𝗪𝗔𝗥𝗠 𝗨𝗣

• Nagkaroon ka na ba ng isang exclusive membership o pagiging bahagi ng isang grupo na para lang sa mga piling tao? Paano ka sumali o nag-apply dito? Ano ang mga benepisyo? 

• Mayroon bang partikular na grupo o komunidad (halimbawa: banda, sports team, book club) kung saan ka nabibilang? Sabihin kung ano ang dahilan kung bakit kayo nagsasama-sama. 

• Paano ka karaniwang nakikipag-ugnayan sa isang taong hindi mo gaanong gusto o hindi mo sinasang-ayunan? 

𝗪𝗢𝗥𝗗

𝘒𝘢𝘺𝘢 𝘬𝘢𝘺𝘰𝘯𝘨 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰 𝘢𝘺 𝘩𝘪𝘯𝘥𝘪 𝘯𝘢 𝘮𝘨𝘢 𝘥𝘢𝘺𝘶𝘩𝘢𝘯 𝘰 𝘵𝘢𝘨𝘢-𝘪𝘣𝘢𝘯𝘨 𝘣𝘢𝘯𝘴𝘢, 𝘬𝘶𝘯𝘥𝘪 𝙠𝙖𝙞𝙨𝙖 𝘯𝘢 𝘯𝘨 𝘮𝘨𝘢 𝘱𝘪𝘯𝘢𝘣𝘢𝘯𝘢𝘭 𝘢𝘵 𝘬𝘢𝘣𝘪𝘭𝘢𝘯𝘨 𝘴𝘢 𝘱𝘢𝘮𝘪𝘭𝘺𝘢 𝘯𝘨 𝘋𝘪𝘺𝘰𝘴. 𝘛𝘢𝘺𝘰𝘯𝘨 𝘮𝘨𝘢 𝘮𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘢𝘺 𝘬𝘢𝘵𝘶𝘭𝘢𝘥 𝘯𝘨 𝘨𝘶𝘴𝘢𝘭𝘪 𝘯𝘢 𝙖𝙣𝙜 𝙢𝙜𝙖 𝙝𝙖𝙡𝙞𝙜𝙞 𝙖𝙮 𝙢𝙜𝙖 𝙖𝙥𝙤𝙨𝙩𝙤𝙡 𝙖𝙩 𝙢𝙜𝙖 𝙥𝙧𝙤𝙥𝙚𝙩𝙖, 𝘢𝘵 𝘢𝘯𝘨 𝘱𝘶𝘯𝘥𝘢𝘴𝘺𝘰𝘯 𝘢𝘺 𝘴𝘪 𝘊𝘳𝘪𝘴𝘵𝘰 𝘑𝘦𝘴𝘶𝘴. 𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘩𝘢𝘨𝘪 𝘯𝘨 𝘨𝘶𝘴𝘢𝘭𝘪 𝘢𝘺 𝘯𝘢𝘨𝘬𝘢𝘬𝘢𝘶𝘨𝘯𝘢𝘺-𝘶𝘨𝘯𝘢𝘺 𝘢𝘵 𝘯𝘢𝘨𝘪𝘨𝘪𝘯𝘨 𝘪𝘴𝘢𝘯𝘨 𝙗𝙖𝙣𝙖𝙡 𝙣𝙖 𝙩𝙚𝙢𝙥𝙡𝙤 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝘈𝘵 𝘥𝘢𝘩𝘪𝘭 𝘬𝘢𝘺𝘰 𝘢𝘺 𝘯𝘢𝘬𝘢𝘺 𝘊𝘳𝘪𝘴𝘵𝘰, 𝘣𝘢𝘩𝘢𝘨𝘪 𝘯𝘢 𝘳𝘪𝘯 𝘬𝘢𝘺𝘰 𝘯𝘪𝘵𝘰𝘯𝘨 𝘨𝘶𝘴𝘢𝘭𝘪𝘯𝘨 𝘪𝘵𝘪𝘯𝘢𝘵𝘢𝘺𝘰, 𝘬𝘶𝘯𝘨 𝘴𝘢𝘢𝘯 𝘯𝘢𝘯𝘢𝘯𝘢𝘩𝘢𝘯 𝘢𝘯𝘨 𝘋𝘪𝘺𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘌𝘴𝘱𝘪𝘳𝘪𝘵𝘶. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟭𝟵–𝟮𝟮

(Basahin din ang 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟭𝟭-𝟭𝟴.)

Tuwing naririnig natin ang salitang “iglesya,” karaniwan nating naiisip ang mga templo, gusali, o lugar kung saan pumupunta ang mga tao upang manalangin at sumamba. Ngunit sa Bibliya, hindi ganito ang paggamit sa salitang ito. Ang salitang “iglesya” ay galing sa salitang Griyego na ang ibig sabihin ay “ang mga tinawag.” Noong panahon ni Jesus, ang pangunahing paggamit sa salitang ito ay hindi panrelihiyon kundi politikal. Ang tinutukoy ng salitang ito ay isang grupo ng taong tinawag at pinalabas ng kanilang mga tahanan o lugar ng pinagtatrabahuhan upang pag-usapan ang mga bagay na mahalaga sa publiko. Mula sa ganitong pakahulugan, pinili ni Jesus na gamitin ang salitang ito para ilarawan ang Kanyang mamamayan. Bilang bahagi ng ating lokal na iglesya, lahat ng mananampalataya ay nabibilang sa katawan ni Cristo. Ito ang Iglesya. Sa araling ito, pag-aaralan natin ang tatlong katangian ng Iglesya at kung paano hinuhubog ng Diyos ang Kanyang espiritwal na pamilya. 

𝟭. 𝗔𝗻𝗴 𝗜𝗴𝗹𝗲𝘀𝘆𝗮 𝗮𝘆 𝗯𝗮𝗻𝗮𝗹.

𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘩𝘢𝘨𝘪 𝘯𝘨 𝘨𝘶𝘴𝘢𝘭𝘪 𝘢𝘺 𝘯𝘢𝘨𝘬𝘢𝘬𝘢𝘶𝘨𝘯𝘢𝘺-𝘶𝘨𝘯𝘢𝘺 𝘢𝘵 𝘯𝘢𝘨𝘪𝘨𝘪𝘯𝘨 𝘪𝘴𝘢𝘯𝘨 𝙗𝙖𝙣𝙖𝙡 𝙣𝙖 𝙩𝙚𝙢𝙥𝙡𝙤 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝘈𝘵 𝘥𝘢𝘩𝘪𝘭 𝘬𝘢𝘺𝘰 𝘢𝘺 𝘯𝘢𝘬𝘢𝘺 𝘊𝘳𝘪𝘴𝘵𝘰, 𝘣𝘢𝘩𝘢𝘨𝘪 𝘯𝘢 𝘳𝘪𝘯 𝘬𝘢𝘺𝘰 𝘯𝘪𝘵𝘰𝘯𝘨 𝘨𝘶𝘴𝘢𝘭𝘪𝘯𝘨 𝘪𝘵𝘪𝘯𝘢𝘵𝘢𝘺𝘰, 𝘬𝘶𝘯𝘨 𝘴𝘢𝘢𝘯 𝘯𝘢𝘯𝘢𝘯𝘢𝘩𝘢𝘯 𝘢𝘯𝘨 𝘋𝘪𝘺𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘌𝘴𝘱𝘪𝘳𝘪𝘵𝘶. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟮𝟭–𝟮𝟮

(Basahin din ang 𝟭 𝗣𝗘𝗗𝗥𝗢 𝟮:𝟵.)

Ang ibig sabihin ng “banal” ay “pagiging ibinukod.” Nangangahulugan ito na ang Iglesya ay isang grupo ng mga taong tinawag ng Diyos mula sa mundo upang maging Kanya at maibukod para sa Kanyang layunin. Bilang mga banal na mamamayan, tinawag ang Iglesya para sa isang banal na buhay upang ipakita sa mundo kung sino ang Diyos sa pamamagitan ng kanilang pamumuhay. Ipinapakita rin sa atin ng Bibliya na hindi na nananahan ang Diyos sa mga pisikal na gusali kundi kapiling at sa loob ng Kanyang templo—ang Kanyang mga banal na mamamayan. Paano nito naaapektuhan ang pananaw mo sa iyong sarili at ang paraan mo ng pamumuhay?

𝟮. 𝗔𝗻𝗴 𝗜𝗴𝗹𝗲𝘀𝘆𝗮 𝗮𝘆 𝗽𝗮𝗻𝗴𝗹𝗮𝗵𝗮𝘁𝗮𝗻.

𝘒𝘢𝘺𝘢 𝘬𝘢𝘺𝘰𝘯𝘨 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰 𝘢𝘺 𝘩𝘪𝘯𝘥𝘪 𝘯𝘢 𝘮𝘨𝘢 𝘥𝘢𝘺𝘶𝘩𝘢𝘯 𝘰 𝘵𝘢𝘨𝘢-𝘪𝘣𝘢𝘯𝘨 𝘣𝘢𝘯𝘴𝘢, 𝘬𝘶𝘯𝘥𝘪 𝙠𝙖𝙞𝙨𝙖 𝙣𝙖 𝙣𝙜 𝙢𝙜𝙖 𝙥𝙞𝙣𝙖𝙗𝙖𝙣𝙖𝙡 𝙖𝙩 𝙠𝙖𝙗𝙞𝙡𝙖𝙣𝙜 𝙨𝙖 𝙥𝙖𝙢𝙞𝙡𝙮𝙖 𝙣𝙜 𝘿𝙞𝙮𝙤𝙨. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟭𝟵

(Basahin din ang 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟭𝟳–𝟭𝟴 at 𝗠𝗚𝗔 𝗧𝗔𝗚𝗔-𝗚𝗔𝗟𝗔𝗖𝗜𝗔 𝟯:𝟮𝟴)

Sa Bibliya, ang salitang “iglesya” ay maaaring tumutukoy sa isang grupo ng tao sa isang partikular na panahon at lugar. Gayunpaman, maaari ring tinutukoy nito ang isang buong komunidad ng mga mananampalataya sa lahat ng lugar at sa lahat ng panahon. Ang Iglesya ay iisa o panglahatan, dahil hindi ito nalilimitahan ng lahi, kasarian, edad, katayuan sa lipunan, denominasyon, lugar, at panahon. Ang lahat ng mga tunay na mananampalataya, ang mga nabubuhay sa lupa at ang mga naroon sa langit, ay espiritwal na nagsasama-sama at pinag-isa, at naging bahagi ng isang katawan, ang Iglesya. Ano ang ibig sabihin ng katotohanang ito sa paraan ng pakikitungo mo sa iyong kapwa Kristiyano sa iyong lokal na iglesya at sa ibang iglesyang naniniwala sa ebanghelyo?

𝟯. 𝗔𝗻𝗴 𝗜𝗴𝗹𝗲𝘀𝘆𝗮 𝗮𝘆 𝗮𝗽𝗼𝘀𝘁𝗼𝗹𝗶𝗸𝗼.

𝘒𝘢𝘺𝘢 𝘬𝘢𝘺𝘰𝘯𝘨 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰 𝘢𝘺 𝘩𝘪𝘯𝘥𝘪 𝘯𝘢 𝘮𝘨𝘢 𝘥𝘢𝘺𝘶𝘩𝘢𝘯 𝘰 𝘵𝘢𝘨𝘢-𝘪𝘣𝘢𝘯𝘨 𝘣𝘢𝘯𝘴𝘢, 𝘬𝘶𝘯𝘥𝘪 𝘬𝘢𝘪𝘴𝘢 𝘯𝘢 𝘯𝘨 𝘮𝘨𝘢 𝘱𝘪𝘯𝘢𝘣𝘢𝘯𝘢𝘭 𝘢𝘵 𝘬𝘢𝘣𝘪𝘭𝘢𝘯𝘨 𝘴𝘢 𝘱𝘢𝘮𝘪𝘭𝘺𝘢 𝘯𝘨 𝘋𝘪𝘺𝘰𝘴. 𝘛𝘢𝘺𝘰𝘯𝘨 𝘮𝘨𝘢 𝘮𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘢𝘺 𝘬𝘢𝘵𝘶𝘭𝘢𝘥 𝘯𝘨 𝘨𝘶𝘴𝘢𝘭𝘪 𝘯𝘢 𝙖𝙣𝙜 𝙢𝙜𝙖 𝙝𝙖𝙡𝙞𝙜𝙞 𝙖𝙮 𝙢𝙜𝙖 𝙖𝙥𝙤𝙨𝙩𝙤𝙡 𝙖𝙩 𝙢𝙜𝙖 𝙥𝙧𝙤𝙥𝙚𝙩𝙖, 𝘢𝘵 𝘢𝘯𝘨 𝘱𝘶𝘯𝘥𝘢𝘴𝘺𝘰𝘯 𝘢𝘺 𝘴𝘪 𝘊𝘳𝘪𝘴𝘵𝘰 𝘑𝘦𝘴𝘶𝘴. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟭𝟵-𝟮𝟬

(Basahin din ang 𝗠𝗚𝗔 𝗚𝗔𝗪𝗔 𝟮:𝟰𝟮–𝟰𝟯.)

Ang mga apostol ang mga unang taong pinadala ni Jesus upang maging kinatawan at patotoo kung sino Siya. Bukod sa kanila, mayroon pang iba tulad ni Matias, na pumalit kay Judas Iscariote, at Pablo, ang apostol sa mga hindi Judio. Ibig sabihin ng pagiging apostoliko ng Iglesya ay ang mga katuruan at gawi nito ay itinatag mula sa patotoo at aral ng mga apostol, na nakatala at pinapanatili sa Bagong Tipan. Mababasa din sa Bibliya ang mga isinulat ng mga propeta sa Lumang Tipan, na pundasyon ng pananampalatayang natanggap natin. Bakit mahalaga na tama ang mga katuruang galing sa Bibliya na natatanggap ng bawat mananampalataya? Ano ang mangyayari kung hindi tama ang matatanggap nila?

Sa huli, si Jesus ang Ulo ng Iglesya at ang pangunahing bato ng pundasyon nito. Siya ang humahawak at nagpapanatili sa pagsasama-sama ng Iglesya at patuloy itong lalago. Ibinigay Niya ang Kanyang buhay para sa Iglesya at patuloy Niyang lilinisin at ihahanda ang Kanyang Iglesya para sa Kanyang sarili. Si Jesus ang nagtatayo ng Kanyang Iglesya at sa huli ay magtatagumpay ito laban sa mga puwersa ng kamatayan at kadiliman (Mateo 16:18). 

𝗔𝗣𝗣𝗟𝗜𝗖𝗔𝗧𝗜𝗢𝗡

• Bahagi ka ba ng isang komunidad ng mga mananampalataya? Sa anong mga paraan ka aktibong makikipag-ugnayan at makikilahok sa panglahatang Iglesya ng Diyos? 

• Paano makikita ang pagiging banal at ibinukod ng Iglesya? Paano ka makikibahagi sa pagiging banal na mamamayan at templo ng Diyos?

• Paano ka mas lalago sa iyong kaalaman at pagkaunawa sa mga katuruan mula sa Bibliya? Sino ang matutulungan mo sa kanyang pamumuhay sa piling ng Diyos at ng iba pang mananampalataya?

𝗣𝗥𝗔𝗬𝗘𝗥

• Pasalamatan ang Diyos dahil ginawa ka Niyang bahagi ng Kanyang Iglesya, ibinukod para sa Kanyang sarili at para sa Kanyang layunin. 

• Hilingin sa Diyos na bigyan ka ng biyaya habang pinakikitunguhan mo ang iyong kapwa mananampalataya, para mapanatili ang pagkakaisa sa Espiritu sa pamamagitan ng mapayapa ninyong pagsasamahan. 

• Ipanalangin na palakasin ng Diyos ang Iglesya at ang sarili mong espiritwal na pamilya habang sama-sama kayong namumuhay at nagpapatuloy ng Kanyang misyon.