𝗪𝗔𝗥𝗠 𝗨𝗣

• Mahilig ka ba sa mga surpresa? Bakit oo o bakit hindi?

• Ikaw ba ang tipo ng taong pupunta agad sa pinakahuling bahagi ng libro o pelikula para malaman kung paano magtatapos ang kwento? Bakit oo o bakit hindi?

• Sa palagay mo, bakit maraming tao ang nahuhumaling sa mga kwento tungkol sa “mga huling araw,” at ginagamit itong tema sa mga libro, pelikula, at serye sa telebisyon?

𝗪𝗢𝗥𝗗

𝘔𝘪𝘯𝘴𝘢𝘯 𝘯𝘢𝘯𝘨 𝘯𝘢𝘨𝘵𝘪𝘵𝘪𝘱𝘰𝘯 𝘴𝘪𝘭𝘢, 𝘵𝘪𝘯𝘢𝘯𝘰𝘯𝘨 𝘯𝘪𝘭𝘢 𝘴𝘪 𝘑𝘦𝘴𝘶𝘴, “𝘗𝘢𝘯𝘨𝘪𝘯𝘰𝘰𝘯, 𝘪𝘵𝘰 𝘯𝘢 𝘱𝘰 𝘣𝘢 𝘢𝘯𝘨 𝘱𝘢𝘯𝘢𝘩𝘰𝘯 𝘯𝘢 𝘪𝘣𝘢𝘣𝘢𝘭𝘪𝘬 𝘯𝘪𝘯𝘺𝘰 𝘢𝘯𝘨 𝘬𝘢𝘩𝘢𝘳𝘪𝘢𝘯 𝘯𝘨 𝘐𝘴𝘳𝘢𝘦𝘭?” 𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘏𝘪𝘯𝘥𝘪 𝘱𝘪𝘯𝘢𝘩𝘪𝘩𝘪𝘯𝘵𝘶𝘭𝘶𝘵𝘢𝘯 𝘯𝘨 𝘈𝘮𝘢 𝘯𝘢 𝘮𝘢𝘭𝘢𝘮𝘢𝘯 𝘯𝘪𝘯𝘺𝘰 𝘬𝘶𝘯𝘨 𝘬𝘢𝘪𝘭𝘢𝘯 𝘮𝘢𝘯𝘨𝘺𝘢𝘺𝘢𝘳𝘪 𝘢𝘯𝘨 𝘮𝘨𝘢 𝘣𝘢𝘨𝘢𝘺 𝘯𝘢 𝘪𝘵𝘪𝘯𝘢𝘬𝘥𝘢 𝘯𝘪𝘺𝘢. 𝘕𝘨𝘶𝘯𝘪𝘵 𝘱𝘢𝘨𝘥𝘢𝘵𝘪𝘯𝘨 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘴𝘢 𝘪𝘯𝘺𝘰, 𝘣𝘪𝘣𝘪𝘨𝘺𝘢𝘯 𝘯𝘪𝘺𝘢 𝘬𝘢𝘺𝘰 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯. 𝘈𝘵 𝘪𝘱𝘢𝘱𝘢𝘩𝘢𝘺𝘢𝘨 𝘯𝘪𝘯𝘺𝘰 𝘢𝘯𝘨 𝘮𝘨𝘢 𝘣𝘢𝘨𝘢𝘺 𝘵𝘶𝘯𝘨𝘬𝘰𝘭 𝘴𝘢 𝘢𝘬𝘪𝘯, 𝘮𝘶𝘭𝘢 𝘳𝘪𝘵𝘰 𝘴𝘢 𝘑𝘦𝘳𝘶𝘴𝘢𝘭𝘦𝘮 𝘩𝘢𝘯𝘨𝘨𝘢𝘯𝘨 𝘴𝘢 𝘣𝘶𝘰𝘯𝘨 𝘑𝘶𝘥𝘦𝘢 𝘢𝘵 𝘚𝘢𝘮𝘢𝘳𝘪𝘢, 𝘢𝘵 𝘩𝘢𝘯𝘨𝘨𝘢𝘯𝘨 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰.” 𝗠𝗚𝗔 𝗚𝗔𝗪𝗔 𝟭:𝟲–𝟴

Ang mga huling araw at ang Ikalawang Pagdating ni Jesus ay nagdudulot ng kontrobersiya, pagkabalisa, at takot sa mga tao. Sinusubukang hulaan ng iba kung kailan mangyayari ang mga ito o inaabangan ang darating na paghatol. Pinag-iisipan ng mga disipulo kung ang muling pagkabuhay ba ni Jesus ay nangangahulugang papalayain na Niya ang Israel mula sa mga mananakop nito. Pero ipinakita sa kanila ni Jesus ang mas malaking realidad—ang plano at kaharian ng Diyos ay mas malaki pa sa anumang plano at kaharian ng kahit na sino. Sa panahon ngayon, patuloy pa rin ang pagbibigay ni Jesus ng paalala: na hindi tayo dapat mabahala sa mga detalye ng Kanyang pagbabalik o ang katuparan ng planong kaligtasan ng Diyos, kundi ay maging tapat tayo sa iniuutos Niya sa atin. Tingnan natin ang dalawang katotohanan tungkol sa katuparan ng pangako ni Jesus na Siya ay babalik nang may kapangyarihan at kaluwalhatian.

𝟭. 𝗕𝗮𝗯𝗮𝗹𝗶𝗸 𝘀𝗶 𝗝𝗲𝘀𝘂𝘀 𝘂𝗽𝗮𝗻𝗴 𝗴𝗮𝗻𝗮𝗽 𝗻𝗮 𝗺𝗮𝗶𝘀𝗮𝗸𝗮𝘁𝘂𝗽𝗮𝗿𝗮𝗻 𝗮𝗻𝗴 𝗞𝗮𝗻𝘆𝗮𝗻𝗴 𝗸𝗮𝗵𝗮𝗿𝗶𝗮𝗻.

𝘔𝘪𝘯𝘴𝘢𝘯 𝘯𝘢𝘯𝘨 𝘯𝘢𝘨𝘵𝘪𝘵𝘪𝘱𝘰𝘯 𝘴𝘪𝘭𝘢, 𝘵𝘪𝘯𝘢𝘯𝘰𝘯𝘨 𝘯𝘪𝘭𝘢 𝘴𝘪 𝘑𝘦𝘴𝘶𝘴, “𝘗𝘢𝘯𝘨𝘪𝘯𝘰𝘰𝘯, 𝘪𝘵𝘰 𝘯𝘢 𝘱𝘰 𝘣𝘢 𝘢𝘯𝘨 𝘱𝘢𝘯𝘢𝘩𝘰𝘯 𝘯𝘢 𝘪𝘣𝘢𝘣𝘢𝘭𝘪𝘬 𝘯𝘪𝘯𝘺𝘰 𝘢𝘯𝘨 𝘬𝘢𝘩𝘢𝘳𝘪𝘢𝘯 𝘯𝘨 𝘐𝘴𝘳𝘢𝘦𝘭?” 𝗠𝗚𝗔 𝗚𝗔𝗪𝗔 𝟭:𝟲

(Basahin din ang 𝟭 𝗖𝗢𝗥𝗜𝗡𝗧𝗢 𝟭𝟱:𝟱𝟬–𝟱𝟴.)

Sa buong panahong kasama Niya ang Kanyang mga disipulo, may mga sinasabi si Jesus tungkol sa panahong ibabalik ng Diyos ang Kanyang nilikha sa dati at darating ang Anak ng Tao para hatulan ang mga buhay at patay at itatatag ang Kanyang kaharian (1 Corinto 15:50–52). Inakala nila na ang muling pagkabuhay ni Jesus ay katuparan na rin ng pagpapanumbalik na binanggit Niya. Totoo ngang darating si Jesus para ipanumbalik ang mundo, pero gagawin Niya ito ayon sa mga plano at sa panahong itinakda ng Ama sa pamamagitan ng sarili Niyang awtoridad. Dahil dito, makakapamuhay tayo nang may pag-asa, sa halip na pagkabalisa at takot. Alam nating ibabalik ng Diyos sa dati ang Kanyang nilikha at gagawin Niya tayong bago sa pagbabalik ni Jesus. Ano pa ang mga pwede nating asahan sa pagbabalik ni Cristo (1 Corinto 15:55–58)?

𝟮. 𝗕𝗮𝗯𝗮𝗹𝗶𝗸 𝘀𝗶 𝗝𝗲𝘀𝘂𝘀 𝗻𝗮𝗻𝗴 𝗺𝗮𝘆 𝗽𝗶𝘀𝗶𝗸𝗮𝗹 𝗻𝗮 𝗸𝗮𝘁𝗮𝘄𝗮𝗻 𝘀𝗮 𝗼𝗿𝗮𝘀 𝗻𝗮 𝗶𝘁𝗶𝗻𝗮𝗸𝗱𝗮 𝗻𝗴 𝗔𝗺𝗮 𝗻𝗮 𝗦𝗶𝘆𝗮 𝗹𝗮𝗺𝗮𝗻𝗴 𝗮𝗻𝗴 𝗻𝗮𝗸𝗮𝗸𝗮𝗮𝗹𝗮𝗺.

𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘏𝘪𝘯𝘥𝘪 𝘱𝘪𝘯𝘢𝘩𝘪𝘩𝘪𝘯𝘵𝘶𝘭𝘶𝘵𝘢𝘯 𝘯𝘨 𝘈𝘮𝘢 𝘯𝘢 𝘮𝘢𝘭𝘢𝘮𝘢𝘯 𝘯𝘪𝘯𝘺𝘰 𝘬𝘶𝘯𝘨 𝘬𝘢𝘪𝘭𝘢𝘯 𝘮𝘢𝘯𝘨𝘺𝘢𝘺𝘢𝘳𝘪 𝘢𝘯𝘨 𝘮𝘨𝘢 𝘣𝘢𝘨𝘢𝘺 𝘯𝘢 𝘪𝘵𝘪𝘯𝘢𝘬𝘥𝘢 𝘯𝘪𝘺𝘢.” . . . 𝘢𝘵 𝘯𝘢𝘨𝘴𝘢𝘣𝘪, “𝘒𝘢𝘺𝘰𝘯𝘨 𝘮𝘨𝘢 𝘵𝘢𝘨𝘢-𝘎𝘢𝘭𝘪𝘭𝘦𝘢, 𝘣𝘢𝘬𝘪𝘵 𝘯𝘢𝘬𝘢𝘵𝘢𝘺𝘰 𝘱𝘢 𝘬𝘢𝘺𝘰 𝘳𝘪𝘵𝘰 𝘢𝘵 𝘯𝘢𝘬𝘢𝘵𝘪𝘯𝘨𝘢𝘭𝘢 𝘴𝘢 𝘭𝘢𝘯𝘨𝘪𝘵? 𝘚𝘪 𝘑𝘦𝘴𝘶𝘴 𝘯𝘢 𝘪𝘯𝘺𝘰𝘯𝘨 𝘯𝘢𝘬𝘪𝘵𝘢 𝘯𝘢 𝘥𝘪𝘯𝘢𝘭𝘢 𝘱𝘢𝘪𝘵𝘢𝘢𝘴 𝘢𝘺 𝘣𝘢𝘣𝘢𝘭𝘪𝘬 𝘥𝘪𝘵𝘰 𝘴𝘢 𝘮𝘶𝘯𝘥𝘰. 𝘈𝘵 𝘬𝘶𝘯𝘨 𝘱𝘢𝘢𝘯𝘰 𝘴𝘪𝘺𝘢 𝘱𝘶𝘮𝘢𝘪𝘵𝘢𝘢𝘴, 𝘨𝘢𝘯𝘺𝘢𝘯 𝘥𝘪𝘯 𝘢𝘯𝘨 𝘬𝘢𝘯𝘺𝘢𝘯𝘨 𝘱𝘢𝘨𝘣𝘢𝘭𝘪𝘬.” 𝗠𝗚𝗔 𝗚𝗔𝗪𝗔 𝟭:𝟳, 𝟭𝟭

Ayon sa ilang tao, may mga palatandaang nagsasabi na tayo ay nasa mga huling araw na habang sinusubukan nilang kalkulahin kung kailan babalik si Jesus. Hindi man natin alam kung kailan ang eksaktong pagbabalik Niya, nakakatiyak tayong babalik Siya sa mundo kung paano Siya pumaitaas sa langit—nakikita, personal, at pisikal. Habang tayo ay naghihintay, hindi natin dapat isipin ang “kailan,” kundi ang pamumuhay ayon sa mga plano at layunin ng Diyos para sa atin. Kasama rito ang pagsunod sa pinakamahalagang utos ng Diyos na mahalin Siya nang higit sa lahat at mahalin ang isa’t isa, at ang Dakilang Utos na maging saksi Niya sa buong mundo. Habang naghihintay tayo nang may pag-asa, maaari nating anyayahan ang iba na maghintay din at manalig kay Cristo sa pamamagitan ng pagbahagi ng ebanghelyo. Bakit mas mahalaga na sundin ang Diyos at mamuhay nang katulad ni Cristo kaysa ang alamin kung kailan ang eksaktong pagbabalik ni Jesus (1 Tesalonica 5:1–2, 9–11)?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang mga kaisipang pinaniniwalaan mo tungkol sa Muling Pagbabalik ni Jesus na kailangang magbago ayon sa mga natutunan mo ngayon? Kumausap ng isang kakilala at hilingin sa kanya na samahan ka sa paglalakbay na ito.

• Ano ang una mong pananaw tungkol sa Muling Pagbabalik? Papaano ka lalago at mamumuhay nang may pag-asa, ngayong alam mong babalik si Jesus nang may kapangyarihan at kaluwalhatian?

• Paano magbabago ang pamumuhay at pakikitungo mo sa iba batay sa pinag-usapan natin ngayon? Kanino mo maibabahagi ang pag-asa na mayroon tayo kay Cristo?

𝗣𝗥𝗔𝗬𝗘𝗥

• Pasalamatan ang Diyos para sa pag-asa na mayroon tayo kay Cristo, sa gitna ng mga kaguluhan sa mundo. Pasalamatan Siya para sa plano Niyang iligtas at ibalik ang mga nilikha sa dati kapag nagbalik na si Jesus. 

• Hilingin sa Diyos na tulungan kang maging tapat sa pagsunod mo sa Kanya at bigyan ka ng kakayahang tularan si Cristo habang hinihintay mo ang pagbabalik ni Jesus. Isuko sa Kanya ang mga bahagi at kaisipang mahirap para sa iyo.

• Ipanalangin na magkaroon ka ng mga pagkakataon para maipahayag ang ebanghelyo sa iba. Humingi sa Diyos ng mga tamang salita habang ibinabahagi mo ang iyong pag-asa kay Cristo.