𝗪𝗔𝗥𝗠-𝗨𝗣
• Nakaranas ka na ba ng sitwasyon kung saan hindi ka sigurado kung nasunod mo ang tuntuning ibinigay sa iyo? Ano ang nangyari?
• Magkwento tungkol sa isang pagkakataong may humiling na magbahagi ka tungkol sa isang ng bagay na labis na personal para sa iyo. Paano ka tumugon dito?
• May pagkakataon bang naparusahan ka dahil may ginawa kang isang bagay na sa paningin mo ay tama? Ano ang nangyari?


𝗪𝗢𝗥𝗗
𝘚𝘶𝘮𝘢𝘨𝘰𝘵 𝘴𝘪𝘭𝘢𝘯𝘨 𝘵𝘢𝘵𝘭𝘰, “𝘔𝘢𝘩𝘢𝘭 𝘯𝘢 𝘏𝘢𝘳𝘪, 𝘸𝘢𝘭𝘢 𝘱𝘰 𝘬𝘢𝘮𝘪𝘯𝘨 𝘮𝘢𝘴𝘢𝘴𝘢𝘣𝘪 𝘵𝘶𝘯𝘨𝘬𝘰𝘭 𝘥𝘪𝘺𝘢𝘯. 𝘒𝘶𝘯𝘨 𝘵𝘢𝘭𝘢𝘨𝘢 𝘱𝘰𝘯𝘨 𝘨𝘢𝘯𝘺𝘢𝘯 𝘢𝘯𝘨 𝘮𝘢𝘯𝘨𝘺𝘢𝘺𝘢𝘳𝘪, 𝘪𝘭𝘪𝘭𝘪𝘨𝘵𝘢𝘴 𝘬𝘢𝘮𝘪 𝘯𝘨 𝘋𝘪𝘺𝘰𝘴 𝘯𝘢 𝘢𝘮𝘪𝘯𝘨 𝘱𝘪𝘯𝘢𝘨𝘭𝘪𝘭𝘪𝘯𝘨𝘬𝘶𝘳𝘢𝘯 𝘮𝘶𝘭𝘢 𝘴𝘢 𝘯𝘢𝘨𝘭𝘢𝘭𝘢𝘨𝘢𝘣𝘭𝘢𝘣 𝘯𝘢 𝘩𝘶𝘳𝘯𝘰. 𝘐𝘭𝘪𝘭𝘪𝘨𝘵𝘢𝘴 𝘯𝘪𝘺𝘢 𝘬𝘢𝘮𝘪 𝘮𝘶𝘭𝘢 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘬𝘢𝘮𝘢𝘺. 𝘗𝘦𝘳𝘰 𝘬𝘶𝘯𝘨 𝘩𝘪𝘯𝘥𝘪 𝘮𝘢𝘯 𝘯𝘪𝘺𝘢 𝘬𝘢𝘮𝘪 𝘪𝘭𝘪𝘨𝘵𝘢𝘴, 𝘨𝘶𝘴𝘵𝘰 𝘯𝘢𝘮𝘪𝘯𝘨 𝘮𝘢𝘭𝘢𝘮𝘢𝘯 𝘮𝘰 𝘯𝘢 𝘩𝘪𝘯𝘥𝘪 𝘱𝘢 𝘳𝘪𝘯 𝘬𝘢𝘮𝘪 𝘮𝘢𝘨𝘭𝘪𝘭𝘪𝘯𝘨𝘬𝘰𝘥 𝘴𝘢 𝘪𝘺𝘰𝘯𝘨 𝘮𝘨𝘢 𝘋𝘪𝘺𝘰𝘴 𝘰 𝘴𝘢𝘴𝘢𝘮𝘣𝘢 𝘴𝘢 𝘳𝘦𝘣𝘶𝘭𝘵𝘰𝘯𝘨 𝘨𝘪𝘯𝘵𝘰 𝘯𝘢 𝘪𝘱𝘪𝘯𝘢𝘵𝘢𝘺𝘰 𝘯𝘪𝘯𝘺𝘰.” 𝗗𝗔𝗡𝗜𝗘𝗟 𝟯:𝟭𝟲–𝟭𝟴

(Basahin din ang 𝗗𝗔𝗡𝗜𝗘𝗟 𝟯:𝟭–𝟭𝟱, 𝟭𝟵–𝟯𝟬.)

Nang magpatayo si Nebucadnezar sa Babilonia ng isang malaking rebultong ginto at iutos na lumuhod at sumamba rito ang lahat ng tao sa hudyat ng isang musika, hindi ito sinunod nina Shadrac, Meschac, at Abednego (mga kaibigan ni Daniel). Ang pagsamba sa diyos-diyosan ay paglabag sa ikalawang utos ng Diyos. Ito ang dahilan kung bakit hindi nila sinunod ang utos na ito—kahit pa ang kapalit nito ay ang kanilang kamatayan. Nakakapagtaka na hindi nila ipinaalam ang desisyon nilang hindi sumamba sa diyos-diyosan. Nalaman lamang ito ng hari dahil may mga Caldeo na nagsabi sa kanya tungkol dito. Mula sa mga kaibigan ni Daniel, matututunan natin ang tatlong aral tungkol sa paninindigan kahit pa tila kontra sa atin ang lahat ng sitwasyon. Maaari natin itong isapamuhay sa ating sariling buhay at sa ating mga komunidad.

𝟭. 𝗔𝗻𝗴 𝗺𝗴𝗮 𝗸𝗮𝗶𝗯𝗶𝗴𝗮𝗻 𝗻𝗶 𝗗𝗮𝗻𝗶𝗲𝗹 𝗮𝘆 𝗺𝗮𝘆 𝗺𝗴𝗮 𝗽𝗲𝗿𝘀𝗼𝗻𝗮𝗹 𝗻𝗮 𝗽𝗮𝗻𝗶𝗻𝗶𝘄𝗮𝗹𝗮 𝗻𝗮 𝗻𝗮𝘀𝘂𝗯𝘂𝗸𝗮𝗻 𝘀𝗮 𝗵𝗮𝗿𝗮𝗽 𝗻𝗴 𝗽𝘂𝗯𝗹𝗶𝗸𝗼.
𝘕𝘨𝘶𝘯𝘪𝘵 𝘮𝘢𝘺 𝘪𝘭𝘢𝘯𝘨 𝘮𝘨𝘢 𝘑𝘶𝘥𝘪𝘰𝘯𝘨 𝘩𝘪𝘯𝘥𝘪 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘪𝘯𝘺𝘰𝘯𝘨 𝘶𝘵𝘰𝘴. 𝘚𝘪𝘭𝘢 𝘱𝘰 𝘢𝘺 𝘴𝘪𝘯𝘢 𝘚𝘩𝘢𝘥𝘳𝘢𝘤, 𝘔𝘦𝘴𝘩𝘢𝘤, 𝘢𝘵 𝘈𝘣𝘦𝘥𝘯𝘦𝘨𝘰. 𝘚𝘪𝘭𝘢 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘱𝘪𝘯𝘢𝘮𝘢𝘮𝘢𝘩𝘢𝘭𝘢 𝘯𝘪𝘯𝘺𝘰 𝘴𝘢 𝘭𝘢𝘭𝘢𝘸𝘪𝘨𝘢𝘯 𝘯𝘨 𝘉𝘢𝘣𝘪𝘭𝘰𝘯𝘪𝘢. 𝘏𝘪𝘯𝘥𝘪 𝘯𝘪𝘭𝘢 𝘪𝘨𝘪𝘯𝘢𝘨𝘢𝘭𝘢𝘯𝘨 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘋𝘪𝘺𝘰𝘴, 𝘢𝘵 𝘩𝘪𝘯𝘥𝘪 𝘴𝘪𝘭𝘢 𝘴𝘶𝘮𝘢𝘴𝘢𝘮𝘣𝘢 𝘴𝘢 𝘨𝘪𝘯𝘵𝘰𝘯𝘨 𝘳𝘦𝘣𝘶𝘭𝘵𝘰 𝘯𝘢 𝘪𝘱𝘪𝘯𝘢𝘵𝘢𝘺𝘰 𝘯𝘪𝘯𝘺𝘰.” 𝘕𝘢𝘯𝘨 𝘮𝘢𝘳𝘪𝘯𝘪𝘨 𝘪𝘺𝘰𝘯 𝘯𝘨 𝘩𝘢𝘳𝘪, 𝘯𝘢𝘨𝘢𝘭𝘪𝘵 𝘴𝘪𝘺𝘢 𝘯𝘢𝘯𝘨 𝘩𝘶𝘴𝘵𝘰. 𝘒𝘢𝘺𝘢 𝘪𝘱𝘪𝘯𝘢𝘵𝘢𝘸𝘢𝘨 𝘯𝘪𝘺𝘢 𝘴𝘪𝘯𝘢 𝘚𝘩𝘢𝘥𝘳𝘢𝘤, 𝘔𝘦𝘴𝘩𝘢𝘤, 𝘢𝘵 𝘈𝘣𝘦𝘥𝘯𝘦𝘨𝘰. 𝗗𝗔𝗡𝗜𝗘𝗟 𝟯:𝟭𝟮–𝟭𝟯

Ang utos ni Haring Nebucadnezar na sambahin ang rebultong ginto ay para sa lahat, kabilang na sina Shadrac, Meshac, at Abednego. Subalit hindi ito naging dahilan para talikuran nila ang kanilang pananampalataya sa Diyos at ang desisyon nilang sumamba sa Kanya lamang. Bagama’t naging pribado lamang ang pagpapakita nila ng paninindigan sa kanilang paniniwala, nais ng mga Caldeo na makakuha ng pabor mula sa hari at magdulot ng pinsala sa kanilang tatlo. Sinabi lamang nila ang kanilang desisyon na parangalan at sundin ang Diyos noong sila ay tinanong na ng hari. Balikan ang isang pagkakataon na may humamon sa mga pinaniniwalaan mo. Paano ka tumugon?

𝟮. 𝗣𝗶𝗻𝗶𝗹𝗶 𝗻𝗴 𝗺𝗴𝗮 𝗸𝗮𝗶𝗯𝗶𝗴𝗮𝗻 𝗻𝗶 𝗗𝗮𝗻𝗶𝗲𝗹 𝗻𝗮 𝘀𝘂𝗻𝗱𝗶𝗻 𝗮𝗻𝗴 𝗗𝗶𝘆𝗼𝘀 𝗸𝗮𝘆𝘀𝗮 𝗮𝗻𝗴 𝗵𝗮𝗿𝗶.
𝘕𝘢𝘯𝘨 𝘥𝘶𝘮𝘢𝘵𝘪𝘯𝘨 𝘴𝘪𝘭𝘢, 𝘵𝘪𝘯𝘢𝘯𝘰𝘯𝘨 𝘴𝘪𝘭𝘢 𝘯𝘨 𝘩𝘢𝘳𝘪, “𝘛𝘰𝘵𝘰𝘰 𝘣𝘢𝘯𝘨 𝘩𝘪𝘯𝘥𝘪 𝘯𝘪𝘯𝘺𝘰 𝘪𝘨𝘪𝘯𝘢𝘨𝘢𝘭𝘢𝘯𝘨 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘋𝘪𝘺𝘰𝘴 𝘢𝘵 𝘩𝘪𝘯𝘥𝘪 𝘬𝘢𝘺𝘰 𝘴𝘶𝘮𝘢𝘴𝘢𝘮𝘣𝘢 𝘴𝘢 𝘳𝘦𝘣𝘶𝘭𝘵𝘰𝘯𝘨 𝘨𝘪𝘯𝘵𝘰 𝘯𝘢 𝘪𝘱𝘪𝘯𝘢𝘵𝘢𝘺𝘰 𝘬𝘰? 𝘕𝘨𝘢𝘺𝘰𝘯, 𝘪𝘯𝘶𝘶𝘵𝘶𝘴𝘢𝘯 𝘬𝘰 𝘬𝘢𝘺𝘰𝘯𝘨 𝘴𝘶𝘮𝘢𝘮𝘣𝘢 𝘴𝘢 𝘳𝘦𝘣𝘶𝘭𝘵𝘰 𝘬𝘢𝘱𝘢𝘨 𝘯𝘢𝘳𝘪𝘯𝘪𝘨 𝘯𝘪𝘯𝘺𝘰 𝘢𝘯𝘨 𝘵𝘶𝘯𝘰𝘨 𝘯𝘨 𝘮𝘨𝘢 𝘪𝘯𝘴𝘵𝘳𝘶𝘮𝘦𝘯𝘵𝘰. 𝘋𝘢𝘩𝘪𝘭 𝘬𝘶𝘯𝘨 𝘩𝘪𝘯𝘥𝘪, 𝘪𝘱𝘢𝘱𝘢𝘵𝘢𝘱𝘰𝘯 𝘬𝘰 𝘬𝘢𝘺𝘰 𝘴𝘢 𝘯𝘢𝘨𝘭𝘢𝘭𝘢𝘨𝘢𝘣𝘭𝘢𝘣 𝘯𝘢 𝘩𝘶𝘳𝘯𝘰. 𝘛𝘪𝘯𝘨𝘯𝘢𝘯 𝘯𝘢𝘵𝘪𝘯 𝘬𝘶𝘯𝘨 𝘮𝘢𝘺 𝘋𝘪𝘺𝘰𝘴 𝘯𝘢 𝘮𝘢𝘬𝘢𝘬𝘢𝘱𝘢𝘨𝘭𝘪𝘨𝘵𝘢𝘴 𝘴𝘢 𝘪𝘯𝘺𝘰.” 𝘚𝘶𝘮𝘢𝘨𝘰𝘵 𝘴𝘪𝘭𝘢𝘯𝘨 𝘵𝘢𝘵𝘭𝘰, “𝘔𝘢𝘩𝘢𝘭 𝘯𝘢 𝘏𝘢𝘳𝘪, 𝘸𝘢𝘭𝘢 𝘱𝘰 𝘬𝘢𝘮𝘪𝘯𝘨 𝘮𝘢𝘴𝘢𝘴𝘢𝘣𝘪 𝘵𝘶𝘯𝘨𝘬𝘰𝘭 𝘥𝘪𝘺𝘢𝘯. 𝗗𝗔𝗡𝗜𝗘𝗟 𝟯:𝟭𝟰–𝟭𝟲

Noong sinabihan sina Shadrac, Meshac, at Abednego na sundin ang hari kaysa ang Diyos, tinutulan nila ito. Bagama’t nanatili ang pagpapakita nila ng paggalang sa pagsagot nila sa hari, pinanindigan nila ang kanilang paniniwala na ang Diyos lamang ang karapat-dapat na tumanggap ng pagsamba. Hindi nila ginantihan ang maling ginawa sa kanila o kaya ay hinamon sa gitna ng publiko ang mga Caldeo na may kagagawan ng lahat ng gulong kinakaharap nila. Alam nila na hindi ang hari ang dapat nilang sundin o pagkatiwalaan, kahit pa ang ibig sabihin nito ay kanilang kamatayan sa loob ng naglalagablab na hurno. Kapag ang ibang tao ay hindi sumasang-ayon sa ating paniniwala, dapat nating panatilihin ang ating paniniwala sa pagsunod sa Diyos habang ipinapakita ang pag-uugali na kumakatawan at nagbibigay karangalan sa Kanya. Ano ang sinasabi sa Mga Taga-Efeso 6:10–20 tungkol sa pagkakaroon ng kalakasan mula at para sa Diyos?

𝟯. 𝗠𝗮𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝗮𝗻𝗴 𝗗𝗶𝘆𝗼𝘀 𝘀𝗮 𝗺𝗴𝗮 𝗽𝗮𝗻𝗮𝗵𝗼𝗻 𝗻𝗴 𝗽𝗮𝗴𝘀𝘂𝗯𝗼𝗸.
”𝘒𝘶𝘯𝘨 𝘵𝘢𝘭𝘢𝘨𝘢 𝘱𝘰𝘯𝘨 𝘨𝘢𝘯𝘺𝘢𝘯 𝘢𝘯𝘨 𝘮𝘢𝘯𝘨𝘺𝘢𝘺𝘢𝘳𝘪, 𝘪𝘭𝘪𝘭𝘪𝘨𝘵𝘢𝘴 𝘬𝘢𝘮𝘪 𝘯𝘨 𝘋𝘪𝘺𝘰𝘴 𝘯𝘢 𝘢𝘮𝘪𝘯𝘨 𝘱𝘪𝘯𝘢𝘨𝘭𝘪𝘭𝘪𝘯𝘨𝘬𝘶𝘳𝘢𝘯 𝘮𝘶𝘭𝘢 𝘴𝘢 𝘯𝘢𝘨𝘭𝘢𝘭𝘢𝘨𝘢𝘣𝘭𝘢𝘣 𝘯𝘢 𝘩𝘶𝘳𝘯𝘰. 𝘐𝘭𝘪𝘭𝘪𝘨𝘵𝘢𝘴 𝘯𝘪𝘺𝘢 𝘬𝘢𝘮𝘪 𝘮𝘶𝘭𝘢 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘬𝘢𝘮𝘢𝘺. 𝘗𝘦𝘳𝘰 𝘬𝘶𝘯𝘨 𝘩𝘪𝘯𝘥𝘪 𝘮𝘢𝘯 𝘯𝘪𝘺𝘢 𝘬𝘢𝘮𝘪 𝘪𝘭𝘪𝘨𝘵𝘢𝘴, 𝘨𝘶𝘴𝘵𝘰 𝘯𝘢𝘮𝘪𝘯𝘨 𝘮𝘢𝘭𝘢𝘮𝘢𝘯 𝘮𝘰 𝘯𝘢 𝘩𝘪𝘯𝘥𝘪 𝘱𝘢 𝘳𝘪𝘯 𝘬𝘢𝘮𝘪 𝘮𝘢𝘨𝘭𝘪𝘭𝘪𝘯𝘨𝘬𝘰𝘥 𝘴𝘢 𝘪𝘺𝘰𝘯𝘨 𝘮𝘨𝘢 𝘋𝘪𝘺𝘰𝘴 𝘰 𝘴𝘢𝘴𝘢𝘮𝘣𝘢 𝘴𝘢 𝘳𝘦𝘣𝘶𝘭𝘵𝘰𝘯𝘨 𝘨𝘪𝘯𝘵𝘰 𝘯𝘢 𝘪𝘱𝘪𝘯𝘢𝘵𝘢𝘺𝘰 𝘯𝘪𝘯𝘺𝘰.” 𝗗𝗔𝗡𝗜𝗘𝗟 𝟯:𝟭𝟳–𝟭𝟴

Ipinakita ng sagot nina Shadrac, Meshac, at Abednego ang kanilang pagtitiwala sa Diyos. Magtitiwala sila sa Diyos na may kakayahang iligtas sila at magtitiwala pa rin sila sa Kanya kahit pa hindi Niya sila iligtas. Anuman ang mangyari, hindi sila luluhod at sasamba sa rebultong ginto. Nagpakita ang Diyos sa kanila. Hindi lamang Niya iniligtas ang tatlong kalalakihan mula sa naglalagablab na hurno, kundi sinamahan Niya sila sa gitna ng apoy. Nakita mismo ng hari ang pang-apat na tao na 𝘱𝘢𝘳𝘢𝘯𝘨 𝘥𝘪𝘺𝘰𝘴. Nang inutusan na sila ng hari na lumabas ng hurno, nakita ng lahat na hindi sila nasaktan. Dahil dito, pinarangalan ng hari ang Diyos at nagbigay siya ng bagong kautusan na walang sinumang maaaring magsalita ng laban sa Diyos. Kahit pa tila ang lahat ng mga sitwasyon ay kontra sa atin, ang Diyos ay nananatili sa gitna ng mga ito at ipinapakilala Niya ang Kanyang sarili sa mga tao sa paligid natin. Balikan ang isang pagkakataon kung kailan pinalaya ka ng Diyos mula sa isang tila imposibleng sitwasyon. Paano nito binago ang paraan kung paano mo nakikita ang mga pagsubok na kinakaharap mo ngayon?


𝗔𝗣𝗣𝗟𝗜𝗖𝗔𝗧𝗜𝗢𝗡
• Paano nakikita ng ating lipunan ang mga pribadong paninindigan at pampublikong mga 𝘱𝘭𝘢𝘵𝘧𝘰𝘳𝘮 o plataporma? Ano ang matututunan natin mula sa mga paniniwala at tugon ng mga kaibigan ni Daniel?
• Bakit mahalaga na panatilihin ang paggalang at pagbibigay karangalan kahit hindi tayo sumasang-ayon sa iba? Paano nito maaapektuhan ang layuning maakay sila tungo sa Diyos?
• Kasalukuyan ka bang dumaraan sa sitwasyon kung saan ang paniniwala mo ay sinusubukan at kailangan mo ng pagpapalaya ng Diyos? Tulad ng mga kaibigan ni Daniel, sino ang maaari mong makasamang manindigan sa iyong mga paniniwala at paano mo mapapanatili ang kagustuhan mong maparangalan ang Diyos?


𝗣𝗥𝗔𝗬𝗘𝗥
• Pasalamatan ang Diyos dahil kasama mo Siya sa mga panahong sinusubukan ang iyong pananampalataya at tila kontra sa iyo ang lahat ng sitwasyon. Ipanalangin na mapalaya ka Niya mula rito at kung hindi man Niya ito gawin, na manatiling matatag ang iyong pananampalataya sa Kanya.
• Ipanalangin na magkaroon ka ng karunungan at pagpipigil sa sarili kapag naninindigan ka para sa iyong sarili. Ipanalangin na makita ng mga tao ang presensya at pagkilos ng Diyos sa buhay mo.
• Ipanalangin na magawa mong manindigan kasama ang mga kaibigan na tutulungan kang mas magtiwala sa Diyos kahit sa gitna ng mahihirap na sitwasyon. Ipanalangin na sama-sama ninyong maranasan ang kalayaang dala ng Diyos.