan ni Jesus ang pangangailangan ng mga mangingisda sa gitna ng kanilang kakulangan, na umakay sa kanila tungo sa layunin ng Diyos para sa kanilang buhay.

𝟭. 𝗧𝗶𝗻𝘂𝗴𝘂𝗻𝗮𝗻 𝗻𝗶 𝗝𝗲𝘀𝘂𝘀 𝗮𝗻𝗴 𝗺𝗴𝗮 𝗽𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻 𝗻𝗶 𝗦𝗶𝗺𝗼𝗻 𝗮𝘁 𝗻𝗮𝗴𝗯𝗶𝗴𝗮𝘆 𝗦𝗶𝘆𝗮 𝗻𝗴 𝗽𝗿𝗼𝗯𝗶𝘀𝘆𝗼𝗻 𝗽𝗮𝗿𝗮 𝗸𝗮𝘆 𝗦𝗶𝗺𝗼𝗻 𝗮𝘁 𝘀𝗮 𝗶𝗯𝗮 𝗽𝗮𝗻𝗴 𝗺𝗴𝗮 𝗺𝗮𝗻𝗴𝗶𝗻𝗴𝗶𝘀𝗱𝗮. 

𝘗𝘢𝘨𝘬𝘢𝘵𝘢𝘱𝘰𝘴 𝘯𝘪𝘺𝘢𝘯𝘨 𝘮𝘢𝘯𝘨𝘢𝘳𝘢𝘭, 𝘴𝘪𝘯𝘢𝘣𝘪 𝘯𝘪𝘺𝘢 𝘬𝘢𝘺 𝘚𝘪𝘮𝘰𝘯, “𝘗𝘶𝘮𝘢𝘭𝘢𝘰𝘵 𝘬𝘢𝘺𝘰 𝘢𝘵 𝘪𝘩𝘶𝘭𝘰𝘨 𝘢𝘯𝘨 𝘮𝘨𝘢 𝘭𝘢𝘮𝘣𝘢𝘵 𝘯𝘪𝘯𝘺𝘰, 𝘢𝘵 𝘮𝘢𝘬𝘢𝘬𝘢𝘩𝘶𝘭𝘪 𝘬𝘢𝘺𝘰 𝘯𝘨 𝘪𝘴𝘥𝘢.” 𝘚𝘶𝘮𝘢𝘨𝘰𝘵 𝘴𝘪 𝘚𝘪𝘮𝘰𝘯, “𝘎𝘶𝘳𝘰, 𝘮𝘢𝘨𝘥𝘢𝘮𝘢𝘨 𝘱𝘰 𝘬𝘢𝘮𝘪𝘯𝘨 𝘯𝘢𝘯𝘨𝘪𝘴𝘥𝘢 𝘱𝘦𝘳𝘰 𝘸𝘢𝘭𝘢 𝘬𝘢𝘮𝘪𝘯𝘨 𝘯𝘢𝘩𝘶𝘭𝘪. 𝘗𝘦𝘳𝘰 𝘥𝘢𝘩𝘪𝘭 𝘴𝘪𝘯𝘢𝘣𝘪 𝘯𝘪𝘯𝘺𝘰, 𝘪𝘩𝘶𝘩𝘶𝘭𝘰𝘨 𝘬𝘰 𝘶𝘭𝘪𝘵 𝘢𝘯𝘨 𝘭𝘢𝘮𝘣𝘢𝘵.” 𝘒𝘢𝘺𝘢 𝘱𝘶𝘮𝘢𝘭𝘢𝘰𝘵 𝘴𝘪𝘭𝘢 𝘢𝘵 𝘪𝘯𝘪𝘩𝘶𝘭𝘰𝘨 𝘢𝘯𝘨 𝘭𝘢𝘮𝘣𝘢𝘵. 𝘈𝘵 𝘯𝘢𝘱𝘢𝘬𝘢𝘳𝘢𝘮𝘪𝘯𝘨 𝘪𝘴𝘥𝘢 𝘢𝘯𝘨 𝘯𝘢𝘩𝘶𝘭𝘪 𝘯𝘪𝘭𝘢 𝘩𝘢𝘯𝘨𝘨𝘢𝘯𝘨 𝘴𝘢 𝘩𝘢𝘭𝘰𝘴 𝘮𝘢𝘴𝘪𝘳𝘢 𝘯𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘭𝘢𝘮𝘣𝘢𝘵. 𝗟𝗨𝗖𝗔𝗦 𝟱:𝟰–𝟲

Noong nahihirapan si Simon na makahuli ng isda, hindi siya direktang humingi kay Jesus ng isda o anumang tulong. Si Jesus ang nakakita ng pangangailangan ni Simon. Inutusan siya ni Jesus na pumalaot at ihulog ang mga lambat nila. Nang sundin ni Simon ang sinabi ni Jesus, napakaraming isda ang nahuli nila. Sobrang dami ng kanilang huli na halos masira na ang kanilang lambat at kinailangan ni Simon na humingi ng tulong sa mga mangingisda na nasa ibang mga bangka. Ginawang posible ng Diyos ang probisyon at ibinigay Niya ang higit pa sa kailangan ni Simon at ng iba pang mangingisda. Paano mo naranasan ang probisyon ng Diyos sa buhay mo?

𝟮. 𝗜𝗽𝗶𝗻𝗮𝗸𝗶𝘁𝗮 𝗻𝗴 𝗸𝗮𝘁𝘂𝗴𝘂𝗻𝗮𝗻 𝗻𝗴 𝗽𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻 𝗻𝗶𝗹𝗮 𝗸𝘂𝗻𝗴 𝘀𝗶𝗻𝗼 𝘀𝗶 𝗝𝗲𝘀𝘂𝘀. 

𝘕𝘢𝘯𝘨 𝘮𝘢𝘬𝘪𝘵𝘢 𝘪𝘺𝘰𝘯 𝘯𝘪 𝘚𝘪𝘮𝘰𝘯 𝘗𝘦𝘥𝘳𝘰, 𝘭𝘶𝘮𝘶𝘩𝘰𝘥 𝘴𝘪𝘺𝘢 𝘴𝘢 𝘱𝘢𝘢𝘯𝘢𝘯 𝘯𝘪 𝘑𝘦𝘴𝘶𝘴 𝘢𝘵 𝘴𝘪𝘯𝘢𝘣𝘪, “𝘓𝘶𝘮𝘢𝘺𝘰 𝘱𝘰 𝘬𝘢𝘺𝘰 𝘴𝘢 𝘢𝘬𝘪𝘯, 𝘗𝘢𝘯𝘨𝘪𝘯𝘰𝘰𝘯, 𝘥𝘢𝘩𝘪𝘭 𝘮𝘢𝘬𝘢𝘴𝘢𝘭𝘢𝘯𝘢𝘯 𝘢𝘬𝘰.” 𝘎𝘢𝘯𝘪𝘵𝘰 𝘢𝘯𝘨 𝘯𝘢𝘨𝘪𝘯𝘨 𝘳𝘦𝘢𝘬𝘴𝘪𝘺𝘰𝘯 𝘯𝘪𝘺𝘢, 𝘥𝘢𝘩𝘪𝘭 𝘭𝘢𝘣𝘪𝘴 𝘴𝘪𝘺𝘢𝘯𝘨 𝘯𝘢𝘮𝘢𝘯𝘨𝘩𝘢, 𝘱𝘢𝘵𝘪 𝘯𝘢 𝘢𝘯𝘨 𝘮𝘨𝘢 𝘬𝘢𝘴𝘢𝘮𝘢𝘩𝘢𝘯 𝘯𝘪𝘺𝘢, 𝘴𝘢 𝘥𝘢𝘮𝘪 𝘯𝘨 𝘯𝘢𝘩𝘶𝘭𝘪 𝘯𝘪𝘭𝘢. 𝗟𝗨𝗖𝗔𝗦 𝟱:𝟴–𝟵

Ipinakita ni Jesus ang Kanyang kakayahan at kagustuhang tustusan ang kanilang pangangailangan. Magdamag na nagtrabaho sina Simon at ang iba pang mga mangingisda, ngunit wala silang nahuli. Sa salita ni Jesus, ang mga bangka ng mga mangingisda ay napuno ng napakaraming nahuling isda. Ngunit higit pa sa pagdiriwang nito, lumuhod si Simon sa paanan ni Jesus. Namangha si Simon at ang mga kasama niya sa himalang ito. Mula sa lugar ng kakulangan at takot, nakita ni Simon si Jesus bilang Panginoon. Ang mahimalang probisyon ang humatak sa mga mangingisda palapit kay Jesus. Sa palagay mo, kung ikaw ay isa sa mga mangingisda, paano ka tutugon sa probisyon ni Jesus. 

𝟯. 𝗔𝗻𝗴 𝗽𝗮𝗴𝗸𝗮𝗸𝗶𝗹𝗮𝗹𝗮 𝗸𝗮𝘆 𝗝𝗲𝘀𝘂𝘀 𝗮𝘆 𝘂𝗺𝗮𝗸𝗮𝘆 𝘀𝗮 𝗸𝗮𝗻𝗶𝗹𝗮 𝘁𝘂𝗻𝗴𝗼 𝘀𝗮 𝗸𝗮𝗻𝗶𝗹𝗮𝗻𝗴 𝗹𝗮𝘆𝘂𝗻𝗶𝗻.

𝘕𝘢𝘮𝘢𝘯𝘨𝘩𝘢 𝘳𝘪𝘯 𝘴𝘪𝘯𝘢 𝘚𝘢𝘯𝘵𝘪𝘢𝘨𝘰 𝘢𝘵 𝘑𝘶𝘢𝘯 𝘯𝘢 𝘮𝘨𝘢 𝘢𝘯𝘢𝘬 𝘯𝘪 𝘡𝘦𝘣𝘦𝘥𝘦𝘦, 𝘯𝘢 𝘮𝘨𝘢 𝘬𝘢𝘴𝘰𝘴𝘺𝘰 𝘯𝘪 𝘚𝘪𝘮𝘰𝘯. 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘬𝘢𝘺 𝘚𝘪𝘮𝘰𝘯, “𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵. 𝘔𝘶𝘭𝘢 𝘯𝘨𝘢𝘺𝘰𝘯, 𝘩𝘪𝘯𝘥𝘪 𝘯𝘢 𝘪𝘴𝘥𝘢 𝘢𝘯𝘨 𝘩𝘶𝘩𝘶𝘭𝘪𝘩𝘪𝘯 𝘮𝘰 𝘬𝘶𝘯𝘥𝘪 𝘮𝘨𝘢 𝘵𝘢𝘰 𝘯𝘢 𝘶𝘱𝘢𝘯𝘨 𝘮𝘢𝘥𝘢𝘭𝘢 𝘴𝘪𝘭𝘢 𝘴𝘢 𝘋𝘪𝘺𝘰𝘴.” 𝘕𝘢𝘯𝘨 𝘮𝘢𝘪𝘵𝘢𝘣𝘪 𝘯𝘢 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘯𝘨𝘬𝘢, 𝘪𝘯𝘪𝘸𝘢𝘯 𝘯𝘪𝘭𝘢 𝘢𝘯𝘨 𝘭𝘢𝘩𝘢𝘵 𝘢𝘵 𝘴𝘶𝘮𝘶𝘯𝘰𝘥 𝘬𝘢𝘺 𝘑𝘦𝘴𝘶𝘴. 𝗟𝗨𝗖𝗔𝗦 𝟱:𝟭𝟬–𝟭𝟭

Tinugunan ni Jesus ang pangangailangan ng mga mangingisda noong oras na iyon, ngunit inakay din Niya sila tungo sa isang bagay na mas mahalaga. Hinatak sila ng himalang ito palapit kay Jesus; ipinahayag din ng Kanyang pagtawag ang layunin Niya para sa kanila. Mas malawak pa sa paghuli ng isda ang itinakda ni Jesus para sa kanila—tinatawag Niya sila upang mamingwit ng mga tao. Matapos ipakita ni Jesus kung sino Siya sa pamamagitan ng himala, iniwan nila ang lahat at sumunod kay Jesus. Paano ka nagdesisyong sumunod kay Jesus? Ano ang ibig sabihin ng pagsunod kay Jesus para sa iyo ngayon?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang isang bahagi ng buhay mo na nangangailangan ng mahimalang probisyon mula sa Diyos? Ngayong alam mo na nakikita ng Diyos ang pangangailangan mo, manalig ka at magtiwala na ipinadala na Niya ang Kanyang probisyon para sa iyo. 

• Paano ka tumutugon tuwing natatanggap mo ang probisyon ng Diyos? Ano ang sinasabi sa iyo ng Kanyang masaganang probisyon tungkol sa Kanyang layunin para sa iyo? 

• Mag-isip ng isang taong alam mong may pangangailangan ngayon. Ipanalangin na ipakita ng Diyos sa taong ito na Siya ang nagbibigay ng masaganang pantustos sa pamamagitan ng Kanyang mahalagang probisyon at Kanyang mga mamamayan. 

𝗣𝗥𝗔𝗬𝗘𝗥

• Hingin sa Diyos na tanggalin ang anumang takot o pagdududa sa buhay mo, lalo na sa panahong hindi sapat ang mayroon ka para sa iyong mga pangangailangan. 

• Habang tinutustusan ng Diyos ang mga pangangailangan mo, ipanalangin na makilala Siya sa buhay mo nang higit pa sa mga mahimalang probisyong ibinibigay Niya. 

• Ipanalangin na habang tinatanggap mo ang probisyon ng Diyos, mahihikayat ka na lalo pang isabuhay ang Kanyang layunin: ang maipakilala Siya sa iba.