𝗪𝗔𝗥𝗠 𝗨𝗣

• Ano ang pinaka hindi kapani-paniwalang tanawin na nakita mo?

• Anu-ano ang mga aktibidad ang mas gusto mong gawin nang mag-isa, at anu-ano naman ang gusto mong gawin nang may kasama? Bakit?

• Ano ang nagiging tugon mo kapag nakakarinig ka ng kwento na tila malayo sa katotohanan? Paano mo kinukumpirma ang mga impormasyong hindi ka sigurado?

𝗪𝗢𝗥𝗗 

“𝘞𝘢𝘭𝘢 𝘯𝘢 𝘴𝘪𝘺𝘢 𝘳𝘪𝘵𝘰, 𝘥𝘢𝘩𝘪𝘭 𝘯𝘢𝘣𝘶𝘩𝘢𝘺 𝘴𝘪𝘺𝘢𝘯𝘨 𝘮𝘶𝘭𝘪 𝘵𝘶𝘭𝘢𝘥 𝘯𝘨 𝘴𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘪𝘯𝘺𝘰. 𝘏𝘢𝘭𝘪𝘬𝘢𝘺𝘰, 𝘵𝘪𝘯𝘨𝘯𝘢𝘯 𝘯𝘪𝘯𝘺𝘰 𝘢𝘯𝘨 𝘱𝘪𝘯𝘢𝘨𝘭𝘢𝘨𝘺𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘣𝘢𝘯𝘨𝘬𝘢𝘺.” 𝘗𝘢𝘨𝘬𝘢𝘵𝘢𝘱𝘰𝘴, 𝘴𝘪𝘯𝘢𝘣𝘪 𝘯𝘨 𝘢𝘯𝘨𝘩𝘦𝘭 𝘴𝘢 𝘬𝘢𝘯𝘪𝘭𝘢, “𝘗𝘶𝘯𝘵𝘢𝘩𝘢𝘯 𝘯ʼ𝘺𝘰 𝘢𝘨𝘢𝘥 𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘯𝘪𝘺𝘢, 𝘢𝘵 𝘴𝘢𝘣𝘪𝘩𝘪𝘯 𝘯𝘪𝘯𝘺𝘰 𝘴𝘢 𝘬𝘢𝘯𝘪𝘭𝘢 𝘯𝘢 𝘯𝘢𝘣𝘶𝘩𝘢𝘺 𝘴𝘪𝘺𝘢𝘯𝘨 𝘮𝘶𝘭𝘪 𝘢𝘵 𝘮𝘢𝘶𝘶𝘯𝘢 𝘴𝘪𝘺𝘢 𝘴𝘢 𝘪𝘯𝘺𝘰 𝘴𝘢 𝘎𝘢𝘭𝘪𝘭𝘦𝘢. 𝘋𝘰𝘰𝘯 𝘯𝘪𝘯𝘺𝘰 𝘴𝘪𝘺𝘢 𝘮𝘢𝘬𝘪𝘬𝘪𝘵𝘢. 𝘛𝘢𝘯𝘥𝘢𝘢𝘯 𝘯𝘪𝘯𝘺𝘰 𝘢𝘯𝘨 𝘴𝘪𝘯𝘢𝘣𝘪 𝘬𝘰 𝘴𝘢 𝘪𝘯𝘺𝘰!” 𝗠𝗔𝗧𝗘𝗢 𝟮𝟴:𝟲–𝟳

(Basahin din ang 𝗠𝗔𝗧𝗘𝗢 𝟮𝟴:𝟭–𝟱, 𝟴–𝟮𝟬.)

Sa ikatlong araw ng Kanyang kamatayan at paglibing, nabuhay si Jesus sa kaganapang kilala bilang muling pagkabuhay. Tulad ng Kanyang kamatayan, may mga mahimalang pangyayari na naganap sa muling pagkabuhay ni Jesus. Sa araw kung kailan natagpuan na ang Kanyang libingan ay walang laman, nagkaroon ng malakas na lindol, isang anghel ang dumating mula sa langit at iginulong ang bato na nakatakip sa libingan, at si Jesus ay nakitang buhay muli (Mateo 28:2, 9).

Ngunit sa huli, ang himala ng muling pagkabuhay ay nagpakita na si Jesus ay mas makapangyarihan kaysa sa kamatayan. Si Jesus mismo ang nagbigay ng propesiya tungkol sa sarili Niyang kamatayan at muling pagkabuhay. Pagkatapos, ibinigay Niya ang Kanyang buhay at binawi rin ito sa sarili Niyang kagustuhan (Juan 10:18). Ang Kanyang buhay, kamatayan, at muling pagkabuhay ay naging dahilan upang ang iba ay muli ring mabuhay mula sa kamatayan. Totoo nga na Siya ang muling pagkabuhay at ang buhay (Juan 11:25). Sa araling ito, makikita natin ang tatlong implikasyon ng muling pagkabuhay ni Jesus.

𝟭. 𝗜𝗽𝗶𝗻𝗮𝗸𝗶𝘁𝗮 𝗻𝗴 𝗵𝗶𝗺𝗮𝗹𝗮 𝗻𝗴 𝗺𝘂𝗹𝗶𝗻𝗴 𝗽𝗮𝗴𝗸𝗮𝗯𝘂𝗵𝗮𝘆 𝗻𝗶 𝗝𝗲𝘀𝘂𝘀 𝗻𝗮 𝗦𝗶𝘆𝗮 𝗮𝘆 𝗸𝗮𝗿𝗮𝗽𝗮𝘁-𝗱𝗮𝗽𝗮𝘁 𝘀𝗮𝗺𝗯𝗮𝗵𝗶𝗻.

𝘗𝘦𝘳𝘰 𝘮𝘢𝘺𝘢-𝘮𝘢𝘺𝘢, 𝘴𝘪𝘯𝘢𝘭𝘶𝘣𝘰𝘯𝘨 𝘴𝘪𝘭𝘢 𝘯𝘪 𝘑𝘦𝘴𝘶𝘴 𝘴𝘢 𝘥𝘢𝘢𝘯 𝘢𝘵 𝘣𝘪𝘯𝘢𝘵𝘪. 𝘓𝘶𝘮𝘢𝘱𝘪𝘵 𝘴𝘪𝘭𝘢 𝘬𝘢𝘺 𝘑𝘦𝘴𝘶𝘴, 𝘯𝘪𝘺𝘢𝘬𝘢𝘱 𝘢𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘱𝘢𝘢 𝘢𝘵 𝘴𝘪𝘯𝘢𝘮𝘣𝘢 𝘴𝘪𝘺𝘢. . . . 𝘕𝘢𝘯𝘨 𝘮𝘢𝘬𝘪𝘵𝘢 𝘯𝘪𝘭𝘢 𝘴𝘪 𝘑𝘦𝘴𝘶𝘴, 𝘴𝘶𝘮𝘢𝘮𝘣𝘢 𝘴𝘪𝘭𝘢 𝘴𝘢 𝘬𝘢𝘯𝘺𝘢, 𝘬𝘢𝘩𝘪𝘵 𝘯𝘢 𝘢𝘯𝘨 𝘪𝘭𝘢𝘯 𝘢𝘺 𝘮𝘢𝘺 𝘱𝘢𝘨𝘥𝘶𝘥𝘶𝘥𝘢. 𝗠𝗔𝗧𝗘𝗢 𝟮𝟴:𝟵, 𝟭𝟳

Nang nabuhay muli si Jesus, pinatunayan Niya na Siya ang Anak ng Diyos, maging sa mga hindi naniniwala noong una. Pinatunayan din Niya na Siya ay banal, at dahil dito, Siya ay karapat-dapat sambahin. Isang napakagandang pangitain para sa mga tagasunod ni Jesus—ang makita ang nabuhay-muling Tagapagligtas! Ngunit sa kabila ng lahat ng ito, hindi lahat ay naniwala (Mateo 28:17). Ano ang mga bagay na nahihirapan kang paniwalaan? Ano ang gagawin mo kapag nakita mo ang iyong sarili na nagdududa pa rin?

𝟮. 𝗜𝗽𝗶𝗻𝗮𝗸𝗶𝘁𝗮 𝗻𝗴 𝗵𝗶𝗺𝗮𝗹𝗮 𝗻𝗴 𝗺𝘂𝗹𝗶𝗻𝗴 𝗽𝗮𝗴𝗸𝗮𝗯𝘂𝗵𝗮𝘆 𝗻𝗶 𝗝𝗲𝘀𝘂𝘀 𝗻𝗮 𝗻𝗮𝘀𝗮 𝗞𝗮𝗻𝘆𝗮 𝗮𝗻𝗴 𝗹𝗮𝗵𝗮𝘁 𝗻𝗴 𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝗮𝘁 𝗮𝘄𝘁𝗼𝗿𝗶𝗱𝗮𝗱.

𝘓𝘶𝘮𝘢𝘱𝘪𝘵 𝘴𝘢 𝘬𝘢𝘯𝘪𝘭𝘢 𝘴𝘪 𝘑𝘦𝘴𝘶𝘴 𝘢𝘵 𝘴𝘪𝘯𝘢𝘣𝘪, “𝘐𝘣𝘪𝘯𝘪𝘨𝘢𝘺 𝘴𝘢 𝘢𝘬𝘪𝘯 𝘢𝘯𝘨 𝘭𝘢𝘩𝘢𝘵 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘭𝘢𝘯𝘨𝘪𝘵 𝘢𝘵 𝘴𝘢 𝘭𝘶𝘱𝘢.” 𝗠𝗔𝗧𝗘𝗢 𝟮𝟴:𝟭𝟴

Ang muling pagkabuhay ni Jesus ay nagpatunay na ang lahat ng kaharian sa mundo ay inilagay sa ilalim ng Kanyang kapangyarihan at awtoridad. Si Satanas ay tinawag na hari ng mga espiritung naghahari sa mundo (Mga Taga-Efeso 2:2), at hawak niya ang lahat ng kaharian sa mundo (Mateo 4:8). Ngunit nang muling mabuhay si Jesus, binawi Niya ang kaharian mula kay Satanas upang mapasailalim sa Kanyang pamamahala. Ano ang sinasabi ng Pahayag 11:15 tungkol sa maghahari sa buong mundo?

𝟯. 𝗔𝗻𝗴 𝗵𝗶𝗺𝗮𝗹𝗮 𝗻𝗴 𝗺𝘂𝗹𝗶𝗻𝗴 𝗽𝗮𝗴𝗸𝗮𝗯𝘂𝗵𝗮𝘆 𝗻𝗶 𝗝𝗲𝘀𝘂𝘀 𝗮𝘆 𝗻𝗮𝗴𝘁𝘂𝘁𝘂𝗹𝗮𝗸 𝘀𝗮 𝗮𝘁𝗶𝗻 𝗻𝗮 𝗵𝘂𝗺𝗮𝘆𝗼 𝗮𝘁 𝗴𝘂𝗺𝗮𝘄𝗮 𝗻𝗴 𝗺𝗴𝗮 𝗱𝗶𝘀𝗶𝗽𝘂𝗹𝗼.

𝘚𝘪𝘯𝘢𝘣𝘪 𝘴𝘢 𝘬𝘢𝘯𝘪𝘭𝘢 𝘯𝘪 𝘑𝘦𝘴𝘶𝘴, “𝘏𝘶𝘸𝘢𝘨 𝘬𝘢𝘺𝘰𝘯𝘨 𝘮𝘢𝘵𝘢𝘬𝘰𝘵. 𝘗𝘶𝘯𝘵𝘢𝘩𝘢𝘯 𝘯𝘪𝘯𝘺𝘰 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘬𝘢𝘱𝘢𝘵𝘪𝘥 𝘢𝘵 𝘴𝘢𝘣𝘪𝘩𝘪𝘯 𝘴𝘢 𝘬𝘢𝘯𝘪𝘭𝘢 𝘯𝘢 𝘱𝘶𝘮𝘶𝘯𝘵𝘢 𝘴𝘪𝘭𝘢 𝘴𝘢 𝘎𝘢𝘭𝘪𝘭𝘦𝘢. 𝘋𝘰𝘰𝘯 𝘯𝘪𝘭𝘢 𝘢𝘬𝘰 𝘮𝘢𝘬𝘪𝘬𝘪𝘵𝘢.” . . . “𝘒𝘢𝘺𝘢 𝘱𝘶𝘯𝘵𝘢𝘩𝘢𝘯 𝘯𝘪𝘯𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘮𝘨𝘢 𝘭𝘢𝘩𝘪 𝘢𝘵 𝘨𝘢𝘸𝘪𝘯 𝘴𝘪𝘭𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘬𝘰. 𝘉𝘢𝘶𝘵𝘪𝘴𝘮𝘶𝘩𝘢𝘯 𝘯𝘪𝘯𝘺𝘰 𝘴𝘪𝘭𝘢 𝘴𝘢 𝘱𝘢𝘯𝘨𝘢𝘭𝘢𝘯 𝘯𝘨 𝘈𝘮𝘢 𝘢𝘵 𝘯𝘨 𝘈𝘯𝘢𝘬 𝘢𝘵 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶. 𝘛𝘶𝘳𝘶𝘢𝘯 𝘯𝘪𝘯𝘺𝘰 𝘴𝘪𝘭𝘢𝘯𝘨 𝘴𝘶𝘮𝘶𝘯𝘰𝘥 𝘴𝘢 𝘭𝘢𝘩𝘢𝘵 𝘯𝘨 𝘪𝘯𝘪𝘶𝘵𝘰𝘴 𝘬𝘰 𝘴𝘢 𝘪𝘯𝘺𝘰. 𝘈𝘵 𝘵𝘢𝘯𝘥𝘢𝘢𝘯 𝘯𝘪𝘯𝘺𝘰: 𝘭𝘢𝘨𝘪 𝘯𝘪𝘯𝘺𝘰 𝘢𝘬𝘰𝘯𝘨 𝘬𝘢𝘴𝘢𝘮𝘢 𝘩𝘢𝘯𝘨𝘨𝘢𝘯𝘨 𝘴𝘢 𝘬𝘢𝘵𝘢𝘱𝘶𝘴𝘢𝘯 𝘯𝘨 𝘮𝘶𝘯𝘥𝘰.” 𝗠𝗔𝗧𝗘𝗢 𝟮𝟴:𝟭𝟬, 𝟭𝟵–𝟮𝟬

Sa huli, binibigyang-diin ng himala ng muling pagkabuhay na ang lahat ng sinabi ni Jesus tungkol sa Kanyang sarili ay totoo—Siya ang Anak ng Diyos, mas dakila kaysa kamatayan, at tanging paraan upang tayo ay maligtas at makaranas ng buhay na walang hanggan. Ang katotohanang ito ang nag-uudyok sa atin na puntahan ang lahat ng mga lahi at gawin silang mga tagasunod Niya, upang makilala rin ng iba ang Jesus na kilala natin at maranasan ang buhay na walang hanggan na nais Niyang ibigay sa kanila. Ano ang tugon mo sa kaalamang palagi tayong inaanyayahan ni Jesus na samahan Siya sa Kanyang gawain?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang ilang praktikal na paraan na maaari mong sambahin at parangalan si Cristo bilang Diyos sa pang-araw-araw mong pamumuhay?

• Naniniwala ka ba na nasa Diyos ang lahat ng kapangyarihan at awtoridad sa lupa at sa langit? Paano dapat makaapekto ang katotohanang ito sa iyong pamumuhay?

• Ano ang isang paraan upang magawa mo ang misyon na inaanyayahan tayo ni Jesus na gawin kasama Niya? Ano ang tamang kaisipan habang ginagawa natin ito?

𝗣𝗥𝗔𝗬𝗘𝗥

• Pasalamatan ang Diyos dahil si Jesus ay muling nabuhay, na nagpatunay na Siya ang Anak ng Diyos. Ipanalangin na Siya ay patuloy na maghari sa lugar ng pagsamba sa puso mo.

• Ipanalangin na mamuhay ka nang may kaalaman sa ganap na kapangyarihan at awtoridad ng Diyos. Hilingin sa Kanya ang biyaya upang magawa mong magpasakop sa Kanya araw-araw.

• Ipanalangin na magkaroon ka ng kalakasan at mga pagkakataon upang makapagdisipulo at masunod ang Dakilang Utos.