𝗪𝗔𝗥𝗠-𝗨𝗣
• Magkuwento tungkol sa isang tao o bagay na nakatulong sa iyo sa isang panahon ng kalungkutan.
• Pangalanan ang dalawang tao na maaari mong tawaging tunay na mga kaibigan. Ano ang dahilan kung bakit kayo nagkaroon ng ganitong pagkakaibigan?
• Balikan ang isang mahirap na sitwasyon na kinailangan mong harapin. Sino ang tumulong sa iyo na pagdaanan ito?


𝗪𝗢𝗥𝗗
“𝘔𝘢𝘨𝘣𝘶𝘣𝘶𝘯𝘵𝘪𝘴 𝘢𝘯𝘨 𝘪𝘴𝘢𝘯𝘨 𝘣𝘪𝘳𝘩𝘦𝘯 𝘢𝘵 𝘮𝘢𝘯𝘨𝘢𝘯𝘨𝘢𝘯𝘢𝘬 𝘯𝘨 𝘪𝘴𝘢𝘯𝘨 𝘭𝘢𝘭𝘢𝘬𝘪. 𝘛𝘢𝘵𝘢𝘸𝘢𝘨𝘪𝘯 𝘴𝘪𝘺𝘢𝘯𝘨 𝘌𝘮𝘮𝘢𝘯𝘶𝘦𝘭” (𝘯𝘢 𝘢𝘯𝘨 𝘪𝘣𝘪𝘨 𝘴𝘢𝘣𝘪𝘩𝘪𝘯, “𝘒𝘢𝘴𝘢𝘮𝘢 𝘯𝘢𝘵𝘪𝘯 𝘢𝘯𝘨 𝘋𝘪𝘺𝘰𝘴”). 𝗠𝗔𝗧𝗘𝗢 𝟭:𝟮𝟯

(Basahin din ang 𝗠𝗔𝗧𝗘𝗢 𝟭:𝟭𝟴–𝟮𝟮.)

Maraming nakakaalam ng kuwento ng 𝘯𝘢𝘵𝘪𝘷𝘪𝘵𝘺 o kapanganakan ni Jesus. Isipin mo na lang kung nandoon ka habang nangyayari ito. Si Jose, na nasa gitna ng kuwento, ay natakot at malamang ay nalito at nagambala nang malaman niya na si Maria, ang babaeng pakakasalan niya, ay buntis na. Isang anghel ang nagpakita sa kanya sa panaginip at nagsabing ang ipinagbubuntis ni Maria ay sa Banal na Espiritu. Sa katunayan, si Maria ay nagdalang tao upang tuparin ang sinabi ni Isaias sa isang propesiya: 𝘮𝘢𝘨𝘣𝘶𝘣𝘶𝘯𝘵𝘪𝘴 𝘢𝘯𝘨 𝘪𝘴𝘢𝘯𝘨 𝘣𝘪𝘳𝘩𝘦𝘯, 𝘢𝘵 𝘮𝘢𝘯𝘨𝘢𝘯𝘨𝘢𝘯𝘢𝘬 𝘴𝘪𝘺𝘢 𝘯𝘨 𝘪𝘴𝘢𝘯𝘨 𝘴𝘢𝘯𝘨𝘨𝘰𝘭 𝘯𝘢 𝘭𝘢𝘭𝘢𝘬𝘪. 𝘈𝘵 𝘵𝘢𝘵𝘢𝘸𝘢𝘨𝘪𝘯 𝘯𝘪𝘺𝘢 𝘢𝘯𝘨 𝘣𝘢𝘵𝘢 𝘯𝘢 𝘌𝘮𝘮𝘢𝘯𝘶𝘦𝘭. (Isaias 7:14). Ang Emmanuel ay nangangahulugang “kasama natin ang Diyos”—ang Diyos ay bumaba upang makapiling ang sangkatauhan. Ipinapakita sa atin ng kuwento ni Jose ang tatlong paraan kung paano natin mararanasan ang katotohanan ni Emmanuel sa kasalukuyan.

𝟭. 𝗞𝗮𝘀𝗮𝗺𝗮 𝗻𝗮𝘁𝗶𝗻 𝗮𝗻𝗴 𝗗𝗶𝘆𝗼𝘀 𝘀𝗮 𝗴𝗶𝘁𝗻𝗮 𝗻𝗴 𝗮𝘁𝗶𝗻𝗴 𝗺𝗴𝗮 𝘁𝗮𝗸𝗼𝘁.
𝘏𝘢𝘣𝘢𝘯𝘨 𝘱𝘪𝘯𝘢𝘨-𝘪𝘪𝘴𝘪𝘱𝘢𝘯 𝘪𝘵𝘰 𝘯𝘪 𝘑𝘰𝘴𝘦, 𝘯𝘢𝘨𝘱𝘢𝘬𝘪𝘵𝘢 𝘴𝘢 𝘬𝘢𝘯𝘺𝘢 𝘴𝘢 𝘱𝘢𝘯𝘢𝘨𝘪𝘯𝘪𝘱 𝘢𝘯𝘨 𝘪𝘴𝘢𝘯𝘨 𝘢𝘯𝘨𝘩𝘦𝘭 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘢𝘵 𝘯𝘢𝘨𝘴𝘢𝘣𝘪, “𝘑𝘰𝘴𝘦, 𝘯𝘢 𝘮𝘶𝘭𝘢 𝘴𝘢 𝘢𝘯𝘨𝘬𝘢𝘯 𝘯𝘪 𝘋𝘢𝘷𝘪𝘥, 𝘩𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘯𝘢 𝘱𝘢𝘬𝘢𝘴𝘢𝘭𝘢𝘯 𝘴𝘪 𝘔𝘢𝘳𝘪𝘢 𝘥𝘢𝘩𝘪𝘭 𝘢𝘯𝘨 𝘱𝘢𝘨𝘣𝘶𝘣𝘶𝘯𝘵𝘪𝘴 𝘯𝘪𝘺𝘢ʼ𝘺 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶.” 𝗠𝗔𝗧𝗘𝗢 𝟭:𝟮𝟬

Noong panahon nina Jose at Maria, ang kasunduang pagpapakasal ay may legal na bisa. Sa kaalaman ni Jose, si Maria ay nakiapid sa hindi niya asawa at maaaring batuhin hanggang sa kanyang kamatayan bilang parusa sa 𝘢𝘥𝘶𝘭𝘵𝘦𝘳𝘺 o pangangalunya. Sa halip na ipahiya siya sa publiko at iparanas sa kanya ang pisikal na kapahamakan, inisip ni Jose na makipagdiborsyo na lamang sa kanya nang palihim. Subalit lumapit ang Diyos kay Jose sa kanyang panahon ng pagkabahala, tinanggal Niya ang kanyang takot, at tiniyak sa kanya na ito ay bahagi ng plano Niya para sa kanya at kay Maria. Sa gitna ng takot at kawalan ng katiyakan, kapiling ni Jose ang Diyos. Ilarawan ang isang panahong inalis ng Diyos ang iyong takot at tiniyak sa iyo ang Kanyang kataas-taasang kapangyarihan.

𝟮. 𝗞𝗮𝘀𝗮𝗺𝗮 𝗻𝗮𝘁𝗶𝗻 𝗮𝗻𝗴 𝗗𝗶𝘆𝗼𝘀 𝘂𝗽𝗮𝗻𝗴 𝗶𝗹𝗶𝗴𝘁𝗮𝘀 𝘁𝗮𝘆𝗼 𝗺𝘂𝗹𝗮 𝘀𝗮 𝗮𝘁𝗶𝗻𝗴 𝗺𝗴𝗮 𝗸𝗮𝘀𝗮𝗹𝗮𝗻𝗮𝗻.
“𝘔𝘢𝘯𝘨𝘢𝘯𝘨𝘢𝘯𝘢𝘬 𝘴𝘪𝘺𝘢 𝘯𝘨 𝘪𝘴𝘢𝘯𝘨 𝘭𝘢𝘭𝘢𝘬𝘪 𝘢𝘵 𝘱𝘢𝘱𝘢𝘯𝘨𝘢𝘭𝘢𝘯𝘢𝘯 𝘮𝘰 𝘴𝘪𝘺𝘢𝘯𝘨 𝘑𝘦𝘴𝘶𝘴, 𝘥𝘢𝘩𝘪𝘭 𝘪𝘭𝘪𝘭𝘪𝘨𝘵𝘢𝘴 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘣𝘢𝘺𝘢𝘯 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯.” 𝗠𝗔𝗧𝗘𝗢 𝟭:𝟮𝟭

Sa panaginip, sinabi ng anghel kay Jose na ang ipinagbubuntis ni Maria ay papangalanang Jesus 𝘥𝘢𝘩𝘪𝘭 𝘪𝘭𝘪𝘭𝘪𝘨𝘵𝘢𝘴 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘣𝘢𝘺𝘢𝘯 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯. Ito ay si Emmanuel—ang pagpapadala ng Diyos ng Kanyang anak na si Jesus upang mamatay sa krus para sa atin at nang hindi tayo maihiwalay ng ating kasalanan mula sa Kanya at nang makapamuhay tayo sa Kanyang katuwiran. Hanggang sa kasalukuyan, ito ang dahilan kung paano natin nalalaman nang walang pag-aalinlangan na kasama natin ang Diyos. Paano mo nasimulang makita ang kapatawaran ng Diyos at ang ginagawa Niyang pagpapabanal sa buhay mo? Paano nagbago ang buhay mo simula nang manampalataya ka kay Cristo para sa iyong kaligtasan?

𝟯. 𝗕𝘂𝗼𝗻𝗴 𝗯𝘂𝗵𝗮𝘆 𝗻𝗮𝘁𝗶𝗻𝗴 𝗸𝗮𝘀𝗮𝗺𝗮 𝗮𝗻𝗴 𝗗𝗶𝘆𝗼𝘀.
𝘕𝘢𝘯𝘨 𝘮𝘢𝘨𝘪𝘴𝘪𝘯𝘨 𝘴𝘪 𝘑𝘰𝘴𝘦, 𝘴𝘪𝘯𝘶𝘯𝘰𝘥 𝘯𝘪𝘺𝘢 𝘢𝘯𝘨 𝘴𝘪𝘯𝘢𝘣𝘪 𝘯𝘨 𝘢𝘯𝘨𝘩𝘦𝘭 𝘢𝘵 𝘱𝘪𝘯𝘢𝘬𝘢𝘴𝘢𝘭𝘢𝘯 𝘯𝘪𝘺𝘢 𝘴𝘪 𝘔𝘢𝘳𝘪𝘢. 𝗠𝗔𝗧𝗘𝗢 𝟭:𝟮𝟰

Si Jose ay sumunod sa Diyos, at inalagaan nila ni Maria si Jesus mula pagkabata hanggang sa paglaki Niya. Ito ay isang munting paglalarawan ng ibig sabihin ng kasama natin ang Diyos sa bawat araw. Sa katunayan, 𝘚𝘪𝘺𝘢 𝘢𝘯𝘨 𝘶𝘯𝘢 𝘢𝘵 𝘢𝘯𝘨 𝘩𝘶𝘭𝘪, 𝘰 𝘢𝘯𝘨 𝘴𝘪𝘮𝘶𝘭𝘢 𝘢𝘵 𝘢𝘯𝘨 𝘬𝘢𝘵𝘢𝘱𝘶𝘴𝘢𝘯 𝘯𝘨 𝘭𝘢𝘩𝘢𝘵 (Pahayag 22:13). Sa kasalukuyan, araw-araw nating kasama ang Diyos sa pamamagitan ng Banal na Espiritu—nakikinig, nagbibigay ng kaginhawaan, at nagtuturo sa atin na mamuhay sa Kanyang biyaya at habag. Sa paanong paraan mo nararanasan ang presensya ng Diyos araw-araw?


𝗔𝗣𝗣𝗟𝗜𝗖𝗔𝗧𝗜𝗢𝗡
• Ang patuloy na presensya ng Diyos ang nagdadala ng kaginhawaan sa buhay natin. Paano mo magagawang huminto araw-araw upang makinig sa tinig ng Diyos?
• Mayroon bang sitwasyon kung saan naramdaman mong hindi mo kasama ang Diyos? Hilingin sa Kanya na ipakita ang mga nangyari sa iyo at ipaalala sa iyo na kasama mo Siya noong mga panahong iyon, kahit pa hindi mo ito naramdaman.
• Paano nabago ng presensya ng Diyos sa buhay mo ang paraan mo nang pamumuhay araw-araw? Paano ito nakita ng mga tao sa paligid mo?


𝗣𝗥𝗔𝗬𝗘𝗥
• Pasalamatan ang Diyos dahil hanggang sa kasalukuyan ay nararanasan natin ang presensya Niya. Ipanalangin na malinaw mo Siyang marinig habang hinahangad mong malaman ang kagustuhan Niya araw-araw.
• Ipanalangin na tulad nina Jose at Maria, susunod ka kapag narinig mo ang tinig ng Diyos. Ipanalangin na bigyan ka Niya ng kakayahang sumunod sa Kanya nang agad-agad.
• Hingin sa Diyos na ipakita sa iyo ang isang kaibigan o kapamilya na maaari mong mabigyan ng lakas ng loob ngayong linggo dahil sa katotohanan tungkol sa presensya ng Diyos.