𝗪𝗔𝗥𝗠-𝗨𝗣
• May natatandaan ka bang isang bagay na ipinangako sa ‘yo noong bata ka? Ano ang naramdaman mo nang matupad ito?
• Ano ang mga katangiang hinahangaan mo sa isang lider o namumuno? Ibahagi kung bakit mahalaga ang mga ito sa iyo.
• Naranasan mo na bang makipagkasundo sa isang taong nagkaroon ka ng hindi pagkakaunawaan? Ibahagi kung ano ang naramdaman mo pagkatapos nito.


𝗪𝗢𝗥𝗗
𝘐𝘱𝘢𝘱𝘢𝘯𝘨𝘢𝘯𝘢𝘬 𝘢𝘯𝘨 𝘪𝘴𝘢𝘯𝘨 𝘣𝘢𝘵𝘢𝘯𝘨 𝘭𝘢𝘭𝘢𝘬𝘪 𝘯𝘢 𝘮𝘢𝘨𝘩𝘢𝘩𝘢𝘳𝘪 𝘴𝘢 𝘢𝘮𝘪𝘯. 𝘛𝘢𝘵𝘢𝘸𝘢𝘨𝘪𝘯 𝘴𝘪𝘺𝘢𝘯𝘨, “𝘒𝘢𝘩𝘢𝘯𝘨𝘢-𝘩𝘢𝘯𝘨𝘢𝘯𝘨 𝘛𝘢𝘨𝘢𝘱𝘢𝘺𝘰, 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘋𝘪𝘺𝘰𝘴, 𝘞𝘢𝘭𝘢𝘯𝘨 𝘏𝘢𝘯𝘨𝘨𝘢𝘯𝘨 𝘈𝘮𝘢, 𝘢𝘵 𝘗𝘳𝘪𝘯𝘴𝘪𝘱𝘦 𝘯𝘨 𝘒𝘢𝘱𝘢𝘺𝘢𝘱𝘢𝘢𝘯.” 𝘏𝘪𝘯𝘥𝘪 𝘮𝘢𝘨𝘸𝘢𝘸𝘢𝘬𝘢𝘴 𝘢𝘯𝘨 𝘱𝘢𝘨-𝘶𝘯𝘭𝘢𝘥 𝘯𝘨 𝘬𝘢𝘯𝘺𝘢𝘯𝘨 𝘱𝘢𝘮𝘢𝘮𝘢𝘩𝘢𝘭𝘢, 𝘢𝘵 𝘮𝘢𝘨𝘩𝘢𝘩𝘢𝘳𝘪 𝘢𝘯𝘨 𝘬𝘢𝘱𝘢𝘺𝘢𝘱𝘢𝘢𝘯. 𝘚𝘪𝘺𝘢 𝘢𝘯𝘨 𝘮𝘢𝘨𝘮𝘢𝘮𝘢𝘯𝘢 𝘯𝘨 𝘬𝘢𝘩𝘢𝘳𝘪𝘢𝘯 𝘯𝘪 𝘋𝘢𝘷𝘪𝘥. 𝘗𝘢𝘵𝘢𝘵𝘢𝘵𝘢𝘨𝘪𝘯 𝘯𝘪𝘺𝘢 𝘪𝘵𝘰 𝘢𝘵 𝘱𝘢𝘨𝘩𝘢𝘩𝘢𝘳𝘪𝘢𝘯𝘨 𝘮𝘢𝘺 𝘬𝘢𝘵𝘢𝘳𝘶𝘯𝘨𝘢𝘯 𝘢𝘵 𝘬𝘢𝘵𝘶𝘸𝘪𝘳𝘢𝘯 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝘚𝘪𝘴𝘪𝘨𝘶𝘳𝘢𝘥𝘶𝘩𝘪𝘯 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘢 𝘮𝘢𝘵𝘶𝘵𝘶𝘱𝘢𝘥 𝘪𝘵𝘰. 𝗜𝗦𝗔𝗜𝗔𝗦 𝟵:𝟲–𝟳

Sa gitna ng mga nangyayari sa buong mundo, madaling mabahala. Ang isipan natin ay madaling mapuno ng mga takot, katanungan, at mga kaisipang puno ng pagkabahala. Subalit ang Diyos—sa pamamagitan ng kapanganakan ni Cristo—ay nagbigay ng magandang pangako ng kapayapaan (shalom), na higit pa sa kawalan ng tunggalian o pagkabahala. Ito ay isang kalagayan na may pagiging ganap, pagkakaisa, at kaligtasan—na higit pa sa mga pagsubok at mahihirap na panahon. Ngayon, titingnan natin kung paano maipapanumbalik ni Jesus ang ganap na kapayapaan sa Diyos at kung paano Niya tayo pamamahalaan nang may katarungan at katuwiran.

𝟭. 𝗦𝗶 𝗝𝗲𝘀𝘂𝘀 𝗮𝗻𝗴 𝗶𝗽𝗶𝗻𝗮𝗻𝗴𝗮𝗸𝗼𝗻𝗴 𝗛𝗮𝗿𝗶 𝗻𝗮 𝗺𝗮𝗴𝗵𝗮𝗵𝗮𝘁𝗶𝗱 𝗻𝗴 𝗸𝗮𝗽𝗮𝘆𝗮𝗽𝗮𝗮𝗻.
𝘐𝘱𝘢𝘱𝘢𝘯𝘨𝘢𝘯𝘢𝘬 𝘢𝘯𝘨 𝘪𝘴𝘢𝘯𝘨 𝘣𝘢𝘵𝘢𝘯𝘨 𝘭𝘢𝘭𝘢𝘬𝘪 𝘯𝘢 𝘮𝘢𝘨𝘩𝘢𝘩𝘢𝘳𝘪 𝘴𝘢 𝘢𝘮𝘪𝘯. 𝘛𝘢𝘵𝘢𝘸𝘢𝘨𝘪𝘯 𝘴𝘪𝘺𝘢𝘯𝘨, “𝘒𝘢𝘩𝘢𝘯𝘨𝘢-𝘩𝘢𝘯𝘨𝘢𝘯𝘨 𝘛𝘢𝘨𝘢𝘱𝘢𝘺𝘰, 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘋𝘪𝘺𝘰𝘴, 𝘞𝘢𝘭𝘢𝘯𝘨 𝘏𝘢𝘯𝘨𝘨𝘢𝘯𝘨 𝘈𝘮𝘢, 𝘢𝘵 𝘗𝘳𝘪𝘯𝘴𝘪𝘱𝘦 𝘯𝘨 𝘒𝘢𝘱𝘢𝘺𝘢𝘱𝘢𝘢𝘯.” 𝗜𝗦𝗔𝗜𝗔𝗦 𝟵:𝟲

Sa panahong may nagaganap na digmaan at patuloy na pagkabalisa, ang mga mamamayan ng Israel ay nakatanggap ng pangakong dakilang tagapagligtas. Bagama’t ang katuparan ng pangakong ito ay tila malayo pa at imposible, natupad ito makaraan ang ilang daang taon (Juan 1:14). Ang katulad na pangako ay para sa atin din, maging sa kasalukuyan. Bagama’t nabubuhay tayo sa isang mundong puno ng kalituhan at kaguluhan, pumarito si Jesus upang iligtas tayo at maghari bilang Prinsipe ng Kapayapaan. Ano ang sinasabi ng Mga Taga-Filipos 4:7 tungkol sa perpektong kapayapaan ng Diyos? Paano napuno ng Kanyang kapayapaan ang puso mo sa gitna ng kaguluhan at kawalan ng katiyakan?

𝟮. 𝗔𝗻𝗴 𝗸𝗮𝗵𝗮𝗿𝗶𝗮𝗻 𝗻𝗴 𝗗𝗶𝘆𝗼𝘀 𝗮𝘆 𝗸𝗮𝗸𝗶𝗸𝗶𝘁𝗮𝗮𝗻 𝗻𝗴 𝗽𝗮𝘁𝘂𝗹𝗼𝘆 𝗻𝗮 𝗹𝘂𝗺𝗮𝗹𝗮𝗴𝗼𝗻𝗴 𝗸𝗮𝗽𝗮𝘆𝗮𝗽𝗮𝗮𝗻.
𝘏𝘪𝘯𝘥𝘪 𝘮𝘢𝘨𝘸𝘢𝘸𝘢𝘬𝘢𝘴 𝘢𝘯𝘨 𝘱𝘢𝘨-𝘶𝘯𝘭𝘢𝘥 𝘯𝘨 𝘬𝘢𝘯𝘺𝘢𝘯𝘨 𝘱𝘢𝘮𝘢𝘮𝘢𝘩𝘢𝘭𝘢, 𝘢𝘵 𝘮𝘢𝘨𝘩𝘢𝘩𝘢𝘳𝘪 𝘢𝘯𝘨 𝘬𝘢𝘱𝘢𝘺𝘢𝘱𝘢𝘢𝘯. 𝘚𝘪𝘺𝘢 𝘢𝘯𝘨 𝘮𝘢𝘨𝘮𝘢𝘮𝘢𝘯𝘢 𝘯𝘨 𝘬𝘢𝘩𝘢𝘳𝘪𝘢𝘯 𝘯𝘪 𝘋𝘢𝘷𝘪𝘥. 𝘗𝘢𝘵𝘢𝘵𝘢𝘵𝘢𝘨𝘪𝘯 𝘯𝘪𝘺𝘢 𝘪𝘵𝘰 𝘢𝘵 𝘱𝘢𝘨𝘩𝘢𝘩𝘢𝘳𝘪𝘢𝘯𝘨 𝘮𝘢𝘺 𝘬𝘢𝘵𝘢𝘳𝘶𝘯𝘨𝘢𝘯 𝘢𝘵 𝘬𝘢𝘵𝘶𝘸𝘪𝘳𝘢𝘯 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝘚𝘪𝘴𝘪𝘨𝘶𝘳𝘢𝘥𝘶𝘩𝘪𝘯 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘢 𝘮𝘢𝘵𝘶𝘵𝘶𝘱𝘢𝘥 𝘪𝘵𝘰. 𝗜𝗦𝗔𝗜𝗔𝗦 𝟵:𝟳

Bagama’t ang buhay ay panandalian lamang, ang kaharian ng Diyos ay hindi panandalian. Patuloy itong lalago at lalaganap sa iba’t ibang bahagi ng mundo sa pamamagitan ng buhay ng Kanyang mga mamamayan. Ang kahariang ito ay isang bagay na maaari nating pananabikan, maging sa kasalukuyan, dahil si Jesus ay pumarito hindi bilang isang simpleng tagapaghayag o tagapagbalita ng kapayapaan. Dumating siya upang maghatid ng kapayapaan bilang isang pinuno at tagapamahala—ang Hari—ng kahariang ito. Ano ang sinasabi ng Daniel 2:44 tungkol sa kaharian ng Diyos? Paano tayo magkakaroon ng lakas ng loob sa harap ng mga pagsubok, nang may kaalaman na maaari nating maranasan ang patuloy na lumalagong kapayapaan ng Diyos?

𝟯. 𝗡𝗮𝗶𝘀 𝗻𝗴 𝗗𝗶𝘆𝗼𝘀 𝗻𝗮 𝗺𝗮𝗴𝗵𝗮𝘁𝗶𝗱 𝗻𝗴 𝗸𝗮𝗽𝗮𝘆𝗮𝗽𝗮𝗮𝗻 𝘀𝗮 𝗺𝘂𝗻𝗱𝗼.
“𝘗𝘶𝘳𝘪𝘩𝘪𝘯 𝘢𝘯𝘨 𝘋𝘪𝘺𝘰𝘴 𝘴𝘢 𝘭𝘢𝘯𝘨𝘪𝘵! 𝘔𝘢𝘺 𝘬𝘢𝘱𝘢𝘺𝘢𝘱𝘢𝘢𝘯 𝘯𝘢 𝘴𝘢 𝘭𝘶𝘱𝘢, 𝘴𝘢 𝘮𝘨𝘢 𝘵𝘢𝘰𝘯𝘨 𝘬𝘪𝘯𝘢𝘭𝘶𝘭𝘶𝘨𝘥𝘢𝘯 𝘯𝘪𝘺𝘢!” 𝗟𝗨𝗖𝗔𝗦 𝟮:𝟭𝟰

Nang ipanganak si Jesus, isang grupo ng mga anghel ang nagbalita sa mga pastol tungkol sa Kanyang kapanganakan. At nagbigay sila ng papuri sa Diyos dahil sa kapayapaang ihahatid Niya. Labis tayong minamahal ng Diyos kung kaya’t nais Niyang maranasan natin ang kapayapaang ito. Ito ay kapayapaan na Siya lamang ang makapagbibigay, anuman ang sitwasyon natin ngayon. Kung magtitiwala tayo kay Cristo, at maniniwala sa Kanya, ang Kanyang ganap na kapayapaan ang maghahari sa buhay natin. Tayo ay napapawalang-sala sa pamamagitan ng pananampalataya at nagkakaroon ng kapayapaan sa Diyos. Mararanasan din natin ang pagkakaroon ng kapayapaan sa ating sarili at sa ating kapwa. Ano sa palagay mo ang itsura ng pagkakaroon ng kapayapaan sa iyong komunidad?


𝗔𝗣𝗣𝗟𝗜𝗖𝗔𝗧𝗜𝗢𝗡
• Mayroon bang pangako sa salita ng Diyos na hanggang ngayon ay hinihintay mong matupad? Ano ang maaari mong gawin upang manatili kang matatag sa iyong pananampalataya habang hinihintay mo ito?
• May kakilala ka bang nakikipagtunggali sa mga kaisipang nagdudulot ng pagkabahala? Paano mo matutulungan ang taong ito upang makita niya ang kapayapaan at kapahingahan sa Diyos ngayong linggo?
• Paano mo naranasan ang kapayapaan ng Diyos sa buhay mo? Ibahagi ito sa ibang tao ngayong linggo.


𝗣𝗥𝗔𝗬𝗘𝗥
• Pasalamatan ang Diyos para sa Kanyang ganap na kapayapaan na naparito sa mundo sa pamamagitan ni Jesu-Cristo. Pasalamatan Siya dahil maaari nating maranasan ang dakilang kapayapaan ng Kanyang kaharian.
• Ipanalangin ang kakayahang panghawakan ang Kanyang mga pangako, gaano man katagal abutin ang katuparan nito. Ipahayag ang Kanyang pamamahala at paghahari sa buhay mo at sa iyong pamilya.
• Hingin sa Diyos na ilagay sa isip mo ang isang tao na kailangang makaranas ng Kanyang kapayapaan ngayon. Ipanalanging mapangalagaan ang puso at isipan niya ng kapayapaan ng Diyos na higit pa sa kakayahan nating maunawaan.