𝗪𝗔𝗥𝗠 𝗨𝗣

• Maituturing mo ba ang sarili mo bilang isang taong may “green thumb” o magaling mag-alaga ng mga halaman? Bakit oo o bakit hindi?

• Nang hindi lamang tumutukoy sa pera, ano sa tingin mo ang naging pinakamalaki mong investment o pinaglaanan ng puhunan? Paano ka nakinabang sa pamumuhunang ito? 

• Ano ang isang bagay na pinaghahandaan mo ngayon? Ano ang ilang bagay na isinakripisyo mo para dito? 

𝗪𝗢𝗥𝗗

“𝘏𝘢𝘣𝘢𝘯𝘨 𝘯𝘢𝘨𝘱𝘢𝘱𝘢𝘵𝘶𝘭𝘰𝘺 𝘢𝘯𝘨 𝘮𝘶𝘯𝘥𝘰, 𝘮𝘢𝘺 𝘱𝘢𝘯𝘢𝘩𝘰𝘯 𝘯𝘨 𝘱𝘢𝘨𝘵𝘢𝘵𝘢𝘯𝘪𝘮 𝘢𝘵 𝘱𝘢𝘨-𝘢𝘯𝘪. 𝘔𝘢𝘺 𝘵𝘢𝘨𝘭𝘢𝘮𝘪𝘨 𝘢𝘵 𝘮𝘢𝘺 𝘵𝘢𝘨-𝘪𝘯𝘪𝘵, 𝘮𝘢𝘺 𝘵𝘢𝘨-𝘶𝘭𝘢𝘯 𝘢𝘵 𝘮𝘢𝘺 𝘵𝘢𝘨-𝘢𝘳𝘢𝘸, 𝘢𝘵 𝘮𝘢𝘺 𝘢𝘳𝘢𝘸 𝘢𝘵 𝘮𝘢𝘺 𝘨𝘢𝘣𝘪.” 𝗚𝗘𝗡𝗘𝗦𝗜𝗦 𝟴:𝟮𝟮

(Basahin din ang 𝗚𝗘𝗡𝗘𝗦𝗜𝗦 𝟲:𝟮𝟬-𝟮𝟮.)

Nasaktan ang Diyos dahil sa kasamaan sa mundo. Si Noe at ang kanyang pamilya lamang ang nakatanggap ng pabor mula sa Diyos. Dahil dito, sinabihan Niya si Noe na gumawa ng isang malaking barko kung saan magkakasya ang dalawa sa bawat uri ng lahat ng hayop, dahil sisirain Niya ang mundo sa pamamagitan ng pagbaha. Pero bago bumaha, sinabihan din ng Diyos si Noe na magdala 𝘯𝘨 𝘭𝘢𝘩𝘢𝘵 𝘯𝘨 𝘶𝘳𝘪 𝘯𝘨 𝘱𝘢𝘨𝘬𝘢𝘪𝘯 (Genesis 6:21). Kahit sa panahon ng paghuhusga, tiniyak na ng Diyos ang probisyon na gagamitin ni Noe para muling makapagsimula. Ang binanggit na talata ay mula sa pangako ng Diyos na hindi na Niya muling lilipulin ang mga buhay na nilalang sa lupa at hindi hihinto ang Kanyang probisyon. Tiniyak ng Diyos kay Noe na mananatili ang layunin Niya at ang walang hinto Niyang probisyon. Bagama’t ibinigay ito bilang binhi, sapat ito para mapanatili sila. Sa araw na ito, titingnan natin ang ilan sa mga katangian ng binhi na sinabi ng Diyos na dalhin at itabi ni Noe.

𝟭. 𝗔𝗻𝗴 𝗯𝗶𝗻𝗵𝗶𝗻𝗴 𝗶𝗽𝗶𝗻𝗮𝗴𝗸𝗮𝗹𝗼𝗼𝗯 𝗻𝗴 𝗗𝗶𝘆𝗼𝘀 𝗮𝘆 𝗺𝗮𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻.

“𝘏𝘢𝘣𝘢𝘯𝘨 𝘯𝘢𝘨𝘱𝘢𝘱𝘢𝘵𝘶𝘭𝘰𝘺 𝘢𝘯𝘨 𝘮𝘶𝘯𝘥𝘰, 𝘮𝘢𝘺 𝘱𝘢𝘯𝘢𝘩𝘰𝘯 𝘯𝘨 𝘱𝘢𝘨𝘵𝘢𝘵𝘢𝘯𝘪𝘮 𝘢𝘵 𝘱𝘢𝘨-𝘢𝘯𝘪. 𝘔𝘢𝘺 𝘵𝘢𝘨𝘭𝘢𝘮𝘪𝘨 𝘢𝘵 𝘮𝘢𝘺 𝘵𝘢𝘨-𝘪𝘯𝘪𝘵, 𝘮𝘢𝘺 𝘵𝘢𝘨-𝘶𝘭𝘢𝘯 𝘢𝘵 𝘮𝘢𝘺 𝘵𝘢𝘨-𝘢𝘳𝘢𝘸, 𝘢𝘵 𝘮𝘢𝘺 𝘢𝘳𝘢𝘸 𝘢𝘵 𝘮𝘢𝘺 𝘨𝘢𝘣𝘪.” 𝗚𝗘𝗡𝗘𝗦𝗜𝗦 𝟴:𝟮𝟮

Ang binhi ay maliit at mukhang hindi mahalaga, pero taglay nito ang kakayahang pagdaanan ang lahat ng panahon. Sa kabila ng malulupit na mga kondisyon sa paligid nito, hindi mawawala ang kakayahan ng binhi na lumago at dumami. Tulad nito, kung tayo ay magiging mga mabuting katiwala ng binhing ibinibigay ng Diyos sa atin ngayon, magpapakita ito ng isang masaganang anihan. Maaaring tulad ni Noe, kakadaan lamang natin sa isang mahirap na sitwasyon. Ngunit may katiyakan tayong patuloy na magbibigay ng probisyon ang Diyos. Ito man ay sa anyo ng isang binhi, alam natin na sa itinakda Niyang panahon, ito ay magbubunga. Paano mo naranasan ang kapangyarihan ng binhi sa buhay mo?

𝟮. 𝗠𝗮𝘆 𝗯𝗶𝗻𝗵𝗶𝗻𝗴 𝗱𝗮𝗽𝗮𝘁 𝗶𝘁𝗮𝗯𝗶.

“𝘔𝘢𝘨𝘥𝘢𝘭𝘢 𝘬𝘢 𝘳𝘪𝘯 𝘯𝘨 𝘭𝘢𝘩𝘢𝘵 𝘯𝘨 𝘶𝘳𝘪 𝘯𝘨 𝘱𝘢𝘨𝘬𝘢𝘪𝘯 𝘱𝘢𝘳𝘢 𝘴𝘢 𝘪𝘯𝘺𝘰 𝘢𝘵 𝘱𝘢𝘳𝘢 𝘳𝘪𝘯 𝘴𝘢 𝘮𝘨𝘢 𝘩𝘢𝘺𝘰𝘱.” 𝗚𝗘𝗡𝗘𝗦𝗜𝗦 𝟲:𝟮𝟭

Sinabihan ng Diyos si Noe na magdala 𝘯𝘨 𝘭𝘢𝘩𝘢𝘵 𝘯𝘨 𝘶𝘳𝘪 𝘯𝘨 𝘱𝘢𝘨𝘬𝘢𝘪𝘯. Ang pagdadala nito sa barko ay nangangahulugang darating ang panahong ilalabas nila itong muli para gamitin. Alam nating tinutustusan ng Diyos ang ating mga pangangailangan sa kasalukuyan, pero nagbigay na din Siya ng probisyon para sa mga pangangailangan natin sa hinaharap. May bahagi ng Kanyang probisyon na dapat nating itabi. Paano mo isinasabuhay ang prinsipyong ito?

𝟯. 𝗠𝗮𝘆 𝗯𝗶𝗻𝗵𝗶𝗻𝗴 𝗱𝗮𝗽𝗮𝘁 𝗶𝘁𝗮𝗻𝗶𝗺.

“𝘔𝘢𝘬𝘢𝘬𝘢𝘬𝘢𝘪𝘯 𝘯𝘢 𝘬𝘢𝘺𝘰 𝘯𝘨𝘢𝘺𝘰𝘯 𝘯𝘨 𝘮𝘨𝘢 𝘩𝘢𝘺𝘰𝘱. 𝘐𝘣𝘪𝘯𝘪𝘣𝘪𝘨𝘢𝘺 𝘬𝘰 𝘪𝘵𝘰 𝘴𝘢 𝘪𝘯𝘺𝘰 𝘣𝘪𝘭𝘢𝘯𝘨 𝘱𝘢𝘨𝘬𝘢𝘪𝘯, 𝘬𝘢𝘨𝘢𝘺𝘢 𝘯𝘨 𝘮𝘨𝘢 𝘪𝘣𝘪𝘯𝘪𝘨𝘢𝘺 𝘬𝘰 𝘴𝘢 𝘪𝘯𝘺𝘰 𝘯𝘢 𝘮𝘨𝘢 𝘱𝘢𝘯𝘢𝘯𝘪𝘮 𝘯𝘢 𝘮𝘢𝘬𝘢𝘬𝘢𝘪𝘯.” 𝗚𝗘𝗡𝗘𝗦𝗜𝗦 𝟵:𝟯

Ang mga pananim na nilikha ng Diyos ay may kakayahang magbigay ng mga binhi at samakatuwid ay maaaring dumami. Pero hindi sila dadami kung iiwanan lamang sa isang tabi ang binhi. Kailangan nila itong itanim sa tamang lupa at bigyan ng sustansya. Ang pagtatanim ng binhi ay nangangailangan ng pagbungkal sa lupa at pagbibigay ng anumang kailangan ng binhi para tumubo. Nangangahulugan din ito ng pagtitiwala na patutubuin ito ng Diyos at magdudulot ng masaganang ani. Dahil alam ng mga magsasaka ang kahalagahan ng pagtatanim, pinipili nila ang pinakamagagandang binhi para itanim. Naniniwala sila na ang pinakamagagandang binhi ay magbubunga ng pinakamasaganang ani sa hinaharap. Ano ang sinasabi ng Kawikaan 3:9–10 tungkol sa paggamit ng lahat ng ibinigay Niya sa atin sa paraang magbibigay ng karangalan sa Kanya?

Ipinangako ng Diyos na 𝘩𝘢𝘣𝘢𝘯𝘨 𝘯𝘢𝘨𝘱𝘢𝘱𝘢𝘵𝘶𝘭𝘰𝘺 𝘢𝘯𝘨 𝘮𝘶𝘯𝘥𝘰, 𝘮𝘢𝘺 𝘱𝘢𝘯𝘢𝘩𝘰𝘯 𝘯𝘨 𝘱𝘢𝘨𝘵𝘢𝘵𝘢𝘯𝘪𝘮 𝘢𝘵 𝘱𝘢𝘨-𝘢𝘯𝘪 (Genesis 8:22). Ito ang paraan ng Diyos para magpatuloy ang Kanyang probisyon hanggang sa dulo ng panahon. Ang binhi ay kumakatawan sa probisyon ng Diyos para sa atin at dapat tayong maging mga tapat na katiwala sa pamamagitan ng pagtatabi at paggamit nito ayon sa prinsipyo ng Diyos at para sa pagbibigay karangalan sa Kanya

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang nagiging tugon mo sa panahon ng kahirapan? Naranasan mo na bang hindi makakilos dahil sa pangamba? Hingin sa Diyos na ipakita sa iyo kung paano ka makakatugon nang may pananampalataya sa tuwing makakaranas ka ng ganitong mga sitwasyon.

• Anong mga talata sa Kasulatan ang alam mo tungkol sa probisyon ng Diyos? Isulat ang mga ito at kung ano ang sinasabi sa iyo ng Diyos sa pamamagitan ng mga talatang ito.

• Ano ang mga praktikal na bagay na ginagawa mo para makaipon at mamuhunan? Ano ang mga magagawa mo para magamit nang mabuti ang mga ibinigay sa iyo ng Diyos na pinagkukunang-yaman?

𝗣𝗥𝗔𝗬𝗘𝗥

• Pasalamatan ang Diyos sa walang tigil Niyang probisyon para sa iyo at sa iyong pamilya. Ipanalanging magkaroon ka ng pananampalatayang umasa lamang sa Kanya sa lahat ng sitwasyon.

• Hilingin sa Diyos na gawin kang mabuting katiwala ng lahat ng ibinigay Niyang biyaya sa iyo. Hilingin sa Diyos na hubugin Niya ang pagkatao mo para hindi mo panghawakan ang anumang mayroon ka, at sa halip ay maging bukas-palad sa lahat ng sitwasyon para matupad ang Kanyang layunin para sa iyo at sa pamamagitan mo.

• Ipanalanging magkaroon ka ng pananampalataya upang magawa mong itanim ang probisyon ng Diyos sa iyong buhay, nang umaasang palalaguin Niya ang anumang itatanim mo.