𝗪𝗔𝗥𝗠 𝗨𝗣

• Kapag mayroon kang mga update na ibabahagi, paano ka karaniwang nakikipag-usap sa mga kapamilya at kaibigan mo? Balikan ang isang halimbawa na nagpapaliwanag nito. 

• Madali ba para sa iyo na sabihin ang mga iniisip mo? O ito ba ay isang bagay na nahihirapan ka? Sa tingin mo, bakit ganito ang sitwasyon?

• Ibahagi ang tungkol sa isang pagkakataon na tinuruan mo ang isang tao ng isang kasanayan. Ano ito? Paano mo ito itinuro?

𝗪𝗢𝗥𝗗

𝘐𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘳𝘪𝘯 𝘯𝘢 𝘣𝘪𝘨𝘺𝘢𝘯 𝘬𝘢𝘮𝘪 𝘯𝘨 𝘋𝘪𝘺𝘰𝘴 𝘯𝘨 𝘱𝘢𝘨𝘬𝘢𝘬𝘢𝘵𝘢𝘰𝘯 𝘯𝘢 𝘮𝘢𝘪𝘩𝘢𝘺𝘢𝘨 𝘢𝘯𝘨 𝘮𝘦𝘯𝘴𝘢𝘩𝘦 𝘵𝘶𝘯𝘨𝘬𝘰𝘭 𝘬𝘢𝘺 𝘊𝘳𝘪𝘴𝘵𝘰 𝘯𝘢 𝘪𝘯𝘪𝘭𝘪𝘩𝘪𝘮 𝘯𝘰𝘰𝘯. 𝘈𝘯𝘨 𝘱𝘢𝘯𝘨𝘢𝘯𝘨𝘢𝘳𝘢𝘭 𝘬𝘰 𝘵𝘶𝘯𝘨𝘬𝘰𝘭 𝘥𝘪𝘵𝘰 𝘢𝘯𝘨 𝘥𝘢𝘩𝘪𝘭𝘢𝘯 𝘯𝘨 𝘱𝘢𝘨𝘬𝘢𝘣𝘪𝘭𝘢𝘯𝘨𝘨𝘰 𝘬𝘰. 𝗖𝗢𝗟𝗢𝗦𝗔𝗦 𝟰:𝟯

(Basahin din ang 𝗖𝗢𝗟𝗢𝗦𝗔𝗦 𝟰.)

Sa kanyang liham sa mga taga-Colosas, sinabi ni Pablo na si Cristo ay higit sa lahat at tinanggap Niya tayo sa Kanyang kaharian sa pamamagitan ng pagtubos sa atin mula sa kasalanan, na nagbigay-daan upang tayo ay magbago at makapamuhay nang banal. Ang isang pangunahing bahagi ng pamumuhay sa ilalim ng Pagka-Panginoon ni Cristo ay ang pagpapatotoo sa Kanyang Pagka-Panginoon. Bilang mga tagasunod ni Cristo, tayo ay inatasang magdisipulo at sabihin sa iba ang tungkol sa Kanya. Higit pa sa isang utos, mayroon tayong pagkakataong makibahagi sa pagsulong ng Diyos ng Kanyang kaharian sa lupa upang mas marami pa ang makaranas ng Kanyang mapagmahal na pamamahala.

𝟭. 𝗠𝗮𝗴𝗽𝗮𝘁𝗼𝘁𝗼𝗼 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗴𝗽𝗮𝗽𝗮𝗵𝗮𝘆𝗮𝗴 𝗻𝗴 𝗲𝗯𝗮𝗻𝗴𝗵𝗲𝗹𝘆𝗼.

𝘐𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘳𝘪𝘯 𝘯𝘢 𝘣𝘪𝘨𝘺𝘢𝘯 𝘬𝘢𝘮𝘪 𝘯𝘨 𝘋𝘪𝘺𝘰𝘴 𝘯𝘨 𝘱𝘢𝘨𝘬𝘢𝘬𝘢𝘵𝘢𝘰𝘯 𝘯𝘢 𝘮𝘢𝘪𝘩𝘢𝘺𝘢𝘨 𝘢𝘯𝘨 𝘮𝘦𝘯𝘴𝘢𝘩𝘦 𝘵𝘶𝘯𝘨𝘬𝘰𝘭 𝘬𝘢𝘺 𝘊𝘳𝘪𝘴𝘵𝘰 𝘯𝘢 𝘪𝘯𝘪𝘭𝘪𝘩𝘪𝘮 𝘯𝘰𝘰𝘯. 𝘈𝘯𝘨 𝘱𝘢𝘯𝘨𝘢𝘯𝘨𝘢𝘳𝘢𝘭 𝘬𝘰 𝘵𝘶𝘯𝘨𝘬𝘰𝘭 𝘥𝘪𝘵𝘰 𝘢𝘯𝘨 𝘥𝘢𝘩𝘪𝘭𝘢𝘯 𝘯𝘨 𝘱𝘢𝘨𝘬𝘢𝘣𝘪𝘭𝘢𝘯𝘨𝘨𝘰 𝘬𝘰. 𝘐𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘯𝘢 𝘮𝘢𝘪𝘱𝘢𝘯𝘨𝘢𝘳𝘢𝘭 𝘬𝘰 𝘪𝘵𝘰 𝘯𝘢𝘯𝘨 𝘮𝘢𝘣𝘶𝘵𝘪, 𝘨𝘢𝘺𝘢 𝘯𝘢𝘯𝘨 𝘯𝘢𝘳𝘢𝘳𝘢𝘱𝘢𝘵. 𝗖𝗢𝗟𝗢𝗦𝗔𝗦 𝟰:𝟯-𝟰

Malayang hiniling ni Pablo sa mga taga-Colosas ang panalangin para magkaroon ng mga pagkakataong maipahayag nang malinaw ang ebanghelyo. Ang pananalangin ay isang posisyon ng pagpapakumbaba at pagkilala sa tunay na namamahala. Ang malinaw na pagpapahayag ng ebanghelyo ay maaaring mangyari lamang sa biyaya ng Diyos. Siya ang nagbubukas ng mga pinto at lumilikha ng mga pagkakataon. Sa Diyos, maaari tayong makipag-usap sa iba nang may kagandahang-loob upang maibahagi sa kanila nang malinaw kung ano ang ginawa ni Cristo para sa atin at kung paano Niya binago ang ating buhay. Ano ang ilang paraan upang maipahayag natin ang ebanghelyo sa mabuti at hindi mabuting mga panahon?

𝟮.𝗠𝗮𝗴𝗽𝗮𝘁𝗼𝘁𝗼𝗼 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗮𝘁𝗶𝗻𝗴 𝗽𝗮𝗺𝘂𝗺𝘂𝗵𝗮𝘆.

𝘔𝘢𝘨𝘪𝘯𝘨 𝘮𝘢𝘵𝘢𝘭𝘪𝘯𝘰 𝘬𝘢𝘺𝘰 𝘴𝘢 𝘱𝘢𝘬𝘪𝘬𝘪𝘵𝘶𝘯𝘨𝘰 𝘴𝘢 𝘮𝘨𝘢 𝘩𝘪𝘯𝘥𝘪 𝘮𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢, 𝘢𝘵 𝘴𝘢𝘮𝘢𝘯𝘵𝘢𝘭𝘢𝘩𝘪𝘯 𝘯ʼ𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘱𝘢𝘨𝘬𝘢𝘬𝘢𝘵𝘢𝘰𝘯 𝘯𝘢 𝘮𝘢𝘪𝘣𝘢𝘩𝘢𝘨𝘪 𝘢𝘯𝘨 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘯ʼ𝘺𝘰. 𝘒𝘶𝘯𝘨 𝘯𝘢𝘬𝘪𝘬𝘪𝘱𝘢𝘨-𝘶𝘴𝘢𝘱 𝘬𝘢𝘺𝘰 𝘴𝘢 𝘬𝘢𝘯𝘪𝘭𝘢, 𝘨𝘶𝘮𝘢𝘮𝘪𝘵 𝘬𝘢𝘺𝘰 𝘯𝘨 𝘮𝘨𝘢 𝘬𝘢𝘸𝘪𝘭𝘪-𝘸𝘪𝘭𝘪𝘯𝘨 𝘴𝘢𝘭𝘪𝘵𝘢 𝘱𝘢𝘳𝘢 𝘮𝘢𝘬𝘪𝘯𝘪𝘨 𝘴𝘪𝘭𝘢 𝘴𝘢 𝘪𝘯𝘺𝘰, 𝘢𝘵 𝘥𝘢𝘱𝘢𝘵 𝘢𝘭𝘢𝘮 𝘯ʼ𝘺𝘰 𝘬𝘶𝘯𝘨 𝘱𝘢𝘢𝘯𝘰 𝘴𝘶𝘮𝘢𝘨𝘰𝘵 𝘴𝘢 𝘵𝘢𝘯𝘰𝘯𝘨 𝘯𝘨 𝘣𝘢𝘸𝘢𝘵 𝘪𝘴𝘢. 𝗖𝗢𝗟𝗢𝗦𝗔𝗦 𝟰:𝟱-𝟲

Dito, ipinaalala ni Pablo sa mga taga-Colosas na maaari silang magbahagi ng ebanghelyo sa paraan ng kanilang pamumuhay. Ang ating pamumuhay at pananalita ay nagpapadala ng malinaw na mensahe sa mga nakapaligid sa atin tungkol sa ating relasyon sa Diyos at sa ating pagkatao sa ilalim ng Kanyang pagka-Diyos. Kapag ang pinakamalaking humihikayat sa atin ay ang pasayahin ang Diyos, hindi ang mga tao, ang pag-ibig ng Diyos ay magniningning at aakit pa ng mga taong nakakakita nito. Ano ang ilang paraan upang makapagpatotoo tayo sa pamamagitan ng ating pamumuhay?

𝗔𝗣𝗣𝗟𝗜𝗖𝗔𝗧𝗜𝗢𝗡

• Alam mo ba kung paano ibahagi ang iyong patotoo? Magsanay na sabihin sa iba ang tungkol sa ginawa ni Cristo para sa iyo, at manalangin na maibahagi mo ito sa ibang tao ngayong linggo.

• Nararamdaman mo ba na ang iyong pamumuhay ay nagpapatotoo sa ebanghelyo? Bakit oo o bakit hindi? Ano ang ilang bagay na sa tingin mo ay maaaring hindi nagpapatotoo sa Diyos? Ano ang maaari mong gawin tungkol dito?

• Ano ang ibig sabihin para sa iyo ng maayos na paggamit ng iyong oras? Mayroon ka bang oras na maaaring ilaan sa iba pang mga bagay? Ipanalangin ang pagsasaalang-alang mo ng mga bagay na ito sa oras mo ng debosyon.

𝗣𝗥𝗔𝗬𝗘𝗥

• Mapagpakumbabang manalangin para sa mga pagkakataon mula sa Diyos upang maipahayag ang ebanghelyo

• Ipanalangin na makita ang biyaya ng Diyos sa pamamagitan ng iyong mga salita at pag-uugali, kung ano ang ibig sabihin ng pamumuhay sa ilalim ng Panginoon.

• Hilingin sa Diyos na ipakita sa iyo ang isang partikular na tao na kailangang makarinig tungkol sa Kanyang kabutihan sa iyong buhay. Ipanalangin na magkaroon ka ng pagkakataong makipag-usap sa taong ito tungkol sa Kanya.